Datt í myndirnar mínar

Það er virkilega gaman að detta niður í gamlar myndir og rifja upp gamla tíma, samt er aldrei hægt að setja á blað tilfinningarnar, gleðina og svo margt annað sem maður upplifir.

Við í Réttó fórum í skólaferðalag er við vorum að klára annan bekk, sem þá hét svo fór maður í gaggó eða í landspróf, fórum vestur í Stikilshólm og ég gleymi aldrei þeim áhrifum sem ég varð fyrir, náttúran var svo mögnuð og Breiðafjörðurinn stórkostlegur með öllum sínum eyjum.

Því miður eru margar myndir sem ég tók ónýtar, en hér koma nokkrar.



Við erum sko flott, það var engin í ljótum jogging-galla á þessum
árum
Frá vinstri, Hannes, Hjálmar, Gulla Og ég, erum að borða ís



Þetta eru sko rútur í lagi með pluss-sætum (dúnmjúkum)

Svona var maður liðugur, sjáið mokkasíurnar, hvítu sokkanna
og svo var leðurjakkinn minn blár, ég var sko algjör gella

Ég Skari og Gulla á efstu myndinni, Skari Gulla og Hannes, Skari og
Hannes með Gullu á öxlunum, sitjum í brekkunni fyrir ofan höfnina

Þetta var æðislegt ferðalag man sérstaklega eftir einu afar fyndnu atviki,
 einn kennari sem  var með afbrygðum leiðinlegur, gekk ætíð með hatt,
það var smá gola er við sigldum út fjörðinn um kvöldið og auðvitað fauk
hatturinn af manninum okkur til ómældrar ánægju.

Athugasemdir

[Ásthildur Cesil Þórðardóttir, 11.3.2012 kl. 17:02]

Gaman að svona gömlum myndum Milla mín takk fyrir að deila þeim með okkur.  Já þú hefur verið algjör gella.

[Guðrún Emilía Guðnadóttir, 11.3.2012 kl. 17:55]

Eins og þú elskan manstu hvað það var gaman á þessum árum, ég elska þessi ár

[Ásthildur Cesil Þórðardóttir, 11.3.2012 kl. 19:24]

Já Milla mín þetta voru góð ár, og öll hin árin líka hjá mér

[Guðrún Emilía Guðnadóttir, 11.3.2012 kl. 21:41]

Já auðvitað voru öll okkar ár góð og þó eitthvað hafi bjátað á þá þraukaði maður það