Fórnarlömb mannsals og lítilsvirðingar.

Konur þurfa að vita, að þeim sé tryggt öryggi og að
komið sé fram við þær að virðingu er þær leita hjálpar.
Það er verið að vinna að úrræðum í þessu máli, og hefði
það þurft að vera löngu komið, en nú vonum við það besta.

Guðrún Jónsdóttir talsmaður Stígamóta,
telur, að það hafi verið stigið stórt skref er lagt var bann við
nektarstöðum og kjöltudansi. Og er það trúlega rétt,
en það er ekki, en betur má ef duga skal.
Og því miður held ég að ekkert dugi til að uppræta þetta alveg.

En að mínu mati er bara búið að færa það neðanjarðar,
eftirspurnin eftir slíkum ósóma er slíkur að þeir sem klókir
eru finna leið til að þjóna þessum mönnum og konum sem
vilja allskonar þjónustu á þessu sviði.

Við höfum heyrt frásagnir af konum sem hafa verið beðnar að fara
í eitthvert hús, til að þjóna einum manni,
og svo er til kemur er þetta kannski, margir menn og konur 
sem telja það sjálfsagt að þau megi koma fram að vild.
Þau keyptu jú þessa stúlku.

Hvað er mannsal spyrja margir,
já hversu víðtækt er hægt að nota það orð?
Til dæmis ungur maður, sem selur systur sína til vina,
eða frændi sem gerir slíkt?
Er það ekki mannsal?

Ég segi nú bara við þá sem hugsa ætíð:
,, Þetta er nú ekki satt, svona lagað getur ekki gerst."
Vaknið til lífsins! þetta er að gerast á hverjum degi oft á dag.
Og Takið eftir! Líka á Íslandi.

Ekkert finnst sé ekki leitað

Fyrir svefninn.

Guðbrandur Jónsson var suður á flugvelli með dóttur sína,
og skildi hún stíga upp í flugvél.
Dimmt var í lofti og drungalegt, og hikaði stúlkan við að
fara upp í flugvélina.
Flugmaðurinn, sem þarna var viðstaddur, hughreysti hana,
en það dugði ekki heldur. Þá varð Guðbrandi á orði:
,, gengur yður alltaf svona illa að fá kvenfólk upp í loft?"

Jósep á Hjallalandi í Vatnsdal var vel fjáður,
stórbrotinn í lund og tryggðartröll.
Hann var drykkjumaður allmikill og svaðamenni við vín.
Hann trúlofaðist ungur konu sem Guðrún hét,
og höfðu þau boðið til brúðkaupsveislunnar, en urðu
ósátt, og ekkert varð úr giftingunni,
en þó bjuggu þau saman alla ævi og eignuðust eina dóttur.
Samkomulag þeirra var hið stirðasta.
Jósep dó á undan Guðrúnu.
Þegar Jósep var lagstur banaleguna og var allmikið veikur,
kom Guðrún að rúminu til hans og ætlar að fara að láta vel
að  honum. Jósep snýr sér þá til veggjar og segir:
,, Of seint Gunna".

Sesselja á Stuðlum við Reyðarfjörð kvað um sjálfan sig
á gamalsaldri:

                      Flest er það sem forgengur
                      og fer úr stellingunni.
                      Kjaftur allur ónýtur
                      er á kerlingunni.

Hef ekki heyrt það betra í mörg ár.

Það er alveg frábært er maður les eitthvað svona gott.
Hunang er allra meina bót, og finnst mér það með ólíkindum
að ekki hafi verið meira notað af því í lækningaskini en gert er.
Inga Guðmundsdóttir Sörle hjúkrunarfræðingur í Norge,
græddi legusár manns á 8 vikum, sárið var 7 cm. djúpt og 10 cm.
í þvermál.

Inga skrifaði lokaritgerðina sína í hjúkrunarfræði um lækningamátt hunangsins og segir hún skólanum hafa fundist niðurstöðurnar afar spennandi. Þegar hún hóf skrifin var hún sannfærð um að heimildaleitin yrði erfið en í ljós kom að töluvert hefur verið skrifað um hunang í Ástralíu og á Nýja-Sjálandi. Þar var nýlega byrjað að nota hunang á elliheimilum til að græða legusár og þrýstingssár á fótum.
                  --------------------------------------
Í bókinni Læknisdómar alþýðunnar, eftir D.C, Jarvis M.D.
Er margt og mikið af fróðleik um hunang, eins og svo margt annað,
og skrifaði hann þessa bók til þess að dóttir hans og afkomendur
hennar vissu um það sem hann hefði tekið saman um
náttúrulækningar.

