Bara mín skoðun.

Ef ég ætti barn í tilnefndum skóla, tæki ég það úr skóla, sem hefur kennara með þessa skoðun á málum.
Já það hefur löngum verið erfitt að losa sig við skemd epli í skólakerfinu.
Ég var sem lítil snót í Laugarnesskóla, þarf ég að segja eitthvað frekar.

það er alltaf í umræðunni að vernda börnin okkar, en að hafa svona mann við kennslu er ekki gott, maður sem hefur þessa skoðun, er að mínu mati ekki hæfur til að fræða börnin okkar á hlutlausan hátt.
Já ég læt þetta duga, ef ég held áfram þá mundi ég jafnvel sleppa reiðiorðunum út í loftið.
Vona bara að engin nemandi sitji frekari tíma hjá þessum kennara.

Þurfa ekki að mæta í tíma til Páls

Það hefur ekkert breyst,

Fyrir nokkuð mörgum árum síðan, notaði ég þessa síðu til afléttingar á sálartetrinu mínu, eins og svo margir aðrir, en síðan minnkaði stöðugt áhuginn, vegna stöðugra mótmæla við minni skoðun, eða því sem ég var að tala um, fólk sem segir sínar skoðanir á kostnað þess að ég og allir aðrir þurfi nú endilega að breyta okkar, OMG! Hvað er eiginlega að fólki?
Veit reyndar að margur maðurinn lifir og hrærist á og í útásetningum á allt og alla. 
Þetta aumingjans fólk byrjar daginn á röfli um eitthvað sem er í morgunfréttunum ( ef það hlustar yfirleitt á fréttir) heldur  síðan út í daginn, í útásetningastuði, öllum til ama, kemur svo heim til sín, ég mundi þá ætla að þörfin væri önnur, en nei, ég held að makinn meigi þakka fyrir ef ekki útásetningar-eðlið heldur sínu striki, og skemmir ástarlífið, og allt hitt í leiðinni.
Ég hef stundum kallað okkur íslendinga, ömurlegustu útásetningarþjóðina sem fyrirfinnst.
Í alvöru kæru landsmenn, hvernig væri að snúa við blaðinu, hafa gaman, bera virðingu fyrir hvort öðru.
Lífið er núna. Verum til í gleðinni.

Virðing fyrir sjálfum sér.

Ég ber virðingu fyrir fólki, sem ber virðingu fyrir sjálfum sér, yfirgefur siðleysið, en vill vinna að hagsmunum landsins og færir sig um set.
Til hamingju Birgir Þórarinssson.
Velkominn í flokkinn okkar.

Birgir skilur við Miðflokkinn

Hellisbúa-hugsun.

Góðan daginn kæra fólk.

Svei mér þá, ef ekki margir séu enn hellisbúar, hverskonar rök eru þetta eiginlega hjá ÁTVR.
Hvert sem við íslendingar ferðumst er hægt að kaupa allt beinnt af bónda og þar á meðal bjór og léttvín.
OMG! það á að skeðra hina rótgrónu einkasölu ÁTVR, er ekki kominn tími til breytinga, mundi segja að það væri löngu tímabært.

Í um­sögn ÁTVR er líka m.a. bent á að Evr­ópu­rétt­ur setji rík­is­einka­söl­um strang­ar skorður sem gæta þurfi að. Lík­legt sé að laga­breyt­ing­ar um und­anþágu frá einka­rétti rík­is­ins til smá­sölu áfeng­is þyrfti að til­kynna til Eft­ir­lits­stofn­un­ar EFTA, „enda má ætla að opn­un nýrr­ar leiðar til smá­sölu áfeng­is sem aðeins næði til inn­lendr­ar fram­leiðslu hefði nei­kvæð áhrif á frjálst vöruflæði og viðskipti milli aðild­ar­ríkja EES – því meiri eft­ir því sem um­fang und­anþág­unn­ar frá einka­söl­unni væri“.

Og hvað með það? Auðvitað verður þetta gert eftir öllum þeim lögum og reglum sem gilda.
Veit bara ef við ætlum að komast út úr hellisbúa-hugsunarhættinum þurfum við breytingar, ekki bara á þessum vettvangi heldur á öllum vettvöngum landsins.

Góðar stundir.

Segja höggvið að rekstri ÁTVR

Skrítnir tímar.

