adhd samtökin tuttugu ára.

Mikið hefur trúlega gerst síðan þau voru stofnuð, en hægt
hefur það gerst að samhæfa alla þætti sem að barninu lúta.
Ég vona að þetta fari nú að fæðast allt saman.

Sandra Rief kennari og höfundur margra velþekktra bóka segir.

Börn með athyglisbrest og ofvirknistanda oft frammi fyrir miklum
áskorunum í skóla til að mynda hvað varðar nám, hegðun og
félagsleg samskipti. hvort upplifun nemanda í skóla er góð eða
slæm er mikið undir kennaranum komið.
hefur kennarinn þekkingu á adhd?
Býr kennarinn yfir nægri þekkingu til að geta komið til móts hvern
og einn svo hægt sé að ná til ALLRA nemanda, einnig þeirra sem eiga
við námserfiðleika, athyglisbrest og hegðunarvanda að stríða?
Er kennarinn tilbúin að vinna með opnum hug í samvinnu við aðra
( foreldra, meðferðaraðila, starfsfólk skólans og nemendur sjálfa)
til að tryggja að nemandinn upplifi vellíðan í skóla? En síðast en ekki síst,
býr kennarinn yfir nægilega mikilli jákvæðni, vilja og sveijanleika til að
mæta þörfum nemandans? Er kennarinn tilbúin til að leggja að mörkum
þann kraft og tíma sem þarf til að sinna þessum störfum?

Ja hérna gott fólk bara þessar setningar frá þessari frábæru konu
snertu við mér og minntu mig á mýmörg dæmi sem ég þekki til úr
skólakerfinu, sem neikvæð eru.
Ekki er ég að tala um þá kennara sem liðsinna þessum elskum
af lífi og sál, þeir eiga heiður skilið. Og þekki ég þá marga.

Að sinni ætla ég ekki að tala um þessi mál, spurningarnar hér
að ofan ættu að vekja alla til umhugsunar um hvað allt gæti verið
betra ef allir mundu huga að þessu og munið að þetta tengist afar
mikið eineltinu.
Ef fólk er ekki tilbúið til að takast á við að börnunum okkar líði vel
þá skal heldur engin verða hissa þó þau komi illa út í samfélaginu.

Það eru nefnilega allt of margir sem hugsa þetta kemur mér ekki við.

Raddir barna með adha.

,,Ég veit að það eru margir foreldrar sem bara geta þetta ekki...Sumir
foreldrar treysta sér ekki í þetta og sumir krakkar fá enga hjálp
og það er auðvitað miklu erfiðara"

,, Foreldrar vita ekkert að börnin séu hrædd við að tala um og að það
sé litið niður á þau, því að margir haldaörugglega að foreldrar manns
líti líka niðurá mann fyrir það sem maður gerir."

,,Ég eyði eiginlega engum tíma með.. mömmu minni eða pabba mínum.
eiginlega er eina manneskjan sem ég eyði miklum tíma með,
það er( þögn)... þannig að fjölskylda manns.. hleypir mér alveg inn,
en það er samt svona, eins og þau vilji ekkert voðalega mikið með
mig hafa... Ég er hætt að hafa samband við fjölskylduna hans pabba.
Ef hérna ég myndi ekki hringja í pabba minn af og til, þá mundi ég
örugglega hætta að hafa samskipti við þau... Það sem mér finnst
eiginlega hjálpa mér mest .. er sko... hérna að eyða tíma með mömmu
minni og pabba mínum.. ekkert annað."

Það kemur meira seinna af nógu er að taka.
                       Góðar stundir

                                           Góðar stundir

Fyrir svefninn.

Dagurinn í dag góður eins og yfirleitt. vaknaði kl fimm. kveikti
á tölvunni síðan í morgunmatinn svo í tölvuna var í henni þar
til ég fór að sjæna mig.
Er heim kom fengum við okkur te og brauð, var komin upp í
rúm að leggja mig er Lady Vallý hringdi, ætíð gaman að tala
við hana, er að vona að hún komi norður um miðjan mánuðinn.
Hér á hún fullt af skyldfólki.
svaf síðan til eitt., var að dúllast þá hringdi Ingó bróðir hann var
hjá sínum lækni í gær og sá þekkti hann varla, svo hefur hann
breyst, skiljanlega eftir að vera búin að missa 27 kg.
Alsæll er hann og ég er svo stolt af honum, hef reyndar ætíð verið það.

Litla ljósið kom um kl þrjú, tók hana með mér niður í Setrið, fengum okkur
kaffi og hún fékk sé nýbakað bananabrauð ég stillti mig.

Fórum síðan í kynlega kvisti, en það er búðin sem stelpurnar í Setrinu reka,
þær voru búnar að taka til helling af fötum sem ég er að fara með til
Akureyrar á Laugardaginn gefum þau til Hjálpræðishersins.

Borðuðum saman í kvöld  heilhveitispaghetti og hreindýrahakk-rétt
búin til frá grunni, speltbrauð.

Núna er ég bráðum að fara í rúmið mitt besta.

Eitt ljóð  eftir Bjarna M. Gíslason.

                Vætturinn.

        Þú gamli vættur í gljúfrinu heima,
                 ég get ekki annað en hugsað til þín,
        sem gerðist í nauðum minn vildarvinur
                 og vakti þau stundum, brosin mín.

        Ég man þegar rassskellir rændu mig gleði,
                 ég reikaði brott og í gljúfrið mig fól,
        svo kapparnir urðu kynlegir heima
                  og kviðu að hnígi til hliðar sól.

