Bara hitt og þetta.

Er ekki allt bara yndislegt, jú vitið, það er það. Við sitjum hér
Dóra mín og ég erum búnar að vera aðvera á facebokk og
blogginu, byrjuðum reyndar á því og það er svo skemmtilegt að
heilsa upp á vini sína þar, flestir eru steinsofandi, en er þeir
vakna þá vá verður fjör.

Er að fara í sjæningu svo fáum við okkur kaffi og brauð, ætli við
förum svo ekkií búðir á eftir, vantar eitthvað smá í viðbót vi
allt hitt sem er búið að kaupa.

Englarnir mínir eru sofandi enn þá, en við vekjum þær innan tíðar.
svo koma ljósin mín örugglega á eftir.

Jæja læt vita af mér svona eins og tilkynningarskyldan fer fram á.

Knús í knús elskurnar
Milla .

Fyrir svefninn

Vorum að koma heim úr svaka pizzu-veislu hjá Millu.
Ég mun ekki hafa svo mikinn tíma til að vera í tölvunni
en mun örugglega reyna eins og ég get að fylgjast með.
Gísli minn fór í dag að sækja þær, þá vorum við búin að pússa
allt, skipta á rúmum, róbóta og skúra.

Fórum reyndar fyrst í morgun ég í þjálfun og Gísli í blóðprufu.

Læt hér fylgja kvæði um vorið sem mér finnst afar fallegt

                           Þegar vorið kom

Leyst úr dróma lífið er,
lifna blóm í hlíðum.
Söngur ómar sífellt hér
sælt með rómi blíðum.

Sól að unni sigur skær,
syngur í runni lóa.
Andar sunnan blíður blær
svo blómin kunni að gróa.

Gengin man ég gæfuspor
og glaða æsku mína.
Ertu að koma, elsku vor
með ástardrauma þína.

Báran kyssir bláan sand,
býst við sumri nýju.
Þetta er bjart og blessað land
baðað sólarhlýju.

Ingibjörg Halldóra Tómasdóttir, Brenniborg

(Björnssonar frá Spáná, 1911-1999)

Góða nótt kæru vinir

Vanvirðing á öllum sviðum.

Þó að þetta sé nú frétt síðan í gær þá ætla ég að úttala mig
um hana því mér eru svona mál umhugsunarefni.

Ég hef aðeins kynnst mönnum sem þarna dvöldu og eru þeir
bara yndislegir menn, en munu aldrei ná sér að fullu.

Af hverju í fjandanum er ekki sátt um bætur til manna sem
hafa orðið fyrir þeirri mestu lítilsvirðingu sem til er, það er
frelsissvipting á unga aldri, barsmíðar og kynferðislegt ofbeldi.
Fyrir utan það eins og einn sagði ég vill bara fá að læra,
drengirnir fengu ekki sömu aðstæður til lærdóms eins og önnur
börn og það var ekkert að þessum drengjum, þetta voru bara
heilbrygðir krakkar sem einhverjar barnaverndarnefndir út um
allt land ákváðu að best væri bara að losna við þetta lið.

Litli maðurinn í hvaða formi sem hann birtist okkur hefur ávalt
verið fyrir því lífi sem heitir að vera innan rammans og er það
hin mesta skömm sem til er.
Engin er æðri en annar, við erum öll jöfn og ef einhver á erfitt þá
ber okkur að hjálpa af kærleika, ekki samkvæmt rammanum
eins og svo margir gerðu og gera enn.

Svo eins og í þessu máli er bara allt sett í nefnd ofan á nefnd og
ekkert gengur, í staðin fyrir að setja nokkra menn í málið og
leysa það strax.
Það þýðir ekkert að segja að boltinn sé hjá Breiðavíkursamtökunum
það á bara ekki að hætta að tala saman fyrr en lausnin er komin.

Engin sátt í Breiðavíkurmáli

Fyrir svefninn.

Jæja við gamla settið fórum til læknis í morgun, það heyrir
til undantekninga, erum aldrei hjá lækni, en merkilegt að
Gísli minn þarf að fara til Augnlæknis, þarf örugglega ný gleraugu
og svo þarf hann að fá sér heyrnatæki sem er ekkert tiltökumál
fyrir mann á þessum aldri, " kornungur".
Blóðprufu í fyrramálið er verið að fylgjast með nýrunum út af
meðali sem hann tekur. En svo á hann að fara í höfuðmynd
sem síðan öldrunarlæknir mun lesa úr, þetta kemur allt í ljós.

Nú ég byrjaði að romsa úr mér við þessa elsku, sko lækninn
allt sem mér finnst vera að og þar var nú efst á blaði að ég var
farin að pissa niður og það helst á nóttunni, sko ekki í rúmið
heldur er ég steig framúr til að fara á Wc,
en þó hefur það komið fyrir á daginn og er það ein af
aukaverkununum með þessu lyfi sem ég var látin á eftir jól,
það á að hjálpa taugaendunum sem fastir eru í þessum tveim
brjósklosum sem eru þarna til staðar og búin að vera í mörg ár,
núna allt í einu þurfti það að krækja sér í svona enda til að kvelja
mig, honum leist þannig á að nú verður
talað við bæklunarlæknir á Akureyri til að biðja hann að dæma um
hvort það sé eitthvað hægt að gera, áður hef ég fengið þau svör
að ég væri ekki efni í uppskurðarkandídat, en hver veit, tækninni
fleygir ávallt fram.
Nú ég fékk annað lyf sem er bara tilraun hvort ég þoli betur en hitt.
Það er nefnilega þannig að líkami minn hafnar ansi mörgum lyfjum
svo oft er staðið á gati.