Já það eru skrítnir tímar, ekki að fátækt sé að byrja í dag, hún hefur ætíð verið til staðar. samt í dag er fólk atvinnulaust, á ekki fyrir hvorki einu né neinu, sökum covid.
Það er ekki auðvelt fyrir foreldra að eiga lítið sem ekkert að gefa börnunum sínum nema ástina, ástin gildir ekki sem greiðslumiðill, í mötuneitið í skólanum, íþróttirnar, fötum, vasapening og hundrað öðrum hlutum. það sem hlýst að svona langvarandi ástandi er að sjálfsögðu vanlíðan hjá börnum og foreldrum svo ég tali nú ekki um allt einstæða fólkið sem ekki nær endum saman. Það eru margar ástæður fyrir þessu ölu saman, það vitum við öll, eigi ætla ég að tala neitt um það sem aðrir hafa meira vit á en ég.
Eitt finnst mér samt til ráða, og það er að hefja umræðuna, tala við börnin okkar, segja þeim ástandið, svo þau öll viti af hverju þetta og hitt barnið á ekki þetta eða hitt, það er svo nauðsynlegt að fá börnin með okkur í lið, þau eru nefnilega úræðagóð og ansi vitur, jafnvel vitrari en við.

Kæru foreldrar ræðið við börnin ykkar um þessi mál.              Ég veit að það er fullt að fólki sem er á fullu svona bak við tjöldin að hjálpa öðrum, ég kalla þau hjálparenglana og ég veit að þau verða verlaunuð þó síðar verði.                           Hér er svo ein tillaga og hún er sú, að fólk komi sér saman um að minka þetta jólagjafa-umstang, borði frekar góðan mat um jólin, baki smá og njóti jólanna sem jóla ekki sem einhverra glamor daga.                                                     Kæru vinir njótið dagsins og verið góð við hvort annað.

„Við hræðumst mjög jólin“

Þvílíkt ástand.

Er allt að verða vita vitlaust hjá okkur, taldi íslendinga vera vitiborið fólk, fólk stæði saman er eitthvað bjátaði á og ég veit að margir gera það. Á tímun hamfara í formi jarðhræringa og veiru eru mjög margir ekki að fara eftir settum reglum, margir eru með hroka og skilja ekkert í þessu veiru-rugli, veiran er að hafa áhrif á okkur öll á einhvern hátt, ættum við þá ekki að vera stilt?
Nú kirkjan er að hrinja, algjör þöggun og yfirvald, segja menn.
Fjögur ungmenni flutt á Bráðamóttöku eftir að bíll ók yfir á rauðu og voru þau öll undir lögaldri, önnur eru tekin vegna óeðlilegs ástands, önnur ráðast á einn og berja sundur og saman, aðrir verða fyrir hræðilegu einelti og þurfa að skipta um skóla sökum þess, og börnin sem lögðu í einelti hrópa húrra er þolandinn fer úr skólanum, og heimilisofbeldið geisar eins og engin sé morgudagurinn, ofbeldi er hræðilegur glæpur sem getur inniborið allan ofbeldis-skalann.
Ég segi nú bara; hvar eru foreldrarnir, hvar hafa þau verið alla tíð, hvar eru mörkin sem sérhvert barn þarf að fá,ekkert barn verður að ofbeldismanni nema eftir slæmt eða ekkert uppeldi. Þetta er foreldra vandamál, ekki barnavandamál.
Börn fá líka slæmar móttökur á hinum ýmsu stöðum sem þau jafnvel þurfa á að halda vegna veikinda eða annarra hluta.
Það vantar virðingu og skilning við börn.
Öll börn bæði þolendur og gerendur þurfa hjálp.
Börn vita ekkert í sinn haus því þau fá mis-vísandi skilaboð frá öllu þjóðfélaginu, og alveg sérstaklega frá foreldrum sínum.
Foreldrar hafa of mikið að gera eða þau setja sig í þá stöðu að þurfa að vinna of mikið og þá er þægilegt fyrir þreytta foreldra að segja já við öllu.
Nú eins og allir vita þá herjaði ofsaveður á okkur síðastliðinn vetur, síðan kom veiran með sínu óöryggi og hræðslu, fengum smá frið í sumar en nú geisar hún aftur, gamla fólkið verður fyrir barðinu eins og aldrei áður. þurfum við ekki að hlusta og það vel, tökum betur á, sýnum skinsemi, hættum að vorkenna sjálfum okkur, verið sem mest heima, en við verðum samt að lifa lífinu hafa gaman og það er svo margt hægt að gera á þess að fara í fjölmenni og vera svo skíthrædd við að hafa sitast af einhverjum. Eitt vitum við að veiran er út um allt og það eru bara við sem getum komist út úr þessu.
Gerum þetta saman og verum stolt af því.
Góða helgi.