Alþýðulækningar eiga sér langa sögu eins og allir vita og var
náttúran fyrsta apótekið.
Hunang læknar allt að 60% af öllum bakteríum, enda megum
við dást að hugviti býflugunnar er hún sveimar um
garðinn hjá okkur í leit að efnivið í hina fullkomnu fæðu.
Býflugan breytir aldrei til. Óskeikul eðlisávísun segir henni
í hvaða blómum hinn hreina safa er að finna.

Ég gæti verið í allan dag að segja ykkur frá ágæti býflugunnar,
en læt staðar numið hér.
Þið getið spurt ef þið viljið svo er líka hægt að googla á það
þá fáið þið allar upplýsingar sem þið viljið.
Takk fyrir Inga Guðmundsdóttir.

Ég vildi óska að þjóðfélagið mundi opnast fyrir því að nota
meira náttúrulækningar.
                           Eigið góðan dag.

Síðasta hálmstráið var hunangið sæta

Fyrir svefninn.

Norðlenskur bóndi átti sunnlenskan tengdason.
Nágranni bóndans spurði hann, hvernig honum líkaði 
við tengdasoninn.,, Og svona!" svaraði bóndi.
,, Ég hef ekki nema einu sinni séð lífsmark með honum."
,, Og hvenær var það?" spurði hinn.
,, Hann geispaði," svaraði bóndi.
              ----------------------------------
Nemandi í gagnfræðaskóla hér í bænum var spurður að því,
hvað ungi lundans væri kallaður.
,, Lundabaggi," svaraði hann.

              ----------------------------------

Benedikt Bogason stúdent á Staðarfelli fór á vorum með
skip til Bjarneyja til fiskiróðra.
Hann var sagður kvennamaður í meira lagi,
og átti hann vingott við konu nokkra þar í eyjum.
Þar um var kveðið:

                 Margt hefur skeð í Benedikts búð
                 bæði um daga og nætur.
                 Undir voð af siglu súð
                 sáust rauðir fætur.

Vísa eftir Daða Níelsson um Reynistaðarhjón,
Stefán og Ragnheiði.

                Reynistaðar - reisug - hjón
                rýr að flestum dáðum;
                hún er svarri, hann er flón,
                hossi fjandinn báðum.

                                    Góða nótt.

Þora ekki karlmenn, eða hvað?

Var að rita um Obama og kynverur í morgunn.
Talaði um að gaman væri að fá karlmennina inn
með sína skoðun á málunum.
Eldri karla með yngri konur, yngri karla með eldri konur,
og hvernig þeim líður með það?
Hvernig túlka þeir að kynverur eigi að vera?
það er ef við eigum að tala um kynverur yfirleitt.
Koma svo strákar opnið ykkur, segið frá.

Kynveran Obama.

Auðvitað hópast konur um Obama, að mati fólks er hann
ekki orðin of gamall til að vera kynvera, enda líka flottur
líkami á þessum manni, góður að horfa á.

Madonna sagði í viðtali sem ég bloggaði svo um í gær,
að eftir vissan aldur ætti fólk víst að hætta að vera
ævintýragjarnt og kynverur.
Að sjálfsögðu er þar hin mests fyrra.

Obama er kynvera að mínu mati, en hvað ætli hann sé gamall?
ekki að mér finnist það skipta máli. 
En er þessu öðruvísi farið með karlmennina?
Hvernig hugsa þeir um þessi mál?

Gaman væri nú ef þeir á málefnalegan og einlægan hátt
mundu koma fram með sína skoðun á kynverum,
og af hverju erum við öll kölluð kynverur?
Og koma svo stelpur líka,
allir í umræðuna.

Obama fær stuðning kvenna

Fyrir svefninn.

Sæmundur kaupmaður  var oft mjög viðutan.
Einu sinni lá hann veikur, og kallaði þá konan hans til hans,
að læknirinn væri að koma.
,, Hamingjan hjálpi mér!" sagði Sæmundur þá.
,, Ég er í rúminu. Ég get ekki tekið á móti honum.
Segðu honum að ég sé veikur."

