Fyrir svefninn.

Las í morgunn grein sem gladdi mitt litla hjarta, hún var
um krakka sem voru í unglingadeildinni Stormi á Kjalarnesi
og er það deild innan björgunarsveitarinnar Kjalar að
sjálfsögðu á Kjalarnesi.
Þau segjast læra margt og mikið við að starfa í deildinni.

Þessu trúi ég vel, strákurinn minn var mjög ungur er hann
byrjaði í björgunarsveitinni Sigurvon í Sandgerði.
Hann var þar er á þurfti að halda hinn tímann sem hann átti
afgangs var hann í boltanum, þetta var líf og yndi margra stráka
í Sandgerði á þeim tíma sem hann var að alast upp.
Það er nú stundum sagt að við sem þarna unnum hafi alið þessa
stráka og stelpur upp, en ég vann í Íþróttahúsinu og sundlauginni
sem var tengd því.
Þarna voru krakkarnir sem áhuga höfðu á íþróttum bókstaflega
allan daginn.
Yndislegur tími, mun ég aldrei gleyma honum, Doddi var nú líka
besti yfirmaður sem ég hef haft.

            *************************************

                      Sumar Enn

Nornir hafa snúið mér ljúfan þráð.
En hvort ég ann þér í reynd veit enginn
nema dauði sem heldur því leyndu
og leyfir af góðvild
að við látum blekkjast enn um sinn.

Núna er ég sýni þér þessar á blaði
hlærðu við og segir: Þetta geturðu birt,
það trúa því allir nema við.

Ó, nornamáttur haltu fram á haust
hverflyndum börnum tveim á þessum stað,
og lát þau höldnum augum hverfa saman
hinzta sinn - frá tæmdum stundarglösum -

Það er undrun í röddinni
þegar þú segir: við erum sami skuggi.
já, ansans skuggi sem niður í beggja blóði,
af því má sjá að það er sumar enn.

                      Stefán Hörður Grímsson.

Góða nótt kæru vinir

Athugasemdir

[Auður Proppé, 12.2.2009 kl. 22:08]

Góða nótt Milla mín

[Anna Guðný , 12.2.2009 kl. 22:52]

Sofðu rótt Milla mín.

[Einar Áskelsson (IP-tala skráð) 12.2.2009 kl. 23:11]

Góða nótt Milla mín.

[Sigrún Jónsdóttir, 12.2.2009 kl. 23:29]

[Erna, 13.2.2009 kl. 00:51]

Góða nótt og takk enn og aftur fyrir kvöldskattinn þinn Milla mín. Ljós til þín og kærleiksknús

Enginn gafst tíminn til í dag að hringja í þig eins og ég hafði hugsað mér, en fljótlega mun ég heyra í þér. Var það ekki annars STUTT LÖNG STUTT hringinginn í kærleikskot

[Guðrún Emilía Guðnadóttir, 13.2.2009 kl. 06:49]

Góðan daginn kæru vinir og eigið góðan dag í dag.


Erna mín það var akkúrat hringingin og kærleikskotið er þér ætíð opið.
Ljós til þín ljúfust.
Milla.