Fyrir svefninn.

Bara fullt að gera í dag, fór í morgun til næringarsérfræðings.
Þó ég viti næstum allt sem hún talaði um þá er ætíð gott að
fá bæklinga og láta minna sig á sitthvað, maður gleymir ætíð
einhverju. Okkur talaðist svo til að ég sæi hana aftur eftir mánuð.
Læknirinn minn sé ég eftir 3. vikur svo segið að það sé ekki
stuðningur í gangi.

En minn besti stuðningur er bróðir minn sem er að ganga í gegnum
það sama og ég, nema hann byrjaði 1. maí.
Og síðast en ekki síst þið, kæru bloggvinir þið eruð frábærar og kann
ég vel að meta það.

Fór síðdegis með 2 kassa af bókum í kynlega kvisti, vorum aðeins að
taka til hjá okkur, þær selja þetta til styrktar góðum málefnum.
Er ég kom heim kom litla ljósið í heimsókn, horfði á eina mynd.
Hún ætlaði svo heim, kom aftur sagði að mamma sín væri ekki heima
við hringdum hún var komin heim hafði bara farið að kaupa bensín.
svo ég sagði litla ljósinu mínu að drífa sig hún fór í dyrnar kom og sagði
amma, það er svolítið hvasst viltu keyra mig heim? ég sagði er hvasst?
já amma það er alveg satt, nú ég ók auðvitað ljósinu heim.
Hún er alveg yndisleg. 

                  *********************************
 

Þeir skáldabræður Elías Mar og Gunnar Dal voru og eru ugglaust
enn góðir kunningjar.
Ávelmektardögum kaffihússins að Laugaveg 11 sóttu þeir báðir þann
veitingastað nokkuð reglulega og léku sér þá gjarnan að því að setja
saman vísur af hinum ýmsu bragarháttum.
Einhverju sinni er Elías sat á ellefu og Gunnar kom inn,
Kastaði sá fyrrnefndi fram þessari vísu:

                Gengur í salinn Gunnar Dal
                gáfnahjali meður.
                Hann er gal og helt total.
                Hans er kalinn reður.

                Gunnar svaraði fyrir sig á eftirfarandi hátt:

                Þótt ýmsir hjari eins og skar
                uns þeir snarast héðan.
                Elías mar af öllum var
                aumast farinn neðan.

                                 Góða nótt.
 

Frábært! Til hamingju Vestfirðingar.

Og reyndar við öll sem notum þessa leið, aldeilis munur að geta
ekið á bundnu slitlagi alla leið frá Hólmavík til Bolungarvíkur.
Ekkert var nú leyðinlegra en að þurfa að fara Vatnsfjarðarnesið,
ég kallaði það nú ætíð að fara út í Reykjanes, því það gerði maður
næstum.

Nú er bara eftir að taka veginn frá Hólmavík að Brú í Hrútafirði,
með smá undantekningum þó.

Maður upplifir það kannski að fara vestur alla leið á bundnu
slitlagi, en vegamál á vestfjörðum eru og hefur ætíð verið til
háborinnar skammar.

Brúin í Mjóafirði tengd saman

Vanþroska afsökun.

Já ég tel þetta vera vanþroska afsökun hjá fólki sem á eigi
að vanmeta greind okkar skattgreiðenda.
Við vitum nefnilega alveg hvernig þetta fer fram og af hverju
það fer eigi fram fyrr.

Voru mönnunarvandamálin nokkurn tímann leyst að fullu
síðastliðin vetur, að mig minnir þá voru frístundaheimilin
aldrei fullmönnuð, þess vegna hefðu íþrótta og tómstundaráð
átt að byrja miklu fyrr að athuga með þessi mál.
Nota beni! þeim er alveg sama.

Fyrir utan að það er til skammar að elsku börnin sem eru með
skerðingu á einhvern hátt, þurfa reglusemi og stöðuleika í
sínu daglega lífi skuli þurfa að verða fyrir röskun í byrjun skólaárs.
Jafnvel þurfa foreldrar að fá frí í vinnu, svona til skiptis eða koma
barninu fyrir þar sem barnið er jafnvel ekki vant að vera og það
getur haft slæmar afleyðingar fyrir litla skinnið sem á í hlut.
Nú foreldrar missa jafnvel laun, komast í klemmu með greiðslur.

Og hvern fjandann halda þessir ráðamenn að þá sparist?
Akkúrat ekki neitt, það vita þeir, en er alveg sama.
                               
Eyðið minni peningum í fjandans bruðlið, hækkið launin, og komið
svo niður á sama plan og við erum á, sem borga ykkur launin.

                                                                         Góðar stundir.
Ps.
           merkilegt maður er endalaust að endurtaka sig,
           en maður verður, því það er aldrei hlustað á mann.

Einhverft barn kemst ekki að á frístundaheimili

Fyrir svefninn.

Uss þessi dagur, fór í þjálfun í morgun, var enn þá stíf eftir
mánudaginn, gerði mínar æfingar í 9 mínútur, síðan á bekkinn.
þetta var bara fjandi erfitt, en ég gafst ekki upp, hugsið þið ykkur,
maður er eins og aumingi, eða þannig.

Fór aðeins heim síðan á Pósthúsið og aftur heim, var búin að hafa
til í speltbrauð kláruðum það og bökuðum.
Þetta brauð er bara gott, fyrir utan hvað það er holt.

Smá grín fyrir svefninn.