Við fórum nú aðeins heim í kaffisopa er þetta var búið
Fórum síðan í apótekið, pósthúsið og svo í Kaskó, heim í hádegissnarl

Stóra ljósið kom í heimsókn að vanda og er það bara yndislegt.

Eitt ljóð eftir Gísla Stefánsson, Mikley
(1900-1953)

Hér ei brestur rauða rós,
runnar flestir anga.
En fyrir vestan og út við ós
er þó best til fanga.

Ástin mín var ung og smá,
aldrei festi rætur.
Vakti bara bros og þrá,
bauð svo góðrar nætur.

Góða nótt kæru vinir

Ég þangað, þegar verður farið að leigja út.

Skrýtið en ég er búin að sitja hérna smástund og átta
mig á þessari frétt, það er ekki 1 apríl eða neitt.

Sumarhús Sigurðar Einarssonar að Veiðilæk er enn í byggingu.

200 miljónir gegn veði í sveitasetri

Sigurður Einarsson, fyrrverandi stjórnarformaður Kaupþings, skuldar Vátryggingafélagi Íslands (VÍS) 200 milljónir króna gegn veði í hálfbyggðu sveitasetri sínu við Veiðilæk í Borgarfirði. Tryggingarbréf þar sem setrið er sett að veði fyrir skuldinni er útgefið 29. desember 2008, eða fyrir um þremur mánuðum.

Já hálfbygg er það ennþá en það á örugglega að húrra þessu
bara upp í kreppunni.
Staðsetningin er bara flott og ekki dónalegt að bjóða fólki upp
á svona lúxus, en ég spái því að einhver kaupi þetta og jörðina
með, til dæmis einhver sem í kolli sínum geymir gullið, klári
húsið og geri það að hóteli, þá ætla ég að leigja eina nótt ekki
mun ég hafa efni á fleiri nóttum.

Samkvæmt ársreikningi félags í eigu Sigurðar, Veiðilæks ehf., sem stofnað var utan um byggingu setursins, hafði Sigurður sjálfur lánað 218 milljónir króna til framkvæmdarinnar í árslok 2007.

Jæja hann hefur þá átt 218 miljónir til að setja í þetta sjálfur
eða mun svo koma í ljós að hann hafi fengið þær lánaðar
einhversstaðar,líklega hefur hann gert það ekki taka þeir neina
áhættu sjálfir blessaðir.

VÍS er að fullu í eigu Exista, sem var stærsti eigandi Kaupþings fyrir bankahrunið í október. Hluthafar Exista skipta þúsundum.

Já nú fatta ég, hann hefur ætlar að bjóða hluthöfunum að gista
eina nótt þegar allt væri búið.

Morgunblaðið sendi Sigurði spurningar um veðsetninguna í tölvupósti í gær. Þar var hann meðal annars spurður hvort skuld hans við VÍS væri vegna lánveitinga til hans og hvort hann hefði endurgreitt sér þá upphæð sem hann hafði lánað Veiðilæk ehf. vegna byggingar sveitasetursins. Í svari Sigurðar segir að hann líti á persónulegar fjárreiður sínar sem einkamál og að hann sjái „ekki ástæðu til að fjalla um þær opinberlega. Bygging hússins að Veiðilæk og málefni einkahlutafélagsins sem stofnað var vegna þeirra framkvæmda er hluti af persónulegum fjárfestingum mínum og ég vil ekki svara spurningum þar að lútandi".

Auðvitað vill maðurinn ekki ræða sín einkaviðskipti, en hvað
með þá sem töpuðu og eiga eftir að tapa peningunum
sínum á þessu ógeðslega brölti öllu saman.
Hér sveltir hálf þjóðin getur ekki borgað af sínu, er tekið í
gjaldþrot eða gert árangurslaust fjárnám hjá og allt vegna
ástandsins sem aðrir hafa skapað.
Fari þeir bara til fjandans allir þeir sem urðu þess valdandi
að allt hrundi.

Fokheldur lúxus

Sigurður Einarsson keypti jörðina Veiðilæk vorið 2004, en hún stendur við Norðurá í Borgarfirði, eina frægustu laxveiðiá landsins. SPRON lánaði félagi í eigu Sigurðar á sama tíma 76 milljónir japanskra jena með veði í jörðinni. Framkvæmdir við byggingu setursins, sem er um 840 fermetrar, hófust árið 2007. Þar áttu meðal annars að vera fimm baðherbergi, stærðarinnar borðstofa, 50 fermetra vínkjallari, tvöfaldur bílskúr og tvö gufuböð sem áttu að vera byggð inn í bergið undir setrinu sjálfu. Setrið er í dag fokhelt og byggingu þess hefur verið hætt, að minnsta kosti tímabundið.