Fann Timon sinn.

Sem hundakona þá er gott að fá svona fréttir veit alveg hvað það er að missa hundinn sinn.Ágústa eigandi Timons hefur fengið gott hugboð um að hann væri á lífi.
Til hamingju.

Bjargað eftir 10 daga í djúpri gjótu

Lífið þetta árið.

Mér finnst lífið alltaf yndislegt en auðvitað eru fordæmalausir tímar hjá okkur öllum og misjafnlega vel tökum við á öllu því sem er að gerast.
Við erum að upplifa eitthvað sem aldrei áður hefur gerst allavega ekki í okkar tíð og sumir hlusta ekki á þetta, kalla þetta bara rugl meðan flestir fara eftir settum ábendingum sér og öðrum til góðs.
Ég sjálf er með undirliggjandi sjúkdóm og fór í sjálfskipaða sóttkví um 7 vikna skeið, í dag er ég að passa mig en tók þá ákvörðun að lifa lífinu lifandi,fer allt það sem ég þarf að fara, til að hafa gaman fer ég í Listasmiðjuna okkar, skólann minn og hitti fólkið mitt allavega á meðan það er ekki útgöngubann hjá okkur, ég pannta allt sem ég þarf hjá Heimkaup en fer einu sinni í viku að versla grænmeti hjá Kosti í Njarðvík, Kostur í Njarðvík er besti kaupmaðurinn á landinu (allavega sem ég veit um)
að panta inn er framtíðin.
Nú greinilega eru að koma kostningar og þykir mér miður að heyra skítkastið á núverandi ríkisstjór, að mínu mati eru þau að gera eins vel og þau þekkja til hverju sinni, það er auðvitað rennt blint í mál sem aldrei hafa komið upp áður, engin vissi hvað þetta mundi vara lengi eða hversu mikið þurfti að ráðast í.
Allavega finnast mér útásetningar ekki viðeigandi, það væri gott ef okkar ágæta fólk á þingi mundi taka síg saman um að stjórna landinu saman, landsmenn þurfa ekki á skítkasti að halda á svona tímum.
Tek fram að þessi skoðun mín hefur ekkert með mína pólitísku skoðun að gera.
Njótið dagsins.

Costco á Íslandi HÚRRA !

Það er eins og alltaf er eitthvað nýtt kemur, það er sama hvað það er þá brjálast landinn og ætla að gleypa bráðina hráa á no time.
Costco mun ég skoða einhverntímann kannski svona rétt fyrir jól eða svo, ekki að ég sé á móti þessari verslun því ekki veitir af að stóru verslanirnar okkar sem fyrir eru fái samkeppni þeir verða þá kannski með betri vörur og á betra verði aðallega að mínu mati má bæta grænmetisúrvalið og gæði þess, sem er að mörgu leiti til skammar hér á landi.
Held ég haldi bara áframm að versla í heimabyggð og þetta með Bensínið, mun sko halda mér við N1 eins og ég hef gert í tuga ára sko þetta er nefnilega eins og með bílana sem endalaust taka framm úr á Reykjanesbrautinni en á endanum erum við samtímis á ljósum í Hafnafirði.

Vona að þeir sem fara í troðninginn við COSTCO í dag tapi ekki á græðginni við að kaupa bara eitthvað.

 

Verðið hjá Costco kom N1 á óvart

Skemmtilegt líf.

Já mér finnst lífið æðislegt, æðislegra eftir því sem ég eldist en til þess að öllum heldri borgurum finnist það æðislegt þurfa þeir að sætta sig við að: 

Eldast, fá hina ýmsu krankleika sem fylgja ellinni, jafnvel að þurfa að flytja úr sínum húsum og gefa eða henda miklu af dótinu sínu, sætta sig við nýtt umhverfi, kynnast nýju fólki, fá færri heimsóknir, jafnvel að þurfa að borða í matsal þar sem maturinn er eigi við allra hæfi, sætta sig við þá afþreyingu sem í boði er, og endilega að kvarta undan öllu sem gerist, já þið ættuð bara að vita hvernig þið látið sem hafið ekki undan neinu að kvarta, veit ég vel að margir geta ekkert og vita ekkert hvernig þeir eru og er það fyrirgefanlegt en þið hin gætuð kannski verið smá þakklát OG MÉR FINNST EIGINLEGA UNGA FÓLKIÐ VERST.

