Fyrir svefninn.

Jæja hér kemur falleg mynd af Húsavík þar sem sést yfir hluta
hafnarinnar og upp á bakka.

 Húsavíkurkirkja var vígð 2. júní 1907.
Önnur hús sem bygð voru á sama tíma voru Jaðar, Hvarf,
( brann 1909)
Bjarg sem er horfið, barnaskólinn sem var vígður 1908
íbúðarhús Bjarna Benediktssonar og einnig verslunarhús hans.
vertshuset (gamli Baukur í dag) tel að það hafi verið bygt um 1900
er ekki viss. finn ekki meira um þetta núna en á örugglega eftir að
grubla í þessu bara eftir áramót.

Var að vinna í dag sem er nú ekki í frásögu færandi því allir eru að
vinna nema ég vinn bara einn dag part í viku, en það er bara fínt að
hafa smá til að gefa af sér nú er jólaföndrið að verða búið og þá fer
maður bara í frí og ég held að ég fari ekkert meir í þetta þó að mér
finnist voða gaman eins og ég hef sagt áður.

                    Heimsók úr öræfum.

          Þú komst úr Íslenskum hversdagsleik,
          og hvernig sem á því stendur,
          þú kveiktir ljós á þeim lampakveik,
          sem löngu var orðin brenndur.

          Og nú sit ég hljóður og hugsa um það,
          sem hendir á sumarkvöldum,
          að útþráin leiðir oss heim í hlað
          eftir hlakkandi dans á öldum.

          Svo mundu, þótt bak við hinn blikandi sæ
          öll blóm virðist ljúflega anga,
          að hamingjan býr í þeim hugljúfa blæ,
          sem heima strauk þér um vanga.

                                      Bjarni M. Gíslason.

Góða nótt       

Athugasemdir

[Ásdís Emilía Björgvinsdóttir (IP-tala skráð) 9.12.2008 kl. 21:00]

Góða nótt, elsku Milla!

Kær kveðja

[Unnur María Hjálmarsdóttir (IP-tala skráð) 9.12.2008 kl. 21:24]

Flott mynd Milla mín  Eigðu góða viku!

[Helga Magnúsdóttir, 9.12.2008 kl. 21:28]

Góða nótt, Milla mín. Þú hlýtur að sofa vel í þessu fallega umvhverfi.

[Númi (IP-tala skráð) 9.12.2008 kl. 21:33]

Húsavíkurkirkja er ein af fallegustu kirkjum landsins,hann afi minn heitinn á mörg hamarslögin í henni.Hann var bóndi og þúsundþjalasmiður í Aðaldal. Mig langar að spyrja þig, úr hvaða bók er þetta ljóð eftir Bjarna M Gíslason.?

[Einar Áskelsson (IP-tala skráð) 9.12.2008 kl. 21:33]

Æðislegt Milla og takk kærlega fyrir upplýsingarnar um húsin.  Myndin af Húsavíkinni er algjörlega frábær.  Bjó sjálfur fyrstu árin í svo kölluðu Formannshúsi sem var og er gamalt en varla svona gamalt.  Góða nótt.

[Sigrún Jónsdóttir, 9.12.2008 kl. 22:19]

[Sigríður B Svavarsdóttir, 9.12.2008 kl. 22:31]

Vá ... falleg mynd.  Góða ferð í draumalandið fagra Elskuleg..

[Hólmdís Hjartardóttir, 9.12.2008 kl. 22:43]

hurðarhúnninn á kirkjunni er eins og  það er alveg satt ladyVally.

Góða nótt.

[Brynja Dögg Ívarsdóttir, 9.12.2008 kl. 23:46]

Góða nótt og dreymi þig vel kv Brynja og Emma sem sefur.

[Jónína Þorbjörg Gunnarsdóttir (IP-tala skráð) 9.12.2008 kl. 23:54]

Glæsileg mynd af þessum fallega stað, ekki smá flott þarna hefur sko verið beðið eftir rétta augnablikinu.

Góða nótt elskuleg og dreymi þig fallega drauma.

[Ásdís Sigurðardóttir, 10.12.2008 kl. 00:08]

Falleg mynd frá fallegasta bæ á Íslandi, afi minni og amma byggðu Bjarg sem stendur enn ská á móti Hlyn eða hvað sem það hús heitir í dag, er allavega við Garðarsbraut, næsta sunnan við ? Bjarmaland minnir mig .

[Guðrún Emilía Guðnadóttir, 10.12.2008 kl. 06:31]

Ljós í daginn þinn nafna mín
Milla

Sömuleiðis Unnur María mín
Milla

Sigga mín svaf nú eigi svo vel, er að fyllast af kvefi
Ljós til þín
Milla

[Guðrún Emilía Guðnadóttir, 10.12.2008 kl. 06:33]

Helga mín sef afar vel alla jafna.
Ljós í daginn þinn
Milla

[Guðrún Emilía Guðnadóttir, 10.12.2008 kl. 06:36]

Númi ljóðið er úr ljóðabók hans Bjarna Af fjarri strönd / 1971.
Frá hvaða bæ í Aðaldal var hann afi þinn, bara gaman að vita það.
Ljós í daginn þinn
Milla

[Guðrún Emilía Guðnadóttir, 10.12.2008 kl. 06:55]

Einar ég gleymdi í gær að nefna Aðalsteinshús, síðar Pálshús, 1903.
en dóttir mín á hæð og ris í því húsi núna, það stendur við Héðinsbraut i beint á móti N1 sem nefnist hér í bæ Naustagil, einnig Hlöðufell sé ekki hvenær það var byggt. En hvar stendur Formannshúsið finn ekki í fljótu bragði neitt um það.
Kveðjur til þín inn í góðan dag
Milla.

[Guðrún Emilía Guðnadóttir, 10.12.2008 kl. 06:58]

Það gat nú verið Lady Vallý, kirkjuhúnninn eins og hvað?
Ekki vantar nú hugsunarháttinn frekar en vant er ruglan mín á
Suðurnesjum
Ljós til þín
Ruglan á Húsavík

Ljós í daginn þinn Sigrún mín
Milla

[Guðrún Emilía Guðnadóttir, 10.12.2008 kl. 07:02]

Ljós í daginn þinn Sigga mín
kemur þú ekkert fyrir jól?
Milla

Dóra mín ljós og gleði í daginn þinn
Mamma

Hólmdís verð víst bara að fara að skoða þennan hurðahún, oft hef ég í kirkjuna komið, en aldrei tekið eftir þessu.
Er ég þá treg?
Ljós í daginn þinn
Milla

[Guðrún Emilía Guðnadóttir, 10.12.2008 kl. 07:08]

Ljós til þín og Emmu snúllan mín
Milla

Ljós í daginn þinn Jónína mín og já þessi mynd er yndisleg,
Milla

Ásdís mín Bjarg er skáhallt á móti Hlyn veit ekkert hvað það heitir í dag, bara Garðarsbraut eitthvað, en ég kalla það bara Hlyn.
Þú verður nú bara að koma næsta sumar og sjá dýrðina þína.
Ljós til þín
Milla.

[Númi (IP-tala skráð) 10.12.2008 kl. 23:45]

Sælar,þú spyrð hvaðan afi minn sé.Það mun vera Skriðusel.

[Guðrún Emilía Guðnadóttir, 11.12.2008 kl. 07:05]

Takk Númi gaman að þessu dóttir mín er nefnilega ættuð að hluta frá Grímshúsum, svo þess vegna var ég að spyrja.
Kveðja til þín
Milla.