Einum of að vakna kl 4 að nóttu.

Engillinn minn vaknaði kl 4 og það var rafmagnslaust,
fjandinn hafi það rafmagnið verður að vera komið á kl. 6.
svo gat hann eigi sofnað fyrir áhyggjum og spenningi, og
það hélt líka fyrir mér vöku, en ég dottaði annað slagið.
Nú situr hann fyrir framan imban, og er of spenntur til að
fá sér morgunmat.
Ég er að fara í þjálfun kl.8. er búin að borða morgunmat,
sem samanstóð af brenninetlute, tveimur spelt hrökkb.
m/smurosti og lot of paprika, + hálfan banana +sítrónuvatn.
Læt heyra í mér eftir þjálfun.

Fyrir svefninn.

Ass, búin að vera bara þreytt í dag, ofgerði mér í gær, en það
er allt í lagi það var svo gaman hjá okkur.
Þurrkaði nú samt af og moppaði yfir allt, það er svo fljótt að koma
ryk, hafið þið orðið vör við það, eða er þetta bara hjá mér?

Fórum í kaskó í morgunn til að kaupa sykur í bláberja-sultuna
og eitthvað meira, síðan sultaði engillinn minn,
sett allar krukkurnar í vélina áður en hann jós sultunni í krukkur
sem enduðu í að verða 24. Æðisleg búbót.

Fórum síðan til Ódu að ná í rabbararann sem eins og ég sagði
um daginn
                        Hún rabarbara fór og hirti
                        hún lét mig vita að,
                        hún sett hann, hefði í frysti
                        hún áður skar hann í spað.

Eins og ævilega er við hittumst höfum við um nóg að spjalla,
núna voru það jarðskjálftar, aftur í 1934, síðan var það gömul
og góð matargerð, af ýmsu er nú að taka í þeim málum.
          ************************************
Smá um mína matargerð, er ég er að tala við vini og vandamenn
þá er okkur tíðrætt um matargerð, það er nú okkar hjartans mál,
finnst ykkur það skondið?
Nei Nei sko núna er talað um heilsusamlega matargerð.
Ég til dæmis, steiki aldrei grænmeti upp úr olíu, heldur bara
eigin safa heldur aldrei hakk eða kjöt, aldrei fisk heldur,
og er ég segi frá þessu verða margir hissa.
Það er miklu betra að nota frekar dass af olíu út á matinn heldur
en að steikja upp úr henni.
Maður á heldur ekki að brasa neitt því það er bara vont, maður grillar,
sýður, gljáir, gufusíður og bakar í ofninum.
Þetta er afar auðvelt er maður byrjar og miklu betra.

Mér gengur afar vel, er alveg hissa hvað í raun þetta er auðvelt,
en tek það fram að engillinn minn styður mig og borðar líka það
sem ég borða, ég hef heldur engin börn að taka tillit til í matargerðinni
Við förum saman í búðina og það er ekkert keypt inn sem má ekki borða.
Stuðningurinn og viljinn er allt sem þarf.

                                        Góða nótt

Er nú pólitíkin loksins orðin sorgar-gaman leikur.

Hefði talið að Ólafur F. Magnússon mundi nú bara hætta í tíkinni,
en nei nú er það vilji hans að troða sér inn hjá frjálslyndum og
þeir taka lengi við og láta stjórnast af hinum ýmsu persónuleikum.
Ætla hreint að vona að hann komist eigi á þing því þá bætist enn
ein leiðindaröddin sem hljómar út frá þingsölum.

Það var sú tíð að ég var að huga að því að kjósa Frjálslynda, en nei
hugnaðist eigi gunguhátturinn í formanninum, að láta svona menn
eins og Magnús Þór, Jón Magnússon og Kristinn H. Gunnarsson
vaða uppi og breyta og bæta eftir sínu höfði, nú og svo ætla þeir
að innleiða Ólaf F. í flokkinn það er nú til að kóróna það allt saman.

Ég hef aldrei upplifað annað eins rugl koma frá neinum manni eins
og honum, þarf ég nú ekkert að hafa það eftir hér,
það vita þetta allir. Maðurinn er bara eitt í dag og annað á morgun.
Maður hugsar þetta er nú meiri sorgin, næstu mínútu er maður farin
að hlæja að leikritinu sem er í gangi hjá þessum manni.

Hverjum er treystandi, og hvern ætti maður að kjósa næst.

Ólafur F. til liðs við Frjálslynda flokkinn

Fyrir svefninn.