Sko eins og ég taldi hann fékk lánað til kaupa á jörðinni
og það hjá Spron 76 miljónir jena með veði í jörðinni.
En lesið bara stærðina og allt sem átti að vera í þessu
"Sveitasetri" er ekki í lagi með menn það kallast ekki "sveitasetur"
á Íslandi bara sumarhús eða veiðihús, Fjandans snobbarar eru
þetta. manni leið nú bara vel í gömlu veiðihúsunum við hvort sem
var Grímsá, Víðidalsá eða öðrum þeim ám sem maður kom í hér
áður og fyrr, en eins og allir vita þá eru komin ný veiðihús við
þessar ár.
Ég spyr hvernig er þetta hægt, ekki mundum við fá svona lán
þó jörð ættum, eða er það?
Vona að þessum mönnum öllum líði bara vel.
Okkur líður ekki vel.

200 milljóna veð í sveitasetri

Fyrir svefninn.

Þið vitið nú alveg hvernig 1 dagur mánaðarins er hjá okkur
nú það eru borgaðir reikningar og það gerðum við í morgun.
Fórum síðan í Bakaríið og ég byrgði mig upp af brauðum til
að hafa nóg yfir páskana, það vilja nefnilega ekki allir
brauðin hennar ömmu, að sjálfsögðu keypti ég handa okkur
heilhveitihorn og kjallarabollur fengum síðan kaffi er heim komum.

Síðan komu vinkonur mínar í dag og það var nú aldeilis gleði því
Sibba varð amma af sínu fyrsta barnabarni í morgun klukkan 8.
Hún kom með tertu og rjóma og fengum við okkur kaffi og tertu.
Ekki var nú mikið unnið í handavinnu.

þarna er Sibba til hægri og Gunna mín hún ætlaði að punta sig
fyrir myndatökuna, en ég fattaði það ekki alltaf jafn treg


Hér fær hún smá sárabót.




Aðalheiður og Gísli minn, hún á nefnilega líka Gísla bara ekki minn.

Stóra ljósið kom svo til okkar, fékk tertu og plataði út úr mér gosdrykk.
Bara æðislegur dagur.

                     *************************           

               Bágt er að kunna ekki móðurmálið til hlítar.

               Grasekkja?

Ung kona hallaði sér hlýlega upp að dansherra sínum og hvíslaði
lokkandi: ,,Veistu að ég er grasekkja?"
,,Hvað segirðu," ansaði dansherra. ,,En skemmtileg tilviljun.
Ég er nefnilega garðyrkjumaður."
En samkvæmt orðabókinni þýðir grasekkja; ,,gift kona,
sem maðurinn er í burtu frá stundarsakir."

Góða nótt kæru vinir

1 April.

Hvað skildi nú vera aprílgabbið í dag, það er hin stóra
spurning?

Kannski að þeir ætli að selja húsbúnað úr gömlu bönkunum
varla hver vill nú eiga þetta drasl, því ekki fær maður að
kaupa antikið.

Eða, að ökumenn þurfi að varast hálku, um það þurfum við
ekki að efast þannig er nú veðrið um allt land.

Eða, Um jeppann, ekki að spyrja að því er þeir taka völdin
í sínar hendur þá ræður engin við þá, sko jeppana.

Eða, nei það er ekki það því varla er hægt að grínast með eldinn.

Heldur ekki er ráðist er á fólk.

Eða, ekki er nú að efast um að lengi þurfi að vinna frameftir
á þingi, bara alveg til klukkan 24, greyin.

Gæti verið að George Burley hafi rekið Fergusson og MC Gregor
úr landsliðinu og að þeir verði þar af leiðandi ekki með gegn
Íslendingum í kvöld. Ég tippa á að það sé 1 aprílgabbið
En annars veit ég ekkert um það.

Annars langar mig til að segja ykkur eina frábæra frétt, við gamla
settið erum að fara til Flórída, hlakka svo til.

Fyrir svefninn.

                          Vel á vondan
Menntahroki.

Bóndasonur kom heim um vorið en hafði um þriggja ára
skeið hafði hann lagt stund á æðri fræði við
Kaupmannahafnarháskóla. Hann fann óneitanlega nokkuð
til sín þegar hann horfði yfir heimafólkið á bænum, foreldra
sína, systkini og vinnufólk, sem aldrei hafði komist í tæri við
menninguna.
Fyrsta daginn heima spígsporaði ungi maðurinn um hlaðvarpann
og túnbleðilinn. Sá hann þá hvar hrífa lá í grasinu og spurði til
hvers þetta frumstæða áhald væri notað.
Eitt augnablik gáði menntamaðurinn ekki að sér og steig á  tindana,
sem sneru upp, en við það reis hrífan upp á endann og barði
bóndasoninn í höfuðið sem sagði að bragði:
,, Æ helvítis hrífan."

Úr bókinni heimskupör og trúgirni.             
Jón Hjaltason.

        *********************************

Trúgirni var allavega ríkjandi hér um daginn er vor kom í loft
og maður fór bara út á peysunni.
Eigi varði það lengi og nú er maður innisnjóaður og ekki spáir
hann gæfulega, þó á að vera hiti, hávaða rok og einhver úrkoma.

