Fyrir svefninn.

Alltaf uppgötvar maður eitthvað nýtt, sem betur fer því annars
væri nú lífið eigi skemmtilegt.
Þær englarnir mínir fóru heim í dag, það er búið að vera ljúft að hafa
þær þessar elskur, ætíð er skrafað og kafað í bæði landsmál og annað
sem þær vilja koma á framfæri.

Áður en Gísli minn ók þeim heim fór hann með mig í vinnuna, það var að
vanda afar skemmtilegt. Kom heim klukkan 4. og fórum við gamli minn
í Kaskó, hann hljóp inn að kaupa fyrir mig AB mjólk.

Komst að því að til er fólk sem vill ráða þó það þurfi eigi, geti eigi,
hafi ekki vit á, bara jafnvel til að það geti sagt að það hafi komið
með þetta eða hitt upp á borðið.
Best að koma ekki nálægt svoleiðis fólki.

          En ég held samt áfram.

Veit ekki hvenær ég hóf þessa ferð
né hvaðan var lagt af stað.
Og óljóst er fleira því ekki mig grunar
hvar aka ég muni í hlað.

Læðist um hugann ljúfsár minning
líkt og mig hafi dreymt.
Eins og í leiðslu áfram held ég
erindið löngu gleymt.

Ragnar Ingi Aðalsteinsson
Frá Vaðbrekku.
                                    Góða nótt

Athugasemdir

[Guðrún Jónína Eiríksdóttir, 28.10.2008 kl. 20:07]

Knús og kveðjur.

[Ía Jóhannsdóttir, 28.10.2008 kl. 20:31]

Hlý kveðja inn í nóttina. 

[Guðrún Emilía Guðnadóttir, 28.10.2008 kl. 20:35]

Takk skjóðurnar mínar, Auður mín ljóð eru yndisleg og mannbætandi,
Þau kenna okkur svo mikið.
Knús til ykkar
Milla.

[Sigrún Jónsdóttir, 28.10.2008 kl. 21:05]

Flott ljóð, góða nótt Milla mín

[Helga Magnúsdóttir, 28.10.2008 kl. 21:26]

Góða nótt, kæra Milla, og dreymi þig vel.

[Erna Friðriksdóttir, 28.10.2008 kl. 22:06]

Góða nótt Milla mín.         Snjókomu kveðjur frá mér he he he

[Ásdís Sigurðardóttir, 28.10.2008 kl. 22:15]

Ég verð að segja eins og Auður, ljóðið gjörsamlega grípur mig. Góða nótt á þig og víkina alla

[Brynja skordal, 28.10.2008 kl. 22:15]

Er ekki mikið við tölvuna þessa dagana en vildi bjóða þér góða nótt Milla mín Elskuleg

[Ólöf Karlsdóttir, 28.10.2008 kl. 22:15]

Góða snjóanótt mín kæra rugla á HúsavíkKærleikskveðja rugludósin í fjöleignarblokkinni í vesturbænum

[Ásdís Emilía Björgvinsdóttir (IP-tala skráð) 28.10.2008 kl. 22:15]

Góða nótt, Milla mín!

Kær kveðja

[Erna, 29.10.2008 kl. 01:26]

Milla mín góða nótt og dreymi þig vel

[Guðrún Emilía Guðnadóttir, 29.10.2008 kl. 06:24]

Góðan daginn skjóðurnar mínar.
hafið það nú alveg sérlega gott í dag.

Knús og kærleik
Milla.

[Helga skjol, 29.10.2008 kl. 06:59]

Knús á þig mín kæra Milla