Miðaldra hjón lágu í rúminu er konan sagði við mann sinn.
"Hér í eina tíð varstu vanur að kyssa mig."
Hann teygði sig yfir til hennar og kyssti hana blíðlega.
"Þú varst líka vanur að halda í hönd mína."
Hann rétti henni hönd sína blíðlega.
" Stundum beistu í eyrnasneplana mína."
Maðurinn steig fram úr rúminu.
" Hvert ertu að fara?" spurði konan.
" Sækja tennurnar mínar," svaraði maðurinn.
                 *****************

                Von er þó að gremjist geð
                og gráti tíðum svanni.
                Hún hefur ekki sextug séð
                sívalning á manni.

                                Höf. ókunnur.

Góða nótt.

Er bara ráðamönnum alveg sama?

Það hlýtur að vera, er það eigi skilið að þetta eru ungviði
okkar, litlar viðkvæmar sálir.
Eiga þau bara sí svona að hugsa un sig sjálf.
Vita ráðamenn borgarinnar ekki hvað getur gerst,
og hversu alvarlegar afleyðingar, allskonar gjörningar
geta haft.

Það þarf að borga fólki góð laun sem eru að hugsa um börnin
okkar, svo við getum unnið fyrir viðurværi okkar.

Það þarf einnig að velja það fólk vel, það þarf að geta talað við
börnin af visku og hafa fullt af þolinmæði.

Ég segi ekki annað en það við hina nýju borgarstjórn.
Leysið málið og það strax, þetta er eigi hægt að setja í nefnd.                
                                        Góðar stundir.

Lyklabörn vegna manneklunnar

Fyrir svefninn.

Byrja auðvitað á bestu frétt dagsins, og ég bara grét er ég augum
þau bar í fréttum kvöldsins, Paul, barn og konu, yndislega fólk,
verði ykkur allt til góðs á Íslandi. velkominn heim Paul Ramses.
              **********************************
Nú englarnir mínir fóru heim í dag, en áður en við ókum þeim heim
fórum við upp á sýsló að fá umsóknareyðublöð fyrir passa, sko mamma
þarf að rita upp á að þær megi fá passa, þó þær séu að endurnýja,
en þetta er skiljanlegt þær eru bara 17 ára.
Þær ætluðu svo í myndatöku svo þær fái nýjar myndir í vísakortin
sem þær eru að fá, en þá var ljósmyndarinn í fríi, en það er nægur tími
þær fara ekki út fyrr en í október.
Tókum litla ljósið með okkur í bíltúr, og það gerðist svolítið skondið,
hún þurfti að pissa, svo afi ók inn á einhvern afleggjara við út að
hjálpa henni að pissa, fór ekki betur en svo að hún pissaði á skóna
mína og á gallabuxurnar sínar, það var talsvert rok.
við hlógum svo mikið að hún var nærri dottin, ég greip hana og upp
með buxurnar og inn í bíl.
             ************************************
En áður en þetta gerðist allt saman fór ég til læknisins míns, hann
var bara afar ánægður með millu litlu hann sagði að ég væri búin
að standa mig vel, og matarlistinn minn væri snilld, enda bíð ég honum
góðan daginn á hverjum morgni og lýsi svo deginum á kvöldin.
Og að léttast um 1.8 kg án þess að vera í þjálfun væri bara flott.
Ég á að fara til næringarfræðings á fimmtudag,
ekki að hann teldi mig þurfa þess, heldur bara að því að ég vildi það.
hann er á móti kaloríutalningu og sagði mig kunna þetta allt,
en stuðninginn fæ ég áfram hjá honum.
hann gerði nú ekki mikið úr laugardagsátinu finnst ég hélt mínu
striki á sunnudeginum.
             ************************************
Smá grín.

Kristín og Guðrún bjuggu á sömu stofu á elliheimilinu og tókust
með þeim kynni.
Kristín sér að Guðrún er með mynd af tveim börnum á náttborðinu sínu.
" þetta er auðvitað frændfólk þitt," segir Kristín.
" Ó. nei ég á nú þessi börn sjálf," segir Guðrún.
" Nú jæja,"  segir Kristín, "varstu þá gift?"
" Nei, ég var ekki gift," ansaði gamla konan.
" Ég átti þau í gegnum kunningsskap."

Um séra Vigfús Friðriksson, prófast á Svalbarði í þistilfirði
snemma á 19. öld. var þetta ort:

                 Séra Fúsi á Svalbarði
                 syndabrúsi og lygari
                 eldmórauður andskoti
                 útsmoginn úr helvíti.

                        *******

                           Hljótast má af munúð enn
                           mæðustjá og hneisa.
                           Ástin þjáir ýmsa menn
                           eins og þrálát kveisa.

                                     Sveinbjörg Pétursdóttir.

          Góða nótt.

Heimamaður kemur heim.

Paul Ramses kemur heim til sín, það hafði áhrif allt það
sem gert var til að ýta á stjórnvöld til að vakna og gera
eitthvað í þessu máli.
Velkominn heim til fjölskyldu þinnar Paul, og vonandi mun
allt ganga upp hjá ykkur núna.

Enn ég var eiginlega að bíða eftir frétt þar að lútandi, að
hann væri kominn til Íslands, en engin frétt um það er komin í
blöðin, kannski hefur vélinni seinkað, eigi er það nú óalgengt
hér á landi.
Bíð eftir bestu frétt dagsins.

Ramses kemur í nótt

Fyrir svefninn. Einelti!

 

  Ekkert barn á að þurfa að  lifa í ótta vegna eineltis,
Ritar Ingibjörg Helga Baldursdóttir, grunnskólakennari,
í Umræðunni í Fréttablaðinu 22/08 2008.

Hún ritar að gefnu tilefni sem foreldri barns sem sætti
miskunnarlausu einelti í grunnskóla, þar sem níðst var
kerfisbundið á tilfinningum þess, sál og líkama þá er mér
mjög mikilvægt að deila með ykkur hugleiðingum um einelti.

Kunnum við henni miklar þakkir fyrir það. 