        það hendir, að von mín vitji þín ennþá,
                  ef veröldin reynist mér lymsk eða þrá.
        Það er sem hömrum og hrika gljúfrum
                  hugsvölum einungis komi frá.

                                  Góða nótt.

Hvað áttu þeir að bíða lengi?

Það gat nú verið að blessaðir ráðamennirnir færu í fílu.
Allt þarf að vera undir borði hvað þá snertir.

Forsætisráðuneytið harmar að Breiðuvíkursamtökin skuli hafa valið
þá leið að kynna fyrirliggjandi drög að frumvarpi, sem er á þessu stigi
vinnuskjal í ráðuneytinu, opinberlega í fjölmiðlum án þess að leita
samþykkis eða samráðs um slíkt.

Er þetta ekki þeirra mál og þeirra líf.
Það voru framdir hræðilegir glæpir gegn þessum mönnum og ef ríkið á
ekki að bera ábyrgð á þessu, þó að það séu eigi til lagaákvæði fyrir því,
þá hver?
Þetta er bara eitt af þessum málum sem engin þorði að segja neitt um
og ef einhver sagði eitthvað þá var það nú bara þaggað niður.

Síðan varð þetta opinbert og á þar af leiðandi að vera upp á borðinu fyrir
alla til að fylgjast með.
Baráttu kveðjur til Breiðuvíkursamtakana og allra annarra sem voru vistaðir
á öðrum stöðum á landinu.

Birt án samþykkis ráðuneytis

Allir landsmenn takið eftir!!!

Það sem mér finnst merkilegt við þetta þjóðfélag sem við búum í
er að það nenna ekki nógu margir að lesa ef það stendur
hjálparbeiðni, eða sorgarsaga eða annað slíkt, en bloggar maður
um eitthvað skítkast eða einhvern sora þá ryðjast menn inn á síðuna
og lesa í gríð og erg komandi með einskisverð komment.
Svo ég skora nú á alla að lesa um, stofnun félagsins LÍF ÁN EINELTIS.
og um sorgina og veikindi hennar Soffíu sem á þrjú börn og missti
manninn sinn fyrir ári síðan. Allt um þetta á síðunni minni.

Gaman væri ef fólk mundi vilja kvitta svo maður vissi hvað margir hafa áhuga.


Kæru bloggvinir var að koma úr þjálfun og er svolítið þreytt núna,
ætla að leggja mig kem hress að tölvunni síðar.
Kærleikskveðjur
Milla.

Hjálparbeiðni, lesið núna.

3.9.2008 | 13:05

Soffía

 Veikindi og erfiðleikar gera sjaldnast boð á undan sér, það fær hún Soffía sem er kona á fertugsaldri að reyna þessa dagana,  hún þarf á hjálp okkar og fyrirbænum að halda

 Soffía greindist með æxli í höfði í byrjun Ágústmánaðar, Soffía og börn hennar þrjú voru í sumarbústað austur á landi. Og þá fór meinið að gera vart við sig með sjónsviðsskerðingu á vinstra auga, svima og ljósfælni. Þrátt fyrir öll þessi einkenni tókst henni til allrar guðs lukku að koma sér og börnunum heim í Hafnarfjörðinn heilu og höldnu. Þegar heim var komið fóru einkennin versnandi og á endanum fór Soffía uppá bráðavakt, þar sem gerðar voru rannsóknir og höfuðmynd tekin. Á þeirri mynd sáu læknarnir eitthvað sem krafðist frekari athugunar.  Daginn eftir var hún send í segulóm myndatöku, og þá kom í ljós að um æxli væri að ræða.  Aðeins viku eftir greiningu gekkst Soffía undir stóra aðgerð sem tók 7 tíma, aðgerðin gekk vel en einungis var hægt að fjarlægja helminginn af æxlinu.  Sýni sem tekin voru sýndu að næsta skref yrði geislameðferð og hefst hún að viku liðinni.  Soffía er enn með skert sjónsvið og ljós og minnsti hávaði fara illa í hana.  Soffía á 3 börn, 21 árs gamla dóttur og 2 syni 6 ára og 9 mánaða. Maður hennar og faðir barna hennar lést fyrir ári síðan í bílslysi og hét hann Jóhannes Örn.

Soffía dvelst enn á sjúkrahúsi og óvíst hvenær hún fær að fara heim, hún verður óvinnufær um óákveðinn tíma, hún hefur starfað sem húsvörður í blokk og búið í húsvarðaríbúðinni. Það er því ljóst að hún mun verða húsnæðislaus og atvinnulaus með börnin sín þrjú.

Stofnaður hefur verið reikningur til styrktar fjölskyldunni og er hann sem hér segir Reikningsnúmer: 0140-05-14321 kennitala: 161069-3619

ath: kennitalan var röng en núna er hún komin í lag

 

Ég hvet fólk að setja þessa færslu inn  hjá sér því hver veit hver er næstur????

Tók þessa sorgar sögu af síðunni hennar Elísabetu
og hvet alla til að bregðast við eins og hægt er.

Halló Áríðandi, fyrir svefninn.

                                 LÍF ÁN EINELTIS.
              Stofnum samtök foreldra gegn einelti.

Ég skrifa til þín í þeirri von um að fá hjálp, leiðsögn, hugmyndir og sem
flest sjónarmið og stuðning til að gera draum að veruleika.

Að styðja eineltisforvarnir með því að stíga fram og lýsa yfir stuðningi
við stofnun eineltissamtaka, samtaka foreldra eineltisbarna.

Ég þarf þig, ég þarf að ná til þín. .

