Fyrir svefninn.

Jónas bóndi var besti karl, en afar blótsamur.
Guðríður, kona hans var aftur á móti trúuð og guðhrædd,
en talin skynheilög og blendin.
Prestur Jónasar fer einu sinni að vanda um við hann
og segir:
,, Mér finnst, Jónas minn, að þú ættir að hætta að blóta svona
og taka konuna þína þér til fyrirmyndar".
Þá segir Jónas:
,, Ja, það er nú svona, prestur góður, að ég bölva talsvert,
og hún Guðríður mín biðst talsvert fyrir,
en hvorugt okkar meinar neitt með því".

Bílstjóri hjá Steindóri og hótelstúlka í Valhöll voru einu sinni
á skemmtigöngu á Þingvöllum.
Bílstjórinn segir:
,,Hér hitti Gunnar Hallgerði fyrst".
Þá segir stúlkan:
,, Er hann bílstjóri hjá Steindóri þessi Gunnar?"

Gilsbakka-Jón orti þessa vísu um Egil, bróður sinn:

               Egill teygir tannagjá
               títt að legils munni.
               Brýtur eigi oddinn sá
               af tilhneigingunni.

                           Góða nótt.

Athugasemdir

[Sigrún Jónsdóttir, 3.6.2008 kl. 21:37]

Góða nótt Milla mín

[Erna, 3.6.2008 kl. 21:42]

Takk Milla mín og góða nótt

[Ásdís Sigurðardóttir, 3.6.2008 kl. 23:23]

Takk elsku Milla mín, góð að vanda, GN 

[Róslín A. Valdemarsdóttir, 4.6.2008 kl. 00:20]

Góða nótt á þig mín kæra

[Ía Jóhannsdóttir, 4.6.2008 kl. 00:39]

Blessi þig inn í nóttina Milla mín. 

[Tiger, 4.6.2008 kl. 02:32]

  Hvernig ætli þau Jónas bóndi og Guðríður kona hans hafi náð saman í upphafi - annað blótandi en hitt biðjandi. Hvar ætli þau hafi hist - ekki í kirkju allavega og ekki á kránni, svo líklega í réttunum. Hahaha ... það sem manni dettur í hug að pæla í stundum.

Knús á þig mín kæra Milla og eigðu ljúfa nótt og fagran dag á morgun!

[Guðrún Emilía Guðnadóttir, 4.6.2008 kl. 06:42]

Takk fyrir innlitin snúður og snældur.
Ja það er ekki gott að vita hvernig þau náðu saman Tiger míó míó
gæti það hafa verið í þögninni, algengt var það hér áður og fyrr að þögnin var höfð í heiðri, það sem fleira fólk var samankomið í baðstofu, en hvað veit maður svo sem, bara pælingar.
              Knús krús í daginn ykkar
                  milla.