Léttar aukafréttir.

Þetta er nú með eindæmum ruglað, ekki friður neinsstaðar, jæja hann Jón Jóns sem er forstjóri í fyrirtæki mínu, sem heitir Eftirhermu-pistlar, mjög vel rekið, skipulagt og með góða innkomu, þess vegna skil ég ekki af hverju ríkið yfirtók það og setti í rannsókn, nú þess vegna verð ég að setja Jón yfir í fyrirtæki mínu sem heitir Útrás í kjaftasögum og rógburði, hann verður fínn þar.

Viti menn, þeir tóku hann af mér og skipuðu hann í skilanefnd  Eftirhermu-pistla.
Þá er að setja Siggu Jóns yfir í staðinn fyrir Jón Jóns í  Útrás og kjaftasögum, henni mun ganga vel þar.  Náttúrlega er ég stjórnarformaður í mínum fyrirtækjum, sem er allt í lagi á meðan ríkið er að rannsaka þau, því þeir tóku rétt í þessu til rannsóknar, Útrás og kjaftasögur, en Sigga Jóns kemur bara með mér í litla fyrirtækið sem ég á, það heitir Að búa til yfirmok, það er svona skítur sem mokaður er yfir almúgann, það fyrirtæki skilar einna mest í innkomu, því þið getið ekki ímyndað ykkur hvað margir falast eftir slíkri þjónustu og er ég bara á fullu í því að skipa fyrir og stjórna, hver á að fá, hvaða yfirmok í dag.

Ríkið var að hringja í Siggu Jóns og skipa hana í skilanefnd hjá Útrás og kjaftasögum, og tjáðu henni í leiðinni að þeir væru að yfirtaka, Að búa til yfirmok, nú þá er ég orðin ein eftir með nokkrar undirtyllur, en verð ekki í vandræðum fer bara að stunda svarta vinnu, eftirspurnin er þvílík eftir öllum þessum sora að eiginlega hlægilegt er.

Mest hissa er ég á að fólk skuli ekki getað bara komið hreint fram, sagt sannleikann og hætta þessum feluleik, nei endilega nota lygina og yfirmokið. Fela sig á bak við önnur nöfn og láta aðra bera ábyrgðina á sínum gjörðum.

Ja hérna ríkið var að hringja og skipa mig fyrir öllum skilanefndunum, fyrir það fæ ég góðan pening svo ég mun sinna því starfi í aukavinnu.

 Góða nótt og sofið rótt.

Athugasemdir

[Ásdís Sigurðardóttir, 12.8.2009 kl. 21:45]

Takk takk og gn

[egvania (IP-tala skráð) 12.8.2009 kl. 21:50]

Milla mín þú ert alltaf jafn frábær ég vona að þetta fljúgi um bloggheiminn og það get ég sagt þér að sumir ef ekki allir hafa gott af að lesa þetta.

Rógburður, lygar, kjaftasögur og illkvittni virðist vera það sem sumir lifa á og dafna vel.

Sjáumst mín kæra og ég er hér undir mínu nafni sem er egvania hversu mikið sem það pirrar fólk það er bara ekki mitt mál.

[Guðrún Emilía Guðnadóttir, 12.8.2009 kl. 22:00]

Sömuleiðis Ásdís mín

[Guðrún Emilía Guðnadóttir, 12.8.2009 kl. 22:02]

Ég var nú sko að meina fréttirnar í kvöld um allar tilfæringarnar í skilanefndunum, en svo veit maður aldrei, þú veist.
Nafnið þitt pirrar mig ekki
Knús kveðjur
Milla

[Guðrún Jónína Eiríksdóttir, 13.8.2009 kl. 00:08]

Vá hvað þetta er góður pistill hjá þér, ég reyndi að horfa á kastljósið og endaði á því að steinsofna yfir restinni af tilfæringum á fólki. Það sem ég náði að heyra fór bara inn og út jafnóðum (heilinn á mér meðtekur ekki svona mikið í einu). Knús og kveðja.

[Guðrún Emilía Guðnadóttir, 13.8.2009 kl. 08:05]

Dúna mín ekki mundi ég helminginn, en ferlið í þessu er svona.
Knús til þín