Stór hópur fólks sem á börn í skóla í dag og glímir við eineltisvandann
og fólk sem á eldri börn í dag sem glímdu við eineltisvandann á sínum
tíma er enn þann dag í dag að glíma við afleiðingarnar.
Þunglyndi, kvíða, fólksfælni, sjálfsásökun og lélegt sjálfsmat. 
Foreldrar sem eru hræddir um börnin sín. Einelti er dauðans alvara.   

Hinsta kveðja mín til sonar míns, sem lesin var á jarðaför hans. 

Elsku Lárus minn, ástin hennar mömmu sinnar.  
Þakka þér fyrir þann tíma sem þú gafst mér og allt sem þú kenndir
mér  og öðrum.

Þú hefur snert strengi svo ótalmargra sem þykir vænt um þig  
og þú átt eftir að snerta strengi svo ótalmargra um ókomin ár.  
Sú sára reynsla sem þú fórst í gegnum sem barn og unglingur,

að fá  ekki að njóta tilveruréttar þíns og fá ekki að vera eins og þú varst  
óáreittur markaði þig fyrir lífstíð.

Því miður, það er sárast af öllu.  
En sú barátta sem við hófum þá gegn einelti og skilningsleysi fólks á  
hættulegum aðstæðum í skólum sem upp koma heldur áfram í þínu nafni og
mun lifa.  Þú kenndir mér umburðalyndi, þolinmæði og að sýna öllum
skilning og nú  látum við það berast.  
  
Ég trúi því elsku drengurinn minn að þú sitjir nú í englaskara sæll og glaður.  
Að á mínum mesta sorgardegi hafir þú átt þinn mesta hamingjudag.  
  
Litli outsiderinn minn. Ef þú hefðir bara heyrt, ef við hefðum bara  
komist inn fyrir brotnu sjálfsmyndina þína og þú hefðir séð og trúað  
hversu frábær maður þú varst.

Betri mann gat engin stúlka eignast.

Þú  varst prakkari, fyndinn, uppátækjasamur, duglegur, hugrakkur, fallegur  
og góður.  
  
Ég sat úti í sólinni með fjölskyldu og vinum fyrir 21. ári síðan og  
við biðum fæðingar þinnar og nú hef ég setið úti í sólinni með  
fjölskyldu og vinum og beðið þess að kveðja þig frá þessu  jarðvistarlífi.  
Kveðjustundin er komin engill og ég er svo óendalega sorgmædd.  
  
Ég bið þig að fyrirgefa mér,  
Allt sem ég gerði og hefði ekki átt að gera.  
Allt sem ég gerði ekki en hefði átt að gera.  
Allt sem ég sagði en hefði ekki átt að segja.  
Allt sem ég sagði ekki en hefði átt að segja.  
  
Þú gafst mér ást þína óskilyrta og þar var ég heppin.  
Ég elska þig af öllu mínu hjarta og allri minni sál. 
 

Ég vil stofna eineltissamtök, samtök foreldra eineltisbarna, sem hefðu
það markmið að styðja við bakið á foreldrum eineltisbarna,
veita upplýsingar, hjálpa þeim sem eru hjálparþurfi, leyfa fólki að tala
og tjá sig, fá huggun og uppörvun hjá fólki sem þekkir þessi mál og
er búið að ganga þessi þungu spor.

Samtök, með fundaraðstöðu og föstum fundum þar sem foreldrar
eineltisbarna gætu komið saman og leitað eftir stuðningi og ráðgjöf,
skipst á skoðunum og miðlað af sinni reynslu.

Opna vefsíðu, símaviðtalsþjónustu....... 

Samtökin munu líka vinna sem þrýstihópur fyrir þeim breytingum
þar sem þörf er á innan skólakerfisins. Eins og t.d.

Að skólastjórnendur setji vinnu gegn einelti í forgang og forvarnarstarf í
fyrsta sæti í sínum skóla og vinni markvisst að því að öllum líði vel í skólanum,
alltaf.

Skólinn er vinnustaður barnanna og við foreldrarnir eigum að geta treyst því
að þeim líði þar vel. Ef þeim líður ekki vel
hvernig er þá brugðist við því og hversu fljótt?

Það þarf að stórauka úrræði, finna betri úrræði þegar eineltismál koma upp
og auka forvarnastarf stórlega í mörgum skólum.

Er nógu markvisst fylgst með því hvort unnið er eftir
eineltismarkmiðum í aðalnámskrá grunnskólanna eða hvort skólar hafa
starfandi eineltisteymi sem foreldrar eiga sæti í og
eineltisáætlun til að vinna eftir?

Hve mikið er lagt upp úr sýnileika eineltisforvarna?
Hvað þarf til að vekja fólk til umhugsunar. Þarftu að hugsa þig um?

Í baráttunni fyrir bættum vinnubrögðum í eineltismálum,
þarf að fá skólayfirvöld til að skilja að eineltið byrjar ekki heima.

Bæjar- og skólayfirvöld þurfa að axli þá ábyrgð sem þeim ber
samkvæmt lögum.

Hættum að vísa vandanum heim til þolanda. 

Okkur ber lögum samkvæmt að senda börnin okkar í grunnskóla
þar sem allir eiga sama rétt á námi.

Sveitarfélögum er skylt að tryggja öllum nemendum
viðeigandi námstækifæri. 

Með ykkar hjálp og leiðsögn getur stofnun eineltissamtaka foreldra
eineltisbarna orðið að veruleika og með virkri þátttöku sem flestra
í samfélaginu ættum við að geta orðið að sem mestu gagni í
baráttunni gegn einelti.

Hvernig getið þú séð þetta fyrir þér?
Hvernig getur þetta hjálpað þér og þínu barni?

