Klára þetta hús, engin spurning.

Hvaða hvaða, klárið nú húsið og hættið að pexa um einhverjar
krónur til eða frá.
Þessi bygging skapar vinnu, það er búið að kosta of miklu til, ef
það á svo að grotna niður þarna á hafnarbakkanum, eins og
svo margt annað.

Skil svo ekki þá röksemdarfærslu að húsið verði dýrara, ef krónan
helst á þessu plani sem hún er á núna, blessunin.

Hvað með öll önnur verkefni, verða þau ekki líka dýrari, allavega
verður minn bíll orðin að minnsta kosti miljón dýrari þegar ég verð
búin að borga hann, og þannig er það með allt sem er á lánum í
dag hvort sem er um okkur almúgann með húsin okkar, bílana,
aðrir með fyrirtækin, en ef flæðið stoppar þá fer allt til fjandans,
Ríkiskassinn fær ekkert inn í kassann, þeir fá bara allt draslið í
hausinn.

Svo þarf fólk ekki bara að vera á móti tónlistarhúsinu, að því að
það kostar of mikið það kosta allar framkvæmdir of mikið í dag.

Eigið svo góðan dag.

Tónlistarhús 650 millj dýrara

Athugasemdir

[Gúnna, 18.5.2009 kl. 08:29]

Heyr heyr - ég get allavega ímyndað mér að margir vildu fá vinnu við bygginguna - fyrir sanngjörn laun. Svo ætti að nota íslenskt efni í innviði og innréttingar hússins :)

Eigðu góða dag, með kærri kveðju úr sumarblíðunni í Mosó.

[Jónatan (IP-tala skráð) 18.5.2009 kl. 10:45]

Þú áttar þig á að það eru verkamenn í Kína sem setja saman glerhjúpinn utan um húsið, á þessum tímum er það frábært að ríkistjórnin beiti sér fyrir atvinnuskapandi verkefnum í Kína.  Til að skapa atvinnu hér á landi hefði verið best að láta rífa húsið, þá þyrftum við ekki að greiða með rekstri þess næstu árin.

   Það er líka ótrúlegt að Reykvíkingar geti ekki borgað þetta snobbhús sitt sjálfir heldur þurfi ríkið að skeina þeim með þetta

[Guðrún Emilía Guðnadóttir, 18.5.2009 kl. 11:09]

Já Gúnna mín það er gott að hugsa svona og Íslenskt á það að vera að svo miklu leiti sem mögulegt er.
Kærleik í Mosó
Milla

[Guðrún Emilía Guðnadóttir, 18.5.2009 kl. 11:12]

Auðvitað Silla mín og þetta verk er ekkert dýrar en önnur, öll verk eru háð lánum og þá verða þau dýrari vegna aðstæðna í þjóðfélaginu,en eins og þú segir þá verðum við að halda flæðinu.
Kærleik í Heiðarbæinn
Milla.

[Guðrún Emilía Guðnadóttir, 18.5.2009 kl. 11:16]

Jónatan ég veit allt um Kínverjana, glerið var keypt frá Kína og þessir menn koma til að vinna verkið vegna þess að þeir eru sér fróðir í því.

Að öðru leiti munu um 500 hundruð manns vinna í húsinu og við eigum það öll, ekki bara Reykvíkingar, SNOBB eða ekki snobb.

[Gummi (IP-tala skráð) 18.5.2009 kl. 14:41]

Hvað þarf svo að borga með þessum ófögnuði á ári þegar búið er að klára það, er það ekki um 1 miljarð á ári

[HAG (IP-tala skráð) 18.5.2009 kl. 15:44]

Það skapast líka störf við að rífa húsið

[Guðrún Emilía Guðnadóttir, 18.5.2009 kl. 20:00]

Það er engin sómi af því að henda peningum, og það mundi gerast ef húsið yrði rifið.