Reiði og hefnd, ekki gott fyrir neinn

Forseti Bandaríkjanna segir er hann birtir minnisblöð CIA, um
yfirheyrslur og pyntingar yfir föngum í tíð fyrirrennara síns.

Nú er tími til að velta þessum málum  fyrir sér, ekki tími til að leita hefnda,," sagði forsetinn. ,,Við höfum farið í gegnum dimman og sársaukafullan kafla í sögu okkar. En á tímum þegar tekist er á við mjög erfið verkefni og misklíð ríkir munum við ekki hagnast neitt á því að verja orku og tíma í að leita að sökudólgum í fortíðin

Það stendur ritað einhversstaðar að þeir sem leita hefnda
finni fyrir samviskubiti yfir einhverju sem það hefur gert,
sem sagt = stjórnsemi.

Reiði = EGÓ = stjórnsemi sem þýðir að fólk vill ráða hvernig
allt er.

Þetta er margþætt og endalaust hægt að velta upp málum um
stjórnsemina, en hver og einn verður að vera einlægur og
spyrja sjálfan sig hvort hann sé að gera rétt.

Þetta á afar vel við  hjá þjóðum heims í dag, en okkur kemur
náttúrlega ekkert við nema okkar kæra Ísland, eða hvað?

Að mínu mati ættum við að láta okkur allt varða, gera það
sem þarf, en ekki í heiftar, hefndar, haturs eða reiðihug,
persónulega veit ekki sá sem þú ert að  atast út í neitt um
það svo engum líður illa nema þér.

Ég lenti sjálf í því fyrir 4 árum síðan að reiðast afar út í eina
persónu, réttilega það er viðurkennt, en haldið þið að persónan
hafi vitað eða viti af þessu, nei ekki aldeilis, hvernig átti persónan
að vita það?
Með góðri hjálp og skynsamlegri hugsun komst ég yfir þessa reiði.
Í raun kom mér gjörningur persónunnar ekki við þó um slæma lygi
væri að ræða.
Frá minni hendi var þetta EGÓ = STJÓRNSEMI.
Því það var ekki mitt að snúa þessu við.

Í dag, getur maður látið vini droppa, leitt í hliðarrennu
þá sem maður vill ekki hafa afskipti af, en hefur jafnvel treyst,
algjörlega hunsað þá sem ekki hugsa nema eina leið sjá aldrei
að þeir hafi gert neitt rangt.

Þið skuluð ekki halda að þetta sé eigi sárt, en það venst, því þú
breytir ekki neinu þarna um þó um ættingja sé að ræða.

Eins og ég hef oft sagt þá eltir maður ekki ólar við vitleysuna
hver sem hún er, sumir segja: ,,Hvernig getur þú verið svona róleg?"
Jú ég hef 66 ára reynslu og þroska, en á samt langt í land eins og
allir að verða fullkomin.

Hvernig væri að taka höndum saman hætta að leita hefnda, leysa málin
eins og best verður á kosið.

Ég veit að þetta er ekki bara svart og hvítt.
Eigið góðan dag í dag.

Þetta er flott, fyrir svefninn

 Hún er svo falleg hún Líf.

// Innlent | mbl.is | 16.4.2009 | 16:52

Mun tryggja að Líf fái líf

„Ég legg það á mig sem þarf til þess að tryggja að það finnist sú lausn í málinu að Líf fái líf," segir Kolbrún Halldórsdóttir, umhverfisráðherra.

Hún var á ferð á Austurlandi í dag og heimsótti hreindýrskálfinn Líf sem ábúendur að Sléttu utan við Reyðarfjörð hafa haldið frá því í fyrravor.

„Hún er mjög mannelsk, rétt eins og gæludýr. Fjárhundurinn var þarna við hlið hennar og ég mátt klappa þeim báðum," segir Kolbrún.

Umhverfisstofnun hafði bent ábúendum á ákvæði laga um villt dýr og hvatt þá til að sækja um leyfi til að halda hreindýrskálfinn. Að öðrum kosti gæti þurft að aflífa dýrið.

Kolbrún Halldórsdóttir segir að ekki muni koma til þess.

Það er æðislegt ef að kolbrún Halldórsdóttir getur gengið frá þessu
máli fyrir kosningar, því eigi gerir hún það eftir þær.
En að sjálfsögðu þarf að kippa þessu máli í lag.

„Ég er sannfærð um að Líf mun eiga langt og farsælt líf fyrir höndum. Það er verið að skoða þetta í ráðuneytinu og það verður auðvitað fundin lausn á þessu máli. Það á ekki að fara að slátra henni Líf, svo mikið er víst."

Samkvæmt lögum má ekki hafa villt dýr í haldi en Líf er ekki í haldi. Hún er á bænum Sléttu þar sem hún er alin upp.