Við þurfum fólk eins og þig til að leggja okkur lið.

Þínar hugmyndir, þínar skoðanir og þitt álit skiptir máli.
Þetta gæti verið barnið þitt. 

Ég bið þig um að senda mér póst til baka eða hringja í mig til að láta
mig vita hvort þú sjáið þér fært að leggja mér lið á einhvern hátt.

Ég bið þér líka um að áframsenda þennan póst á þá sem þú heldur
að geti komið til liðs við mig því ég er rétt að byrja.

Sterkur hópur, dásamlegt hugsandi fólk hefur þegar svarað bænum
mínum, haft samband og vill koma til liðs við mig.

Hugsjónafólk, fólk sem er annt um náungann.

Fólk með lífs- og starfsreynslu á þessu sviði og öðru
sem tengjast þessu, sérfræðingar, áhugafólk og önnur samtök
bjóða fram aðstoð við að koma þessu verkefni í framkvæmd.

 

Ég á ekki orð til að lýsa þakklæti mínu til allra þeirra sem hafa
á einn eða annan hátt stutt mig og mína til þessa verks.
Það er svo stórmannlegt og dásamlegt.

Ég finn að ég er ekki lengur ein.

En í hjartans einlægni þá þarf ég á þér að halda. 
 

Með kærri kveðju og fyrirfram þökk.

.

Ingibjörg Helga Baldursdóttir

Grunnskólakennari

HS:    555-0259

GSM: 867-9259

[e-mail]

Kæru vinir um allt land vaknið nú upp ekki endilega við
vondan draum, heldur til umhugsunar um að þetta geti
gerst og sé þegar farið að gerast gagnvart þínu barni
eða barnabarni.
Koma nú allir landsmenn gerum kraftaverk öll saman.
                                          Góða nótt.

Voru þeir hræddir greyin!

 Ljósmæður fengu aðeins 25 að fara upp á palla Alþingis.
Svona prúðar og stilltar konur var þeim eigi treyst? Ekki
það að við getum svo sem beitt okkur konur ef þörf krefur
enda veitir ekki af því reynt er að traðka okkur niður í
svaðið frá öllum vígstöfðum.

Engin skal samt halda að það takist, nú skulu þeir bara semja
við þessar bráðnauðsynlegu konur annars er voðin vís.
Eins og á svo mörgum öðrum sviðum.

Baráttukveðjur.

Lokað og læst á ljósmæður

Takið eftir prakkarar! nei ég meina bloggarar.

Bloggarar á kaffihús á Akureyri!!!

Þá er komið að því. Bloggarar á Akureyri, í nágrenni Akureyrar
og þið sem eigið leið um.
Við ætlum að gera okkur glaðan dag og hittast á kaffihúsi
næstkomandi laugardag.

Staður og stund:

Kaffi Karolína, Listagilinu

Laugardagur 6. sept. kl. 16.00.

Gott væri að þú tækir góða skapið með þér.

Vonum að sem flestir mæti og eigi skemmtilega stund með okkur

Þið sem lesið, endilega setja þetta inn á síðuna hjá ykkur og/eða látið
sem flesta vita af, sem áhuga kynnu að hafa.

Takk takk

Tók þetta af síðunni hennar Önnu Guðnýjar í von um að einhverjir
fleiri sjái boðin um hitting.
Það eru allir bloggarar velkomnir.

Kveðja
Milla.

Á nú eigi til orð, en set samt nokkur á blað.

,,Ég þekki það af eigin raun að borgarfulltrúi Vilhjálmur Þ. Vilhjálmsson
fylgir hvorki sannfæringu sinni í þessu máli eða stendur yfirleitt við orð sín.
Það er ekkert að marka orð þín, borgarfulltrúi Vilhjálmur Þ. Vilhjálmsson,
og ég bíð spenntur eftir að sjá hvaða dúsu þú færð að launum fyrir hlýðni
þína við flokkinn og einstaka sviksemi við mig,"
sagði Ólafur F. Magnússon, fyrrverandi borgarstjóri Reykjavíkur, í umræðum
um tillögu sína um atkvæðagreiðslu um framtíðarstaðsetningu flugvallarins í
Reykjavík.

Ég vill nú að flugvöllurinn verði í Reykjavík, en þvílíkur dónaskapur að láta
þetta út úr sér, og sama er við hvern hann væri að tala, þá er það lágkúra
af verstu tegund að væna menn um að taka við dúsum.
Ég spyr: ,,Er flugvöllurinn, Ólafs einka-draumabarn,eða hvað?"
Talar um sviksemi við sig, það er nú eitthvað sérkennilegt við svona orðalag.
Flugvöllurinn er í landi Reykjavíkur, en málefni allra landsmanna.

Vilhjálmur svaraði fyrir sig, sagði ummæli Ólafs dæma sig sjálf og bætti við að
hann ætlaði ekki að hreyta fúkyrðum í hann á móti.
Hanna Birna Kristjánsdóttir borgarstjóri kom jafnframt í pontu og sagðist ekki
ætla að fara niður á plan Ólafs og sagðist neita að svara ómaklegum spurningum
hans um menn og málefni.

Það  er að sjálfsögðu alveg réttmaður eltir eigi ólar við skítkastið.

Hanna Birna lagði hins vegar til frávísunartillögu sem samþykkt var með öllum
atkvæðum borgarfulltrúa - utan Ólafs.

Eitt sem ég skil ekki, hver sem á í hlut.
Er hægt að hafa svona fólk í pólitík?

Ólafur hellti sér yfir Vilhjálm Þ.

Fyrir svefninn.

