Snjóaði í Húsavíkurfjall í nótt.

Hvað ætlið þið að gera í dag konur þessa lands?
Ég sjálf er heima hjá mér á Húsavík, hér gránaði í
Húsavíkurfjallið í nótt, 1 stigs frost á mælir kl 3 í nótt.
Núna er 3 stiga hiti, sem segir mér að ef ég settist út í bíl,
Þá væri svona rautt merki í mælaborðinu, sem segir manni
að það gæti verið að nálgast hálkumörk, er ekki að grínast,
er ekki annars miður júní? Jú hélt það.

Svo ég ætla að vera bara heima hjá mér í dag og hafa það
náðugt, legg mig örugglega með góða bók, sofna síðan út
frá henni, vakna fáum okkur kaffi og kleinur.
Engillinn er að rifja upp Arnadalsættina, og er hann ekki
viðræðuhæfur, nema maður hækki svolítið róminn.
Er svo ekki fótbolti í dag, má ekki missa af því.

Í kvöldmat verður steiktur þorskur, með kartöflum,
Gljáðum sykurbaunum, sveppum, paprikum,blómkáli, lauk.
brocoli raspa smá gulrætur út í, þetta verður kryddað með
indversku kryddi frá nomu, besta kridd sem til er.
Ég elska svona mat, enda sést það.

Sagði einhver hvað ég ætti góðan engil sem eldaði, ef svo,
þá mesti misskilningur, hann eldar ekki, en gerir allt hitt,
svo ég er sátt við þau skipti.
Ég veit ekki einu sinni hvernig uppvöskunarvélin lítur út
að innan, eða vill ekki vita það.
Já þetta verður dagurinn minn, Enn ykkar???

Til hamingju Konur og menn þessa lands.

Í dag 19 júní er kvenréttindadagurinn, ég óska líka
karlmönnum til hamingju til hamingju því þeir sem hafa
barist með okkur konunum eiga þennan dag líka að mínu mati.

Mikið hefur áunnist, en afar margt er eftir að vinna að.
Það þarf og verður að fá konur til að skilja að þær geta allt
og eiga rétt til þess að vinna að því sem hugur þeirra stefnir til,
ekki að láta stoppa sig í hvorki einu eða neinu.

Ég var nú að segja hér um daginn, að það þyrfti er fólk tekur saman,
að gera skriflegt samkomulag um jafna verkaskiptingu á öllum störfum
sem á og utan heimilis skapast, því oftast vill allt bitna á konunni.

Tek fram að það eru undantekningar hjá fólki.

                   Gangi okkur vel í baráttunni.

Jafnréttisbaráttunni langt í frá lokið

Skrímsli í formi foreldra, getur það gerst?

Ekki tel ég þetta vera vanrækslu, þetta er morð að
mínu áliti, þau eru búin að ala upp 4 önnur börn svo þau
vita hvernig á að gera það.
Þetta er það hörmulegasta sem ég hef heyrt, svelta litlu
börnin sín til bana, maður spyr sig hvernig er ástatt fyrir
hinum börnunum, sálarlega og næringarlega séð?

Gott er ef börnin eru komin í góðar hendur, sem þau ættu
að vera, þar sem þau eru hjá ömmu sinni.
En veit maður nokkurn tíman hvað er gott eður ei.

Sveltu börn sín til bana

Fyrir svefninn.

Leikfélag Reykjavíkur ætlaði eitt sinn fyrir mörgum árum
árum að hafa leiksýningu, og var húsið fullskipað.
Einn af aðal-leikendunum var Sigurður Magnússon frá
Flankastöðum, en hann kom svo drukkinn, að leikstjórinn
gekk fram á sviðið og tilkynnti, að aflýsa yrði sýningunni
vegna forfalla eins leikarans.
Þá gekk Sigurður fram á leiksviðið og sagði:
,, Ég er ekki forfallaður. Ég er bara fullur."

Roskin vinnukona á bæ einum ól barn, og var faðir þess
18 ára gamall piltur á sama heimili.
Nokkuð mun það hafa þótt tíðindum sæta og verið um það
talað á sínum tíma, en aldraður maður , faðir húsfreyju,
taldi þetta ekki eðlilegt og sagði:
,,hann er þægur, drengurinn, og gerir allt, sem honum er sagt."
                              -----------------------------------
                    Hér kemur eftir hana Ósk.