Við foreldrar berum ábyrgð á börnum okkar og kennum þeim
muninn á réttu og röngu. Við kennum þeim hvernig eigi að koma
fram við náungann, sýna hvert öðru virðingu, ást og skilning.
Við kennum þeim kurteisi, borðsiði og að fara eftir reglum samfélagsins.

Að mínu mati, og hef ég oft tjáð mig um  það, að þar vantar mikið upp á.

Börnum þarf að líða vel í skólanum til þess hreinlega að geta lært,
til þess að ná árangri í því sem þau eru að ástunda.
Börnin þurfa að hafa trú á því  að þau geti náð árangri og hafa sjálfstraustið
í lagi. það er samt því miður, ekki sjálfgefið að barninu líði vel í skólanum.
Barnið getur lent í því að vera hunsað. Skólinn getur orðið líkastur  martröð
fyrir það. Barnið getur kviðið fyrir því að fara í skólann,eða einhverja ákveðna tíma,
eignast ekki vini í skólanum, finnst það ekki geta gert neitt rétt eða almennilega.

þetta er svo mikið rétt, barnið þorir eigi að segja frá,
foreldrið vaknar kannski of seint, skaðinn er skeður, og hvað þá???

Stiklað á stóru, teknar glefsur úr greininni, og ég blanda inn mínum.

Ef þú hefur minnsta grun um að barnið þitt sé lagt í einelti,
gerðu þá allt til að vinna gegn því.
Mikilvægt er að ná til geranda og afar brýnt að ná til foreldra þeirra.
Ekki má segja: ,, Mitt barn gerir ekki svona."
það er algengara en talið er.

Við foreldrar viljum börnunum okkar allt það besta, og leiðbeinum þeim eftir
bestu vitund. Geta okkar er misjöfn, gerendur eru oft frá heimilum þar sem
þeir eru sjálfir beittir andlegu og líkamlegu ofbeldi, og fær útrás fyrir skömm sína
og reiði með því að niðurlægja og meiða aðra. Í öðrum löndum sé
barnaverndarnefnd sett í málið og þá er öll fjölskyldan tekin fyrir.
Það bara hjálpar til að foreldrar geti ráðið við málið.

Rétt er það að það þarf að koma því þannig fyrir að gerandinn skilji atferli sitt
og hætti vegna þess að þetta er ekki inn lengur.

Það er engin skömm að eiga barn sem lagt er í einelti. Hins vegar er það
sárara en orð fá lýst. Börn sem lögð eru í einelti hafa ekkert til þess unnið
og allir geta orðið fórnarlömb þess.

Ráðleggingar.

1. Skrifaðu dagbók og færðu inn allt sem kemur upp á 
    jafnt inn í skólanum sem utan.
    skrifaðu fullt nafn viðmælanda þíns.

2. Skráðu hjá þér allar þínar símhringingar í skólann, viðtöl þín við
    umsjónarkennarann eða skólastjórnendur.

3. Skráðu hjá þér allar ferðir til sérfræðinga. fáðu uppáskrifað mat þeirra eða álit.

4. Ef þér er boðið í viðtal við sérfræðings á vegum skólans eða skólaskrifstofu
    fáðu þá undirritað af viðkomandi sérfræðingi hvað hann ráðlagði.

5. fylltu alltaf alla pappíra þar sem þú ert að sækja um þjónustu eða hjálp
    samviskusamlega og nákvæmlega út lið fyrir lið.

6. taktu engu sem sjálfgefnu eða sjálfsögðu þegar þú þarft á hjálp eða stuðningi
   að halda, þá verður þú ekki fyrir eins miklum vonbrigðum og sársauka.

Þetta bréf er skrifað í þeirri von að bæði foreldrar og skólayfirvöld opni augu sín
og takist á við þá miklu vá sem eineltið er.
Það er í okkar valdi að stöðva eineltið.
Því mundu... að næsta fórnarlamb gæti orðið þitt barn.

Tek svo innilega undir þessi orð Ingibjargar,
Mig langaði vegna áhuga míns á þessum málum að koma með þessa grein hennar
hér á blogginu. góð vísa er aldrei of oft kveðin.
Takk fyrir þetta Ingibjörg Helga.

               Bæn.

               Skrifuð á blað
               verður hún væmin
                   bænin
               sem ég bið þér

               en geymd
               í hugskoti
               slípast hún
               eins og perla í skel
               --við hverja hugsun,
               sem hvarflar til þín.
                                     
                                      Hrafn Andrés Harðarson.

   Góða nótt.                             

 

 

 

 

 

 

 

 

 

 

 

 

 

Góðan daginn snúðar og snældur.

Það er svolítið mikið að gera hjá mér þessa daganna, svo
ég verð að biðla til ykkar um að vera umburðalind við mig
vegna kommentaleysis, en það fer brátt að losna um tíma
hjá mér, en á meðan englarnir mínir eru hér, þá eru þær
mér allt, og fá allan þann tíma sem þær vilja.
Við þurfum afar að spjalla, skoða síður með fötum, að
sjálfsögðu á Pullip dúkkurnar, þvílíkur heimur af dýrð, mig
dauðlangar að kaupa mér svona dúkku, en ætli ég láti ekki duga
að njóta þess með þeim, að tala um hönnun, arkitektur og fl.

En eins og ég sagði í gær, þá byrjaði ég í æfingum í morgun,
og ég get svarið það stelpur ég er að byrja eins og um ungabarn
væri að ræða. 3 mín í einu í þrem æfingum var alveg nóg til að byrja
með sagði þjálfarinn minn.
Þetta kemur svo smá saman.


Hér kemur mynd af dúkkunum sem ég er að tala um, þær hafa hannað flest fötin sjálfar á þær.

