Fyrir svefninn.

Kæru landsmenn!
Fyrir svefninn að þessu sinni er
styrktarbeiðni til handa Andra Smárasyni!

Andri er 18 ára drengur sonur Smára Kárasonar og
Stefaníu Gylfadóttur í Breiðuvík á Tjörnesi.
Andri hefur í rúmt ár átt í hattrammri baráttu við
krabbamein.
Í dag standa málin þannig að Andri þarf að fara í
mergskiptingu til Svíþjóðar, og svo vel vill til að Sóley
systir hans er hinn rétti merggjafi.
Gert er ráð fyrir því að þau fari út í lok júní.
Ljóst er að þau þurfa að minnsta kosti þrjú að fara úr
fjölskyldunni út, vegna þessa. Búast má við að Andri og
móðir hans þurfi síðan að dvelja úti í 3 mánuði, allt eftir
hvernig meðferðin mun ganga.
Töluverður kostnaður er óhjákvæmilegur, sem fjölskyldan
er illa í stakk búin að mæta.
vegna þess hafa frænkur Andra, þær Sesselja Árnadóttir og
kolbrún Guðmundsdóttir opnað bankareikning til styrktar Andra
og fjölskyldu hans.
Reiknisnúmerið er 1153-15-201049
Kennitala        "   190267-5049.

Gaman að segja frá því að kvenfélagið Aldan á Tjörn stóð
fyrir styrktarkaffi í Sólvangi á sunnudaginn var sem sagt í gær,
og gekk það framar öllum vonum, öll innkoma gekk til Andra.
Söfnunarbaukar voru einnig á borðum.
Svona er þetta úti á landi þar sem allir þekkja alla,
þá er staðið þétt saman, en betur má ef duga skal.

Þess vegna kæru vinir og landsmenn allir, biðla ég til ykkar
styrkið þennan unga dreng, við höfum tekið okkur saman bloggarar
og það hefur verið komið af stað söfnunum fyrir fólk sem á um sárt að binda.
Svo núna er mikil þörf, gefum þessum unga manni, allt hjálpar.
Ég bið góðan guð að blessa Andra og fjölskyldu hans
og mun ég hafa hann í bænum mínum allar götur.

Vegna þess að gleðin vinnur á öllum meinum,
læt ég þessar fylgja eftir hana Ósk þorkellsdóttur.

                Samskipti tveggja vinnufélaga í
                frystihúsinu færð í vísu. Jói hafði
                uppgötvað að hann var með opna
                buxnaklauf.

                   Kom þarna Jói í kaffinu sínu.
                   "hvað hefði skeð ef að utan hjá
                   dinglað ég hefði djásninu mínu?"
                   Dolfallinn horfði Kristján á.

                   Furðulegt er hvað ræfillinn ruglar.
                   Renndi hann til hans augunum.
                   "veis'u ekki drengur að dauðir fuglar
                   detta aldrei úr hreiðrunum?"
                                     Góða nótt
                   
                

Er innrás hafin?

Það á að fjarlæga dýrið og það hið bráðasta,
eru menn að bíða eftir því að dýrið drepi einhvern?
Þetta er ekki einhver lítill sætur bangsi eins og sumir
vilja halda fram, heldur drepur hann hiklaust,
ef grænlenski vinnumaðurinn hefði ekki bjargað hundinum
í hús þá hefði bangsi drepið hann með einu höggi.

Ísbjörn í æðarvarpi

Það sem lyftir deginum.

Nú er ég ætíð í góðu skapi og mér finnst gaman að lifa.
En það er aldrei svo að það sé ekki hægt að bæta við
gleðina.

Ég kom inn í vegamatsölustað um síðustu helgi var nú
bara að kaupa mér Coke.
Er inn kom mætti ég frekar ungum manni, svona miðað við
mig, hann segir afar glaður á svip, er þér svona heitt?
Já segi ég alveg að leka niður úr hita, mér fyndist að
það ætti að vera svona kæliviftur í loftinu í svona hita,
brosti glatt til mannsins,
þá segir eigandi staðarins, ég get alveg boðið þér inn í frystiklefa,
já takk ætlar þú þá að koma með mér? og fer að hlæja,
ég þekki nefnilega hjónin sem eiga staðinn.
Ungi maðurinn horfir í undrun á okkur, hafði aldrei séð hann áður.

