Kvöldsaga.

Eigi í frásögu færandi, en við fórum fram í Lauga í gær, borðuðum hjá englunum mínum þar, og var það yndislegt að vanda. Á leiðinni ókum við fram á fjárrekstur og stoppuðum að sjálfsögðu.
Tók þessar myndir.







Svona sjón einkennir haustið einnig gæsirnar í breiðum á túnunum
og eins gott að aka varlega því þær vappa yfir vegina og svo samlitar
eru þær malbikinu að eigi maður sér þær fyrr en bara allt í einu.
Tignalegir fuglar og afar bragðgóðir.

                  Á nöfum.

Koma úr vestri vindar,
vetur nálgast fljótt.
Í fjarska fjallatindar,
fegurð missa skjótt.
Á himnum skýjaskarir
skuggum varpa á jörð.
Stendur einn og starir
á stóra gæsahjörð.

Út á sjónum siglir
sævi barið fley.
Títt sig aldan ygglir
út við Drangaey.
Fugl í fjörusandi
flögrar til og frá
Í austri létt með landi
læðist þoka grá.

              Kristján Runólfsson
                   Brúarlandi.

Góða nótt

Á þetta við um öll lán?

Skal segja ykkur að vantraust mitt á öllu og öllum í dag er þvílíkt að ég bara spyr, að sjálfsögðu eins og asni: ,,Á þetta við öll lán sem fólk hefur tekið, ekki bara bílalán og húsnæðismálalán?"

Ekkert er einkennilegt við vantraustið, hrunið varð fyrir tæpu ári, vextir voru farnir að hækka þá, en maður tók því bara með jafnaðargeði, en allar hækkanir síðan eru bara ekki að ganga upp hjá hvorki mér eða öðrum,enda óheyrilegar,og svo merkilegt sem það er þá er komið fram við mann eins og það sé okkur að kenna að allt hefur hækkað.

En ég veit að engin getur svarað því hvernig þetta verður, því mér segir svo hugur, að það verði sama sem ekkert sem gert, við verðum bara að láta allt danka og reyna að skrimta. Kannski við gætum farið í hádegisverð í þinghúsið, mér skilst að það sé ekki af verri endanum fæðið þar.

Ekki veit ég hvaða hópur hefur það verst, en öllum líður okkur illa.

Róttækari aðgerðir til handa heimilum

Hvenær og hvers vegna?

Já hvenær er maður veikur og hvers vegna, ég held að maður sé veikur er maður getur ekki reist höfuð frá kodda eða upp og niður út um allt, en kannski er það misskilningur í mér, milliveikur getur maður orðið, held að það sé svoleiðis veiki sem ég er með þurfti að fá hjartameðulin mín 6 í morgun og Gísli varð að ná í þau sofnaði aftur, vaknaði, sofnaði og vaknaði klukkan 17.00 og varð þá að taka kvöldskammtinn, ekki gott.
Borðuðum heitt brauð í ofni og ég dólaði mér í sófanum yfir fréttunum. Viktoría mín kom og skreið í fangið á ömmu, ég sagði henni að ég væri bara eitthvað slöpp, hún sagði að vinkona sín hefði verið svona í vikunni, síðan kom, amma, ég held að þú sért bara veik af þreytu, humm, eftir hvað?, bara allt sem þú ert búin að vera að gera undanfarið.
Þegar hún fór þessi yndislegi Ljósálfur minn fór ég að hugsa, ekki hafði ég gert svo mikið fram yfir þetta venjulega nema að óskapast yfir þessum bankamálum.
Verð að viðurkenna að þau eru búin að taka á og það ekkert smá þó ég viti alveg að maður á ekki að láta þetta hafa svona áhrif á sig þá bara getur maður ekki ráðið við allt, stundum verða málin manni ofviða.
Hvers vegna verður maður veikur, jú af áhyggjum verður maður veikur, en heldur alltaf að það komi ekki fyrir mann sjálfan.

Nú ætla ég að hvíla mig andlega vel í nótt því á morgun fer ég fram í Lauga, við erum öll boðin í mat til englana minna þar, og vitið það spáir 20 stiga hita svo allt liðið fer örugglega í sund að Laugum, þar er æðisleg sundlaug.

Gleði og kærleik í helgarrestina ykkar.

Hver á að ráða því?

