Við erum þolinmæðin uppmáluð.

//
Læt myndina fylgja, flott mynd. Listaverk sem
við sjáum svo sjaldan

Styttist í greiðsluúræði

„Ég var að fara yfir hugmyndir sem við höfum verið að vinna með. Það er ennþá dálítil vinna eftir í að vinna úr þeim en við vonumst til að standa við að vera tilbúin fyrir mánaðamót," sagði Árni Páll Árnason félagsmálaráðherra, í gær.

Það er nú eins og maður hafi heyrt þessa rullu áður,
Og hvað lengi hafa þeir verið að fara yfir þessar hugmyndir,
Þeir vonast til að standa við að koma með þær fyrir
mánaðarmót, hann gleymdi alveg að segja fyrir hvaða
mánaðarmót. Af hverju koma þeir ekki beint fram og segjast
bara ekki vita hvernig þeir eigi að fara að þessu, og staðreyndina
á borðið, Landið er gjaldþrota.

„Við viljum bæði létta greiðslubyrði fólks og svo auðvitað styrkja þessi sértæku úrræði og gera þau þjálli og auðveldari í notkun."

Þeir hafa engan áhuga á að létta okkur greiðslubyrðina, en
það er ekki eins og það sé okkur að kenna að þetta hrun varð.

Aðspurður hvort niðurfellingarleið komi til greina, að fella niður hluta íbúðarlánaskulda, sagði Árni Páll reynt að vinna á þessum tveimur forsendum, að mæta erfiðleikum í greiðslubyrði og síðan greiða úr vanda erfiðari skuldamálanna.

Hann útilokar ekki að lántakendum verði gert kleift að laga afborganir að greiðslugetu sinni.

Auðvitað verður ekkert fellt niður, við erum bara peðin, en
okkur verður kannski gert kleift að borga skuldir annarra
samkvæmt greiðslugetu okkar, Þvílíkur virðingarvottur.

Inntur eftir því hvort til greina kæmi að flytja íbúðalán frá bönkunum yfir til Íbúðalánasjóðs - þar með talið myntkörfulán - sagði Árni Páll verið að horfa á kosti og galla slíkrar yfirfærslu í heild. Allt kæmi til greina en ekkert væri ákveðið

 

Þeir fara nú varlega í það, það mun kosta of mikið
bankarnir þurfa nú að fá sitt.

Vona bara að þeim líði vel þessum mönnum og konum
sem landinu stjórna.
Mér líður allavega afar vel, því ég hef hreina samvisku.

Styttist í greiðsluúrræði

Athugasemdir

[linda (IP-tala skráð) 23.9.2009 kl. 08:24]

Það á að lækka greiðslubyrðina af lánunum (les lengja lánin) svo við getum borgað skattana sem á að skella á okkur. Væri ekki nær að minnka vextina og leiðrétta lánin svo að fólk geti borgað lánin OG skatta? DUH! Þetta eru fífl þarna á alþingi. Það gerist eitthvað þegar fólk fer inn í þetta hús og það missir hugvit.

[Guðrún Emilía Guðnadóttir, 23.9.2009 kl. 08:29]

Svo satt það missir hugvit, og auðvitað þarf að gera það sem hjálpar okkur, en er ansi hrædd um að það verði seint

[corvus corax, 23.9.2009 kl. 10:59]

Sauðsvartur pöpullinn verður bara að skilja það að það er hvorki á döfinni að lækka greiðslubyrðina né létta almenningi eitt eða neitt af því að stjórnmálahyskið og bankaglæpalýðurinn er önnum kafinn við að afskrifa og fella niður milljarðaskuldir þeirra sem sökina eiga sem eru þeir sjálfir. Og svo verður fólk að sýna þolinmæði ...er búið að segja í heilt ár. Ég segi nú bara eins og Bjarni Ármannsson, það væri ábyrgðarleysi að borga skuldirnar. Hættum að greiða núna strax, gerum byltingu og sækjum peningana til þjófanna með illu, það er greinilega ekki hægt með góðu.

[egvania (IP-tala skráð) 23.9.2009 kl. 12:08]

Kveðja Milla mín.

[Guðrún Emilía Guðnadóttir, 23.9.2009 kl. 12:12]

Hefur það nokkuð verið reint, sko að sækja peningana, ó nei og hvert á að sækja þá, er á móti ofbeldi, en bylting má verða svo þessir ráðherrar og þingheimur allur skilji að okkur er alvara, en hver trúir því þegar þolinmæðin er óendanleg, manni er nú ekki vel við að láta skuldirnar lenda á ábyrgðarmönnum sínum kæri corvus corax

[Jónína Þorbjörg Gunnarsdóttir (IP-tala skráð) 23.9.2009 kl. 12:43]

Því miður eru úrræðin sem allir hafa verið að bíða eftir bara allt of sein í framkvæmd. Fullt af fólki er nú þegar búið að tapa heimilum sínum og hvernig á að búa að því fólki sem er komið á götuna.

Hafðu það gott Milla mín.

[ThoR-E, 23.9.2009 kl. 13:09]

corvus.. pantaðu þá flugmiða fyrir okkur til Tortola og annara skattaskjóla.

Þar eru peningarnir.

[Guðrún Emilía Guðnadóttir, 23.9.2009 kl. 14:45]

Knús til þín eg vanía mín

[Guðrún Emilía Guðnadóttir, 23.9.2009 kl. 14:47]

Jónína mín þau koma sko of seint, það átti að byrja á því að passa upp á fólkið jafnhliða öðru.

Knús í daginn
Milla

[Guðrún Emilía Guðnadóttir, 23.9.2009 kl. 14:49]

Mér skilst nú að það sé lítið annað að finna í þessum skattaskjólum, nema skúffur, en við gætum kannski legið í sólbaði.