Ætla nú að segja frá deginum í dag, fórum á Eyrina eins og
ég sagði frá í gær.
Ég ljóskan sagði við Dóru, að við yrðum komin að sækja hana
fram í Lauga kl 7.45, svo snemma sagði hún, já ég vill bara
hafa rúman tíma, hún allt í lagi.
Kl. 6,45 sagði ég við Gísla: ,, Jæja þá er ég tilbúin," ha! strax,
var hálftíma of snemma í því, settist og las blaðið.
Lögðum síðan af stað 7.15 Dóra kom labbandi á móti okkur
síðan var ekið til Akureyrar er þangað komum var kl. 8.15 í
staðin fyrir að nóg var að vera komin 9.15,
ég hafði feilað mig um klukkutíma í upphafi og engin sagði neitt,
Það þorir kannski engin að segja neitt við ljóskuna,
þetta kostaði kaffi og brauð við brúnna, ég fékk mér reyndar bara
skinkuskikki og vatn.
fórum síðan upp á sjúkrahús Gísli í ómið, með Neró í snyrtingu upp
á Dýraspítala, skildum hann eftir og fórum að versla, bara í matinn
maður fékk náttúrlega æði að komast í svona snyrtilegt grænmeti
hingað senda birgjarnir bara lélegt grænmeti og ekkert úrval.

Fóru svo að sækja prinsinn, hann var ennþá svo  sofandi að hann
slagaði, litli ræfillinn hennar ömmu sinnar, en svo fínn.

Síðan í kaffi til Ernu bloggvinkonu okkar Dóru, þær eru búnar að vera
vinkonur í 28. ár. Æ,Æ. fjandi er ég orðin gömul er ég segi þetta.
Að koma til Ernu og Bjössa er bara gott í alla staði, þau eru bæði
hjartahlý og afburða skemmtileg, takk fyrir mig.

Ég hitti líka Grétu hún er búin að opna make up Gallerý á Glerártorgi,
yndislegt að hitta hana, og mun gera það oftar.

Hitti svo Helgu skjol í Nettó gaman að sjá hana þó spjallið væri stutt.
en töluðum um að hittast fljótt.

Fórum síðan niður í bæ og hittum Huld í nýju búðinni glæsileg búð,
alltaf gaman að spjalla við Huld, hún kom svo út í bíl að heilsa upp á
Gísla og Neró hundakonan sjálf varð að sjá hann.

Heim, en Dóra og Gísli urðu að fá Brynju ís á leið úr bænum,
ekki mín deild.
Elsku englarnir mínir tóku á móti okkur á hlaðinu á Laugum er Þangað
komum. Ég elska þessar stelpur, þær eru bara frábærar í alla staði.

Rétt áðan komu svo ljósálfurinn minn og litla ljósið með vinkonu
heilsa aðeins upp á ömmu og afa og sjá Neró.
Að fá elskuna frá þeim sem eru manni svona kærir, er bara ljúft.
Getur maður farið fram á betri dag.

Munið að jákvæðni, kærleikur og gleði gerir gæfumuninn.

                                         Góða nótt.

Fyrir svefninn.

Þeir fóru í berjamó í dag engillinn og tengdasonur minn elskulegur,
á sjálfsögðu út á Tjörnes og fengu helmingi meira af berjum
í dag heldur en í gær, svo það eru komnir 8 l. af berjum.
Mun sulta úr því á þriðjudaginn, því við erum að fara til Akureyrar
eldsnemma í fyrramálið, Gísli er að fara í einhverja ómskoðun.
Dóra mín mun fara með okkur, og eitthvað verður útréttað.
Biðja ykkur um að lesa pistilinn um laxerolíu og nytsemi hennar
hér á undan, hann er góður fyrir alla að vita.

             Að halda við hagmælskunni.

             Arfleifð megum aldrei týna,
             enda sést á vorum þingum
             að það að láta ljós sitt skína
             líkar flestum hagyrðingum.

             Slæmar horfur.

             Dregur að elli, dofnar sex,
             dapurt er það að vita.
             Andinn rýrnar, ekkert vex
             annað en miðjufita.

Þessar eru eftir hana Ósk.

                              Góða nótt við heyrumst annað kvöld.
              

Laxerolía og nytsemi hennar.

Ekki er hægt að kynna sér alþýðuheilsufræði í mörg ár án
þess að fá áhuga fyrir laxerolíu vegna þess, hve margvíslega
lækningahæfileika hún hefur.
Þá á ég ekki við hin gamalkunnu innvortis áhrif sem allir þekkja,
heldur útvortis, á húðina og vefina undir henni.
Notkunarvenjur laxerolíunnar eru þessar.

Við vörtum er hún borin á og nudduð vel inn,
eftir nokkrar vikur er vartan horfin og það sama gildir um fæðingarbletti.

