ÆÐISLEGT! Við fengum silfrið

Eins og ég hef sagt undanfarna daga þá er silfrið bara gott,
getum við ekki verið þakklát fyrir það?
Ekki hægt annað, þeir eru búnir að standa sig eins og sannar
hetjur, strákarnir okkar.
Fólk segir: ,, það hefði verið gaman ef við hefðum farið alla leið
og unnið gullið", en það verður bara næst, að mínu mati gætir
smá vanþaklætis í þessu.
Við eigum að fagna silfrinu og strákunum okkar sem færðu okkur
alla þá gleði sem við erum búin að þiggja af þeim.

Takk fyrir mig strákar og hjartanlega til hamingju.

            *********************************

Dagurinn í dag byrjaði sko á því að engillinn fór á fætur kl 6.30
ég gat sem betur fer sofið til kl 7 borðaði þá skynsaman morgunmat
litla ljósið svaf eins og engill.
Ég fór aðeins í tölvuna og svaraði kommentum og eins á öðrum síðum.

Fór í morgunn sjæninguna og þá var leikurinn að verða búin ég horfði
ekki á þennan leik vissi að þeir mundu tapa, svo ég hlustaði bara,
enda ekki hægt að komast hjá því í hávaðanum hér á bæ.

Svo vaknaði litla ljósið, vildi aðeins fara inn á latabæ, kom síðan að
borða morgunmat og valdi hún pastarétt afgang síðan í gær.

Núna er hún að reyna allt til að vekja frænkur sínar, en amma segir
nei ekki strax.
Ætla að fara að lesa fyrir hana.

Kærleik og gleði inn í daginn ykkar.
Milla.

Fyrir svefninn.

Æ,Æ, mín synduga sál, þarf að viðurkenna brot sitt, það sem
sálartetrið braut af sér var að hlusta á afar lúmska rödd,
röddin spurði engilinn sinn hvort þau ættu ekki að veita sér
Laugardagsnammi í formi veronabrauðs bara með smurosti,
Jú, jú sagði hann, við fórum að versla í samkaup ég og
tvíburarnir mínir, ekki vantaði grænmetis og ávaxtakaupin,
en síðan var keypt Veronabrauð.
Farið heim og borðað., í miðjum kaffitíma hringir síminn, það
er Milla mín að bjóða okkur í kaffi og vöfflur, en segist jafnframt
hafa bakað heilsu-kryddbrauð.
Takk fyrir elskan við komum.
Nú það voru vöfflur, bláberjasulta og rjómi, einnig þetta fína
kryddbrauð, það þarf ekki að spyrja að því að ég datt enn þá
fastar niður í pyttinn.
Er við komum heim var eldað pasta, litla ljósið verður hjá okkur
í nótt, og eitthvað varð að búa til ofan í snúllurnar okkar.
Ég borðaði að sjálfsögðu smá pasta, hafði í raun enga list á mat,
var komin með hausverk og illt í maganum.

Þar sem ég er að leifa mér, að notast við ykkur sem stuðning við mig
þá verð ég einnig að segja ykkur frá brotunum sem ég frem.
Allt verður að vera upp á borðinu, og það hjálpar mér líka að segja
ykkur frá, þá er ég að opinbera fyrir sjálfri mér, og gera mér grein
fyrir að ég má aldrei gleyma mér, aldrei kaupa eitthvað sem ég
má ekki borða, stilla mig þó mér sé boðið í kaffi.
Það er ekki í boði að fá sér eitthvað sem er óholt fyrir mig.

En það var vigtunar-dagur í dag og hef ég lést um 1,5 kg á þessum
hálfa mánuði, ég tel ekki með þessi 6 sem ég léttist um í
veikindunum mínum.

Hér koma tvær góðar eftir hana Ósk.

              Á leið yfir Fljótsheiði.

              Svona mýrarfen og flóa
              er furðulegt að kalla "heiði".
              Eins og að ganga út í móa
              og ætla að stunda silungsveiði.

              Vandræði.

              Nú er ég enn þá komin í "krísu"
              kvöldið er liðið og búið gaman.
              Ég ætlaði að gera góða vísu
              en gat bara engu troðið saman.

                                    Góða nótt kæru vinir.

Að sína öðrum gleði sína.

Það að koma svona fram og sína í verki gleði sína yfir
einhverju er alveg stórkostlegt, en þetta sem Dorrit
gerði var að sjálfsögðu ekki bara eitthvað, hún var að
fagna sigri Íslendinga á Pólverjum.

Ekki var gleðin minni er þeir sigruðu Spán í gær, og þær
myndir sem birtust á skjánum hjá okkur landsmönnum
urðu til þess að maður bara hágrét með strákunum okkar.
Þeir eru að uppskera eftir mikla vinnu og áralanga
þjálfun. Ég hef ætíð verið stolt af þeim, en núna á ég engin
orð til að lýsa tilfinningum mínum, ég er bæði stolt, og svo
skil ég svo vel gleði þeirra og þakklæti sem í þeim býr fyrir
að ná fram öllu því besta sem í þeim býr.
Til hamingju strákarnir okkar.

             ********************************

það var svo gaman hjá mér í gær, til mín komu tvær konur
önnur var Sigga bloggvina mín frá Akureyri og hin var
frænka hennar Þórsís sem býr hér á Húsavík.
Siggu hef ég hitt áður og Þórdísi er ég búin að þekkja síðan
ég flutti hingað, hún vann hér í Apótekinu.
Nú helt var á kaffi og sátum við og spjölluðum um okkar hugarmál.
Er þær ætluðu að fara að fara, var leikurinn að klárast og ekki var
hægt að sleppa síðustu mínútunum, svo við nutum þess að horfa á
sigurinn saman, höfðum horft á leikinn með öðru auganu meðan við
vorum að spjalla.
Takk fyrir yndislega heimsókn kæru vinur.