Þær eru svo með síðu sem þær setja inn myndir af þeim og pullip eigendur um allan heim kommenta og skipts er á upplýsingum um hin ýmsu málefni.
Aldurinn á söfnurum er alveg frá 15 ára og upp úr,
eftir hví sem dúkkan er eldri er hún verðmætari,
því bara viss fjöldi er framleiddur af hverri dúkku.

Þannig að þetta er fjárfesting ef þær mundu vilja selja þær, sem ég veit að verður aldrei.

Knús í daginn ykkar.
Milla.

Fyrir svefninn.

Jæja allt hefur gengið vel í dag, sko ég meina í lífstílsbreytingunni,
Við byrjuðum að undirbúa kvöldmatinn um þrjú leitið,
englarnir mínir afhýddu kartöflurnar og sneiddu, síðan vöru þær
settar í kalt vatn, ég undirbjó svínalundirnar, steikti og setti í bið.
undirbjó svo salatið, sem saman stóð af steiktum sveppum og hvítlauk,
vínber og melóna sett í sigti, allskonar salat set á stórt fat, niðursneidd
paprika, rauðlaukur, krydd, rétt áður en borðað var allt sett á fatið og
blandað saman mexicanskur ostur settur í bitum yfir og dassað með lífrænt
ræktaðri og kaldpressaðri olíu. þetta salat er æðislegt.
En maturinn var sem sagt svínalundir/Paprikusósa/gratíneraðar kartöflur
og salatið.
Þau voru hjá okkur í mat Milla mín og Ingimar með snúllurnar sínar.

Ámorgun byrja ég í nýu prógrammi til viðbótar nuddinu, það verður afar gaman
að komast að því hvað ég þoli af tækjaæfingum.
Síðan á þriðjudaginn fer ég aftur til læknisins míns.

Mig langar að minnast aðeins á börnin okkar, þau eru að byrja í skólanum.
Las afar góða grein, að ég held í fyrradag um einelti og mun tala um hana
á morgun, en langar til að rita ljóðið sem fylgir henni.
þessi grein er eftir Ingibjörgu Helgu Baldursdóttur.

                     Er nokkuð fallegra
                     en litla barnið þitt
                     á leið í skólann
                     í fyrsta sinn
                     með allt of stóra skólatösku
                     og pínu kvíða í augnaráðinu

                     Og svo leit barnið upp
                     og brosti
                     úr augum þess
                     mátti greina virðingu
                     og stolt.
   
                     Er eitthvað sem fyllir
                     hjarta manns
                     meiri gleði,
                     en hamingja
                     þess sem við elskum
                     mest af öllu í lífinu
                     barnanna okkar.
                              
                                   Inga Bald.

Fyrirgefðu Inga Bald, en mig langaði svo til að birta þennan
kærleik sem í þessum orðum felst.

                                         Góða nótt kæru vinir.
 

ÆÐISLEGT! Við fengum silfrið

Eins og ég hef sagt undanfarna daga þá er silfrið bara gott,
getum við ekki verið þakklát fyrir það?
Ekki hægt annað, þeir eru búnir að standa sig eins og sannar
hetjur, strákarnir okkar.
Fólk segir: ,, það hefði verið gaman ef við hefðum farið alla leið
og unnið gullið", en það verður bara næst, að mínu mati gætir
smá vanþaklætis í þessu.
Við eigum að fagna silfrinu og strákunum okkar sem færðu okkur
alla þá gleði sem við erum búin að þiggja af þeim.

Takk fyrir mig strákar og hjartanlega til hamingju.

            *********************************

Dagurinn í dag byrjaði sko á því að engillinn fór á fætur kl 6.30
ég gat sem betur fer sofið til kl 7 borðaði þá skynsaman morgunmat
litla ljósið svaf eins og engill.
Ég fór aðeins í tölvuna og svaraði kommentum og eins á öðrum síðum.

Fór í morgunn sjæninguna og þá var leikurinn að verða búin ég horfði
ekki á þennan leik vissi að þeir mundu tapa, svo ég hlustaði bara,
enda ekki hægt að komast hjá því í hávaðanum hér á bæ.

Svo vaknaði litla ljósið, vildi aðeins fara inn á latabæ, kom síðan að
borða morgunmat og valdi hún pastarétt afgang síðan í gær.

Núna er hún að reyna allt til að vekja frænkur sínar, en amma segir
nei ekki strax.
Ætla að fara að lesa fyrir hana.

Kærleik og gleði inn í daginn ykkar.
Milla.

Fyrir svefninn.

Æ,Æ, mín synduga sál, þarf að viðurkenna brot sitt, það sem
sálartetrið braut af sér var að hlusta á afar lúmska rödd,
röddin spurði engilinn sinn hvort þau ættu ekki að veita sér
Laugardagsnammi í formi veronabrauðs bara með smurosti,
Jú, jú sagði hann, við fórum að versla í samkaup ég og
tvíburarnir mínir, ekki vantaði grænmetis og ávaxtakaupin,
en síðan var keypt Veronabrauð.
Farið heim og borðað., í miðjum kaffitíma hringir síminn, það
er Milla mín að bjóða okkur í kaffi og vöfflur, en segist jafnframt
hafa bakað heilsu-kryddbrauð.
Takk fyrir elskan við komum.
Nú það voru vöfflur, bláberjasulta og rjómi, einnig þetta fína
kryddbrauð, það þarf ekki að spyrja að því að ég datt enn þá
fastar niður í pyttinn.
Er við komum heim var eldað pasta, litla ljósið verður hjá okkur
í nótt, og eitthvað varð að búa til ofan í snúllurnar okkar.
Ég borðaði að sjálfsögðu smá pasta, hafði í raun enga list á mat,
var komin með hausverk og illt í maganum.