Jæja það er nú samt plús við það að komast ekkert, við gamla
settið tókum ísskápinn í gegn og allt í kringum hann í dag.
innréttingin var þvegin og allt pússað, svona betur en venjulega
helgartiltekt, á morgun koma vinkonur mínar í heimsókn, það er
ef þær komast.
Svo klárum við gömlu að taka restina af húsinu á fimmtudag og
föstudag. það er nú meira hvað þessi róbót sparar tíma eins og ég
var nú á móti þessu apparati til að byrja með.

Á föstudaginn koma þær frá Laugum í Páskafrí og þá mun ríkja gleði
í bænum, ekki að það geri það ekki alltaf, en bara meira gaman þegar
við eru öll heima.

Eins og þið vitið er nú mikið talað um mat og fyrir hyggjuna í mér,
en það eru margir mánuðir síðan Dóra pantaði Páskalærin
ég er búin að leggja inn stóra pöntun af kjöti í Viðbót sem er
besta kjötvinnsla norðan heiða, svo ekki mun vanta mat í bæ
þetta árið.

Góða nótt kæru vinir

Þú getur fengið bíl, en þá fæ ég mann.

Hvaða smábarnaskapur er þetta eiginlega í mönnum
og er ekki alvarlegt mál að kenna mönnum mútur?
Það er alveg á tæru að hafi ég ætlað að kjósa í ár
mundi ég aldrei kjósa Frjálslynda flokkinn.

Sjálfstæðisflokkurinn hefur alltaf verið rosalega iðinn við það að leita að einhverjum í Frjálslynda flokknum sem hugsanlega væri hægt að teyma yfir, hvort sem að það er með mútum eða einhverju öðru," sagði Guðjón Arnar Kristjánsson, formaður Frjálslynda flokksins í Zetunni á mbl.is.

Leita að einhverjum í frjálslyndaflokknum til að teyma yfir
hvort sem það er með mútum eða einhverju öðru.
Hæga! eru þetta frambærileg ummæli, formanns flokksins.
Tel svo eigi vera og formanninum til vansa.

Guðjón Arnar nefndi brotthvarf Gunnars Örlygssonar og Jóns Magnússonar yfir í þingflokk Sjálfstæðisflokksins og vistaskipti Karenar Jónsdóttur í bæjarstjórn Akraness.

Vistaskipti Karenar voru af flestum landsmönnum viðurkend
nauðsynleg og ætla ég ekki að fara nánar út í það hér.

„Það er einfaldlega þannig að það hefur verið mikið keppikefli hjá Sjálfstæðisflokknum, og ég skil það, að reyna að kippa fólki frá Frjálslynda flokknum yfir í Sjálfstæðisflokkinn. Ég er ekki að segja að Karen Jónsdóttur hafi verið mútað þegar hún ákvað að ganga til liðs við Sjálfstæðisflokkinn í bæjarstjórn Akraness eða neinum öðrum. En það hefur iðulega gerst. Sjálfstæðisflokkurinn hefur lagt sig í líma við að ná fólki frá okkur yfir til sín," sagði Guðjón Arnar og bætti við að hann vissi að Jón Magnússon hefði tekið ákvörðun um vistaskiptin einn og sjálfur

Guðjón skilur vel veiðar Sjálfstæðisflokksins, yðkar hann
þetta þá sjálfur, að veiða menn yfir til þeirra.

Hann er ekki að segja að Karen hafi verið mútað er hún
gekk til liðs við sjálfstæðisflokkinn, jæja aðeins að bakka.

Gunnar er nú ekki lengur á þingi, svo óþarft er að rifja það upp.

Svo vissi hann að Jón Magnússon hafi tekið ákvörðun um
vistaskiptin einn og sjálfur.

Ja hérna var hann að efast um að þetta fólk gæti hugsað
sjálfstædd?

En svona bara í alvöru þá er ég hætt að skilja er sumir menn tala,
það sem kemur út úr er með eindæmum hemskulega barnalegt.
Þannig eins og ég hef oft sagt áður, er hætt að skilja þetta,
en mátti til aðeins að koma þessu frá mér, missti nefnilega
andlitið er ég hlustaði á Z í gær.

 

Ná fólki frá okkur með mútum eða öðru

Fyrir svefninn.

Þessi er tekinn út um eldhúsgluggann mjög skemmtilegt.
maður sér ekki út yfir skjálfandann og yfir í Kinnafjöllin.

Þessi út um vaskahúsdyrnar, Gísli mokaði smá svo Neró gæti pissað.

þessi út um stofugluggann skaflinn nær alveg upp í horninu.

Bíllinn er í fínum snjóbílskúr tekið út um útidyrnar og skaflinn
fyrir aftan er jafn hár bílnum svo við komumst ekki neitt.

Verð að setja þessa inn, tekin af Millu minni af Viktoríu Ósk
bakgrunnur þessi er mixaður áður en myndinni af henni er sett inn.

Eina góða við snjóinn er að hann einangrar svo að maður lækkar
í öllum ofnum.

