Vantar facebook eftirlit.

Herða eftirlit, það er þá tími til kominn, væri kannski hægt að
koma upp svona njósnakerfi eins og maður er að heyra að sé
notað á facebook, nei ég segi svona.

Misnotkun bóta af öllu tagi hefur alltaf verið notað og alveg komin
tími til að stoppa þessa vitleysu af.

Lesið þetta.

Nú eru um 18 þúsund manns á atvinnuleysisskrá og margir þeirra hafa freistast til að misnota kerfið en til þess eru margar leiðir.

Ein leiðin er að senda einhvern annan fyrir sig þegar viðkomandi er boðaður á fund til þess að staðfesta að hann sé atvinnulaus. Mörg dæmi eru um slíkt, að sögn Gissurar. Nokkrir útlendingar, sem farnir eru til síns heimalands, hafa reynt að blekkja Vinnumálastofnun með þessum hætti. Hafa þeir sent vini sína, sem staddir eru á Íslandi, í sinn stað. Til að sporna við þessum svikum er farið aðkrefja fólk um persónuskilríki þegar það kemur í viðtöl.

Hef nú ekki á ævinni heyrt annað eins, núna fyrst á að fara
að krefja fólk um persónuskilríki.
Er ekki alveg að skilja svona vinnubrögð.
Atvinnuleysissjóður er sjóður fólksins og ber þeim sem eru á
launum hjá fólkinu að vinna vinnuna sína svo eigi hljótist
hnjóð af.

Ég veit um mýmörg dæmi þess að fólk svindli á kerfinu, hef
komist að því í gegnum árin, en ekki dettur mér í hug að
tilkynna um þau, ég er nefnilega ekki eftirlitsmaður eða dómari.

Í dag má öryrki vinna fyrir 100.000 kr. á mánuði áður en bætur
skerðast, en held að tekjuskerðing verði, það er að segja, það
fer eftir tekjum og tekjur teljast lífeyrissjóðsgreiðslur og laun.
Held að þetta sé rétt hjá mér.

Leiðréttið mig ef þetta er vitlaus, veit þetta ekki því ég er ekki
í þessum hóp sem getur unnið því miður.

Bæturnar misnotaðar

Hvað með eftirfylgdina?

Það þarf nefnilega að vera góð eftirfylgni í svona málum.
Ég sagði í einhverju kommenti í gær að yfirleitt væru þetta
2-3 ungmenni sem hefðu sig frammi og það er rétt, hin
eru svona hirðfólk sem klappar, æpir og hrósar gerendum
á eftir.
Hugsið ykkur hvað þetta er sorglegt? Hirðfólkið það sogast
inn í svona grúppur af mörgum ástæðum, ekki ætla ég að
fara að telja þær allar upp, því þetta er sorglegra en það
að maður geti ásakað einhvern, frekar einhverju.
ATH. að forsprakkarnir eiga oftast í mestu sálarkreppunni.

Flestir foreldrar eru miður sín og vilja gera allt til að barnið
þess hætti, taki sig á, verði sómabarnið, en eftir hvers höfði?

Besta eftirfylgdin að mínu mati er að huga að hvað það er
sem hrjáir barnið síðan að fara í ferlið að laga það, en með
fullri virðingu fyrir því sem barnið vill.
Ekki nota yfirgang, frekju, ekki það sem ég vill að þú gerir,
heldur hlustið á barnið ykkar og elskið það framar öllu öðru.
Fáið hjálp, þið nefnilega kunnið þetta ekki, voruð alltaf að
gera ykkar besta, vissuð bara ekki betur.
Það er engin skömm að viðurkenna það og það er heldur
engin skömm þó allir kæmust að því sem er að gerast.

Þið eruð nefnilega ekki ein um að lenda í svona málum.

Umfram allt farið rétt að börnunum því annars fáið þið
yfir ykkur endalaus vandræði.
Viljið þið það?

Hafa játað að hafa haft sig mest í frammi

Fjandans perrar eru þetta?

Já ég segi það: ,, fjandans perrar eru þetta" mér fyndist að
lengri dómur hefði verið við hæfi.

Veit ekki hvað þeir halda að þeir komist lengi upp með þetta
án þess að einhver taki bara lögin í sínar hendur og ??????

Trúlega hugsa þeir ekki um það, halda líklegast að þeir séu svo
ósnertanlegir og miklir töffarar að allar ungar stúlkur falli fyrir þeim.
Vonandi hjálpar einhver þessum mönnum því ekki gerum við það
borgarar þessa lands.

Já já ég veit að ég er reið, þoli bara ekki svona ógeðslega karla
sem tæla ungar stúlkur, eyðileggja líf þeirra og margra annarra.

Hvað vitum við svo sem, um þær ungu stúlkur sem í dag eru í vandræðum
í sínu lífi, vita ekkert hvernig þær eiga að vera því þeim líður illa.

Talið er að 5 hver stúlka lendi í því að vera beitt kynferðislegu ofbeldi
og þá spyr maður sig hvar eru þær?
Guð veri með þeim.

Beraði kynfæri sín í sundlaug

Samlíkingar.

Eins og ég hef oft sagt áður, dettur svona niður í mína hugsun,
sérstaklega í morgunsárið, sitjandi við eldhúsborðið maulandi á
morgunmatnum, horfandi yfir kinnafjöllin.
                             Kúgun
Já sem sagt kúgun á þessu og hinu, hef oft í gegnum árin
orðið fyrir og horft upp á þessa kúgun.
Við erum að rita, segja eða nota hvað annað það tjáningarform
sem við teljum best.
Einhverjir eru á móti, setja út á, argast og eða hreinlega banna
manni að tjá sínar hjartans skoðanir taka ekkert tillit til þess að
allir hafi sinn rétt til skoðunar og að tjá sig um þær.
Margir setja sig, og eða verða að gera það, í dómarasætið og
banna, jafnvel þó þeir viti ekkert hvað um er að vera í raun.

Samlíkingin sem mér datt allt í einu í hug í morgun, rita og meina:
,,Manneskjur sem lenda á skjön við rammann sem er búin til að
lifa eftir, af einhverjum sem ekkert veit um hugsun og kærleika
þess fólks sem ekki getur verið í rammanum,
þetta fólk er tekið á teppið, og letjað niður þar til það passar í
rammann."
Rétt eins og um geðsjúkrahús, eins og við sjáum í bíómyndum.
væri að ræða, þið vitið þessi sem allir eru læstir inn á og verða
að taka lyfin sín, "Annars"?

Haldið þið að þessu fólki líði vel með það? Nei því líður afar illa,
svo illa að það veikist eða þaðan af verra, af hverju? Jú að því
að það er verið að hefta tjáningarþörfina og talað við þau
eins og um peð væri að ræða, sem einhverjir allsráðandi
sjálfsetjandi maður/kona setur sig í.

Eitt sem er smá skondið, það eru ritaðar bækur og gerðar
myndir um þessi mál og öllum finnst það gott og gleðilegt.
Þarna er verið að ræða og sýna fram á, en hver er að því?
Einhverjir frægir höfundar sem ekkert hafa vit á málum.

Fyrirgefið þið öll sem látið ykkur kannski varða um þessi mál
öll, þetta er ekki neikvætt meint.

Eigið kærleik og gleði í dag.
Milla.

Fyrir svefninn.

Vitið þið að mér finnast fréttir hundleiðinlegar þessa daganna.
það eru þingmennirnir og ráðherrar sem fara upp og niður á
listum vegna útstrikana.

Ekki ætla ég nú að óskapast yfir svínaflensunni sem heitir í ár
H1N1, síðast hét hún eitthvað annað, en þá var það víst
fuglaflensan eða hvað þetta er nú búið að heita aftur í árin.

Dagar Líf eru taldir, það er miður, en hvað voru þeir margir?

Þeir taka því bara rólega í stjórnarmyndunarviðræðunum,
er ég nú ekki afar ánægð með það, en það skiptir engu máli
er hvort eð er bara smá peð Ég sem aldrei get þagað.

                              Ættfræðin
   (Og sýnishorn af dapurlegum örlögum eiginmanna)

Tvær farandkonur, Gróa og Rósa, fundust eitt sinn á förnum vegi.
Þær tóku tal með sér. Gróa var mjög dauf og dapurleg í orðum og
allri framkomu en Rósa að sama skapi kotroskin og málhvöt og
mest fyrir svörum.
Hún spurði Gróu hvort hún væri gift.
,,Já," svarar Gróa, ,,gift var ég en hann er dáinn, maðurinn minn."
,, Hvernig dó hann?" spyr Rósa.
,, Á sinni sóttarsæng," segir Gróa hálfkjökrandi.
,, Það var hörmulegur dauðdagi," segir Rósa.
,, En hvernig dó maðurinn þinn?" spyr Gróa.
,, Hann var hengdur," svarar Rósa og er hin hreyknasta.
,, O, Það var hörmulegt. Barstu þig ekki óskaplega illa?" Spyr Gróa.
,, Ho -nei, langt í frá," svarar Rósa. ,,Ég sagði bara: hiss upp og
hiss upp, aldrei grét hann Eyjólfur minn um dagana sína.
En nú skal ég segja þér nokkuð. Veistu að við erum skyldar?
,, Ekki veit ég það," gegnir Gróa.
,, Jæja það er nú samt svo," segir Rósa.
,, Hún feðra þín og mæðra mín voru systra og bræðra, feðra og
mæðgna, svo tek ég einn úr þér og annan úr mér, og þá erum við
óskakkir þrímenningar."

Þetta er tekið úr bókinni  Heimskupör og trúgirni. JónHjaltason.

Góða nótt kæru vinir

Heimsfaraldur.

Forsætisráðherra fyrirbyggi hræðslu

Í viðbragðsáætlun vegna heimsfaraldurs inflúensu er komið inn á hlutverk ríkisstjórnarinnar, þar á meðal hvað varðar fjölmiðlasamskipti. Þar segir að meginhlutverk ríkisstjórnarinnar sé að tryggja upplýsingamiðlun til almennings og að telja kjark í þjóðina á neyðarstundu.

Það er að sjálfsögðu afar brýnt að fjölmiðlar útskíri á
mannamáli hvað um er að vera og byrji á því strax.
þeir verða að sjálfsögðu að fá fakta hjá sóttvarnarlækni.
Ég veit til dæmis ekki hvað þetta er, hvaðan hún kemur
og hvernig hún sprettur upp, hvað er til varnar,
hvað getum við gert?
Hvernig er það er þetta það alvarlegt að loka þurfi landinu,
ef svo er þá átti að gera það strax að mínu mati.

„Forsætisráðherra er ábyrgur fyrir því að ríkisstjórnin komi einhuga fram og að tryggja skilvirka upplýsingamiðlun til almennings og fyrirbyggja hræðslu. Hann ber ábyrgð á að tryggja að upplýsingar séu settar fram tímanlega, á skýran og samhæfðan hátt."

Ekki árennilegt í heimskreppunni að fá heimsfaraldur í
inflúensu ofan á allt annað sem ríkisstjórnir landa þurfa
að glíma við.
Maður hugsar nú sitt í þeim málum.
Sofnið bara ekki á verðinum eins og svo oft hefur gerst
og er ég ekki að meina þetta neikvætt til þeirra sem nú ráða
heldur hefur það komið oft fyrir að þjóð vor hefur sofnað á verðinum.

Þar segir einnig að brýnt sé að öll ráðuneyti komi að málum enda muni stjórnvöld standa frammi fyrir að taka mjög stórar og afdrifaríkar ákvarðanir. „Því er brýnt að ríkisstjórn standi sameinuð í meiri háttar ákvarðanatöku."

Gangi okkur öllum vel í þessu máli því það er grafalvarlegt.

Forsætisráðherra fyrirbyggi hræðslu

Fyrir svefninn.

                Rommel fer í frí

,,Það er mér mikill léttir að vita að á meðan ég verð í burtu
verða sjávarföllin óhagsstæð fyrir landgöngu.
Auk þess sem loftmyndir gefa enga ástæðu til að ætla að
árás sé yfirvofandi."
Með þessum orðum kvaddi Erwin Rommel, yfirmaður þýska
heraflans sem átti meðal annars að sjá um strandvarnir í
Normandy, foringja sína þegar hann hélt heim í verðskuldað
frí hinn 5. júní 1944.
Um kvöldið, eða nákvæmlega 15 mínútum eftir miðnætti, hófst
stórfelldasta innrás hernaðarsögunnar þegar herir bandamanna
réðust inn í Normandy.

                  ******************************

,, þú ættir að líta inn til hans Jóns gamla. Hann er orðin steinblindur,
   karlauminginn, og hefur gaman af að sjá kunningja sína."
                             Gamall borgfirskur bóndi.

,, Ja, hún er nú slæm í fótunum en hún er góð þar á milli."
         Eiginmaður aðspurður um heilsu konu sinnar.

Þetta er nú úr bókinni Heimskupör og trúgirni. Jón Hjaltason.

Annars er ég bara góð, eins og þið vitið fór ég til tannsa í morgun
og verð bara að viðurkenna að ég gerðist bara ekkert hrædd er hann
byrjaði að kroppa þetta drasl úr mér, vorkenndi honum að þurfa að
standa í þessum fjanda, þær eru nefnilega ofurfastar í mér tennurnar,
en fyrir rest tókst þetta, á svo tíma eftir hálfan mánuð þá á að gera
við og fínisera.

En morguninn byrjaði á hinum venjulegu verkum, glumdi svo ekki
dyrabjallan klukkan níu maður hrekkur nú í kút, Gísli til dyra, þá var
þetta Aþena Marey sem vildi að afi léti á hana plástur, en sárið sást
nú eiginlega ekki, hún fékk plástur kyssti okkur bæði bak og fyrir og
sagðist sjá okkur seinna í dag,  sem hún stóð við, sagði að sér sviði
svolítið í sárinu við horfðum á Tímo og púmba saman mamma hennar
hringdi eftir henni um sjö leitið, en er nokkuð yndislegra en að fá
svona heimsókn að morgni til og eða hvenær sem er.

Góða nótt kæru vinir

Kartöflusalat

Þetta er salat sem ég er alin upp við að borða og beið maður
alltaf spenntur eftir því að mamma hefði snarl mat, en þá bjó
hún salatið til úr kartöfluafgöngum haft var með kaldur fiskur,
kjöt eða bara nýbakað rúgbrauð á eftir fengum við svo heita
köku, lummur eða eitthvað sætt.
Mamma var snillingur í að nýta afganga.

3 st. laukar léttsteiktir á pönnu
það sem til er af kartöflum sneitt í sneiðar
steikt með. (ekki of mikið)
salt og pipar
3 matsk  borðedik
3   do      sykur
3 dl vatn
soðið  svona í 3 mín.

Ola! Bon apetit.

Annars á maður víst að byrja á því að segja góðan daginn.
Er bara róleg þó ég sé að fara til horor mannsins sem heitir
tannsi, fallegasti maður, svona er hann þarf ekki að opna minn
munn því þá byrjar fóbían.
Hann tjáði mér reyndar fyrst er ég fór að gott þætti honum að
ég væri hrædd við hann, þá mundi ég kannski hlýða honum,
Ja hérna auðvitað hlýðir maður eins og góðum þegn sæmir.
Hann er jú tannlæknirinn.
Elskurnar mínar þið heyrið í mér er ég næ mér á strik aftur
sem verður nú örugglega bara um kaffileitið.

Ljós og kærleik í daginn
Milla

Fyrir svefninn.

                  Hafnfirðingar drekka mikið te

Sigurður Skúlason skrifaði sögu hafnafjarðar er kom út
1933. Hann taldi sig hafa fundið í í verslunarskjölum
hamborgarkaupmanna að Hafnfirðingar hefðu áður fyrr
flutt inn fjarska mikið te. En það kom í ljós að Sigurður hafði
ruglað saman orðunum ,,Tee" og ,,Teer" sem er tjara.
Gerðu menn grín að þessu, engin þó betur en Jón Helgason
sem orti:

                Fyrst kom einn, sem breytti vatni í vín
                og vann sér með því frægð sem aldrei dvín,
                en annar kom og breytti tjöru í te
                og tók að launum aðeins háð og spé.

                              Krankleiki

Eitt sinn þegar holdsveikir fyrirfundust enn á Íslandi var gefin
út bæklingur um þennan óhugnanlega sjúkdóm og voru í
honum myndir af holdsveiku fólki.
Kerling ein á Austfjörðum tók sig til og hellti terpentínu á
allar myndirnar og sagðist ekki kæra sig um að sýkjast af
þessum ófögnuði.

                              *********

,, Ég er bílveikur, konan mín er bílveik, krakkarnir eru allir bílveikir
   og hundurinn líka. - Þetta er ættgengur andskoti."
                            Bóndi úr þistilfirði.

Góða nótt kæru vinir

Vilja þeir ekki í ríkisstjórn, sko VG.

Þau ræddu lauslega um Evrópumál á fundi forystumanna
VG og Samfylkingar á heimili Jóhönnu í gær, en allt annað
var rætt frekar en Evrópumálin. Er ekki alveg að skilja þennan
skrípaleik, til hvers að ræða saman ef  VG vilja ekki í viðræður
um ESB

 Steingrímur J. Sigfússon, formaður VG, og Jóhanna tókust á um málið í umræðuþætti í Ríkissjónvarpinu í gær. „Þetta verður erfiðasta málið að leysa," sagði Jóhanna og tók fram að ekki væri rétt að lítið bæri í milli. Undir það tók Steingrímur, sem sagði Evrópumálin vera „stórt, erfitt, óbrúað ágreiningsmál". Eins og til að undirstrika það áttu þau síðan hvöss og snörp orðaskipti í þættinum. 

Eftir orðum Jóhönnu að dæma, þá hangir eitthvað á spýtunni
sanniði til. VG taka ekki viðræður í mál, eða Steingrímur talar
allavega þannig,Samfylkingin vill í umræður og það strax
Svo hún hlýtur að biðla til annarra en VG.
Var það ekki bara það sem lá í loftinu allan tímann?

En segið mér sem er nú á móti aðild: ,, Er ekki allt í lagi að fara
í viðræður því það er svo þjóðin sem endanlega ræður í
atkvæðagreyðslu um málið ekki satt?

Óbrúuð gjá í ESB-máli

Fyrir svefninn.

Svona dagar eru náttúrlega ekki í lagi, sko ég fór að sofa
á skikkanlegum tíma í gærkveldi og svaf til 8 í morgunn,
læddist framúr svo þessi sem vakti í alla nótt vaknaði ekki
það slapp til, fór og fékk mér morgunmat og svo í tölvuna
ekkert að gerast, en sá úrslitin og var bara nokkuð sátt.

Það sem mér finnst er að við þurfum að taka upp léttari
húmor á það sem við köllum vandamál, ef við ætlum að halda
svona áfram eins og við erum búin að gera undanfarna mán.
þá verðum við útbrunnin eftir smá tíma.

Við breytum ekki því sem er að gerast, ekkert að gera með þá
gjörninga sem koma til með að verða sýnilegir næstu mánuði
ef við erum ekki ánægð þá gerum við allt vita vitlaust, en gefum
fólki tíma til að anda aðeins.

Jæja var ég ekki að tala um svona daga, jú ég sko sofnaði eftir
matinn og svaf til 16 er þetta eðlilegt?
Milla hringdi síðan og ætluðu þau út að borða og komu ljósin mín
þá hingað á meðan þegar þau komu að sækja þær þá var hellt á kaffi
og spjallað smá stund, Ingimar er svo að fara suður í fyrramálið.

Góða nótt kæru landsmenn

Eftirköstin og afleyðingar þeirra.

Þá eru verstu kosningar allra tíma "næstum" afstaðnar, en
hreint ekki búnar því eftirköstin eru eftir og munu þau vara
í margar vikur í blöðum og manna á milli.
Eru það oft á tíðum ekki kurteisari umræður heldur en fyrir
kosningar, en vonandi hjaðnar útásetningartalið skjótt að
þessu sinni, eða er ég of bjartsýn?

Sú ríkisstjórn sem mun myndast núna hefur tvö ár til að gera
það sem þarf og er það ærið verkefni sem býður hennar.
Það sem mér finnst vera alveg nauðsynlegt að hrinda í framkvæmd
og það strax, eru atvinnumálin svo fólk finni aftur að það er eitthvað,
geti séð fyrir sér og sínum, síðan þarf að hjálpa þeim sem eru komnir
í þrot, koma því fólki með allt sitt í skil og ekki síst hjálpa þeim sem
eru í djúpum vegna þeirra vaxta hækkanna sem orðið hafa eru samt
að reyna að borga af sínu, en sveltir í staðinn.

Það sem ég er mest hrædd um er að þetta mæta fólk okkar sé ekki í
stakk búið til að takast á við vandan á heildrænan hátt, en það er
það sem þarf, brjóta alveg niður og byggja upp á nýtt.

En núna þarf, og það strax að bjarga því að fólk svelti ekki meir.
Þá meina ég bæði að allir hafi að borða og félagslegt aðgengi.

Ég óska okkur öllum til hamingju, gefum fólkinu vinnufrið, en
verum með góða eftirfylgni í formi eftirlits á því sem er að gerast.
Eigið góðan dag í dag.

Fyrir svefninn.

Eins og ég tjáði mig um hér í gærkveldi var ég í stórafmæli
í dag, Tengdasonur minn varð fertugur, veislan var frábær
góðar veitingar og skemmtilegt fólk að spjalla við.
Hér koma nokkrar myndir, en sumar eru ekki nógu skírar
það er auðvitað minn klaufaskapur.

Tertan í miðjunni er frómas terta með fullt af allskonar berjum.



Ostakaka með berjum, rjómapönnsu, ostahorn og lefsur
fylltar með ostagóðgæti.
Takið eftir skreytingunni á borðinu Ingimar valdi að hafa Lóu þema .

Þarna er marens tertan góða með rjóma og ferskjum í  og súkkulaði
yfir, síðan eru kleinur og ástarpungar já og upprúllaðar pönnsur.



Ingimar með Viktoríu Ósk og svo kíkir Dóra  yfir öxlina á
mági sínum, en hún var að baka pönsurnar.



Þetta er hún Dadda langamma frábær og dugleg þessi elska
85 ára og lætur sig ekki vannta, það er ríkidæmi fyrir börnin að
eiga langömmu, en bara til að valda engum misskylningi þá er
hún móðuramma Ingimars.



Milla mín með Ósk tengdamóður sinni, flott mynd.

Þetta eru frænkurnar Sigrún Lea, Guðrún Emilía, Viktoría Ósk og
Hafdís Dröfn. svolítið hreyfð þessi mynd.



Flottir bræður Alli og Ingimar, sést í Nonna að fá sér af matarborðinu.



Þarna er Arna með skjóðunum.

Þetta eru þeir Óskar pabbi Ingimars og Gísli. Flottir.



Þær tóku eina gretti mynd af ömmu gömlu.

Góða nótt kæru vinir

Fyrir svefninn og morgundaginn.

Jæja nú er búið að borða og Ingimar farinn í sund með
dæturnar sínar, Milla, Dóra og englarnir eru í matar
undirbúning fyrir morgundaginn.

Það er svo sem búið að lesa yfir mér með það að ég ætli
ekki að kjósa, meira að segja englarnir mínir æstu sig og
sögðu að ég ætti að nýta mér þann rétt að ég mætti kjósa.
Skildi það allavega þannig, hló nú reyndar svo þau gáfust upp
þekkja þá gömlu, gef mig eigi svo glatt.

Veit ég vel að ég á þann rétt að kjósa, en tel einnig að ég eigi
þann rétt að kjósa ekki, fjandinn hafi það er konum var veittur
kosningaréttur, var það gert með semingi og út af fyrir sig
brosað í kampinn og gert smá grín yfir frekju kvenna, að fara
yfirleitt fram á það að fá þennan rétt.

Í  dag njótum við virðingar, svona næstum, við eigum okkar líf
og tel ég að ég hafi allan rétt á því að sitja heima, ég spyr ræð
ég mér ekki sjálf, jú og engin getur stjórnað í mínum gjörðum.

Jæja nú er ég búin að rausa nægilega mikið svo ég er hætt
kosningar á morgunn og mikið fjör í bænum, líka hjá mér.

Draumalandið

Ó leif mér þig að leiða
til landsins fjalla heiða
með sælu sumrin löng
þar angar blómabreiða
við blíðum fuglasöng.

Þar aðeins yndi fann ég.
Þar aðeins við mig kann ég.
Þar bætti mitt tryggðar band.
Því þar er allt sem ann ég.
Þar er mitt draumaland.

Jón Trausti.

Góða nótt kæru vinir

Bara að láta vita!

Nú eru þær að koma og þá kemst maður nú ekki í tölvuna
sína þegar maður vill, ekki að maður hafi áhuga þegar það er
svona mikið um að vera eins og alltaf er þegar við hittumst.

Gísli er að sækja mæðgur síðan verður sinneps-gullach hjá
mér í kvöld, það verða grjón og snittubrauð með.

Á morgun er svo stór dagur hjá Ingimar mínum og þá verður
gaman, mun koma saman stórfjölskyldan til að fagna með
honum, hlakka til að hitta fólkið.

Fór til tannsa í morgun og á að mæta í stærri framkvæmdir á
þriðjudaginn, það þarf að taka þessa vandræðatönn og svo á
að gera eitthvað meira svo konan fái ekki sýkingar því það má
ekki er maður er með gangráð.
Óskemmtilegt frekar en verður að gerast samt.
Ég spurði nú reyndar hvort ég mætti ekki bara koma með
koníksflöskuna, en nei það var nú ekki mjög æskilegt
verandi að fara í tannúrtöku.

Verið stillt og hafið það gott elskurnar mínar allar
Milla.

Draumaferð sem eigi gleymist.

Sjóðurinn vildarbörn er búin að gleðja margar barnssálir
síðan byrjað var á þessum ferðum, kemur fram í fréttinni
að 250 börn og fjölskyldur þeirra hafi farið í draumaferðina
sína.


Peggý Helgason hefur unnið sjálfboðastarf við barnadeild
hringsins í áraraðir og einnig stutt við bakið á börnum og
fjölskyldum þeirra er um langveik börn er að ræða og ekki
veitir af, Sigurður maður hennar hefur verið hennar stoð
í þessu.