Mér finnst lífið æðislegt ég flutti í blokk fyrir 55+ og ég viðurkenni að það voru viðbrigði en ég sætti mig við það með tímanum, ég seldi allt mitt gamla dót bæði mublur, glingur og fl.og var svo fegin að losna við þetta gamla dót sem var fullt að gömlum minningum held að fólk haldi of fast í eitthvað sem skiptir engu máli, að kynnast nýju góðu fólki eru bara forréttindi sem ég fengi ekki ef ég byggi í einbýli, ég geri minn mat sjálf en fer oftast á hverjum degi upp í matsal til að borða með vinkonum mínum og þá bara með búst og epli eða annað það sem ég borða, yndislegt í alla staði, nú svo fer ég í handavinnuna eða fer í heimsóknir, í Reykjavík að búðast og heimsækji þá einhvern í leiðinni, er í Gigtarhóp, harðangurshóp þar sem við hittumst á Dus, borðum, saumum og höfum gaman, ég kvarta ekki undan afþreyingarefninu því það er bara gott og gaman og þó mér líki ekki allt þá fer ég samt því okkur væri ekki boðið upp á neitt ef við kæmum aldrei að líta á það sem er í boði.

Þetta með að engin komi í heimsókn er að ég held afar ýkt fólkið mitt kemur alveg eins oft og það gerði áður en ég flutti í þessa blokk, ég kalla þetta blokk en sumir vilja kalla þetta fjölbýlishús, en hvað með það, þetta með heimsóknir þá er verið að tala um frá börnum og ættingum, ekki þarf ég að kvarta ég fæ allar þær heimsóknir sem eru mér kærar og það er eitt sem okkur eldri borgurum ber að hafa í huga, að skapa okkur eigið líf og hafa gaman að því, fólkið okkar skapar sér sitt líf og guði sé lof fyrir snappið, facebook, line, skype, tvitter og allt hitt sem gerir það að verkum að við höfum samband við börn, barnabörn og vini á hverjum degi, hugsið ykkur hvað þetta er yndislegt verst að ég get ekki knúsað þau öll í gegnum þessi tengslanet en aftur á móti sent miljón stikker´s og það er sko munur.

Jæja elskurnar nú er kominn tími á sjæningu og undirbúning á mat dagsins.
Ætla að njóta dagsins í botn að vanda og vona að þið gerið slíkt hið sama.

Kærleik á línuna 

 

Er þöggunin algjör

Þvílíkur viðbjóður!!!
Ofbeldi hefur verið liðið um aldir og einnig verða dýrin okkar stór og smá fyrir því.
Ofbeldi er mannvonska sama hvort því er beitt gagnvart mönnum eða dýrum.
Stór þáttur í að viðhalda ofbeldi er þögguninn í guðana bænum kæru íslendingar opnið augun og segið frá þegið ekki þangað til ofbeldið ber að dyrum hjá ykkur.

Engin vitni gefið sig fram

Veit ekki hvað á að nefna þessi fyrirbæri

Búin að skoða það sem ég set á blað hér nokkuð lengi, veit ekki hvort aðrir hafa upplifað þessi fyrirbæri eða eru kannski bara meðvirkir því.

Þegar við eignumst börn gerum við allt sem við höfum kunnáttu til svo þau fari vel gerð út í lífið.
Við kennum þeim hvað er rétt og rangt, að segja alltaf sannleikann, vera góð við alla, bera virðingu fyrir öllu fólki, umhverfi okkar í heild sinni og númer eitt sjálfum sér.

Við verndum þau eins vel og við getum, segjum aldrei neitt niðrandi um þau, upphefjum eigi sjálfan okkur á kostnað þeirra og ég gæti lengi talið.

Nú þau verða unglingar síðan fullorðin, gifta sig, eignast börn, skapa sér heimili og halda að allt sé svo fellt og slétt og sem betur fer er það í flestum tilfellum.

Ætla ekki að fara út í þá sálma hvort þau hlusta á foreldra sína því í flestum tilfellum gera þau það ekki þó það geris sem betur fer, það er leitað til foreldranna ef þeim finnst þörf á því og sum börn eru það vel að guði gerð að þau þurfa ekki hjálp.