              Hvernig prestar geta aukið aðsókn 
              að kirkjunni.

                    Ef bæði þeir okkur að yrkja
                    annan hvern sunnudag virkja
                    slöknunar mátt,
                    strípað og blátt,
                    þá yrði þéttsetin kirkja.

               Hvers vegna biskupinn var á móti
               " súludansi".

                    Það er bara öfundargjálfur,
                    almennings hylli vill dorga.
                    Ef fær'ann á súluna sjálfur
                    seint mundi nokkur borga.   
                                           
                                      Góða nótt
                             

Það er ekki ein báran stök.

Hér áður og fyrr voru eiginlega allar prímadonnur
með hold, bara misjafnlega mikið.
maður var ekki að hugsa um það heldur hlustaði bara á sönginn,
Ekki voru þeir svo grannir Tenórarnir heldur.

En auðvitað er þetta erfitt fyrir söngvarana að hafa alla þessa yfirvigt.
En að reka þessa flottu söngkonu, hvað var hún svona  rosaleg?

Ég hefði nú verið of stór upp á mig og ekki þegið starfið aftur,
nú geta þær bara starfað einar og látið bjóða í sig.

Of feit óperusöngkona snýr aftur eftir megrun

Morgundags-umræður.

Við gamla settið vorum að fá okkur morgunkaffi í morgun,
að vanda um klukkan tíu, þá upphefjast yfirleitt samræður,
stundum erum við sammála, en stundum ekki, og þá fara
þær, sko samræðurnar oft á tíðum út á hála braut.
Þið vitið er annar hvor aðilinn ætlar sér að beygja hinn
undir sínar skoðanir, eða þannig.
Nú í morgun fer minn að tala um mál í sambandi við trillukarla
og sportveiðimenn, og mín var ekki aldeilis sammála honum,
upphófst að vanda hin skemmtilegasta ræða frá minni hendi.
Útskýrði ég vel mína skoðun, og sagði síðan:
,, Hvað fær þig til að hlusta á KJAFTASÖGUBRYGGJUKARLA,
sem ekkert gera nema hittast til að setja út á allt og alla,
gera ekkert í málunum sem að þeirra mati eru ósanngjörn,
hvort sem málið snertir þá eður ey."
Lít upp er minn þá ekki skellihlæjandi, ég upp eins og fjöður,
ertu að hlæja að mér?  Hann : ,, það er nú ekki hægt annað
held þú hafir búið til nýyrði í flóruna.
Fjandinn ætíð hleyp ég á mig.

En hafið þið heyrt það áður, KJAFTASÖGUBRYGGJUKARLAR.

Erum við að fá skellinn? Ekki ólíklegt.

Flóðin í Miðvesturríkjum Bandaríkjanna halda áfram,
þetta er bara óhugnaður sem er að gerast í heiminum
í heild sinni.
Það eru flóð, jarðskjálftar, og allskonar atburðir sem eru
að setja fólk út á gaddinn, það missir allt sitt.
Þjóðirnar lofa að bæta öllum upp sitt tap.
Sumstaðar er fólk svo fátækt að það átti ekki neitt nema
einhver kofaskrifli, föt og smá eldhúsdót, en það átti
hvort annað og þótti vænt um heimili sitt.
Skildi þetta fólk fá eitthvað?

Buch lofar að bæta þegnum sínum, sem eru að missa
allt sitt í flóðunum, upp tapið.
Við vitum að það verður ekki gert og það er aldrei hægt.
Hann á ekki að koma fram veifa hendi og segja:
,, Ég lofa" Þegar hann ætlar ekki að standa við það.

Ekki er ennþá búið að bæta fólki og byggja upp New Orleans.
Hvenær mun hann sjá um það? Aldrei.
Fólkið mun sjálft sjá um að gera það sem það getur.

Ég spyr er Alþjóðasamfélagið að fá skellinn, allavega er það
löngu byrjað að grassera undir okkur.

                                       Góðar stundir.

Enn flæðir í Miðvesturríkjunum

Fyrir svefninn.