Geng að borðinu og fæ mér Coke, við förum að spjalla saman
unga stúlkan sem var að afgreiða mig og ég, þekkjumst vel.
Ungi maðurinn gafst ekki upp á því að tala við mig,
kemur og segir, þekkir þú þessa stúlku? já auðvitað,
þetta er hún Björg, já ertu héðan spyr ungi maðurinn?
nei frá Húsavík, síðan segir Björg, Milla villtu biðja Millu að koma og
sýna mér stelpurnar áður en þau fara heim, geri það.
Þá segir þessi ungi Milla hvað ég vissi að hann kveikti eitthvað á perunni
já ég er Milla mamma hennar Millu og þú hlýtur að vera héðan?
Já ég er Reykdælingur hlaut að vera, við erum nú svo hress hér norðan heiða.

Málið er þegar maður kann að taka við gleðinni, er svo gaman,
þarna var smá saklaust daður og forvitni í gangi,
sem gaf manni hlýju inn í daginn.

hefði þessi ungi vel klæddi og skemmtilegi maður verið aðkomumaður
hefði hann ekki opnað sig fyrir gleðinni, hvorki í sjálfum sér eða mér.
                     Gleði til allra.
                      Milla.

Ætli sá ósnertanlegi eigi börn?

Merkilegt, við suma menn má ekki tala,
þeir telja sig ósnertanlega, og geti hagað sér að vild.
Vona bara að hann eigi hvorki konu eða börn.
Skildi hann hafa fengið agalaust uppeldi?

Slagsmál brutust út eftir nágrannaerjur

Fyrir svefninn.

Sr Gunnar Hallgrímsson í Laufási var ölkær nokkuð.
Það kom fyrir, að hann messaði drukkinn, og voru þá
ræður hans stundum skringilegar.
Einu sinni byrjaði hann predikun þannig:
,, Sæll og blessaður, minn gamli, góði guð! þú rærð
einn á báti. Enginn vill róa hjá þér. Ég vill róa hjá þér.
Þá færðu einn góðan."

              Samstarfskona komin fast að sjötugu
              klippti gjarnan fingur af ónýtum
              gúmmívettlingum og notaði yfir 
              plástra ef hún skar sig.

                 Það er engin ósiður
                 að aldnir beiti þokka.
                 En því skyldi hún Þuríður
                 þurfa að nota smokka?

             Karlkynsvinnufélagi hafði þann sið
             að taka um öxlina á manni þegar
             hann talaði við mann. Þetta var á 
             sama tíma og mikil umræða var um
             kynferðislegt áreiti á vinnustað.

                Elskan mín þú ekki skalt
                öllu þukli neita.
                En víst ávallt þeim vana halt
                viljirðu gott barn heita.
            
             þar sem unnið er með hníf í hönd
             allan daginn er nauðsynlegt að
             stálarinn komi reglulega, annars er
             voðinn vís.

                Hvar er nú bæjarins besti sonur?
                Bidd'ann að líta inn.
                Það standa hér fimmtíu friðlausar konur
                er fá ekki dráttinn sinn.

þetta er að sjálfsögðu eftir hana Ósk Þorkelsdóttur

                                   Góða nótt.

Ekki frelsi.

Hvað hefur þessi kona með frelsi að gera, á hún einhverja
ættingja á lífi og ef svo er vilja þeir þá hafa eitthvað með
hana að gera? Hún tók þátt í þessum hræðilega glæp,
þau myrtu 5 manns og Sharon Tate vað komin 8 mánuði
á leið með barnið sitt og baðst oft vægðar,
en þau myrtu hana samt.

Vill fá frelsi áður en hún deyr

Óeirðarhelgi víða á landinu.

Stórmerkilegt! Mjög annasamt var hjá lögreglunni í Reykjavík
í nótt, það voru árásir innbrot einn 16 ára tekin fyrir hraðakstur,
útköll af ýmsu tagi.
Er þetta ekki svona um hverja helgi?