Það hefur hvarflað að mér afar oft undanfarin ár, hver í raun ráði yfir þessu eða hinu. Þessi frétt með að  forstjóri gæslunnar væri eigi glaður með að fljúga með Kastljós fólk vegna ummæla þeirra um ráðningu eins manns.
Þetta hljómar afar einkennilega, er ekki Kastljós fólk að sinna sínu starfi, koma fréttum út til okkar, við gerum svo með það eins og við viljum.
Gæslan er einnig að sinna sínu og það á ekki að felast hroki í þeim gjörðum, sem þetta að mínu mati gerir.

Ríkið á bæði RUV og Gæsluna, svo það er í raun ríkið sem ræður, þó undirmenn fái vist vald og að sjálfsögðu ráða flugkapteinar yfir sínu flugi, en í þessu tilfelli, hættið nú alveg.

En það sem hefur leitt huga minn að þessum málum er einmitt hrokinn, drottnunin, eineltið, ofbeldið og öll sú mannvonska sem hefur líðst í gegnum aldirnar, og sama er hvar þú berð niður, á vinnustað, í barnaskólum, dagheimilum, vistunarstofunum og heimilum.

Er ekki bara kominn tími til að senda allt fullorðið fólk í skóla til að læra að, ala upp börn, koma fram af kurteisi við alla sama í hvaða stöðu þeir eru.
Við erum jú öll jöfn.

Tek fram að þetta er mín skoðun, ég ber mikla virðingu fyrir Gæslunni okkar og mér finnst Kastljós bara flott.

Flýgur ekki glaður með Kastljósfólk

Þeir þurfa ekki að harma neitt.

Það er mikill sannleikur í því sem bóndinn á Hálsi segir, ég rökstyð það með eigin reynslu, og er löngu hætt að kaupa til dæmis Hakk og nautakjöt út úr búð.

Hakkið verður ekki að neinu á pönnunni og nautakjötið er undantekningalaust ólseigt, svo ég tali ekki um bragðið, sem er ekki eðlilegt.

Ég kaupi mitt kjöt af Kjötvinnslu hér á staðnum og er allt sem þeir eru með frá bónda í heimabyggð, nema svínakjötið sem er úr Eyjafirði, næsti bær við.

Borðaði til dæmis nautagullach í gærkveldi, það rann eins og rjómi í munni mínum og bragðið var villibragð fersktog unaðslegt.

Þeir eru einnig með Pólskar pulsur og eru þær afar góðar.

Þetta er mín skoðun og veit ég um nokkuð marga sem eru þessu sammála.

Harma ummæli um kjöt

Minningaskjóðan.

Er svona skjóða sem maður hendir ofan í, minningum um sorg leiðindi, gleði, kærleika og hvað eina sem  upp á kemur í lífinu, kemur fyrir að skjóðan fyllist, það flæðir út úr eins og fossinn Hverfandi í fullum skrúða, ekki hættir að fossa, fyrr en yfirfallið lækkar, stundum tekur það tíma.
Eins og þið vinir mínir vitið þá hefur reiðin verið hér í heimsókn og ekki ætlar henni að linna, það gengur ýmislegt á í þessum bankamálum og ekki stenst það sem sagt er, í gær fékk ég svona bréf.

Svo sætt, er ég augum það leit í fljótheitum, hugsaði ég
bleik slaufa, örugglega verið að safna fyrir krabbameinsveik
börn, en er ég las setninguna, Ekki gleyma reikningunum!
þá fóru nú að renna á mína tvær grímur, því ég skulda ekki neitt.
opnaði herlegheitin þá kom þetta, ætlaði að setja inn mynd af rukkuninni
en það kemur ekki, en þetta var orkureikningur.
Innheimtuviðvörun. Frá intrum
gjalddagi 16.08 2009 kr 10597 eindagi 01.09 2009 bréfið dagsett
07.09 2009 .
Ég í heimabankann til að sjá stöðuna á greiddum reikningum þá hafði
þessi reik. verið gr. 08.09 vegna þess að við vorum að skipta um greiðslu
aðferð og það gleymdist að fylgjast með fyrstu færslum, af
þjónustufulltrúanum. Ég hringdi að sjálfsögðu í orkuveituna, vita brjáluð,
þið vitið og skildi nú ekkert í útliti umslagsins,
tjáði mig um það að þetta væri ekki smekkleg
umslög því innan tíðar mundu allir vita, og segja okay þessi er bara alltaf
að fá bréf frá Intrum, það eru nefnilega margir sem fá svona í dag og tala
nú ekki um ef farið er að senda innheimtuviðvörun eftir 7 daga.

