Fyrir svefninn.

              Gottskálk Nikulásson biskup

Einn mesti galdramaður sem uppi hefur verið,
skrifaði Rauðskinnu sem er ein þekktasta galdrabók sem
uppi hefur verið. Ríkti hann á Hólum frá árunum 1494-1520.
Gottskálk Nikulásson biskup var af virtri norskri aðalsætt
sem kom frá Björgvin í Noregi og hefði hann fengið biskupsstólinn
af frænda sínum og föðurbróðir Ólafi Rögnvaldssyni þegar hann lést
árið 1494. Foreldrar hans voru þau Nikulás Rögnvaldsson og
Herborg Bárðardóttir.
þrátt fyrir að hann hafði verið prestur var hann nokkuð lauslátur.
hans fyrsta barn hét kristin og var hún dóttir Valborgar Jónsdóttur.
Hans annað barn fæddist árið sem hann hóf störf sem biskup
á Hólum árið 1494 og var það sonur hans og Guðrúnar Eiríksdóttur
var það barn skýrt Oddur-- Oddur Gottskálksson var lögmaður mikill
og síðar biskup á Hólum.
Þótti hann Gottskálksson harður og röggsamur biskup og átti það til
að vera grimmur og fékk viðurnefnið hinn grimmi útaf því.
Þess vegna var hann öllum svo skæður í málum,
að hann gat glapið huga og minni og komið þeim til að gjöra það,
er hann gat gefið þeim sakir á.
Sankaði hann undir sig, og kirkjuna, allt að hundrað jörðum
á þeim árum sem hann sat biskupsstól á Hólum.
Sumar voru samt fengnar með svikum og göldrum.
Gottskálk biskup grimmi var hinn mesti galdramaður á seinni tíð
en hann tók aftur upp svartagaldur á Íslandi,
er ekki hafði tíðkast síðan í heiðni.
Einnig skráði hann galdrabók, er kallast Rauðskinna.
hann átti eiginlega allt sitt líf í deilum við mann nokkurn
Jón Sigmundsson að nafni sem var auðugur lögmaður.
Deilan var um það að Jón hafði án leyfis páfa eða kirkju gift sig
frænku sinni. Einnig var það vegna þess að hann átti margar
auðugar jarðir sem Gottskálk vildi ólmur ná undir kirkjuna.
Tókst honum það á endanum en sonur Jóns náði jörðunum
aftur í sínar hendur eftir að æviskeiði Gottskálks hafði lokið.
Lést Gottskálk hinn grimmi 8. desember árið 1520.
og lét eftir sig nær allar þær jarðir sem hann hafði sankað
undir sig á þeim árum sem hann hafði verið biskup og gaf
ættingjum sínum.
Rauðskinnu-- galdrabók sína gaf hann samt engum og tók
hana með sér í gröfina.
Kenndi hann samt engum kunnáttu sína á svartagöldrum.
Var hann grafinn undir kirkjugólfinu á Hólum eins og gert
var við alla biskupa á hans tíð.
Tók Jón Arason við honum Gottskálki árið 1520.
                 Tóku saman.

Sigrún Lea, Guðrún Emilía og Unnur Svana, Kristín Eva.
Nemendur á Laugum í Reykjadal.

                                 Góða nótt.

Athugasemdir

[Róslín A. Valdemarsdóttir, 5.5.2008 kl. 22:17]

Góða nótt kæra Millan mín

[Valdimar Samúelsson, 5.5.2008 kl. 22:36]

Gott efni Alltaf gaman af sogulegu efni. Takk V

[Erna, 5.5.2008 kl. 23:55]

Fróðlegt og gaman að lesa, takk Laugastelpur vel unnið hjá ykkur og flott hjá ykkur að leyfa okkur að njóta.Ég veit að þið lesið ömmublogg . Elsku Milla mín ég býð góða nótt.

[Tiger, 6.5.2008 kl. 02:58]

Já, þetta var skemmtilegt og fróðleg lesning fyrir svefninn. Heilmikið sem maður getur rifjað upp þegar maður lítur í þitt horn svona áður en maður fer af netinu. Þakka kærlega fyrir þessa skemmtilegu svefnfærslu Milla mín og eigðu ljúfa nótt og yndislegan dag á morgun!

[Helga skjol, 6.5.2008 kl. 08:04]

Fróðleg lesning.

Knús á þig inní daginn Milla mín

[Guðrún Emilía Guðnadóttir, 6.5.2008 kl. 10:34]

Góðan daginn. það sem mér finnst svo skemmtilegt við þessa samantekt hjá stelpunum, er áhuginn fyrir því forna, göldrum og heiðni, þær eru á kafi í þessu. ég hef verið að færa ykkur þjóðsögur og annan fróðleik sem kemur í þessari samantekt þeirra sem unnin var í sérstöku verkefni í skólanum. verkefnadrifið nám, þær völdu þetta. Síðan var sýning á Sumardaginn fyrsta þar var margt annað skemmtilegt að sjá og heyra.

Vona að engin hafi orðið myrkfælinn, því þetta eru staðreyndir og er ég ekki að grínast með það.
                        Knúsi knús inn í daginn ykkar.
                              Milla.