Jæja komið að heimferð

Búin að vera fyrir sunnan í vetur og hafa það afar gott en nú er komið að heimferð, annars á ég svo sem hvergi heima svona í alvörunni en það gerir ekkert til því ég á svo góð börn og barnabörn.

Ætli þetta fari ekki að vera eins og í gamla daga er þurfalingarnir löbbuðu á milli bæja og fengu fæði og húsnæði í einhverja daga, allavega á meðan þeir höfðu einhverjar sögur að segja, nei í alvöru þá veit ég um fólk bæði ungt og gamalt sem er farið að þjappa sig saman eins og í komúnum til að spara pening og mikið er það gott ef þroskinn er nægur til þess og allir komi sér vel saman.

Ég er semsagt að fara heim til Húsavíkur á morgun og hlakka mikið til að hitta ljósin mín þar, englarnir mínir fara með, þær munu vinna á Fosshótelinu að Laugum í Reykjadal í sumar flott að vinna á þessum yndisfagra stað sem þær útskrifuðust frá fyrir 2 árum.

Svo nú er ég komin í sumarfrí frá blogginu sem ég hef nú ekki mikið verið á í vetur fyrst var það bilað hjá mér og svo hafði ég engan áhuga, en kannski verð ég meira vakandi í haust.

Kærleik inn í sumarið ykkar kæru vinir.

Spennan og spennufallið

Spennan var gífurleg í gær er ég var að bíða eftir því að vélin lenti og hvað mundi gerast, sem betur fer þá tókst þessi lending með ágætum og ber að þakka guði fyrir það, en ekki bara honum heldur kunnáttu áhafnar og allra þeirra sérfræðinga sem voru á jörðu niðri og gerðu allt til að þessi lending heppnaðis vel, en ég segi oft og hef gert í gegnum árin: "Við eigum bestu flugmenn í öllum heiminum og það má ekki gleyma flugfreyjunum sem vinna ómetanlegt starf við að hlú að fólkinu um borð heldur ekki björgunarsveitarfólkinu, Rauða krossinum, lögreglunni og öllum þeim sem koma að svona allsherjar útkalli.


Það er svo merkilegt með mig að er eitthvað gerðist og ég átti von á allt upp í 500 manns úr einhverjum hrakningum fór adrenalínið á fullt en ég varð að vera sallaróleg, fagmannleg og gefa þessu mishrædda fólki allt sem ég kunni og auðvitað gerði ég það, þegar svo allt var afstaðið fólkið farið með sömu vél eða annarri sem kom að sækja það þá kom spennufallið nú er ég bara að tala um hvernig mér leið, allir voru heilir líkamlega en sálartetrið hefur kannski ekki alveg verið komið í lag þegar fólkið fór.

Nú er ég bara að tala um sjálfan mig ekki allan þann fjölda af fólki sem í flugstöðinni vann og tók þátt í að gera allt sem hægt var fyrir fólkið.

Auðvitað hefði þetta sem gerðist í gær farið ver nú er allt var afstaðið þá varð mikið spennufall hjá mér og sat ég bara eins og hlessa í sófanum ég er löngu hætt að vinna, en þetta fer aldrei úr manni. Eins og er bý ég á Ásbrú í Reykjanesbæ og mér þykir það afar notalegt að heyra í vélunum fara í loftið og lenda það er eins og ég sé komin heim.

Eitt liggur mér á hjarta og það er fólkið í landinu getur það ekki skilið að slys eru háalvarleg nei allir þurfa að fylkjast að til að sjá, já sjá hvað? Ef þarna hefði orðið stórslys þá hefðu sjúkrabílar ekki komist leiðar sinnar með góðu móti því bílaröðin var aðeins inn á veginn báðum megin, þetta er eins með öll slys ( nema sjóslys því fólk kemst ekki að þeim) til dæmis þegar verður bílslys þá þurfa allir að stoppa og labba að slysstað og forvitnast og grobba sig svo að hafa nú komið að þessu, SKAMM skamm.

 

Lent heilu og höldnu

Höfum hreint í kringum okkur, líka í ruslinu.

Í Mbl.is í dag talar Guðrún Bergmann um dag jarðar sem er á morgun, en Dagur Jarðar var fyrst haldinn í Bandaríkjunum árið 1970. Sameinuðu Þjóðirnar gerðu daginn alþjóðlegan árið 2009.