             *********************************

Síðan fórum við í búðina að versla ég og snúllurnar, það vantaði svona
hitt og þetta, en aðallega ekki neitt.
þær fengu sér svo pítu í kvöldmat á meðan við gamla settið, borðuðum
kjúklinga-afganginn síðan kvöldinu áður, elska svona kaldann kjúkling.
Við fórum frekar snemma að sofa, eða um 10 leitið.

Knús inn í daginn ykkar kæru vinir.
Milla.

Þegar Dorrit veifaði

Fyrir svefninn.

Já það er nú það, sko vegna færslu hér á undan sem varð
lengri en ég hélt, en mundi hafa gaman af, að þeir sem
áhuga hafa mundu lesa téða færslu.
Mér finnst hún alveg frábær.
Þá kemur hérna smá frá henni Ósk.

     Jafnrétti er það að hæfileikar gildi
     en ekki kynferði.

     Ég trúi á okkar andlegu snilli
     þær afurðir legg ég í dóm.
     Hvort sem að leynist lappana á milli
     lægð eða hengiblóm.

     Ef flett væri upp á mér í gagnabanka
     Íslenskra erfðargreiningar myndi
     þetta standa þar.

      Ef vel þið viljið þjóð
      varist eftir mætti.
      þrjóskt og montið þráablóð
      er þrífst á níðingshætti.

                    Góða nótt.

Á fjörur mínar rak gullmoli.

Látið yður eigi fyrir þykja að eg spyrji hvað
þér mæltuð til mín, því að eg man eigi gerla.

Hér eru hittir hinir þykkheyrðu og þeir sem trúa ekki tíðindum
ennfremur þeir sem vilja samsinni og síðan þeir sem heyra þótt
þeir látist daufir. hugað er að óbreytanlegu smáorði og kynnst
tilhlýðilegu athæfi og réttu orðfæri við konungshirð.

Ha segjum við stundum þegar við heyrum ekki hvað sagt er við
okkur, og ætlumst þá til að viðmælandinn endurtaki orð sín.
Það gegnir eiginlega svipuðu hlutverki og bakk-takkinn á
segulbandi eða myndbandstæki.
það er líka til að við segjum ha til að láta í ljós undrun, þótt
við höfum heyrt ágætlega hvað við okkur var sagt, og gefum
þá til kynna að okkur sé það sem sagt svo framandi  að nú
þurfi að endurtaka til að við skiljum almennilega,--líkt og þegar
Njáll var á þingi og fékk frétti af vígmennsku Þórðar sonafóstra síns,
og ,, lét segja sér þrim sinnum". hlýtur þá Njáll ekki að hafa sagt ha?