Kona nokkur kom í heimsókn til nágrannakonu sinnar,
sem var hin mesta subba.
Hún tók gestinum hið besta, bar inn bolla kaffi og kökur
og ætlaði að fara að hella í bollana ,
en aðkomukonunni mun hafa þótt sinn bolli nokkuð óreinn,
því að hún lifti honum upp og sagði:
,, Má ég ekki lesa í bollann fyrst?"

                    Kesknisvísa um prest

               Þér líkar víst ekki Lárus minn,
               ljóðið mitt í þetta sinn,
               í því er beittur broddur.
               Margt hefur skeð á Miklabæ,
               í mínum huga sí og æ:
               Þú ættir að hverfa eins og Oddur.

                    Kvartélið.

               Náttúran öll og eðli manns
               er í kvartélinu.
               Saurug hugsun syndugs manns
               sveimar að sponsgatinu.
                                Sr. Einar Friðgeirsson.

                                        Góða nótt.

Hvað er eiginlega að eldast? Sem kynvera.

Gott hjá Madonnu, og satt er það hjá henni, að heimurinn
sé fullur af karlrembu og fordómum við fólk
sem er komið af léttasta skeiðinu.
Þegar maður er komin á vissan aldur, á maður að hætta að vera
ævintýragjarn og hætta að vera kynvera.

Ég segi nú eins og Madonna á maður að deyja eða hvað.
Konur hætta aldrei að vera kynverur eða að hafa þörf
fyrir kynmök, daður og allskonar uppákomur,
þá er ég ekki að meina að það þurfi eða eigi að vera eitthvað siðlaust.
Það er sama hvort við erum ungar, gamlar, feitar, mjóar allar höfum
við þessar hvatir í okkur sem teljast eðlilegar bæði konum og mönnum.

Gaman að segja frá því, að ég las það einhversstaðar, að það voru
gerðar rannsóknir á kynþörf kvenna og karla, og var þetta stór
rannsókn.
Þar kom fram að konur hafa þörf fyrir kynlíf lífið út í gegn,
en karlarnir mun styttra.

Þess vegna tel ég að eldast og vera kynvera eigi ekkert sameiginlegt,
nema ef vera skildi að er við eldumst höfum við meiri reynslu,
kunnum að njóta kynlífs betur að því að við erum opnari.

Af hverju haldið þið að ungir menn sækist eftir eldri konum?
Ef einhverjum finnst ég vera of hreinskilin,
þá er það bara af því að þetta er sannleikur.
Eigið góðan dag og ræktið kynlífið.

Ekki of gömul til að vera kynvera

Fyrir svefninn.

Guðmundur vinnumaður var svaðamenni og naumast
með réttu ráði við vín.
Einu sinni kom hann fullur heim úr ferðalagi og var
mjög æðisgengin.
Hann hleypur inn í hesthús á túninu.
Piltar tveir á bænum fara að gá að, hvað honum liði,
og er hann þá búin að hengja sig og dinglar í snörunni.
Þeir hlaupa til húsbónda síns og segja honum,
hvernig komið er.
,, Skáruð þið hann ekki niður?" spurði húsbóndinn.
,, nei", svaraði annar pilturinn. ,,Við þorðum það ekki,
Því hann var ekki alveg dauður".

Glímumenn úr Þingeyjarsýslu fóru til Akureyrar á
glímumót, en urðu ekki sigursælir.
Þá kvað Indriði Þórkelsson á Fjalli:

                Það má segja um þessa menn
                þeir eru ekki latir,
                tölta dægrin tvenn og þrenn
                til að liggja flatir.

                          Góða nótt.

Ástandsmálin 1941.

Hvað finnst ykkur um meðferð á máli þessu. Orðatiltæki,
Niðurlægingar tal um konur og börn, skjóta rannsókn,
og endilega ef það er eitthvað fleira sem þið hafið skoðun
á. Ef þið haldið að þetta hafi eitthvað breyst, þá er það allavega
afar lítið.

                               ,, Ástandsmálin":

Hundruð reykvískra kvenna hafa mök við setuliðsmenn
                Fjöldi stúlkubarna á glapstigum.