Það er svo ótal margt hægt að tala um í sambandi við Dag Jarðar og eiginlega allt sem betur mætti fara því flest okkar hafa enga meðvitund um hversu illt við gerum jörðinni og sjálfum okkar í leiðinni.

Langar til að tala um ruslið sem til fellur frá heimilum okkar, ég veit vel að flokkun á rusli er ekki gæfuleg því sorpeyðingastöðvarnar setja þetta hvort sem er í einn haug sem fer síðan í brennsluofnanna kannski aðeins misjafnt eftir stöðum en að öllu jöfnu er þetta svona.

Í dag ók ég að ruslatunnunum hjá okkur hér var að henda rusli úr bílnum, mér ógnaði alveg umgengnin tunnurnar voru yfirfullar, pokar út um allt sumir opnir og flæddi ruslið út um allt, Dóra mín tók aðeins til, en tunnurnar voru yfirfullar svo ekki var mikið pláss til að koma pokunum ofan í og það þyrftu að vera fleiri tunnur fyrir allt þetta fólk hér, en því miður þá komast ekki fleiri tunnur í tunnustæðin.

Við gætum samt reynt að hjálpa svolítið til. Hjá okkur er það þannig að allt rusl sem er þurrt eins og blöð, pappaumbúðir fer í sér poka, glerkrukkur fara þvegnar í sérpoka og gefum við þær til þeirra sem eru að nota þær til nytsamlegra hluta, nú auðvitað notum við eitthvað sjálfar, þá er eftir allt sem er blautt og getur skemmst, það rusl fer í sér poka sem við hendum út á hverjum degi, með þessari tilhögun sem tekur enga stund hendum við út minna rusli dags daglega, nú fyrir rusladag förum við út með hitt ruslið.

Þið sem ekki hafið gert svona smá flokkun verðið afar hissa er þið sjáið hvað umfangið á ruslinu ykkar minnkar, svo er þetta bara gaman og allt verður svo hreint og fínnt í kríngum ruslatunnurnar.

Þetta er bara eitt af mörgu sem þarf að taka sig á í, það er með þetta eins og svo margt annað engin gerir það fyrir okkur

Gangi ykkur vel.

Er sleppan í útrýmingarhættu?

 

Nammi namm.

Já þeir eru NÁTTÚRLEGA búnir að vera að herða eftirlitið með netafjölda í sjó og ætla að gera betur, smá spæjaraleikur í gangi, ekki að ég sé ekki hlynnt honum margir eru eflaust að brjóta einhver lög en að setja einhvern kraft í þetta núna er ég ekki að skilja vantar mönnum á fiskistofu meiri vinnu það kostar heilmikla peninga að auka við eftirlitið eða er það ekki,  varla vinna þessir menn kauplaust.

Væri kannski nær að nota peningana sem fara í þetta eftirlit í eitthvað annað þarfara en að spæja og svo dæma menn fyrir svona smotterí, margir menn/konur sem eru á sleppu eru bara að reyna að  bjarga sér og sínum

Það er þetta með ábendingarnar, hvers konar vinir eru það á bryggjunni sem senda ábendingar get alveg sagt ykkur það, það eru falskir afbrýðissamir vinir sem aldrei verða vinir aftur, þeir halda að engin viti hverjir þeir eru, en mesti misskilningur hjá þeim allir vita það

Man er ég var að alast upp í Reykjavík, pabbi fór alltaf að kaupa fisk af trillukörlunum sem voru með trillurnar sínar við Ægissíðuna sem það nefnist í dag, en það var ætíð sagt að nú skryppum við út á nes, þarna var allt keypt sem úr sjónum kom því við vorum afar mikið fyrir að prófa eitthvað nýtt.

Rauðmaginn var og er lostæti og svo er sleppan var orðin vel sígin þá var hún borðuð með kartöflum og mikil svaka veisla var það alltaf.

Nú þar sem allt er að fara inn í torfbæina aftur má þá ekki bara hafa þetta svona að hluta til allavega, margir fara og kaupa beint af bónda eru ekki fiskimenn fiskibændur?

Góðar stundir

 

Eftirlit með grásleppuveiðum hert

Ferming, léttir og myndir

1 apríl fermdist hún Bára Dís mín hún er dóttir Írisar og systir Hróbjarts míns. Ekki fór ég í kirkjuna vegna mála sem ég nefni ekki hér, kannski létti ég á mér og segi þá sögu, en ekki núna.