Eins og ég sagði í gær eru engin takmörk fyrir orkunni.
Fór í þjálfun í morgun, gekk bara vel þó ég sé ekki nema
nokkrar mínútur í einu þá er það heilmikið fyrir mig.
Síðan fór ég að kaupa mér hreindýrahakk og bollur
þetta eru fitulausar kjötvörur, bollurnar eru hreint kjöt.

Fengum okkur te og ávaxtabrauð er ég kom heim.
Lagði mig og svaf til kl eitt.
jafnaði mig aðeins og svo fórum við í búðina til að versla
svona ýmislegt sem okkur vantaði.

Á leiðinni heim datt mér í hug að koma við í Setrinu,
sagði Gísla bara að ég mundi hringja er heim vildi koma.
Hef sagt ykkur frá Setrinu það er geðræktarmiðstöð, jú ég
mundi gjarnan sjálf vilja kalla þetta alhliða mannræktarstöð.
Þarna er opið 5 daga vikunnar og er hægt að gera allt frá því
að spila á spil og upp í að bara spjalla saman.

Komst að því að það vantaði fólk til að halda utan um föndurdaganna
sem eru á þriðjudögum og var ég nú ekki lengi að bjóða mig fram til
þess sem var bara vel þegið.
Nú þarf ég bara að fara að taka saman allt sem ég hef verið að kenna
í gegnu árin og sjá út hvað við getum gert hverju sinni.
Mun ég svo setja á jólaföndur í byrjun nóvember, svo hægt sé að gera
sitthvað sem fólk getur gert til jólagjafa.

Og vitið þið ég er svo glöð að hafa gert þetta, ég hef alltaf elskað að
kenna föndur og  bróderi, ég hlakka bara til.
Hringdi svo heim og þau komu að sækja ömmu litla ljósið og afi.

                 Ég er að eilífu dundi,
                          sem aldrei neinn ríkdóm gaf.
                 En hætti ég aðeins hálfa stund,
                          mína hamingju fennir í kaf.

                 oft heyrði ég spott og hlátur,
                          því hver skilur iðju þá
                 að sitja og dunda sem drengur í leik
                          við draumspil sem engin sá?

                 Mér aldrei var hvíslað í eyra,
                          að yrði ég ríkur og sæll;
                 Þó dunda ég áfram hvern einasta dag
                          sem auðmjúkur, stritandi .ræll.

                 Ég get ekki sagt með sanni,
                          hvert sæki ég þetta dund,
                 en á þess er lífið gylling og glys
                          og grafið í jörðu mitt pund.

                                              Bjarni M. Gíslason.

Góða nótt

Verð víst að vera mem.

Verð víst að vera mem finnst uppáhaldið mitt er að klukka mig.

Fjögur störf sem ég hef unnið.

Loftleiðir.          Er svo gömul Hí, hí.
Íþróttahúsinu í Sandgerði.
Barnum í flugstöð Leifs Eiríkssonar.
Tískuvöruversluninni Stórum stelpum.

Fjórar bíómyndir sem ég held upp á.

Pritty Women.
Love story.
Þumalína.
Harry Potter. allar.

Fjórir staðir sem ég hef búið á.

Reykjavík.
Sandgerði.
Ísafirði
Húsavík.

Fjóror sjónvarpsþættir sem mér líka.

Fréttir og Kastljós
Fræðslumyndir.
Cold case.
C.I.A.

Fjórir staðir sem ég hef heimsótt í fríinu.

Suðurland.
Norðurland.
Vesturland.
Austurland.

Ég er kannski lummó, en hef líka oft komið til útland.

Fjórar síður sem ég skoða daglega fyrir utan blogg.

Heilsu síður
BB
Vf
facebook

En kannski eigi á hverjum degi.

Fernt sem ég held upp á matarkinns.

Fiskur allur nema ýsu.
hreindýrakjöt
kjúkling
Grænmeti/ávexti.

Fjórar bækur sem ég hef lesið oft.

Pollýanna.
Öldina okkar.
Læknisdómar alþýðunnar.
Barnabækur.

Eigi get ég nú skilað þessu skilmerkilegra.
Takk fyrir mig.

Uss svona er að kunna ekkert á málin.
Ég klukka hér með.

Anítu Björk.
Hallgerði.
Vibbu.
Ernu.

                     Koma svo.

 

Flott hjá þér Ólafur Magnússon.

Það hlaut einhver að koma til og bjarga þessum málum,
Ástþór Skúlason til hamingju, nú getur þú verið í hinni
yndislegu sveit þinni áfram.
megi hamingja og gleði fylgja ykkur um alla framtíð.

Fékk styrk til að leysa út vélarnar

Fyrir svefninn.

Í dag er engillinn búin að vera á fullu, skipti á rúmunum þvoði,
þurrkaði og gekk frá, hann þreif viftuna fyrir ofan eldavélina, þið
vitið þetta apparat sem ætíð er fitugt oj, oj, á meðan tók ég ísskápinn
að innan og utan, reyndar bara lauslega, þurrkað var af öllum borðum
og slíku í eldhúsinu.
Nú ég þurrkaði af öllu og gerði svaka fínt og svo kom ryksugan á fullu
og tók allt ryk, eða næstum því mér finnst alltaf ég þurfa að moppa yfir
parketið þó það sé búið að ryksuga, maður er náttúrlega bilaður.

Nú ég var búin að fara í morgun og kaupa allskonar te og keypti mér
eina Eriku, var búin að ákveða að baka ávaxtabrauð (heilsubrauð)
æðislega gott á morgun ætla ég að baka brauð með miklum fræjum í.

