Fyrir svefninn.

Maður nokkur sem átti vakt um borð í skipinu Straumey,
sem var á síldveiðum á Grímseyjarsundi,
þetta var um nótt, gerðist lýrískur.

                  Ljúflega líður um hafið
                  lognaldan vöggumjúk,
                  og svolítill sólrauður hnoðri
                  sefuð á Illviðrahnjúk.

                  Áfjöllunum Köldukinnar
                  kvikandi leikur glóð,
                  og sunnan við þau er sýsla,
                  sem sumum finnst výsna góð.

                  Þar búa þingeyingar,
                  sem þæfðu best forðum tíð,
                  yfirleitt góðrar ættar,
                  einkum frá Reykjahlíð.

                  Grímsey í ljómanum liftist
                  líktog hún ætli á flakk.
                  Hann sér þar um sálnanna velferð,
                  hann séra Róbert Jack.

                  Svo langt sem augað eygir
                  er allt jafn spegiltært.
                  Í lúkarnum saklausra svefni
                  sofa strákarnir vært.

                  Hér afa djúpann dísir
                  djásn sín á borðið lagt.
                  Það er ekki amalegt núna
                  að eiga næturvakt.

Úr bókinni Sjór og menn eftir Jónas Árnason.

                                         Góða nótt.

Athugasemdir

[Ásdís Sigurðardóttir, 1.6.2008 kl. 20:58]

það gleður hjarta mitt að lesa þetta.  Knús og GN 

[Ásdís Emilía Björgvinsdóttir (IP-tala skráð) 1.6.2008 kl. 23:02]

Yndislega fallegt ljóð. Takk fyrir þessi notalegheit fyrir svefninn.

Vona að þú eigir góða nótt og góða viku framundan, Milla mín.

Kær kveðja

[Sigrún Jónsdóttir, 1.6.2008 kl. 23:21]

Vel við hæfi að ljúka Sjómannadeginum með þessu kvæði Milla mín

[Róslín A. Valdemarsdóttir, 1.6.2008 kl. 23:26]

Góða nótt mín elskulega Milla

[Eva Benjamínsdóttir, 2.6.2008 kl. 00:25]

Já, Sjómannadagurinn var alltaf einn af mínum uppáhaldsdögum og flott hjá þér að kitla minningarnar með þessu ljóði Milla góða frænka mín.

Góða nótt og takk fyrir mig

[Guðrún Emilía Guðnadóttir, 2.6.2008 kl. 07:17]

Góðan daginn skjóðurnar mínar, með hverju ætlið þið að fylla þær í dag, ef ekki gleðinni yfir góðum degi og sól í heiði.
                      Knús til ykkar allra.
                        Milla.