27/8 1941. Að undanförnu hefur mikið verið rætt og ritað um
,,ástandsmálin" svonefndu, en svo eru nefnd samskipti íslenskra
kvenna og erlendra setuliðsmanna.
hafa þau samskipti verið mikil allt frá byrjun, en virðast þó færast í vöxt.

Hinn 11. júní s.l. ritaði landlæknir bréf til dómsmálaráðuneytisins. Fjallaði
það um ,,saurlifnað í reykjavík og stúlkubörn á glapstigum".
segir þar meðal annars, að athuganir þær, sem lögreglan í Reykjavík hefur
látið framkvæma, hafi ,, flett ofan af svo geigvænlegum staðreyndum um
þessi mál, að ekki má kyrrt vera. Er það sök fyrir sig, að hér er nú vitað um
kvenfólk í tugatali á allra lægsta þrepi skækjulifnaðar...Hitt er viðbjóðslegast,
ef niðurstöður lögreglunnar eru á rökum reistar, að ólifnaður stúlkubarna á
aldrinum 12=16 ára og jafnvel yngri sé svo almennur orðin og breiðist svo ört út,
að ekkert heimili frá hinum aumustu til hinna best settu geti talið sig örugg öllu lengur.

                                   ,, Ástandsnefndin".

Hinn 29/7 skipaði dómsmálaráðherra þriggja manna nefnd til að rannsaka þessi mál
og gera tillögur til bóta. Í nefndina voru skipaðir Benedikt Tómasson landlæknir,
dr, Broddi Jóhannesson uppeldisfræðingur og séra Sigurbjörn Einarsson.
nefndin hefur nú starfað í einn mánuð og sendir í dag frá sér skýrslu um siðferðismálin.
Þar er frá því greint, að lögreglan í Reykjavík hafi nú skrásett nöfn um 500 hundruð kvenna,
sem hún telur að hafi mjög náin afskipti af setuliðinu.
Konur þessar eru á aldrinum 12--61 árs, þar af a.m.k. 150 17 ára og yngri.
Síðan segir orðrétt: ,, Ávegum þessara kvenna eru, svo vitað er, 255 börn, en full
ástæða er til að ætla, að tala þeirra sé allmiklu hærri. Mæður eru 129.
Af þessum tölum verður ljóst, þvílíkur fjöldi barna elst upp við óhæf kjör,
og þarf engum getum að því að leiða, hvers konar þegnar þau munu reynast.
Af konum þessum eru allmargar heimilislausar.
Það sem hlýtur að vekja langmesta athygli við lestur þessara skýrslu,
er hinn mikli fjöldi stúlkubarna. Hæstur er aldursflokkurinn 15--17 ára,
og stúlkubörn frá 12--14 ára eru fleiri en konur frá 24--26 ára.

Að áliti lögreglustjórans í Reykjavík eru þessar konur aðeins lítill hluti
þeirra kvenna, sem líkt er ástatt um. telur hann að lögreglan hafi ekki
haft tækifæri til að safna heimildum nema um 20% allra reykvískra kvenna,
sem umgangast setuliðið meira og minna.

                  Mótmæli setuliðsstjórnarinnar.

5/10 Yfirforingi breska hersins á Íslandi hefur nú borið fram mótmæli út af
hinni opinberu skýrslu ,,Ástandsnefndarinnar" um samskipti íslenskra kvenna
og setuliðsins. hann hefur afhent blöðunum yfirlýsingu , þar sem hann kveðst
hafa látið fara fram fara rannsókn á skýrslunni og véfengir hana í ýmsum atriðum.
Segir í yfirlýsingu þessari, að bresk hernaðaryfirvöld geti ,, ekki samþykkt réttmæti
ummæla þeirra um ástandið sem felist í skýrslu ,, ástandsnefndarinnar" um að
saurlifnaður hafi mjög farið í vöxt á Íslandi vegna setuliðsins."

Er að lokum komist að þeirri niðurstöðu, að siðferðisástandið hafi batnað til
muna við komu setuliðsins.

11/10. Lögreglustjórinn í Reykjavík hefur nú svarað þeirri gagnrýni á störf
lögreglunnar og ,,ástandsnefndarinnar" sem fram kom í yfirlýsingu
yfirforingja breska setuliðsins og fylgiskjölum er birt með henni.
kemst hann að þeirri niðurstöðu, að yfirlýsing þessi sé full af
tilhæfulausum fullyrðingum og rökvillum.