Stökur

Sætum lags við ljós og yl
lífgum hagsins brautir.
Látum bragsins léttu spil
lina dagsins þrautir.

Silfrið bjart við heimi hlær,
hefir margt að bjóða,
en ekkert skartað auður fær
á við hjartað góða.

Bjarni Halldórsson, Uppsölum
( 1898-1987

Góða nótt kæru vinir

Stundum er maður ?

Já svona eins og tómur og þarf að fara inn á við og leita
svara um það hvort maður hafi misst af einhverju, eða
kannski  bara ekki komið 2009 heldur 2000.

Bjarni Benediktsson, nýkjörinn formaður Sjálfstæðisflokksins, segir  nauðsynlegt  að auka tekjutengingar til að tryggja að það fjármagn, sem ríkið hefur úr að spila, fari þangað þar sem þörfin er brýnust.

Það er bara ekki í lagi að fara aftur í tíman. Að auka
tekjutengingu er persónuskerðing og það gróf.
Við sem þekkjum til vitum að fólk sem ekki hefur þau
laun sem ber að hafa samkvæmt útreikningum Hagstofunnar
var skert í launum þó makinn væri einnig á bótum og fólkið lifði
ekki af sínum launum.

Þetta kom fram í Zetunni á mbl.is í hádeginu þar sem Bjarni var gestur. Bjarni nefndi barnabætur í þessu sambandi og sagði að nú færu þær jafnt til þeirra, sem væru í brýnni þörf fyrir þær, og þeirra sem hefðu úr meiru að spila.

Hvað er kallað að hafa úr meiru að spila?

Þá sagði Bjarni að óumflýjanlegt væri að sameina og einfalda ríkisreksturinn á ákveðnum sviðum. Hann nefndi aðspurður Lýðheilsustöð og landlæknisembættið og  einnig Varnarmálastofnun, Landhelgisgæsluna og Neyðarlínuna.

Lesið hvað hann tiltekur, ekki talar hann neitt um sendiráð,
rekstur ráðuneyta eða bílaflota ríkisins.
Held að þeir ættu að hugsa sér nær, en það hafa þeir aldrei gert
svo lengi sem ég man eftir mér.

Landhelgisgæsluna og neyðarlínuna talar hann um að spara við
sem sagt drepum bara þá sem lenda í slysum og hrakningum
því það er frí hjá 112.

Ekki gat hann svarað  þessu með útrásarvíkingana og mér fannst
endilega ég heyra smá hroka, kannski það sé bara ímyndun.
Eitt skulu þeir vita að við erum vel vitiborin þjóð og segjum ekki
já við hverju sem er lengur.

 

Þarf að auka tekjutengingu

Til hamingju fatlaðir iþróttamenn.

Thelma Björk 13 ára gat ekki leynt gleði sinni mbl.is/Ómar

Ég fyllist sælu-gleði við að horfa á þessa mynd.
sjáið hvað hún er glöð?

// Innlent | Morgunblaðið | 30.3.2009 | 05:30

„Algjör breyting fyrir okkur"

Ný 450 m2 viðbygging við íþróttahús Íþróttafélags fatlaðra í Reykjavík í Hátúni 14 var tekin í notkun á laugardaginn var. Meðal viðstaddra við opnunina voru Ólafur Ragnar Grímsson, forseti Íslands, Katrín Jakobsdóttir menntamálaráðherra og Hanna Birna Kristjánsdóttir borgarstjóri og fluttu þau öll ávörp.

Það hefur ekki verið dónalegt að hlusta á ræðurnar, sér í
lagi ekki frá þessum frábæru konum, krafturinn í þeim
er bara frábær, jæja ætlaði nú ekki út fyrir rammann
þið fyrirgefið það.

„Þetta er algjör breyting fyrir okkur. Nú fáum við fullkomna aðstöðu til lyftinga- og þrekþjálfunar. Öll tæki eru sérhönnuð fyrir fatlaða og aðgangurinn þannig að fólk í hjólastól kemst í þau öll," sagði Þórður Ólafsson, framkvæmdastjóri ÍFR. Þá var búningsklefum fjölgað og önnur aðstaða bætt. ÍFR hefur látið hanna nýja félagsaðstöðu við íþróttahúsið og sagði Þórður stefnt að því að láta þann draum rætast á næstu árum.

Aftur til hamingju þetta er alveg frábært og eins og Þórður
segir, þá breytir þetta öllu fyrir æfingar hjá íþróttafólkinu, en
það er nú sama við hvaða aðstæður fólkið æfir, alltaf er jafn
mikil gleði ríkjandi hjá þeim.

Og einnig óska ég Þórði Ólafssyni til hamingju með þessa
æðislegu viðbót.

„Algjör breyting fyrir okkur“

Fyrir svefninn. ,,Lúserinn''

                        ,,Lúserinn."

Við öpum margt eftir kananum. Til dæmis er hugmyndin
um hinn fædda tapara (eða ,, lúser") ættuð að vestan.
Reynt er að klína á börn þegar í uppvextinum að þau séu
ekki fædd til annars en að vera fótþurkur snillinganna sem
bera gæða-genin utan á sér strax í vöggu.
Við skulum líta á nokkra einstaklinga sem dæmdir voru
(að minnsta kosti um nokkurn tíma) misheppnaðir af
samferðamönnum sínum--voru með öðrum orðum ,,Lúserar".

