Loksins, loksins! - milla.blog.is

Höfundur

Guðrún Emilía Guðnadóttir

Ég er bara ég.

https://picasaweb.google.com
/114400355750973811407?
fgl=true&pli=1

Þetta er linkurinn á vefalbúmið mitt

*************

Vinur sagði við vin.

Vinátta okkar sýnir
að menn geta róið
með réttlætinu,
hverrar trúar sem
þeir eru.

Tenglar

mbl.is

Myndasíða Millu
Pullip Myndasíða Sigrúnar og Guðrúnar
http://123.is/641 Frábær síða gerð af bónda einum í Reykjadal.
http://vf.is/ Suðurnesjablað
http://245.is/ Sandgerðis fréttir

vinur

Bloggvinir

Já loksins komin í mína tölvu hafandi verið í fríi frá henni síðan í lok júlí, en vitið að það var mér ekki erfitt því ég er búin að hafa það svo skemmtilegt.

Flutti til Millu minnar í lok júlí og var það bara æði, átti náttúrlega að fá húsið sem ég bý í núna miklu fyrr, en það komu í ljós fleiri skemmdir en haldið var sit hér og það á eftir að gera helling, en ég segi nú bara ekki margt, en verð ánægð ef allt er tilbúið fyrir 1 des.

Ég fór suður um miðjan ágúst og kom Viktoría Ósk með mér það var svo yndislegt að hafa hana með, nú við nutum þess að vera á Keili hjá Dóru og englunum mínum, en þær komu frá Japan 18 ágúst og að sjálfsögðu hittum við fallegu barnabörnin mín á Kópab. og fullt af vinum og ættingjum.

Mér finnst nú spáin mín skondin í dag, ekki kann ég að mála það er spurning með leiklistina er maður ekki að leika allt sitt líf, en meistarakokkur er ég, en bara svo mikið hætt svoleiðis nostri.
Sköpunargáfuna er ég að nota til að gera heimili mitt hlýlegt, íverandi með koddum, teppum, fullt af kertum og ekki má gleyma kærleikanum.

Sporðdreki:
Nýttu starfsorku þína og sköpunargáfu því þetta eru
þínir sterkustu eiginleikar. Kannaðu ný hverfi og ný
áhugamál eins og að elda, mála eða leika.

Nú er allt komið í fastar skorður skólarnir byrjaðir og amma sækir litla ljósið á hverjum degi í skólann og stundum kemur Viktoría Ósk og fær sér að drekka með okkur, nú englarnir mínir eru byrjaðar í Háskóla Íslands mér finnst eins og það hafi verið fyrir stuttu að ég tók á móti þeim þessum 12 marka ljósum sem gerðu mig að ömmu og svo komu þau hvert á fætur öðru og ætíð var ég jafn hamingjusöm og það get ég sagt ykkur sem ekki hafið upplifað ömmu hlutverkiðað það er besta hlutverk sögunnar.

Nokkrar myndir

þarna eru þær mæðgur að kveðja Ernu bestustu vinkonu okkar.

Þetta eru sko góðar frænkur

Þetta eru prakkararnir mínir, yndisleg.

Lísbet Lóa svona var hún sæl með sig sat bara á teppinu,
en gerir það nú ekki lengur

Litla ljósið að fara með okkur á Eyrina

Það úir og grúir af dóti, sælgæti, Sölvi Steinn að ná sér í nammi
Solla mín að tala í símann og Viktoría Ósk með litlu Lóuna

Þær voru að fylgja okkur út er við vorum að leggja í hann norður,
Mátti til að birta þessa mynd, sko þær eru í Baby Doll náttkjólum
Skelltu sér í blúndustuttbuxur settu vetrarhúfurnar á hausinn svo
ekki sæist að þær væru ógreiddar, önnur í vesti af mömmu sinni
og get ekki ímyndað mér hvað þetta hvíta er sem hin er með
Þvílíkt outfitt

Kem með fleiri myndir síðar.

Kærleik á línuna

Flokkur: Bloggar | Facebook

Athugasemdir

Hæ elsku Milla, gaman að heyra frá þér. Aldeilis viðburðaríkt sumar hjá ykkur. Vona að íbúðin komi smátt og smátt í lag, þú hefur greinilega alltaf nóg að gera. Skemmtilegar myndir :) knús og kveðja

Ásdís Sigurðardóttir, 9.9.2010 kl. 11:46

Hæ elskan, já það er sko nóg að gera hjá mér og það er búið að vera yndislegt sumar.
Knús til ykkar beggja

Guðrún Emilía Guðnadóttir, 9.9.2010 kl. 12:41

Ég verð stödd þarna á þriðjudaginn, sé til hvort þú ert heima, föðurbróðir minn verður jarðaður í kirkjugarðinum um miðjan dag en jarðarförin um morguninn inn á Aey. Kíki kannski.

Ásdís Sigurðardóttir, 9.9.2010 kl. 14:21

Gerðu það ef þú getur, verð örugglega heima.

Guðrún Emilía Guðnadóttir, 9.9.2010 kl. 17:18

Ásdís Sigurðardóttir, 9.9.2010 kl. 19:27

Halló Milla mín.

Mikið er langt frá því að ég leit hér við síðast. Mínar bestu hamingjuóskir með nýja heimilið og efast ég ekki um að það mun vera fallegt og ekki vantar kærleikann. Við Vallý skelltum okkur til Dóru og færði ég henni eyrnatappa þá sem hún færði mér á hittingnum sem hún kom á . Mér fannst hún hafa meiri þörf fyrir þá en ég vegna þess hve nálægt Vallý hún býr . Knús og kærleikur gefi þér gleði inn í nýja heimilið.