Ég held að maður fari bara að skipta um banka eða borga bara allt sjálfur
í heimabankanum, allavega nenni ég ekki svona þjónustuleysi lengur.
Hvar er öll hjálpin sem átti að veita fólkinu í landinu

Annars var þetta um minningarskjóðuna og að sjálfsögðu á allt sem gerist
lengri sögu, svo nú þarf ég að leifa Hverfanda að streyma niður, og vona ég
að það taki ekki langan tíma.

Kærleik til ykkar
Milla

Eru þær aftan úr fornöld,

eða er ég öðruvísi en aðrar konur, auðvitað veit ég að þetta er til, bara finnst þetta svo yfir máta ruglað.

mbl.is/Golli

Gæti alveg hugsað mér þetta gummilade með herlegheitunum

Bók Bandaríkjamannanna Cindy Meston og David Buss um ástæður þess að konur sækjast eftir kynlífi hefur vakið mikla athygli. Í bókinni er því haldið fram að ólíkt körlum þurfi konur að hafa sérstakar ástæður til að langa til að stunda kynlíf. Þetta kemur fram á fréttavef Jyllands-Posten.

Ég veit bara um eina ástæðu fyrir því að stunda kynlíf og það er löngun, sem kemur bara eða að maðurinn kemur manni til.

Höfundar bókarinnar segja allt að 200 ástæður geta legið að baki því að konur vilji stunda kynlíf og að fæstar þeirra tengist ást eða líkamlegri löngun. Ástæðurnar séu mun frekar þær að konur vilji í raun tryggja sér eitthvað eða ná einhverju fram með kynlífi.    

Höfundarnir, sem bæði eru fræðimenn við háskólann í Austin í Texas, byggja bók sína á viðtölum sem þau tóku við rúmlega 1.000 konur.Á meðal þess sem konurnar nefna helst sem ástæður þess að þær stundi kynlíf er að þær vilji koma í veg fyrir að eiginmenn þeirra leiti annað eftir kynlífi, að það geri þær sjálfsöruggari og eiginmenn þeirra samvinnuþýðari, m.a. við heimilisverkin.

Þá nefnir hópur þeirra kynlíf sem vörn gegn mígreni.84% kvennanna segja einnig algengt að þær stundi kynlíf til að létta lund maka síns og halda þannig heimilisfriðinn.

Ef maðurinn leitar út á við, þá kemur konan ekki í veg fyrir það með auknu kynlífi við makann
það er ekki það sem maðurinn leitar eftir heldur tilbreytingin sem aðrar konur veita þeim.
og ef þeir eru eitthvað vaskari við heimilisstörfin, þá er það vegna þess að þeir vilja halda friðinn við þær, þá er auðveldar að sleppa aðeins út.

Ef maður þarf að létta lund makans og halda heimilisfriðinn með kynlíf, tel ég nú bara betra að vera ein.
Auðvelt er að fá sér karl þegar manni langar til og svo þarf ekki karl til, við getum bara gert þetta sjálfar. Svona rannsóknir eru ekki raunveruleikinn, nema kannski að afar litlu leiti.

Góðar stundir.

Kynlíf fyrir heimilisfriðinn

Skýstrokkur eða geimverur að koma til jarðar.

Nei bara segi svona, afar sérkennileg mynd, sjáið lögunina á
skýjunum, minnir þetta ekki á landið okkar?

Skýstrokkurinn séður frá Kambabrún. mbl.is/Jóhann K. Jóhannsson

Skýstrokkur sást yfir Ölfusárósunum nú síðdegis. Að sögn sjónarvotts, sem fylgdist með þessu veðurfyrirbæri ofan úr Kömbum, virtist skýstrokkurinn vera nokkuð stór og ná um tíma niður að Ölfusá nálægt Ósabrú. Hann leystist síðan upp og hvarf.

„Það var magnað að fylgjast með þessu," sagði Jóhann K. Jóhannsson, sem sá skýstrokkinn ofan af Kambabrún. Hann sagði að strókurinn hefði virst mjög djúpur um tíma.