Hún er afbragðs góð á geirvörtur kvenna sem eru með barn á brjósti,
einnig á nafla ungbarna ef hann grær seint.

Á útvortis æxli, og ef auga er rautt og aumt er gott að láta leka einn dropa
í það.

Ef hárvöxtur er lítill á börnum er það heillaráð að bera olíuna í hárið
tvisvar í viku, alllangan tíma.
Á augabrúnir og augnhár þrisvar í viku fyrir svefn, gerir gæfumun,
það sama gildir um hár fullorðinna.

laxerolía er einnig góð á sár, skurði, skeinur og frábær tilmýkingar
gyllinæð.

þreyttar fætur heillaráð að nudda vel af olíunni inn í fætur og sofa
síðan í háum sokkum sem ekki halda að fótum og leggjum.
Hún mýkir líka líkþorn.

Er ég var yngri þá þjáðist ég af miklum handaþurrki sem orsakaði
sprungur og skurði, ég bar á mig olíuna og setti upp bómullarhanska
og svaf svona, ég veit þetta er ekki sexí en það er heldur ekki sexí
að vera með blæðandi sár á höndum og fótum.

Þegar Dóra mín var lítil þá var hennar hár hrikalega þunnt og lengi
að vaxa, tók mig til einn daginn og nærri snoðaði litlu stelpuna mína
bar svo í hana olíuna, hún fékk afar fallegt og þykkt hár og er með
það enn þá. laxerolían var ætíð til á mínu heimili, því hún er allra
meina bót, SKO, útvortis.

Ég hef sannfærst meir og meir um gildi notkunar olíu yfirhöfuð,
umhugsunarefni er að alþýðuheilsufræðin er sprottin upp úr
gnægð tiltækra varna og lækningameðala sem náttúran hefur upp
á að bjóða. Olíur eru í jurtum hvar sem litið er.
Ef við áttum okkur á því að náttúran er alvitur,
þurfum við eigi að spyrja okkur sjálf, hvort þetta eða hitt komi að gagni.
Náttúran sér fyrir því.
                                       Gangi ykkur vel.
                                            

Árla á sunnudagsmorgni, þvílíkur friður.

Sporðdreki: Þú getur ekki verið öllu fólki allt.
Veittu það sem þú vilt veita og getur veitt.
Gefðu það sem þú vilt sjálfur fá, það sem þú
telur stórkostleg og öðrum finnst það líka.

Er ég settist að morgunverði  5.30 í morgunn og horfði út um
gluggann og leit yfir Skjálfandann yfir í Kinnafjöllin sem sólin
var sífellt að verða bjartari yfir, fann ég hinn innri frið, fylltist
krafti og eldmóð, ekki í fyrsta skiptið, krafturinn og dulúðin yfir
þessum fjöllum er engu lík, þú getur horft á þau tímunum saman
og þau eru aldrei eins, enda tel ég að þarna búi allt það sem í
náttúrunni býr sem við aldrei augum lítum, eða þannig.

Svo opnar maður blöðin síðan í gær, jú og les og les, þar til síðan
kemur með ruglinu.
Hvernig í ósköpunum er hægt að framhalda öllu þessu rugli.
Af hverju heyrðum við aldrei línu Ólafs áður, fyrst núna erum við
til dæmis að heyra að hann hafi viljað bíða með að kaupa gömlu húsin,
að hann hafi boðið að Magnús Þór yrði aðstoðarmaður hans líka,
skildi hann líka hafa boðið að tala við fólk og meðstjórnendur áður
en hann réðst í að reka og ráða fólk jafnframt því að framkvæma upp
á sínar eigin spýtur.

Björn Ingi snýr ekki aftur, bauðst honum það? það hefði nú verið
hápunkturinn, ég meina það eru engin takmörk?
Eitthvað eru þeir í vandræðum í framsókn þurfa aftur í 4 sæti til að fá
hugsanlega, einhvern á bak við Óskar, það gengur eigi betur en síðast
er Margrét neitaði að bakka upp Ólaf og er ég eigi undrandi á því.

Jakob og Gunnar Smári halda áfram, það er nú kannski eins gott þá þarf
ekki að borga  þeim biðlaun ofan á öll önnur útgjöld varðandi mesta endemis
rugl sem uppi hefur verið.

Eitt en nefni ég hér sem að mínu mati er stór blettur á okkar þjóðfélagi,
lygin og aftur lygin, allir segja eitthvað slæmt um hvort annað,
getur aldrei neinn axlað sína eigin ábyrgð og komið fram og sagt
sannleikann, nei því öllu þessu fólki er stjórnað eins og strengjabrúðum.
Það er kannski bara ekki búið að fatta það enn.

Dagur að kvöldi kominn.