Við erum búin að eiga góðan dag í dag.
Vorum að drollast fram að hádegi, fór ekki í bað
og tiltekt á sjálfri mér fyrr en um hádegið, var rétt komin í
svona heimabol, þá hringdi dyrabjallan, nú ég gat ekki farið til
dyra svo engillinn fór, nú ég þekkti strax röddina sem sagði blessaður,
Þetta var hún Óda, en Hún heitir nú fullu nafni Ósk Þorkelsdóttir.
það var hellt á könnuna, síðan var sest niður og spjallað, og eins
og þið þekkið þá er maður byrjar þá getur maður aldrei hætt.
Svoleiðis er það er við Óda hittumst.
Þegar hún fór höfðum við okkur til og fórum fram í Lauga,
Dóra mín hafði hringt og boðið okkur í mat.
Að vana var afar góður matur, steiktar og vel kryddaðar lambakjötsneiðar,
vel steiktir kartöflubátar, grjón og heimalöguð bernes sósa,
þetta var æðislegur matur.
Síðan var horft á Frakkland /Ítalía, og unnu Ítalir eins og allir vita.

En núna fáið þið smá eftir hana Ósk.

                  Einu sinni þurfti ég nauðsynlega að ná 
                  í mann en gekk það mjög illa, var
                  marg búin að hringja, biðja fyrir skilaboð
                  en ekkert gekk þó liðnir væru
                  einhverjir klukkutímar. Mér fór að
                  leiðast þófið og sendi þetta á faxinu
                  og það virkaði.

                       Mér finnst það andskotans helvíti hart
                       ef hunsar þú útgerðarfrúnna.
                       Nú kem ég og hengi þinn heilaga part
                       ef hringir þú seinna en núna.

                  Þarfasti þjónn nútímans, bílnum, er
                  oft bölvað og þá sjá menn í rósrauðum
                  bjarma okkar fyrrum þarfasta þjón
                  sem auðvitað hafði líka sína galla.

                      Bíllinn er okkar blessun og vörn
                      þó beri hann lesti.
                      í honum er léttara að búa til börn
                      en á baki á hesti.

                                     Góða nótt.
                 

Kæru vinir um allt land, til hamingju með daginn.

Stóri dagur Íslensku þjóðarinnar er runninn upp, 17 júní.
Þjóðhátíðardagur okkar, stolt og frelsistilfinning vaknar
til lífsins á þessum degi.
Ungviðin okkar eru afar glöð, hoppa, skoppa og taka þátt
í öllu því sem boðið er upp á í tilefni dagsins, og við tökum
þátt í þessari gleði með þeim. (Á yfirborðinu)

En undir niðri vakna hins vegar daprar hugsanir hjá fullorðna fólkinu,
þegar það getur ekki veitt börnunum sínum allt það sem í boði er,
það er að segja, fyrir utan það sem bæjarfélögin bjóða upp á frítt.

Það eru ekki til peningar, og ef börnunum eru gefnir peningar,
þá er ekki til fyrir mat það sem eftir er vikunnar.
þetta er staðreyndin hjá stórum hluta þjóðarinnar.

Það versta við þetta er að þeir sem enga peninga eiga,
geta eigi látið í sér heyra vegna þess að það á engar tölvur.
En áhugavert væri ef einhver sem er svona statt fyrir,
mundi láta heyra í sér ef hann/hún gæti.

Ég skammast mín fyrir að vera Íslendingur er ég heyri
æðstu menn þjóðarinnar koma fram og tala um góðar
vonir um betri tíma, og gott væri nú að spara eldsneyti
og vera á sparneytnum bílum.
Hægan kæru menn og konur á hinu háa Alþingi,
Af hvaða peningum eigum við að spara?
Þeir sem eru til, duga ekki fyrir nauðsynjum.
                 Guð gefur okkur samt góðan dag
                 ef við hugsum jákvætt.

Hver ætlar að halda á honum undir skýrn?

Skírnarveisla ársins, Ófeigur verður hann nefndur,
en hver tekur að sér að halda á litla bangsa undir skírn?
Svo verða kaffiveitingar á eftir tíðkast það ekki, eða fær
maður kannski Ítalskt hlaðborð, það er toppurinn í dag.
Ófeigur hinn nýskýrði fær að fara aftur í æðarvarpið sem
hann er búin að eigna sér, fær góðan frið með að éta upp
alla unga og egg sem hann nær í.