Gæti alveg eins verið að geimverur væru að stíga til jarðar,
kæmi mér eigi á óvart, en aldrei fáum við um það vitneskju
þær koma bara, gera það sem þarf og ég held svei mér þá
að þær séu að hjálpa okkur á einhvern hátt.

Það er mikið að gerast í kringum okkur núna bæði gott og slæmt
hið slæma er af mannavöldum og það góða kemur frá einhverjum
verum sem ekki eiga heima í okkar vídd, gætu alveg eins verið
geimverur.


Jæja kæru vinir verið viss, við munum sofa vel í nótt.

Skýstrokkur í Ölfusi

Hef verið svo reið.

Merkileg þessi mansskepna, eins og ég, hef ekki á heilli mér tekið í marga daga vegna reiði, já reiði út í svo margt. Samt veit ég að reiðin er eitt af egóinu, og ekki má láta það ná yfirhöndinni, en þetta gerist, en sem betur fer ætíð sjaldnar og sjaldnar.
Ég veit að  þeir sem valda manni reiðinni (sem ekki á að taka inn á sig) fá það í bakið og gjörningurinn fer með þeim, en ekki mér.

Ég er alltaf að reyna að gera mitt besta, ekki þarf ég að hafa mikið fyrir því að elska fólkið mitt sú tilfinning er þarna og hverfur aldrei.
Marga ómetanlega vini hef ég eignast í bloggheimum í viðbót við þá vini sem fyrir voru.

Ég stend í skilum með allt mitt og er yfirleitt ekkert að hugsa um þá sem eru fyrir utan minn ramma nema þörf sé á og fólk þurfi aðstoð á einhvern hátt, eða eitthvað.

Ekki geng ég um ljúgandi, kann ekki á svoleiðis vansa sem ævilega koma fólki í vandræði, kann eigi svo gjörla að skynja mörk dónaskapar eður ei, (að sögn sumra) en geri eins og ég best kann, ef það ekki dugar, nú þá verði sem verða vil.
Ef þörf er á þá nota ég diplómatísku leiðina, en segi gjarnan að hún megi jaðra við ósvífni

Fólk sem ég þekki ekkert, en þarf einhverra hluta að hafa samband við sýni í kurteisi og virðingu, ætlast jafnframt til að það geri slíkt hið sama, næstum án undantekninga tekst það því sem betur fer eru flestir mannlegir, en til er það fólk sem eltir vitleysuna í öðrum,  telur að það fái upphefð með því að gera það sem það gerir.

Þess vegna segi ég til fjandans með þá yfirmenn og drottnara sem stjórna fólkinu sínu til að koma fram af óheiðarleika.
Reiði mín skapast af því að ég var að standa í bankamálum fyrir Gísla minn og þetta átti allt að vera svo gott og so videre, en stenst svo ekki og engin lausn í raun fyrir hann.
Það er að sjálfsögðu hart, sérstaklega þar sem hann er að borga skuldir annarra.

Ríkið  og bankarnir sem eru í eigu ríkisins eru bara ekki að gera neitt fyrir fólkið í landinu, það er staðreynd. Undanskil Sparisjóðinn minn enda á ekki Ríkið hann.

Annars er ég bara góð, átti yndislegan dag í gær, fórum til Akureyrar, hittum fullt af góðum vinum og áttum skemmtilega stund á Glerártorgi.

Kærleik í sunnudaginn ykkar.
Milla

Veit fólk hvað það vill?

Sumir vita, en aðrir ekki, hef kannski talað um þetta áður, en vitið, að er eitthvað droppar upp, sem ekki lætur hugartetrið í friði hvort sem það er vegna mín sjálfrar eða annarra, þá bara verð ég að skýra hugann með því að skrifa það niður.

Það er akkúrat málið, ef þú veist ekki hvað þú vilt þá endilega átt þú að skrifa niður, og til að byrja með allt sem þú vilt ekki alveg sama hvað það er, það geta verið hlutir, fólk, málefni, umræður og hvað eina.
Bara að byrja og sjá hvað kemur út úr því.
Eitt sem maður verður að gera, er að sleppa því eða þeim sem maður vill ekki hafa yfirhöfuð í sínu lífi, kannski vil maður hafa, en þörf á breytingum og þá gerir maður það, með hugsun um það sem maður vill eða ekki vill.