Nú en dagurinn í dag er búin að vera afar góður, við fórum í búðina
að ná okkur í grænmeti, er ég steig út úr bílnum kom hlaupandi
litið ljós, í bleikum ballettkjól, vafði handleggjunum um hálsinn á ömmu
sinni og sagði amma mín, Hún var með pabba og voru þau að sækja
mömmu sem hafði skroppið aðeins í vinnu, þeir töluðu aðeins saman
karlar og ákváðu að fara í berjamó eftir leikinn.
Það gekk nú ekki svo vel er til kom, þau voru ekki orðin nógu þroskuð,
en þeir ætla að fara annað á morgun og athuga annað svæði.

Núna er engillinn minn að hreinsa þau ber sem hann kom með.

Nú við vorum síðan í mat hjá þeim, fengum við ferskt kjúklinga salat
með mangó og sýrðum rjóma bl. saman og speltbrauð með, ÆÐI.




Er hún ekki yndislega falleg þessi mynd, þær eru að vaða í
Reykjadalsánni englarnir mínir, en eins og þið sjáið þá er
landsslagið dýrðlega fallegt.
Svona er allt hér norðan heiða



 


Þetta er mynd af berjunum sem þeir áttu að tína, en eins og þið sjáið þá eru
þau ekki nægilega þroskuð, en falleg eru þau.








Það er nú ætíð sama sagan með ljóskurnar þær muna aldrei neitt,
og hér kann é ekki að hækka upp myndirnar, svo þetta verður bara að vera svona.

Vitið þið að laxerolía er allra meina bót, en meira um það seinna.

Nú fer að koma að smalamennsku, svo þessi eftir hana Ósk er við hæfi.

             Göngur og réttir
           
             Heima er farið til fjalla
             í fyrstu þeir glaðir spjalla
             það ergir margt geð
             að eltast við féð
             þá fer nú að fara um kalla.

             Við pyttluna piltarnir daðra
             þá prúðmennið verður sem naðra
             en kindunum tveim
             koma þeir heim
             og kæra svo hverjir aðra.

                               Góða nótt.

Ekki hafa áhyggjur segir stjörnuspáin.

Stjörnuspáin mín í dag er stórfurðuleg, ef ekki bara
tilætlunarsöm, hvernig er hægt að ætlast til að ég
sætti mig við minna, en meira en allir geta.
Skil það nú bara eigi.
Hérna sjáið þið stjörnuspánna, og dæmið nú.

Sporðdreki: Skrýtnar spurningar velkjast um í huga þínum,
eins og: er einhver að hlusta á mig? Ekki hafa áhyggjur.
Hver og einn veitir þér þá athygli sem hann getur.

Auðvitað hef ég áhyggjur, það er nú ekki nægilegt fyrir mig að fólk
sýni mér þá athygli sem það getur, heldur á það að gera betur en
það getur. Punktur basta.

Sjáið nú til, kona eins og ég sem er ætíð að gera betur en hún getur,
hefur ávallt rétt fyrir sér í einu og öllu, spreðar visku sinni, kærleika,
gamansemi, skrýtnum skoðunum á hinum ýmsu málum.
Það getur engin efast um að fólk eigi að sýna henni meiri
athygli en það getur.

Ég er til dæmis hundóánægð með borgar og bæjarmál, landspólitíkina,
dóma Hæstaréttar, ofbeldi á konum og börnum, einelti bæði barna á börn
og kennara og annarra þeirra sem huga að börnunum okkar, því ekki
er eineltið minnst í þeim geira.
Vitið hvað ég gæti ritað í allan dag um þessi mál, en þar sem svo margir eru
búnir að gera þetta allt að umræðuefni og ekkert gerist þá held ég að ég
sitji hjá í þetta skiptið.

Langar samt til að biðja ykkur þar sem skólarnir eru nú að byrja,
hlúið að börnunum ykkar, þeim er hætta búin ef þið komið eigi út úr glerhúsinu
og látið af feluleiknum, það er ekki allt eins gott og þið haldið að það sé.
Og í þessu ætla ég að vera svo tilætlunarsöm að fara fram á að þið sínið meiri
athygli en þið getið.
                                      Góðar stundir.

Fyrir svefninn.

