Er ekki í lagi?

Kunna menn ekki á tölvur, vita menn ekki hvað er hægt að gera í þeim og af hverju er ekki mætingaskylda ef fólk er á bótum.

Bara borgað út ditten og datten og það af peningum sem
þeir eiga sem hafa verið útivinnandi.
Ég hef verið svo lánsöm í lífinu að hafa aldrei þurft að fara á
atvinnuleysisbætur, það er að mínu mati hræðileg sorg að hafa
ekki vinnu, komst að því er ég varð öryrki.

Kannski ég sæki bara um allar bætur sem hægt er að hafa
sjáum hvað kemur út úr því.

Gæti ég fengið tilsögn í hvernig á að snúa sér í því,
annars hlýt ég að finna þetta á netinu.

Missa rétt á bótum vegna gruns um svindl

Hausinn er þarna einhversstaðar

Sko á mér, vona það allavega þótt hann sé frekar dofinn.
Fórum fram í Lauga í dag og áttum að vanda frábæra stundir með englunum okkar þar, ekki að spyrja að því, gott var nýslátraða lambakjötið steikt í ofni upp á gamla málann, með kartöflum og sósu.
Þau slöfruðu í sig ís á eftir, en sem betur fer er það ekki mín deild. Jæja Neró fékk bað, blástur og fínerí.

Lögðum af stað heim í yndislegu veðri, engar áhyggjur og engin traffík, að við töldum, allt í einu hlupu upp á vegin 4 rollur með lömb og það var bara neglt niður svo við sluppum við árekstur við elsku dýrin, hélt svei mér þá að þau ættu að vera í sláturhúsinu núna, en svona er þetta, er við komum í Aðaldalshraunið komu nokkrir bílar á móti og allt í einu kom einhver snillingur beint á móti okkur, á okkar vegahelming ég öskraði náttúrlega á Gísla minn að stoppa bílinn, sem hann gerði og beið ég bara eftir skellinum, en allt í einu beygði snillingurinn yfir á sinn helming sko það er ekki öðrum en Guði mínum að þakka að  svona vel fór.

Ég hefði snúið við á punktinum og elt snillinginn ef ég hefði haft heilsu til og svo var hann líka horfin, vona bara að hann slasi hvorki sjálfan sig eða aðra.

Komum svo við hjá ljósunum mínum á Baughólnum knúsaði þær aðeins fékk smá lopa hjá Millu minni, ætla að prófa að gera hárkollu, nei sko ekki á mig heldur á engla sem ég er að gera.

Góða nótt

Það er gott að gráta

Sat hér í gærkveldi, var eiginlega bara að hugsa að það þýddi nú lítið að ætla að brjóta til mergjar öll heimsins vandamál á einum degi, heyri að það er svo gaman í sjónvarpinu og geng fram, sat þar til allt var búið, þá var ég búin að gráta af gleði, sorg, reiði og vanmætti.

Ég er stolt af okkur Íslendingum við stöndum saman er á þarf að halda og höfum alltaf gert. Ég er eins og ég hef alltaf verið hreykin af öllu okkar frábæra listafólki, á hvaða sviði sem það er og ekki lét það sitt eftir liggja í gær. Ég varð afar sorgmætt að sjá hvað margir eiga virkilega erfitt því þó maður viti um þá er maður ekki alltaf að huga að því, og allt þetta fólk sem lendir í að þurfa þarna inn á heiðursmerki skilið fyrir jákvæðnina.

Ætíð hef ég unnið mikið með sjálfsvorkunnar ástandið, sem ég kalla , það eru margir sem detta í það og vita svo ekki hvernig þeir eiga að komast út úr því, vita ekki einu sinni að það er í sjálfsvorkunn, en ég vona að allir þeir sem horfðu á þennan yndislega þátt í gær skilji hvað um er að ræða og sjái að það á ekkert bágt, hætti að væla yfir smámunum.

Reið er ég yfir því að það er búið að skera svo mikið niður, að eigi kann góðri lukku að stýra,svo er maður svo vanmáttugur, maður getur ekkert gert nema að væla heima í sófa, jú við getum heilmikið gert, bara að vera til staðar og vera brosandi og jákvæður.