Margt er nú rætt og ritað um ástandsmálin og hugsanlegar leiðir til
úrbóta. Sýnist sitt hverjum, eins og oft vill verða.

Gaman væri að fá komment um hvað ykkur finnst um þessi skrif,
þau eru tekin upp úr Öldinni Okkar.
                                Takk fyrir.

'Ógeðslegir sniglar.

Mátti til með að stela þessari mynd af síðunni hennar Huld,
til að sína ykkur ófögnuðinn.
Mundi ekki vilja hafa þetta í garðinum hjá mér.

Matar og sparnaðar hugleiðingar.

Datt í hug í morgun er ég sá fyrirspurn frá henni Siggu
bloggvinu minni um eftirrétti úr rabbbara.
Ég gaf henni upp afar gamlan eftirrétt úr rótunum af
rabbaranum.
Þær eru soðnar í sykurvatni, sjóða má með þurrkaða ávexti
síðan sett á krukkur og bara geymt í búrinu eins og sultan.
þegar manni langar svo í eitthvað gott má grípa eina krukku
og fá sér með þeyttum rjóma.
þetta var nú aðaleftirrétturinn á mörgum heimilum hér áður og fyrr,
ásamt heita búðingnum, og þá fékk maður berjasaft útá eða mjólk.

Já  það sem mér datt í hug, var að það er náttúrlega ekkert
betra en heimabakað brauð, með rabbbarasultu.
                         Hvítt brauð.

              5.    bollar  Hveiti
              3/4   - - -    Sykur
              3/4  - - -     Súrmjólk
              3     tesk.   Lyftiduft
              1     ---       Matarsódi
              1     ---       Salt
                                Léttmjólk eftir þörfum

Hrært í hrærivél sett í form og bakað við 170% í ca. 45 mín.
Þessa uppskrift má líka nota í grófu mjöli með allskonar fræjum
ef vill.

Svo er annað sem er afar fljótlegt og miklu betra en út úr búð
það er rúgbrauðið.

             6 bollar rúgmjöl
             3  ----    heilhveiti
             4 tesk.  matarsódi
             3  ---     salt
             1 dós    sýróp
             11/2 l.   súrmjólk.

Öllu hrært saman sett í mjólkurfernur eða niðursuðudósir
álpappír settur yfir. sett inn í 200% heitan ofn,
strax lækkað niður í 100%, bakað í 8 tím.
losað úr dósum eða fernum.
best er ef maður á brauðhníf að sneiða allt niður setja í plast
og frysta. Þá áttu alltaf nýtt rúgbrauð og ekki er það nú dónalegt
með hverju sem er. 

það sparast stórpeningur á þessu og þetta er fljótlegt.
                          Knús Milla.

Viðbjóður.

Þessir sniglar eru hreinasti viðbjóður,
væri kannski hægt að leiðbeina fólki um hvernig á að
ná og senda þessi kvikindi?
Er ekki hægt að eitra fyrir þeim?
Hvernig þekkir maður þá frá þessum Íslensku?

Fara þeir inn í hýbýli manna trúi því nú varla,
en gott að vita.

Ráðum við nokkurn tíman við þessa innflytjendur, nokkuð
frekar en geitungana og annan ófögnuð sem til landsins kemur.
En um að gera að rannsaka það, en hvað kostar það mikið?

Sniglaplága í uppsiglingu?

Þetta voru ekki góðar fréttir.

Vinafólk mitt á þetta hús, og er þetta það fyrsta
sem ég rek augun í er í tölvuna leit.
Við áttum heima samtímis á Ísafirði, enda þeir
Ísfirðingar, vinkona mín frá Grundafirði, og ég frá
Reykjavík.
Við fluttumst í burtu um líkt leiti, þau suður en við
norður. þau eru mun yngri en við og eiga 2 börn
sem ennþá eru heima.
Þakka ég guði fyrir að þið eruð heil á húfi, kæru vinir
mínir.
það er slæmt að litla kisulóran hafi farið, hún var ykkur svo kær.
                    Sendum ykkur kærleikskveðjur.
                      Ykkar vinir Milla og Gísli.

Fyrir svefninn. Þetta þurfið þið að vita.

               Laxárvirkjunin fullgerð og straumnum
                            Hleypt á til Akureyrar.