Þetta er nú búin að vera meiri dagurinn, vaknaði eldsnemma
til að fara í þjálfun, sagði ég þjálfaranum mínum frá því sem
hefði gerst með veikindi mín og að ég hefði tekið ákvörðun um
lífstílsbreytingu, hún var að sjálfsögðu ánægð með það,
hún sagðist vera tilbúin að setja saman æfingaprógramm
fyrir mig um leið og ég væri tilbúin, já takið eftir, "tilbúin"
Sko er búin að vera hjá henni í 3 ár og allan tíman vissi hún
að ég var ekki tilbúin, var bara í feluleik við sjálfan mig, en að
það hefði eitthvað þýtt að tala við mig um það, Nei ekki aldeilis.
Svo illa er komið fyrir mér að smátt verð ég að byrja.
Gísli minn fékk að vita úr sínum blóðprufum um hádegið og á
að fara inn á Akureyri í Óm skoðun á mánudaginn.
Lagði mig aðeins og Gísli minn fór að þvo bílinn.

En vitið þið?
Margir eru kostir menningarinnar, en hún hefur líka sína ókosti.
Hörgull á steinefnum í daglegri fæðu er einn hinna alvarlegustu.
Þar sem mannslíkaminn er byggður upp af steinefnum, er honum
lífsnauðsyn að fá nægileg steinefni úr fæðunni sér til viðhalds.
Sjávargróður hefur inni að halda öll þessi steinefni.
Sjórinn er vökvi, mjög flókinn af samsetningu.
Hann er að þrem og hálf hundruðustu uppleyst, ólífrænt steinefni.
Sjávargróðurinn breytir þessum ólífrænu steinefnum í lífrænt form.

Þar sem yfirborð sjávarins er lægra en þurrt land, leita til hans
þau efni, sem hreyfiöfl náttúrunnar færa úr stað.
Vindur, vatn og ís flytja sífellt með sér föst efni til sjávar.
Auk þess flytur vatn með sér uppleyst efni úr jarðveginum til sjávar,
þar sem þau geymast síðan. Höfin hafa þannig smá saman orðið
efnabanki, sem þurrlendið þolir engan samanburð við.

Þessi söfnun nitsamra efna er ótæmandi verkefni efnafræðinga
til úrvinnslu. Það virðist óhætt að spá því, að óbornar kynslóðir
muni læra að ausa af ótæmandi auðæfum hafsins og gagn af.

Mér finnst þetta stórmerkilegt að lesa, því ekkert veit maður
nema að lesa um það.

Ein eftir hana Ósk.
               Átti að lýsa einum Kveðandafélaga
               sem hesti.

                           Nú skal meta mætan hest
                           makkinn grár og úfinn,
                           veglegt bak og viljinn sést
                           þó vanti rófustúfinn.

                           Á það til að skella á skeið
                           skír og hreinn á svipinn
                           En fráleitt dæmi um fagra reið
                           fyrr en ég prófa gripinn.

                                             Góða nótt.

Já það mallar víða í pottum

Tek upp hanskann fyrir Marsibil Sæmundardóttur, er hún
segist eigi styðja nýjan meirihluta Framsóknar og Sjálfsflokks
í borgarstjórn.

Marsibil segir við Fréttablaðið að hún hafi engan áhuga á að koma
Framsókn eða Óskari illa en hún hafi ekki trú á þessu samstarfi en
með stuðningi við það væri hún að samþykkja framgöngu
sjálfstæðismanna á kjörtímabilinu og hvernig pólitík þeir hafi ástundað.

Nú að mínu mati ef hún eigi getur stutt þá framgöngu þá á hún heldur ekki
að gera það, en hún ætlar að starfa áfram hvort sem það verður undir merkjum
framsóknar eður ei.
Ég vona bara fyrir allar sakir að hún ákveði í hvaða flokki hún ætli að tilheyra.

                   *******************************************

Skondnasta fréttin er að sjálfsögðu að aumingja Ólafur var vélaður inn í
samstarf við sjálfstæðisflokkinn, Æ, Guð heldur þessi maður að það sé
hægt að segja manni allann andskotann.

                  *********************************************

Svo er það stóra spurningin hvað heldur þetta samstarf lengi,
og hvað er þetta skrípaleikrit búið að kosta borgarbúa???

Marsibil styður ekki nýjan meirihluta

Segjum nei við ofbeldi.

Ég tók mér það bessaleifi að afrita þetta af síðu Eddu Agnars.
vona að hún taki það ekki illa upp.
Þetta er bara afar nauðsynlegt og hvet ég alla konur og kalla
til að skrifa undir listan, það er linkur hér að neðan inn á Unifem
og þar er einnig ýmislert að sjá og lesa.
Vaknið vaknið kæru landsmenn.

           ************************************


Ofbeldi gegn konum er málefni sem getur ekki beðið. Að minnsta kosti ein af hverjum þremur konum er barin, þvinguð til kynlífs eða misnotuð á annan hátt einhvern tímann á lífsleiðinni. Fimmta hver kona verður fórnarlamb nauðgunar eða tilraunar til nauðgunar.

Ríkisstjórn Íslands skrifaði undir í morgun.