                      Albert Einstein (1879-1955

,,Það mun aldrei verða mikið úr þér, væni minn."
Skólastjóri barnaskólans, þar sem Albert Einstein
sótti barnafræðslu, við þennan ,,treggáfaða" nemanda
sem þá var tíu ára gamall.

                      Frans Liszt (1811- 1886)

,,Hann skrifar ljótustu músik okkar tíma."
  Gagnrýnandi um Frans Liszt 1843.

                      Johannes Brahms (1833-1897)

,,Ég fór yfir tónlist þessa hrapps sem kallar sig Brahms.
Þvílík hæfileikalaus mannherfa. Það angrar mig að
þessum sjálfbyrgislega meðal- ljóni skuli vera hampað
sem snillingi.
                           Hvers vegna?"
       Tchaikovsky í dagbók sinni 9 október 1886.

Þetta er tekið úr bókinni Heimskupör og trúgirni.
Jón Hjaltason.

Við höfum nú lesið og heyrt oft um ,,Lúsera" að
við ættum að fara að hafa trú á þeim.

Það eru komnar myndir frá hitting 28/3

Góða nótt kæru vinir.

Til hamingju Þorgerður Katrín.

Þorgerður Katrín Gunnarsdóttir er hörkukona, en auðvitað
hefði ég viljað sjá hana sem formann, hún gaf bara ekki
kost á sér, trúlega eru ærnar ástæður til þess sem henni
einni kemur við.
En í þeirri stöðu sem var þá upp komin hefði ég viljað sjá
Kristján Þór sem formann það hafðist ekki og vona ég að
flokknum mínum sem ég hef alltaf kosið, vegni vel og gangi
vel að skanna sig út úr erfiðleikunum.
Það verður örugglega langt í að þeir vinni aftur traust
fólksins.

Þó ég ætli mér ekki að kjósa í annað skiptið á ævinni þá
vill ég fá gott fólk á þing og treysti ég konunum best, en
þó ekki öllum.

Taktu á því Þorgerður og gefðu ekkert eftir.

Þorgerður Katrín fékk 80,6%

Hver á Lífeyrissjóðina?

 

Staða lífeyrissjóða afhjúpuð

Raunávöxtun lífeyrissjóðakerfisins á síðasta ári var mun verri en fyrirliggjandi opinberar tölur gefa til kynna. Samkvæmt bráðabirgðatölum Fjármálaeftirlitsins var raunávöxtun almennra lífeyrissjóða neikvæð um 21,45%, en ef tekið er tillit til væntanlegra afskrifta er afkoman mun verri.

Þegar gert er ráð fyrir 90% afföllum af skuldabréfum bankanna, 75% afföllum af öðrum fyrirtækjaskuldabréfum og 70% afföllum af erlendum skuldabréfum er neikvæð raunávöxtun lífeyrissjóðanna í fyrra nær 33%. Lífeyrissjóðirnir hafa gengið mislangt í því að afskrifa skuldabréf, en mæti þeir ekki afskriftarþörfinni getur það haft alvarleg áhrif á stöðu viðkomandi sjóða.

Já hver á þessa sjóði, jú það erum við fólkið í landinu, en
þessir fjandans uppstrípluðu snopphanar, þið vitið þessir
með lituðu fjaðrirnar sem spássera um eins og þeir eigi
heiminn OG okkar sjóði skaffa sér laun að vild og ekki
munu þeir komast inn í ríki himnana svo mikið er víst.

Skemmtu sér með bankafólki

Fjármálafyrirtækin, með viðskiptabankana þrjá í broddi fylkingar, lögðu ríka áherslu á góð samskipti við stjórnir og stjórnendur lífeyrissjóðanna meðan á uppsveiflunni stóð. Var forsvarsmönnum sjóðanna því boðið í lúxusferðir, oftast undir þeim formerkjum að verið væri að kynna fjárfestingar og fjárfestingarkosti. Að fundahöldum loknum tók hins vegar við líf lystisemda og rándýrrar skemmtunar.

Ekki gátu þeir verið án þess að þiggja því orðnir vanir
lystisemdunum og sjálfsagt ef einhver hefði ekki þegið
þá í burtu með hann vegna forpokaháttar.

Var farið á knattspyrnuleiki erlendis, á Formúlu 1-keppnir auk golf- og skíðaferða og í siglingar ýmiss konar. Þá má nefna að flogið var með viðskiptavini eins bankans, fulltrúa lífeyrissjóða þar á meðal, í laxveiði til Rússlands. Flogið var í einkaþotu og þegar á leiðarenda var komið var þyrla notuð til að fljúga með menn milli veiðistaða.

Maður verður nú bara sorgmæddur við þennan lestur
á meðan fólkið fær ekki vísitöluútreiknuð laun til að lifa af
eru þessir vesælu uppskafningar að sleikja rassgatið á
toppum fjármála og bankamanna farandi með þeim í þessar
líka ferðirnar, sem hér að ofan standa.