Akureyri 15. okt. 1939.
Þau merku tíðindi gerðust hér í gær, að Akureyringar fengu
í fyrsta sinn rafmagn frá hinni nýju rafveitu við Laxá.
Var straumnum hleypt á við hádegisbilið.
         
                                  Virkjun Laxár
                                             
Á árunum 1936 og 1937 fóru fram víðtækar virkjunarrannsóknir
nyðra, og beindist þá athyglin aðalega að Goðafossi,
er reyndist vel til virkjunar fallinn. Engu að síður var þó talið rétt
að taka einnig til athugunnar virkjun Laxár við Grenjaðastað.
Niðurstaða þeirra rannsókna varð sú, að virkjun Laxár væri að
ýmsu leiti hagkvæmari en virkjun Goðafoss,
og var þá að því ráði horfið.

Á alþingi 1937 voru afgreidd heimildarlög fyrir ríkisábyrgð á 4/5
hlutum byggingarkostnaðar, allt að 2 millj. kr.
Árið 1938 tókst að fá lán til virkjunarinnar. var verkið hafið í
júlímánuði í fyrrasumar, með byggingu orkuvers, sem komst
undir þak þá um haustið. Í sumar var byggð stífla í ána og
þrýstivatnspípa, gengið frá orkuveri innanhúss og settar
upp vélar, lögð 60 km löng háspennilína til Akureyrar og
bæjarkerfið aukið að miklum mun.
hefur verkið gengið mjög greiðlega.
danska firmað Höjgaard & Schulzt reisti stöðina.

                            Kostaði 3 millj. kr.

Vatnsvirki og orkuver eru gerð fyrir 4000 hestöfl. Fyrst um sinn
er þó aðeins sett upp ein vélasamstæða, 2000 hestöfl.
Fullvirkjað myndi það vatnsfall, sem hér um ræðir, geta
framleitt 25 þúsund hestöfl, en það er margföld sú orka
sem Akureyri mun þurfa í náinni framtíð.
Kostnaður við virkjunina hefur numið rúmum þrem miljónum króna,
með núverandi gengi.
                              -------------------------------------
Hugsið þið ykkur ef þeir hefðu virkjað Goðafoss, þetta yndislega fyrirbæri,
get ekki hugsað þá hugsun til enda.

Og takið eftir kostnaðinum, mikill munur á og í dag.
Það tók bara rúmt ár að byggja þessa virkjun, kátbroslegt.
fullvirkjuð gat hún framleitt 25 þús. hestöfl, það var langt fram úr því
sem Akureyringar þurftu um langa framtíð.
hvað nota þeir í dag, það er gaman að bera þetta saman.
Þessi frétt er tekin úr Öldinni okkar.
                                    Góða nótt.

Óhugur í íbúum á Pelópsskaga.

Við skiljum það svo vel Íslendingar, að það sé
óhugur í fólkinu.
Húsin þarna hrynja eins og spilaborgir.
Ég sendi öllu þessu fólki ljós og bið góðan guð að blessa
fólkið.

Fá ekki greiddar bætur, átti einhver von á því?

Skrifuðu ekki Íslensk stjórnvöld undir að fara eftir því
sem mannréttinda dómstóll sameinuðu Þjóðanna úrskurðaði?

Íslensk stjórnvöld hafa sent svar til Sameinuðu þjóðanna
vegna  úrskurðar nefndarinnar um íslenska kvótakerfið
í sjávarútvegi. þar er boðað, að efnt verði til allsherjarskoðunar
í náinni framtíð með breytingar í huga þar sem komið verði til móts
við kröfur nefndarinnar eftir því sem unnt er.

Þeir ætla ekki að greiða mönnunum sem voru dæmdir,
skaðabætur eins og nefndin segir þó til um að eigi að gera.

Sem sagt þeir ætla að huma það fram hjá sér eins lengi og þeir
mögulega komast upp með, að breyta rétt í þessu máli.
Ég átti heldur ekki von á öðru.
þessir ráðamenn þjóðar vorrar geta aldrei viðurkennt misgjörðir sínar
og bara lagfært þær, eins og heiðarlegum mönnum sæmir.
Þannig er það og þannig hefur það ætíð verið. 
Eigi veit ég hvað getur orðið til þess að maðurinn breytist,
fari að skilja að hann er ekki verkfæri í höndum annara,
heldur geti hann haft sjálfstæða skoðun og fari eftir henni.