Góðar stundir.

Rúmlega 113 milljónir safnast

Myndablogg

Haldið ekki að ég hafi fundið eldgamla mynd í fórum
mínum, af Höfða.

Hún hlýtur að vera gömul þessi, sjáið klæðnaðinn

Tók nokkrar með í leiðinni.

Þetta eru systkinin Unnur frænka, Guðmundur að ég tel og
Þorgils afi

Ingvar móðurbróðir minn og Unnur afasystir.



Þarna eru þær systur Helga og Unnur afasystur mínar.



Ingvar Þorgilsson, Helga föðursystir mín, Einar maður hennar, ég
drollan og Gréta hún var gift Mansa frænda.

Inga kona Ingvars frænda og Ágústína dóttir þeirra.

Þorgils og

Ingvarssynir og Inga.

Þetta erum við drollurnar, ég og Erla frænka Guðmundsdóttir



Smá krúttu mynd af mér úti í móa á náttkjólnum, mamma
eitthvað að stríða mér



Er að borða morgunmat í sumarhúsi við Hreðavatn.

Ekkert meira að segja í dag, bara góða nótt.

Hvaða fjandans rugl er þetta

Stjörnuspá

Sporðdreki: Það er ágætt að setja traust sitt á aðra,
en umfram allt átt þú að treysta á sjálfan þig.
Segðu nýju ástinni frá leyndarmálum og þrám,
og þið verðið nánari.

Þetta er nú meira ruglið, ekki á ég neina nýja ást, bara hann
Gísla minn sem ég er búin að hafa afnot af (og hann af mér)
í 12 ár, Auðvitað á maður að treysta á sjálfan sig, en það er nú
í lagi að eiga klett eins og hann.

Hver er klettur heilla þjóðar, jú það erum við, og við höfum
val um allt sem gerist í okkar lífi, engum er hægt að treysta
nema sjálfum sér. Förum þá að gera það.

Segi eins og sumir

Ætla að melta þetta allt, en samt ef maður á að pæla í því hverjir stjórna þá stjórna allir öllum og sumir hafa stjórnað og spunnið sinn vef út um allt og bara hvernig í ósköpunum á maður að átta sig á þessu öllu saman. Það er einnig þetta með stjórnsemina (ég elska þetta orð) ef við látum ekki stjórnast þá er engin stjórnsemi til, er það skilið? nei ég veit að það er ekki skilið því allir vilja viðhafa sína stjórnsemi og telja hana rétta.

Ég hef í gegnum tíðina átt í erfiðleikum með að stjórna stjórnseminni, tel mig vita allt og geta allt miklu betur en aðrir, og alltaf finn ég mig knúna til að viðhafa stjórnsemi, og það á svo háu stigi að enga grein fyrir því ég geri.Svoleiðis fólk er að sjálfsögðu óþolandi, eða finnst ykkur það ekki?

Og ég var ekki að ýkja það að ég elska orðið Stjórnsemi.

 

Við hvern á Skap ofsi að sakast?

Það er nú spurningin, fólk sem notar atburði, sem koma upp í þjóðfélaginu/heiminum til að skeyta ofsa sínum á, þarf nú að mínu mati að fara í sjálfsskoðun ( ég meina þetta vel) Hvað hefur þessi skapofsi eða einhver annar sem svona framkvæmir, upp úr krafsinu? Ekkert, nema ef vera skildi að hlakka yfir sínum gjörning heima í eldhúsi, er það eitthvað gaman, skil það nú ekki, þegar enginn veit nema hann.

Ekki virðist auðvelt að finna manninn, eða eru þeir kannski of fámennir hjá löggunni til að sinna þessu, kannski finnst ráðamönnum þetta bara allt í lagi, "Nei varla"
En hvar kaupir maðurinn alla þessa málningu og ekki er hann blankur því hún er ekki gefin slettan sú.

Ekki er ég nú að láta þetta frá mér að því að ég sé á móti andspyrnu, síður en svo gerið allt sem  ykkur dettur í hug, og eiginlega er ég alveg hissa á hvað fólk er rólegt, en því finnst kannski flestu að málin gangi bara hratt og vel fyrir sig. Ekki mér.

Ég var í hópi fólks hér um daginn og allir voru á háa C-inu vegna þessa og hins, ég sagði nú bara hægan, hefur eitthvað komið endanlegt út úr þessu málinu eða hinu, nei það var ekki komið, nú þá þarf ekki að argast út í það strax, og svo er hin stóra spurning, höfum við svo gjörla vit á hvað er að gerast, engin hefur sagt okkur það. Mjög algengt er, maður heyrir mann segja frá einhverju, já og svo spyr maður um framhaldið, ÆI nei fréttin hafði þá ekki öll verið lesin, en það stóð ekki á því að básúnast.

Vill endilega benda fólki á að þeir sem gera allt á laun hvort sem það er í skjóli myrkurs eða heima í eldhúsi, götuhornum, kaffihúsum og eða hvar sem er komið fram og látið heyra í ykkur á réttum vettvangi, því við þurfum að láta í okkur glymja, við eigum ekki fyrir mat eða öðrum nauðsynjum.

Góðar stundir.

Rauðri málningu slett á hús Hreiðars Más

Fyrir svefninn

Já er það, verða straumhvörf á morgun eftir að seðlabankinn hefur tilkynnt vaxtastefnu sína, hvað mun breytast, er ekki allt í lagi með fólk, ekkert mun breytast, engin lausn verður boðuð, látalæti og undanfærslur einkennir alla þá sem eiga að segja okkur eitthvað. Sannið til, sama vellan aftur og aftur.

Einstæð móðir fékk lottó vinninginn síðast og það var
yndislegt, óska henni til hamingju.

Ekkert verður gert á Drekasvæðinu á næstunni, ekki að
það hafi komið á óvart.

Og svo á Raggi Bjarna afmæli, verð bara að segja að
hann þessi stórkostlegi maður er búin að fylgja mér
allt frá djammárunum mínum, engin er eins og hann.

Jæja það var vel heppnaður föndurdagur hjá mér í dag og mikið líður mér vel, ég er nefnilega að gera eitthvað sem mér finnst gaman. Gunna kom, en þurfti síðan á fund þá kom Aðalheiður og það var yndislegt hef ekki hitt hana síðan í byrjun júlí.

Aþena Marey og Hjalti Karl komu í heimsókn og þau eru bara flott, horfðu á Ronju Ræningjadóttir
borðuðu og þá voru þau sótt.

                       Sá Ríki.

Sá ríki á sér einkabíl
og erfðargós í sveit og bæ.
Í krónuvindli kveikir hann
       með kímniblæ.

Hann lifir sem hann listir, því
úr lífi hans út er fátækt byggt.
Hann virðist einskær ánægjan
      því allt er tryggt.

En heldur þ, þó logi lágt
minn lampi, og kaupið hrökkvi ei til,
að hans ég vildi hafa sess?
     já hvort ég vil!

                         Franklin P. Adams

Magnús Ásgeirsson þýddi.

Góða nótt

Við erum þolinmæðin uppmáluð.

//
Læt myndina fylgja, flott mynd. Listaverk sem
við sjáum svo sjaldan

Styttist í greiðsluúræði

„Ég var að fara yfir hugmyndir sem við höfum verið að vinna með. Það er ennþá dálítil vinna eftir í að vinna úr þeim en við vonumst til að standa við að vera tilbúin fyrir mánaðamót," sagði Árni Páll Árnason félagsmálaráðherra, í gær.

Það er nú eins og maður hafi heyrt þessa rullu áður,
Og hvað lengi hafa þeir verið að fara yfir þessar hugmyndir,
Þeir vonast til að standa við að koma með þær fyrir
mánaðarmót, hann gleymdi alveg að segja fyrir hvaða
mánaðarmót. Af hverju koma þeir ekki beint fram og segjast
bara ekki vita hvernig þeir eigi að fara að þessu, og staðreyndina
á borðið, Landið er gjaldþrota.

„Við viljum bæði létta greiðslubyrði fólks og svo auðvitað styrkja þessi sértæku úrræði og gera þau þjálli og auðveldari í notkun."

Þeir hafa engan áhuga á að létta okkur greiðslubyrðina, en
það er ekki eins og það sé okkur að kenna að þetta hrun varð.

Aðspurður hvort niðurfellingarleið komi til greina, að fella niður hluta íbúðarlánaskulda, sagði Árni Páll reynt að vinna á þessum tveimur forsendum, að mæta erfiðleikum í greiðslubyrði og síðan greiða úr vanda erfiðari skuldamálanna.

Hann útilokar ekki að lántakendum verði gert kleift að laga afborganir að greiðslugetu sinni.

Auðvitað verður ekkert fellt niður, við erum bara peðin, en
okkur verður kannski gert kleift að borga skuldir annarra
samkvæmt greiðslugetu okkar, Þvílíkur virðingarvottur.

Inntur eftir því hvort til greina kæmi að flytja íbúðalán frá bönkunum yfir til Íbúðalánasjóðs - þar með talið myntkörfulán - sagði Árni Páll verið að horfa á kosti og galla slíkrar yfirfærslu í heild. Allt kæmi til greina en ekkert væri ákveðið

 

Þeir fara nú varlega í það, það mun kosta of mikið
bankarnir þurfa nú að fá sitt.

Vona bara að þeim líði vel þessum mönnum og konum
sem landinu stjórna.
Mér líður allavega afar vel, því ég hef hreina samvisku.

Styttist í greiðsluúrræði

Fyrir svefnin

Haustið hefur slæm áhrif á mig, þá byrja lægðirnar að lauma sér inn í stoðkerfið mitt og síþreytan verður frekar leiðinleg, en best er að taka því með jafnaðargeði, slappa af við góða vinnu eða lestur góðra bóka og að sjálfsögðu legg ég mig, en þó reglulega, annars dettur maður niður í ringulreiðina.
Svo er gott að hugleiða á að maður finni ekkert til, það hjálpar.
.
Helgin hjá mér var bara tekin í rólegheitum, eins dagurinn í gær fór ekki út úr húsi alla daganna, í morgun fór ég í þjálfun, heim í kaffisopa og svo upp í rúm til 12, borðuðum þá fisk

Ingimar kom með litla ljósið, amma varð voða hissa og sagði, hva ert þú ekki á leikskólanum, nei mér var svo illt í maganum vildi bara lúlla heima með mömmu minni, hún hringdi bara í konuna sem vinnur með henni og þær skiptu, mamma mætti bara eftir matinn. Já er það, litlu síðar sagði hún, við pabbi erum að fara í sund, nú ert þú ekki lasin, nei ég var bara að þykjast að ég væri veik, sko ef hún er ekki lítil skáldkona þá veit ég ekki hvað. Auðvitað fóru þau ekki í sund, enda snjóaði hér í dag.

                       Þú og þögnin

Þú og þögnin
--þið eigið ljóðin mín.
Eg get ekki í orðum
ort í kveld til þín.
Eg vaki yfir eldi
--eldi, sem brennir mig
Eg vaki yfir óði
--óði sem dreymir þig.

-- --

Blástjarnan brosir
björt inn um gluggann minn.
Og eg horfi hljóður
með hönd undir kinn.
Hún minnir á meira,
en má eg þér segja frá,
--á fegurð--og fjarlægð
--og fjötraða þrá.

Rökkrið rauða
reifar nú drauminn minn.
Og eg horfi í húmið
með hönd undir kinn.
En eg get ekki í orðum
ort í kveld til þín.
Þú og þögnin
--þið eigið ljóðin mín.

                          Magnús Ásgeirsson

Góða nótt

Hvað eigum við í dag?

Hún Klara er 100 ára í dag og hún skuldaði aldrei neitt og var hamingjusöm í sínu lífi, konur þessa tíma skulduðu ekkert, þær sem voru efnaðar þurftu ekki lán og þær sem voru fátækar fengu enga fyrirgreiðslu.
Þessar konur áttu það sameiginlegt að vera skörungar og stjórna vel og vandlega því sem þær áttu, ekki var farið illa með mat eða föt, engu hent og allt nýtt.
Við gætum lært af þeim það er svo satt, en því miður eru þær flestar horfnar frá okkur.

Við skulum muna að við eigum þó alltaf ástina og gleðina sem kemur frá hjartanu.

Hér kemur ástarljóð frá Japan.

Rósirnar las ég
og færði þær heim í hús.
Þær vekja þanka
um skarlatsrauðan litinn
á skikkju elskhuga míns.

Haustregn og snjórinn
valda mér vökunóttum,
frostrósir jafnan
veikbyggðar líkt og ást þín,
hverfa við sólarupprás.

Gróin er gata
sú er þú forðum fórst um
til unaðsfunda.
Kónguló spinnur þar vef
líkan glitrandi tárum.

                     Izumi Shikibu orti

Pétur Hafstein Lárusson þýddi.

 

Ég átti hamingjusamt líf og skuldaði aldrei

Hjartanlega til hamingju Jóhanna Helga

//

Nýtt nýra - nýtt líf

„Það sem var erfiðast við aðgerðina var að þurfa að drekka þrjá lítra af vondu dönsku vatni á dag. Núna svelgi ég í mig vatn því hér er það svo gott," segir Jóhanna Helga Sigtryggsdóttir glöð í bragði en hún kom heim frá Kaupmannahöfn á laugardag eftir vel heppnaða nýrnaígræðslu.

Trúi því nú vel að þér hafi fundist vatnið vont, heillin á
Íslandi er það best.

Velkomin heim og þér á eftir að farnast vel með þetta
hlýja bros, auðvitað er best að vera í sveitinni og hún
mun umvefja þig.
Gangi þér allt í haginn.

Nýtt nýra – nýtt líf!

Moldvarpið er okkur tamt

Ekki hef ég mikið úttalað mig um hrun, kreppu eða fjármálavandann yfirhöfuð, Fyrst var maður svolítið hlessa og vissi eiginlega ekki hvað hafði gerst eða mundi gerast. Eitthvað var maður að reyna að fjasast út í hitt og þetta, en fljótlega bara gafst ég upp.

Endalaust komu/koma fræðingar, bæði heimamenn og erlendir, sem sögðu að þetta væri svona og svona, engin sagði það sama, en allir vildi það besta fyrir land vort, en voru í raun að skarta sinni málhæfni okkur til handa, við áttum nefnilega að trúa þeim. Heimskulegt af þeim, sérstaklega er þeir komu fram sem höfðu verið með í að búa til hræringinn, sem engin skilur því hann er svartur, en okkar er ljós.

Að sjálfsögðu hafa verið umræður á mínu heimili eins og annarra, þá er verið að úttala sig um það sem þessi og hinn sagði, ég spyr alltaf: ,,Höfum við vit á því hvað er rétt og rangt?" Nei það höfum við ekki því ef þeir vita það ekki þá ekki við.

Sagt er að ríkisstjórnin sé að gera góða hluti, það taki bara tíma mér finnst það vera búið að taka of langan tíma að sinna því sem mér þykir liggja mest á (sko nú tel ég mig vita best) og það eru atvinnumálin og leiðrétting til handa heimilunum í landinu, er einhver heil brú í þessu ferli, nei og allir vita það en gera ekkert í því. Allir vita hvaða áhrif það hefur á keðjuna ef nokkra hlekki vantar, jú hún hrinur.

Eitt er sem, alltaf verðu til í krísum hjá fólki, það er sjálfsvorkunnar-ástandið og ekki er ég að gera lítið úr því ástandi, það er versti sjúkdómur sem fólk fær, fyrirgefið, en þetta er sannleikur.
Flest okkar (ekki öll) ráðum vel við og getum hrist okkur út úr þessu, en ef fólki finnst þægilegt að láta vorkenna sér þá verða þau að vera þar, engin getur hjálpað þeim nema þeir sjálfir.

Fjöldi fólks er í  svokallaðri millistétt, það er fólk sem á ekki mikið af peningum en hefur alltaf borist mikið á og skuldar mikla peninga, en er í mikilli afneitun er í því að ganga í augun á og sýnast fyrir öllum sem þau umgangast. Væri ekki nær fyrir þetta elsku fólk að opna augun, koma inn í raunveruleikann og borga frekar skuldir, en að eyða peningum og það jafnvel með frekari skuldsetningu.

Svo eru náttúrlega þeir "ríkustu" ???????????????????????????

Ég er ekki að dæma, ég ber virðingu fyrir öllum, fólk ræður að sjálfsögðu
hversu hamingjusamt það er, en þeir sem ekki taka á sínum málum,
viðurkenna og framkvæma verða aldrei hamingjusamir, mín skoðun.

Það sem ég er að reyna að segja er, við þurfum að vinna þetta sjálf,
fyrir okkur finna gleðina í okkur sjálfum og því sem við eigum, því
ekkert er í lagi ef við missum hana.
Hvað er það mikilvægasta í lífinu?
Það er gleðin sem kemur frá hjartanu, án hennar erum við snauð,
svo endilega finnið hana. Það er ekki erfitt.

Kærleik til allra sem lesa þetta.

 

Kjólar frá, Hjá Báru.

Var að tala um Báru bleiku á síðunni hjá henni Jenný frænku minni, það var nú vegna þess að hún talaði um, óvart, London Dömudeild sem fáir kannast nú við í dag, nema við þessar ungu.
Kem hér með nokkra kjóla sem keyptir voru einmitt hjá Báru, samt ekki bleikir.



Jæja ekki nógu góð þessi, en þarna er Sigga í hvítum kjól frá Báru
ég í grænum með kápu yfir, Gilsi bróðir með okkur, erum að borða
eitthvað gúmmiladi, heima hjá mömmu og pabba,
á leið á stórdansleik.



Mamma mín eins og drottning að vanda.



Ég kem gangandi, Inga mágkona mín við hliðina á Gilsa bróðir, en
hún er kona Ingós bróðirs.

Gilsi bróðir og Dúlla konan hans, allt eru þetta kjólar frá Báru bleiku.
Þessar myndir eru teknar í kringum, ég held ´78



Jæja mamma hætt að vera í fínu kjólunum, en er þarna með okkur
börnin sín, er hún varð 75 ára.
Þorgils, Jón, ég fyrir aftan mömmu í hjólastólnum, Guðni og Ingólfur

,

Svo kemur ein sem ég fann í fórum myndanna hennar mömmu
sem ég er að fara í gegnum, hún er af afasystrum mínum, þeim
Unni, Ingu og  Jóa manni Ingu.

Þetta myndablogg kom nú bara til út af bleiku skónum hjá henni
Jenný Önnu, en Unnur og Inga eru einnig afasystur hennar.

Jenný mín þú lætur pabba þinn vita af þessum, það koma svo
fleiri síðar, en þetta er bara ansi mikil vinna ef myndirnar eiga að
koma vel út.
Það þarf aðlaga þær til og Milla mín ætlar að hjálpa mér við það í vetur
og mun ég setja þær inn á sérstaka síðu sem ætluð verður öllum
ættingjum og vinum.

Klippið bara á S og N Þing

Það þurfa engin göng að koma í gegnum Vaðlaheiði, sleppið því bara, til hvers, engin er atvinnan, engin fiskur í sjónum og bændur eru að fara á hausinn.
Ferðamönnum finnst bara spennandi að fara Víkurskarðið hvort sem þeir eru á hjólum, gangandi eða akandi það verða hvort eð er fáir aðrir en þeir sem fara um þessa vegi þegar búið er að klippa á
landshlutann, það er á meðan einhver nennir að sinna því starfi sem heitir ferðamannaiðnaður.

Væri kannski möguleiki að selja inn á yfirgefna bæi eða vill einhver friða svæðið til útivistar fyrir veiðimenn af ýmsu tagi, hér er margt að hafa.

Klárið bara allt fyrir sunnan á meðan fer allt til fjandans hér norðan heiða, nema við tökum okkur til og stofnum eigið ríki.

Góðar stundir.

Samkomulag um Vaðlaheiðargöng

Af hverju?

Já af hverju skrökvar maður. Ég var 7 ára, send út í mjólkurbúð til að kaupa brauð, búðin var á horninu rétt hjá heima, en síðan var önnur lengra í burtu ég fór í hana þar var nefnilega til súkkulaðiegg sem var fyllt með kremi, æðislega gott, ég keypti brauðið og eggið borðaði það af innlifun á heimleiðinni.

Mamma spurði er ég kom heim af hverju ég hefði verið svona lengi, nú ég sagði að brauðið hefði ekki verið til í mjólkurbúðinni, svo ég hefði farið í hina búðina, ég þorði ekki að segja henni hvað ég hafði gert.

Gæti það hafa verið fyrir tuðið yfir því hvað maður borðaði; ,, stundum, seint á kvöldin hittumst við ég og frændi minn sem bjó á heimilinu, vorum þá bæði að stelast í búrið til að næla okkur í kökur til að maula á, við læddumst, því ef mamma vaknaði við okkur fékk maður ræðuna", man samt ekki eftir að hún segði við mig að ég yrði feitabolla ef ég æti svona. það gerðist miklu seinna er ég var tágrönn, þá átti ég að vera grennri og flottari, hlægilegt ég var flott stelpa, svo talar maður ekki svona við börnin sín.

Á sunnudögum kom frændi oft ekki í hádegismat, þá var ég mjög glöð, ég fékk nefnilega alltaf eftirréttinn hans, það er að segja ef ég borðaði allan matinn minn.
Gáfulegt uppeldi, tuða og tuða, en svo mátti ég fá eftirréttinn hans ef ég borðaði matinn minn.

Held bara að ég hafi verið ofæta frá unga aldri.

Að gera sér grein fyrir.

Sporðdreki: Fegurð orðanna heillar þig. Gættu þín að vera
heiðarleg(ur) við sjálfa(n) þig í dag því annars verður þú fyrir
vonbrigðum.

Ég reyni alltaf að vera heiðarleg gagnvart sjálfri mér, en er búin
að komast að því að oft veit ég ekki hvort ég er heiðarleg eða
meðvirk, en það mun lærast.

Þó erfitt sé, þá veit ég að maður verður að læra að sleppa og
huga að sér sjálfum, og gera mér grein fyrir að ég lifi ekki
lífinu fyrir aðra.

Ég og allir aðrir þurfa að leifa öðrum að lifa og njóta sín og hafa
gaman með, ekki setja út á.

Tjái ég mig um eitthvað sem hvílir á mér, þá ætlast ég jafnvel ekki
til að fá ummæli eða ráð um hvað ég eigi að gera, en ef það er
gefið, sem er í lagi, þá þarf ég ekki endilega að fara eftir því,
málið er dautt.

Allir vita sem þekkja mig að fögur finnast mér orðin, og reyndar
einnig náttúran, hafið og bara allt sem fagurt er að mínu mati.
En fegurð er svo afstæð.

                                  Marmaramynd

                    (Michelandgelo Buonarotti )
                                        1476--1564

                       Góður svefn, mín gæfa að vera steinn
                       í grimmum heimi og ekkert vita meira
                       af því sem ég vil hvorki sjá né heyra.
                       Hvíslaðu lágt, svo ekki vakni neinn!  

Helgi Hálfdánarson þýddi

kærleik til þeirra sem lesa                       

Afhýdd og kramin

Já segi það og meina, kannski ekki eins og k.mús, en næstum. þegar maður flettir ofan af sjálfum sér, uppgötvar við lestur góðra pósta, að feluleikurinn hefur verið algjör, í tuga ára hefur meðvirknin eyðilagt svo mikið, en maður vissi bara ekki betur.
Fullkomið heldur maður að allt sé, nú stóð maður sig ekki vel, í vinnu, heima, gagnvart vinum og fjölskyldu jú jú mikil ósköp, en var ég hamingjusöm í raun?

