Kom í ljós, sem allir vissu.

Kristján G. Gunnarsson, formaður Starfsgreinasambandsins. mbl.is/Ómar

// Innlent | Morgunblaðið | 17.3.2009 | 05:30

Launamálin endurmetin.

„Þetta neyðir okkur til að endurmeta þá ákvörðun að fresta endurskoðun kjarasamninga, því það er greinilega meiri innistæða fyrir hendi heldur en upp var gefin, a.m.k. í þessari starfsgrein," segir Kristján Gunnarsson, formaður Starfsgreinasambands Íslands (SGS), um þá ákvörðun stjórnar HB Granda að greiða hluthöfum 8% arð. Segir Kristján ljóst að þessi ákvörðun verði rædd á formannafundi SGS nk. fimmtudag.

Verkalýðsforystan hefur brugðist illa við fréttunum af fyrirhugaðri arðgreiðslu. Þannig skorar Efling-stéttarfélag á stjórn HB Granda, í ljósi arðgreiðslna til hluthafa og yfirlýsinga um að fyrirtækið standi vel rekstrarlega, að taka umsvifalaust ákvörðun um að launahækkun til starfsmanna Granda hf. komi þegar í stað til framkvæmda.

Þið vissuð þetta allan tímann, held að þið ættuð að drekka
minna kaffi elskurnar og vinna fyrir þá sem borga ykkur laun
það er fólkið í félögunum.
Það átti aldrei að gefa það eftir að fara í hærri launakröfur.
Hverjir eru að gefa mest eftir í þjóðfélaginu, það er verkafólkið
lægst launaða fólkið og það vinnur mest per stund fyrir skítalaun.

Setur allt á annan endann

Að sögn Kristjáns kemur ákvörðun stjórnar HB Granda einkennilega fyrir sjónir þegar blekið sé ekki þornað á þeim pappírum þar sem beðist var undan launahækkunum til handa verkafólki. „Ef menn hafa svigrúm til þess að greiða sér ríflegan arð miðað við ástandið í þjóðfélaginu, þá er svigrúm til launahækkana hjá fiskverkafólki, sem á þær svo sannarlega skilið," segir Kristján og bendir á að fiskverkafólk hafi á síðustu mánuðum spýtt í lófana til þess að afla eftirsóttra gjaldeyristekna fyrir landið. „Ég ætla rétt að vona að stjórn Granda sjái að sér og kippi málinu í liðinn áður en þeir setja hér þjóðfélagið á annan endann.

Það á ekkert að bíða eftir því að þeir kippi málunum í lag
því það verður ekki gert.
Bara setja á hærri laun og það strax, ekkert fjandans
fjas um það.
Það er sama hvenær maður fer út í búð maður hrekkur í kút
þó maður sé ekki að kaupa neitt nema það bráðnauðsynlegasta.
Sumir geta ekki keypt neitt.

Launamálin endurmetin

Athugasemdir

[Auður Proppé, 17.3.2009 kl. 09:52]

Góðan daginn Milla mín, ljós og kærleik í daginn þinn elskuleg

[Erna, 17.3.2009 kl. 10:07]

Góðan daginn, á ekki bara að taka því rólega í dag Milla mín?

Mér finnst þetta svo til skammar þessi framkoma við verkafólkið hjá H.B.Granda. Þvílíkur hroki við þetta fólk. Ég trúi því aldrei að þetta verði látið viðgangast. Knús í daginn

[Guðrún Emilía Guðnadóttir, 17.3.2009 kl. 10:40]

Auður mín sömuleiðis til þín elskan
Milla.

[Guðrún Emilía Guðnadóttir, 17.3.2009 kl. 10:45]

Silla mín þú mátt bara drekka eins mikið kaffi eins og þú villt, þér treysti ég vel til að sinna okkar málum.
Já ég vissi um seinkunina  Silla mín og það mega ekki koma til verkföll ég meina að kauphækkun eða eitthvað til að bjarga fólkinu okkar er nauðsynlegt og það strax ég veit að þú veist alveg stöðuna í þeim málum.
Knús til ykkar
Milla.

[Guðrún Emilía Guðnadóttir, 17.3.2009 kl. 10:47]

Erna mín sinni því sem kemur upp í hendurnar á mér svo bæti ég bara við, ég er svo góð í því eins og allir vita.
Knús til þín ljúfust
Milla.

[Guðrún Emilía Guðnadóttir, 17.3.2009 kl. 10:55]

Silla mín er svo sannarlega sammála þér með HB granda og ansi er ég hrædd um að gömlu mennirnir sem störtuðu þessum fyrirtækjum öllum
eins og Miðnes, Garði og HB séu margt búnir að snúa sér við í gröfunum sínum. þeir byggðu upp fyrirtæki sín til þess að fólkið hefði vinnu og svo hvað, nú bara ekkert.

Manstu í den er Barðabátarnir komu á vertíð og allt iðaði af lífi þá voru
nú bara topparnir að vasast í öllu saman eins og að panta kost og hin ýmsu verk sem þurfti að leysa.
Í dag eru nú margir of fínir til að vinna fyrir laununum sínum.

[Guðrún Emilía Guðnadóttir, 17.3.2009 kl. 12:05]

Silla mín þetta er ég búin að tala um í mörg ár Gísli minn var einnig í stjórn verkalýðsfélagsins á Ísafirði og það var hörmungarmæting.
Ég segi alltaf við fólk sem er að kvarta undan þessu og hinu.
Greiddu þið atkvæði um þetta? Ha! nei kemur þá .
þetta er ömurlegt fyrir þá sem að þessum málum vinna og vanþökkuð eru þau svo sannarlega ég þekki það vel elskan
Knús til þín
Milla.