Allt þetta fólk ætti að skammast sín, en því miður kann það ekki
svoleiðis háttvísi.
Háttvísi þeirra er að líta niður á þá sem minna hafa og við höfum
minna vegna þess að þeir eru að leika sér með okkar peninga

Þetta er mín skoðun og það er langt síðan að ég fékk nóg
Og nóg af hverju?
Jú helvítis lyginni, niðurlægingunni og snobbinu í þessum
mönnum, þeir þykjast aldrei hafa vitað neitt koma ævilega
af fjöllum.

Staða lífeyrissjóða afhjúpuð

Fyrir svefninn.

Við erum búin að eiga æðislegan dag í dag, erum öll komin
Hingað heim, leiðinda veður á leiðinni, en hafðist elsku Gísli
minn fór ekkert á taugum þó ég væra að aka með honum í
hvívetna.
Byrjuðum á því að fá okkur kaffi og brauð í bakaríinu við Brúnna
síðan að heimsækja nýju fiskbúðina hjá Halla og Huld og varð
ég afar hrifin af fiskbarnum, keyptum okkur einn rétt til að hafa
í kvöldmatinn, það er þannig að þú velur þér fisk sem er settur
í álbakka síðan grænmetið sem þú vilt hafa með þar ofan á kemur
rækja, það er ef þú villt, svo klikkuð sósa og ostur ofan á
Þetta er bakað í ofni í 20 mínútur, BINGÓ,og borðað sko ég taldi
að ég væri að kaupa of mikið, en þetta Halli mátti vera meira.
Við höfðum ekkert með þessu, en örugglega gott að hafa
brún grjón með.
Fiskbúðin heitir Heimur Hafsins öllum sem búa á Akureyri og
Nágrenni er óhætt að fara að versla við þau Halla og Huld.
Eva dóttir Huld mun vera í búðinni í sumar.
Takk fyrir okkur elskurnar þetta var æði.

Nú þá var að vitja um djammarana þær voru rétt vaknaðar,
við settumst smá og spjölluðum, aðallega við hundana sem
voru þrír Tinna, Tiger og Neró.
Alltaf jafn gaman að koma til Ernu.

Síðan fórum við gamli á undan í Norðurport, þær komu seinna.
Ekki var nú dónalegt að koma þangað, Anna Guðný gekk með
okkur um allt við keyptum okkur kleinur, flatbrauð, reyktan
rauðmaga og svo á næsta bás keypti ég mér tvær bækur
aðra ljóðabók og hina með svona allskonar öfugmæla og
skemmti sögum.
Svo er hægt að kaupa sér kaffi og meira að segja að láta spá
fyrir sér, svo endilega kíkið í Norðurport.

Þá var það hittingurinn, hann heppnaðist að vanda mjög vel
Doddi og Veiga komu aðeins til að knúsa okkur, en Veiga er
alveg komin að því að eiga lítið barn, svo þau stoppuðu stutt.
Það komu líka Víðir, Halli, Huld og Eva, við Gísli, Dóra mín og
dætur hennar Sigrún Lea og  Guðrún Emilía,Erna mín elskuleg
Ásgerður, Sigga, Anna Guðný, Unnur. Ef ég gleymi einhverjum
þá verður einhver til að setja ofan í við mig.
Það var bara æðislega gaman hjá okkur, eins og alltaf.

Smá grín í lokin.

Gömul kerling um bónda í sveitinni.
,, Svo dró hann annað augað upp í punginn á sér."

Sama kerling sagði um annan sveitunga, sem henni
þótti sýna sér yfirlæti:
,, Hann þykist víst of stór upp í mig."

Þetta er um er fólk kann ekki vel það sem það er að segja
og er úr bók eftir Jón Hjaltason.

Góða nótt kæru vinir

Takk fyrir Samhjálp.

Samhjálp er heimili sem á allar þakkir skilið og ætla ég
bara að vona að allir þeir sem geta gefið til þeirra geri það.
Engin nema sá sem hefur lent í því að eiga ekki fyrir mat
og svelta geta sett sig í spor þeirra.
Reynið samt og gefið til Samhjálpar.
Þar veit ég að ríkir gleði er matnum er úthluta.

                ***********************

Það sama má segja með Hjálpræðisherinn þeir eru með hjálp
fyrir þá sem eru á götunni.

              ************************

Nú ég var að lesa um Fjölsmiðjunnar í Kópavogi það er bara flott
að lesa um hana. Þar starfa um 70 krakkar sem eru að fóta sig
á ný í tilverunni.
Allir ættu að kynna sér þjónustu þeirra á www.fjölsmidjan.is
Vert að styðja við bakið á þeim, þú veist aldrei hver verður næstur.

Er farin til Akureyrar og mun kíkja inn í kvöld.
Guð veri með okkur öllum.

Metaðsókn hjá Samhjálp

Fyrir svefninn.

Kæru bloggvinir þið verðið að hafa biðlund með mér, ég
hef ekki verið svo mikið að kommenta hjá ykkur, en það
stendur til bóta vonandi.
Hef haft svo mikið að gera,
í málum sem kemur sálartetrinu í uppnám.

