Já það mallar víða í pottum

Tek upp hanskann fyrir Marsibil Sæmundardóttur, er hún
segist eigi styðja nýjan meirihluta Framsóknar og Sjálfsflokks
í borgarstjórn.

Marsibil segir við Fréttablaðið að hún hafi engan áhuga á að koma
Framsókn eða Óskari illa en hún hafi ekki trú á þessu samstarfi en
með stuðningi við það væri hún að samþykkja framgöngu
sjálfstæðismanna á kjörtímabilinu og hvernig pólitík þeir hafi ástundað.

Nú að mínu mati ef hún eigi getur stutt þá framgöngu þá á hún heldur ekki
að gera það, en hún ætlar að starfa áfram hvort sem það verður undir merkjum
framsóknar eður ei.
Ég vona bara fyrir allar sakir að hún ákveði í hvaða flokki hún ætli að tilheyra.

                   *******************************************

Skondnasta fréttin er að sjálfsögðu að aumingja Ólafur var vélaður inn í
samstarf við sjálfstæðisflokkinn, Æ, Guð heldur þessi maður að það sé
hægt að segja manni allann andskotann.

                  *********************************************

Svo er það stóra spurningin hvað heldur þetta samstarf lengi,
og hvað er þetta skrípaleikrit búið að kosta borgarbúa???

Marsibil styður ekki nýjan meirihluta

Segjum nei við ofbeldi.

Ég tók mér það bessaleifi að afrita þetta af síðu Eddu Agnars.
vona að hún taki það ekki illa upp.
Þetta er bara afar nauðsynlegt og hvet ég alla konur og kalla
til að skrifa undir listan, það er linkur hér að neðan inn á Unifem
og þar er einnig ýmislert að sjá og lesa.
Vaknið vaknið kæru landsmenn.

           ************************************


Ofbeldi gegn konum er málefni sem getur ekki beðið. Að minnsta kosti ein af hverjum þremur konum er barin, þvinguð til kynlífs eða misnotuð á annan hátt einhvern tímann á lífsleiðinni. Fimmta hver kona verður fórnarlamb nauðgunar eða tilraunar til nauðgunar.

Ríkisstjórn Íslands skrifaði undir í morgun.

 SEGJUM NEI VIÐ OFBELDI

Skrifið ykkur inn á undirskriftalista inn á Unifem og segið NEI við ofbeldi á konum í heiminum.

"Mansal, kynferðisleg áreitni, limlesting á kynfærum kvenna, morð vegna heimanmunds, heiðursmorð og útburður stúlkubarna eru hluti af sama vandamáli, þetta er allt ofbeldi gegn konum. Ekkert land, engin menning, engin kona ung eða gömul, er ónæm fyrir þessari plágu. Alltof oft er komist upp með þessa glæpi án þess að refsað sé fyrir og ofbeldismennirnir ganga lausir. “ sagði Regína Bjarnadóttir stjórnarformaður UNIFEM á Íslandi á blaðamannafundi í dag þegar hún vakti máls á mikilvægi þess að ríkisstjórnir heims gripu til aðgerða gegn kynbundnu ofbeldi."

Tekið úr frétt á mbl.is

http://www.unifem.is/unifem/

Hvaða átak er þetta?
Þetta er alþjóðlegt átak á vegum Þróunarsjóðs Sameinuðu þjóðanna í þágu kvenna eða UNIFEM sem hófst 25. nóvember 2007 og lýkur sama dag árið 2008. Nú þegar hafa nokkrar ríkisstjórnir skrifað undir átakið í heild sinni og þar með sýnt vilja í verki til að uppræta ofbeldi gegn konum. Nú þurfum við samstöðu til að senda út sömu hvatningu til annarra ríkisstjórna heims.

Stöndum okkur í þessu, horfum í eigin barm og skrifið undir.
Með þakklæti og vonandi eigið þið góðan dag.
Milla.

Fyrir svefninn.