Þar sem ég er að leifa mér, að notast við ykkur sem stuðning við mig
þá verð ég einnig að segja ykkur frá brotunum sem ég frem.
Allt verður að vera upp á borðinu, og það hjálpar mér líka að segja
ykkur frá, þá er ég að opinbera fyrir sjálfri mér, og gera mér grein
fyrir að ég má aldrei gleyma mér, aldrei kaupa eitthvað sem ég
má ekki borða, stilla mig þó mér sé boðið í kaffi.
Það er ekki í boði að fá sér eitthvað sem er óholt fyrir mig.

En það var vigtunar-dagur í dag og hef ég lést um 1,5 kg á þessum
hálfa mánuði, ég tel ekki með þessi 6 sem ég léttist um í
veikindunum mínum.

Hér koma tvær góðar eftir hana Ósk.

              Á leið yfir Fljótsheiði.

              Svona mýrarfen og flóa
              er furðulegt að kalla "heiði".
              Eins og að ganga út í móa
              og ætla að stunda silungsveiði.

              Vandræði.

              Nú er ég enn þá komin í "krísu"
              kvöldið er liðið og búið gaman.
              Ég ætlaði að gera góða vísu
              en gat bara engu troðið saman.

                                    Góða nótt kæru vinir.

Að sína öðrum gleði sína.

Það að koma svona fram og sína í verki gleði sína yfir
einhverju er alveg stórkostlegt, en þetta sem Dorrit
gerði var að sjálfsögðu ekki bara eitthvað, hún var að
fagna sigri Íslendinga á Pólverjum.

Ekki var gleðin minni er þeir sigruðu Spán í gær, og þær
myndir sem birtust á skjánum hjá okkur landsmönnum
urðu til þess að maður bara hágrét með strákunum okkar.
Þeir eru að uppskera eftir mikla vinnu og áralanga
þjálfun. Ég hef ætíð verið stolt af þeim, en núna á ég engin
orð til að lýsa tilfinningum mínum, ég er bæði stolt, og svo
skil ég svo vel gleði þeirra og þakklæti sem í þeim býr fyrir
að ná fram öllu því besta sem í þeim býr.
Til hamingju strákarnir okkar.

             ********************************

það var svo gaman hjá mér í gær, til mín komu tvær konur
önnur var Sigga bloggvina mín frá Akureyri og hin var
frænka hennar Þórsís sem býr hér á Húsavík.
Siggu hef ég hitt áður og Þórdísi er ég búin að þekkja síðan
ég flutti hingað, hún vann hér í Apótekinu.
Nú helt var á kaffi og sátum við og spjölluðum um okkar hugarmál.
Er þær ætluðu að fara að fara, var leikurinn að klárast og ekki var
hægt að sleppa síðustu mínútunum, svo við nutum þess að horfa á
sigurinn saman, höfðum horft á leikinn með öðru auganu meðan við
vorum að spjalla.
Takk fyrir yndislega heimsókn kæru vinur.

             *********************************

Síðan fórum við í búðina að versla ég og snúllurnar, það vantaði svona
hitt og þetta, en aðallega ekki neitt.
þær fengu sér svo pítu í kvöldmat á meðan við gamla settið, borðuðum
kjúklinga-afganginn síðan kvöldinu áður, elska svona kaldann kjúkling.
Við fórum frekar snemma að sofa, eða um 10 leitið.

Knús inn í daginn ykkar kæru vinir.
Milla.

Þegar Dorrit veifaði

Fyrir svefninn.

Já það er nú það, sko vegna færslu hér á undan sem varð
lengri en ég hélt, en mundi hafa gaman af, að þeir sem
áhuga hafa mundu lesa téða færslu.
Mér finnst hún alveg frábær.
Þá kemur hérna smá frá henni Ósk.

     Jafnrétti er það að hæfileikar gildi
     en ekki kynferði.

     Ég trúi á okkar andlegu snilli
     þær afurðir legg ég í dóm.
     Hvort sem að leynist lappana á milli
     lægð eða hengiblóm.

     Ef flett væri upp á mér í gagnabanka
     Íslenskra erfðargreiningar myndi
     þetta standa þar.

      Ef vel þið viljið þjóð
      varist eftir mætti.
      þrjóskt og montið þráablóð
      er þrífst á níðingshætti.

                    Góða nótt.

Á fjörur mínar rak gullmoli.

Látið yður eigi fyrir þykja að eg spyrji hvað
þér mæltuð til mín, því að eg man eigi gerla.

Hér eru hittir hinir þykkheyrðu og þeir sem trúa ekki tíðindum
ennfremur þeir sem vilja samsinni og síðan þeir sem heyra þótt
þeir látist daufir. hugað er að óbreytanlegu smáorði og kynnst
tilhlýðilegu athæfi og réttu orðfæri við konungshirð.

Ha segjum við stundum þegar við heyrum ekki hvað sagt er við
okkur, og ætlumst þá til að viðmælandinn endurtaki orð sín.
Það gegnir eiginlega svipuðu hlutverki og bakk-takkinn á
segulbandi eða myndbandstæki.
það er líka til að við segjum ha til að láta í ljós undrun, þótt
við höfum heyrt ágætlega hvað við okkur var sagt, og gefum
þá til kynna að okkur sé það sem sagt svo framandi  að nú
þurfi að endurtaka til að við skiljum almennilega,--líkt og þegar
Njáll var á þingi og fékk frétti af vígmennsku Þórðar sonafóstra síns,
og ,, lét segja sér þrim sinnum". hlýtur þá Njáll ekki að hafa sagt ha?