 SEGJUM NEI VIÐ OFBELDI

Skrifið ykkur inn á undirskriftalista inn á Unifem og segið NEI við ofbeldi á konum í heiminum.

"Mansal, kynferðisleg áreitni, limlesting á kynfærum kvenna, morð vegna heimanmunds, heiðursmorð og útburður stúlkubarna eru hluti af sama vandamáli, þetta er allt ofbeldi gegn konum. Ekkert land, engin menning, engin kona ung eða gömul, er ónæm fyrir þessari plágu. Alltof oft er komist upp með þessa glæpi án þess að refsað sé fyrir og ofbeldismennirnir ganga lausir. “ sagði Regína Bjarnadóttir stjórnarformaður UNIFEM á Íslandi á blaðamannafundi í dag þegar hún vakti máls á mikilvægi þess að ríkisstjórnir heims gripu til aðgerða gegn kynbundnu ofbeldi."

Tekið úr frétt á mbl.is

http://www.unifem.is/unifem/

Hvaða átak er þetta?
Þetta er alþjóðlegt átak á vegum Þróunarsjóðs Sameinuðu þjóðanna í þágu kvenna eða UNIFEM sem hófst 25. nóvember 2007 og lýkur sama dag árið 2008. Nú þegar hafa nokkrar ríkisstjórnir skrifað undir átakið í heild sinni og þar með sýnt vilja í verki til að uppræta ofbeldi gegn konum. Nú þurfum við samstöðu til að senda út sömu hvatningu til annarra ríkisstjórna heims.

Stöndum okkur í þessu, horfum í eigin barm og skrifið undir.
Með þakklæti og vonandi eigið þið góðan dag.
Milla.

Fyrir svefninn.

Í sláturhúsinu á Húsavík var Þormóður Torfason
á Birningsstöðum í Laxárdal einn af fláningarsmönnunum.
Á þeim árum stóðu yfir fjárskipti vegna mæðiveiki, og voru
öll þau mál mjög til umræðu meðal manna.
Þóttust sumir hafa hitt og þetta að athuga við ákvarðanir
og úrskurði mæðuveikinefndar.
Nú varð mönnum sem oftar tilrætt um þessi vandamál
í sláturhúsinu.
Þá skaut Þormóður inn þessari athugasemd:
,, Það er ekki mæðuveikin, sem er mesta plágan, piltar!
Það er mæðuveikisnefndin."

          Þegar maður þyrfti að vera á mörgum
          stöðum í einu, væri þægilegt að geta
          klónað skepnuna.

                Ef bæta þarf brýnasta vandann
                má biðja um aðstoð að handan.
                En bóndinn er sár
                með bænirnar klár
                ef klóna þeir kerlingarfjandann.

Eftir hana Ósk að sjálfsögðu.

Munið svo elskurnar mínar, það er forbannað að
borða eftir kvöldmat.

                                 Góða nótt

Ég er samt afar stolt af þeim.

Ja ég er afar stolt af þeim þetta eru og verða strákarnir okkar,
Handbolti er mín uppáhaldsíþrótt og þeir eru bara flottastir,
ég ætla nú bara hreint að vona að engin fari að agnúast út
í þessar elskur þeir eiga nú annað skilið.
                   **************************

Má til að segja ykkur á fimmtudögum tökum við gamla settið
ætíð til í kotinu, í morgun var allt ryksugað allar mottur út
og engillinn minn skúraði allt kotið með ediksblöndu.
En áður og meðhliða fór mín í stuð þvoði alla borðstofustólana,
tók baðið í nefið, handþvoði alla þröskulda, lista og meðfram þeim,
þið vitið að þessar fjandans möppur taka ekki skítinn sem kemur
í raufarnar upp við listana og engin nennir að vera með tusku til
að þrífa þetta jafnóðum, nema ég.
Þurrkaði svo af öllu og pússaði var búin að taka tölvuverið,
gestaherbergið og skeiðverið í gær + alla glugga.

Síðan eldaði ég okkur léttan hádegisverð, takið þið eftir því sem ég
er að segja: ,, Fyrir mánuði hefði ég ekki getað þetta".
Bara við að léttast um þessi 6 kg. sem fóru í veikindunum mínum
og hið breytta hugarfar hefur gert kraftaverk.
Að viðurkenna fyrir sjálfri sér feluleikinn sem maður er ætíð í
koma fram og vinna í þessu, og það ekki fyrir neinn nema sjálfan sig
er bara stórkostlegt. 'Eg er slolt af sjálfri mér.

Ísland tapaði með einu marki fyrir Suður-Kóreu

Fagna breytingum.