Sumir eru fastir í munstri og vita hreinlega ekki hvað í raun er að, aðrir eru meðvitaðir um það, en eru fastir í munstrinu.
Í Guðs bænum þá eiðið ekki lífinu ykkar í slíkt rugl þið eruð ekki að gera neinum greiða með því, bara ykkur illt svo um munar.

Ég veit allt um þetta hef verið þar, en er búin að brjótast út og verð sterkari og sterkari með hverjum deginum, en nota bene, verið alltaf á varðbergi, maður er fljótur að falla í sama horfið aftur.
Ég er til dæmis með bók í körfu í eldhúsglugganum, ásamt mörgu öðru sem snertir mig persónulega,
í þessa bók skrifa ég allt bæði jákvætt, neikvætt, það sem ég vil og ekki vil, síðan endurskoða ég það sem ég skrifa, strika út, breyti og bæti við. Alveg bráðnauðsynlegt.

Kærleik í lífið ykkar

 

Kann fólk að svara fyrir sig?

Merkilegt þetta með að kunna eða kunna ekki að svara fyrir sig, undanfarið hef ég talað við tvær konur sem báðar hafa sagt að þær kunni eða geti ekki svarað fyrir sig. Skil þetta afar vel, hef lent í þessu, það er að segja ef viðmælandinn er dónalegur, talar niðrandi, hlær að manni, eða gerir lítið úr manni á einhvern hátt, þá fer það eftir því hvernig maður er stemmdur hvort eða hvernig maður svarar.
Ætíð er best að vera diplómatísku, en má jaðra við ósvífin, það hrífur best.

Stundum svarar maður hikstandi eða að maður kemur ekki réttu orðunum að fer að tala um allt annað, en við á,  og endirinn verður sá að manni finnst allt hafa farið úr böndunum og fær samviskubit.
Samviskubit er svona tilfinning sem allir ættu að rífa í burtu og henda eins langt og hægt er og henda henni endalaust þar til hugurinn róast.
Engin ætti að þurfa að burðast með það.

Allt er þetta okkur sjálfum að kenna, við leifum þessu að gerast, stundum að því að við eigi vitum betur, en stundum kunnum við alveg, bara gleymum, en gleymum aldrei því að engin hefur leifi til að niðra annan því við erum öll jöfn.

Kærleik til ykkar allra.

Frábært framtak

Það er með ólíkindum hvað hægt er að safna þegar á reynir, þessir skólapakkar eiga eftir að hjálpa mörgum sem virkilega þurfa á þessu að halda.
Þau sem stóðu fyrir þessu eiga heiður skilið.

Þörfin er mikil í landinu og vona ég að þeir sem ekki þurfa, sjái sóma sinn í því að nálgast ekki svona gjöf.

Hitt er svo annað mál að mér finnist að grunnskóla-aldurinn ætti ekkert að þurfa að borga til þess sem snertir skólann, ríkið ætti að borga það semsagt við í okkar sköttum, en að sjálfsögðu bara mín skoðun.

Njótið dagsins

Úthluta 500 skólapökkum

Smá fróðleikur.

Svoleiðis er mál með vexti að við eigum Hund sem heitir Neró, Neró er ofnæmishundur og er hann svo viðkvæmur að hann má eingöngu fá sérstakt fóður, það er innflutt rándýrt, en honum verður gott af því. Við hittum um daginn vinkonu okkar sem sagði okkur frá nýjum kattarmat sem væri framleiddur í Súðavík og héti Murr, væri hann upplagður fyrir hunda einnig.
Við keyptum til að prófa og viti menn Neró var alveg vitlaus í þennan mat og ætlaði aldrei að sleppa skálinni sem hann fékk hann í. Þetta er blautmatur, vagum-pakkaður og alveg tilvalinn einnig er maður fer í ferðalag.

Honum varð ekkert illt af Murr svo hann fær hann áfram.

Viti menn fór að lesa uppáhaldsblaðið mitt um helgina og rakst þá á grein um framleiðsluna í Súðavík, þeir eru einnig að koma með hundamat sem kallast Urr, ef þetta er ekki tær snilld þá veit ég ekki hvað
ætla bara að vona að Íslendingar taki við sér og kaupi þennan mat, hann er ekki síðri en innfluttur sem þú veist ekkert hvað er í, en þarna veistu að þú ert með gott hráefni.