„Þetta er fólk sem bjargaði lífi hennar og hún fer ekki lengra en svo að hún sjái til bæjarins. Ef að Líf velur að vera þarna þá er ekkert í lögum sem skilgreinir hvar villt dýr skuli halda sig. Þetta mál horfir þannig við að það þarf bara að ákveða hvernig þessu verður fyrirkomið. Nú verður þetta mál bara lagað og leiðrétt," segir Kolbrún Halldórsdóttir.

Flott að fá þessa umræðu svona skýra þannig að fólk skilji að
Líf er ekki í þéttbýli og ekki í haldi algjörlega frjáls, þannig að
ef hún vill fara í hjörð þá gerir hún það, það mun koma í ljós
er hún fer á kynþroskaaldurinn, eða er það ekki annars?

Gangi ykkur allt í haginn kæru ábúendur á Sléttu.

                 ***********************
                              Vor

Náttúran af værum blundi vakin,
vetrartíð í sumar hefur breytt.
Nú er allur harmur burtu hrakinn,
hjarta manns að nýju gleði veitt.
Fyrir eyrum ótal raddir hljóma,
unaðsríkan heyrum fuglasöng.
Loftið fyllist angan blíðra blóma,
buna lækir fram um undirgöng.

Vorsins koma veitir hverju hjarta
vonarljós er styrkir sálu manns.
Yfir meinin leggur blæju bjarta,
bindur liðnum vetri minniskrans.
Blessuð sólin visnar vermir rætur,
vekur enn að nýju blómakrans.
Það sem vorið endurlifna lætur
lýsa hlýtur mætti skaparans.

Hjörleifur Jónsson, Gilsbakka
(1890-1985)

Góða nótt kæru vinir.

Mun tryggja að Líf fái líf

Fjandans rugl er þetta..

Dagbjörtu Briem Gísladóttur, bónda á Sléttu utan við Reyðarfjörð, finnst sem Umhverfisstofnun hafi sýnt henni lítilsvirðingu með því að hóta að aflífa hreindýrskálfinn Líf. Dagbjört hefur fóstrað Líf frá því í fyrravor þegar hann fannst yfirgefinn af móður sinni við vegarkant

Hafa þessir menn ekkert annað að gera en að hrella fólk með
svona vitleysu, fólkið vara bara að bjarga dýrinu, sem reyndar
heitir Líf.

Þau eiga sem sagt að fá leifi fyrir Líf, en eru til nokkur eyðublöð
fyrir þess konar  umsóknir og mundu þau þá þurfa að borga leigu?
nei bara spyr.

Vonandi láta menn svona rugl deyja út og að Þau hjón á
Sléttu fái að vera í friði með sína fallegu Líf.

 

 

Hóta að aflífa hreindýrskálf

Fyrir svefninn.

Vinkonur mínar komu að vanda eins og alla miðvikudaga
Það var mikið rætt, og að þessu sinni varð til umræðu
snjóflóðin í Súðavík og Flateyri sem voru afar sorglegir atburðir
og snertu alla landsmenn, afar, einnig voru rædd gömlu gildin
sem er svo nauðsynlegt að taka sig til og kenna yngra fólkinu.

Margir kunna þau sem betur fer og það er gaman að ræða við
fólkið okkar um þau.
Smá var komið inn á pólitíkina og ég stend föst á því að kjósa ekki
þó allir í kringum mig telji mig eitthvað skrítna að ætla ekki að
nýta minn kosningarétt, en hvað er réttur, réttlæti, heiðarleiki,
sannleikur.
Hef eigi svo mjög orðið vör við þessi gildi undanfarin ár, svo ég
bara sleppi því að kjósa.

Smá úr bókinni Heimskupör og trúgirni Jón Hjaltason.

         ,,Sá vægir sem veit ekki meira."
                   Guðbjartur Jónsson.

        ,,Nú er ég steinhættur að sjóða í köldu."

Haukur pressari Guðmundsson á Vífilsstöðum þegar haft
var á orði,  að hann syði ekki bollapörin nógu vel.

Þegar neyðin er stærst, þá verður hún ekki mikið stærri."
                  Guðbjartur Jónsson.

      ,, Það hljóta að vera þjófar hér í húsinu."

Magnús Pétursson, forstöðumaður vinnuhælisins á Litla-Hrauni,
þegar einn fanganna kvartaði undan því við hann að sér hefði
horfið dýrmætur hlutur.

Góða nótt kæru vinir

Ja hérna! voru þetta glæpamenn?

Það mætti halda að þarna hefði verið um stórglæpamenn
að ræða, þeir gasaðir og hnepptir í varðhald, glæpamenn
eiga að sjálfsögðu að vera þar, en ég meina það sko.

Það eru sem sagt ekki nein höft á gjaldeyrir fyrir piparúða?

Hverjir eiga þessi hús og eru þau búin að vera lengi mannlaus?
Er kannski verið að geyma þau þar til þau verða alveg ónýt
svo hægt sé að rífa þau og segja þetta var ónýtt drasl,
sem sagt þeir sem hafa efni á að geyma þolinmóða peninga
í þessum húsum ættu að gera eitthvað af viti við húsin.

Heldur fólk virkilega að það sé gaman að vera húsnæðislaus,
matarlaus og alslaus?