Eitt ætla ég að segja ykkur, það eru ca mánuður síðan ég byrjaði á
lífstílsbreytingunni minni, hann bróðir minn var búin að sega mér að
ég yrði undrandi á svo mörgu eftir smá tíma, það reyndist rétt, ég
er undrandi og afar glöð yfir öllum þeim krafti sem komið hefur í
mig, ég er öll miklu léttari áræðnari í því að treysta mér í eitt og annað
sem ég hélt að ég gæti ekki gert, núna læt ég bara vaða og það verður
bara að hafa ef ég verð þreyt,Um helgina var svo áhugavert og gaman
að ég gleymdi bara að vera þreytt. það er að koma niður á mér núna
en tekst á við það.

Þetta þakka ég breyttu matarræði og ekki síst reglulegum matartímum
og að hafa tekið þessa ákvörðun og mér er að takast að standa við hana.

                        Vornótt.

               Hvort ertu vakandi ennþá?
               heyr, álftirnar svífa hjá
               syngjandi um vonsælu vorsins;
               hún vaknar-- mín sæluþrá.

               Hún er svo furðuleg, ástin,
               vermd æskunnar fornu glóð,
               að jafnvel í hálfgömlu hrói
               hoppar hún sælurjóð.

               Og nú meðan svanirnir syngja
               um seinfundið ævilán,
               við mætumst í heimför hjartans,
               sem hvorugt gat verið án.

                                 Bjarni M. Gíslason.

Ég vildi að það væri vor.              Góða nótt

Vilja uppbyggingu á Húsavík.

kemur það eitthvað á óvart að Húsvíkingar vilji bjarga sér?
Tel ekki, þeir eru vanir að gera það, en bara svo fjandi erfitt
er enga atvinnu er að fá, allt fast, er reyna á að starta einhverju,
ekkert þolinmótt fé handbært, eða bara ekkert fé yfirleitt.
Því það fer í allt annað en að byggja upp á landsbyggðinni

Það kemur mér svo sem ekkert á óvart að fólk skuli ekki vera
sammála er reisa á eitt stykki álver, en allir eru samt sammála
um að hér þurfi uppbyggingu.
Sú hugmynd, er búin að vera að gerjast í hugum vitra manna í
ja trúlega 25 ár, gerðist eitthvað, nei ekkert gerðist.
Eigi er ég að segja að einhverjir hafi ekki reynt að klóra í bakkann,
en hjá flestum illa gengið.


Nú Friðrik í Bókabúðinni hefur eigi miklar áhyggjur þótt álverinu
seinki um eitt ár, hann er hlynntur álveri svo fremi sem það
hefur ekki neikvæð áhrif í samfélaginu.
Hann segir okkur hafa verið án álvers frá örófi alda og ef við
deyjum út af 12 mán töf, þá er illa komið fyrir okkur.
Hann segir eina stóra álglýju í augum vorum.
Friðrik er sannfærður að einhver iðnaður komi á svæðið,
hvort sem það verði álver eða eitthvað annað.
Fyrir þá sem eigi vita er Friðrik sá mæti maður í sveitarstjórn
fyrir sjálfstæðisflokk og óháða hér í norðurþingi.

Nú eigi er ég sammála þér Friðrik.
Auðvitað hefur það áhrif ef öllu seinkar um eitt ár, það segir sig
sjálft, kannski verður þá bara ekkert af álverinu,
er það kannski það sem þeir vilja.

Auðvitað hefur álver áhrif í samfélaginu, við getum ekki lokað
augunum fyrir því, í nokkur ár á meðan allt er að klárast og
glýjuglampinn að fara úr augum vorum, verður bærinn okkar
eitt sár, en hvar eru ekki sár þar sem uppbygging fer fram?

Friðrik er sannfærður um að einhver iðnaður komi á svæðið hvort
sem það verður álver eða eitthvað annað, HALLÓ! HALLÓ!
Hvað er að gerast, ég taldi vin minn Steingrím Sigfússon eiga
með húð og hári, setninguna, "eitthvað annað."

Við höfum engan tíma til að bíða eftir einhverju öðru, þegar það
kæmi væru allir fluttir í burtu vegna atvinnuleysis.
Og engin til að versla í búðum vorum.

Tek það fram að eigi hef ég neitt á móti Friðriki, hann er mætur
drengur, en ég er bara ekki sammála honum í þessu.

Aðalsteinn Örn Snæþórsson er í sveitarstjórn fyrir VG.
Hann varar við því að álver geti orðið of stór biti fyrir sveitarfélagið
og samningsstaða sveitafélagana verði engin.
Svipað og kaupfélagið og fiskvinslan forðum, bara miklu stærri.
hann hefði viljað sjá fleiri og smærri einingar.
Hann er eigi á móti orkunýtingu, en vill hlýfa Gjástykki.

Það gæti alveg verið rétt hjá honum, en hægan, treystir hann ekki
mönnum hér til að standa á sínum rétti?

Nú sveitarstjóri vor sá ágæti maður Bergur Elías Ágústsson, stendur
í brúnni og ver gjörðir sem aldrei voru til umræðu að framkvæma, enda
ólöglegar. Hann stendur með okkur öllum sem klettur bara ef við viljum
sjá klettinn fyrir þokunni í okkur sjálfum.

                                      Góðar stundir.

 

Fyrir svefninn

         Til skóla mæta góðir ungar
          til að vitkast betur,
         sálargreyin við skilnað, þungar,
         en við sjáum nú hvað setur.

Fórum að Laugum í dag, þar fór fram skólasetning,
að vanda var hún  gefandi og skemmtileg. Síðan var
boðið til veislu  í matsal skólans, og þarf vart að taka
það fram  að veitingar voru afar góðar.