Framkvæmdastjóri Murrs er Þorleifur Ágústsson og er hann menntaður dýralífeðlisfræðingur, faðir hans Ágúst var Héraðsdýralæknir á Akureyri og systir hans Elva er Dýralæknir á Akureyri og hefur alfarið séð um litla Neró minn, hún bjargaði lífi hans á sínum tíma.
Ísland er ekki stórt.

Til hamingju með þessa framleiðslu og gangi þeim sem á hana allt í haginn, verslum Íslenskt.

Segi ekki alveg skilið við bændablaðið.

Vona að ég fái ekki skömm í hattinn þó ég birti þetta.

Ung stúlka úr Reykjavík fékk að fara vestur að Seltjörn til
ömmu og afa, var þar við sauðburðinn, er hún fór heim skildi
hún eftir ljóð, sem afinn og amman töldu að ætti erindi í blaðið.

Blómin blómstra,
fuglar syngja.
Fjöllin blá,
brimin smá.
Lækur rennur,
ég er bara lítil stelpa með spennur.

Það er vor,
svo fallegt vor.
Lömbin komin
og sauðburðurinn búin.
Ég er bara stelpa,
svo rosalega lúin.

Margrét Snorradóttir og Laufeyjar, 9 ára.

Er eitthvað til fallegra?

Góða nótt kæru vinir
Milla

 

Afleyðingar, eða hvað?

Hvað er í gangi eru svona hugsanir sem leiða til gabbs af þessu tagi, afleyðingar af of miklu sjónvarpsglápi, tölvuleikjaæði, eftirlitsleysi, ástleysi eða er þetta afleyðing uppeldis í frjálsu falli.
Hef nefnilega heyrt mæður segja að þær séu ekki hlynntar aðhaldsuppeldi.

Ég bara spyr vegna áhuga míns á því af hverju og hvers vegna. Talað er um að maður hafi hringt, maður telst sá vera sem 18 ára er orðin, sem ég tel vera barn, og auðvitað er engin fæddur með svo slæm gen að gera svona lagað, nema eitthvað mikið sé að.

Vonandi hættir þessi vitleysa því lögreglan okkar hefur um annað að hugsa en svona leikaraskap.

Góðar stundir.

Sprengjuhótun í Grafarvogi

Við erum frábær.

Sko við gamla settið, erum frábær, fórum í stuð í morgun, þegar ég var komin niður á lygna vatnið, búin að sjæna mig þá fórum við að taka í gegn húsið gerðum ekkert spes í því fyrir helgi því það var svo mikið um að vera hjá okkur, miklu skemmtilegra en að laga til.
Nú þar sem við sumstaðar gengum í einhverju ógeðfeldu klístri á gólfunum þá var allt skúrað, en fyrst var þurrkar af og þvegið, baðið, eldhús og vaskahús tekið í nefið þegar við vorum búin að þessu þá fengum við okkur afgang af kjúkling síðan í gær.

Ekki mátti missa af fótboltanum, þær voru frábærar stelpurnar okkar. Ákváðum að fá okkur bara súpu í kvöldmatinn, en rétt er við ætluðum að fara að borða hringdi Milla og var litla ljósið mitt orðin veik, með bullandi hita og það var Viktoría Ósk stóra systir sem uppgötvaði það, þær eru góðar þessar systur.
Nú við borðuðum, náttúrlega í flýti svo við gætum farið og knúsað elskuna, hún tók utan um hálsinn á ömmu sinni og kúrði í hálsakoti, svo heit er hún að við spurðum hvort það mætti spæla egg á enninu henni stökk ekki bros og þá er hún mikið veik.

Þetta er litla ljósið hennar ömmu sinnar, mamma hennar er búin
að fá tvenn verðlaun fyrir þessa mynd.



Þessi mynd er alveg ný af Viktoríu Ósk, ömmu finnst hún
yndislega falleg.

Vonandi hressist litla ljósið sem fyrst, mamma hennar ætlar að
vera heima hjá henni á morgun, svo getur hún verið hjá ömmu
þegar hún fer að hressast.

Góða nótt kæru vinir
Milla

Hafið þið upplifað?