Gerið eitthvað til úrbóta fyrir þetta fólk.

Sextán handteknir

Í sátt og samlyndi

Vatnsstígur 4 var einu sinni glæsilegt hús og mætti gera það
upp og fylla það lífi eins og áður var.
Ég er nú að heyra um það hér að það hugnist eigendum að
gera moll á þessum stað, eiga þá bílastæðin að vera neðanjarðar?

Hver á eiginlega þetta hús og gerir hann sér ekki grein fyrir því að
það mun eigi gera sig að reisa moll á þessum stað ef að fólk vill
eða þarf að fara í moll þá getur það bara farið í smáralindina eða
Kringluna og eru þau ekki fleiri?

Það á ekki að byggja stórhýsi inni á þessu svæði sem á að vera
algjörlega í gamla stílnum.
Ég vona að það sé verið að taka þetta heildrænt í skipulagi þó svo
að allt komi ekki strax.
Við vitum alveg þó fáir vilji viðurkenna það að Fjalarkötturinn átti
aldrei að fara og svo margt og margt sem betur hefði mátt gera
bara ef menn hefðu ekki verið fastir í græðgi, já ég segi græðgi
því það er hún sem stjórnað hefur öllum þeim gjörðum sem
illa hafa farið í fólk.
Tökum elsta dæmið sem ég man eftir og hrekk enn þá í kút er
ég augum lít: "Morgunblaðshöllin"
þARF ÉG AÐ SEGJA MEIRA?

Ég er svo meðfylgjandi því sem er verið að gera og er bara stolt
af þessu unga fólki okkar sem þarna stendur keikt og ætlar sér
að gera sitt besta til að öllum geti liðið betur.
Og krakkar verið ekki að hylja andlit ykkar því þið eruð bara flott.

MOLL hef ekki heyrt vitlausara, það er kreppa og botninum hefur
ekki verið náð, stoppum aðeins við og metum gildin upp á nýtt
Hvað viljum við með okkar líf og hvernig getum við farið inn á þá
stefnu sem breytir okkar lífi og hugsun til hins betra.

Þið sem búið í glerhúsunum með snobbið í forgrunni eða hræðslu-
brosið og vitið í raun ekki hvernig þið eigið að vera,
hunskist bara út og opnið augun og gerið eitthvað af viti.

Þegar ég var að alast upp var Reykjavík yndisleg borg, þar voru
saman allskonar fólk, í dag sem betur fer, er einnig allskonar fólk.
Það eru þeir sem telja sig heila á öllum sviðum, drykkjumenn,
dópistar, fólk sem á ekki neitt nema sjálft sig, geðveikir, fatlaðir,
þroskaheftir og lengi mætti telja.

EN ÞETTA ER ALLT OKKAR FÓLK SAMT SEM ÁÐUR.
HÆTTUM ÖLLUM FORDÓMUM OG KOMUM FRAM
AF EINLÆGNI EKKI YFIRBORÐMENNSKU

Eigið góðan dag í dag kæru landsmenn
og endilega látið ykkur varða um málin.

 

Götuvirki hústökufólksins

Fyrir svefninn.

Mér finnst þetta ekki mjög sanngjarnt eftir að hafa haft
stanslaust fjör í hálfan mánuð þá er bara grafarþögn í
húsinu og algjört tómahljóð því það fylgir þessum mæðgum
ekkert smá af dóti, er þær fóru heim í dag var bíllinn troðin
upp í topp, enda búið að versla eitthvað smá

Jæja afi ók þeim heim um hálf tvö og Ingimar og Aþena Marey
komu í kaffisopa, ég hef náttúrlega þær svo ég þarf ekki að kvarta.
Takk elskurnar mínar fyrir að vera svona yndisleg.

Á morgun koma miðvikudags vinkonur mínar og hlakka ég til þess.
Ég þarf einnig að fara að versla í brauðbakstur og svona ýmislegt í
sambandi við hollan mat eins og grænmeti í súpu og eitthvað í
morgunmat, maður þarf alltaf að vera að breyta til svo maður fái
ekki leið, finn út úr því á morgunn.

                         Skuldaskil.

Víst er ljúft að lifa, leika á þíða strengi,
þó eru manna meinin, mörg sem blæða lengi.
Það er gott að geta göfgað andans vilja,
leitast við að læra lífsins rök að skilja.

Enginn getur unað ævidaga glaður
ef hann ekki reynist einhvern tíma maður.
Ef hann ekki vinnur eitthvert verk sem stendur,
þó hann eignist aldrei auðn og stórar lendur.

Oft er gagn að eiga auðn og stórar lendur
en þó meir að eygja andans furðustrendur.
Eitt er auðna mesta, aldrei því að gleyma,
að standa hreinn í stafni, stríði tveggja heima.