Svar sent til mannréttindanefndar SÞ

Björgunarsveitarmálið á Akranesi.

Umferðareftirlit vegagerðarinnar hefur sent forsvarsmönnum
Björgunarfélags Akraness tilkynningu þar sem fram kemur að
athugun, sem fram fór á eldsneyti á bifreið félagsins í maí,
muni ekki leiða til frekari aðgerða að hálfu vegagerðarinnar.

Drambmikil framkoma að stoppa bílinn,
Skil ekki alveg hvað þessir menn voru að gera,
kunna þeir ekki vinnureglur sínar, allavega ber þeim að
kunna þær, ef ekki þá að láta kúnnann njóta vafans.

Formaður Björgunarfélagsins Ásgeir Örn segir þetta mál
og sú umræða sem það fékk, hafi komið illa við félagið.
Óþægilegt sé að vita til þess að einhverjum detti í hug
að starfað sé eftir öðrum markmiðum í okkar félagsskap
heldur en að bæta samfélagið okkar.


Ég verð nú bara að segja, á ekki til orð, ef einhver heldur það.
Hvað er þessi sveit ásamt öllum öðrum sveitum búnar að gera
fyrir okkur landsmenn???
Jú þeir vinna í sjálfboðavinnu við að bjarga öllum sem eftir þeim
kalla, boðnir og tilbúnir á stundinni.
koma heim undatekningarlítið heim glaðir yfir velheppnaðri ferð,
Svo eru það líka óveðrin sem hjálp þeirra er þegin í.
Bara nefnið dæmi, þeir hafa bjargað þeim öllum.
Hverjir standa svo heilu helgarnar og þrífa og dytta að bílum,
tækjum og öllu því sem þarf að vera tilbúið í næstu ferð?
þeir gera kraftaverk, en hugsa ekki þannig.
Þeir hugsa bara um, það þarf að bjarga, og þeir gera það.

Engin ástæða var fyrir þessari könnun, eftirlitinu var gerð grein fyrir
stöðu mála.
Málinu er ekki lokið frá hendi Björgunarfélagsins.
Ef um einhverjar glufur er að ræða, ber að fylla upp í þær.
Og formaður segist vona að fólk haldi ekki að þeir séu vísvitandi
að brjóta á samborgurum sínum.

Hreint ætla ég að vona að um fáa svoleiðis vanþekkingarmenn sé að
ræða, en bið fólk að spyrja sig, ef það þurfi á skurðlækni að halda,
mundi það ekki vilja að hann væri búinn að læra sína mennt?
það er nefnilega eins með flottu strákanna okkar,
í Björgunarsveitum landsins,
Þeir þurfa að æfa til að læra.
                Eigið góðan dag.
                 Milla.

Olíumál björgunarsveitar látið niður falla

Fyrir svefninn. Ástandsmálin 1941.

                               ,, Ástandsmálin":

Hundruð reykvískra kvenna hafa mök við setuliðsmenn
                Fjöldi stúlkubarna á glapstigum.

27/8 1941. Að undanförnu hefur mikið verið rætt og ritað um
,,ástandsmálin" svonefndu, en svo eru nefnd samskipti íslenskra
kvenna og erlendra setuliðsmanna.
hafa þau samskipti verið mikil allt frá byrjun, en virðast þó færast í vöxt.

Hinn 11. júní s.l. ritaði landlæknir bréf til dómsmálaráðuneytisins. Fjallaði
það um ,,saurlifnað í reykjavík og stúlkubörn á glapstigum".
segir þar meðal annars, að athuganir þær, sem lögreglan í Reykjavík hefur
látið framkvæma, hafi ,, flett ofan af svo geigvænlegum staðreyndum um
þessi mál, að ekki má kyrrt vera. Er það sök fyrir sig, að hér er nú vitað um
kvenfólk í tugatali á allra lægsta þrepi skækjulifnaðar...Hitt er viðbjóðslegast,
ef niðurstöður lögreglunnar eru á rökum reistar, að ólifnaður stúlkubarna á
aldrinum 12=16 ára og jafnvel yngri sé svo almennur orðin og breiðist svo ört út,
að ekkert heimili frá hinum aumustu til hinna best settu geti talið sig örugg öllu lengur.

                                   ,, Ástandsnefndin".