Ha er líka notað þegar menn vilja fá svar við einskonar spurningu,
þó einkum jákvætt svar, sem getur þess vegna falist í því að svara alls ekki.
Spurningin er þá eiginlega bara í plati, kennd við ,,retorík" í latínu, og mætti kalla málskrúðsspurningu hjá okkur: ,,ætli henni líkist ekki líka á mig, ha? spyr Egill
vonbiðill föður sinn í Manni og konu, og ætlast til að sér sé samsinnt.
Stundum getur ha-ið líka falið í sér að sá sem notar það hafnar eða neitar
staðreynd eða bón, til dæmis langdregna ha-ið, haaaaa..., oft með litlu
e-hljóði í endann. Þetta dregur eiginlega í efa að það sem sagt hefur verið
hafi í raun og veru verið sagt og losar þar með þann sem hlustar undan allri
skyldu og tilætlan: reyndu aftur! einsog tölvan segir stundum við mann.
Ha? er afar daglegt mál, en líka furðulegt orð að mörgu leiti og fyrirbrygði
í náttúrunni eða umhverfi.
Það er hægt að segja hestur og benda á hest úti í haga og segja: ,,Hér er hestur"
en það er ekki hægt að benda neins staðar á ha og segja: ,,hér er ha"
Orðið er alltaf eitt sér og hefur merkingu, og er þannig öðruvísi en önnur
smáorð, í-á-eða-og, sem næstum aldrei geta staðið út af fyrir sig.
Orðið er er notað eingöngu í þágutungumálsins sjálfs, sem hjálpartæki í samræðunni,
og er eiginlega á mörkunum þess að teljast vera orð.
Málfræðingar flokka það sem upphrópun, en það er samheiti á ýmsum fyrirbrygðum sem málfræðingar vita ekki alveg hvernig á að flokka.
Ein kenningin um uppruna er- auðvitað- sú að ha sé orðið til úr hvað einhvern tíman í fyrndinni,
sé einhverskonar stytting. Reyndar merkja setningarnar hvað? og ha? ekki endilega
það sama. Að minnsta kosti getur hvað? varla komið í stað ha? í spurningunni hans Egils úr Manni og konu, og hvað? hefur það umfram ha? að með því er hægt að spyrja
um einstakt atriði úr tali annars á sama hátt og hver?-hvaða?- hvenær?
Nú eru orðin mjög lík aftur í fornnorrænu, vegna þess að hvað var þá borið fram með
sunnlenskum framburði, w-i eins og í ensku.
Þessi hljóðbreyting hlyti hinsvegar að hafa verið einstæð, sem hljóðbreytingar eru allajafna ekki, og að auki furðulega lífsseig.
Þetta orð ha er hinsvegar til alveg eins og í svipaðri merkingu í færeyskri
og nýnorsku og sænsku og dönsku, og það vekur líka efasemdir
um skyldleika við hvað, að svipað orð ha-inu er líka til í ýmsum tungumálum utan Norðurlanda, að vísu annarra merkingar en hjá okkur.
Íslenska ha-ið virðist annars ekki láta hljóðbreytingar annarsstaðar í tungumálinu
á sig fá yfirleitt. Það gerðist á fyrri öldum í málsögunni að gamalt langt a varð að tvíhljóða:á.
Íslendingur sem fyrir breytingu hét ,,A-a-arni Jo-o-onsson" hét eftir breytingu ,,Áúrni Joúnsson". Og samkvæmt því hefði gamalt ha? með löngu a-i, átt að verða að há í nýíslensku,
alveg eins og önnur svokölluð upphrópun, ,,j-a-a," varð a' ,,j-aú", já.
Það er ekki raunin, þótt það formhafi sýnilega orðið til fyrr á öldum-- í orðabók Cleasbys og Konráðs segir að fyrir austanhafi verið til tvíhljóð í orðinu ha frámá næstsíðustu öld.
En það týndist aftur, og ha? varð áfram ha?
Það er líka sérkennilegt að hljóðin í þessu orði, sem hlytir ekki forsjá almennra hljóðbreytinga,
eru eins einföld og hægt er í nokkru tungumáli.
Í rauninni er hjér bara eitt hljóð, a sem fyrst er borið fram á röddunnar, næstum hvíslað,
og síðan raddað einsog sérhljóð á að vera. Og þetta sérhljóð er að auki sérkennalausast sérhljóðanna-- öll hin eru kringdari eða lokaðri eða frammæltari en a-ið, sem eiginlega er einhverskonar frum-sérhljóð. Fræðimenn um barnamál segja að á fyrsta stigi
málþróunar skynji börn aðeins mun tveggja hljóða, Sérhljóðsins og Samhljóðsins,
og það er enginn tilviljun að þetta eina Sérhljóð barna er túlkað sem a í tungumáli fullorðinna:
Í fyrstu orðunum sem börn mynda greinist Samhljóðið frá Sérhljóðinu með því að hljóðstraumur
úr opnum munni er rofinn með því að loka munninum: ma-ma, ba-ba eru á þann hátt
fyrstu orðin sem börn gefa merkingu úr hjali sínu.
Þetta gefur í skyn að ha-ið sé af annarri gerð en venjuleg orð, og að það kunni að vera tilviljun
að orðið hvað? líkist ha? í okkar máli.
Getur verið að undirstaðan sé hermiorð, þar sem líkt er eftir tali manna?- á svipaðan hátt og menn babbla með bla-bla? Með því að herma eftir tali annars væri þá í rauninni
verið að byðja viðmælanda um endurtekið tal, annað hvort það sama og hann sagði áður eða
 það sama og mælandinn var sjálfur að láta út úr sér.
Þegar Egill segir ha? við föður sinn úr Manni og konu er hann með nokkrum hætti að biðja föður sinn að endurtaka það sem Egill var nýbúinn að segja, að Sigrúnu hlyti að lítast á sig.
Ágiskanir af þessu tagi hafa þann galla að erfitt er að smíða úr þeim haldbæra kenningu, en að vísu þann kost að verða seint afsannaðar.
Þessi ,,bakktakki" ha-ið, lýsir tilætlunarsemi og er ekki sérlega kurteisislegur, enda oft-oftast?-
aðrar ástæður að baki ha-inu en sljóvgan heyrnar. Þetta má sannreyna með konungsskuggasjá, kennslubók í mannasiðum og stjórnfari sem sett var saman í Noregi á
því méli að heldrimenn voru að temja suðræna hattprýði. Það eru meðal kennslugreina
leiðbeiningar um það hvernig ráðlegast er að haga sér við hirðina, og þar er lesandi
áminntur um að læra tryggilega hversu gengið skal fyrir konung.
Skaltu þá:

     Hendur (...) þínar svo láta liggja er þú stendur nærri konungi að
     hin hægri greip spenni um hinn vinstra úlflið, og lát síðan hendur
     þínar í tómi rekjast niður fyrir þig, sem þeim er hægast.

alveg eins og fyrirmenn gera ennþá á myndum af sér í blöðunum.
Síðan á maður að hneigja sig ,,lítillátlega" og heilsa með þessum orðum: ,,Guð gefi góðan dag herra konungur." Þá er á það hlýtt sem jöfur hefur að segja, og svo kemur þessi ráðlegging:

    En ef svo kann til að verða að konungur mælir til þín nokkur orð
    þau er þú nemir eigi, og þarftu annað sinni eftir að frétta, þá skalt
    þú hvorki segja ha né hvað heldur skalt þú ekki meira um hafa en
    kveða svo að orði: ,,Herra!" En ef þú vilt heldur spyrja með
    fleiri orðum: ,,Herra minn! látið yður eigi fyrir þykja að eg
    spyrji hvað þér mæltuð til mín, því ég nam eigi gerla." Og lát
    þig þó sem fæstum sinnum það henda að konungur þurfi oftar en
    um sinn orð herma fyrir þér áður en þú nemir.

Semsagt: Ekki ha? við kóngafólk.

Þetta er einn kafli úr bókinni Málkróka, sem rak á fjörur mínar í gær.
Bókin er eftir Mörð Árnason og telur þætti, um Íslensku --ambögur,
orðfimi og daglegt álitamál.
                                          Góðar stundir.

 

Gullach súpan mín.

Þetta er nú meira ruglið, af hverju get ég ekki farið að sofa lengur
svona í ellinni? Bara skil það ekki, jæja þýðir ekkert að fást um það.

Brynja var að falast eftir gullach súpu uppskrift og hér kemur hún.
Sko þetta er bara gamla uppskriftin mín og hefur hún ætíð vakið lukku,
en sjálfsagt eru til einhverjar betri.

1 kg nautakjöt í litlum bitum, steikið vel á pönnu og allt kriddið með
síðan er það sett í pott.

1/2 st kúrbít
2    st sellerý-stöngla
1    pk gulrætur
1    pk perlulaukur( líka til frosinn en ekki eins góður.)
3 st Chilly
2 st paprikur

Grænmetið er allt skorið í bita og steikt smá á pönnunni
sett svo smá vatn út á til að ná öllu kriddinu, svo í pottinn.