Mér þykir með eindæmum ljúft að fylgjast með öllu því
sem fram fer í skólanum, og hef ég gert það síðan
englarnir mínir byrjuðu sem nemendur þarna.

                 *********************
Langar líka til að segja ykkur að það er vigtardagur hjá mér
á sunnudögum, og í vikunni sem var að líða missti ég 900 gr.
og er ég bara ánægð með það, þetta eflir mann og styrkir til
að vera enn þá duglegri.

                Alla morgna glöð ég vakna
                en að komast fram úr tekur á,
                alla-vega þess ei mun ég sakna
                er aukakílóin eru frá.

                Stuðningur vina er mér kær
                veitir mér þrek og vilja
                til að færast markinu nær
                og allt í kringum það skilja.

Takk fyrir mig.
                                         Góða nótt.

                                         

Sorgar og hamingju-fréttir

Það stendur ekki á því hjá okkur Íslendingum, að dugnaðarforkar
erum við, er við tökum til við málefnin.
Nú var það glæsimarkaður í Perlunni, til hans gáfu toppfólk sem vildu
láta gott af sér leiða, Ekki var hægt að fá betri stjórnanda fyrir uppboðið,
en Bjarna Ármannsson, hinn eina sanna.
Til  hamingju með þennan góða árangur, enda keppist fólk við að sýna
sig og sanna fyrir öðrum. 

              ************************************
Ég er nú eigi að staðhæfa ,að fólk leggi sig ekki fram við að sinna þörf
á stuðningi hér innanlands, því það eru margir sem gera, en það mætti
vera meira og öflugra.
Ef fólk hefur svona gíganíska peninga, eins og við vitum að margir hafa
því í fjandanum er þá ekki meiri drifkraftur í söfnunum fyrir til dæmis,
Langveik börn, geðræktarfélög, og mörg önnur sem eru í mikilli þörf
fyrir aðstoð.

Við vitum að Ríkið lætur eigi nægilega peninga til þeirra málaflokka sem
þurfandi eru.
Ríkið er allt of fast í gamla kassanum, ekki má fara út fyrir rammann,
En gott fólk það er akkúrat það sem þarf.
Sprengja út rammann og brjóta reglur, setja meira fjármagn í rannsóknir
á nýjum (gömlum) fræðum. það má breyta svo mörgu.
Hvenær hefur kommen sens verið eitthvað nýtt?
Og koma svo, hlusta á þá sem vinna að þessu öllu, kynna sér þörfina,
og láta meiri peninga í rannsóknir á því sem best kemur út.
Að mínu mati eru þeir sem standa á peningunum, eigi í stakk búnir og hafa
ekki hundsvit á því hvar á að setja fjármagnið.
Og þeir eru afar flinkir í því að segja:
,,Haldið ykkur svo innan rammans."


þess vegna tel ég þetta vera hamingja að Jemen skuli fá skóla,

en sorg að eigi skuli takast betur upp hér heima.

                                Góðar stundir.
 

Skólinn er í höfn

Fyrir svefninn.

Ég er nú bara svo hjartanlega glöð eftir þessa tvo daga á
fræðsludögunum, valdbeiting í verki að ég ætla að tala um
þau mál seinna.

Núna kem ég bara með glens og gaman.

Fyrir allmörgum árum, gerðist það norður í Strandasýslu að
frambjóðandi nokkur gisti á afskektum bæ þar nyrðra.
Húsakostur var þröngur og ekkert rúm á lausu, og var
frambjóðandanum boðið að gista í rúmi hjá ungri
vinnukonu á bænum.
Ekki kærði hann sig um það, og kaus frekar að gista í
hlöðunni til að valda ekki hneyksli.
Daginn eftir sá frambjóðandinn vinnukonuna ungu leiða naut
undir kú, en ekki gekk allt sem skyldi.
Þá sagði unga konan: " Hvað er þetta boli, ekki ert þú í framboði."

          Ort um flugfreyjur:

     Flugfreyjurnar finnst mér oft
     flestra óskum svara.
     Þessar elskur upp í loft
     alltaf vilja fara.

Flugnemi einn átti í erfiðleikum með að læra röð
slaganna í bensínhreyfli.
Í tilefni þess orti kennari hans eftirfarandi:

      Sogar, þjappar, sprengir, blæs,
      að skilja þetta er ósköp næs
      en nái ég mér í væna gæs
      ég soga, þjappa, sprengi, blæs.

                 Neminn náði prófinu.

                                  Góða nótt.

Bjóða far, í hvaða tilgangi?

Það gæti verið að þessi maður hafi ekki haft neitt í hyggju,
Eigið annan handa mér, nei líklegast ekki.
Til hvers eru menn að bjóða börnum far sem þeir þekkja ekki neitt,
ég tel,  að það séu ætíð annarlegar ástæður fyrir því, ef ekki þá ættu
menn að hugsa, að það gangi ekki upp að gera svona góðverk
miðað við alla þá umræðu sem er í gangi í dag og brýnt er fyrir börnum
að fara aldrei upp í bíla hjá ókunnugu fólki.

það á að birta myndir af barnaníðingum við allar skólalóðir landsins,
börnin þurfa að geta þekkt allavega þá menn sem hafa náðst.
Það er aldrei hægt að lækna kynhvatir manna.

Það þarf einnig að útskýra fyrir börnunum hvað getur gerst, en ekki
þannig að þau verði hrædd.
Þau verða að geta staðið á sínu er þau segja NEI!
Þau gera það ekki hrædd.
                                           Góðar stundir.