Ha er líka notað þegar menn vilja fá svar við einskonar spurningu,
þó einkum jákvætt svar, sem getur þess vegna falist í því að svara alls ekki.
Spurningin er þá eiginlega bara í plati, kennd við ,,retorík" í latínu, og mætti kalla málskrúðsspurningu hjá okkur: ,,ætli henni líkist ekki líka á mig, ha? spyr Egill
vonbiðill föður sinn í Manni og konu, og ætlast til að sér sé samsinnt.
Stundum getur ha-ið líka falið í sér að sá sem notar það hafnar eða neitar
staðreynd eða bón, til dæmis langdregna ha-ið, haaaaa..., oft með litlu
e-hljóði í endann. Þetta dregur eiginlega í efa að það sem sagt hefur verið
hafi í raun og veru verið sagt og losar þar með þann sem hlustar undan allri
skyldu og tilætlan: reyndu aftur! einsog tölvan segir stundum við mann.
Ha? er afar daglegt mál, en líka furðulegt orð að mörgu leiti og fyrirbrygði
í náttúrunni eða umhverfi.
Það er hægt að segja hestur og benda á hest úti í haga og segja: ,,Hér er hestur"
en það er ekki hægt að benda neins staðar á ha og segja: ,,hér er ha"
Orðið er alltaf eitt sér og hefur merkingu, og er þannig öðruvísi en önnur
smáorð, í-á-eða-og, sem næstum aldrei geta staðið út af fyrir sig.
Orðið er er notað eingöngu í þágutungumálsins sjálfs, sem hjálpartæki í samræðunni,
og er eiginlega á mörkunum þess að teljast vera orð.
Málfræðingar flokka það sem upphrópun, en það er samheiti á ýmsum fyrirbrygðum sem málfræðingar vita ekki alveg hvernig á að flokka.
Ein kenningin um uppruna er- auðvitað- sú að ha sé orðið til úr hvað einhvern tíman í fyrndinni,
sé einhverskonar stytting. Reyndar merkja setningarnar hvað? og ha? ekki endilega
það sama. Að minnsta kosti getur hvað? varla komið í stað ha? í spurningunni hans Egils úr Manni og konu, og hvað? hefur það umfram ha? að með því er hægt að spyrja
um einstakt atriði úr tali annars á sama hátt og hver?-hvaða?- hvenær?
Nú eru orðin mjög lík aftur í fornnorrænu, vegna þess að hvað var þá borið fram með
sunnlenskum framburði, w-i eins og í ensku.
Þessi hljóðbreyting hlyti hinsvegar að hafa verið einstæð, sem hljóðbreytingar eru allajafna ekki, og að auki furðulega lífsseig.
Þetta orð ha er hinsvegar til alveg eins og í svipaðri merkingu í færeyskri
og nýnorsku og sænsku og dönsku, og það vekur líka efasemdir
um skyldleika við hvað, að svipað orð ha-inu er líka til í ýmsum tungumálum utan Norðurlanda, að vísu annarra merkingar en hjá okkur.
Íslenska ha-ið virðist annars ekki láta hljóðbreytingar annarsstaðar í tungumálinu
á sig fá yfirleitt. Það gerðist á fyrri öldum í málsögunni að gamalt langt a varð að tvíhljóða:á.
Íslendingur sem fyrir breytingu hét ,,A-a-arni Jo-o-onsson" hét eftir breytingu ,,Áúrni Joúnsson". Og samkvæmt því hefði gamalt ha? með löngu a-i, átt að verða að há í nýíslensku,
alveg eins og önnur svokölluð upphrópun, ,,j-a-a," varð a' ,,j-aú", já.
Það er ekki raunin, þótt það formhafi sýnilega orðið til fyrr á öldum-- í orðabók Cleasbys og Konráðs segir að fyrir austanhafi verið til tvíhljóð í orðinu ha frámá næstsíðustu öld.
En það týndist aftur, og ha? varð áfram ha?
Það er líka sérkennilegt að hljóðin í þessu orði, sem hlytir ekki forsjá almennra hljóðbreytinga,
eru eins einföld og hægt er í nokkru tungumáli.
Í rauninni er hjér bara eitt hljóð, a sem fyrst er borið fram á röddunnar, næstum hvíslað,
og síðan raddað einsog sérhljóð á að vera. Og þetta sérhljóð er að auki sérkennalausast sérhljóðanna-- öll hin eru kringdari eða lokaðri eða frammæltari en a-ið, sem eiginlega er einhverskonar frum-sérhljóð. Fræðimenn um barnamál segja að á fyrsta stigi
málþróunar skynji börn aðeins mun tveggja hljóða, Sérhljóðsins og Samhljóðsins,
og það er enginn tilviljun að þetta eina Sérhljóð barna er túlkað sem a í tungumáli fullorðinna:
Í fyrstu orðunum sem börn mynda greinist Samhljóðið frá Sérhljóðinu með því að hljóðstraumur
úr opnum munni er rofinn með því að loka munninum: ma-ma, ba-ba eru á þann hátt
fyrstu orðin sem börn gefa merkingu úr hjali sínu.
Þetta gefur í skyn að ha-ið sé af annarri gerð en venjuleg orð, og að það kunni að vera tilviljun
að orðið hvað? líkist ha? í okkar máli.
Getur verið að undirstaðan sé hermiorð, þar sem líkt er eftir tali manna?- á svipaðan hátt og menn babbla með bla-bla? Með því að herma eftir tali annars væri þá í rauninni
verið að byðja viðmælanda um endurtekið tal, annað hvort það sama og hann sagði áður eða
 það sama og mælandinn var sjálfur að láta út úr sér.
Þegar Egill segir ha? við föður sinn úr Manni og konu er hann með nokkrum hætti að biðja föður sinn að endurtaka það sem Egill var nýbúinn að segja, að Sigrúnu hlyti að lítast á sig.
Ágiskanir af þessu tagi hafa þann galla að erfitt er að smíða úr þeim haldbæra kenningu, en að vísu þann kost að verða seint afsannaðar.
Þessi ,,bakktakki" ha-ið, lýsir tilætlunarsemi og er ekki sérlega kurteisislegur, enda oft-oftast?-
aðrar ástæður að baki ha-inu en sljóvgan heyrnar. Þetta má sannreyna með konungsskuggasjá, kennslubók í mannasiðum og stjórnfari sem sett var saman í Noregi á
því méli að heldrimenn voru að temja suðræna hattprýði. Það eru meðal kennslugreina
leiðbeiningar um það hvernig ráðlegast er að haga sér við hirðina, og þar er lesandi
áminntur um að læra tryggilega hversu gengið skal fyrir konung.
Skaltu þá:

     Hendur (...) þínar svo láta liggja er þú stendur nærri konungi að
     hin hægri greip spenni um hinn vinstra úlflið, og lát síðan hendur
     þínar í tómi rekjast niður fyrir þig, sem þeim er hægast.

alveg eins og fyrirmenn gera ennþá á myndum af sér í blöðunum.
Síðan á maður að hneigja sig ,,lítillátlega" og heilsa með þessum orðum: ,,Guð gefi góðan dag herra konungur." Þá er á það hlýtt sem jöfur hefur að segja, og svo kemur þessi ráðlegging:

    En ef svo kann til að verða að konungur mælir til þín nokkur orð
    þau er þú nemir eigi, og þarftu annað sinni eftir að frétta, þá skalt
    þú hvorki segja ha né hvað heldur skalt þú ekki meira um hafa en
    kveða svo að orði: ,,Herra!" En ef þú vilt heldur spyrja með
    fleiri orðum: ,,Herra minn! látið yður eigi fyrir þykja að eg
    spyrji hvað þér mæltuð til mín, því ég nam eigi gerla." Og lát
    þig þó sem fæstum sinnum það henda að konungur þurfi oftar en
    um sinn orð herma fyrir þér áður en þú nemir.

Semsagt: Ekki ha? við kóngafólk.

Þetta er einn kafli úr bókinni Málkróka, sem rak á fjörur mínar í gær.
Bókin er eftir Mörð Árnason og telur þætti, um Íslensku --ambögur,
orðfimi og daglegt álitamál.
                                          Góðar stundir.

 

Gullach súpan mín.

Þetta er nú meira ruglið, af hverju get ég ekki farið að sofa lengur
svona í ellinni? Bara skil það ekki, jæja þýðir ekkert að fást um það.

Brynja var að falast eftir gullach súpu uppskrift og hér kemur hún.
Sko þetta er bara gamla uppskriftin mín og hefur hún ætíð vakið lukku,
en sjálfsagt eru til einhverjar betri.

1 kg nautakjöt í litlum bitum, steikið vel á pönnu og allt kriddið með
síðan er það sett í pott.

1/2 st kúrbít
2    st sellerý-stöngla
1    pk gulrætur
1    pk perlulaukur( líka til frosinn en ekki eins góður.)
3 st Chilly
2 st paprikur

Grænmetið er allt skorið í bita og steikt smá á pönnunni
sett svo smá vatn út á til að ná öllu kriddinu, svo í pottinn.

Kriddið er, svartur og rauður pipar, kóríander, paprika, salt,
                 Og góður nautakjötskraftur.
Ég mundi setja 1/2 tesk af öllu á pönnuna síðan kryddið þið
eftir ykkar smekk og það má líka setja Chillý duft ef þið viljið,
en allt þetta þarf að smakkast til.

Síðan eru settir 2 l af vatni og ein dós af tómatpaste.

Má setja þeyttan rjóma út á hvern disk og svo er gott brauð
afar gott með, til dæmis olífu osta brauð, til í bakaríinu.

Ég geri er mikið liggur við, snittubrauð sem ég sker eftir endilöngu
fylli með smurosti, hvítlauk, svörtum olífum og sólþurkuðum tómötum.
gott er að saxa niður hráefnið og blanda því í smurostin og fylla
svo brauðið, hitað í ofni.
                                          Bon apetit.

Kveðjur
Milla.

Fyrir svefninn.

Englarnir mínir frá Laugum komu í dag og ætla að vera hjá
okkur í nokkra daga áður en skólinn byrjar.
Við fórum saman í búð, versluðum kjúkling í kvöldmatinn,
og svínalundir til að hafa á sunnudaginn, með því ætla ég
að hafa kartöflusalat sem aldrei bregst.
Í því eru kartöflur, sólþurrkaðir tómatar, laukur, paprika,
maísbaunir, og dass af olíu. Og svo hef ég gott salat.

Engillinn minn fór í berjamó til að tína krækiber settum í
frystir, það er afar gott að eiga þetta út í hafragrautinn,
salat, skyr og bara allt mögulegt.

Ég hef ekki verið mikið að kommenta í dag hef bara ekki
komist yfir það, reyni að láta heyra í mér á morgun áður en
þær vakna englarnir, en ætíð er þær eru þá eru hin ljósin mín
hér líka, þær eru svo miklar frænkur og vinkonur, það er nóg að
gera og mjög gaman hjá mér.

Ein góð eftir hana Ósk.

                  Ef til mín fengi svo tignan gest
                  tæki ég sparifötin mín,
                  leiddi svo til hans lipran hest
                  og landakút meðan sólin skín,
                  svo þegar húmar hugur berst
                  að heimasætu með brosin sín,
                  því höfðingja slíka heillar mest
                  hestar, konur og brennivín.

                                     Góða nótt.
                 

Súpur og smá tips.