Kriddið er, svartur og rauður pipar, kóríander, paprika, salt,
                 Og góður nautakjötskraftur.
Ég mundi setja 1/2 tesk af öllu á pönnuna síðan kryddið þið
eftir ykkar smekk og það má líka setja Chillý duft ef þið viljið,
en allt þetta þarf að smakkast til.

Síðan eru settir 2 l af vatni og ein dós af tómatpaste.

Má setja þeyttan rjóma út á hvern disk og svo er gott brauð
afar gott með, til dæmis olífu osta brauð, til í bakaríinu.

Ég geri er mikið liggur við, snittubrauð sem ég sker eftir endilöngu
fylli með smurosti, hvítlauk, svörtum olífum og sólþurkuðum tómötum.
gott er að saxa niður hráefnið og blanda því í smurostin og fylla
svo brauðið, hitað í ofni.
                                          Bon apetit.

Kveðjur
Milla.

Fyrir svefninn.

Englarnir mínir frá Laugum komu í dag og ætla að vera hjá
okkur í nokkra daga áður en skólinn byrjar.
Við fórum saman í búð, versluðum kjúkling í kvöldmatinn,
og svínalundir til að hafa á sunnudaginn, með því ætla ég
að hafa kartöflusalat sem aldrei bregst.
Í því eru kartöflur, sólþurrkaðir tómatar, laukur, paprika,
maísbaunir, og dass af olíu. Og svo hef ég gott salat.

Engillinn minn fór í berjamó til að tína krækiber settum í
frystir, það er afar gott að eiga þetta út í hafragrautinn,
salat, skyr og bara allt mögulegt.

Ég hef ekki verið mikið að kommenta í dag hef bara ekki
komist yfir það, reyni að láta heyra í mér á morgun áður en
þær vakna englarnir, en ætíð er þær eru þá eru hin ljósin mín
hér líka, þær eru svo miklar frænkur og vinkonur, það er nóg að
gera og mjög gaman hjá mér.

Ein góð eftir hana Ósk.

                  Ef til mín fengi svo tignan gest
                  tæki ég sparifötin mín,
                  leiddi svo til hans lipran hest
                  og landakút meðan sólin skín,
                  svo þegar húmar hugur berst
                  að heimasætu með brosin sín,
                  því höfðingja slíka heillar mest
                  hestar, konur og brennivín.

                                     Góða nótt.
                 

Súpur og smá tips.

Eins og margir vita eru pakkasúpur ekki hollar sökum
rotvarnaefna og salts sem sett er í þær.
Fyrir utan að mér persónulega finnst þær vondar nema að
maður bæti þær með kryddi smjöri og eða rjóma, þess vegna
laga ég al oftast mínar súpur sjálf.
bestar þykir mér þær þykkar að grænmeti og kjöti ef maður vill
nota það.
Hér er uppskrift að einni sem ég elda oft.

1 st. laukur
3 st. Sellerí stilkar
8 st. kartöflur.
1 st  sæt kartafla
4 st. gulætur
1 st. rófa.
1/2 h. hvítkál
1 st. blómkál
6 st hvítlauksrif.
1 ds. tómatar.
1 ds. tómatpurre
2 l. vatn
eftir smekk að grænmetiskrafti.
Allt skorið í smátt, sell í stóran pott, soðið í 25 mín.

Út í þessa súpu er hægt að setja að vild, lamba, nauta eða svínagúllas.
einnig er hægt að breyta grænmetinu að vild og setja pasta og steikta
kjúklinga bita, bringur.
Gott er að bera speltbrauð með, eða hvaða brauð sem hver og einn vill.

Hér kemur önnur, hún er aðeins hitaeiningameiri.
En það er allt í lagi svona spari.
Tælensk súpa.

500 gr. k. bringur.
250 gr hvítkál gróft skorið.
150 gr gulrætur í strimlum.
1 st Paprika þunnt sneidd.
smá olía til sleikingar.
2 tsk. rautt karry pasté.
2 mask. ostrusósa eða fiskisósa.
ca. 1 l.kókósmjólk.
1-2 mask. sweet hot chilly sósa

allt hráefni steikt í djúpum potti kryddið sett út í
síðan mjólkin, látið malla í 10 mín.
bragðbætið eftir smekk með sama kryddi.
líka borið fram með góðu brauði.

Á eftir þessum súpum þarf ekkert nema góðan kaffibolla
og eitt konfekt með.
                                         Verði ykkur að góðu.

Seinagangur á afgreiðslu mála eftir skjálftana

Það vantar ekki stóru orðin, fólk verður vongott, en ekkert gerist.
þessi hjón sem um ræðir í fréttinni gátu farið og keypt sér annað hús,
en það eru ekki allir sem geta það.

Á meðan fólk bíður skapast óöryggi sem veldur enn þá meiri streitu
í viðbót við það áfall sem það fékk í skjálftanum og þeim sem á eftir
komu því mikil óvissa var um hvort að kæmi einn stór í viðbót.

Á meðan fólk er að ná sér eftir áfallið, ef það er nú bara nokkurn tímann
hægt, þá ætti það eigi að þurfa að hafa áhyggjur af hvar það ætti að
búa í framtíðinni.

Árið 2008 er kerfið ennþá svo seint í vöfum að það er með ólíkindum,
geta þessir menn bara ekki leyst þetta strax, hafa þeir engan skilning,
nei þeir hafa hann ekki því þeir búa öruggir í sínum fínu húsum, með
sín fínu laun og láta vandamálin líða hjá eins og skýhnoðra á himni
sem snertir þá ekki. þannig er með allt á landi voru.