Já ég fagna breytingum, en finnst það jafnframt skammarlegt
hvernig sumir eru búnir að fara með orðspor sitt,
bara til þess að komast til valda.

Maður spyr, til hvers eru menn kosnir til borgarstjórnar, er
það til að leika sér í sandkassaleik og kasta í hvern annan
sandi eins og óþekkir krakkar.
Eða eins og ég tel að þeir séu kosnir til, það er að stjórna
borginni af skynsemi og alúð.

Fjandinn hafi það þetta fólk allt upp til hópa er búið að eyðileggja
þennan tíma sem liðin er af tímabilinu þeirra, það átti að taka í
taumana strax, ekki leggjast í leikrit, valdatafl og yfirhylmingar.

Mér er annt um borgina sem ég fæddist og ólst upp í, en núa
finnst mér hún vera eitt flakandi sár.

Samstarfið á „endastað"

Fyrir svefninn. Smá um heilsu.

Þegar ég var að alast upp var eigi mikið um tal um heilsumat.
maður varð bara að borða allt sem lagt var á borð fyrir mann.
Ef maður ekki borðaði súpuna á sunnudögum, fékk maður ekki
steik og ef maður ekki borðaði steik fékk maður ekki desert.

En maður var í ballett, síðan í fimleikum, skautum, skíðum og
bara alltaf á fullu man aldrei eftir að talað væri um matarræði.
Ég var fram að tvítugu vel grönn og man aldrei eftir því að ég
hafi sparað við mig hvorki sælgæti eða mat.
Öldin hefur verið önnur nú í tuga ára, sem betur fer.

Því hvort sem okkur líkar betur eða ver, verðum við að fylgja
vissum heilbrigðisreglum alla okkar ævi.
Góð heilsa er nauðsyn til að ná þeim markmiðum sem við setjum
okkur í lífinu.
Án góðrar heilsu getum við ekki notið okkar til fulls,
neyðist maður til að varpa akkerum vegna tíðra sjúkdóma eða
langvarandi heilsuleysis og horfa á samferðamennina fara fram
úr sér er ekki af hinu góða ef það er okkur sjálfum að kenna.
Við þurfum að vera meðvituð um er heilsubresturinn ber að garði,
líkaminn lætur vita hann hefur innbyggt aðvörunarkerfi ef við hlustum
eftir því.

Oft veit fólk ekki hvað er að, það er bara of feitt, en skírir ekki þreytuna,
slappleikann og eða annað það sem hrjáir það.
þá er gott að fara í heilsufarsskoðun.

Góð ráð.

Kalíumskortur:
Orsakar þreytu, kláða, doða, hand og fótkulda, svefnleysi,
svo fátt eitt sé nefnt.

Hunang er allra meina bót.
Það ertir ekki meltingarveginn.
Það er auðmelt.
Það bætir fljótt úr orkuþörf.
Það auðveldar manni að jafna sig fljótt eftir áreynslu.
Það reynir minnst á nýrun allra sykurtegunda.
Það hefur þægilega örvandi áhrif á meltinguna.
Það hefur sefandi áhrif.

Það þarf að kaupa gott hunang og fæst það yfirleitt í heilsubúðum
og þar fær maður líka ráðleggingar.

Láta fylgja vísu úr safni.

          Hún Rabbbara fór og hirti
          hún lét mig vita að,
          hún sett´an, hefði í frysti
          hún áður skar´ann í spað.

kemur ein góð eftir hana Ósk.

það besta í heimi.

         Það besta í heimi er brosandi sveinn,
         blíðlyndur, grannur og fróður,
         andlitið fagurt, um axlirnar beinn
         og undirvöxturinn góður.

                        Góða nótt

Dóðan daginn kæru landsmenn og konur.

Ég er nú svo ánægð með lífið, sit hérna með fjöllin
og hafið allt um kring, þvílík fegurð, sólarlaust, en hvað
með það, eins og með ríkisstjórnina, er svo hamingjusöm
með hana sko hún er alltaf við-tæk tilbúin að taka þátt í öllu
okkar rausi og er að standa við allt sem þeir lofuðu fyrir
kosningar, hva þó þeir séu aldrei sammála um neitt þá er
það nú bara smámál, Nei ekki úr mjólk, heldur úr ríkisstjórninni,
enda er hún sólarlaus, en á ekki að birta upp um síðir?
Jú en því ráðum við.

Hneyksli! var nærri búin að gleyma Borgarstjórn,
er svo glöð með hana.
Sumir segja að landsbyggðarpakk, eigi ekki að vera að ybba sig
um borgarmálin, en ég tel að við eigum fullan rétt á því,
Þetta er höfuðborg Íslands.
Sorgin er nú að Gísli Marteinn sé að hætta í borgarráði,
skildi hann ætla að hætta alveg í pólitíkinni???