Ei er segin saga sem þó miklu varðar,
hverjir sterkir standa, starfsmenn fósturjarðar,
hvaða hraustu hetjur heilsa björtum degi
þegar þyngstu björgum þoka skal úr vegi

Sorti sést í lofti, svipir margir þungir,
þið í þessum báti, þið eruð flestir ungir,
minnist þess að margur mjög því getur valdið
hvernig síðla að kveldi kallað verður gjaldið.

Góða nótt kæru vinir

 

Og þeir hafa ekki einu sinni samviskubir.

Það skiptir í raun ekki neinu máli, að mínu mati hver gerði
hvað í þessu allir vissu þeir um þessa styrki, ekki ætla þeir
okkur svo vitgrönn að þeir geti talið okkur trú um hvað sem er.

Er þetta ekki flokkur sem talar saman og síðan eru menn skipaðir
í að gera mörg leiðinda störf innan flokksins, þetta vita allir.
Eða fara skipanir ja eða beiðnir fram undir borði?

Margir hafa þeir verið ungu mennirnir sem flokkurinn hefur bundið
vonir við, en einhvernvegin hafa þeir kannski verið of margir,
fyrir öðrum, ógnað þeim sem hafa viljað vera bestir.
Og þá er að hreinsa til og pota út, segi nú bara svona.

Konurnar ætla ég ekki að tala um, þær virðast svona yfirleitt ekki
vera hafðar með þó betur færi ef svo væri.


Til hvers  þurftu þeir svona mikla styrki jú til að hafa efni á að sýna
snobbið, snobbið er dýrt.

Þeir ættu að skammast sín koma fram og viðurkenna allir sem einn
mistök sín, mistök sem framin eru þegar fjöldi fólks á ekki fyrir mat
og annar fjöldi þarf að lifa á 130.000 og það með börn, og lengi gæti ég
upptalið.

Þeir hafa ekkert gert í áratugi annað en að hugsa um flottræfilsháttinn
hjá sjálfum sér.

Það er á tæru kæri flokkur þið fáið frí í langan tíma.

Var í beinu sambandi við bankastjóra

Til umhugsunar, lesið kæru bloggarar.

Það er löngu liðin tíð að föstudagurinn langi sé leiðinlegur dagur
því í dag er bara allt gert sem maður vill.

Á allan handa máta leyfir fólk sér, já gera og segja allt sem það
vill þó það viti ekkert um málin.

Mér skilst og hef lesið um að á tímum sveitasímans hafi ýmislegt
verið sagt og gert sem ljótt var, fólk hló að óförum annarra og gerði
í því að koma náunganum í klandur.

Síðan hætti sveitasíminn smásaman og fólk fékk bara fráhvarfseinkenni
á háu stigi, bæir einangruðust, fólk skildi í stórum stíl og heilu sveitirnar
lögðust í eiði, nú fólk hafði ekkert við að vera.

Það sem tók við voru eldhúsin og morgun kaffikonurnar, þar urðu til
gróðastíur fyrir kjafta og lygasögur sem engin eða allavega lítill fótur
var fyrir og takið eftir börnin að leik á gólfinu hlustandi á.

Þetta fyrirkomulag varði í tuga ára og ekki þroskaðist maðurinn
neitt á þessum tíma.

Allt í einu kom sprengjan: "Tölvan", það tók reyndar nokkur ár þar til bloggið
kom til síðan Facebokk og margt annað sem fólk gat farið inn á til að spjalla.

Ég fékk ekki mína tölvu fyrr en rétt fyrir jólin 2006 og var ég lengi að átta mig
á nytsemi hennar og að setja inn mail og ditten og datten.

Jæja síðan fór mín að blogga og það er ekki aldeilis auðvelt að gera það, en
þetta kom smásaman, maður fékk auðvitað á sig sóða komment sem annað
hvort enduðu í góðu eða maður þurfti að loka úti viðkomandi, sem betur fer
eru þeir ekki margir sem ég hef bannað.

Ég vill meina að margir eins og kom fyrir mig í byrjun, misskilja bloggið og
hvað er siðlegt eða leyfilegt yfirhöfuð.

Við höfum ekki leifi til að koma fram með vitund okkar um sárindi annars fólks
Við eigum okkar síður, en okkur ber að sína kurteisi.
Við ráðum hverjir eru vinir okkar og engum kemur það við hverja við höfum.
Við megum ekki rakka niður skrif annarra um viðkvæm mál.
Við höfum ekki leyfi til að nota orðaleppa á fólk.
Við höfum ekki leifi til að nafngreina fólk í neikvæðum skilningi.
Við megum ekki misskilja meðvitað eða ómeðvitað það sem fólk segir á
sínu bloggi og útmála það svo út um allt.

Það hefur ýmislegt gengið á hér lengi ekki er ég inni í þeim málum að öllu leiti
vegna þess að ég vill fá frið fyrir svona löguðu og les ekki þau blogg sem um
ræðir frekar en svo afar mörg önnur.