Komst að því að það er svo auðvelt að hitta fólk hvort sem mér líkar við það eða ekki ég hef það bara í huga að það er ég sem ræð hverjum ég sýni hlýju og hverjum ég sýni kurteisi svona eins og ég þekki fólkið ekki neitt og mundi aldrei heilsa því fyrir utan svona atburði eins og fermingar, giftingar, skýrnir og annað þvíumlíkt.

Hitti fullt af góðum vinum sem ég hafði ekki séð lengi og það var æðislegt, maturinn var góður og allt viðmót alveg eftir bókinni rétt eins og vera ber á degi barnsins.

Kom mér samt á óvart er heim kom hvað fólkið sem ég þekki ekki neitt í dag snerti mig ekki ég mundi bara eftir þeim sem mér þykir vænt um.

Jæja hér koma nokkrar myndir og þau sem birtast þar elska ég afar mikið



Bára Dís mín svo falleg þessi elska



Sigrún Lea, Hróbjartur og Guðrún Emilía
Þau eru fæddir vinir



Fallegu stelpurnar mínar Bára Dís og Viktoría Ósk

Sigrún Lea að vera góð við frænku sína, eða hvað?



Fallegustu Kamilla Sól og Lóan, Þær eru æði

Bára Dís og Guðrún Emilía, smá grettukeppni í gangi



Sjáiði prakkarasvipinn, svo er hún algjör bræðari Lóan litla



Aþena Marey, Bára Dís, Guðrún Emilía og Viktoría ósk



ætíð stutt í glensið hjá þeim



Hróbjartur og Aþena Marey að spila saman, yndislegt

þessi mynd er yndisleg, en það vantar fjögur af mínum barnabörnum
vonandi náum við mynd af þeim saman næst er við hittumst öll.

 Svona minningar verða ekki frá mér teknar, elska ykkur
 Hjartans barnabörnin mín

 

Myndablogg

Dóra mín fór í myndaleit í gær, fengum skemmtilegar stelpur í heimsókn sem eru vinkonur Dóru frá unga aldri og það var náttúrlega farið að skoða myndir, Dóra fann þessar fyrir mig

Yndisleg mynd af Möggu bestu vinkonu minni sem kvaddi þessa
vídd allof snemma síðan er Jenný og Vala mín góða vinkona systir
Möggu. Held að Jenný sé nú að fíblast með þessa Wiský flösku

Dóra mín 3 ára á barnum í gömlu flugstöðinni (Að ég held)
Pabba mínum fannst vissara að venja hana við frá unga aldri,
en mér sýnist hún vera smá hrædd.



Tekið á jólum 1976 Íris, Milla, Fúsi og Dóra

Fúsi og Milla að leika sér með bíla og dúkkur

Milla og Fúsi þau eru að leika sér í sjónvarpshorninu



Sölvi Steinn brosir alveg eins og pabbi sinn, sko Fúsi minn
á Sölva Stein



Eina mynd hjá jólatrénu áður en farið er að sofa

Dóra með Millu og Fúsa á fermingardaginn sinn, þau létu ekki vel að stjórn

Milla og Fúsi með ömmu sinni á fermingardegi Millu.

Milla og Fúsi í Millu herbergi



Milla mín svo flott á fermingardaginn, hún valdi sér
reirhúsgögn í fermingargjöf og ég er með súluna í dag
hún er stráheil og æðislega falleg.

Gaman að þessum myndum.
Knús á línuna

Hver eru laun þessa manns?

Hjúkrunarheimili á höfuðborgarsvæðinu hefur farið fram á gjaldþrotaskiptameðferð heimilismanns vegna ógreidds dvalarkostnaðar og verður sú beiðni tekin fyrir fljótlega í Héraðsdómi Reykjavíkur. Þetta kemur fram í grein sem Gísli Páll Pálsson, formaður Samtaka fyrirtækja í heilbrigðisþjónustu, ritar í blaðið í dag.

Er ekki allt í lagi með þetta fólk sem tekur inn eldri borgar á sín eldriborgara heimili, nei þetta kerfi er ekki í lagi, að mínu mati er það stjórn heimilisins að athuga hvort viðkomandi aðili hafi efni á að greiða mánaðargjald upp á 311.741 krónu á mánuði.

Er fólk bara tekið inn án þess að kanna stöðu þess og eða heilsu, það er eitthvað meira á bak við þetta sem við fáum ekki að vita, móðir mín var á hjúkrunarheimili og leigan fyrir það var tekin að lífeyrirnum áður en hún fékk afganginn sem reyndar var ekki mikill en hún þurfti ekki sjálf að borga leiguna fyrir að fá að vera þarna.