Já svona ólgu innra með ykkur, svona eins og gljúfur í Gullfoss, sem ólgar, frussast, klífur upp loftið og  síðan tekur það ólguna langan tíma að koma sér niður á lygnu í ánni.



Eins og þessi ólga.

Ég vaknaði svona í morgun, fannst ég vera að missa af einhverju, ekki búin að gera allt sem ég ætlaði í sumar, en samt búin að gera alveg helling, ferðast út og suður, samt ekki allt sem ég ætlaði og bara allt í einu eru skólarnir byrjaðir, haustkuldi komin í loftið ég sem hélt að við fengjum nú gott haust svona sem uppbót á ekkert sumar.

Þó allir séu nú fegnir að allt komist í fastar skorður og auðvitað er það það, þá er mér eigi að finnast það, sjaldnar heyrir maður litlar lappir koma hlaupandi, hringir bjalla, ég er kominn og Aþena mín kemur inn, hún er yngst hér norðan heiða svo hún er ljósið okkar allra, það er eins með Sölva Stein sem bráðum verður 2 ára, mikið er talað um hann því Aþena dýrkar þennan frænda sinn og skoðum við oft myndir af honum og rifjum upp stundir sem við höfum átt með honum, nú er ég ekki að undanskilja þessi eldri, þau eru öll yndisleg og gefa sér tíma með mér í hvert skipti sem þau geta.

Það er bara eigingjarna amma sem vill hafa allt í kringum sig,
Finnst ykkur það eitthvað sérkennilegt?

Nú er vatnið komið niður á lygnu í ánni, svo ég get farið að hugsa um annað, eins og að fara í sjæningu, ditta að einhverju sem mér dettur í hug að gera, nú verður maður að finna upp eitthvað að föndra með, það eru að koma jól og þá á maður að eiga góðar stundir saman í undirbúningi og föndri.

Njótið sunnudagsins kæru vinir
Milla.

Ruglað smá að kvöldi dags

Gísli er að aka þeim englunum mínum fram í Lauga, skólasetning á morgun svaka fjör allir krakkarnir að koma bæði nýir og gamlir, og eins og við munum kannski sjálf þá var ætíð svo spennandi að hittast aftur að hausti.

Þórarinn bloggvinur minn talar um sunnudagana í gamla daga og talar um bíóin, hann man eftir að hafa séð sömu myndirnar oft, því man ég einnig eftir, en hæðst í minningunni hjá mér voru ökuferðirnar niður á höfn.
Þannig var að á meðan mamma var að stússast í eldhúsinu, var farið í bíltúr með föðurafa minn niður á höfn og aðeins kíkt á mannlífið, heilsað upp á kunningja, þá þekktu allir alla.
síðan var komið heim og borðaður hádegismatur á slaginu 12, móðurafi minn og bróðir mömmu bjuggu hjá okkur, amma var dáin, og það sem ég man var að afar erfitt var að vekja Ingvar frænda í matinn svo unga fólkið var ekkert öðruvísi þá en nú, ef hann ekki kom í matinn fengum við að skipta með okkur eftirréttinum hans, þannig að við vorum bara fegin ef hann kom ekki.

Hér er búið að vera fjör eins og ævilega þegar við komum saman, en í kvöld höfðum við kjúklingabringur fylltar með hvítlauksosti, grjón, steikta kartöflubáta, sveppasósu og í eftir mat var ís og bláber með rjóma.



Aþena Marey að kúra hjá Dóru frænku.



Þetta er sko herbergið með stóru H. Hér erum við, spjöllum, lesum,
segjum brandar eða bara þegjum og slöppum af.

Góða nótt kæru vinir
Milla

 

Icesave flýtir ekki fyrir neinu

Við verðum bara að spýta í lófana og raða niður okkar lífi sjálf, enda er það skemmtilegast. Nú er að hefjast kornskurðar-tími hjá bændum sem það rækta, yndislegt, hafið þið prófað að baka brauð úr okkar korni, eða eldað og bakað úr bygginu sem ræktað er hér? Það hef ég, og ekkert jafnast á við bygg í staðin fyrir hrísgrjón, eða út í súpuna svo ég tali nú ekki um grautinn, gott er að eiga soðið bygg í ísskápnum þá getur maður gripið í það eftir þörfum, gat nú verið að ég væri byrjuð að tala um mat, en ég skora á ykkur að fara inn á síðuna hjá Móðir jörð, síðan er yndisleg.

