Saga dagsins.

Eins og marga sunnudagsmorgna drollaðist ég fram að
hádegi, fór í búðina eftir hádegið og eins og oft áður fékk
ég hugdettu er ég sá Vin minn vera að vinna í garðinum,
datt í hug að tefja þau hjón Ínu Rúnu og Gæja og dreif mig
í heimsókn, eins og ævilega þá var glatt á hjalla hjá okkur.
Lilja kom síðan og mikið var spjallað og hlegið að gömlum
bröndurum sem sagðir voru, drukkum kaffi og borðuðum
ostatertu, er ég var að fara kom Hulda með lítið barnabarn.
Takk fyrir mig kæru vinir.

Þegar ég kom heim lá ein lítil/stór og var að horfa á Garðabrúðu
hún hafði þá komið, henni var kalt og það er svo notalegt að
kúra hjá afa og ömmu, hún fór síðan heim í kvöldmatinn.

Milla hringdi og bauð í eftirmat og kaffi og það var eitthvað æði
sem þau sáu í nýjum matar þætti á skjá einum.
Litla ljósið kúrði upp í rúmi er við komum, kannski hún sé að
verða lasin hver veit.

Hún gerði abstrakt listaverk fyrir ömmu og hún bað pabba sinn
að skrifa á það, Amma ég elska þig þú ert besta amma í heimi
og svo átti að teikna rós. Hinum megin á myndinni stendur.
Góða nótt, takk fyrir alla hjálpina
Kær kveðja
Aþena.

Svo er hún nú eitthvað lík mér litla ljósið mitt, sko allavega
með stjórnsemina.
Það er nefnilega þannig að hún á að byrja í skóla haustið 2010
og ekki er ráð nema í tíma sé tekið, hún spurði ömmu hvort hún
gæti komið til mín eftir skóla og auðvitað er það auðfengið.
Yndislegt, það er nefnilega ætíð gert grín að ömmu gömlu fyrir
það sem ég kalla fyrirhyggju, en dætur mínar kalla stjórnsemi.

Ekkert mundi vera skemmtilegra en að fá hana og hjálpa henni
við lærdóminn, svo gæti Stóra systir komið er hún vill.



Hún er efnileg þarna að hjálpa Dóru frænku að baða Neró.

Góðar stundir.

Athugasemdir

[Sigríður B Svavarsdóttir, 27.6.2009 kl. 22:02]

Var sunnudagur hjá þér Milla mín eins og hjá fleirum í dag? hehe Ég var alveg viss um að Gísli færi út og suður í kvöld en það var þá ég sjálf sem gerði það hehe. Við fáum auka sunnudag á morgun. Njótum hans Elskuleg.

[Jenný Anna Baldursdóttir, 27.6.2009 kl. 22:07]

Krúttleg lítil stúlka.

Um að gera að plana fram í tímann.

Knús.

[Ía Jóhannsdóttir, 27.6.2009 kl. 23:38]

Minnir mig´á það að ég verð að fara að setja Erró í bað. 

Flott sú stutta.  Góðan sunnudag Milla mín.

[Lilja Guðrún Þorvaldsdóttir, 28.6.2009 kl. 00:20]

Ég heyri að þú hefur átt ánægjulegan sunnudag í dag, vonandi verður jafn gaman á morgun sunnudag.   Falleg ömmustelpa sem þú átt þarna Milla.  

[Guðrún Emilía Guðnadóttir, 28.6.2009 kl. 08:10]

Var gaman hjá þér Sigga mín, þú veist nú að það er alltaf sunnudagur hjá mér  því ég elska lífið, og reyni að nýta hverja mínútu sem ég fæ, takk fyrir það.
Ljós til þín ljúfust.

[Guðrún Emilía Guðnadóttir, 28.6.2009 kl. 08:13]

Jenný það er sko vel planað, Hún er til dæmis að fara fram í Lauga í dag og var hún búin að plana daginn fyrir sjálfan sig og aðra.

Já krúttleg, við erum heppnar frænkurnar með börn og barnabörn.

Ljós til þín og þinna
Milla

[Guðrún Emilía Guðnadóttir, 28.6.2009 kl. 08:16]

Sömuleiðis til þín Ía mín, ertu komin heim eða fórstu aldrei, mér varð hugsað til þín er ég sá fréttirnar af flóðunum, varstu ekki að skreppa til Vínar?
Ljós til þín ljúfust
Milla.

[Guðrún Emilía Guðnadóttir, 28.6.2009 kl. 08:20]

Lilja Guðrún mín það er alltaf gaman hjá mér og sú litla skottast til ömmu á hverjum degi á heima hér rétt í næsta húsi, systir hennar einnig og svo koma tvíburarnir í öllum fríum svo ég hef þær fjórar sem koma hin 5 eru fyrir sunnan, elska þau ekkert minna, er einmitt að fara suður núna í júlí hlakka mikið til.
Ljós til þín Lilja Guðrún mín
Milla.

[Guðrún Emilía Guðnadóttir, 28.6.2009 kl. 08:22]

Vallý mín sömuleiðis elskan og vertu nú stillt og góð og hafðu allt reddý á pallinum er við komum.
Ljós til þín
Milla