Geta þeir ráðherrar og þingmenn sem mest heyrðist frá í hörmungunum
haldið áfram að láta heyra í sér, eða kannski ætla þeir að herma eftir Buch
Hann lofar ætíð öllu fögru, en minna er um efndir, hann er ekki ennþá
búin að efna brot af því sem hann lofaði fólkinu í New Orleians
                                           Góðar stundir

Tjón: „Þetta er bara skrípaleikur“

Fyrir svefninn.

þegar ég kom úr sjúkraþjálfun í morgun var ég afar þreytt,
en það þurfti að fara í búðina, það kom nefnilega í ljós í morgun
að bláberjasultan var bara lap, þannig að það vantaði meiri sultuhleypir,
í leiðinni var keypt ýmislegt sem vantaði í grænmetissúpuna sem ég ætla
að elda á eftir, ég borða nefnilega ekki pakkasúpur.

En áður en við fórum í búðina skrapp ég niður á Pósthús og sendi pakka
til konu einnar hér í bæ, mamma mín gaf konunni sjal fyrir margt löngu,
en vildi svo fá sjalið lánað er við fórum suður í brúðkaupið, hún hélt
nefnilega þessi elska að hún kæmist í brúðkaupið, en hún kemst ekki orðið neitt.
Þessi pakki var búin að angra mig lengi, vissi ekki alveg hvernig ég ætti að koma
honum til konunnar, gat ekk hugsað mér að fara sjálf því ég er ekki velkomin á 
þetta heimili, " Ástæðan er, að ég er svo vond kona".
Við viljum eigi lifa með henni í kærleika, trú og gleði. 
Karmað í kringum mig og mína er illt og ég er svo vond við engilinn minn
að eigi er hægt að bjóða börnum eða fólki yfirleitt upp á það.
Ekki gat ég blandað öðru fólki inn í málið, enda er það allt í ónáð líka,
sko mitt fólk.

Nú er við vorum búin að fara í búðina fór ég upp í rúm og svaf í þrjá og hálfan tíma
vaknaði vel úthvíld og glöð.
Þegar ég kom fram var engillinn búin að setja hleypir í sultuna og setja hana aftur
í krukkurnar loka og upp í hillu í búrinu voru þær komnar.
Áðan komu svo litla ljósið og Milla mín, litla ljósið þvoði að vanda pallinn og húsgögnin
með borðtuskunni, fékk síðan úðakönnuna sína til að vökva blómin, en ég held
að hún hafi mest ausið á tásurnar sínar.
Núna er súpan búin að malla í 30 mín svo best að fara að borða.

Einum of að vakna kl 4 að nóttu.

Engillinn minn vaknaði kl 4 og það var rafmagnslaust,
fjandinn hafi það rafmagnið verður að vera komið á kl. 6.
svo gat hann eigi sofnað fyrir áhyggjum og spenningi, og
það hélt líka fyrir mér vöku, en ég dottaði annað slagið.
Nú situr hann fyrir framan imban, og er of spenntur til að
fá sér morgunmat.
Ég er að fara í þjálfun kl.8. er búin að borða morgunmat,
sem samanstóð af brenninetlute, tveimur spelt hrökkb.
m/smurosti og lot of paprika, + hálfan banana +sítrónuvatn.
Læt heyra í mér eftir þjálfun.

Fyrir svefninn.

Ass, búin að vera bara þreytt í dag, ofgerði mér í gær, en það
er allt í lagi það var svo gaman hjá okkur.
Þurrkaði nú samt af og moppaði yfir allt, það er svo fljótt að koma
ryk, hafið þið orðið vör við það, eða er þetta bara hjá mér?

Fórum í kaskó í morgunn til að kaupa sykur í bláberja-sultuna
og eitthvað meira, síðan sultaði engillinn minn,
sett allar krukkurnar í vélina áður en hann jós sultunni í krukkur
sem enduðu í að verða 24. Æðisleg búbót.

Fórum síðan til Ódu að ná í rabbararann sem eins og ég sagði
um daginn
                        Hún rabarbara fór og hirti
                        hún lét mig vita að,
                        hún sett hann, hefði í frysti
                        hún áður skar hann í spað.

Eins og ævilega er við hittumst höfum við um nóg að spjalla,
núna voru það jarðskjálftar, aftur í 1934, síðan var það gömul
og góð matargerð, af ýmsu er nú að taka í þeim málum.
          ************************************
Smá um mína matargerð, er ég er að tala við vini og vandamenn
þá er okkur tíðrætt um matargerð, það er nú okkar hjartans mál,
finnst ykkur það skondið?
Nei Nei sko núna er talað um heilsusamlega matargerð.
Ég til dæmis, steiki aldrei grænmeti upp úr olíu, heldur bara
eigin safa heldur aldrei hakk eða kjöt, aldrei fisk heldur,
og er ég segi frá þessu verða margir hissa.
Það er miklu betra að nota frekar dass af olíu út á matinn heldur
en að steikja upp úr henni.
Maður á heldur ekki að brasa neitt því það er bara vont, maður grillar,
sýður, gljáir, gufusíður og bakar í ofninum.
Þetta er afar auðvelt er maður byrjar og miklu betra.

Mér gengur afar vel, er alveg hissa hvað í raun þetta er auðvelt,
en tek það fram að engillinn minn styður mig og borðar líka það
sem ég borða, ég hef heldur engin börn að taka tillit til í matargerðinni
Við förum saman í búðina og það er ekkert keypt inn sem má ekki borða.
Stuðningurinn og viljinn er allt sem þarf.

                                        Góða nótt

Er nú pólitíkin loksins orðin sorgar-gaman leikur.

Hefði talið að Ólafur F. Magnússon mundi nú bara hætta í tíkinni,
en nei nú er það vilji hans að troða sér inn hjá frjálslyndum og
þeir taka lengi við og láta stjórnast af hinum ýmsu persónuleikum.
Ætla hreint að vona að hann komist eigi á þing því þá bætist enn
ein leiðindaröddin sem hljómar út frá þingsölum.

