Bloggfærslur mánaðarins, október 2007

Fyrir svefninn.

Þura í Garði gætti um skeið Lystigarðsins á Akureyri.
Einn morgun, er hún kom út í garðinn, sá hún,
að grasið var bælt á einum stað,
og þar fann hún buxnatölu.
                   Hún kvað þá:
                                 

                             Morgungolan svala svalar
                             syndugum hugsunum.
                             Sínu máli talan talar
                             --- talan úr buxunum.

                                  Góða nótt.


Segið þið svo að.

Segið þið svo að þeir bjargist ekki sem eiga að lifa.
Þetta er alveg yndislegt, það segir okkur líka hvað það er nauðsynlegt
að hafa börnin vel óluð í sínum stólum hvort sé um bíl
eða flugvél að ræða.
Til hamingju litli engill.Halo
mbl.is Þriggja ára stúlka lifði af flugslys
Tilkynna um óviðeigandi tengingu við frétt

Kemur manni á óvart.

Hvað er þetta eiginlega er ekki alltaf verið að hamra á að við
séum samkeppnishæf á alla kanta, svo ég tali nú ekki um
hvað allir hafi það gott efnahagslega, eða hitt þó heldur
að mínu mati.

Það þýðir ekki að sofna á verðinum.
Held að notaður sé of mikill tími í að pexa um hlutina.
Með fullri virðingu.Whistling


mbl.is Dregur úr samkeppnishæfni Íslands
Tilkynna um óviðeigandi tengingu við frétt

Líka hjá okkur.

Á Húsavík er vínbúðin rekin í sama húsnæði og hreinsun bæjarins.
Þannig að ef maður þarf að setja eitthvað í hreinsun þá verður maður
skilja börnin eftir heima eða úti í bíl, hvað þá að maður geti sent þau
fyrir sig, eins og væri hægt ef vínbúðin væri ekki þarna.

Nú kunna einhverjir að segja: ,,Hvaða tepruháttur er þetta,
en ef börnin alast upp við að það sé eðlilegt að fara í vínbúð,
þá finnst þeim það bara sjálfsagt er þau vaxa úr grasi."

Ég er nú svo lánsöm að það er afar sjaldan verið með vín í kringum mig.
Sjálf fer ég í ríkið 1-2 á ári, þá til að kaupa 1/4 úr flösku af rauðvíni,
og eða að kaupa púrtvín í sósuna.
Skal tekið fram að ég er ekki fanatísk á vín, mér finnst það bara
algjör óþarfi og hugsa aldrei um það.


mbl.is Áfengið er komið í matvöruverslanir
Tilkynna um óviðeigandi tengingu við frétt

Fyrir svefninn.

Stórbónda og héraðshöfðingja í Húnavatnssýslu var haldið
skilnaðarhóf, er hann hætti búskap og fluttist burtu úr sveit sinni.
Meðal gesta þar var Sveinn frá Elivogum,
og flutti hann bónda kvæði, mikið og vel ort.
Þar var þetta meðal annars og annað eftir því:

                                Ættarsvip af Agli ber 'ann,
                                orðaleikni Grettis sterka.
                                Spaki Njáll í anda er 'ann,
                                Ólafur pá til rausnaeverka.

Bóndi var stórglaður við kvæðið, rétti Sveini 100 krónur,
og var það mikil rausn á þeim árum.
Hann þakkaði Sveini vel fyrir og sagði: ,,Það er stærsti kostur
á þessu kvæði, að það er ekkert oflof."
                        Góða nótt.


Hræðsluskilaboð.

Verðum að taka þessum skilaboðum alvarlega.
Er ekki alveg að skilja hvað með því að  hervæða landið aftur???
Þó ég sé nú blá, ja eða ég veit eiginlega ekki hvað ég er að verða,
þá hef ég aldrei verið hlynnt her á  landi voru.

Það er ekki eins og Rússar séu að fara að ráðast inn í landið okkar.
Eru ekki fyrirboðar á slíku, það yrði nú aldeilis,
gæti svo komið annar her og rekið þá í burtu.
Gaman gaman fyrir suma, allir í sandkassaleik.
Fyrir 2árum síðan var ekki nein nauðsyn á her í landi voru,
en núna, hvað hefur breyst???
greinilega er okkur ekki ætlað að hafa háa greinda vísitölu
peðunum í þessu landi.

Það hvarflar að mér, á stundum að ég búi á Marz.


mbl.is Geir: Við verðum að taka skilaboð Rússa alvarlega
Tilkynna um óviðeigandi tengingu við frétt

Við verðum að setja mörkin.

Þetta tekur aldrei enda, þess vegna verðum við að setja mörkin.
Ég hef nú sagt það áður, að við erum löngu sofnuð á verðinum,
en það er aldrei of seint að viðurkenna mistök sín og snúa dæminu við.
Börn þurfa aga í einu og öllu.
Sem betur fer er ég búin að ala upp mín eigin,
en þá eru það litlu englarnir mínir, það þarf að fylgjast með þeim,
Þau fá að fara inn á leikjaland hjá mér undir eftirliti, síðan
leifi ég þeim að hlusta á You tube þá set ég lögin inn sjálf
svo hlustum við saman, auðvitað veit ég að fólk hefur ekki tíma
til að dúlla sér með börnunum, það eru allir að vinna úti
og svo þarf að hugsa um heimilið, eitt mjög gott ráð,
hafa ekki sjónvarp inni í herbergjum þeirra, Æ.Æ. nú verður allt vitlaust.


mbl.is Barnaníðingar koma sér fyrir í öðru lífi
Tilkynna um óviðeigandi tengingu við frétt

Ja Há!!!.

Maður er alltaf að komast að því betur og betur hvað margir
eru óábyrgir. Væri ekki ráð, að skilda verðandi Foreldra af fyrsta barni
á námskeið í því sem ekki má.
Þetta er að verða eins og í Ameríku, það þurfa að vera leiðbeiningar með öllu.
Ég leifi ekki einu sinni hundinum að vera í framsæti,
hvað þá barnabörnunum.


mbl.is Með tveggja ára barn í framsætinu
Tilkynna um óviðeigandi tengingu við frétt

Fyrir svefninn.

Á Siglufirði var maður nokkur að kenna stúlkum síldarsöltun og segir,
að þær eigiað láta hausana liggja saman á síldinni
og kviðinn snúa beint upp. Þá segir ein stúlkan:
                                    ,,Ég kann nú þetta, maður minn,
                                      mér hefur verið sýnt það oft."

Steingrímur Einarsson læknir, sem þar var nærstaddur, bætti við:

                                    ,,Að liggja svona kinn við kinn
                                      og kviðinn þráðbeint upp í loft."
            Góða nótt.


HVAÐ ER AÐ GERAST.

Að skoða þetta myndskeið  vekur hjá manni ugg, hvað er að gerast
úti í hinum stóra en dulda heimi.
Það hugar alltaf meir og meir að manni, að  maður veit ekki neitt,
hvað í raun og veru er að gerast, það er hægt að mata mann á hverju sem er,
maður hefur engin tök á að sannreina það sem manni er fært á silfurfati.
Hugsið þið ykkur alla barnaþrælkunina, þau eru send í námur, á saumastofur,
sem þrælar á búgarða og í kynlífsþrælkun og margt fleira.
Maður finnur til í hjartanu sínu þegar maður hugsar til alls þessa.


mbl.is Íslensk flugvél notuð við ólöglegan flutning barna
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband