Hvar liggur hundurinn grafinn?

Allir hælisleitendur sem dvelja á Fit í Njarðvík ætla í hungurverkfall fái málefni Mansri Hichem hælisleitanda frá Alsír sem hefur verið í hungurverkfalli í nítján daga ekki farsælan endi.

Hann vill að ósk hans um hæli verði afgreidd en hann hefur beðið í tvö ár eftir úrskurði, aðrir jafnvel mun lengur.

Ég hef nú skrifað um þessi mál áður og ekki voru þau skemmtileg
kommentin sem ég fékk þá, en vonandi er fólk farið að átta sig á
að eitthvað þarf að gera.
Það er ekki manni bjóðandi að þurfa að bíða í tvö ár ef ekki lengur
eftir því hvort það fær að vera í landinu eða ekki.
hverju sem þetta er að kenna þá er þetta mannréttindabrot.

Ég sagði einhvern tímann að það væri bara betra að senda fólk
strax heim aftur heldur en að leifa því að dvelja og vona að
það komist inn í okkar fallega land, sem svo bregst.

Vonandi verða breyttar vinnureglur nú viðhafðar.
Hvað kostar það ríkið að sjá fyrir þessu fólki, er ekki betra að
afgreiða þeirra mál svo fólk geti farið að sjá fyrir sér sjálft.

Jóhann Thoroddsen  sálfræðingur  hjá Rauða Krossinum segir manninn mjög kvalinn og ástand hans alvarlegt. Hann segir óskandi að menn þyrftu ekki að bíða svona lengi eftir úrskurði eins og raunin hafi verið.

Maðurinn liggur í sameiginlegri stofu hælisleitenda á Fit þar sem hann verður að vera nærri salerni. Þar voru nokkrir mótmælendur samankomnir í dag auk annarra hælisleitenda sem vilja sýna stuðning. Hann sagði í samtali við mbl sjónvarp að sér liði ákaflega illa en Linda Björg Magnúsdóttir segir að samkvæmt Dublinarsáttmálanum eigi menn rétt á úrskurði innan sex mánaða

Yfirvöld báðu manninn að undirrita yfirlýsingu þess efnis að hann þæði ekki læknisaðstoð ef hungurverkfallið drægist á langinn. Hann neitaði og hefur slík yfirlýsing Því ekki verið undirrituð. Jóhann segist ekki þekkja nákvæmlega þá málavöxtu en sér finnist þetta óneitanlega kuldalegt.

Á mig virkar þetta eins og eigi sé um fólk að ræða, heldur
einhverja þurfalinga sem enga virðingu á að fá.

Ég vona bara að þetta fari vel og verði ekki til skammar fyrir
okkur Íslendinga.

Ætla allir í hungurverkfall

Bloggara-hittingur norðan heiða.

Bloggarahittingur norðan heiða.

Hvernig er eiginlega með þetta fólk, fær það aldrei nóg af hvert öðru? Nei, það virðist ekki vera.

Meiningin var að halda grillpartý á Laugum hjá henni Dóru 6. júní. Það er ekki hægt þá helgi, því við sjómannskonurnar komumst að því að þetta væri sjómannadagshelgin. Og ef ég ætti að velja á milli þess að fara út að borða með eiginmanninum eða í grill á Laugum, já þið vitið hvað ég myndi velja.

Því partýi ætlum við því að fresta þangað til tveim vikum seinna eða 20. júní. Dóra, verður snjórinn ekki örugglega farinn þá?  Segi svona.

Það er ekki nokkur leið að við getum sleppt því að hittast í millitíðinni svo að meiningin er að koma saman um næstu helgi eða laugardaginn 16. maí.

Sami staður eða Kaffi Karólína í Listagilinu.

Verðum þó með þetta aðeins fyrr svo Eurovision aðdáendur hafi nægan tíma til að undirbúa kvöldið

og byrjum því kl. 15.00

Nýir þátttakendur velkomnir.

Hlakka til að sjá ykkur


Mætum öll því þetta er svo gaman.

Góða nótt kæru vinir

Hvað nær villidýrið langt í manninum?

       Pygmýum nauðgað í Kongó.

Hermenn ríkisstjórnarinnar í Austur-Kongó hafa orðið uppvísir að ofbeldi gegn pygmýum (smávöxnum kynþætti) í þorpinu Kisa í Walikale. Meðal annars var þorpshöfðinginn afklæddur og brotið á honum kynferðislega fyrir framan fjölskyldu hans. Börnum höfðingjans var jafnframt nauðgað fyrir framan hann.

Annar eins viðbjóður er ekki til, að nauðga fólki og börnum
undir hervaldi, engin getur björg sér veitt.
Er ekkert siðferði til í þessu landi, hvar er kærleikurinn hann,
kannski tilheyrir hann ekki þeirra trú eins og okkar.
Þegar maður les svona fréttir verður maður sorgmæddur og
ofsa reiður, jafnvel mest reiður vegna sinnar eigin vanmáts.
Maður getur ekkert gert.

Hermennirnir telja sig fá ofurkrafta og vernd guðanna með athæfi sínu. Mannréttindasamtök hafa lengi barist gegn ofbeldi á pygmýum. Um er að ræða smávaxinn kynþátt af ættbálki Mò-Áka - frumstætt veiðimannasamfélag - sem býr í skógum á Austur-Kongós við miðbaug. Ættbálkurinn hefur lengi átt undir högg að sækja vegna fordóma og ofbeldis.

Ja hérna þvílík ofurtrú, að halda að þeir fái ofurkraft og
vernd guðanna við að fremja slík ódæði, nei þessum mönnum
er bara ekkert heilagt, þeir gera bara það sem þeir vilja
og svífast eigi neins.

Hvenær hættir allur viðbjóður heims?
Fáum við nokkur svör við því?

Eigið góðan dag.

Pygmýum nauðgað í Kongó

Fyrir svefninn

Jæja elskurnar mínar allar saman, það er komin ný stjórn,
er þá ekki þjóðráð að gefa henni tækifæri og vinnufrið til
að standa við loforðin, en ég fyrir mitt leiti vill endilega að
eitthvað sem hrífur fyrir alla verði gert strax.
Fólkið okkar er að fara á límingunum.

                   ******************

Góður dagur í dag að vanda, fórum á Eyrina gagngert til að versla,
Dóra og stelpurnar voru með.
Er búið var að fylla bílinn vörum, brunuðum við í Lauga, Dóra var
nefnilega búin að bjóða í mat og komu Milla og Hennar ljós líka
mikil hrifning var er þær komu, þær höfðu nefnilega ekki séð
frænkurnar sínar í þó nokkra daga og það er eigi gott.
Við fengum kjúkling, grjón, franskar, kartöflusalat, hrásalat og
kaldar sósur rosa gott, ætla ekkert að tala um eftirmatinn.

                  *******************

Vegna þess að það er hálfgerður vetur enn þá, kemur eitt
sem heitir  Vetrarkvöld eftir Lilju Gísladóttir frá Kýrholti ( 1898-1970)

Viltu með mér horfa hljóð
í himinsgeimsins undraveldi?
Ekki gefur lítið ljóð
lýst því bjarta stjörnukveldi.

Dalinn hjúpar hljóðlaust kyrrð,
hátt við fjallsbrún máninn bendir.
Líkt og útþrá innibyrgð
okkar mætast duldar kenndir.

Duldar kenndir, kyrrlát þrá,
hvíld í lífsins öfugstreymi.
kveiki ljósin hvelfing blá
kærleiksljós í myrkum heimi.

Góða nótt kæru vinir.

Hvernig manni er stjórnað

Eins og allir vita þá elska ég pælingar, já um svona hvernig
manni er stjórnað alveg frá blautu barnsbeini.
Mótunin sem á sér stað hjá foreldrum okkar, sem vilja ráða
alveg fram í rauðan dauðann.
Eins og til dæmis mamma er enn þá að reyna að koma mér í
sæta köflótta, ermalausa, hnepptan upp í háls kjólinn sem
var í tísku 1960 eða eitthvað.
Hún þessi elska hringdi um daginn sem oftar og sagði að það væri
svo æðisleg verslun í Glæsibæ sem þessir kjólar fengust í, Já
en mamma mín ég fer aldrei í kjól, jú elskan þú mundir alveg
falla fyrir þessum TRÚLEGA. Hún hringdi svo litlu síðar til
að segja mér að þeir væru uppseldir. þvílíkur léttir þar til hún
finnur upp á einhverju til að stjórnast í.
En ég elska hana nú samt
Hef lengi verið að pæla í svona stjórnunarsetningum og eiginlega
spurningum um leið, eins og:
,, Af hverju er myndavélin þarna?
   Hvar á þetta eiginlega að vera?
   því ert þú ekki búin að???  
   þú ert sein? Þó það sé hálftími í brottför.
   Áttum við ekki að vera mætt?  
   Hvenær veistu hvað við ætlum að hafa í matinn?   
   Ég get svarið það, ertu ekki búin að? 
   Ætlar þú að vera í þessu?
   Eru börnin ekki tilbúin?
   Mér finnst það lágmark er ég kem þreyttur heim úr vinnunni að?"

Svona gæti maður endalaust talið upp og er ég afar hógvær í orðum
sko að því að það er sunnudagur, en hvað finnst ykkur um svona
stjórnsemi og er þetta ekki innifalið í pakkanum,andlegt ofbeldi?

Segi eina góða: ,, Við vorum á leið frá Ísafirði til Akureyrar/Húsavíkur
einn bróðir minn á leið frá Reykjavík til Akureyrar svo við ákváðum að
hittast á Brú og borða saman hádegismat þar, þau fóru bara seinna
af stað en við.
Hringir ekki mamma, hún elskaði að fylgjast með okkur er við vorum
á ferðalögum, og segir; jæja elskan eruð þið þá öll komin í Brú, já
mamma mín Ingó og Inga eru rétt ókomin, en Nonni og Svava? Ha
ætluðu þau að koma? Já voruð þið ekki búin að ákveða að hittast öll
á Brú og hafa svona systkina brunch? Sko það er nú reyndar löngu
hætt að detta af mér andlitið þegar hún þessi elska byrjar að stjórnast
bæði í huga og gjörðum, en sko.
Nei mamma mín, nú, en einhver sagði það.
Nonni bróðir minn sem býr við Vesturhópsvatn var náttúrlega komin
langleiðina til Akureyrar, það hefði tekið hann klukkutíma að koma á
Brú og hitta okkur, en öll vorum við að fara í fermingu til Akureyrar.

Jæja verð að drífa mig í sjæningu, Dóra var að hringja og ætlum við
á eyrina að versla.
Kærleik í daginn

 

Fyrir svefninn

Í morgun vaknaði ég um sex, fór fram fékk mér smá snarl, svo
meðulin, var ekki í stuði í neitt annað en að fara upp í rúm aftur,
sofnaði hjá elskunum mínum sem sagt Neró til fóta Aþenu Marey
á milli og Gísli út á brún sín megin, þetta er sko king size rúm.
Vaknaði við smá kel á kinn og ein lítil sagði amma! já hvað elskan,
Hann afi er löngu farin fram, nú þá förum við líka fram, fórum beint
í skrípói, ég síðan svolítið í tölvuna, afi gaf henni morgunmat.

Klukkan 13.30 þurfti hún að mæta upp í Íþróttahús þar var lokasýning
á vegum fimleikana, var það æðislegt bæði að sjá þessi litlu sem voru
að byrja í vetur, síðan hin sem maður er búin að fylgjast með í 4 ár
það er svo gaman að sjá framförin.

Við vorum að enda við að borða pasta með ostasósu og steiktum pulsum
óskamatur hjá Viktoríu Ósk, höfum ekki keypt pulsur í heilt ár eða meira.

Þar sem ég er ekki búin að fá myndir af mótinu þá tók ég nokkrar
hér heima. Hún er upprennandi drottning.

Þarna er hún með peninginn sem allir fengu fyrir að taka þátt.

Hún er bara flott.



Þær eru yndislegar systur, og það er mikill kærleikur á milli
þeirra þó litla drolan fái nú oftast að ráða.



Ljósálfurinn minn mátti nú varla vera að því að líta upp frá tölvunni.

Jæja nú er víst að byrja partý sem þær eru að bjóða ömmu og afa upp á
svo ég er bara hææt í kvöld.

Góða nótt kæru vinir

Hvað er í gangi?

Ég var nú að leita af auglýsingu þar sem talað var um
þennan mann sem ætti að koma skikk á kattar og hundamál
Húsavíkur, en er búin að henda skránni sem þetta kom í.
Ég man nefnilega að mér fannst hún eitthvað miður skemmtilega
orðuð, ef einhver hefur hana þá endilega að birta hana.

Úr myndasafni. mbl.is/Ómar

// Innlent | mbl.is | 8.5.2009 | 18:06

Skaut heimiliskött á Húsavík

Meindýraeyðir skaut merktan heimiliskött með haglabyssu innanbæjar á Húsavík og kveðst í umboði sveitarfélagsins. Tryggvi Jóhannsson, framkvæmda- og þjónustufulltrúi bæjarins, segir hann hafa gengið of langt. Þetta kom í kvöldfréttum RÚV.

Þar segir að sveitarfélagið hafi ekki gefið meindýraeyðinum leyfi til að farga dýrum með þessum hætti. Honum hafi verið uppálagt að handsama ketti til aðgreiningar og koma heimilisdýrum til síns heima

Þessi háttur sem lýst er hér að ofan er yfirleitt vinnureglan
sem farið er eftir í bæjum landsins.

Hélt svo að það væri bannað að hleypa af skotvopni innan
marka bæjarfélaga, en ef honum hefur verið upp á lagt að
vinna svona sem er náttúrlega algjörlega óviðunandi.
Ætla nú bara að vona að það útskýrist hvað þarna bjó að
baki.

Ég er sjálf með hund, hann er aldrei laus, en maður veit
aldrei hvenær blessuð dýrin taka á rás og þá sér í lagi kettir.

Ég bý á Húsavík og bara skammaðist mín er ég las þessa frétt,
þetta gæti ekki verið að gerast.
Vitið þið ekki hvaða tilfinningaböndum við tengjumst okkar
gæludýrum?

Kærleik í daginn
Milla.

Skaut heimiliskött á Húsavík

Fyrir svefninn

Það er búið að vera ljúft í dag, byrjuðum á því að gera þessi
venjulegu morgunverk eins og að sjænast borða morgunmat,
aðeins að tölvast síðan í yfirreið í búðirnar, fórum fyrst í bakaríið
síðan í kjötbúðina Viðbót besta kjötbúð sem ég hef kynnst, svo í
Kaskó smá spjall í Esar blómabúðinni síðan heim í langþráðan
kaffisopa.

Gísli minn fór svo að ná í Viktoríu Ósk í skólann, en hún vildi fara
heim með vinkonu sinni og var það nú í lagi.
Um eitt leitið fór ég í fataleit, fékk heilmikið lánað heim sem ég get
hugsað um fram yfir helgi sóttum Aþenu Marey á leikskólann og
vorum að leika okkur í allan dag.
Hún skrapp aðeins heim að hitta mömmu sína, en kom strax aftur
með fatatöskuna því hún verður hér í tvær nætur.

Á morgun er fimleikasýning sem hún tekur þátt í og amma fer að
sjálfsögðu að horfa á.
Hún vildi fara sturtu áðan og var það nú í lagi allt í einu kallar hún
amma það er allt fullt af vatni ég stökk upp af stólnum með öllum
mínum hraða, og viti menn það var alveg að fara yfir þröskuldinn
á baðinu og fram á gang, hún hafði þessi elska viljað fá vatn í
sturtubotninn og stíflað með þvottapokanum, jæja það er víst
ýmislegt sem gerist hjá þessum elskum, en á meðan þau ekki slasa
sig þá er þetta bara allt í lagi.
6 stór baðhandklæði hurfu ofan í vatnið á gólfinu áður en ég gat tekið
elskuna úr sturtunni nú svo reddaði afi þessu á meðan ég þurrkaði ljósinu
mínu.

Góða nótt kæru vinir

Áfengi að sjálfsögðu númer eitt.

Stórfurðulegur hugsunarháttur vaknar hjá mönnum er það
kemur kreppa jú þá þurfa þeir að fá huggun í vökvanum því
þeir eiga svo bágt.

Þetta hefur alltaf verið svona frá ónauma tíð, ekki hef ég neitt á
móti víni, þó ég drekki það bara ekki eins og er, var samt búin
að ákveða að bæði reykja og drekka er ég kæmi á elliheimilið.

En í alvöru þá er þetta til skammar um leið og maður les um
aukningu kvenna með börnin sín í kvennaathvarfið, ja vegna þess
að bóndinn hefur lúskrað á þeim, þá les maður um aukningu á
vínkaupum. Eru menn virkilega svona veikir?

Ekki nóg með það heldur fara konurnar heim aftur, því það er
ekkert hægt að gera segja þær í þessu ástandi sem kallast kreppa.
Ég taldi nú að ef um venjulegt fólk er að ræða þá ættu hjón að
standa saman og leysa málin, en ekki að maðurinn kæmist upp með að
berja bara konuna sína og jafnvel börnin, ekki er kreppan þeim að kenna.

Afsakið útúrdúrinn frá fréttinni, en þetta bara tengist, og karlmenn
farið nú að þroskast.

Stóraukin sala á áfengi í apríl

Fyrir svefninn

Svona dagar með snjókomu um mitt sumar eru náttúrlega bara
óþolandi, en ég lagði mig um hádegið er við Gísli minn vorum búin
að fá okkur afganginn af þorsknum sem ég steikti í gærkveldi, sko
hann var svo nýr og góður að maður varð bara svekktur er allt var
búið af diskinum þó bakksaddur væri, vaknaði síðan um þrjú leitið og
settist við tölvuna, fór inn á Evans og valdi mér föt síðan hringi ég
suður í fyrramálið og athuga hvað er til, læt svo senda mér.

Síðan var ég aðeins að skoða vísindin um heilsuna og hvernig er hægt
að bæta hana svona aðallega með hugsunarhætti og svo þetta, ditten
og datten, eins og allir vita þá þarf að muna eftir því eins og öðru.

Við Gamla settið fengum okkur kaffisopa og heimabakað brauð með osti
síðdegis og erum þar af leiðandi ekkert búin að borða fáum okkur eitthvað
smá innan tíðar.

Úr bókinni Heimskupör og Trúgirni.

                  Jörðin hreyfist ekki

,, Dýr sem hreyfa sig hafa útlimi og vöðva. Jörðin hefur hins vegar
   hvorki útlimi né vöðva; þar af leiðandi hreyfist hún ekki."

                  Scipio Chiaramonti.

                          *****
               
                  Lincolm, verst ræðumaður í heimi

,, Við töldum það óhugsandi að jafnvel herra Lincolm sjálfur gæti
   samið ræðu svo stílljóta, svo laustengda, svo barnalega, ekki
   aðeins í uppbyggingu heldur einnig í hugmyndafræði, tilfinningum
   og skilningi. Hannhefur slegið sjálfum sér við."

   Chicado Timse um Gettysborgar-ávarp Lincolms forseta, sem hann
   flutti hinn 19 nóvember 1863, og sem fræðingar 20. aldar höfðu í
   hávegum og vísuðu til fyrirmyndar í ræðumennsku.

Góða nótt kæru vinir

Skrifað í morgunsárið

Góðan daginn allir kátir og ekki kátir, sko ég er alveg kát
en þarf að fara út til að fara í þjálfun, ekki er nú veðrið til
að hrópa húrra yfir, rok og slagveðursrigning.

Aþena Marey mín sem svaf hjá okkur í nótt er ennþá í
draumaheiminum, hún sofnaði í gærkveldi í gestarúminu,
en svo vaknaði amma við einhvern bolta, sem nuddaðist
og snérist í hringi, sér við hlið, það er hennar vani að vera
helst þversum í rúminu er hún er búin að finna sér viðeigandi
holu, svo þegar hún er steinsofnuð aftur þá laga ég hana til
þannig að hún sé meira afa megin en mín megin.

Já það var nefnilega vegna anna sem ég bloggaði ekki fyrir
svefninn í gær, enda er ég að hugsa um að gefa því bara frí,
allavega fram á næsta haust.

Annirnar í gær voru að ég fékk að vanda vinkonur mínar í heimsókn
og Sigga Svavars bættist í hópinn og það var yndislegt að fá hana
við eigum örugglega eftir að hittast oftar svona til að spjalla um
okkar áhugamál.
Nú síðan voru ljósin mín í mat og einnig vinkona Viktoríu hún Birta.
Og það er ekki hægt að eiða tíma í tölvu er maður hefur svona
skemmtilegt ungt fólk að tala við.

Eigið góðan dag í dag
Milla

Þeir sem minna mega sín

Þeir sem minna mega sín er fólk sem á minna en ekki neitt
eða eru (eins og einn maður sagði á þingi ) " Þurfalingar"
Að mínu mati er þetta bara fólk eins og allir aðrir og eiga
skilið alla þá virðingu sem þeir fá sem meira mega sín.
Ég spyr nú bara hvað þýðir þetta eiginlega, meira, minna?

Dettur svo eitt í hug, það eru ómálga börnin og upp úr, eru
þau kannski eitthvað fyrirbæri sem minna má sín.
Er þau eru lítil, er talað fyrir þau, svarað fyrir þau, og eftir því
sem þau eldast, held ég í sumum tilfellum að þetta haldi áfram.
Þau eru ekki hvött til að tala eða segja sína skoðun, og ef þau
segja eitthvað, þá er jafnvel sagt, hvaða vitleysa er þetta, þér
hlýtur að misminna eða þetta var eða er ekki svona.
Þau fá sem sagt aldrei að segja sína skoðun fyrir stjórnsemi
fullorðna fólksins.

Held samt að fullorðna fólkið sé ekki að meina neitt illt með
þessari stjórnsemi, þau bara vita ekki hvað þau eru að taka mikið
og eyðileggja fyrir börnunum, letja þau í stað hvetja og það er
mörg hegðunin sem kemur út úr.

Sum börn kunna ekki með góðu móti að brjótast út úr rammanum
sem þau eru búin að vera í frá blautu barnsbeini og fara þá út í
allskonar rugl og svo eru allir alveg hissa á hvað hafi gerst með
þæga barnið sem sagði aldrei orð og foreldrarnir yndislegir í
alla staði.
Það er bara því miður ekki málið, börnin þurfa að fá að þroskast
eðlilega í frjálsræði, en með aga.

Þau börn sem fengu að njóta sín koma bara vel út, en auðvitað
eru undantekningar á öllu.

Bara smá hugleiðing um hádegisbil.
Eigið góðan dag í dag

Fyrir svefninn

                          Reifarakaup

Hans Ellefsen reisti hvalveiðistöð á Sólbakka við Önundarfjörð
1889 og íbúðarhús sem hann seldi Hannesi Hafstein, fyrsta
íslenska ráðherranum, fyrir eina krónu, aðrir segja fimm krónur,
og er hæpið að hús hafi selst öllu ódýrara hérlendis - jafnvel þó
kaupverðið hafi verið fimm krónur.
Íbúðarhús Ellesens var síðan tekið í sundur, flutt suður og sett
upp aftur við tjörnina í Reykjavík þar sem það hýsti ráðherra
Íslands og síðar forsætisráðherra til 1942.

                     ********************

                     Margur er smalakrókurinn

,, þetta var ljóta ferðin. Ég var boðin að Holti og átti að vera þar
skírnarfontur en þegar ég kom þangað var búið að matselda barnið."

                            Flaumósa bóndi.

                                 ********

         ,,Förum nú út og horfum á sólarniðurganginn."
               
                                Óþekktur   

                                   ***

,, Og hugsið ykkur, hvað það er nú gott að vera á skíðum
                 úti í guðsgrænni náttúrunni."

Guðlaugur Tryggvi Karlsson, viðskiptafræðingur, í ræðu
sem hann hélt á námsárum sínum í  menntaskólanum í
Reykjavík um nauðsyn útivistar.

Tekið úr bókinni Heimskupör og trúgirni  Jón Hjaltason

Góða nótt kæru vinir

 

 

Loksins getnaðarvörn fyrir karla.

Sigurður Jökull

// Erlent | mbl.is | 5.5.2009 | 12:41

Getnaðarvarnarsprauta fyrir karla

Hormónasprauta fyrir karlmenn á mánaðarfresti gæti reynst jafn árangursrík getnaðarvörn og pillan fyrir konur. Þetta segja kínverskir vísindamenn sem unnið hafa að þróun sprautunnar.

Í rannsókn þeirra tókst aðeins 1% þeirra karlmanna sem fengu sprautu með testóterón-hormónum að geta barn, að því er fram kemur í Journal of Clinical Endocrinology & Metabolism reports. Frá þessu er greint á vef BBC.

Þetta er bara æðislegt nú geta karlarnir tekið við getnaðarvörninni
Alltaf hefur það verið konan sem hefur þurft að taka því að þola ekki
pilluna, lykkjuna eða hvað annað sem notað hefur verið.

Hingað til hefur það bara verið í boði að láta taka sig úr sambandi,
en karlmönnum finnst það nú flestum frekar niðurlægjandi, það er
konan sem á að sjá um þetta, nema að smokkurinn sé notaður
og er það nú allt í lagi og getur verið tilbreyting í því, en varla
hægt að treysta á það til lengdar.

Þeir eiga eftir að rannsaka þetta aðeins betur svo kemur þetta á
markað.
Nú datt mér svolítið í hug, já þetta er frábært líka fyrir þá sem halda
framhjá, engin hætta á að þeir barni viðhaldið.

Getnaðarvarnarsprauta fyrir karla

Er þetta ekki merki minnimáttarkenndar.

Porche Cayenne. mbl.is

// Veröld/Fólk | mbl.is | 4.5.2009 | 15:33

Líklegastir til þess að halda framhjá

Ökumenn dýrra bifreiða eru líklegri en aðrir til þess að halda framhjá, samkvæmt nýrri könnun illicitencounters.com vefjarins. Samkvæmt könnun vefjarins óku 20,9% þeirra sem tóku þátt og játuðu á sig framhjáhald, lúxusbifreiðum. Meðal þeirra voru 16 eigendur Bentley, 31 Porsche eigandi og 135 eigendur BMW bifreiða, samkvæmt vefnum Ananova

Verð nú að segja eitthvað um þessa frétt þó gömul sé.

Með fullri virðingu fyrir karlmönnum þá, ég meina sko,
er þetta nú toppurinn á vitleysunni, eða hvað.

Strákar hafa nú alltaf verið með bíladellu, en misjafnlega mikla,
það er sem sagt ástæðan; "Minnimáttarkennd"
Kaupa sér dýra og fína bíla til að sýnast, asnar að mínu mati.
Dettur nú annað í hug, eru þessir menn ekki líka lélegir í
ástarleikjunum? 
Nei sko, ekki skamma mig, ég er bara að hugleiða þetta,
fyrirgefið, en er þessi hugleiðing mín ekki bara staðreyn?

Dýrir bílar og framhjáhald, hvort tveggja til að sýna eða sanna
eitthvað sem jafnvel er ekki til.

Mætti ég þá frekar byðja um þá sem eiga bara flottar druslur.

Eiðið deginum í hugleiðingu

Líklegastir til þess að halda framhjá

Fólk er að eyðileggja líf sitt og barnanna

Barnaverndarmálum fjölgar

Tilkynningum til Barnaverndar Reykjavíkur fjölgaði um 40% á fyrstu þremur mánuðum ársins. Á heimasíðu borgarinnar kemur fram að hluta þessarar fjölgunar megi rekja til mjög aukinnar vitundar íbúa og starfsmanna borgarinnar um nauðsyn þess að vera vakandi fyrir líðan barna við erfiðar aðstæður í efnahagsmálum þjóðarinnar. „Einnig er ljóst að erfiðar efnahagsaðstæður birtast í fjölgun hegðunarvandamála hjá börnum, og því miður einnig í fjölgun erfiðari mála og meiri vanda hjá foreldrum," segir þar.

Er fjölgunin vegna þessa að starfsmenn borgarinnar eru
meira á verði í dag en endranær, eða hefur vandinn alltaf
verið svona stór, en þeir bara ekki á verði áður.?
Bara að segja ykkur sem skrifið svona lagað eftir starfsmönnum
borgarinnar að vandinn hefur alltaf verið svona stór, ég er ekki
að vanmeta það sem gert er, en það er óþarfi að upphefja sig á
kostað kreppuna.

Það þarf alltaf að vera á varðbergi, einnig er nauðsynlegt að
kenna fólki það að það sé í lagi að það leiti sér hjálpar sjálft.
til dæmis konur eru ekki einar, þær þurfa bara að standa á sínu,
henda vandamálinu út og byrja nýtt líf.
Ég veit að það er ekki auðvelt, en prófið bara ykkur mun ganga betur.

Það er ekki eðlilegt að það hafi orðið  40% aukning á tilkynningum
síðan um áramót, það eru 3 mánuðir, þess vegna hefur vandinn alltaf
verið til staðar bara kemur fram núna vegna vaxandi vandamála.

Hélt satt best að segja að við hefðum þroskast eitthvað í gegnum árin,
en það hefur verið óskhyggja í mér, man nefnilega er ég var krakki eftir
stríð, þegar lítil atvinna var og mennirnir voru bara fyllibyttur og afætur
á konunum sínum, því þær fengu sumar vinnu og börðust fyrir sínum
börnum, nei þroskastigið hefur ekkert hækkað og hræðslan í okkur konum
lítið minkað.

Við ættum öll að skammast okkar fyrir svona hegðun sem bitnar á því
dýrmætasta sem við eigum; börnunum.

Eigið góðan dag í dag

Barnaverndarmálum fjölgar

Fyrir svefninn

Það er þetta með æskuna og hestinn, ég fór á þessa
sýningu í reiðhöllinni á Akureyri í gær og varð alveg dolfallinn
yfir leikni, gleði, og stolti þessara krakka.

Skipulagið var með eindæmum gott, í hléi var hægt að fá sér kaffi
og með því, en ég komst nú aldrei nema hálfa leið, þar settist ég
bara niður og fékk mér Kristalinn sem ég átti í töskunni.

Ég sagði við Viktoríu Ósk mína er ég hitti hana seinna um daginn
að ég mundi koma á allt sem hún tæki þátt í sambandi við þessa
hestaíþrótt því þetta væri yndislegt.

Hestar eru flott dýr gefa manni mikið, eru vinir þeirra sem eiga þá
og ég get ekki hugsað mér heilbrigðara hobbý fyrir börn.

Í dag er ég náttúrlega búin að vera þreytt, illt í bakinu og þið vitið
með allan pakkann eins og giktarsjúklingar fá ef þeir leifa sér eitthvað.

Í gær sáum við fyrstu Lóuna á blettinum okkar, þá fyllist maður gleði
og lotningu yfir þessum fagra fugli. Í dag er urmull af þeim hér allt í
kring og svoleiðis mun það verða í sumar.

                         Vorboði

                   Yndi þróast, unaðsmál
                   út um móa er vakið.
                   Færir ró og frið í sál
                   fyrsta lóukvakið.

Góða nótt kæru vinir

Nú færist líf í Húsavíkurbæ.

Á vorin lifnar allt við, bæði í fuglalífi sem og að hvalirnir af öllum
gerðum fylkjast til landsins. Ég sem bý hér á Húsavík upplifi á
vorin að þá breytist allt bærinn fer að fyllast af fólki bæði til að
fara í hvalaskoðun og aðrar þær ferðir sem boðið er upp á.
Þegar við ókum fram í Lauga í gær og er við vorum aðeins komin
hjá Hafralæk byrjaði fuglalífið að birtast okkur í vegköntunum og
eins trítluðu gæsirnar yfir vegin, ekkert að flýta sér þó einhver bíll
væri að koma. Smáfuglarnir á fullu í tilhugalífinu, aðrir í hreiðurgerð.
Yndislegra útsýni er ekki hægt að hugsa sér.

En Hvalaskoðunarmenn hér eru búnir að byggja upp frábæra
aðstöðu hér á bakkanum og fyrir neðan bakka eins og sagt er.
Þetta svæði er bara eins og maður sé komin til útlanda, það
yðar allt af mannlífi, matarlykt, kaffilykt og fólk situr út um allt og
nýtur þess að vera hér hjá okkur í  Norðurþingi, ég segi Norðurþingi
því það er meira að skoða en bara hvalir sem er náttúrlega toppurinn,
Fólk verður bara að kynna sér allt hitt sem er í boði.

Ég skora á Íslendinga að sækja heim Norðurþing og sveitir hér um kring
í sumar. Lofa ykkur því að þið munuð finna sjálfan ykkur á ný.