Erfið nótt hjá Lögreglunni á Akureyri, fangageymslur fullar
mikil ölvun, slagsmál og líkamsárásir.
Þetta var nú vitað mál um svona helgi

Nokkuð annríki hjá lögreglunni á Suðurnesjum, en þeir náðu að greiða
úr málum og kæla niður óróaseggina
Þeir hafa nú löngum verið góðir. Sko löggan.

Óhöpp á Vestfjörðum, tveir bílar útaf ökumenn grunaðir um ölvun,
engin meiddist.
Ekið var á dreng á Ísafirði í gærkveldi, hlaut hann minniháttar meiðsli.
Hvað veit maður um það, ölvun eða ekki ölvun.

Kveikt í bílum á Selfossi, tveir eyðilögðust og einn skemmdist.
lögreglan tók líka ökumann undir áhrifum fíkniefna, og hafði hann
kilvu, piparúða og fíkniefni í bílnum sínum.
Finnst þeim ekki komið nóg þarna fyrir austan?

þetta eru fréttirnar í blöðunum á hverjum einasta sunnudagsmorgni.
Ég held að það væri heillaráð að mynda þetta fólk sem er
draugfullt og ógeðslegt í bæjum landsins, slafrandi, ælandi og
þar af ógeðslegri uppákomur, sýna svo myndirnar,
skyldi þetta fólk ekki fá sjokk er það lítur ásjónu sína
undir þessum kringumstæðum.
þetta er hrikalega sorgleg sjón.

Líkamsárás og innbrot í höfuðborginni í nótt

Háskólinn og niður í leikskóla.

Menntun er algjörlega forsenda fyrir góðu lífi, eða hvað?
Í mínum kokkabókum, sem eru nú kannski ekki svo mjög
háfleygar,
og þó hef ætíð verið sagður afbragðs kokkur.
Þar stendur ritað að uppeldið sé besti skólinn.
Ég er ekki að gera lítið úr menntun, nei alls ekki.

Það sem ég er ætíð að reyna að troða í fólk er að aga börnin
frá fæðingu.
Ekkert er yndislegra en að fæða af sér barn,
fá það í fangið og njóta þess kærleika sem kemur yfir mann
við það, en ef að svo barnið reynist allt í einu eitthvað erfitt,
sefur ekki á nóttunni, eða á daginn, þá höldum við á þessum
elskum okkar, það hlýtur að vera eitthvað að.
Sem betur fer er oftast nær ekkert að annað en að barnið er
að reyna að komast eins langt og það getur.
Það vill bara láta halda á sér eða sofa á milli.
Ef við ekki föttum þennan leik hjá litlu krílunum okkar heldur
þetta áfram og endalaust finnum við einhverja afsökun fyrir
hegðun litla engilsins, sem nýtur þess í botn að spila á
okkar kærleiksríka tilfinningalíf.
Þau eru bráðsnjöll.

Það kemur að því að barnið fer á leikskóla, þau eru fljót að fatta 
að þau komast ekki upp með neitt múður þar,
en láta eins og fjandinn sé laus er heim kemur.
Hvað er þetta annað en agaleysi?

Síðan byrjar skólinn þá kannski koma upp vandamál,
því þau eru ekki að höndla allt sem gerist þar.
Nei þá er það ekki börnunum að kenna,
heldur er eitthvað að kennara eða skólasystkinum.
Þau kunna ekki þann aga sem þarf að vera í skólanum
sem er ekki von, þau hafa ekki verið alin upp í aganum.
Þau verða ringluð og vita ekki hvað er að gerast.

Í stórum dráttum heldur þetta áfram að bögglast
fram í 10 bekk, jafnvel eru þau þá orðin heltekin af því
að engum þykir vænt um þau, þau eru öðruvísi, þau
dala í skólanum, svo er það bara spurning,
hvað gera þau? fara út í óreglu eða rífa sig upp og
standa sig vel.

Auðvitað er þetta ekki svona svart á hvítu, það eru sem betur fer
allmargir foreldrar sem átta sig á mikilvægi þess að ala börnin
sín upp í aga, en aldrei má gleyma að nota kærleikann, gleðina
og umfram allt vinskapinn í samskiptum við þau.

Barn sem fær svona uppeldi á auðveldara með að læra en hin
því það elst upp í því að vera öruggt og standa á eigin fótum.
Barn sem er alið upp í agaleysi veit aldrei hvernig það á að vera
agaleysi skapar óöryggi.
                                                Góðar stundir.