Það var sú tíð að ég var að huga að því að kjósa Frjálslynda, en nei
hugnaðist eigi gunguhátturinn í formanninum, að láta svona menn
eins og Magnús Þór, Jón Magnússon og Kristinn H. Gunnarsson
vaða uppi og breyta og bæta eftir sínu höfði, nú og svo ætla þeir
að innleiða Ólaf F. í flokkinn það er nú til að kóróna það allt saman.

Ég hef aldrei upplifað annað eins rugl koma frá neinum manni eins
og honum, þarf ég nú ekkert að hafa það eftir hér,
það vita þetta allir. Maðurinn er bara eitt í dag og annað á morgun.
Maður hugsar þetta er nú meiri sorgin, næstu mínútu er maður farin
að hlæja að leikritinu sem er í gangi hjá þessum manni.

Hverjum er treystandi, og hvern ætti maður að kjósa næst.

Ólafur F. til liðs við Frjálslynda flokkinn

Fyrir svefninn.

Ætla nú að segja frá deginum í dag, fórum á Eyrina eins og
ég sagði frá í gær.
Ég ljóskan sagði við Dóru, að við yrðum komin að sækja hana
fram í Lauga kl 7.45, svo snemma sagði hún, já ég vill bara
hafa rúman tíma, hún allt í lagi.
Kl. 6,45 sagði ég við Gísla: ,, Jæja þá er ég tilbúin," ha! strax,
var hálftíma of snemma í því, settist og las blaðið.
Lögðum síðan af stað 7.15 Dóra kom labbandi á móti okkur
síðan var ekið til Akureyrar er þangað komum var kl. 8.15 í
staðin fyrir að nóg var að vera komin 9.15,
ég hafði feilað mig um klukkutíma í upphafi og engin sagði neitt,
Það þorir kannski engin að segja neitt við ljóskuna,
þetta kostaði kaffi og brauð við brúnna, ég fékk mér reyndar bara
skinkuskikki og vatn.
fórum síðan upp á sjúkrahús Gísli í ómið, með Neró í snyrtingu upp
á Dýraspítala, skildum hann eftir og fórum að versla, bara í matinn
maður fékk náttúrlega æði að komast í svona snyrtilegt grænmeti
hingað senda birgjarnir bara lélegt grænmeti og ekkert úrval.

Fóru svo að sækja prinsinn, hann var ennþá svo  sofandi að hann
slagaði, litli ræfillinn hennar ömmu sinnar, en svo fínn.

Síðan í kaffi til Ernu bloggvinkonu okkar Dóru, þær eru búnar að vera
vinkonur í 28. ár. Æ,Æ. fjandi er ég orðin gömul er ég segi þetta.
Að koma til Ernu og Bjössa er bara gott í alla staði, þau eru bæði
hjartahlý og afburða skemmtileg, takk fyrir mig.

Ég hitti líka Grétu hún er búin að opna make up Gallerý á Glerártorgi,
yndislegt að hitta hana, og mun gera það oftar.

Hitti svo Helgu skjol í Nettó gaman að sjá hana þó spjallið væri stutt.
en töluðum um að hittast fljótt.

Fórum síðan niður í bæ og hittum Huld í nýju búðinni glæsileg búð,
alltaf gaman að spjalla við Huld, hún kom svo út í bíl að heilsa upp á
Gísla og Neró hundakonan sjálf varð að sjá hann.

Heim, en Dóra og Gísli urðu að fá Brynju ís á leið úr bænum,
ekki mín deild.
Elsku englarnir mínir tóku á móti okkur á hlaðinu á Laugum er Þangað
komum. Ég elska þessar stelpur, þær eru bara frábærar í alla staði.

Rétt áðan komu svo ljósálfurinn minn og litla ljósið með vinkonu
heilsa aðeins upp á ömmu og afa og sjá Neró.
Að fá elskuna frá þeim sem eru manni svona kærir, er bara ljúft.
Getur maður farið fram á betri dag.

Munið að jákvæðni, kærleikur og gleði gerir gæfumuninn.

                                         Góða nótt.

Fyrir svefninn.

Þeir fóru í berjamó í dag engillinn og tengdasonur minn elskulegur,
á sjálfsögðu út á Tjörnes og fengu helmingi meira af berjum
í dag heldur en í gær, svo það eru komnir 8 l. af berjum.
Mun sulta úr því á þriðjudaginn, því við erum að fara til Akureyrar
eldsnemma í fyrramálið, Gísli er að fara í einhverja ómskoðun.
Dóra mín mun fara með okkur, og eitthvað verður útréttað.
Biðja ykkur um að lesa pistilinn um laxerolíu og nytsemi hennar
hér á undan, hann er góður fyrir alla að vita.

             Að halda við hagmælskunni.

             Arfleifð megum aldrei týna,
             enda sést á vorum þingum
             að það að láta ljós sitt skína
             líkar flestum hagyrðingum.

             Slæmar horfur.

             Dregur að elli, dofnar sex,
             dapurt er það að vita.
             Andinn rýrnar, ekkert vex
             annað en miðjufita.

Þessar eru eftir hana Ósk.

                              Góða nótt við heyrumst annað kvöld.
              

Laxerolía og nytsemi hennar.

Ekki er hægt að kynna sér alþýðuheilsufræði í mörg ár án
þess að fá áhuga fyrir laxerolíu vegna þess, hve margvíslega
lækningahæfileika hún hefur.
Þá á ég ekki við hin gamalkunnu innvortis áhrif sem allir þekkja,
heldur útvortis, á húðina og vefina undir henni.
Notkunarvenjur laxerolíunnar eru þessar.

Við vörtum er hún borin á og nudduð vel inn,
eftir nokkrar vikur er vartan horfin og það sama gildir um fæðingarbletti.

Hún er afbragðs góð á geirvörtur kvenna sem eru með barn á brjósti,
einnig á nafla ungbarna ef hann grær seint.