Í sláturhúsinu á Húsavík var Þormóður Torfason
á Birningsstöðum í Laxárdal einn af fláningarsmönnunum.
Á þeim árum stóðu yfir fjárskipti vegna mæðiveiki, og voru
öll þau mál mjög til umræðu meðal manna.
Þóttust sumir hafa hitt og þetta að athuga við ákvarðanir
og úrskurði mæðuveikinefndar.
Nú varð mönnum sem oftar tilrætt um þessi vandamál
í sláturhúsinu.
Þá skaut Þormóður inn þessari athugasemd:
,, Það er ekki mæðuveikin, sem er mesta plágan, piltar!
Það er mæðuveikisnefndin."

          Þegar maður þyrfti að vera á mörgum
          stöðum í einu, væri þægilegt að geta
          klónað skepnuna.

                Ef bæta þarf brýnasta vandann
                má biðja um aðstoð að handan.
                En bóndinn er sár
                með bænirnar klár
                ef klóna þeir kerlingarfjandann.

Eftir hana Ósk að sjálfsögðu.

Munið svo elskurnar mínar, það er forbannað að
borða eftir kvöldmat.

                                 Góða nótt

Ég er samt afar stolt af þeim.

Ja ég er afar stolt af þeim þetta eru og verða strákarnir okkar,
Handbolti er mín uppáhaldsíþrótt og þeir eru bara flottastir,
ég ætla nú bara hreint að vona að engin fari að agnúast út
í þessar elskur þeir eiga nú annað skilið.
                   **************************

Má til að segja ykkur á fimmtudögum tökum við gamla settið
ætíð til í kotinu, í morgun var allt ryksugað allar mottur út
og engillinn minn skúraði allt kotið með ediksblöndu.
En áður og meðhliða fór mín í stuð þvoði alla borðstofustólana,
tók baðið í nefið, handþvoði alla þröskulda, lista og meðfram þeim,
þið vitið að þessar fjandans möppur taka ekki skítinn sem kemur
í raufarnar upp við listana og engin nennir að vera með tusku til
að þrífa þetta jafnóðum, nema ég.
Þurrkaði svo af öllu og pússaði var búin að taka tölvuverið,
gestaherbergið og skeiðverið í gær + alla glugga.

Síðan eldaði ég okkur léttan hádegisverð, takið þið eftir því sem ég
er að segja: ,, Fyrir mánuði hefði ég ekki getað þetta".
Bara við að léttast um þessi 6 kg. sem fóru í veikindunum mínum
og hið breytta hugarfar hefur gert kraftaverk.
Að viðurkenna fyrir sjálfri sér feluleikinn sem maður er ætíð í
koma fram og vinna í þessu, og það ekki fyrir neinn nema sjálfan sig
er bara stórkostlegt. 'Eg er slolt af sjálfri mér.

Ísland tapaði með einu marki fyrir Suður-Kóreu

Fagna breytingum.

Já ég fagna breytingum, en finnst það jafnframt skammarlegt
hvernig sumir eru búnir að fara með orðspor sitt,
bara til þess að komast til valda.

Maður spyr, til hvers eru menn kosnir til borgarstjórnar, er
það til að leika sér í sandkassaleik og kasta í hvern annan
sandi eins og óþekkir krakkar.
Eða eins og ég tel að þeir séu kosnir til, það er að stjórna
borginni af skynsemi og alúð.

Fjandinn hafi það þetta fólk allt upp til hópa er búið að eyðileggja
þennan tíma sem liðin er af tímabilinu þeirra, það átti að taka í
taumana strax, ekki leggjast í leikrit, valdatafl og yfirhylmingar.

Mér er annt um borgina sem ég fæddist og ólst upp í, en núa
finnst mér hún vera eitt flakandi sár.

Samstarfið á „endastað"

Fyrir svefninn. Smá um heilsu.

Þegar ég var að alast upp var eigi mikið um tal um heilsumat.
maður varð bara að borða allt sem lagt var á borð fyrir mann.
Ef maður ekki borðaði súpuna á sunnudögum, fékk maður ekki
steik og ef maður ekki borðaði steik fékk maður ekki desert.

En maður var í ballett, síðan í fimleikum, skautum, skíðum og
bara alltaf á fullu man aldrei eftir að talað væri um matarræði.
Ég var fram að tvítugu vel grönn og man aldrei eftir því að ég
hafi sparað við mig hvorki sælgæti eða mat.
Öldin hefur verið önnur nú í tuga ára, sem betur fer.