Nú á meðan þau vaxa úr grasi eldumst við foreldrarnir en njótum að sjálfsögðu barna og barnabarna mjög mikið, allavega ætti það að vera þannig.

Þá kemur það sem ég hef orðið vör við á mörgum stöðum, af börnum, barnabörnum og öðrum fjölskyldumeðlimum að foreldrarnir eru notaðir til að upphefja sjálfan sig eða að fólkið þeirra heldur að gamla fólkið sé elliært, viti minna en ekki neitt, hlegið, kannski góðlátlega svona til að taka broddinn af því sem sagt er eða bara brosað hallærislegu brosi og allir hlæja eða brosa með gerandanum, það versta við þetta er að ég held að gerendur geri sér ekki grein fyrir hvernig þeir haga sér og hversu niðurlægjandi þeir eru.

Flestir foreldrar láta sér þetta lynda, eru þræl meðvirkir með þessum yndislegu fjölskyldum sínum, hitta þau aftur og aftur til að fara heim með sár á hjarta, sárið er bara sett í sárahólfið í hjartanu þeirra og haldið áfram eins og ekkert sé.

Þessi mál hafa verið viðruð hjá fólki í kringum mig og ég segi hiklaust hættið þessarri meðvirkni, skapið ykkur ykkar eigið líf, það er fullt af skemmtilegheitum að gerast í kringum okkur öll, lifum lífinu núna.

Sumir eru svo lánsamir að eiga gott samband við fjölskyldur sínar allavega hluta af þeim og takið eftir það er ekkert til að þakka fyrir, það á að vera sjálfsagt það er að segja ef allir bera virðingu fyrir hvort öðru.

Datt svona í hug að skrifa um þetta því nýverið bar málið á góma í húsinu sem ég bý í.
Gæti sagt margar sannar sögur um þessi mál en læt það eiga sig.
Þeir sem finna sjálfan sig í þessum orðum, sem eru afar dipló, skoða kannski sitt ynnra og gera eitthvað í málunum, en það er alveg þeirra, mér kemur það allavega ekki við.

Kærleik til allra minna vina og ættingja

Halla Tómasdóttir

Halla Tómasdóttir fæddist í Reykjavík þann 11. október 1968. Hún er uppalin í Kópavogi, nánar tiltekið á Kársnesinu þar sem hún býr nú með eiginmanni sínum, Birni Skúlasyni, viðskiptafræðingi og fyrrum knattspyrnumanni frá Grindavík, en hann rekur nú Nóatúns-verslunina í Austurveri. Halla er rekstrarhagfræðingur og starfar í dag sem fyrirlesari á alþjóðavettvangi. Halla stundaði nám og starfaði í Bandaríkjunum en hún talar dönsku, spænsku og þýsku auk ensku. Halla kom að uppbyggingu Háskólans í Reykjavík, setti þar á fót stjórnendaskóla og símenntunardeild, auk þess að kenna við skólann. Hún leiddi verkefnið Auður í krafti kvenna og var síðar annar stofnenda Auðar Capital. Halla var einn af stofnendum Mauraþúfunnar sem hrinti í framkvæmd Þjóðfundinum árið 2009 þar sem grunngildi samfélagsins voru rædd. Halla vill virkja konur til áhrifa á öllum sviðum samfélagsins og vill sjá fleiri frumkvöðla að störfum, ekki síst þá sem hafa það að leiðarljósi að leysa samfélagsleg mein og skapa þannig verðmæti bæði fyrir sig og sitt samfélag.

HALLA TÓMASDÓTTIR

Á Íslandi skipta allir máli
Ég vil búa í samfélagi sem setur mannlífið og náttúruna í forgang. Samfélagi sem byggir á góðri menntun, heiðarleika og réttlæti. Samfélagi sem sýnir umhyggju, er framtíðarheimili unga fólksins og leyfir eldri kynslóðum að njóta þess sem þær hafa áorkað. Sem forseti Íslands myndi ég starfa eftir þessum gildum. -
Förum þangað

þessi orð skrifar Halla og orð hennar koma frá hjartanu
það vita allir sem hana þekkja.

facebooksíðan hennar er Halla Tómasdóttir


Kjósum Höllu Tómasdóttur
Hún hefur allt sem til þarf til að verða góður og mannlegur forseti.

Njótið helgarinnar kæru vinir

Pælingar

Held að það sé ekki til neitt sem ég pæli ekki í en eins og allir vita þá hefur hver sínar skoðanir á málum þannig að ég set einungis fram mínar skoðanir hér.