Á útvortis æxli, og ef auga er rautt og aumt er gott að láta leka einn dropa
í það.

Ef hárvöxtur er lítill á börnum er það heillaráð að bera olíuna í hárið
tvisvar í viku, alllangan tíma.
Á augabrúnir og augnhár þrisvar í viku fyrir svefn, gerir gæfumun,
það sama gildir um hár fullorðinna.

laxerolía er einnig góð á sár, skurði, skeinur og frábær tilmýkingar
gyllinæð.

þreyttar fætur heillaráð að nudda vel af olíunni inn í fætur og sofa
síðan í háum sokkum sem ekki halda að fótum og leggjum.
Hún mýkir líka líkþorn.

Er ég var yngri þá þjáðist ég af miklum handaþurrki sem orsakaði
sprungur og skurði, ég bar á mig olíuna og setti upp bómullarhanska
og svaf svona, ég veit þetta er ekki sexí en það er heldur ekki sexí
að vera með blæðandi sár á höndum og fótum.

Þegar Dóra mín var lítil þá var hennar hár hrikalega þunnt og lengi
að vaxa, tók mig til einn daginn og nærri snoðaði litlu stelpuna mína
bar svo í hana olíuna, hún fékk afar fallegt og þykkt hár og er með
það enn þá. laxerolían var ætíð til á mínu heimili, því hún er allra
meina bót, SKO, útvortis.

Ég hef sannfærst meir og meir um gildi notkunar olíu yfirhöfuð,
umhugsunarefni er að alþýðuheilsufræðin er sprottin upp úr
gnægð tiltækra varna og lækningameðala sem náttúran hefur upp
á að bjóða. Olíur eru í jurtum hvar sem litið er.
Ef við áttum okkur á því að náttúran er alvitur,
þurfum við eigi að spyrja okkur sjálf, hvort þetta eða hitt komi að gagni.
Náttúran sér fyrir því.
                                       Gangi ykkur vel.
                                            

Árla á sunnudagsmorgni, þvílíkur friður.

Sporðdreki: Þú getur ekki verið öllu fólki allt.
Veittu það sem þú vilt veita og getur veitt.
Gefðu það sem þú vilt sjálfur fá, það sem þú
telur stórkostleg og öðrum finnst það líka.

Er ég settist að morgunverði  5.30 í morgunn og horfði út um
gluggann og leit yfir Skjálfandann yfir í Kinnafjöllin sem sólin
var sífellt að verða bjartari yfir, fann ég hinn innri frið, fylltist
krafti og eldmóð, ekki í fyrsta skiptið, krafturinn og dulúðin yfir
þessum fjöllum er engu lík, þú getur horft á þau tímunum saman
og þau eru aldrei eins, enda tel ég að þarna búi allt það sem í
náttúrunni býr sem við aldrei augum lítum, eða þannig.

Svo opnar maður blöðin síðan í gær, jú og les og les, þar til síðan
kemur með ruglinu.
Hvernig í ósköpunum er hægt að framhalda öllu þessu rugli.
Af hverju heyrðum við aldrei línu Ólafs áður, fyrst núna erum við
til dæmis að heyra að hann hafi viljað bíða með að kaupa gömlu húsin,
að hann hafi boðið að Magnús Þór yrði aðstoðarmaður hans líka,
skildi hann líka hafa boðið að tala við fólk og meðstjórnendur áður
en hann réðst í að reka og ráða fólk jafnframt því að framkvæma upp
á sínar eigin spýtur.

Björn Ingi snýr ekki aftur, bauðst honum það? það hefði nú verið
hápunkturinn, ég meina það eru engin takmörk?
Eitthvað eru þeir í vandræðum í framsókn þurfa aftur í 4 sæti til að fá
hugsanlega, einhvern á bak við Óskar, það gengur eigi betur en síðast
er Margrét neitaði að bakka upp Ólaf og er ég eigi undrandi á því.

Jakob og Gunnar Smári halda áfram, það er nú kannski eins gott þá þarf
ekki að borga  þeim biðlaun ofan á öll önnur útgjöld varðandi mesta endemis
rugl sem uppi hefur verið.

Eitt en nefni ég hér sem að mínu mati er stór blettur á okkar þjóðfélagi,
lygin og aftur lygin, allir segja eitthvað slæmt um hvort annað,
getur aldrei neinn axlað sína eigin ábyrgð og komið fram og sagt
sannleikann, nei því öllu þessu fólki er stjórnað eins og strengjabrúðum.
Það er kannski bara ekki búið að fatta það enn.

Dagur að kvöldi kominn.

Nú en dagurinn í dag er búin að vera afar góður, við fórum í búðina
að ná okkur í grænmeti, er ég steig út úr bílnum kom hlaupandi
litið ljós, í bleikum ballettkjól, vafði handleggjunum um hálsinn á ömmu
sinni og sagði amma mín, Hún var með pabba og voru þau að sækja
mömmu sem hafði skroppið aðeins í vinnu, þeir töluðu aðeins saman
karlar og ákváðu að fara í berjamó eftir leikinn.
Það gekk nú ekki svo vel er til kom, þau voru ekki orðin nógu þroskuð,
en þeir ætla að fara annað á morgun og athuga annað svæði.

Núna er engillinn minn að hreinsa þau ber sem hann kom með.

Nú við vorum síðan í mat hjá þeim, fengum við ferskt kjúklinga salat
með mangó og sýrðum rjóma bl. saman og speltbrauð með, ÆÐI.




Er hún ekki yndislega falleg þessi mynd, þær eru að vaða í
Reykjadalsánni englarnir mínir, en eins og þið sjáið þá er
landsslagið dýrðlega fallegt.
Svona er allt hér norðan heiða



 


Þetta er mynd af berjunum sem þeir áttu að tína, en eins og þið sjáið þá eru
þau ekki nægilega þroskuð, en falleg eru þau.