Hver skyldi borga bóndanum tapið af dúntekju og öðru
því sem bangsi er búin að atorka á hans landi?
Væri gaman að vita það

Svo var mér nú að detta í hug, Sko Ísbjörninn er fisk og kjötæta,
en virðist éta gróður er hann kemst í hann.
Sem sagt alæta.
Ekki er nú mikill gróður þar sem hann er afkróaður, í bili.
Hvað gerir hann er hann virkilega svangur gerist?
Jú þá fer litla krílið á veiðar, og ekkert mun halda honum þá.
Hvernig bregðast menn við því?
Verður gaman að sjá það.
                           Eigið góðan dag.

Vill nefna björninn Ófeig

Fyrir svefninn.

Kæru landsmenn!
Fyrir svefninn að þessu sinni er
styrktarbeiðni til handa Andra Smárasyni!

Andri er 18 ára drengur sonur Smára Kárasonar og
Stefaníu Gylfadóttur í Breiðuvík á Tjörnesi.
Andri hefur í rúmt ár átt í hattrammri baráttu við
krabbamein.
Í dag standa málin þannig að Andri þarf að fara í
mergskiptingu til Svíþjóðar, og svo vel vill til að Sóley
systir hans er hinn rétti merggjafi.
Gert er ráð fyrir því að þau fari út í lok júní.
Ljóst er að þau þurfa að minnsta kosti þrjú að fara úr
fjölskyldunni út, vegna þessa. Búast má við að Andri og
móðir hans þurfi síðan að dvelja úti í 3 mánuði, allt eftir
hvernig meðferðin mun ganga.
Töluverður kostnaður er óhjákvæmilegur, sem fjölskyldan
er illa í stakk búin að mæta.
vegna þess hafa frænkur Andra, þær Sesselja Árnadóttir og
kolbrún Guðmundsdóttir opnað bankareikning til styrktar Andra
og fjölskyldu hans.
Reiknisnúmerið er 1153-15-201049
Kennitala        "   190267-5049.

Gaman að segja frá því að kvenfélagið Aldan á Tjörn stóð
fyrir styrktarkaffi í Sólvangi á sunnudaginn var sem sagt í gær,
og gekk það framar öllum vonum, öll innkoma gekk til Andra.
Söfnunarbaukar voru einnig á borðum.
Svona er þetta úti á landi þar sem allir þekkja alla,
þá er staðið þétt saman, en betur má ef duga skal.

Þess vegna kæru vinir og landsmenn allir, biðla ég til ykkar
styrkið þennan unga dreng, við höfum tekið okkur saman bloggarar
og það hefur verið komið af stað söfnunum fyrir fólk sem á um sárt að binda.
Svo núna er mikil þörf, gefum þessum unga manni, allt hjálpar.
Ég bið góðan guð að blessa Andra og fjölskyldu hans
og mun ég hafa hann í bænum mínum allar götur.

Vegna þess að gleðin vinnur á öllum meinum,
læt ég þessar fylgja eftir hana Ósk þorkellsdóttur.

                Samskipti tveggja vinnufélaga í
                frystihúsinu færð í vísu. Jói hafði
                uppgötvað að hann var með opna
                buxnaklauf.

                   Kom þarna Jói í kaffinu sínu.
                   "hvað hefði skeð ef að utan hjá
                   dinglað ég hefði djásninu mínu?"
                   Dolfallinn horfði Kristján á.

                   Furðulegt er hvað ræfillinn ruglar.
                   Renndi hann til hans augunum.
                   "veis'u ekki drengur að dauðir fuglar
                   detta aldrei úr hreiðrunum?"
                                     Góða nótt
                   
                

Er innrás hafin?

Það á að fjarlæga dýrið og það hið bráðasta,
eru menn að bíða eftir því að dýrið drepi einhvern?
Þetta er ekki einhver lítill sætur bangsi eins og sumir
vilja halda fram, heldur drepur hann hiklaust,
ef grænlenski vinnumaðurinn hefði ekki bjargað hundinum
í hús þá hefði bangsi drepið hann með einu höggi.

Ísbjörn í æðarvarpi

Það sem lyftir deginum.

