Lífið er breytingum háð, hvað annað?

Já svo merkilegt sem það er þá ráðum við eiginlega litlu um hvar við búum og endum. Ég til dæmis fæddist í Vesturbænum, fluttist síðan í Laugarnesið, Elliðavatni, Voganna, Freyjugötu aftur í Laugarnesið, en þá var ég nú eiginlega flutt að heiman, tvö ár í lýðháskóla í Svíþjóð, síðan í Bretlandi, Þórshöfn á Langanesi, Reykjavík, Sandgerði, Reykjavík, Ísafjörð, Húsavík og nú er ég trúlega að flytja í Reykjanesbæ allavega í vetur, ætla nú ekki einu sinni að hugsa, hvað þá úttala mig um hvar ég verð næsta vetur, því aldrei ætlaði ég að flytja frá Húsavík, en svona æxlast lífið hjá manni, svo það er best að segja ekki neitt.

Á eftir að sakna ljósanna minna hér, náttúrunnar og bara svo margs, eins og sjúkraþjálfunarinnar, sem er einstök, Heilsugæslunar sem hefur yfir að ráða yndislegu fólki, en í staðin verð ég hjá Dóru minni og englunum mínum og rétt hjá þeim búa þau Fúsi minn og Solla mín með sín yndislegu fjögur börn, svo mér á ekki eftir að leiðast, á einnig allt mitt fólk og vini á stór-Reykjavíkursvæðinu.

Nú ég er ekki að fara með dótið mitt, það fer allt í geymslu hér, svo sé ég bara til eftir veturinn hvar ég verð næsta vetur ætla bara að njóta þess að vera fyrir sunnan þó aldrei hafi það lagst vel í mig að búa í þéttbýlinu.

Setti þessar línur inn vegna þess að hugurinn fór á flug, maður ræður svo litlu þó maður getir ráðið heilmiklu.

Mun láta heyra í mér því tölvan verður tekin með, að sjálfsögðu.

Kærleik til ykkar allra

 

 

 

 

 

 

 

 

 

 

 

 

 

 

 

Athugasemdir

[Ásthildur Cesil Þórðardóttir, 5.7.2011 kl. 00:11]

Þú ert ótrúleg ljósið mitt.

[Ásdís Sigurðardóttir, 5.7.2011 kl. 11:19]

Elsku stelpan mín, allt er breytingum háð, þú verður áfram sama góða Millan það er fyrir mestu. Farðu vel með þig yndið mitt.

[Guðrún Emilía Guðnadóttir, 5.7.2011 kl. 14:49]

Ásthildur mín, það felast tækifæri í því að vera ótrúlegur, kannski gerist eitthvað skemmtilegt

Knús í kúlu

[Guðrún Emilía Guðnadóttir, 5.7.2011 kl. 14:50]

Takk Ásdís mín, held að ég breytist ekki mikið, kannski getum við hist er ég kem suður

Knús til ykkar Bjarna

[Sigurbjörg Eiríksdóttir, 5.7.2011 kl. 20:29]

Ja hérna..Þá getum við hist meira! Þá kemur þú sko í Heiðarbæinn:) Þau heimsækja þig bara suður ljósin þín <3

Kveðja frá okkur Gunna.

[Bergljót Gunnarsdóttir, 5.7.2011 kl. 23:32]

Elsku besta Milla mín.

Eins og þú segir sjálf er lífið breytingum undirorpið, en að sýna æðruleysi af hæstu gráðu er ekki öllum gefið. Mér finnst þú alger hetja og er ótúlega stolt af þér.

Ljósin þín eiga eftir að lýsa þér um óravegu, þegar þau eru ekki í heimsókn, en þú átt líka eftir að lýsa þeim með manngæskunni og kærleikanum. Það er nefnilega ekki öllum gefin amma af þinni stærðargráðu.

Vona að allar góðar vættir fylgi þér, það átt þú skilið, þó svo að ekki fáist allar óskir uppfylltar að sinni.

Stórt og hlýtt faðmlag til þín, og horfðu nú í spegilinn og þá sérðu að ég segi satt!

Hjartans kveðja.

[Birna Dis Vilbertsdóttir (IP-tala skráð) 6.7.2011 kl. 10:21]

Gangi þér sem allra best Milla mín

[Guðrún Emilía Guðnadóttir, 7.7.2011 kl. 11:24]

Já elsku Silla mín, ég mun koma í Heiðarbæinn og þú sömuleiðis til okkar Dóru.

Knús til ykkar allra ljúfust

[Guðrún Emilía Guðnadóttir, 7.7.2011 kl. 11:31]

Beggó mín þú ert eitt ljósið sem gefur manni yl í hjarta, takk fyrir þetta komment.

Ég lít í spegilinn annað slagið, elska lífið og tilveruna og ekkert á ég betra en fólkið mitt.

Við sjáumst er suður ég kem

Gullinkveðjur til þín flotta kona

[Guðrún Emilía Guðnadóttir, 7.7.2011 kl. 11:33]

Takk sömuleiðis Birna Dís mín, þú ert yndisleg kona

Kveðjur til ykkar í Norge

[Valdís Skúladóttir, 7.7.2011 kl. 21:03]

Já  það er bara svona.

[Sigurbjörg Eiríksdóttir, 8.7.2011 kl. 09:15]

Já ég kem!:)

[Guðrún Emilía Guðnadóttir, 8.7.2011 kl. 14:32]

Vallý min svona er lífið, hlakka til að sjá þig

[Guðrún Emilía Guðnadóttir, 8.7.2011 kl. 14:34]

Já Silla mín læt þig vita hvenær ég kem, en Dóra fer suður um 12/8 og stelpurnar munu vinna aðeins lengur en það, svo ég býð eftir þeim

[Bergljót Gunnarsdóttir, 9.7.2011 kl. 00:35]

Ég legg til að þið Silla komið saman og heimsækið mig svona með haustinu. Hvernig líst ykkur á það? Myndi kæta mig mjög!

[Guðrún Emilía Guðnadóttir, 9.7.2011 kl. 16:07]

Beggó mín, það væri bara yndislegt, læt heyra í mér nær ég kem suður.