Eitt er það sem ég hugsa mikið um og það er að vita hver ég er og viðurkenna sannleikann um mig við mig.

Ég er ekki ein af þeim sem er í einhverjum ramma en ég set mér takmörk og aga í kringum mörkin og stend við þau.

Ég á afar erfitt með að þola dónaskap, einelti og að fólk setji mig í ramma sem það sjálft er í, sem er afar algengt hér á landi.

Fordómarnir á landi voru eru miklir og eiginlega veit ég ekki út í hvað því öll erum við jöfn hvernig sem við fæðumst í þennan heim.

Eitt er það stórt og mikið sem ég hef upplifað síðan ég man eftir mér og það er stjórnsemi, foreldrar byrja að móta og stjórna um leið og við höfum vit til að hlusta og bolltinn rúllar frá foreldri til barna, barna til barna og síðan kemur rússan í pulsuendanum er börnin fara að stjórna í sínum foreldrum, margir foreldrar eru orðin ein, vaxið frá hvort öðru eða misst maka sinn og langar kannski til að eignast vin/konu en þá kemur stjórnsemin frá börnunum, allt er ómögulegt og foreldrið í mörgum tilfellum þora ekki öðru en að fara eftir því sem börnin segja, OMG má ekki eldra fólkið finna smá gleði í lífinu.

Tek það framm að börnin mín hafa aldrei stjórnað svona í mér nema ef ég hef verið veik og þau þurft að grípa inn í þvermóðskuna í þeirri gömlu.

Eitt er svo skemmtilegt er fólk fer að setja út á hvernig ég er klædd, greidd og máluð en það horfir ekki á sjálfan sig og hugsar, kanski ég ætti að gera eitthvað til að líta betur út, allavega ekki að setja endalaust út á annað fólk.

Jæja kæru vinir gerið bara það sem ykkur langar til að gera ef okkur líkar það ekki þá er hægt að snúa sér að öðru.

Hætt þessu í bili
Góða nótt

Hvað er sorg ?

Sorgin kemur ekki yfir okkur bara er við missum einhvern kærkominn yfir í aðra vídd, er við missum einhvern þá vitum við að það er endanlegt í þessari vídd.
Þau sem við missum eru að mínu mati rétt hjá okkur og með tímanum lærum við að breyta sorginni í gleði yfir því að hafa fengið að vera samtíða ættingum og vinum í þessari vídd, en misjafnlega langan tíma tekur það fyrir okkur að komast á það stig að breyta sorginni í gleði og er það hvers og eins að vinna úr því.

Það eru margar aðrar sorgir til, t.d. sorg sem skapast við skilnað, vinarslit, veikindi og svo margt annað eins er afar misjafnt hvað fólk túlkar sem sorg.

Ein sorgin er sú sem viðkemur framkomu fólks við vini og vandamenn, eins og illt umtal, niðurlæging, skortur á virðingu, ósanngirni, ósannindi, hreytingur, ljót orð, já og siðleysi á allan handa máta.

Allt þetta  skapar sorg sem að sjálfsögði hjarar út en tekur mun lengri tíma heldur en er maður missir einhvern yfir í aðra vídd, fólk er eigi alltaf að fatta hvað  það er að gera sjálfum sér með slíkri framkomu því að mínu mati þurrkar maður út svona fólk.

'Eg hef undanfarið orðið fyrir sorg og skapast hún af því hvernig fólk vogar sér að tala um og við aðra og því miður er þetta afar algengt, fólk talar út, suður í kross og heldur að það hafi leifi til að ata aðra auri, sem það hefur ekki.

Ég hef áður talað um eineltið sem er ekki bara hjá börnum og unglingum einnig þar sem fólk kemur saman, á vinnustöðum, frá yfirmönnum og lengi mætti telja.

Við sem búum á móður okkar jörðinni ættum að taka okkur til og hætta þessum dónaskap út í allt og alla, tala fallega um og við allt fólk, verum meðvituð um fegurðina í kringum okkur og verum með henni, hún veitir okkur vellíðan.

Þetta sem ég skrifa hér er auðvitað mín skoðun.

Kærleik til ykkar allra.

Er ég eigi skil eða fatta hvað er í gangi.

Besta vinkona mín kom til mín einn daginn og tjáði mér ýmislegt sem hún var eigi að skilja að fullu, Ég spurði hana hvort ég mætti blogga um hennar mál og hún sagði já við því.