Svo er ég svo glöð með öll stríðin, morðin, olíuna, valdabaráttuna,
hrokann, og ofbeldið bæði andlegt og líkamlegt.
Allt hlýtur þetta að leiða til friðs í heiminum, er svo glöð,
þá verða mannréttindi virt og allir verða jafnir.

Er ég kannski orðin of glöð og farin að rugla rugluna, líklegast.
En mér líður samt afar vel í dag því ég breyti eigi heiminum.
Knús til ykkar allra, verið góð við hvort annað.

Fyrir svefninn. Smá um offitu.

Í tilefni þess sem upphófst hjá mér í gær, "lífstílsbreytingin"
þá læt ég bara vita að mér líður mjög vel, held matarbók,
og sé að eina breytingin sem er að gerast hjá mér núna er
ég borða morgunmat á morgnanna, í staðin fyrir Pepsí og tekex
hræðilegt ekki satt, en það var það sem ég borðaði á hverjum
morgni, Pepsi, tekex með létt og lagott + ost + meðölin mín.
Nú svo er ég hætt að borða eftir kvöldmat, sem var aðal veikleiki
minn.
Ég mun láta vita af mér og hvernig mér gengur svona vikulega.

Endilega ef einhver vill ræða þessa hluti þá að vekja máls á því,
stelpur mínar og strákar ég er búin að prófa allann pakkann,
svo ég veit nú ýmislegt.

Ég er ekki á neinum megrunarlyfjum og ætla mér það ekki.

Góð ráð sem duga mörgum sem ég þekki.

 Kalk dregur úr sykurþörf líkamans,
kaupið kalkið í apótekinu og fáið ráðgjöf með magn.

2 teskeiðar af eplasafaediki út í glas af vatni með hverri
máltíð.
Eplasafaedikið sér um að brenna fitu.

Ein góð frá henni Ósk.

         Einu sinni var verið að brigsla okkur
         konum um náttúruleysi í vísnagerð.

                Aumt er að geðjast öllum
                ábúðarfullum köllum.
                Hafi ég helling að segja
                hollast mér væri að þegja.
                Svona er lífsins saga
                sumum alltaf til baga.
                Meðalhófs giftu gata
                er grýtt og torvelt að rata.

                  Góða nótt.
               

Hjálpa þeim sem minna mega sín.

Í öllum bæjarfélögum er fólk sem minna má sín, við bara
tökum mismikið eftir því fólki, eða viljum mismikið vita
af því.
Ætíð þar sem við höfum búið hefur allt farið í rauða krossinn
sem til hefur fallið frá okkur.
Núna búum við á Húsavík og gefum við allt í verslun sem
rekin er niður í bæ og heitir kynlegir kvistir,
þar getur þú keypt allt milli himins og jarðar, "næstum"
konurnar vinna allar að þessu í sjálfboðavinnu og fer ágóðinn
til góðra mála,
eins og til Setursins sem er staður sem allir eru velkomnir á
sem hafa áhuga á mannrækt og skemmtilegu fólki.
Hef komið í þessa frábæru búð það er sama sagan þar, það er svo
gaman hjá þeim og öllum sem inn koma að eigi vill maður heim fara.

Sem betur fer er til fólk alstaðar sem vill vinna gott starf, en það
þarf líka að koma stuðningur utan frá.
Það er það sem er verið að fara fram á, ekki hend neinu,
gefið ykkur tíma til að færa það þeim sem þurfa á því að halda.
Tökum höndum saman, gerum átak og framfylgjum því vel.
Það eru bráðum jól.

               Beiðni frá Ásdísi.

Vinkona mín á Selfossi hún Ásdís Sigurðardóttir
er að hjálpa þeim sem minna mega sín.
Hún safnar saman fötum og öllu því sem fólk þarf og
sem hægt er að fá, fer með þetta til hjálpræðishersins
að Eyjaslóð í Reykjavík. 
Vantar hana þess vegna fólk sem vill hjálpa henni að
hjálpa öðrum, slóðin hennar er www://asdisomar.blog.is
Það er eitthvað að hjá mér hérna svo linkurinn kemur ekki.
Ef þið viljið kinna ykkur þetta betur þá endilega farið inn á
slóðina hennar.

Takk fyrir okkur og góðar kveðjur.

                                                                                

Þeir unnu, unnu, unnu.

Eru ekki allir í losti, orðlausir, að springa úr gleði, þeir unnu.
Strákarnir okkar unnu.
Er farin að hlusta á viðtal við þjálfara og kannski leikmenn.
Húrra, húrra, húrra þeir unnu þjóðverja.