Þessi maður er 70 ára og ætti að geta séð um sín mál, nema að hann sé eitthvað veikur og þá hefðu einhverjir átt að grípa inn í og sjá til þess að svona færi ekki fyrir manninum.

Er einhver venjulegur maður með þær tekjur að geta borgað 3.7 miljónir á ári í leigu ég segi venjulegur það erum við peðin í þjóðfélaginu hinir sem eru mjög margir geta borgað fyrir þann lúxus sem hlýtur að fást fyrir leigu upp á 3.7 á ári

Ég er ekki að skilja, er það nöturlegt fyrir þann aðila sem sér um manninn að þurfa að fara út í þessar aðgerðir, get ekki séð það, það á að byrgja brunninn áður en barnið dettur í hann.

 

Heimili biður um gjaldþrot

Gleðidagar

Það er með þessa gleðidaga sumir finna ekki fyrir þeim nema einstaka sinnum, en þeir eru alltaf hjá mér sumir dagar bara toppa aðra eins og þegar við stelpurnar á þessu heimili fengum bréf í vikunni sem leið frá Aþenu Marey litla ljósinu mínu á Húsavík og amma varð svo glöð að ég er búin að vera í sæluvímu síðan.

Í bréfinu voru myndir sem hún hafði teiknað sjálf og kallar teiknistílinn kassafólkið, litirnir og öll smáatriði í myndunum segir manni svo vel hvað hún elskar okkur mikið.

Set hér inn myndirnar, en fyrst eina af henni.



Þarna er hún að stjórna afmælissöngnum í sínu afmæli, alltaf með
allt á tæru þessi stelpa mín.



Fyrst er amma og síðan Dóra frænka

Neró er fyrstur svo Sigrún Lea og Guðrún Emilía, þessi mynd er
tær snilld, Neró með hjartað á réttum stað og stelpurnar í
allri sinni litadýrð og sjáið skóna þeir segja svolítið mikið.
Myndirnar fóru strax á ísskápinn til að gleðja okkur alla daga


Takk elsku Aþena Marey mín við elskum þig mjög mikið.

Fjólublátt Marsmallows

Dagurinn hjá mér byrjaði bara vel kl 8 í morgun, allt gekk sinn vanagang síðan er allir voru komnir á fætur klæddir og uppdúllaðir Ætluðum við Dóra niður í Keflavík á dagskrá hjá Dóru var að þvo bílinn og svo aðeins í búð, hún var farin niður með Neró og ég ætlaði inn í herbergi að ná í gollu, dett ég þá ekki svona líka hrikalega á skáp sem er á ganginum allt á gólfið sem var á honum og ég líka því það heldur engin skápur svona frjálslega vaxinni konu eins og ég er, þetta var slæmt fall, hafið þið nokkru sinni fengið Marsmallows í fjólublárri litaflóru, ég meina sko að Marsmallows dúar er þú klípur í það svo leiðis er hnéð á mér ásamt opnu sári, öklinn er sár og mátti hann nú ekki við því ofan á elsku giktina, hægri öxl er ekki góð en þakka bara fyrir að hafa ekki brotnað,

Englarnir mínir komu hlaupandi hundur og kisur vissu ekki hvað var að gerast með ömmu gömlu það var öskrað á Dóru að koma mér dröslað á lappirnar og í stofusófan þar sem gert var að sárum mínum, ég ætlaði víst í bæinn þó ég væri stórslösuð rugluð í hausnum öskureið og allt það þið vitð nú alveg hvað maður verður reiður þegar svona gerist, en það var ekki hlustað á það frekar en annað sem ég er að reyna að segja, svona yfirleitt

Ég ætlaði ekki að leggja mig en fór samt inn í rúm bara til að jafna mig steinsofnaði og vaknaði kl 5.30 öll lurkum laminn.

Málið er að ég er með það sem þeir kalla sleppifót og þarf ég að fá spelkur, fannst það nú ekki par fínnt hér fyrir nokkrum árum svo ég humaði það fram af mér eins og svo margt annað, en núna verð ég víst að brjóta odd að pjatti og fá mér spelkur en verð að taka það í sátt og elska þær

langar til að bæta í flóruna

Datt niður á gott blogg í gær er ég var að fletta upp upplýsingum um Chlorella sem er grænþörungur. Bloggsíðan sem kom upp á Anna Björg Hjartardóttir og vona ég að hún fyrirgefi mér að ég taki nokkrar línur hjá henni og birti þær hér.