Yndisleg frétt.

Það er reyndar ætíð gott að fá gleðilegar fréttir,
en þegar um börn er að ræða þá er það bara yndislegt.
Til hamingju kæra fjölskylda.

Litla stúlkan fundin

Fyrir svefninn.

Jæja kæru vinir, ég var að koma heim eftir alveg yndislegan dag.
Allir fóru fram í Lauga í dag, Dóra mín bauð í kvöldmat,
en fyrst var farið í sund, afstaðan þarna er til fyrirmyndar og
ekki skemmir umhverfið, eins og ég hef sagt áður þá er þetta
heimur sér á bát, allir vita það sem til Lauga í Reykjadal hafa komið.
Við gamla settið fórum reyndar ekki í laugina vorum bara á bakkanum
í góðu yfirlæti sólarinnar.

Ég er hér með Vísnakver eftir Ósk Þorkelsdóttur Húsvíking og
vestfirðing. Ósk er löngu kunn vísnavinum þessa lands
vegna framgöngu sinnar á hagyrðingamótum og margvíslegum
öðrum skemmtunum, þar sem hún hefur flutt sínar kerskins -
og gleðivísur og ýmist mælt af munni fram eða sungið með sínu nefi.
ætla ég að færa ykkur nokkrar vísur, þar sem hún kynnir sjálfan sig.

                          Ég heiti Ósk frá Húsavík
                          hagyrðingur engum lík,
                          Þingeyingur, guð þeim gaf
                          gáfur til að bera af.

                          Útlitið sérðu og augnanna lit,
                          upprunninn Þingeyingur,
                          útgerðarstjóri með eigulegt vit
                          og afburða hagyrðingur.

                          Annmarka fáa til angurs ég ber
                          þó öðrum sé gjarnt að segja
                          það helvítis galla sem háir oft mér
                          að hafa ekki vit á að þegja.

                          Orðspor mitt er oftast gott
                          auðmjúk prúð og væmin.
                          En aðrir sjá þess vísast vott
                          að verði ég stundum klæmin.

                          Það að nota Þingeyskt loft 
                          þjónar mínu geði.
                          Því set ég mér að syndga oft
                          sóminn er að veði.

                          Mig þarf é varla að kynna í kvöld
                          kvæðanna ljúfast smiður.
                          En vísast í helvíti greiði mín gjöld
                          ef geri ég einhverjum miður.

                          Hörð eins og klettur, ljúf eins og lamb,
                          létt eins og fjöður, þung eins og bjarg,
                          alþýðleg kona með ótrúlegt dramb,
                          uppfull af blíðu en minni á varg.

                          Ég er oftast ljúf sem lamb
                          með lífið allt í skorðum.
                          Laus við alla lýgi og dramb
                          leik mér bara að orðum.

                          Ferskeytlur fljúga að kveldi,
                          feimin er unga daman.
                          Komst inn í karlaveldi
                          á kjaftinum einum saman.

                          Hvernig ég er inn við beinið.

                          Ýmsum er ég sökum seld
                          svikul grimm og löt,
                          en inn við beinið að ég held
                          aðallega kjöt.

                         Mínir rúmsiðir
                     
                         Ég opna bók eða yrki bögu
                         þá Óli lokbrá knýr að ranni.
                         Hvað gerist milli svefns og sögu
                         segi ég ekki nokkrum manni.

Vona að hún Ósk vinkona mín taki það ekki stinnt upp
að ég birti eftir hana vísur.

                                                 Góða nótt.
                        

Fórnarlömb mannsals og lítilsvirðingar.

Konur þurfa að vita, að þeim sé tryggt öryggi og að
komið sé fram við þær að virðingu er þær leita hjálpar.
Það er verið að vinna að úrræðum í þessu máli, og hefði
það þurft að vera löngu komið, en nú vonum við það besta.

Guðrún Jónsdóttir talsmaður Stígamóta,
telur, að það hafi verið stigið stórt skref er lagt var bann við
nektarstöðum og kjöltudansi. Og er það trúlega rétt,
en það er ekki, en betur má ef duga skal.
Og því miður held ég að ekkert dugi til að uppræta þetta alveg.