Að vera með langveikt barn er ekki auðvelt það vita allir
og að búa meira og minna á sjúkrahúsinu með barnið sitt
er heldur ekki auðvelt, fyrir utan áhyggjur af barninu
kemur upp samviskubit er pabbinn verður að fara til vinnu
eða mamman þarf að sinna hinum börnunum sínum og sjá
um, að þeim finnst allt, því málin leysast ekki af sjálfum sér.

Það er hægt að telja ýmislegt upp, en tel að allir viti þetta
sem vilja vita.
Þarna vinna og hafa unnið í mörg ár, þessi mætu hjón
Peggý og Sigurður Helgason frábært og óeigingjarnt starf.

Góða ferð í ferðina ykkar elsku börn sem fengu úthlutun núna.

Hugsum svo um hvað við sem frísk erum eigum gott.

Tíu vildarbörn á leið í draumaferðina

Fyrir svefninn.

Sumardagurinn fyrsti að kveldi kominn, hann búin að
vera yndislegur.
Byrjuðum á því að fara fram í Lauga, tókum Aþenu Marey
með okkur, þar var opið hús og tókum við Aþena Marey
okkur til og settumst í sálfræðitíma með Sigrúnu Leu og
Guðrúnu Emilíu og var hann bara mjög góður.
Síðan ætlaði ég upp í matsal, en sú litla vildi vera lengur svo
hún sat einnig einn enskutíma með frænkunum sínum.
Þær komu svo allar og borðuðu, en við fengum Gullach-súpu
Með því dýrðlegasta heimabakaða brauði sem hægt er að fá.

Ég skal bara segja ykkur það að maturinn hjá honum Kristjáni
kokk er alltaf eins og maður sé á 5 stjörnuveitingastað.
Takk fyrir mig Kristján og annað hjálparfólk.

Má til með að tala um það, er ég kem fram í Lauga þá er eins og
ég komi í annan heim, skólastýran er frábær kona, kennarar og
annað starfsfólk hjálpa upp á að gera dvöl manns þarna, ævilega
góða. þarna hvílir andi yfir paradís sem sjaldséð er í dag.
Þau eru heppin börnin sem velja að fara að laugum í nám.

Komum heim um 2 leitið og þá sótti á mig svefn svo stífur að ég
lagðist út af og vissi ekki af mér fyrr en Aþena Marey kom inn
klukkan að verða fimm, þá sagði Gísli mér að Ásgerður hefði hringt
og ég ætti að hringja í hana í gemsann, sem ég gerði og viti menn
voru þau þá ekki bara komin til Húsavíkur og áttu bara eftir
2 mínútur heim til okkar.
Þau hafa sótt svona að mér að ég steinsofnaði.
það var sko hellt á könnuna og spjallað og haft gaman, þau fóru
síðan um 7 leitið og næst förum við til þeirra, ekki langt að fara
þau búa á Ólafsfirði, en við höfum alltaf hist á Akureyri einu
sinni í mánuði á kaffihúsi.
Takk fyrir komuna kæru vinir, því það eruð þið virkilega, sannir vinir.

Fórum svo í mat til Millu og Ingimars, hann var kominn að sunnan
í frí fram yfir helgi.

Sumarnótt 11.júlí 1993

Sumarnótt í sólareldi,
sigurtákn í himins veld.
Blessar allt sem grær og grætur
geisladýrð um bjartar nætur.
Heillar augað, hugann vekur,
hjartað örvar, sorgir hrekur.

Skin á milli skýjabakka
skartar fegurst, ljósbrot flakka.
Roða slær á turn og tinda,
tefur skuggi á lágum rinda.
Margbreytni er mikils virði,
mótar skýrast faguryrði.

                Höfundur ónefndur.

Góða nótt

Gleðilegt sumar.

Gleðilegt sumar kæru landsmenn og takk fyrir veturinn, það
er búið að vera ánægjulegt að eiga við ykkur öll vinskap þótt
skrifin okkar hafi oft verið svona upp og niður eins og við sjálf.

Það sem ég er þakklát fyrir er sá góði hópur vina sem ég hef
eignast, sumum hef ég kynnst persónulega og aðra hitt í
stuttan tím, sem er bara yndislegt því það er svo gaman að
geta tengt bloggið við réttu andlitin.

Við erum hópur bloggara hér norðan heiða sem höfum kynnst
afar vel, hittumst við á Akureyri einu sinni í mánuði, þá er sko
mikið hlegið að öllu því skemmtilega sem er að gerast í okkar
lífi eða bara í heiminum.
Ég er þakklát fyrir þennan vinahóp sem er alveg frábær.

Suður með sjó, þar sem ég bjó í 27 ár hef ég kynnst nýjum og
eldri eru með líka og þar hittumst við er ég kem suður.