Eins og margir vita eru pakkasúpur ekki hollar sökum
rotvarnaefna og salts sem sett er í þær.
Fyrir utan að mér persónulega finnst þær vondar nema að
maður bæti þær með kryddi smjöri og eða rjóma, þess vegna
laga ég al oftast mínar súpur sjálf.
bestar þykir mér þær þykkar að grænmeti og kjöti ef maður vill
nota það.
Hér er uppskrift að einni sem ég elda oft.

1 st. laukur
3 st. Sellerí stilkar
8 st. kartöflur.
1 st  sæt kartafla
4 st. gulætur
1 st. rófa.
1/2 h. hvítkál
1 st. blómkál
6 st hvítlauksrif.
1 ds. tómatar.
1 ds. tómatpurre
2 l. vatn
eftir smekk að grænmetiskrafti.
Allt skorið í smátt, sell í stóran pott, soðið í 25 mín.

Út í þessa súpu er hægt að setja að vild, lamba, nauta eða svínagúllas.
einnig er hægt að breyta grænmetinu að vild og setja pasta og steikta
kjúklinga bita, bringur.
Gott er að bera speltbrauð með, eða hvaða brauð sem hver og einn vill.

Hér kemur önnur, hún er aðeins hitaeiningameiri.
En það er allt í lagi svona spari.
Tælensk súpa.

500 gr. k. bringur.
250 gr hvítkál gróft skorið.
150 gr gulrætur í strimlum.
1 st Paprika þunnt sneidd.
smá olía til sleikingar.
2 tsk. rautt karry pasté.
2 mask. ostrusósa eða fiskisósa.
ca. 1 l.kókósmjólk.
1-2 mask. sweet hot chilly sósa

allt hráefni steikt í djúpum potti kryddið sett út í
síðan mjólkin, látið malla í 10 mín.
bragðbætið eftir smekk með sama kryddi.
líka borið fram með góðu brauði.

Á eftir þessum súpum þarf ekkert nema góðan kaffibolla
og eitt konfekt með.
                                         Verði ykkur að góðu.

Seinagangur á afgreiðslu mála eftir skjálftana

Það vantar ekki stóru orðin, fólk verður vongott, en ekkert gerist.
þessi hjón sem um ræðir í fréttinni gátu farið og keypt sér annað hús,
en það eru ekki allir sem geta það.

Á meðan fólk bíður skapast óöryggi sem veldur enn þá meiri streitu
í viðbót við það áfall sem það fékk í skjálftanum og þeim sem á eftir
komu því mikil óvissa var um hvort að kæmi einn stór í viðbót.

Á meðan fólk er að ná sér eftir áfallið, ef það er nú bara nokkurn tímann
hægt, þá ætti það eigi að þurfa að hafa áhyggjur af hvar það ætti að
búa í framtíðinni.

Árið 2008 er kerfið ennþá svo seint í vöfum að það er með ólíkindum,
geta þessir menn bara ekki leyst þetta strax, hafa þeir engan skilning,
nei þeir hafa hann ekki því þeir búa öruggir í sínum fínu húsum, með
sín fínu laun og láta vandamálin líða hjá eins og skýhnoðra á himni
sem snertir þá ekki. þannig er með allt á landi voru.

Geta þeir ráðherrar og þingmenn sem mest heyrðist frá í hörmungunum
haldið áfram að láta heyra í sér, eða kannski ætla þeir að herma eftir Buch
Hann lofar ætíð öllu fögru, en minna er um efndir, hann er ekki ennþá
búin að efna brot af því sem hann lofaði fólkinu í New Orleians
                                           Góðar stundir

Tjón: „Þetta er bara skrípaleikur“

Fyrir svefninn.

þegar ég kom úr sjúkraþjálfun í morgun var ég afar þreytt,
en það þurfti að fara í búðina, það kom nefnilega í ljós í morgun
að bláberjasultan var bara lap, þannig að það vantaði meiri sultuhleypir,
í leiðinni var keypt ýmislegt sem vantaði í grænmetissúpuna sem ég ætla
að elda á eftir, ég borða nefnilega ekki pakkasúpur.

En áður en við fórum í búðina skrapp ég niður á Pósthús og sendi pakka
til konu einnar hér í bæ, mamma mín gaf konunni sjal fyrir margt löngu,
en vildi svo fá sjalið lánað er við fórum suður í brúðkaupið, hún hélt
nefnilega þessi elska að hún kæmist í brúðkaupið, en hún kemst ekki orðið neitt.
Þessi pakki var búin að angra mig lengi, vissi ekki alveg hvernig ég ætti að koma
honum til konunnar, gat ekk hugsað mér að fara sjálf því ég er ekki velkomin á 
þetta heimili, " Ástæðan er, að ég er svo vond kona".
Við viljum eigi lifa með henni í kærleika, trú og gleði. 
Karmað í kringum mig og mína er illt og ég er svo vond við engilinn minn
að eigi er hægt að bjóða börnum eða fólki yfirleitt upp á það.
Ekki gat ég blandað öðru fólki inn í málið, enda er það allt í ónáð líka,
sko mitt fólk.

Nú er við vorum búin að fara í búðina fór ég upp í rúm og svaf í þrjá og hálfan tíma
vaknaði vel úthvíld og glöð.
Þegar ég kom fram var engillinn búin að setja hleypir í sultuna og setja hana aftur
í krukkurnar loka og upp í hillu í búrinu voru þær komnar.
Áðan komu svo litla ljósið og Milla mín, litla ljósið þvoði að vanda pallinn og húsgögnin
með borðtuskunni, fékk síðan úðakönnuna sína til að vökva blómin, en ég held
að hún hafi mest ausið á tásurnar sínar.
Núna er súpan búin að malla í 30 mín svo best að fara að borða.