Nú er ég ætíð í góðu skapi og mér finnst gaman að lifa.
En það er aldrei svo að það sé ekki hægt að bæta við
gleðina.

Ég kom inn í vegamatsölustað um síðustu helgi var nú
bara að kaupa mér Coke.
Er inn kom mætti ég frekar ungum manni, svona miðað við
mig, hann segir afar glaður á svip, er þér svona heitt?
Já segi ég alveg að leka niður úr hita, mér fyndist að
það ætti að vera svona kæliviftur í loftinu í svona hita,
brosti glatt til mannsins,
þá segir eigandi staðarins, ég get alveg boðið þér inn í frystiklefa,
já takk ætlar þú þá að koma með mér? og fer að hlæja,
ég þekki nefnilega hjónin sem eiga staðinn.
Ungi maðurinn horfir í undrun á okkur, hafði aldrei séð hann áður.

Geng að borðinu og fæ mér Coke, við förum að spjalla saman
unga stúlkan sem var að afgreiða mig og ég, þekkjumst vel.
Ungi maðurinn gafst ekki upp á því að tala við mig,
kemur og segir, þekkir þú þessa stúlku? já auðvitað,
þetta er hún Björg, já ertu héðan spyr ungi maðurinn?
nei frá Húsavík, síðan segir Björg, Milla villtu biðja Millu að koma og
sýna mér stelpurnar áður en þau fara heim, geri það.
Þá segir þessi ungi Milla hvað ég vissi að hann kveikti eitthvað á perunni
já ég er Milla mamma hennar Millu og þú hlýtur að vera héðan?
Já ég er Reykdælingur hlaut að vera, við erum nú svo hress hér norðan heiða.

Málið er þegar maður kann að taka við gleðinni, er svo gaman,
þarna var smá saklaust daður og forvitni í gangi,
sem gaf manni hlýju inn í daginn.

hefði þessi ungi vel klæddi og skemmtilegi maður verið aðkomumaður
hefði hann ekki opnað sig fyrir gleðinni, hvorki í sjálfum sér eða mér.
                     Gleði til allra.
                      Milla.

Ætli sá ósnertanlegi eigi börn?

Merkilegt, við suma menn má ekki tala,
þeir telja sig ósnertanlega, og geti hagað sér að vild.
Vona bara að hann eigi hvorki konu eða börn.
Skildi hann hafa fengið agalaust uppeldi?

Slagsmál brutust út eftir nágrannaerjur

Fyrir svefninn.

Sr Gunnar Hallgrímsson í Laufási var ölkær nokkuð.
Það kom fyrir, að hann messaði drukkinn, og voru þá
ræður hans stundum skringilegar.
Einu sinni byrjaði hann predikun þannig:
,, Sæll og blessaður, minn gamli, góði guð! þú rærð
einn á báti. Enginn vill róa hjá þér. Ég vill róa hjá þér.
Þá færðu einn góðan."

              Samstarfskona komin fast að sjötugu
              klippti gjarnan fingur af ónýtum
              gúmmívettlingum og notaði yfir 
              plástra ef hún skar sig.

                 Það er engin ósiður
                 að aldnir beiti þokka.
                 En því skyldi hún Þuríður
                 þurfa að nota smokka?

             Karlkynsvinnufélagi hafði þann sið
             að taka um öxlina á manni þegar
             hann talaði við mann. Þetta var á 
             sama tíma og mikil umræða var um
             kynferðislegt áreiti á vinnustað.

                Elskan mín þú ekki skalt
                öllu þukli neita.
                En víst ávallt þeim vana halt
                viljirðu gott barn heita.
            
             þar sem unnið er með hníf í hönd
             allan daginn er nauðsynlegt að
             stálarinn komi reglulega, annars er
             voðinn vís.

                Hvar er nú bæjarins besti sonur?
                Bidd'ann að líta inn.
                Það standa hér fimmtíu friðlausar konur
                er fá ekki dráttinn sinn.

þetta er að sjálfsögðu eftir hana Ósk Þorkelsdóttur

                                   Góða nótt.

Ekki frelsi.

Hvað hefur þessi kona með frelsi að gera, á hún einhverja
ættingja á lífi og ef svo er vilja þeir þá hafa eitthvað með
hana að gera? Hún tók þátt í þessum hræðilega glæp,
þau myrtu 5 manns og Sharon Tate vað komin 8 mánuði
á leið með barnið sitt og baðst oft vægðar,
en þau myrtu hana samt.