Að hreinsa líkamann af eiturefnum er ekki svo létt, en þekktar árangursríkar aðferðir eru til og að auki vel rannsakaðar. Chlorella sem er grænn þörungur og Spirulina blágrænn micro þörungur eru öflugust í þeim tilgangi vegna yfirburða magns af blaðgrænu auk annarra bráðhollrar samsetningar af vítamínum og steinefnum. Japanir eru vel að sér um þessi mál því þeir eru mjög á varðbergi gagnvart eiturefnum og geislunum. Þegar kjarnorkuslysið var í Fukoshima í fyrra þá kláraðist í Japan öll Chlorella og Spirulina, því fólk keypti þessi fæðuefni til að hreinsa líkamann eins og hægt væri af geislunum.

Takk fyrir mig Anna Björg.

þetta er alveg hárrétt og Japanskar þaratöflur seldust líka upp, en ég hef sérlega gaman að segja frá því að íslenskar þaratöflur voru notaðar í stórum stíl, bróðir minn sem býr í Japan flutti þær út og fór til hamfarasvæðanna í kringum Fukoshima og gaf fólkinu þar töflurnar ásamt mat og öðrum nauðsinjavörum, fólkið sem varð verst úti og er en illa statt komst ekki í búð til að kaupa sér Chlorella og eða Spirulina heldur ekki neitt af neinu tagi.

Á þeim svæðum sem ekki urðu mjög illa úti átti fólkið aðgang að sinni vinnu og bönkum svo það gat farið og keypt sér það sem það þurfti, en á hamfara svæðunum var ekki neitt hvorki matur, hús, bílar, bátar hvað þá hreinlætisaðstaða fólkið var sturlað af hræðslu búið að missa allt.

Einnig gaman að segja frá því að um jólin fór bróðir minn  kona hans og fólkið þeirra og héldu veislu fyrir um 1000 manns, eldaður var matur, fólk fékk pakka skemmtikraftar tróðu upp og margt annað var í boði eins og heilun og nudd.

Ætla nú ekki að missa mig í þessu, en verð að segja frá því að Japanar eru þrautseigt fólk og þeir munu vinna sig út úr þessum erfiðleikum þó sárir hafi þeir verið.
Frið á jörð

Breytingarnar í lífi mínu

Þegar maður hugsar tilbaka og fer yfir líf sitt þá eru náttúrlega breytingarnar margar, sem betur fer hef ég ekki alltaf verið inni í rammanum sem kakkað er, þoli ekki svona ramma sem aðrir segja að séu réttir og maður verði að fylgja þeim, hvað með það þá með hverri breytingu fær maður smá sjokk og tekur bara á því sem komið er.

Dettur í hug er ég byrjaði á blæðingum, var nýorðin 11 ára komandi af skátafundi og hélt að ég væri alvarlega veik, eigi sagði ég mömmu neitt, svo kom fyrsti skylnaðurinn minn það var nett sjokk að uppgödva það að  ástin sem ég taldi mundu vara út ævina var bara aldrei nein ást, síðan hjónaband númer tvö sem var eitt sjokk í 27 ár, á þeim árum fór skjaldkyrtillinn að bögga mig, en það var nú ekkert mál því ég höndlaði það sjálf, nú sjokkið við að heyra það 50 ára að ég gæti ekki unnið meir vegna bak veikinda Neiiiiiiiiiiiiiiiiiiiiiiiii hlustaði nú ekki á svoleiðis vitleysu og hélt áfram að vinna fór að vera með manni sem gekk ekki, vitiði að karlmenn eru egóistar en auðvitað við einnig
Sjokkið við að fá hjartaáfall var svolítið slæmt var ekki alveg að taka því og það tók ár að komast ofan á það að eina sem til væri í stöðunni væri að fá gangráð, allt hefur gengið sæmilega með það enda með færustu lækna í heimi hér á Íslandi.

Tekur því varla að tala um þá smámuni að ég get ekki haldið heimili, á aldrei neinn afgang til hvorki eins eða neins, sleppi því bara er það ekki bara ein þöggunin í landinu hvernig fólk hefur það, annars er ég þakklát því að ég á það sem er ekki sjálfgefið og það eru góð börn.