Ég mun skrifa eins og út frá sjálfri mér það er einhvernveginn léttara.

Vinkona mín sagði:

Ég hef gengið í gegnum margt og mikið um ævina, en síðan ég komst á lygnan sjó hef ég lagt mig niður við að vinna vel úr mínum málum og það hefur tekist alveg ágætlega.
Ég á yndisleg börn og barnabörn en börnin mín hafa þurft að vinna í sínum málum og vona ég svo sannarlega að þau hafi gert það þó þau hafi eigi beðið mig um hjálp í þeim efnum enda kannski eðlilegt að ég komi eigi náglægt þeirra bata en við höfum svo sem rætt þetta á stundum.
Það er einnig þannig að er vandamál koma upp þé hefur hver og einn sína skoðun á því hvað gerðist, hvað mikið þau muna og bara allt mögulegt.

Fyrir fáum árum fór ég að taka eftir því að viðhorf og framkoma fór að breytast gagnvart mér ( þeir taka þetta til sín sem eiga það ) svo langt getur þetta gengið að ófyrirgefanlegt það verði því að mínu mati hefur engin leifi til að setja út á, niðurlægja, lítillækka, hunsa eða bara hvað annað, ef ég og þeir sem eru í kringum mig geta ekki elskað mig eins og ég er, því ég elska nefnilega allt mitt fólk eins og það er, þá er best að umgangast ekki neitt.
Vinkona mín tjáði mér að svo langt væri þetta gengið að hún félli í grát oft og oft.
-----------------------------------------------------------

Frá mér:
Hvernig er þessi heimur orðin hvernig er okkar litla land orðið, hvernig vogar fólk sér að vera dónalegt við hvort annað.
SORGLEGT

Ég er öskureið

Jæja Gullindúskarnir mínir ég er nú ekki vön að taka stórt upp í mig en eftir kvöldfréttirnar þá get ég nú ekki látið orða bundist, hvað í fjandanum gengur eiginlega á þeir sem eiga að vera fyrirmyndir þjóðarinnar eru bara óhafandi og óverjandi glæpamenn svei mér þá á meðan stór hluti þjóðarinnar lepur dauðann úr skel á mikill hluti ráðamanna/ kvenna miljarða í vaxtageymslum út um allt.

Það er bara þannig að ég skil þetta ekki það er hægt að hækka laun hjá öllum nema okkur lífeyrisþegum, það vita það allir að við lifum langt undir fátækramörkum og getum ekki borgað lækniskosnað, lyf, hvað þá gert okkur eitthvað til skemmtunar nema að skerða matarinnkaupin og hvað gerist þá jú við fáum næringaskort, lögð inn á sjúkrahús og ekki er það ódýrt fyrir ríkið.

Burtu með ríkisstjórnina og líka stjórnarandstöðuna því hún var ekkert betri, Alveg nýtt fólk á þing takk fyrir

Hugsanir mínar og skoðanir.

HÆ ÖLL. Ég hef í mörg ár hugsað um hvernig fólk tekur því að verða heldri borgari, sem sagt 67 ára, mörgum finnst það ömurlegt, öðrum finnst ömurlegt að þurfa að hætta að vinna leggjast bara í kör og vorkenna sjálfum sér, veit eigi hvað margt er í boði fyrir okkur ef við viljum. Veit vel að margt af þessu sem er í boði kostar en það kostar ekkert að spjalla sama, segja brandara hlæja og hafa gaman saman.

Mörg okkar lifa fyrir börnin og barnabörnin, sækja, skutla,passa og  margt annað og skemmta sér svo þar fyrir utan.

Margir eru í félagsstarfinu sem gefur okkur mikið,  ég fékk mér t.d.  leiguíbúð í blokk fyrir 55 ára og eldri ( ég er sko eldri) er búin að búa hér í rúm 2 ár og er eiginlega fyrst núna að sætta mig við þessar breytingar.
Hér háttar svo til  að blokkin er áföst sameign sem er matsalur, sjúkraþjálfun, hárgreiðslustofa, snyrtistofa og æðislega flott fönduraðstaða.
Nú ég fer stundum upp í sal og fæ mér salad-bar og tek þátt í samræðum við fólk eitt finnst mér frekar ömurlegt að sumir eru ætíð að tala um að þessi og hinn sé á lausu og ég sem er til dæmis ekki með mann er verið að segja svona við mig og þá einhvern karl, (hallærislegt)( mín skoðun.)
Ég á fullt af vinum hér bæði konum og körlum en er ekkert skotinn í neinum manni eins og er verið að spyrja mig að.
Ef ég ætlaði mér að ná í mann mundi ég ekki bera það á borð fyrir mann og mús.