Tel ég vera um einn lítin bolta sem fór af stað í mistúlkun eða hvað sem það er,
síðan stækkaði og stækkaði boltinn, orðalepparnir urðu ósvífnir mjög.
Allir þeir sem hafa komið nálægt boltanum vilja losna og hvað er það sem
heldur í fólk að koma fram og segja sína meiningu í þessu máli, þá meina
ég hvað það hefur trú á í raun.

Ég vill byðja alla þá sem hlut eiga að máli að hætta, stoppa við, leita inn á við
og byðja guð að hjálpa sér að finna svarið við sinni trú á jafnvel því sem er ekki til
því einhver annar hefur sagt það og það sem aðrir segja er ekki alltaf satt.

Maður á bara að treysta á sitt eigið hjarta, spyrja spurninga og finna svarið
í sjálfum sér með hjálp bænarinnar.

Ég er hér ekki að ásaka neinn og vill heldur ekki fá neikvæð komment heldur
bara vitræn og þannig að við getum talað saman um mátið.

Við höfum bara hvort annað á þessu litla landi, erum við bættari með því að
vera að etjast út í náungann sem við þekkjum ekki neitt.

Kærleikskveðjur frá mér sem er ástfangin af lífinu.
Milla

Fyrir svefninn.

Frábær dagur að kveldi kominn. Dóra mín var nú óð í
tiltektinni þvoði hér gluggarimla og puntudrasl, þurrkaði af
öllu, var reyndar búin að því en það kemur víst alltaf rík aftur
eins og þið vitið, nú við fengum okkur hádegissnarl, síðan var
farið í búð til að versla smá í bakstur, en það gleymdist að kaupa
sykur svo elsku Gísli var sendur til þess að redda því.

 

Þá tók hún sig til og fór að baka þessi elska, Pipp-köku í eftirrétt
á morgun, sem betur fer á ég aðra sem á einnig að vera á
morgun því ekki borða ég neitt sem piparminta er í.
Síðan var bakað muffins sett á það glassúr bleikt og brúnt, skreytt
með puntusykri.

Klukkan fimm fórum við Dóra niður á kosningaskrifstofu hjá VG, þar
var verið að opna formlega í dag.

Hittum Steingrím vin okkar, ævilega gaman að hitta hann þó ekki
gæfist færi á að tala mikið saman.

Fórum síðan þaðan í kvöldmat til Millu og Ingimars, þau voru með
kjúklinga-súpu sem var bara æðislega góð, og Ítalskt brauð með.

Milla klippti mömmu sína svo hún yrði nú ekki lengur til skammar
í fjölskyldunni

Og núna fer ég brátt að sofa, því mikið skelfing er ég þreytt á
öllu því sem er að gerast, hvað það er, er ??????????????????

Góða nótt.

Hlátur eða grátur?

Það er að sjálfsögðu ekki í lagi með allt þetta gegnumsýrða
fólk, það er tekið við peningum, já og fyrir hvað og hvað átti
að gera á móti?
Í mína tíð voru þetta kallaðar mútur.
Merkilegt hvað þetta hefur viðgengist ofur lengi reyndar allar götur
eins langt aftur og ég man og lengra ef maður rifjar upp söguna.

Vitið hvað mér finnst? Jú það á ekkert að endurgreiða þessa
peninga það á að Hjálpa þeim sem minna en ekkert eiga, það á
að styrkja Þá sem eru að vinna í því að gefa fólki frían mat.

FL - Group og Landsbankinn eru hvort sem er farnir á hausinn
og þó við þurfum að borga er þessum peningum betur farið
í að hjálpa þeim sem ekkert eiga.

Er svo reið, þetta svínarí nær ekki nokkri átt.

Guðlaugur Þór hafði forgöngu um styrkina

Búa menn við andlegt ofbeldi, eða hvað?

Geir H. Haarde. mbl.is/Ómar

// Innlent | mbl.is | 8.4.2009 | 18:10

Geir segist bera ábyrgð

Geir H. Haarde, fyrrverandi formaður Sjálfstæðisflokksins, segist einn bera alla ábyrgð á því, að flokkurinn tók við 30 milljóna króna framlagi frá FL Group í árslok 2006. Framkvæmdastjórar flokksins, núverandi og fyrrverandi, beri þar enga ábyrgð.

Hvernig er þetta eiginlega veit engin hvorki eitt eða neitt
í flokknum?
Hef ekki nokkra trú á þessu frekar en öðru því sem kemur
fram um mál í dag.
Hvað með allar yfirlýsingar um flæði og að allt sé upp á borðinu
hjá þessum flokk, og Auðvitað vissu topparnir um þetta annað
er ekki hægt að bera á borð fyrir okkur, við erum ekki vitlaus.

Þetta kemur fram í yfirlýsingu, sem Geir hefur sent frá sér og er eftirfarandi:

„Með vitund og vilja mínum var haustið 2006 ráðist í mikið átak til að rétta við fjárhag Sjálfstæðisflokksins í samræmi við þær reglur um fjármál stjórnmálaflokka sem þá var unnið eftir. Komu þar fjölmargir að verki.