Í dag fórum við gamla settið ásamt Dóru minni og englunum
mínum, inn á Akureyri.
Þær voru að fara til að skemmta sér fara í leikhús og í búðir.

Nú það var einnig farið með Neró litla sem var orðin nokkuð
veikur í eyranu sínu, hann er með ofnæmi fyrir öllum mat nema
spes innfluttu fóðri og má hann bara fá fjórar matartegundir
sem betur fer er hann hrifin af þeim mat og það er til nammi
í þeim tegundum.

Hann var svæfður og þá kom í ljós að hljóðhimnan er sprungin
eftir sýkingu, en ofnæmið kemur fram á eyranu hans.
Nú er hann kominn á magameðal til að þola pensillínið sem hann
þarf að taka í 25 daga ásamt verkjalyfi í 40 daga og krem í eyrað.
Hann er ennþá hálfruglaður eftir þetta allt saman, en vonandi
verður þetta til friðs í nokkurn tíma eftir aðgerðina í dag.

Þetta er nú ekkert, sko ég vaknaði klukkan 6 í morgun fór í
þjálfun klukkan 8 síðan brunuðu við á Eyrina, náðum náttúrlega
fyrst í Dóru fram í Lauga, en þær voru hér englarnir mínir.
Fórum beint með Neró upp á spítala skildum hann eftir er hann
var sofnaður.
Sko þá spurði ég í sakleysi mínu hvort við ættum ekki að fara
og fá okkur kaffi og brauð, nei Dóra var ekki svöng og engin
vissi hvað hann vildi, svo það var haldið í búðir og þegar klukkan
var orðin 12 þá varð ég að taka meðulin mín og sendi Gísla minn
inn í einhverja sjoppubúllu til að kaupa pulsu því ekki má ég taka
fjandann án þess að borða áður.
Haldið þið að einhver skilji það Ó nei, engin vorkennir mér
Það skal nú bara athuga að ég er bílstjórinn

Sko þegar búið var að versla þá var farið að ná í Neró og rennt
heim til Ernu þessarar elsku, ég sagðist nú vera fegin að vera
komin til hennar því þá fengi ég gott kaffi, og það kom sko og
hlaðborð af brauði og allskonar áleggi,ég gæti lifað á brauðmeti.

Það er svo yndislegt að koma til hennar Ernu betri vinkona er
ekki til, enda þær Dóra búnar að vera vinkonur í, ÆI hvað sagði
ég einhvern tímann? 50 ár nei þær eru nú víst ekki orðnar svo
gamlar þessar elskur.
Munið að ég elska ykkur.
Þegar við komum heim um fimm leitið þá spurði ég mína elsku
hvað við ættum að borða, hvort það væri ekki upplagt að fá sér
skyr og brauð, nei honum langaði í pulsu, komst á bragðið á
eyrinni.
Það voru keyptar pulsur og brauð og þetta er bara óþveri.
Ætla að fá mér mitt brauð áður en ég fer að sofa, sem verður
mjög fljótt.

Góða nótt kæru vinir

Hugleyðing lífsins

Leifi þessum engli að birtast ykkur og blessa alla þá sem
eiga um sárt að binda.
Sérstaklega sendi ég hann til góðra vinkonu minnar, sem
lífið er búið er að leika grátt.
Megi hið góða í lífinu vera með okkur öllum.
Milla.

Fyrir svefninn.

Ef viðrar fyrir okkur þá förum við Til Akureyrar í bítið í
fyrramálið svo við verðum komin með Neró inn á hundaspítala
helst klukkan tíu, en við verðum náttúrlega að bíða eftir mokstri,
söltun, og söndum eða hvað þetta er sem þeir úða yfir vegina.

Englarnir mínir koma á eftir, þær og allir nemendur framhalds-
skólans á Laugum eru hér í boði framhaldssskólans hér, eitthvað
Íþróttamót, síðan út að borða og í leikhús.
Þær munu svo gista hér heima í nótt, við sækjum svo mömmu
þeirra í fyrramálið síðan brunað á Eyrina.

Mæðgur eru að fara í leikhús annað kvöld með Ernu, munu þær
gista þar og það verður nú aldeilis fjör.
Það er svo hittingur á laugardaginn, förum við öll á hann.
Munum fá okkur marengstertu og gott kaffi.

En áður en við förum upp í kaffi Karólínu ætla ég að heimsækja
Norðurport, kaupa mér kleinur, soðið brauð og aðrar kræsingar
sem þar eru á boðstólnum.

Og að því að það á að vera komið vor í loft mun ég birta eitt
yndislegt eftir Sigurð Jónsson frá Brún.

Í Fnjóskadal.

Hvar segir blærinn blíðumál
svo blítt sem hér, í laufasal?
Hvar heyrir þú í áraál
slíkt unaðsrómatal?

Hvar sérðu smáan bóndabæ
þér brosa við svo glatt sem hér?
Við aðra grund og út við sæ
þú ekkert þvílíkt sér.

Þú elur, dalur, indæl blóm,
þú elur þrótt og karlmannsdug.
Ég kveð þér þökk með klökkum róm.
--Ég kveð af öllum hug.

Góða nótt