Ég veit að öll þessi vinátta er komin til að vera, og vitið af
hverju ég veit það, jú það er nefnilega svo skemmtilegt með
sanna vini að þeir eru ekki með neinar kröfur, þetta er
kröfulaus vinskapur, vona að allir skilji hvað ég meina.

Gleði og sól í nýtt sumar fyrir okkur öll
takk fyrir mig í vetur.
Milla.

Fyrir svefninn. Hjálparbeiðni

Hjálparbeiðni

21.4.2009 | 20:32

Stuðningur við Eydísi Ósk

mánudagur, 20 apríl 2009

Eydís Ósk Indriðadóttir veiktist alvarlega af heilahimnubólgu um páskana.  Hún hefur legið á sjúkrahúsi í Reykjavík síðan þá.  Hún sýnir merki um bata en er enn mjög veik.  Óvíst er hvenær hún verður aftur fær um að sinna námi, störfum og litlu dóttur sinni.

Eydís er einstæð móðir og hefur stundað nám á Hvanneyri sl. 2 ár.  Reikningarnir hætta ekki að berast þrátt fyrir að fólk geti ekki stundað nám eða vinnu um tíma og þess vegna væri það mikill stuðningur við þær mæðgur ef þeir sem eru aflögu færir geta styrkt þær með fjárframlagi, sama hver upphæðin er.

Reikningur Eydísar er nr. 1105-05-401159 kt. 071182-4289

Látið þetta berast kannski er einhver þarna úti sem getur hjálpað
og biðjum fyrir henni og hennar fólki.
Ljós yfir þessa ungu konu.

Tók þetta af síðunni hennar Röggu.

Kæru vinir ég set þessa beiðni inn aftur í kvöld bara til að
minna ykkur á að hugsa til þeirra sem hafa það ver en við,
svo miklu miklu ver.
Verum meðvituð og hjálpum eins og við getum, það kostar
allavega ekki mikið að kveikja á kerti og biðja.

Góðan nótt kæru vinir

Frillur allar tíma

Frillur (sem þýðir ástkona gifts manns) hafa verið til svo lengi
sem sagan hefur verið rituð.
Mikil dulúð hvíldi yfir lífi þessara kvenna, þær voru oftast
heldri manna frillur og áttu þá hús og góðan fatnað, gengu í
garðinum og buðu í te.

Nú þær voru einnig bara á götunni og seldu sig hverjum sem vildi,
Þannig er það líka í dag.
Þær gera það misvel, sko ég meina peningalega, eru að sjálfsögðu
ekki allar jafn vinsælar, sumar klókar og aðrar sem hugurinn hleypur
með, þær eru ekki mjög efnaðar á neinn hátt, maður þarf að vera
klókur í þessum geira sem öðrum.

Þessi breska sem er að gefa út bók, hefur peningavit hún er líka
vinsæl og kann á þetta gott hjá henni að spila á heimsku karlanna,
en þeir hafa samt eina afsökun, þeim langaði svo í eitthvað öðruvísi.
Hver skilur það nú ekki.

Svo eru þessar sem voru heimavinnandi giftar konur, áttu friðil alveg
eins og þeir frillu. þeir fóru úr vinnunni til þessara frillna sinna og það
var leikið sér að vild. Þetta gerist allt í kringum fólk og mun alltaf gerast.
Sumar af þessum konum tóku greiðslu aðrar, og flestar tóku ekki neitt,
en eitt er staðreynd að þau voru öll afar þurfandi.

Svo er það einnig til að fólk fái sér sjortara í vinnunni, með vinnufélaga,
bara að skreppa inn á WC eða í eitthvert afskúm, karlinn búin að fá sitt,
en hún situr jafnvel eftir á WC með sárt ennið, eða reddar hún því bara.

Aðrir voru þeir og þær sem tóku sér unga frilla og frillur sumt af þessu
unga fólki var mjög ungt og skildi ekki að hér var um ofbeldi að ræða.
Hér á öldum áður var þetta bara eins og að drekka vatn hjá þeim
sem meira máttu sín og er enn hjá sumum þjóðum.
En hjá öðrum þjóðum hélt fólk þessu leyndu og er það þannig enn þá dag
í dag að sjálfsögðu því þetta er bannað.

Nú verður einhver hneykslaður á mé, en þetta eru nú bara smá staðreyndir
lífsins.

Eigið góðan dag og látið ekki traðka á ykkur, takið þátt í því sem þið
viljið sjálf ekki öðru og passið að meiða engan.
Milla