Geir þú ert að taka á þig ábyrgð þessa máls til að hinir geti
starfaðáfram sem saklausir væru, en nei það takst ekki.
Endurnýjun er eigi nægileg til þess að við treystum ykkur.

Á sama tíma var ég fyrsti flutningsmaður frumvarps til nýrra laga um fjármál flokkanna sem tóku gildi 1. janúar 2007.

Áhugavert frumvarp, en frekar hallærislegt svona með
tilliti til.

Eitt framlag til flokksins frá þessum tíma hefur að undanförnu verið sérstaklega til umfjöllunar, þ.e.a.s. framlag frá FL-Group seint í desember 2006.

Núverandi framkvæmdastjóri Sjálfstæðisflokksins, sem þá var nýkominn til starfa, hafði ekki frumkvæði eða sérstakan atbeina að þessari greiðslu. Ég samþykkti að við henni skyldi tekið, enda fylgdi henni sú skýring að hér væri um að ræða framlag margra aðila sem umrætt fyrirtæki sæi um að koma til skila.

Ég ber því sem formaður flokksins á þeim tíma einn alla ábyrgð á þessu máli. Framkvæmdastjórar flokksins, núverandi og fyrrverandi, bera hér enga ábyrgð."

En hver ber ábyrgð á öllu hinu svínaríinu?

Góða nótt

Geir segist bera ábyrgðina

Biðjum fyrir fólkinu.

Yfir 250 fundist látin
Erlent | mbl.is | 8.4.2009 | 6:55
Tala látinna í jarðaskjálftanum á Ítalíu er nú komin i 250. Harðir eftirskjálftar gerðu usla á hamfarasvæðum í gær og í nótt. Almannavarnir á Ítalíu segja að leit í rústunum verði haldið áfram að fullum krafti þó vonin um að finna fólk á lífi minnki með hverri klukkustund.

Allar náttútruhamfarir eru skelfilegar, við ættum að vita það
Íslendingar, þess vegna segi ég byðjum fyrir elsku fólkinu
sem misst hefur sína í jarðskjálftunum á Ítalíu að undanförnu.
Guð veri með þessu fólki.

Eigið góðan dag kæru vinir
Milla .

Yfir 250 fundist látin

Fyrir svefninn.

Dagurinn leið að vanda léttur og góður við okkur öll, stóra
ljósið kom í pössun í morgun síðan kom ljósálfurinn og Hafdís
vinkona hennar nú allir fengu sér eitthvað að borða eins og
vanalega bara það sem hver vildi svona í  hádegissnarl.

Við gamla settið þurftum að fara í apótekið að sækja lyf fyrir
Gísla minn sem hann átti svo að mæta með til læknisins og fá
eitt stykki sprautu í bossann þegar það var búið var haldið heim
Nú börnin fóru út og suður, en skiluðu sér er maturinn kom.

Englarnir mínir eru að passa fyrir Millu sem þurfti að fara á fund.
Ég ætla að skrýða snemma upp í rúm er bara þreytt, svaf frekar
illa í nótt.

Nú kemur smá úr bókinni Heimskupör og Trúgirni, Jón Hjaltason.

                               Kona, móðir

,,Mikið andskoti leiðist mér þegar kvennafólk blótar mjög
                               Helvíti mikið."

Eldri kona að vanda um við kynsystur sínar.

                                    ***
Það er móðurástin sem gengur eins og tvíeggjað sverð
                               gegnum hjarta konunnar."

Brot úr ræðu sem reykvískur iðnaðarmaður hélt
fyrir minni kvenna um 1930.

                                   ***

,,Þú skalt aldrei giftast, Jónsi minn, því allir karlmenn
                               Haugaletingjar og fyllisvín."

Móðir að ráðleggja syni sínum.

Góða nótt kæru vinir

Er ekki í lagi með fólk?

Myndin tengist efni fréttarinnar ekki beint.

// Veröld/Fólk | mbl.is | 6.4.2009 | 15:02

Þriðjudagur erfiðastur vinnudaga

Mánudagur hefur misst sæti sitt sem versti dagur vikunnar, ef marka má nýlega rannsókn sem unnin var fyrir framleiðanda Bimuno fæðubótarefnisins í Bretlandi. Kom í ljós að ríflega helmingur þrjú þúsund þátttakenda notuðu mánudaginn til að „komast í réttan gír" fyrir vikuna og slúðra um helgina á samskiptavefjum. Alvara lífsins hefst ekki fyrr en á þriðjudegi.

Ég hef nú ekki á ævinni heyrt aðra eins vitleysu, það á ekki að vera til
í huga fólks að eitthvað sé erfitt.
Ef maður þarf að vinna, reka heimili eða hvað annað sem það velur sjálft
að gera þá á ekkert að vera erfiðast, enginn dagur verri en hinn, þú ert
nefnilega ekki að vinna fyrir aðra þú ert að gera það fyrir sjálfan þig.
Hvað er eiginlega fólk að gera um helgar ef það þarf á kosnað vinnuveitanda
að koma sér í réttan gír á mánudeginum.
Það hlýtur að forgangsraða vitlaust, en auðvitað dæmi ég ekki um það.