Skotinn í er ekki allt í lagi með húmorinn í fólki, það má alveg gantast með allt annað en svona persónulega hluti.

Tek það framm að ég er jafn kát við alla konur og karla.


Annað sem er slæmt það er þegar börnin eru að skipta sér af foreldrum sínum sem er jafnvel skotið í einhverjum og langar til að vera vinir vita þessir krakkar ekki hvað það getur verið einmannalegt að vera einn, nei þau hugsa það ekki því þau hugsa bara um eigin hag, veit um svona dæmi.

Mér finnst allavega afar gaman að lifa því lífið er dásamlegt og elskurnar mínar ef ég mundi ná mér í vin yrðu börnin mín afar glöð.

Dagurinn í gær endaði bara vel.

Í gær átti ég tíma í gangráðaeftirlit kl. 9 nú ég og Dóra mín lögðum af stað frá Njarðvík 7.45 og er við komum inn á Lansa var ég orðin 20 mín. of sein ég var 40 mín frá Hafnafirði að Lansanum vegna umferðatafa það var bíll við bíl alla leið hef ekki vitað annað eins ég mundi nú ekki nenna þessu ef ég þyrfti að stunda vinnu í bænum, ég mundi fara fyrr af stað.
Nú það var ekki hægt fyrir mig að komast inn hjá aðalinnganginum vegna framkvæmda svo ég fór Eiríksgötumegin fór það í hjólastæða-stæði sem reyndar var búið að keila af en rendi mér þarna inn, Dóra mín náði í hjólastól og renndi mér inn nú þessar elskur í eftirlitinu tóku því bara vel að ég var svona sein rúlluðu mér inn og sat ég bara í stólnum á meðan þær tóku línuritin svo þurfti náttúrlega að prennta þetta út en það gekk svolítið seinnt því prentarinn er frekar oft í vondu skapi sökum elli, gekk fyrir rest að tala hann til svo þær fengu úr honum pappírana, kvaddi þessar elskur með virtum er ég var búin að fá nýjan tíma.
Fórum framm til að borga en viti menn það var ekki hægt því posinn var bilaður svo ég fæ rukkun í pósti eða heimabankann spurði ekki einu sinni um það sagði bara hvernig í ósköpunum getið þið unnið við svona aðstæður þær hlóu við og sögðust vera vanar.

Held að þeir sem vinna að því að reisa nýtt sjúkrahús ættu að drífa í því áður en við missum besta fólkið í heiminum frá okkur.

Nú svo drifum við okkur heim Dóra var að fara í ræktina og vinnu og Nonni bróðir minn og Sava voru að koma í heimsókn til mín við áttum yndislegan dag saman.

Endaði svo daginn með harðangurs-hitting á Kaffi Dus, fengum okkur grænmetisrétt og var hann æðislegur.


Nú eins og ég sagði þá endaði dagurinn í gær afar vel.
Kærleik í daginn ykkar allra

Hópelti á vinnustað

Einelti hefur löngum verið til hér áður og fyrr þorði fólk ekki að segja orð af hræðslu við að missa vinnuna, nú það komu svo góðir tímar á vinnumarkaði enn eineltið hætti ekki.

Við síðasta hrun misstu margir vinnuna sína, sjálfsmatið fór á núll, hjón höndluðu ekki stöðuna og skildu, hægt að telja lengi upp.

Aðeins að koma inn á að í þeim landshluta sem ég bý vantar stórlega fólk í flestar stöður í öllum fyrirtækjum, sem betur fer er mörg fyrirtæki og starfsmenn þeirra til fyrirmyndar en sumir undiryfirmenn eru bara ekki starfi sínu vaxnir leggja fólk í einelti og niðurlægja það út í eitt.

Þeir sem eru yfir mannauðnum ættu  að huga að því að núna þegar vinnan kemur á færibandi til fólks þá ættu þeir að  vera vakandi yfir því sem er að gerast á vinnustaðnum þeirra annars missa þeir allt fólk frá sér

Hef aldrei skilið þá sem upphefja sig á kosnað annarra.

Hópelti á vinnustað