Vill fá frelsi áður en hún deyr

Óeirðarhelgi víða á landinu.

Stórmerkilegt! Mjög annasamt var hjá lögreglunni í Reykjavík
í nótt, það voru árásir innbrot einn 16 ára tekin fyrir hraðakstur,
útköll af ýmsu tagi.
Er þetta ekki svona um hverja helgi?

Erfið nótt hjá Lögreglunni á Akureyri, fangageymslur fullar
mikil ölvun, slagsmál og líkamsárásir.
Þetta var nú vitað mál um svona helgi

Nokkuð annríki hjá lögreglunni á Suðurnesjum, en þeir náðu að greiða
úr málum og kæla niður óróaseggina
Þeir hafa nú löngum verið góðir. Sko löggan.

Óhöpp á Vestfjörðum, tveir bílar útaf ökumenn grunaðir um ölvun,
engin meiddist.
Ekið var á dreng á Ísafirði í gærkveldi, hlaut hann minniháttar meiðsli.
Hvað veit maður um það, ölvun eða ekki ölvun.

Kveikt í bílum á Selfossi, tveir eyðilögðust og einn skemmdist.
lögreglan tók líka ökumann undir áhrifum fíkniefna, og hafði hann
kilvu, piparúða og fíkniefni í bílnum sínum.
Finnst þeim ekki komið nóg þarna fyrir austan?

þetta eru fréttirnar í blöðunum á hverjum einasta sunnudagsmorgni.
Ég held að það væri heillaráð að mynda þetta fólk sem er
draugfullt og ógeðslegt í bæjum landsins, slafrandi, ælandi og
þar af ógeðslegri uppákomur, sýna svo myndirnar,
skyldi þetta fólk ekki fá sjokk er það lítur ásjónu sína
undir þessum kringumstæðum.
þetta er hrikalega sorgleg sjón.

Líkamsárás og innbrot í höfuðborginni í nótt

Háskólinn og niður í leikskóla.

Menntun er algjörlega forsenda fyrir góðu lífi, eða hvað?
Í mínum kokkabókum, sem eru nú kannski ekki svo mjög
háfleygar,
og þó hef ætíð verið sagður afbragðs kokkur.
Þar stendur ritað að uppeldið sé besti skólinn.
Ég er ekki að gera lítið úr menntun, nei alls ekki.

Það sem ég er ætíð að reyna að troða í fólk er að aga börnin
frá fæðingu.
Ekkert er yndislegra en að fæða af sér barn,
fá það í fangið og njóta þess kærleika sem kemur yfir mann
við það, en ef að svo barnið reynist allt í einu eitthvað erfitt,
sefur ekki á nóttunni, eða á daginn, þá höldum við á þessum
elskum okkar, það hlýtur að vera eitthvað að.
Sem betur fer er oftast nær ekkert að annað en að barnið er
að reyna að komast eins langt og það getur.
Það vill bara láta halda á sér eða sofa á milli.
Ef við ekki föttum þennan leik hjá litlu krílunum okkar heldur
þetta áfram og endalaust finnum við einhverja afsökun fyrir
hegðun litla engilsins, sem nýtur þess í botn að spila á
okkar kærleiksríka tilfinningalíf.
Þau eru bráðsnjöll.

Það kemur að því að barnið fer á leikskóla, þau eru fljót að fatta 
að þau komast ekki upp með neitt múður þar,
en láta eins og fjandinn sé laus er heim kemur.
Hvað er þetta annað en agaleysi?

Síðan byrjar skólinn þá kannski koma upp vandamál,
því þau eru ekki að höndla allt sem gerist þar.
Nei þá er það ekki börnunum að kenna,
heldur er eitthvað að kennara eða skólasystkinum.
Þau kunna ekki þann aga sem þarf að vera í skólanum
sem er ekki von, þau hafa ekki verið alin upp í aganum.
Þau verða ringluð og vita ekki hvað er að gerast.