Rétt fyrir hádegi á þriðjudegi er álagið hvað mest, að sögn Grahams Waters hjá fæðubótarfyrirtækinu. Þá átta starfsmenn sig á því að vikan verður annasöm og tíminn til stefnu er naumur. Einnig kom í ljós að starfsmenn eru líklegastir til að sleppa hádegismat á þriðjudögum og nýta tímann til að vinna.

Það er talað um að fólk sé að slúðra um helgina sína á vefnum.
Það er sko örugglega rétt.
Ég fór ekki fyrir svo löngu í stórverslun í Reykjavík og var að versla
helling, krakkarnir voru að fylla á í hillurnar og tala um hvað hefði verið
gaman árshátíðinni á laugardeginum, hafði ég lúmskt gaman að.

Ég kom að kassa og sagðist ætla að láta senda þetta í póstkröfu,
en nei sko það var ekki hægt sko því við póstkröfum var bara tekið
við í einni búðinni, já það er nefnilega það, en get ég fengið að tala við
verslunarstjórann, já já en ég get svo sem tekið við þessu og komið
því í póst, takk sagði ég og síðan tók hann niður nafn og heimilisfang.
Það var mánudagur, ég fékk aldrei póstkröfuna, afar slæmt fyrir fólk
sem býr út á land, en þetta sannar það sem í greininni stendur.

Það væri kannski lag fyrir atvinnurekendur að gefa orkudrikk á línuna
á mánudagsmorgni, en ef ég væri yfir fólk og það ynni ekki vinnuna sína
þá mundi ég bara reka það.

Þriðjudagur erfiðastur vinnudaga

Fyrir svefninn.

Hér sitjum við mæðgur eftir ofurát eina ferðina enn, Dóra
bauð til Tackó veislu með öllu því sem hægt er að hugsa sér
með í svona áti, við elskum Mexicanskt.

En dagurinn byrjaði hjá mér klukkan fimm með uppvöknun í
verkjum eins og ævilega, Uss maður er ekki lengi að hrista
það af sér, staulast fram, borðar morgunmat, tekur meðulin
og staulast inn í tölvu á meðan allt heila draslið er að regulerast í
allar áttir í líkamanum svo er hjartað er farið að slá rétt og bakið er
farið að aðlagast eftir smá æfingar, getur maður drifið sig í sturtu.
Átti nefnilega að fara í þjálfun í morgun og gerði það 8.30 var ég
mætt, en er ég kom úr sturtunni fékk ég andstyggilegt hjartakast,
Sko þurfti hjálp, Óþolandi fjandi!
Út af þessu fer ég alltaf snemma á fætur þá morgna sem ég á að fara
í þjálfun.

Englarnir mínir fóru í klippingu og litun í dag og eru að sjálfsögðu rosa
flottar að vanda, ljósin voru hér í dag þar til þær fóru í fimleika

Síðan endaði dagurinn á matarveislu Dóru sem var auðvitað hjá mér
því þær eru hér núna.

En vitið ég var að horfa á lítið myndbrot í dag um dreng sem ekki náði
háum aldri og komst að því eina ferðina enn að við höfum ekki leifi til
að kvarta, horfði einnig á viðtal í varpinu við unga konu sem fékk afar
alvarlegt krabbamein komst upp úr því, síðan missti hún dreng í flugvél
á leið til Íslands, hann var langveikur.
Svona er hægt að telja endalaust.


Og hverjum dettur svo í hug að leyfilegt sé að kvarta og kveina undan
öllu sem gerist.
Við eigum að skammast okkar, taka til í eigin ranni og hjálpast að við að
gera lífið bærilegra fyrir fólk sem á í svona erfiðleikum.

Góða nótt kæru vinir

Er nú ekki hissa á því.

Og vitið af hverju, jú að því að við hugsum svo vel um þá.
Veit nú ekki af hverju, einhver gömul væntum þiggja eða er
það gömul ást? nei fjandinn hafi það maður er nú ekki að
pæla í því er þeir eru komnir á gamalsaldur, greyin.
Geta þeir nokkuð?

Svo eru til karlar sem halda sér lifandi með því að stjana við
þær gömlu sínar, gera allt óbeðnir svo góðir og yndislegir,
hreyta svo annað slagið, eru auðvitað góðir til að fá fyrirgefningu
sko fyrir hreytið, en lifa á því.

Nei í alvöru er þetta satt? allavega fyrir sumar konur afar leitt
 en þær verða bara að sætta sig við það þessar blessaðar konur
að mennirnir lifa án þess að geta nokkuð nema þá á Viagra

Svo er stóra spurningin viljum við ekki bara hafa þetta svona
við getum ekki mikið sjálfar og eigi værum við neitt án þeirra.
Eða er það?

