Fyrir svefninn.

þetta á ekki að gerast núna, komið snarvitlaust veður
búið að snjóa í allan dag og nú vindar slíkt að engri
átt nær. Það er að koma apríl og á að koma hér vor,
en nei það er víst páskahretið eftir og vonandi er þetta
það.

Stelpurnar vinkonur mínar voru hjá mér í dag og var það
bara gaman, drukkum kaffi, borðuðum snittubrauð með
rækjusalati og spjölluðum og hér er ekki náunginn
baknagaður á neinn hátt.

Þar sem ég hef alltaf verið unnandi ævintýra þá er mér
tamt að vitna í þau, svo hafa verið lítil börn í kringum mig
í áraraðir svo maður er búin að horfa á nokkrar yndislegar
barnamyndir með þeim og það er bara það skemmtilegasta
sem ég horfi á.
Einnig að kynnast því hvernig þau túlka söguþráðinn.

Sumum finnst þetta voða asnalegt og vorkenni ég því fólki
því það á enga barnsgleði til og þá á það heldur ekki kærleikann
til að miðla börnum og barnabörnum.

Við vorum að skoða gamlar myndir hér í dag og þar komu myndir af
barnabörnum mömmu minnar er þau á öllum aldri voru í hattaleik,
það gerðist einu sinni á ári á gamlárskvöld í afmæli mömmu.
Þá voru teknir fram allir hattar sem gamla átti og síðan var farið í
hattaleik, þau tala ennþá um þetta krakkarnir.

Ekki vera alltaf að banna börnunum, leyfið þeim að njóta sín
á mínum bæ er leikið, sungið, farið í fimleika, dýnur út um allt,
öllu breytt á sófaborðinu og litlu borðunum og það er í lagi
og ef eitthvað brotnar þá bara fer það í tunnuna, þetta var
bara dauður hlutur hvort sem var.


Að hindra börn í útrás gleðinnar er að hindra þau í þroska
og þau fá eigi það sjálfstraust sem þau þurfa í veganesti
út í lífið.

Góða nótt kæru vinir

Athugasemdir

[Hólmdís Hjartardóttir, 25.3.2009 kl. 21:35]

góða nótt

[Guðrún Emilía Guðnadóttir, 25.3.2009 kl. 21:41]

Knús til þín

[Hilmar Gunnlaugsson, 25.3.2009 kl. 22:17]

Já Milla mín, börnin gefa manni margt. Sjálfur á ég eina fósturdóttur sem er að fara að fermast nú í Apríl og það þroskaði mig mikið að taka þátt í uppeldi hennar og vildi ég ekki hafa misst af því

[Auður Proppé, 25.3.2009 kl. 22:20]

[egvania, 25.3.2009 kl. 22:27]

Hér á einum vegg hangir skápur með skífu fyrir pílukast ég hef ekki tölu á því hve oft húsbandið mitt var búinn að spæsla vegginn og mála hann vitandi að á næsta ári endurtæki hann leikinn.

Ef þú kastaðir bolta og hittir á ákveðin stað á einum veggnum þá fékkstu stig.

Sessurnar úr sófanum og stólum voru einkar hentugar til húsbyggingar og svo má endalaust telja upp.

Öll heimili eiga að vera barnavæn

[Sigrún Jónsdóttir, 25.3.2009 kl. 23:16]

Góða nótt ljúfa kona

[Guðrún Jónína Eiríksdóttir, 26.3.2009 kl. 01:21]

Já,börn eru börn. Ég er oft barn og skammast mín ekkert fyrir það. Þeir fáu hlutir sem mér er ekki sama um og hafa mynningargildi þeir eru bara settir svo hátt upp á hillu að börnin ná ekki í þá.  Góða nótt.

[Ásgerður , 26.3.2009 kl. 07:00]

Góðan daginn frænka!

Já, maður verður að kunna að "leika" sér, og það er skemmtilegast með börnunum, ekki spurning.

Kærleikur á þig

[Guðrún Emilía Guðnadóttir, 26.3.2009 kl. 07:57]

Það er hjartnæmt að þú skildir fá að taka þátt í uppeldinu á fósturdóttur þinni, það er nefnilega því miður ekki sjálfgefið
Ljós í daginn þinn
Milla.

[Guðrún Emilía Guðnadóttir, 26.3.2009 kl. 07:59]

Auður mín knús á þig
Milla.

[Guðrún Emilía Guðnadóttir, 26.3.2009 kl. 08:04]

Einmitt Ásgerður mín hér er ekkert pílukast, bara stelpur en þær eru í fótbolta hér úti á sumrin.
Það eru aftur á móti svona stundatöflur á einum vegg inni í herbergi,
skólaleikur og púðar teppi og dýnur er afar vinsælt hjá mér.
Knús til þín ljúfust
Milla

[Guðrún Emilía Guðnadóttir, 26.3.2009 kl. 08:07]

Já það er nú eitt, húsagerðin, afar vinsæl, það er bara svo gaman að heyra hvað þau eru glöð.
Knús til þín ljúfust
Milla.

Ljós í daginn þinn Sigrún mín
Milla

[Guðrún Emilía Guðnadóttir, 26.3.2009 kl. 08:09]

Það er sama hér, ég á afar gamalt borðstofusett og því fylgir stórt
buffett og á því er allt sem er svona antik.
Allt hitt má brotna ef það á að gera það.
Knús til þín Dúna mín
Milla.

[Guðrún Emilía Guðnadóttir, 26.3.2009 kl. 08:12]

Sammála þér Ásgerður mín, með börnunum er skemmtilegast að vera þau eru svo einlæg.

Ljós til þín
Milla.