Þessi mynd sýnir bara brot af þeirri fegurð sem við eigum
til að sýna ykkur.

Eigið góðan dag í dag

Hvalaskoðunarvertíðin hafin

Fyrir svefninn eftir yndislegan dag.

Dagurinn í dag er búin að vera æðislegur, lögðum af stað
fram í Lauga um 9 leitið , til að sækja þær síðan var brunað
á eyrina farið í Bikó, Bónus, Glerártorg út að borða með Ernu
vinkonu okkar, fórum á greifann í súpu og salat, það var æði
súpan, brauðið salatbarinn þetta var bara tær snilld,
hummusinn var toppurinn með sólkjarnafræjum ofan á.
Haldið ykkur, 990 fyrir manninn, ótrúlegt.
Nú svo fórum við í reiðhöllina til að horfa á yndislega sýningu þar,
Það komu krakkar frá  mörgum stöðum og var þetta hin glæsilegasta
Skemmtun, bara næst þá verð ég betur búin.

Nú fáið þið myndir.


Talið frá vinstri Birna Dís, Milla, Finnur og Ásgerður,
hún er að halda ræðu og þær eru ætíð afar skemmtilegar

Katla okkar og hennar maður yndislegt að hitta þau.
Katla þú ert mjög falleg kona.

Birna Dís, Huld og Eva.

Katla, Milla og Sverrir Einarsson sem ók spes að sunnan til að
hitta hópinn. I love it

Gunnur, Ásgerður og Dóra. Yndislegar

Guðrún Emilía, Sigrún Leg, Dóra, Anna Guðný og Birna Dís.



Gunnur og Erna

Gísli minn að færa mér tertu og swiss mocka, ekki veitir mér af
Ásgerður vinkona mín sagði að við mættum ekki missa neinar
kalóríur og hana nú.



Anna Guðný undrandi á einhverju og alveg að fara að hlæja
það er nú ekki langt í hláturinn hjá henni.



Æ,Æ það er engin haus á Halla, en hann er að koma með tvöfaldan
mocka fyrir Huld Sína. Við eigum allar afar natna menn

Maður Kötlu, Sigga mín og aðeins sést í mig, við erum að hlusta
á eitthvað  afar athyglisvert.

Þessar eru englarnir mínir sem búa hér fyrir norðan.
Tekið í Reiðhöllinni á Akureyri áður en við fórum á hitting.



Þarna er hún í miðið, frekar óskírt, en samt mynd af henni

Jæja þær eru ekki mjög skírar þessar myndir, en varð að setja
eitthvað inn það eru aðrir örugglega með betri myndir.

Þessi hittingur ofan á æðislegan dag var með eindæmum góður
Hittum hina föstu vini og síðan komu þau Birna Dís, Katla og
hennar maður síðan Sverrir, þetta var æðislegt og ég segi fyrir mitt
leiti að betri dag en þetta hef ég ekki átt lengi, að blanda saman
verslunarferð, út að borða, horfa á Viktoríu Ósk ljóma á hestinum
og hitting með skemmtilegu fólk, það gerist ekki betra.

Takk fyrir mig.

Góða nótt

Fyrir svefninn.

Er það ekki forkastanlegt þegar maður má sofa út sem er nú
aldrei lengra en til 8 hjá mér, vaknaði ég þá ekki með þennan
hryllilegasta sinadrátt sem um getur klukkan sex,það var sko
ekki fyrir það að eitthvað sex væri í þessu, öðru nær, gat ekki
gengið eðlilega fyrr en undir hádegi,
ekki að ég svo sem hafi gengið eðlilega síðan fyrir jól,
en gleð sjálfan mig með yfirmáta bjartsýni um
betri daga, vikur og mánuði.
Auðvitað varð ég svo yfirmáta syfjuð um 12 leitið að ég skreið
upp í mitt yndislega rúm og svaf þar til ég heyrði hina yndislegu
rödd sem tilheyrir Aþenu Marey minni, þá var klukkan 15.00
Fengum okkur kaffi, Milla bauð í pizzu og síðan fékk ég klippingu.
Maður verður að vera fínn er maður fer til Akureyrar.

Þangað erum við að fara á morgunn, verðum komin á Glerártorg
þegar opnar  um 10 leitið, út að borða með Ernu í hádeginu
hún kemst nefnilega ekki með okkur á hitting kl.16.00

Förum á hesta sýningu í reiðhöllinni klukkan eitt Viktoría Ósk mín
er með í þeim leik sem þar fer fram.
Hittingur klukkan fjögur og svo bara að drífa sig heim, enda
verður maður alveg búin þá.
Eitt veit ég fyrir víst að það verður fjör, það er alltaf gaman að
breyta til.

Góða nótt kæru vinir