Fór í mína hefðbundnu blóðrannsókn í síðustu viku, læknirinn hringdi og tjáði mér að ég væri komin með of hátt kólestrol, hafði aldrei verið með það áður svo þetta var eitt sjokkið í viðbót, en auðvitað tek ég á því eins og öllu öðru, Tek það sko fram að ég er ekki að kvarta því svo margir hafa það ver en ég bæði heilsufarslega og fjárhagslega, ég er bara mjög hamingjusöm með allt þetta góða fólk í kringum mig þá er ég að tala um börnin mín tengdabörn og hjartans barnabörnin mín, ég er afar rík kona.





Auðvitað má ég ekki gleyma dýrunum okkar Neró, Jano og Ume.

Kærleik í daginn ykkar

Allt að gerast á Húsavík

 

Sigurður Kristjánsson grásleppukarl á Von ÞH. mbl.is/Hafþór Hreiðarsson

Já það er allt að gerast grásleppuvertíðin byrjar í yndislegu veðri og
lífið eykst á hafnarsvæðinu, sem er bara frábært, sjáið líka þessa
yndislegu mynd með fallegustu kirkju landsins í bakgrunni ásamt
Húsavíkurfjalli, Húsavík og umhverfi hans er það fallegasta sem
til er.

Nú svo koma Vaðlaheiðagöngin, uppbygging á Bakka og margt annað
sem tilheyrir svona framkvæmdum, það verður fjör á svæðinu,
eða eru menn ekki bjartsýnir?

Líflegt í Húsavíkurhöfn

Til að spara ríkinu peninga

Þá væri alveg þjóðráð að banna bara áfengi á Íslandi, það hefur nú verið gert áður. Breyta öllum pöbbum í kaffihús, senda alla þá sem eru orðnir háðir víni í meðferð það hlýtur að vera ódýrara heldur en kostnaðurinn við lögvaldið okkar kæra.

Nú allir þeir sem eru í annarlegu ástandi fari beint í  fangelsi Æi var búin að gleyma að það þarf að byggja þau, en ekkert mál notum bara staði eins og svefneyjar og þau eyðibýli sem eru íbúðarhæf út um allt land, hvað segið þið starfsfólk? það getur nú bara verið í lágmarki rétt eins og fólkið í heilbrigðisgeiranum, enda við bara rotturnar í þjóðfélaginu sem allt er nógu gott fyrir.

Að senda fólk án dóms og laga í fangelsi er víst ólöglegt, en þeir verða ekki lengi að setja ný lög tekur bara eina kvöldstund.

Alveg er ég viss um að lögreglan verður óþörf á nóttunni, nema bara nokkrir á vakt og þeir gætu bara annaðhvort sofið eða horft á sjónvarpið eins og þeir gátu gert hér áður og fyrr því það var ekkert að gera.

Fyrir peninginn sem sparast getum við hlúð að þeim sem minna meiga sín, væri kannski hægt að hrúga okkur saman í blokkir sem standa auðar því Íbúðarlánasjóður losnar ekki við þær eftir að vera búnir að taka þær af fólki.

Aðallega var ég að hugsa um hag ríkisins þar sem virðist að við rotturnar séum of þurftafrekar að  endalaust þurfi að herja á okkur með hækkun skatta og lækkun launa vegna minnkandi kaupgetu.

Njótið sunnudagsins elskurnar

Annir vegna ölvunar og óláta

Myndablogg

Hér koma myndir af mömmu, pabba, Gudna bróðir og öðru fólki.
Þau eru að fara í útreiðatúr.




Þetta er á Gunnarsstöðum í Þistilfirði



Guðni litli bróðir minn, fílar sig vel í nýslegnu heyinu



Þarna eru pabbi, Gudni bróðir á hestinum, Silla og að ég held Raggi


 Erum komin í Þórsmörk, séð yfir Húsadal og svo eru strákarnir úr
flugbjörgunarsveitinni sitjandi í afslöppun uppi í brekku



Rútan með eldra fólkinu festist úti á Krossánni og það þurfti að selflytja
fólkið yfir í hina rútuna, til þess þurfti það að fara yfir húddið og inn í hina
rútuna, eigi var þetta auðvelt þar sem allar konurnar voru í pilsdrögtum
Það var ekki farið í ferðalag öðruvísi, við þessar yngri vorum í gallabuxum



Búið að koma öllum í land og rútunni líka, eins og allir vita hefur
Krossáin tekið nokkra bíla í gegnum árin



Rútubílstjórarnir okkar þaulvanir menn. þessi ferð var æðislega
skemmtileg, þetta var Belgjagerðar-ferðalag

Talið manninum til málsbóta, AÐ

 Að hann hafði leitað sér sérfræðiaðstoðar í því augnamiði að breyta hegðun sinni, breyta henni yfir í hvað, kannski að taka færri myndir eða framkvæma svona glæpi sjaldnar, svei mér þá ef ég hef nokkurn tímann heyrt annað eins rugl.