Það er nú ætíð sama sagan með ljóskurnar þær muna aldrei neitt,
og hér kann é ekki að hækka upp myndirnar, svo þetta verður bara að vera svona.

Vitið þið að laxerolía er allra meina bót, en meira um það seinna.

Nú fer að koma að smalamennsku, svo þessi eftir hana Ósk er við hæfi.

             Göngur og réttir
           
             Heima er farið til fjalla
             í fyrstu þeir glaðir spjalla
             það ergir margt geð
             að eltast við féð
             þá fer nú að fara um kalla.

             Við pyttluna piltarnir daðra
             þá prúðmennið verður sem naðra
             en kindunum tveim
             koma þeir heim
             og kæra svo hverjir aðra.

                               Góða nótt.

Ekki hafa áhyggjur segir stjörnuspáin.

Stjörnuspáin mín í dag er stórfurðuleg, ef ekki bara
tilætlunarsöm, hvernig er hægt að ætlast til að ég
sætti mig við minna, en meira en allir geta.
Skil það nú bara eigi.
Hérna sjáið þið stjörnuspánna, og dæmið nú.

Sporðdreki: Skrýtnar spurningar velkjast um í huga þínum,
eins og: er einhver að hlusta á mig? Ekki hafa áhyggjur.
Hver og einn veitir þér þá athygli sem hann getur.

Auðvitað hef ég áhyggjur, það er nú ekki nægilegt fyrir mig að fólk
sýni mér þá athygli sem það getur, heldur á það að gera betur en
það getur. Punktur basta.

Sjáið nú til, kona eins og ég sem er ætíð að gera betur en hún getur,
hefur ávallt rétt fyrir sér í einu og öllu, spreðar visku sinni, kærleika,
gamansemi, skrýtnum skoðunum á hinum ýmsu málum.
Það getur engin efast um að fólk eigi að sýna henni meiri
athygli en það getur.

Ég er til dæmis hundóánægð með borgar og bæjarmál, landspólitíkina,
dóma Hæstaréttar, ofbeldi á konum og börnum, einelti bæði barna á börn
og kennara og annarra þeirra sem huga að börnunum okkar, því ekki
er eineltið minnst í þeim geira.
Vitið hvað ég gæti ritað í allan dag um þessi mál, en þar sem svo margir eru
búnir að gera þetta allt að umræðuefni og ekkert gerist þá held ég að ég
sitji hjá í þetta skiptið.

Langar samt til að biðja ykkur þar sem skólarnir eru nú að byrja,
hlúið að börnunum ykkar, þeim er hætta búin ef þið komið eigi út úr glerhúsinu
og látið af feluleiknum, það er ekki allt eins gott og þið haldið að það sé.
Og í þessu ætla ég að vera svo tilætlunarsöm að fara fram á að þið sínið meiri
athygli en þið getið.
                                      Góðar stundir.

Fyrir svefninn.

Þetta er nú búin að vera meiri dagurinn, vaknaði eldsnemma
til að fara í þjálfun, sagði ég þjálfaranum mínum frá því sem
hefði gerst með veikindi mín og að ég hefði tekið ákvörðun um
lífstílsbreytingu, hún var að sjálfsögðu ánægð með það,
hún sagðist vera tilbúin að setja saman æfingaprógramm
fyrir mig um leið og ég væri tilbúin, já takið eftir, "tilbúin"
Sko er búin að vera hjá henni í 3 ár og allan tíman vissi hún
að ég var ekki tilbúin, var bara í feluleik við sjálfan mig, en að
það hefði eitthvað þýtt að tala við mig um það, Nei ekki aldeilis.
Svo illa er komið fyrir mér að smátt verð ég að byrja.
Gísli minn fékk að vita úr sínum blóðprufum um hádegið og á
að fara inn á Akureyri í Óm skoðun á mánudaginn.
Lagði mig aðeins og Gísli minn fór að þvo bílinn.

En vitið þið?
Margir eru kostir menningarinnar, en hún hefur líka sína ókosti.
Hörgull á steinefnum í daglegri fæðu er einn hinna alvarlegustu.
Þar sem mannslíkaminn er byggður upp af steinefnum, er honum
lífsnauðsyn að fá nægileg steinefni úr fæðunni sér til viðhalds.
Sjávargróður hefur inni að halda öll þessi steinefni.
Sjórinn er vökvi, mjög flókinn af samsetningu.
Hann er að þrem og hálf hundruðustu uppleyst, ólífrænt steinefni.
Sjávargróðurinn breytir þessum ólífrænu steinefnum í lífrænt form.

Þar sem yfirborð sjávarins er lægra en þurrt land, leita til hans
þau efni, sem hreyfiöfl náttúrunnar færa úr stað.
Vindur, vatn og ís flytja sífellt með sér föst efni til sjávar.
Auk þess flytur vatn með sér uppleyst efni úr jarðveginum til sjávar,
þar sem þau geymast síðan. Höfin hafa þannig smá saman orðið
efnabanki, sem þurrlendið þolir engan samanburð við.

Þessi söfnun nitsamra efna er ótæmandi verkefni efnafræðinga
til úrvinnslu. Það virðist óhætt að spá því, að óbornar kynslóðir
muni læra að ausa af ótæmandi auðæfum hafsins og gagn af.

Mér finnst þetta stórmerkilegt að lesa, því ekkert veit maður
nema að lesa um það.

Ein eftir hana Ósk.
               Átti að lýsa einum Kveðandafélaga
               sem hesti.

                           Nú skal meta mætan hest
                           makkinn grár og úfinn,
                           veglegt bak og viljinn sést
                           þó vanti rófustúfinn.

                           Á það til að skella á skeið
                           skír og hreinn á svipinn
                           En fráleitt dæmi um fagra reið
                           fyrr en ég prófa gripinn.

                                             Góða nótt.