Var búin að lofa mér, en

Það er ekki hægt að þegja og segja eigi sína skoðun á málum, sumum. veit ég vel að þessi blessaða ríkisstjórn er að fara á límingunum, þegar það gerist hjá heilli ríkisstjórn eða bara mér almúganum, þá á maður það til að tjasla í götin þar til tjaslið brestur, akkúrat það sem mun gerast hér.

Alveg hissa á að þeir skulu ekki bara fara fram á að konur eigi börnin sín heima, sko mamma átti öll sín heima í sínu lága hjónarúmi, ljósan þurfti að krjúpa á gólfinu til að komast vel að mömmu, hún átti sitt síðasta árið 1958, ekki svo langt síðan, bara 50 ár,nú eða að flytja allar konur til Reykjavíkur, þær munu nú ekki allar ná þangað svo elskurnar á sjúkrabílunum munu verða í því að taka á móti, síðan snúa þeir bara við skutla móður og barni heim aftur, engin þörf á að heimsækja fæðingardeildina, foreldrarnir borga bara sjúkrabílinn, málið dautt.

Ef þeir hafa ekki gert sér grein fyrir alvörunni í þessum sparnaði sem er engin þá er þetta fólk ekki að vinna vinnuna sína heldur að tjasla upp í götin,þetta eru litlu börnin okkar sem um ræðir, veit ég vel að þau verða ekki mikið vör við hvað gerist, nema að þau lifi ekki svona fæðingu af, það hefur nú aldeilis gerst.

Þeir ættu að skammast sín ráðamenn, og hvað kosta allar þessar nefndir, sem svo ekki kunna að reikna út og hagræða, verða að fá hjálp sérfræðinga í öllum málum. Það er búið að skera svo niður í heilbrigðis geiranum, að hálfa væri nóg, en takið eftir ekki á réttum stöðum.

Ég vil þessa stjórn í burtu, þeir eru ekki að gera neitt
að viti fyrir okkur fólkið í landinu.

Hvað skildu þessir menn /konur hafa í desember-uppbót?
Ég sem ellilífeyrisþegi fékkum 13.000.
Svona er allt og þetta er til skammar.

Spara má með lokun fæðingardeilda

Athugasemdir

[Jóhanna Magnúsdóttir, 13.12.2009 kl. 08:26]

Mér finnst allur sparnaður sem lýtur að börnum og þeirra aðbúnaði vera árás á stoðir samfélagsins, börnin og þeirra heilsa ogaðbúnaður eru grunnurinn sem við byggjum á og ég skil hreint út ekki hvað verið er að pæla.

Systir mín starfar á leikskóla í borginni og þar eru menn að missa sig í sparnaði. Menn (Pólitíkusar)  þurfa að líta sér nær og hætta að skera niður í umbúnaði barnanna.

[Guðrún Emilía Guðnadóttir, 13.12.2009 kl. 08:45]

Þú kemur með það Jóhanna mín, sparnaðurinn er að fara út í tóma vitleysu.

[Sigurbjörg Eiríksdóttir, 13.12.2009 kl. 10:54]

Góð færsla Milla. Þetta er bara hrikalegt hjá stjórnvöldum. Þau eru sko sannarlega farin á límingunum.

Knús norður.

[Guðrún Emilía Guðnadóttir, 13.12.2009 kl. 12:24]

Svo sannarlega Silla mín

Knús í Heiðarbæinn