Í stórum dráttum heldur þetta áfram að bögglast
fram í 10 bekk, jafnvel eru þau þá orðin heltekin af því
að engum þykir vænt um þau, þau eru öðruvísi, þau
dala í skólanum, svo er það bara spurning,
hvað gera þau? fara út í óreglu eða rífa sig upp og
standa sig vel.

Auðvitað er þetta ekki svona svart á hvítu, það eru sem betur fer
allmargir foreldrar sem átta sig á mikilvægi þess að ala börnin
sín upp í aga, en aldrei má gleyma að nota kærleikann, gleðina
og umfram allt vinskapinn í samskiptum við þau.

Barn sem fær svona uppeldi á auðveldara með að læra en hin
því það elst upp í því að vera öruggt og standa á eigin fótum.
Barn sem er alið upp í agaleysi veit aldrei hvernig það á að vera
agaleysi skapar óöryggi.
                                                Góðar stundir.

Yndisleg frétt.

Það er reyndar ætíð gott að fá gleðilegar fréttir,
en þegar um börn er að ræða þá er það bara yndislegt.
Til hamingju kæra fjölskylda.

Litla stúlkan fundin

Fyrir svefninn.

Jæja kæru vinir, ég var að koma heim eftir alveg yndislegan dag.
Allir fóru fram í Lauga í dag, Dóra mín bauð í kvöldmat,
en fyrst var farið í sund, afstaðan þarna er til fyrirmyndar og
ekki skemmir umhverfið, eins og ég hef sagt áður þá er þetta
heimur sér á bát, allir vita það sem til Lauga í Reykjadal hafa komið.
Við gamla settið fórum reyndar ekki í laugina vorum bara á bakkanum
í góðu yfirlæti sólarinnar.

Ég er hér með Vísnakver eftir Ósk Þorkelsdóttur Húsvíking og
vestfirðing. Ósk er löngu kunn vísnavinum þessa lands
vegna framgöngu sinnar á hagyrðingamótum og margvíslegum
öðrum skemmtunum, þar sem hún hefur flutt sínar kerskins -
og gleðivísur og ýmist mælt af munni fram eða sungið með sínu nefi.
ætla ég að færa ykkur nokkrar vísur, þar sem hún kynnir sjálfan sig.

                          Ég heiti Ósk frá Húsavík
                          hagyrðingur engum lík,
                          Þingeyingur, guð þeim gaf
                          gáfur til að bera af.

                          Útlitið sérðu og augnanna lit,
                          upprunninn Þingeyingur,
                          útgerðarstjóri með eigulegt vit
                          og afburða hagyrðingur.

                          Annmarka fáa til angurs ég ber
                          þó öðrum sé gjarnt að segja
                          það helvítis galla sem háir oft mér
                          að hafa ekki vit á að þegja.

                          Orðspor mitt er oftast gott
                          auðmjúk prúð og væmin.
                          En aðrir sjá þess vísast vott
                          að verði ég stundum klæmin.

                          Það að nota Þingeyskt loft 
                          þjónar mínu geði.
                          Því set ég mér að syndga oft
                          sóminn er að veði.

                          Mig þarf é varla að kynna í kvöld
                          kvæðanna ljúfast smiður.
                          En vísast í helvíti greiði mín gjöld
                          ef geri ég einhverjum miður.

                          Hörð eins og klettur, ljúf eins og lamb,
                          létt eins og fjöður, þung eins og bjarg,
                          alþýðleg kona með ótrúlegt dramb,
                          uppfull af blíðu en minni á varg.

                          Ég er oftast ljúf sem lamb
                          með lífið allt í skorðum.
                          Laus við alla lýgi og dramb
                          leik mér bara að orðum.

                          Ferskeytlur fljúga að kveldi,
                          feimin er unga daman.
                          Komst inn í karlaveldi
                          á kjaftinum einum saman.

                          Hvernig ég er inn við beinið.

                          Ýmsum er ég sökum seld
                          svikul grimm og löt,
                          en inn við beinið að ég held
                          aðallega kjöt.

                         Mínir rúmsiðir
                     
                         Ég opna bók eða yrki bögu
                         þá Óli lokbrá knýr að ranni.
                         Hvað gerist milli svefns og sögu
                         segi ég ekki nokkrum manni.

Vona að hún Ósk vinkona mín taki það ekki stinnt upp
að ég birti eftir hana vísur.

                                                 Góða nótt.