En að mínu mati er bara búið að færa það neðanjarðar,
eftirspurnin eftir slíkum ósóma er slíkur að þeir sem klókir
eru finna leið til að þjóna þessum mönnum og konum sem
vilja allskonar þjónustu á þessu sviði.

Við höfum heyrt frásagnir af konum sem hafa verið beðnar að fara
í eitthvert hús, til að þjóna einum manni,
og svo er til kemur er þetta kannski, margir menn og konur 
sem telja það sjálfsagt að þau megi koma fram að vild.
Þau keyptu jú þessa stúlku.

Hvað er mannsal spyrja margir,
já hversu víðtækt er hægt að nota það orð?
Til dæmis ungur maður, sem selur systur sína til vina,
eða frændi sem gerir slíkt?
Er það ekki mannsal?

Ég segi nú bara við þá sem hugsa ætíð:
,, Þetta er nú ekki satt, svona lagað getur ekki gerst."
Vaknið til lífsins! þetta er að gerast á hverjum degi oft á dag.
Og Takið eftir! Líka á Íslandi.

Ekkert finnst sé ekki leitað

Fyrir svefninn.

Guðbrandur Jónsson var suður á flugvelli með dóttur sína,
og skildi hún stíga upp í flugvél.
Dimmt var í lofti og drungalegt, og hikaði stúlkan við að
fara upp í flugvélina.
Flugmaðurinn, sem þarna var viðstaddur, hughreysti hana,
en það dugði ekki heldur. Þá varð Guðbrandi á orði:
,, gengur yður alltaf svona illa að fá kvenfólk upp í loft?"

Jósep á Hjallalandi í Vatnsdal var vel fjáður,
stórbrotinn í lund og tryggðartröll.
Hann var drykkjumaður allmikill og svaðamenni við vín.
Hann trúlofaðist ungur konu sem Guðrún hét,
og höfðu þau boðið til brúðkaupsveislunnar, en urðu
ósátt, og ekkert varð úr giftingunni,
en þó bjuggu þau saman alla ævi og eignuðust eina dóttur.
Samkomulag þeirra var hið stirðasta.
Jósep dó á undan Guðrúnu.
Þegar Jósep var lagstur banaleguna og var allmikið veikur,
kom Guðrún að rúminu til hans og ætlar að fara að láta vel
að  honum. Jósep snýr sér þá til veggjar og segir:
,, Of seint Gunna".

Sesselja á Stuðlum við Reyðarfjörð kvað um sjálfan sig
á gamalsaldri:

                      Flest er það sem forgengur
                      og fer úr stellingunni.
                      Kjaftur allur ónýtur
                      er á kerlingunni.

Hef ekki heyrt það betra í mörg ár.

Það er alveg frábært er maður les eitthvað svona gott.
Hunang er allra meina bót, og finnst mér það með ólíkindum
að ekki hafi verið meira notað af því í lækningaskini en gert er.
Inga Guðmundsdóttir Sörle hjúkrunarfræðingur í Norge,
græddi legusár manns á 8 vikum, sárið var 7 cm. djúpt og 10 cm.
í þvermál.

Inga skrifaði lokaritgerðina sína í hjúkrunarfræði um lækningamátt hunangsins og segir hún skólanum hafa fundist niðurstöðurnar afar spennandi. Þegar hún hóf skrifin var hún sannfærð um að heimildaleitin yrði erfið en í ljós kom að töluvert hefur verið skrifað um hunang í Ástralíu og á Nýja-Sjálandi. Þar var nýlega byrjað að nota hunang á elliheimilum til að græða legusár og þrýstingssár á fótum.
                  --------------------------------------
Í bókinni Læknisdómar alþýðunnar, eftir D.C, Jarvis M.D.
Er margt og mikið af fróðleik um hunang, eins og svo margt annað,
og skrifaði hann þessa bók til þess að dóttir hans og afkomendur
hennar vissu um það sem hann hefði tekið saman um
náttúrulækningar.

Alþýðulækningar eiga sér langa sögu eins og allir vita og var
náttúran fyrsta apótekið.
Hunang læknar allt að 60% af öllum bakteríum, enda megum
við dást að hugviti býflugunnar er hún sveimar um
garðinn hjá okkur í leit að efnivið í hina fullkomnu fæðu.
Býflugan breytir aldrei til. Óskeikul eðlisávísun segir henni
í hvaða blómum hinn hreina safa er að finna.

Ég gæti verið í allan dag að segja ykkur frá ágæti býflugunnar,
en læt staðar numið hér.
Þið getið spurt ef þið viljið svo er líka hægt að googla á það
þá fáið þið allar upplýsingar sem þið viljið.
Takk fyrir Inga Guðmundsdóttir.

Ég vildi óska að þjóðfélagið mundi opnast fyrir því að nota
meira náttúrulækningar.
                           Eigið góðan dag.

Síðasta hálmstráið var hunangið sæta

Fyrir svefninn.

Norðlenskur bóndi átti sunnlenskan tengdason.
Nágranni bóndans spurði hann, hvernig honum líkaði 
við tengdasoninn.,, Og svona!" svaraði bóndi.
,, Ég hef ekki nema einu sinni séð lífsmark með honum."
,, Og hvenær var það?" spurði hinn.
,, Hann geispaði," svaraði bóndi.
              ----------------------------------
Nemandi í gagnfræðaskóla hér í bænum var spurður að því,
hvað ungi lundans væri kallaður.
,, Lundabaggi," svaraði hann.

              ----------------------------------

Benedikt Bogason stúdent á Staðarfelli fór á vorum með
skip til Bjarneyja til fiskiróðra.
Hann var sagður kvennamaður í meira lagi,
og átti hann vingott við konu nokkra þar í eyjum.
Þar um var kveðið:

                 Margt hefur skeð í Benedikts búð
                 bæði um daga og nætur.
                 Undir voð af siglu súð
                 sáust rauðir fætur.

Vísa eftir Daða Níelsson um Reynistaðarhjón,
Stefán og Ragnheiði.

                Reynistaðar - reisug - hjón
                rýr að flestum dáðum;
                hún er svarri, hann er flón,
                hossi fjandinn báðum.

                                    Góða nótt.

Þora ekki karlmenn, eða hvað?

Var að rita um Obama og kynverur í morgunn.
Talaði um að gaman væri að fá karlmennina inn
með sína skoðun á málunum.
Eldri karla með yngri konur, yngri karla með eldri konur,
og hvernig þeim líður með það?
Hvernig túlka þeir að kynverur eigi að vera?
það er ef við eigum að tala um kynverur yfirleitt.
Koma svo strákar opnið ykkur, segið frá.

Kynveran Obama.

Auðvitað hópast konur um Obama, að mati fólks er hann
ekki orðin of gamall til að vera kynvera, enda líka flottur
líkami á þessum manni, góður að horfa á.

Madonna sagði í viðtali sem ég bloggaði svo um í gær,
að eftir vissan aldur ætti fólk víst að hætta að vera
ævintýragjarnt og kynverur.
Að sjálfsögðu er þar hin mests fyrra.

Obama er kynvera að mínu mati, en hvað ætli hann sé gamall?
ekki að mér finnist það skipta máli. 
En er þessu öðruvísi farið með karlmennina?
Hvernig hugsa þeir um þessi mál?

Gaman væri nú ef þeir á málefnalegan og einlægan hátt
mundu koma fram með sína skoðun á kynverum,
og af hverju erum við öll kölluð kynverur?
Og koma svo stelpur líka,
allir í umræðuna.

Obama fær stuðning kvenna

Fyrir svefninn.

Sæmundur kaupmaður  var oft mjög viðutan.
Einu sinni lá hann veikur, og kallaði þá konan hans til hans,
að læknirinn væri að koma.
,, Hamingjan hjálpi mér!" sagði Sæmundur þá.
,, Ég er í rúminu. Ég get ekki tekið á móti honum.
Segðu honum að ég sé veikur."

Kona nokkur kom í heimsókn til nágrannakonu sinnar,
sem var hin mesta subba.
Hún tók gestinum hið besta, bar inn bolla kaffi og kökur
og ætlaði að fara að hella í bollana ,
en aðkomukonunni mun hafa þótt sinn bolli nokkuð óreinn,
því að hún lifti honum upp og sagði:
,, Má ég ekki lesa í bollann fyrst?"

                    Kesknisvísa um prest

               Þér líkar víst ekki Lárus minn,
               ljóðið mitt í þetta sinn,
               í því er beittur broddur.
               Margt hefur skeð á Miklabæ,
               í mínum huga sí og æ:
               Þú ættir að hverfa eins og Oddur.

                    Kvartélið.

               Náttúran öll og eðli manns
               er í kvartélinu.
               Saurug hugsun syndugs manns
               sveimar að sponsgatinu.
                                Sr. Einar Friðgeirsson.

                                        Góða nótt.

Hvað er eiginlega að eldast? Sem kynvera.

Gott hjá Madonnu, og satt er það hjá henni, að heimurinn
sé fullur af karlrembu og fordómum við fólk
sem er komið af léttasta skeiðinu.
Þegar maður er komin á vissan aldur, á maður að hætta að vera
ævintýragjarn og hætta að vera kynvera.

Ég segi nú eins og Madonna á maður að deyja eða hvað.
Konur hætta aldrei að vera kynverur eða að hafa þörf
fyrir kynmök, daður og allskonar uppákomur,
þá er ég ekki að meina að það þurfi eða eigi að vera eitthvað siðlaust.
Það er sama hvort við erum ungar, gamlar, feitar, mjóar allar höfum
við þessar hvatir í okkur sem teljast eðlilegar bæði konum og mönnum.

Gaman að segja frá því, að ég las það einhversstaðar, að það voru
gerðar rannsóknir á kynþörf kvenna og karla, og var þetta stór
rannsókn.
Þar kom fram að konur hafa þörf fyrir kynlíf lífið út í gegn,
en karlarnir mun styttra.

Þess vegna tel ég að eldast og vera kynvera eigi ekkert sameiginlegt,
nema ef vera skildi að er við eldumst höfum við meiri reynslu,
kunnum að njóta kynlífs betur að því að við erum opnari.

Af hverju haldið þið að ungir menn sækist eftir eldri konum?
Ef einhverjum finnst ég vera of hreinskilin,
þá er það bara af því að þetta er sannleikur.
Eigið góðan dag og ræktið kynlífið.

Ekki of gömul til að vera kynvera

Fyrir svefninn.

Guðmundur vinnumaður var svaðamenni og naumast
með réttu ráði við vín.
Einu sinni kom hann fullur heim úr ferðalagi og var
mjög æðisgengin.
Hann hleypur inn í hesthús á túninu.
Piltar tveir á bænum fara að gá að, hvað honum liði,
og er hann þá búin að hengja sig og dinglar í snörunni.
Þeir hlaupa til húsbónda síns og segja honum,
hvernig komið er.
,, Skáruð þið hann ekki niður?" spurði húsbóndinn.
,, nei", svaraði annar pilturinn. ,,Við þorðum það ekki,
Því hann var ekki alveg dauður".

Glímumenn úr Þingeyjarsýslu fóru til Akureyrar á
glímumót, en urðu ekki sigursælir.
Þá kvað Indriði Þórkelsson á Fjalli:

                Það má segja um þessa menn
                þeir eru ekki latir,
                tölta dægrin tvenn og þrenn
                til að liggja flatir.

                          Góða nótt.

Ástandsmálin 1941.

Hvað finnst ykkur um meðferð á máli þessu. Orðatiltæki,
Niðurlægingar tal um konur og börn, skjóta rannsókn,
og endilega ef það er eitthvað fleira sem þið hafið skoðun
á. Ef þið haldið að þetta hafi eitthvað breyst, þá er það allavega
afar lítið.

                               ,, Ástandsmálin":

Hundruð reykvískra kvenna hafa mök við setuliðsmenn
                Fjöldi stúlkubarna á glapstigum.

27/8 1941. Að undanförnu hefur mikið verið rætt og ritað um
,,ástandsmálin" svonefndu, en svo eru nefnd samskipti íslenskra
kvenna og erlendra setuliðsmanna.
hafa þau samskipti verið mikil allt frá byrjun, en virðast þó færast í vöxt.

Hinn 11. júní s.l. ritaði landlæknir bréf til dómsmálaráðuneytisins. Fjallaði
það um ,,saurlifnað í reykjavík og stúlkubörn á glapstigum".
segir þar meðal annars, að athuganir þær, sem lögreglan í Reykjavík hefur
látið framkvæma, hafi ,, flett ofan af svo geigvænlegum staðreyndum um
þessi mál, að ekki má kyrrt vera. Er það sök fyrir sig, að hér er nú vitað um
kvenfólk í tugatali á allra lægsta þrepi skækjulifnaðar...Hitt er viðbjóðslegast,
ef niðurstöður lögreglunnar eru á rökum reistar, að ólifnaður stúlkubarna á
aldrinum 12=16 ára og jafnvel yngri sé svo almennur orðin og breiðist svo ört út,
að ekkert heimili frá hinum aumustu til hinna best settu geti talið sig örugg öllu lengur.

                                   ,, Ástandsnefndin".

Hinn 29/7 skipaði dómsmálaráðherra þriggja manna nefnd til að rannsaka þessi mál
og gera tillögur til bóta. Í nefndina voru skipaðir Benedikt Tómasson landlæknir,
dr, Broddi Jóhannesson uppeldisfræðingur og séra Sigurbjörn Einarsson.
nefndin hefur nú starfað í einn mánuð og sendir í dag frá sér skýrslu um siðferðismálin.
Þar er frá því greint, að lögreglan í Reykjavík hafi nú skrásett nöfn um 500 hundruð kvenna,
sem hún telur að hafi mjög náin afskipti af setuliðinu.
Konur þessar eru á aldrinum 12--61 árs, þar af a.m.k. 150 17 ára og yngri.
Síðan segir orðrétt: ,, Ávegum þessara kvenna eru, svo vitað er, 255 börn, en full
ástæða er til að ætla, að tala þeirra sé allmiklu hærri. Mæður eru 129.
Af þessum tölum verður ljóst, þvílíkur fjöldi barna elst upp við óhæf kjör,
og þarf engum getum að því að leiða, hvers konar þegnar þau munu reynast.
Af konum þessum eru allmargar heimilislausar.
Það sem hlýtur að vekja langmesta athygli við lestur þessara skýrslu,
er hinn mikli fjöldi stúlkubarna. Hæstur er aldursflokkurinn 15--17 ára,
og stúlkubörn frá 12--14 ára eru fleiri en konur frá 24--26 ára.

Að áliti lögreglustjórans í Reykjavík eru þessar konur aðeins lítill hluti
þeirra kvenna, sem líkt er ástatt um. telur hann að lögreglan hafi ekki
haft tækifæri til að safna heimildum nema um 20% allra reykvískra kvenna,
sem umgangast setuliðið meira og minna.

                  Mótmæli setuliðsstjórnarinnar.

5/10 Yfirforingi breska hersins á Íslandi hefur nú borið fram mótmæli út af
hinni opinberu skýrslu ,,Ástandsnefndarinnar" um samskipti íslenskra kvenna
og setuliðsins. hann hefur afhent blöðunum yfirlýsingu , þar sem hann kveðst
hafa látið fara fram fara rannsókn á skýrslunni og véfengir hana í ýmsum atriðum.
Segir í yfirlýsingu þessari, að bresk hernaðaryfirvöld geti ,, ekki samþykkt réttmæti
ummæla þeirra um ástandið sem felist í skýrslu ,, ástandsnefndarinnar" um að
saurlifnaður hafi mjög farið í vöxt á Íslandi vegna setuliðsins."

Er að lokum komist að þeirri niðurstöðu, að siðferðisástandið hafi batnað til
muna við komu setuliðsins.

11/10. Lögreglustjórinn í Reykjavík hefur nú svarað þeirri gagnrýni á störf
lögreglunnar og ,,ástandsnefndarinnar" sem fram kom í yfirlýsingu
yfirforingja breska setuliðsins og fylgiskjölum er birt með henni.
kemst hann að þeirri niðurstöðu, að yfirlýsing þessi sé full af
tilhæfulausum fullyrðingum og rökvillum.

Margt er nú rætt og ritað um ástandsmálin og hugsanlegar leiðir til
úrbóta. Sýnist sitt hverjum, eins og oft vill verða.

Gaman væri að fá komment um hvað ykkur finnst um þessi skrif,
þau eru tekin upp úr Öldinni Okkar.
                                Takk fyrir.