Svo er það veðrið, þó mér finnist nú allt í lagi með veður svona yfirleitt, bara ef ég þarf ekki út, þá pælir maður nú aðeins.

Set hér inn smá klausu úr fréttinni langvinn veðurtrú.

Höfuðdagur er orð vikunnar hjá Stofnun Árna Magnússonar í íslenskum fræðum, en dagurinn er einmitt í dag, 29. ágúst. Sú þjóðtrú hefur lengi ríkt að veður breytist um höfuðdag og haldist þannig í þrjár vikur. Samkvæmt gildandi tímatali er höfuðdagurinn 29. ágúst, en eftir tímatalsbreytinguna árið 1700 færðist höfuðdagurinn til 9. september og trúðu margir á að veðrið breyttist þann dag. Þegar það gekk ekki eftir var jafnvel miðað við Egidíusmessu 1. september.

Ég ætla að ákveða minn höfuðdag eftir því hvernig mér líkar veðrið, en vonandi verður hann 1/9
þá kemur góður haustkafli hjá okkur og þá er ég að sjálfsögðu að tala um hér norðan heiða.

Englarnir mínir þrír sofa náttúrlega ennþá inn í gestaherbergi, en trúlega fer nú Dóra mín að vakna.
Við ætlum á eftir í búð til að kaupa eitthvað gott í matinn í kvöld, svo fara þær heim því það er skólasetning á morgun, við höfum gert okkur það að reglu að fara við alla viðburði sem á Laugum hafa verið, og trúlega höldum við því til loka, en þær eru að klára næsta vor, englarnir mínir.
Það er varla að maður trúi því að þær séu orðnar 18 ára, mér finnst það hafa verið í gær sem þær fæddust, afi sagði í gær, hvenær áttu að vekja þær? ha sagði ég þær eru nú víst fullorðnar og ráða sér sjálfar, þær þurftu nefnilega fram í Lauga að vinna aðeins. Sko afi dedúar við þessar elskur sínar allar, mig líka, þvær af þeim lagar til eftir þær þá meina ég þær allar fjórar, Aþena Marey mín segir ef hún er beðin um að laga til, já en afi gerir það, "alltaf".

Jæja best að hætta þessu bulli og fara í sjæningu, eða svona er ég er búin hér í tölvunni.

Njótið dagsins ljúflingar, sama hvað þið eruð að gera.
Milla

Umfjöllun lýkur.

Satt er það að umfjöllun á þingi lýkur í bili, nú tekur við ferli hjá Bretum og hollendingum það gæti nú tekið sinn tíma og á meðan þurfum við að hlusta á fréttaflutning af gangi mála, er það ekki það sem við viljum svo hægt sé að fárast yfir því sem við fáum ekkert með að gera, aldrei erum við spurð.
Það er náttúrlega fyrir það að við erum svo vitlaus að við getum ekki lagt saman 2+2 og fengið út 4.

það sem við getum gert sem hefur enga þýðingu er að kasta málningu, vera með mótmæli sem eru komin út í hróa og blogga um það, ekki veit ég hvernig fer er Icesave málið er úr sögunni, það verður algjör gúrkutíð hjá bloggurum, nei annars við finnum okkur eitthvað til að fárast út í.

Eitt veit ég, að eftir smá tíma er allt er komið í horfur þá gleymist bara sá baggi sem búið er að setja á börnin okkar og barnabörnin, en vonandi (glætan) verður hægt að endurheimta þessa peninga,
Þannig að þau þurfi ekki að borga.

Góðar stundir

 

10 vikna umfjöllun að ljúka

Er svona komið fyrir okkur,

Ég meina sko erum við orðin svona taugaveikluð að við gefum okkur ekki tíma til að huga að hvað lykt sé í gangi, eða þekkir ekki fólk orðið hangikjötslykt?

Gæti svo sem vel trúað því að unga fólkið okkar þekki ekki lyktina þó það hafi borðað hangikjöt, nú er hægt að fá það soðið út í búð, svo ekki er von á góðu.

Annars vona ég að allt sé í góð, allavega er allt flott hjá mér.

 

Útkall vegna hangikjöts