 

Íslenskir karlar verða karla elstir

Fyrir svefninn

Þessi yndislegi dagur að kveldi kominn, um hádegisbilið
kom Milla, þá voru ljósin mín búnar að vera síðan um tíu
um morguninn, þær fóru síðan út að labba systur með
allar stelpurnar, þá syfjaði mig svo að ég varð að fara upp í
rúm, skreið inn í gestaherbergi ekki búið að búa um þar.
Svaf til fjögur æ það var svo gott og vaknaði með Neró mér
við hlið þær höfðu hleypt honum inn er þær komu heim.

Nú við borðuðum svo saman hangikjötið, það var svo ís og
eitthvað  súkkulaði,karamellu ógeð á eftir ekki mín deild þó
ég hafi nú aðeins fengið mér.



Þarna eru þær Dóra og Aþena Marey að baða Neró, síðan var hann
blásinn burstaður og fékk svo nammí á eftir og hún er svo glöð
að fá að hjálpa til.



Þarna eru Sigrún Lea, Guðrún Emilía og Viktoría Ósk í tölvuleikjum
eiga eftir að fara í sjæningu.

Vor í Skagafirði

Ölduhljóðið örvar ljóð
oft á góðu kveldi.
Báruslóðin blikar rjóð
Björt af sólareldi.

Góða nótt kæru vinir.

Nú er að koma vor!

Það er svo yndislegt veður í dag þó næturfrost hafi verið
að eigi er hægt að tala um neitt neikvætt.

Verð samt að segja að mér er búið að ógna stórum á
undanförnum dögum fólk er út og suður lemjandi á
öðrum með hnefum og orðum.
Börn fá að vaða uppi vegna agaleysis og trúgirni foreldra
um að börnin þeirra geri aldrei neitt rangt, sem vakið hefur
upp spurningu hjá mér um hvernig þessir einstaklingar
komi út í lífið?
Eru þau óhamingjusöm, dónaleg, finnst allir vera vondir við sig,
líta aldrei í eigin barm og spyrja: ,,er þetta kannski mér að kenna?"
Enda síðan vinalaus þessar elskur og skilja bara ekkert í þessu.
Ég þekki mörg svona dæmi og er það miður.

Jæja að öðru eins og við Dóra höfum talað um vöknum við hér á
morgnana förum beint í tölvurnar sem eru hér hlið við hlið að
því að skrifborðið er svo langt þá er það hægt.
hér klárum við okkar morgunverk og er þetta bara yndislegt.
Gísli minn er að fá sér morgunmat ég að fara í sjæningu, svo
fáum við okkur kaffisopa.


Vitið það er þannig hér á bæ að þó fólk sé ekki fullkomið frekar
en allir hinir þá hef ég ekki yfir neinu að kvarta.
Er nefnilega ekki fullkomin sjálf.

 

Þetta myndband átti að fylgja áðan, en bara í öllum mínum klaufaskap
náði ég því ekki inn, en englarnir eru vaknaðir þá bjargast allt.

Ljós í daginn ykkar allra.
Milla.

Fyrir svefninn.

Í morgun um tíu leitið hringdi síminn er við sátum hér mæðgur
í sitt hvorri tölvunni, það var Erla frænka okkar að spyrja hvort
hún mætti koma í heimsókn í dag. Já auðvitað við vorum ekki
að fara neitt.Hún kom um nónbil og var hafður til brunch, sátum
við síðan og borðuðum,spjölluðum í marga klukkutíma.
Milla og ljósin mín komu einnig.
Þær frænkur voru aðallega í því að rifja upp hin ýmsu prakkarastrik
og stríðins-púkahátt sem þessum einum var lagið, ég þóttist afar
hneyksluð, en bætti ýmsu við.

Núna er maður bara farin að geispa enda ekkert undarlegt við það
verandi búin að borða óhollustu í allan dag og enda á kvöldmat sem
samanstóð af frönskum og steiktum laukhringjum.

Erla er bróðurdóttir mín og býr á Akureyri ásamt manni og uppkomnum
börnum. Hún er dóttir Þorgilsar bróður míns hann er næstur mér og
býr í Svarvaðadal ásamt sinni kvinnu.

                    *******************************
                         
                               Ást og kynlíf

,, Guð hjálpi yður, kona. Af hverju hættuð þér ekki
                Þegar komið var eitt."

Ónefndur sýslumaður að skamma konu sem hafði
eignast tvíbura í lausaleik.
                                 *****
,, Þegar ég var ungur hafði ég ákaflega gaman af að dansa.
Einkennilegt var það með mig að mig langaði alltaf til að
dansa við laglegustu stúlkurnar og hef ég aldrei fundið það
eins vel og þegar maður dansar hvað nauðsynlegt það er
að það sé góð samvinna á milli fótanna."

Úr ræðu virðulegs góðborgara í gullbrúðkaupi æskuvinar hans.

                                 *****
,, Gættu þín svo, hróið mitt, að hann Þorsteinn barni þig ekki."
       ,, Já hann er manna vísastur til þess--og þau hjónin bæði."

          Foreldrar að kveðja dóttur sína sem var að fara í vist
          til hreppstjórans.

Góða nótt kæru vinir