Bara gott ef maðurinn hefur leitað sér aðstoðar, en það á ekki að vera honum til málsbóta að mínu mati. Það ber að fullrefsa þessum mönnum, fæstir hætta þeirri kynferðisáráttu sem í þeim býr.
Trúlega eru þessir menn sjúkir og það getur tekið áraraðir að hjálpa þeim ef það er þá hægt.

Maðurinn var dæmdur í 5 mánaða fangelsi, en 3 eru skilorðisbundnir, til skammar þessi dómur.

Hvað með þessar myndir, er hann búin að selja eitthvað af þeim setja þær inn á netið og hvað þá, hvað gerist með sálarlíf þessara stúlkna.

Maðurinn hafði áður gerst sekur um samskonar brot, fékk hann ekki dóm þá eða leitaði hann sér ekki hjálpar í það skiptið?  hvað með það, þá hefur hann ekki látið af fyrri yðju og mun aldrei gera.

Myndaði barnunga frænku sína nakta

Hefur nokkur heyrt þesslega frétt áður

Jú ég og margir aðrir sem eru orðnir dauðleiðir á svaka fréttum um þetta og hitt sem er alveg að koma og á að skapa atvinnu hjá okkur norðan heiða, hvað gerist svo?

Það sem gerist er að stjórnvöld, (við skulum segja hver sem þau eru) koma í veg fyrir framkvæmdir með einhverju rugli og bulli, engin áhugi á að koma upp atvinnuvegi í Norðurþing, merkilegt, en það er ætíð talað um ( á fundum og öðrum hitting hjá stjórnvöldum og heimamönnum) að það þurfi að koma eitthvað annað en verið er að tala um hverju sinni, allir vita nú hvaðan sú setning kemur hún er nefnilega búin að vera fræg í nokkuð mörg ár. Stjórnvöld eru búin að hafa nokkur ár til að finna þetta annað fyrir okkur, en eru ætíð að minnast á það sem er þegar komið Það er ferðamennskan og allt sem henni tilheyrir, sem er mikill sómi af, en engin lifir af henni allt árið.

Skora á alla sem þurfa að koma að þessum málum hvort sem það verður Állinn eða Kísilkúrinn að landa þessu, nú annars flytja margir í burtu.

„Viljum fara að búa til störf“

Datt í myndirnar mínar

Það er virkilega gaman að detta niður í gamlar myndir og rifja upp gamla tíma, samt er aldrei hægt að setja á blað tilfinningarnar, gleðina og svo margt annað sem maður upplifir.

Við í Réttó fórum í skólaferðalag er við vorum að klára annan bekk, sem þá hét svo fór maður í gaggó eða í landspróf, fórum vestur í Stikilshólm og ég gleymi aldrei þeim áhrifum sem ég varð fyrir, náttúran var svo mögnuð og Breiðafjörðurinn stórkostlegur með öllum sínum eyjum.

Því miður eru margar myndir sem ég tók ónýtar, en hér koma nokkrar.



Við erum sko flott, það var engin í ljótum jogging-galla á þessum
árum
Frá vinstri, Hannes, Hjálmar, Gulla Og ég, erum að borða ís



Þetta eru sko rútur í lagi með pluss-sætum (dúnmjúkum)

Svona var maður liðugur, sjáið mokkasíurnar, hvítu sokkanna
og svo var leðurjakkinn minn blár, ég var sko algjör gella

Ég Skari og Gulla á efstu myndinni, Skari Gulla og Hannes, Skari og
Hannes með Gullu á öxlunum, sitjum í brekkunni fyrir ofan höfnina

Þetta var æðislegt ferðalag man sérstaklega eftir einu afar fyndnu atviki,
 einn kennari sem  var með afbrygðum leiðinlegur, gekk ætíð með hatt,
það var smá gola er við sigldum út fjörðinn um kvöldið og auðvitað fauk
hatturinn af manninum okkur til ómældrar ánægju.

Hvað réttlætir ofbeldi, ekkert.