Börn þiggi ekki far hjá ókunnugum

Fyrir svefninn. Valdefling í verki á Húsavík.

þegar ég flutti til Húsavíkur, kynntist ég vel einni vinkonu
Millu minnar, henni Gunnu, hún er þvílíkur fjörkálfur og bara
í alla staði yndisleg  stelpa.
þegar Setrið var stofnað var hún notandi no.1, eins og hún
segir sjálf frá.
Einhverju sinni var hún stödd hjá mér þá hringir gemsinn hennar,
það var verið að kalla alla á námskeið í hláturjóga og hún spyr ertu
með, ég sló til, ætla nú bara ekki að lýsa því hvað það var gaman.
Eftir þetta fór ég stundum í kaffi í Setrið.

Setrið er geðræktarmiðstöð fyrir einstaklinga innan Þingeyjarsýslu
sem búa eða hafa búið við geðraskanir, með þeim afleiðingum að
lífsgæði þeirra hafa skerst.

Setrið er batahvetjandi stuðningsúrræði þar sem unnið er á
jafningjagrundvelli og hugmyndafræði valdeflingar er höfð að leiðarljósi.

Á Setrinu er leitast við að viðhalda hlýju andrúmslofti og umhverfi þar sem
virðing og trúnaður ríkir.
Mun segja meira frá þessari starfsemi síðar.

Vegna áhuga míns á mannrækt af öllum toga ákvað ég að fara á
fræðsludaga sem nefnast valdefling í verki.

Fyrirlesarar á þessum fræðsludögum eru.
Auður Axelsdóttir Iðjuþjálfi og forstöðumaður Geðheilsa-eftirfylgd
heilsugæslu Höfuðborgarsvæðis,
Elín Ebba Ásmundsdóttir dósent við Háskólann á Akureyri,
Steindór J. Erlingsson vísindasagnfræðingur,
Þórey Guðmundsdóttir.
Ásamt fagfólki úr heimabyggð, sem eru.
Unnsteinn Júlíusson heilsugæslulæknir.
Þórhildur Sigurðardóttir, sérkennsluráðgjafi,
Erla Alfreðsdóttir iðjuþjálfi og forstöðumaður Setursins.
Aðalsteinn Júlíusson lögregluþjónn á Húsavík.

Fundarstjóri er Bergur Elías Ágústsson sveitarstjóri.

Þrír aðilar sögðu sögu sína, það var grátið get ég sagt ykkur,
það sem fólk þarf að ganga í gegnum er með ólíkindum,
bæði í sambandi við orsakir geðraskana afleyðingar,eftirfylgni,
barning við kerfið og batann sem er alls ekki auðveldur því
þú treystir ekki á að batinn sé kominn, enda hver veit það
og hver getur sagt með vissu hvort eða hvenær.

Við sátum þarna með kaffi og matarhléum, sem við fengum á staðnum,
frá kl 9.30 til 16.30 og  ég var ekki tilbúin að fara ég vildi vita meira ,
mig þyrsti í meiri fróðleik, fæ viðbót á morgunn en svo mun ég halda áfram
upp á eigin spýtur að fræðast um geðræktarmál, það gerir mann vitrari  um
hvernig maður á að hjálpa til við mannrækt.

                  *******************************************

                      Djúpið.

                      Ég kom til hafsins huggun til að fá
                      hlustaði á djúpsins þunga nið
                      mér fannst um stund þú stæðir mér við hlið
                      það stirndi í sálu minni mynd þína á.

                      mín fíkn var dýpsta holdsins hættu frá
                      ég hrópaði ó gef mér stundarfrið
                      það bergmálaði í bjargsins klettahlið
                      og brimsins rifnu ólgu örveikt já.

                      að baki liggur hyldjúp hulin gjá
                      hughrif okkar vafin þyrnivið
                      að morgni rís ný fegurð innan frá
                      og fangann áþekkt hafsins söngva klið.

                      oft er hafsins hættu ekki að sjá
                      -en hjartans djúp er hættulegra svið.

                                      Hörður Torfa.
                                        í september 1995
                                           af plötunni áhrif.
Góða nótt

Kemur mér eigi á óvart.

Nei þetta kemur mér eigi á óvart, það er verið að spara.
Og sjálfsagt þykir að láta það bitna á heilbrigðisgeiranum
eins og gamla fólkinu okkar.
Er nú líklegast í lagi að bara einhverjir hugsi um það,
jafnvel þeir sem engin skilur og þá er ég ekki að hafa á móti
erlendu vinnuafli, en það þarf að kenna því Íslensku.

              ********************************

Takið til dæmis börnin, þau geta nú bara verið á götunni,
það verður víst tekið við þeim er út í óefni er komið,
svo ég tali nú ekki um alla þá sem vantar liðveislu og hefur
vantað svo mánuðum skiptir.
Ætíð er níðst á þeim sem síst eiga það skilið.

            **********************************

Jæja elskurnar mínar, verð ekki við tölvuna fyrr en seinnipartinn,
er að fara á Fræðsludaga um geðheilbrigðismá.
Það kallast að þessu sinn, Valdefling í verki og er haldin að frumkvæði
og í boði Félags- og tryggingamálaráðuneytisins og að sjálfsögðu í
samstarfi við fagfólk, notendur og aðstandendur í Norðurþingi.
Stendur yfir í dag og á morgun allir eru velkomnir.
þar sem ég hef mikinn áhuga á þessum málum þá ætla ég að drífa mig,
segi ykkur meira frá þessu seinna.

Verndið um sjálf ykkur og sjáið ljósið, það veitir okkur gleði.

Fá ekki að vinna sem sjúkraliðar