Hinn 29/7 skipaði dómsmálaráðherra þriggja manna nefnd til að rannsaka þessi mál
og gera tillögur til bóta. Í nefndina voru skipaðir Benedikt Tómasson landlæknir,
dr, Broddi Jóhannesson uppeldisfræðingur og séra Sigurbjörn Einarsson.
nefndin hefur nú starfað í einn mánuð og sendir í dag frá sér skýrslu um siðferðismálin.
Þar er frá því greint, að lögreglan í Reykjavík hafi nú skrásett nöfn um 500 hundruð kvenna,
sem hún telur að hafi mjög náin afskipti af setuliðinu.
Konur þessar eru á aldrinum 12--61 árs, þar af a.m.k. 150 17 ára og yngri.
Síðan segir orðrétt: ,, Ávegum þessara kvenna eru, svo vitað er, 255 börn, en full
ástæða er til að ætla, að tala þeirra sé allmiklu hærri. Mæður eru 129.
Af þessum tölum verður ljóst, þvílíkur fjöldi barna elst upp við óhæf kjör,
og þarf engum getum að því að leiða, hvers konar þegnar þau munu reynast.
Af konum þessum eru allmargar heimilislausar.
Það sem hlýtur að vekja langmesta athygli við lestur þessara skýrslu,
er hinn mikli fjöldi stúlkubarna. Hæstur er aldursflokkurinn 15--17 ára,
og stúlkubörn frá 12--14 ára eru fleiri en konur frá 24--26 ára.

Að áliti lögreglustjórans í Reykjavík eru þessar konur aðeins lítill hluti
þeirra kvenna, sem líkt er ástatt um. telur hann að lögreglan hafi ekki
haft tækifæri til að safna heimildum nema um 20% allra reykvískra kvenna,
sem umgangast setuliðið meira og minna.

                  Mótmæli setuliðsstjórnarinnar.

5/10 Yfirforingi breska hersins á Íslandi hefur nú borið fram mótmæli út af
hinni opinberu skýrslu ,,Ástandsnefndarinnar" um samskipti íslenskra kvenna
og setuliðsins. hann hefur afhent blöðunum yfirlýsingu , þar sem hann kveðst
hafa látið fara fram fara rannsókn á skýrslunni og véfengir hana í ýmsum atriðum.
Segir í yfirlýsingu þessari, að bresk hernaðaryfirvöld geti ,, ekki samþykkt réttmæti
ummæla þeirra um ástandið sem felist í skýrslu ,, ástandsnefndarinnar" um að
saurlifnaður hafi mjög farið í vöxt á Íslandi vegna setuliðsins."
Er að lokum komist að þeirri niðurstöðu, að siðferðisástandið hafi batnað til
muna við komu setuliðsins.

11/10. Lögreglustjórinn í Reykjavík hefur nú svarað þeirri gagnrýni á störf
lögreglunnar og ,,ástandsnefndarinnar" sem fram kom í yfirlýsingu
yfirforingja breska setuliðsins og fylgiskjölum er birt með henni.
kemst hann að þeirri niðurstöðu, að yfirlýsing þessi sé full af
tilhæfulausum fullyrðingum og rökvillum.

Margt er nú rætt og ritað um ástandsmálin og hugsanlegar leiðir til
úrbóta. Sýnist sitt hverjum, eins og oft vill verða.

Gaman væri að fá komment um hvað ykkur finnst um þessi skrif,
þau eru tekin upp úr Öldinni Okkar.
                                Góða nótt.

Draga lappirnar í öllum málum.

Er ekki í lagi með ríkisbattaríið okkar?
Er aldrei hægt að skapa vinnufrið?
Er aldrei hægt að borga mannsæmandi laun?

Þurfa kennarar að hafa endalausar áhyggjur af því að þurfa að
sækja um aðra vinnu, að ekki verði samið við þá, að þeir kenni
ekki við skólann sinn næstu annir, vegna þess að ekki verður
samið við þá.

Og nemendur sem komnir eru á framhaldsskólastig verði ekki
í skóla næstu annir.

Hvað kostar það nemendur, fjölskyldur þeirra og ríkið?

Er ekki komin tími til að fólk skilji það að kennarar eiga að fá góð laun.
þeir koma börnunum okkar til manns og mennta út í lífið.

Fara kennarar í haust?