Ég geri mér alveg grein fyrir því að fólk ert sært, reitt, bugað og veit ekkert hvað það á að gera, en fyrirgefið er ofbeldi lausnin, nei þið sem jafnvel hafið hugsað ykkur að framkvæma ofbeldi af einhverjum toga, endilega ekki því það bitnar bara á ykkur sjálfum þið fáið dóma og fólkið ykkar er enn ver sett en áður.

Ég er sjálf í þessum pakka þannig að ég skil, en tók ákvörðun um að halda þetta út það er ekki auðvelt, en skal takast á endanum.

Ég er sammála Þór Saari að það vantar nýja stjórn, en vona að hann komist aldrei til valda á okkar háa Alþingi

Hann segir.

Hér á landi hefur smátt og smátt verið að byggjast upp ákveðið ástand, ástand örvæntingar, vonleysis og reiði sem hjá þúsundum manna er komið á hættulegt stig, ástand sem mun ef svo fer sem horfir sennilega hafa áframhaldandi ofbeldi í för með sér.

Engin talar svona til fólksins, málin eru viðkvæm fólk búið að missa allt og getur varla brauðfætt börnin sín, svo ég tel það ekki rétt að ýta undir ofbeldi hjá fólkinu.

Ég vil fá kosningar og það strax

Árásin kemur Þór ekki á óvart

Brosti í kampinn

Ekki að ég væri að gera grín af náttúruhamförunum, alsekki, en fannst það skondið að við norðanmenn og sunnanmenn skildum hristast saman þó eigi hafi ég fundið neinn hristing búandi á Húsavík en er stödd núna í Reykjanesbæ, en skjálftarnir fundust víst á hvorugum þessara staða.

Kom upp í huga mér hvort það væri verið að hrista N & S menn saman svo þeir mundu fara að leysa þau brýnu mál sem liggja fyrir að gera, nei nei ég er alsekki að setja út á menn/ konur hvað þá að segja að allir séu ekki að gera sitt besta og guð hjálpi mér ef ég væri að bera það á borð að fólk væri að skara að sinni köku til að halda í stólanna,Hvaða stóla, Humm????????????????????? og að þeir sem enga stólana eiga komist hvorki lönd né strönd fyrir þeim sem eiga stóla, tel samt að ég og aðrir landsmenn eigi þessa umræddu stóla hverjir svo sem þeir eru.

Náttúruhamfarir eru ekkert grín og jarðskjálftar gera að sjálfsögðu ekki út um nein mál, en vonandi fara stólamenn að huga að alvarleikanum hjá fólkinu í landinu.

Svo vona ég til guðs að ekki komi til alvarlegri  hamfara, en árið er ekki búið, bara rétt að byrja

Fáir eftirskjálftar í nótt

Kann fólk enga háttvísi

Eða þannig, mér finnst fólk almennt vera vont við hvort annað, þú opnar blöðin sérð ekkert nema ljótar fréttir sem einkennast af ljótum orðum, ásökunum og einhverju sem segir, ég skal sko ná mér niður á þér/ykkur hvað sem það kostar. Ein setning sem ég hjó í var: " Við unnum, sættu þig bara við það" Þeir sem vinna í dag eru ekki við láglaunafólkið, nei það eru toppar á móti toppum, eða þeir sem telja sig toppa.

Netheimar loga af neikvæðni, ljótum orðum, hefnigirni og ég spyr hverjum er það til góðs, engum bara þeim sem framsetja það til ills og vansa oft er nefnilega fólk að kenna fólki um sem á enga sök eða sök hefur ekki verið sönnuð.

Fólk fær skítkast á sig í allri þjónustu sem það þarf að nota þó langt sé frá því að allir séu þannig, enda er maður svo glaður að fá góða þjónustu að maður lætur vita af henni, það verður nefnilega að láta vita af þessu góða svo þetta illa nái ekki yfirhöndinni.

Hugsið um hvað það eru mörg börn og unglingar á facebook t.d, þau lesa allan ósómann leggja saman 2+2 og fá út 5. ætla bara að vona að unga fólkið okkar sé svo bráðgert að það sjái í gegn um þessa vitleysu alla.

Veit ég vel að sum mál sem þarf að tala um útheimta hvöss og siðlaus orð og það er í lagi svo fremi sem við höldum okkur innan rammans, ég er ekki hrifin af römmum, en stundum verður fólk að vera innan hans og úrskíra vel fyrir börnunum sínum hvað um ræðir, þarf ekki að fara nánar út í það, allir vita sem vilja vita.

Hvernig væri að við tækjum okkur saman og hugsuðum áður en við skrifum.

Kærleik á línuna