Því hvort sem okkur líkar betur eða ver, verðum við að fylgja
vissum heilbrigðisreglum alla okkar ævi.
Góð heilsa er nauðsyn til að ná þeim markmiðum sem við setjum
okkur í lífinu.
Án góðrar heilsu getum við ekki notið okkar til fulls,
neyðist maður til að varpa akkerum vegna tíðra sjúkdóma eða
langvarandi heilsuleysis og horfa á samferðamennina fara fram
úr sér er ekki af hinu góða ef það er okkur sjálfum að kenna.
Við þurfum að vera meðvituð um er heilsubresturinn ber að garði,
líkaminn lætur vita hann hefur innbyggt aðvörunarkerfi ef við hlustum
eftir því.

Oft veit fólk ekki hvað er að, það er bara of feitt, en skírir ekki þreytuna,
slappleikann og eða annað það sem hrjáir það.
þá er gott að fara í heilsufarsskoðun.

Góð ráð.

Kalíumskortur:
Orsakar þreytu, kláða, doða, hand og fótkulda, svefnleysi,
svo fátt eitt sé nefnt.

Hunang er allra meina bót.
Það ertir ekki meltingarveginn.
Það er auðmelt.
Það bætir fljótt úr orkuþörf.
Það auðveldar manni að jafna sig fljótt eftir áreynslu.
Það reynir minnst á nýrun allra sykurtegunda.
Það hefur þægilega örvandi áhrif á meltinguna.
Það hefur sefandi áhrif.

Það þarf að kaupa gott hunang og fæst það yfirleitt í heilsubúðum
og þar fær maður líka ráðleggingar.

Láta fylgja vísu úr safni.

          Hún Rabbbara fór og hirti
          hún lét mig vita að,
          hún sett´an, hefði í frysti
          hún áður skar´ann í spað.

kemur ein góð eftir hana Ósk.

það besta í heimi.

         Það besta í heimi er brosandi sveinn,
         blíðlyndur, grannur og fróður,
         andlitið fagurt, um axlirnar beinn
         og undirvöxturinn góður.

                        Góða nótt

Dóðan daginn kæru landsmenn og konur.

Ég er nú svo ánægð með lífið, sit hérna með fjöllin
og hafið allt um kring, þvílík fegurð, sólarlaust, en hvað
með það, eins og með ríkisstjórnina, er svo hamingjusöm
með hana sko hún er alltaf við-tæk tilbúin að taka þátt í öllu
okkar rausi og er að standa við allt sem þeir lofuðu fyrir
kosningar, hva þó þeir séu aldrei sammála um neitt þá er
það nú bara smámál, Nei ekki úr mjólk, heldur úr ríkisstjórninni,
enda er hún sólarlaus, en á ekki að birta upp um síðir?
Jú en því ráðum við.

Hneyksli! var nærri búin að gleyma Borgarstjórn,
er svo glöð með hana.
Sumir segja að landsbyggðarpakk, eigi ekki að vera að ybba sig
um borgarmálin, en ég tel að við eigum fullan rétt á því,
Þetta er höfuðborg Íslands.
Sorgin er nú að Gísli Marteinn sé að hætta í borgarráði,
skildi hann ætla að hætta alveg í pólitíkinni???

Svo er ég svo glöð með öll stríðin, morðin, olíuna, valdabaráttuna,
hrokann, og ofbeldið bæði andlegt og líkamlegt.
Allt hlýtur þetta að leiða til friðs í heiminum, er svo glöð,
þá verða mannréttindi virt og allir verða jafnir.

Er ég kannski orðin of glöð og farin að rugla rugluna, líklegast.
En mér líður samt afar vel í dag því ég breyti eigi heiminum.
Knús til ykkar allra, verið góð við hvort annað.

Fyrir svefninn. Smá um offitu.

Í tilefni þess sem upphófst hjá mér í gær, "lífstílsbreytingin"
þá læt ég bara vita að mér líður mjög vel, held matarbók,
og sé að eina breytingin sem er að gerast hjá mér núna er
ég borða morgunmat á morgnanna, í staðin fyrir Pepsí og tekex
hræðilegt ekki satt, en það var það sem ég borðaði á hverjum
morgni, Pepsi, tekex með létt og lagott + ost + meðölin mín.
Nú svo er ég hætt að borða eftir kvöldmat, sem var aðal veikleiki
minn.
Ég mun láta vita af mér og hvernig mér gengur svona vikulega.

Endilega ef einhver vill ræða þessa hluti þá að vekja máls á því,
stelpur mínar og strákar ég er búin að prófa allann pakkann,
svo ég veit nú ýmislegt.

Ég er ekki á neinum megrunarlyfjum og ætla mér það ekki.

Góð ráð sem duga mörgum sem ég þekki.

 Kalk dregur úr sykurþörf líkamans,
kaupið kalkið í apótekinu og fáið ráðgjöf með magn.

2 teskeiðar af eplasafaediki út í glas af vatni með hverri
máltíð.
Eplasafaedikið sér um að brenna fitu.

Ein góð frá henni Ósk.

         Einu sinni var verið að brigsla okkur
         konum um náttúruleysi í vísnagerð.

                Aumt er að geðjast öllum
                ábúðarfullum köllum.
                Hafi ég helling að segja
                hollast mér væri að þegja.
                Svona er lífsins saga
                sumum alltaf til baga.
                Meðalhófs giftu gata
                er grýtt og torvelt að rata.

                  Góða nótt.
               

Hjálpa þeim sem minna mega sín.

Í öllum bæjarfélögum er fólk sem minna má sín, við bara
tökum mismikið eftir því fólki, eða viljum mismikið vita
af því.
Ætíð þar sem við höfum búið hefur allt farið í rauða krossinn
sem til hefur fallið frá okkur.
Núna búum við á Húsavík og gefum við allt í verslun sem
rekin er niður í bæ og heitir kynlegir kvistir,
þar getur þú keypt allt milli himins og jarðar, "næstum"
konurnar vinna allar að þessu í sjálfboðavinnu og fer ágóðinn
til góðra mála,
eins og til Setursins sem er staður sem allir eru velkomnir á
sem hafa áhuga á mannrækt og skemmtilegu fólki.
Hef komið í þessa frábæru búð það er sama sagan þar, það er svo
gaman hjá þeim og öllum sem inn koma að eigi vill maður heim fara.

Sem betur fer er til fólk alstaðar sem vill vinna gott starf, en það
þarf líka að koma stuðningur utan frá.
Það er það sem er verið að fara fram á, ekki hend neinu,
gefið ykkur tíma til að færa það þeim sem þurfa á því að halda.
Tökum höndum saman, gerum átak og framfylgjum því vel.
Það eru bráðum jól.

               Beiðni frá Ásdísi.

Vinkona mín á Selfossi hún Ásdís Sigurðardóttir
er að hjálpa þeim sem minna mega sín.
Hún safnar saman fötum og öllu því sem fólk þarf og
sem hægt er að fá, fer með þetta til hjálpræðishersins
að Eyjaslóð í Reykjavík. 
Vantar hana þess vegna fólk sem vill hjálpa henni að
hjálpa öðrum, slóðin hennar er www://asdisomar.blog.is
Það er eitthvað að hjá mér hérna svo linkurinn kemur ekki.
Ef þið viljið kinna ykkur þetta betur þá endilega farið inn á
slóðina hennar.

Takk fyrir okkur og góðar kveðjur.

                                                                                

Þeir unnu, unnu, unnu.

Eru ekki allir í losti, orðlausir, að springa úr gleði, þeir unnu.
Strákarnir okkar unnu.
Er farin að hlusta á viðtal við þjálfara og kannski leikmenn.
Húrra, húrra, húrra þeir unnu þjóðverja.

Átti að vera komið fyrir mörgum árum.

Merkilegt núna rjúka allir upp til handa og fóta, vilja
breyta og bæta, þetta átti að gerast fyrir margt löngu.
Það átti fyrir löngu að vera búið að sinna þessu máli,
sem allir hafa hummað fram af sér, af hverju, jú vegna þess
að engin trúir, "hugsa", þetta lagast, þau hafa verið að rífast,
hún hefur ógnað honum og börnin pirrað hann, maturinn ekki
tilbúin, enda ætíð óætur, allt í drasli hjá kerlingunni, hún sjálf
drusluleg ljót og ógeðsleg, það vill hana engin.
Hún hefur ekki staðið sig nógu vel og þess vegna er í lagi að
berja hana til óbóta, nauðga henni, selja og mynda.

Komin tími til að skilja það að kona og börn eiga ætíð að njóta vafans.
Bara burt með karlskrímslið sama hvað hann segir,
Konan segir sjaldnast nokkuð því hún þorir því ekki.
Lögreglan verður að hafa það vald að fjarlægja skrímsli af heimilum.

Fyrir mörgum árum gerðist það, lögreglan var kölluð heim á heimili
vegna ofbeldis af hendi mannsins, er að var komið var maðurinn
farinn að róast, hann grét, sagðist bara ekkert skilja hvað hefði gerst
hann hafði aldrei gert svona lagað áður, hann elskaði konuna sína og
börn tók þau í fangið, lögreglan fór, konan sagði ekki neitt.

Ekki löngu seinna var hann nærri búin að drepa hana.
börnin orðin stórskemmd og konan nær sér aldrei alveg.

Svo heyrir maður hjá fólki, Æ aumingja maðurinn að lenda í þessu,
hann er nú svo góður maður, FJANDINN HAFI ÞAÐ. Hvar eru gæðin.

Kona og börn sem lenda svona út úr lífinu verða fyrir einelti, þau
eru sett niður á allan handa máta, henni er ekki hjálpað nóg
til að hún geti bjargað sér, börnin verða fyrir niðurlægingu í
skólanum, engin kann að hugsa rétt og hjálpa.

Ég veit að það eru undantekningar á öllum málum.

Vill taka það fram að ég er eigi að vanþakka það sem þingheimur
er að fara að gera, bara gerið það strax.

Vill nálgunarbann án dóms

Fyrir svefninn.

Árni Jónsson var lengi verslunarstjóri við Ásgeirsverslun
á Ísafirði.
Maður nokkur starfaði lengi við verslunina sem var bæði
þjófóttur og drykkfeldur, en Árni fyrirgaf honum,
af því að hann var duglegur starfsmaður.
Einu sinni, seint um kvöld, verður Árni var við, að náungi
þessi er að bisa við að velta brennivínstunnu heim til sín
frá versluninni.
Þá segir Árni:
,, Já annars!" ---Það var orðtak hans. --- Er þetta ekki
fullmikið --- í einu?"

                     Handverk-ur.

             Í hannyrðabúð fór ég heima
             nú handverkið skildi reyna.
             Ég keypti mér forláta klukkustreng þar
             af kappsemi byrjað nú var.

            Ég byrjaði blómin að sauma
            með bjartsýna fegurðardrauma.
            En mánuðum seinna af mér móðurinn rann
            svo mamma mín kláraði hann.

           Að prjóna er prýðileg iðja
           peysur á smávaxna niðja.
           En þá kemur æðandi grimmlynd og grá
           giktin í herðarnar þá.

           Að skera út skrautlega muni
           mun skapinu bjarga frá hruni.
           Með blæðandi fingur og bitlítil tól
           þar birkið í höndum mér kól.

Frá henni Ósk.
Ekki veit ég hvort hún er að yrkja um sjálfan sig,
en veit ég vel, að snillingur hún er við saumavélina
og eigi síðri við prjónaskapinn.

                                Góða nótt.

          

Hjálpi mér allir!!! Hugsar fólk ekki neitt?

Ef fólk hugsaði aðeins, ef það getur farið á Reykjalund grennst þar
með hjálp þeirra sem þar starfa, sem er yndislegt fólk í alla
staði getur það þá ekki bara haldið áfram er út kemur með hjálp
og stuðning frá þjálfurum og og öðru því fólki sem vill styðja við það.

Ég held nefnilega að þeir sem bíða eftir að komast á Reykjalund,
borði bara að vild á meðan það bíður, það hugsar, skiptir ekki máli
ég fæ hvort sem er hjálp bráðum.
Kolröng hugsun, það skiptir nefnilega máli og það höfum við fengið
að heyra frá þeim sem hafa byrjað farið síðan á Reykjalund og endað
með því að fara aldrei í aðgerð.

Og það þýðir ekkert fyrir neinn að segja, að ég geti svo sem blaðrað út
í loftið vitandi bara ekki neitt um það hvernig þeim líður.
Það skjáflast ykkur, ég veit allt um þetta viðkvæma mál,
veit allt um feluleikinn, afneitunina, matarsýkina og bara nefnið það.

Fór nefnilega í garnastyttingu 1974 þá 130 kg. var sjúklingur í 6 ár,
léttist um 65 kg. á einu ári, var stöðugt í vítamínssprautum og
ætíð veik, leit út eins og gangandi grámygluleg afturganga.
Árin eftir styttinguna voru víti, miðað við árin áður,
Þá var nú ekki verið að hjálpa fólki með innlögnum a Reykjalund eða
einhverju öðru sem gæti komið að gagni.
Fyrirgefið mér en ég er bara öskureið, það þarf engin að fara í aðgerð,
aðgerð sem fólk heldur að bjargi öllu.
Það er til fólk sem er veikt og þarf á aðgerð að halda, en allflest
okkar tilheyra ekki þeim hópi.

Ég fór til læknis í dag, er nefnilega búin að þyngjast um 40 kg. á 5 árum,
bað um stuðning, fæ hann, en það þíðir ekkert að væla og skæla
ég vill ekki fá megrunarpillur ekki fara í aðgerð og þá verð ég að nota
viljastyrkinn og almenna skynsemi.
Viljastyrkur og stuðningur er allt sem við þurfum, ekki þýðir að fara í
sjálfsvorkunnar-ástandið það er nú til að drepa mann alveg niður.

Hver vill borða til að drepast?
Hver vill fara í hjólastólinn vegna ofáts?
Hver vill eigi geta hreyft sig vegna ofáts?
Hver vill ekki getað bara neitt vegna ofáts?

Allt sem þarf er viljastyrkur og stuðningur.
Knús og kærleik til ykkar allra.

Metaðsókn í offitumeðferð

Fyrir svefninn

Eins og við vitum, ef við hugsum um það, þá er það sorg,
sem fylgir okkur frá fyrstu minnum.
þegar við erum lítil er það sorg ef einhver er vondur við mann
ef krakkarnir skemileggja fyrir manni í sandkassanum eða
ausa yfir mann sandi, svo augun fyllast, maður nuddar og nuddar
og fer svo að gráta.
Einu sinni fór pabbi minn á Landakot að gefa blóð, ég var 4 ára.
Þeir tóku of mikið blóð svo hann varð að liggja inni smátíma,
ég fann fyrir sorg. Merkilegt, er maður er barn þá er maður fljótur
að setja svona atvik í geymsluhólfið.

Allt mögulegt gerist í okkar uppvexti sem orsakar sorg, en sem betur
fer þurfum við flestöll ekki að glíma við hana lengi.
Ekki þurfti ég þess allavega, eða þannig.

Seinna meir þurfti ég þess.
það skapast ekki bara sorg við andlát einhvers, heldur líka við
skilnað alveg sama þó þú viljir skilja við manninn,
þá eru það ættingjar sem maður skilur við líka eða þeir við mann, 
maður missir mörg ár úr lífi sínu, nema maður á náttúrlega
börnin sín eftir.
Maður er mörg ár að vinna úr þeirri meinsemd sem maður lét
yfir sig ganga og á meðan er sorgin mikil.
Aðallega hjá mér fyrir að hafa látið þetta ganga yfir börnin mín.
En svo lokaði ég á meinsemdina að ég hélt að þau vissu eiginlega
ekkert um þetta sem gekk á.

Hafið þið orðið vör við að þegar maður lendir í sorg, ertu bara einn,
því það skilur þig engin í raun og veru, allir finna til með þér en
vita í raun ekkert hvað er verið að tala um.
Vilja bara vera góðir, og er það þakkarvert.

Þegar einhver nákomin manni deyr, þá eru send blóm,
fólk sýnir samúð sína, en hver er eftirfylgnin, " Engin".

Á sama tíma og ég skildi þá, 
missti ég mína bestu vinkonu, fyrir mörgum árum síðan,
var búin að vera með henni í hennar dauðastríði í marga
mánuði, ásamt systrum hennar, dætrum, vinum og þeim
sem í heimsókn komu, við reyndum að hafa hana eigi eina.
Það var engin sem spurði mig hvernig mér leið er hún dó
fyrir utan ein vinkona mín sem vann á Sjúkrahúsinu í Kef.
og dætur mínar.
Í hittifyrra fór ég í heimsókn til systur hennar í Sandgerði,
þá komst ég að því að sú mæta vina mín var ekki búin að
sætta sig við þetta og barðist enn þá við sorgina eins og ég
við bara föðmuðumst og táruðumst svolítið.
Síðan fer ég eigi suður öðruvísi en að fara í Sandgerði
því þau Elli og Valgerður og þeirra fólk eru sannir vinir,
hafa ætíð verið og munu ávallt vera.
Maður er stundum svolítið lengi að átta sig á því hvað maður
á eftir svona átök.
Takk fyrir mig kæru vinir.
                                             Góða nótt.

Nálgunarbann, er það upp á punt á Íslandi?

Hér vaknar maður upp eftir 8 daga veikindi og kíkir aðeins
í blöðin og viti menn það liggur við að maður leggist aftur
vegna reiði, já reiði út í allt og allt.

Nálgunarbann eigi framlengt.
Halda dómarar þessa lands að menn lagist á 6 mánuðum?
Nei ekki aldeilis, þeir munu aldrei gefast upp á því að koma
höggi á þann sem þeir hafa haft til að lemja í mörg ár,
og ekki bara lemja heldur líka nauðga, selja inn á, mynda
niðurlægingin er algjör, konan varnalaus, sjálfsmatið ekkert,
og hún þorir ekkert að gera nema ganga með veggjum eins
og hrædd lítil kisa. Hún mun aldrei ná sér.

Þarna eru skrímsli á ferð, annaðhvort minnimáttar eða
mannvonskuskrímsli, allavega skrímsli.
Mundi eitthvert yfirvald vilja að dætur þeirra lentu í klóm
svona skrímslis? Það held ég ekki.
Fjandinn farið nú, að taka á þessum málum eins og vera ber.
                 ****************************
Svo langt sem sagan nær hafa verið stríð, allar götur hafa
þau verið um völd, tel ég eigi að greind manna sé eitthvað lakari
hjá einni þjóð en annarri svo valdagirni hlýtur að gera menn að
morðingjum, því morð eru það er þú sprengir bara á eitthvað
án þess að vita hvað er fyrir.
Þeim er líka alveg sama.
Og nú eru það Georgíumenn sem eru dritaðir niður, saklaust fólk.
               ********************************
Enn gleðin í dag er að strákarnir okkar unnu Rússana og það er
stórkostlegt fyrir þá að upplifa þessa tilfinningu,
Sendi þeim hamingju og baráttukveðjur.
               ********************************

Kæru bloggvinir sendi ykkur líka hjartans þakklæti fyrir hlý orð
í minn garð og verð vonandi í fullu fjöri hér eftir.
Knús til ykkar allra.
Milla.

Skiptar skoðanir eru um nálgunarbann í núverandi mynd

Snúður og Snældur frh.

Jæja eins og ég sagði í gær taldi ég þetta nú vera að koma,
en, "NEI" í alla nótt var ég að  hélt að ég yrði nú bara
eigi eldri, datt í hug er ég var búin að sofna aðeins á milli
7og 8.30. hvernig það væri gamla góða húsráðið,
soðið vatn, sykur, salt og pínu mjólk, fékk mér með þessu
þurrt ristað brauð, og viti menn hélt því alveg niðri.
Læknirinn hringdi með útkomu úr blóðrannsókninni,
Þar var allt í sómanum og hann sagði mér bara að fara vel með mig
þetta mundi koma í dag vona ég svo sannarlega að ég fái frið í nótt.
En ég hef aldrei vitað annan eins slappleika, maður dregst hér um
gólfin eins og hægfara þvara.
Má til að segi ykkur: ,, Það kom lítið ljós í dag, við kúrðum saman í
sófanum í stofunni vorum að horfa á setningu ólimpíuleikana,
hún fer að tala um að ég sé lasin, elskan litla, en segir svo,
en amma þú getur alveg talað", já ljósið mitt amma getur talað
það væri ekki gott ef ég gæti það ekki, nei sagði hún:
,, Við þurfum nefnilega að tala svo mikið saman".
Og það er sko alveg rétt hjá henni, hún elskar að tala við okkur
mig og afa.
Englarnir mínir á Laugum komu líka í gær, fóru síðan í dag að
heimsækja vinkonur sínar og skólasystur, þær eig heima að Þverá í
Öxarfirði Svo það verður dýrðarhelgi hjá þeim.
Þið vitið ekki hvað kveðjurnar ykkar hafa glatt mig mikið og þakka
ég af öllu mínu hjarta fyrir þær. Elska ykkur öll.

               Ef þú gefur öðrum hrós
               ótal dæmi sanna
               þá er eins og lítið ljós
               lifni í augum manna.

Eitt yndislegt eftir hana Ósk.

Snúðar og snældur, ég er lifandi.

Jæja kæru bloggvinir,guys, er hér í raun að stelast í tölvuna,
grútmáttlaus og afar flökurt ennþá.
Þið vissuð nú byrjunina á þessum ósköpum sem ég taldi
nú að mundi ganga yfir  á sólarhring, en nei ekki aldeilis
það bara versnaði, hringdi í doktorinn í fyrradag og fékk að
sjálfsögðu útskýringar á þessum veirusýkingum sem koma
og fara, en mikið fjandi fara þær seint úr mér, jæja fékk stopp
við niðurganginum, en þá bara versnaði uppgangurinn, því
einhversstaðar þarf eitrið að komast út.
Svo fékk ég einhverja Bratt línu í matarræði, en það er
hrísgrjón, ristað brauð, bananar og epli þar fyrir utan átti
ég að drekka þessa líka ógeðs poveraide drykki.
síðan vildi doktorinn fá mig í gær, svona til að pota aðeins
í mallakút, allt reyndist vera eðlilegt miðað við átök,
en hann vildi fá mig í blóðrannsókn og fór ég í hana í morgunn.
Uss ég kem nú bara fín út úr henni.
Enn finnst ykkur ekki ósanngjarnt, ég með alla þessa bresti á
heilsunni og fer einu sinni á ári í eftirlit, vegna þess svo þarf ég
að fara til læknis út af upp og niður
Vona að ég geti kommentað hjá ykkur á morgun, en þið vitið
allavega að ég er að hressast.
Knús til ykkar allra.
Milla.

Fyrir svefninn.

Sr. Stefán Stephensen prestur á Mosfelli sat eitt sinn
sýslufund með Eiríki bónda í Miklaholti í Biskupstungum.
Eiríkur hafði sótt um styrk til að gera við bát, sem notaður
var við ferjuna á Böðmóðstöðum í Laugardal, því bátinn
taldi hann óbrúklegan vegna leka.
Sr. Stefán mótmælti þessu í ræðu og sagðist sjálfur nýlega
hafa verið ferjaður í bátnum og ekkert hafa vöknað.
Þá grípur Eiríkur fram í og segir:
>> Það má vel vera,
en það er nú annað með vandaða vöru.<<

                Náttsvartar rósir.

        Seg mér hví þú svo dapur ert
        Sem áður varst glaður o kátur.
        Allt finnst mér nú einskisvert
        er ekki ég heyri þinn hlátur,
        því sorgin ber náttsvartar rósir.
                   

        Í hjarta mínu vex rósaviður
        þar verður aldrei framar friður.
        Hver ein grein ber þyrnafjöld
        sem sálin stingur sérhvert kvöld,
        því sorgin ber náttsvartar rósir.
                                    Ernst Josep.

Góða nótt

Allt á fullu í eldhúsinu.

Dóra mín alltaf bissý í eldhúsinu, þarna er verið að baka pizzur
heima hjá Sollu og Fúsa, allir gerðu það sem þeim langaði í.
svo fór amma með börnin sín í sjoppuna að kaupa ís í gámum
og tilheyrandi sælgæti út í.

Myndablogg bara smá prufa.

Milla frænka tók þessar myndir af frænkunum sínum
í tilefni af 17 ára afmælinu þeirra, Milla er myndatöku snillingurinn í fjölskyldunni.




Þetta er ljósálfurinn mínn hún Viktoria Ósk að baða sig í
Eyvíkurfjörunni, það er svaka fjör.



Og þetta er litla ljósið hennar ömmu sinnar Aþena Marey
líka að baða sig.

Þetta er bara prufa hjá mér kann svo lítið að setja inn myndir
en það kemur.

Knús knús
Milla.