Auðvitað var og er ég hamingjusöm með það sem ég hef og á.
Ég þakka Guði fyrir það á hverju kvöldi, þakka ég einnig fyrir
þá sem komu mér á þá braut að fletta ofan af sjálfum mér
og byrja batann, ég á langt í land, en eftir tuga ára reynslu
vona ég að batinn komi fljótt, kannski er ég meðvirk núna,
en þá verð ég bara að reka mig á.

Það vita allir fíklar að það er alveg sama hvað þeir reyna að
afsaka sýnar gjörðir í gegnum árin, þá er það ekki hægt.

Merkilegt eins og með mig, sem er búin að þola ýmislegt í
gegnum árin, engin hefur beðið mig fyrirgefningar á því, en
ég er búin að fyrirgefa sjálfri mér fyrir það sem ég lét ganga
yfir mig, en þá hef ég ekki höndlað MATARFÍKNINA.
Þegar ég var ung var ég eins og spýta 1973 var ég 123 kíló.
1975 datt ég niður í 65 kíló og var nærri dauð, fór í
garnastyttingu, tengd aftur 1982 og hélt mér bara fínni í mörg
ár, en fór samt í 83 ca.
Skellurinn kom 2004, fékk hjartaáfall, átti svo bágt, mátti sko
alveg borða, en það kostaði að ég er komin í 120 kg í dag
og svo held ég að ég geti bara sagt, en þetta var svo erfitt.

Já þetta var erfitt og matarfíkn er sjúkdómur sem ég verð að
höndla og það strax annars get ég valið gröfina, en ég held
að ég velji að læra á sjálfan mig, og það geri ég með hjálp
góðra vina og staðfestu sjálfra mín, engin gerir það fyrir mig.

Ég skrifa þetta til að losa um hnútinn sem var og er, kemur
aftur og aftur þar til ég er búin af afhýða og opna sjálfan mig
og viðurkenna  að ég sé ofæta.
Ég heiti Guðrún Emilía Guðnadóttir og er OFÆTA.

Kærleik til þeirra sem lesa
Milla

Frá húshaldi Millu

Vaknaði klukkan 5 í morgun, mér fannst lífið bara nokkuð æsandi, en á endanum fór ég á fætur 6.15 og í þjálfun 8. Gísli minn þessi elska sótti mig 8.30 við heim að fá okkur kaffisopa, ég ætlaði að leggja mig, og gerði það er ég fékk frið til þess (Við drukkum kaffið 9.30) jæja ég sofnaði örþreytt og alsæl svaf ég til 12.30. Skellti mér í sturtu, hrein föt, fékk mér sítrónu vatn búin að sitja hér við tölvuna síðan.

Komst að því að fara í þjálfun og leika sér sama daginn er ekki gott
fyrir liðina, man það bara næst, nefnilega er í þjálfun tvisvar í viku,
sleppi bara leiknum næst.

Aðeins að útskýra:
Þar sem ég er ekki gift, er eigi hægt að tilkynna skilnað.
Þar sem ég er ekki í sambúð. er eigi hægt að tilkynna sambúðarslit.
Hef bara afnot af manni og hann af mér þá þarf ekkert um það að
segja, þó spark í rassinn gefum, en ég held að við séum ekkert á
leiðinni að gera það, maður veit samt aldrei hvað gerist þó frægðin
sé ekki fyrir hendi. Uss mikið fjandi er ég farin að rugla, enda fer að
hallast að aldrinum.

Fer að fá mér hressingu, í kvöld ætla ég að borða afganga síðan í
gær, maður hendir ekki matnum munið það alveg sama hversu
lítið það er.

Gísli minn er að sortera myndir og þyrfti ég að klára að gera það
við mínar svo að það sé hægt að byrja á þeirri vinnu.
Held að það gerist ekkert markvert hér í dag svo ég læt þessari
fréttatilkynningu lokið, lofa að láta ykkur vita ef undur og stórmerki
gerast.

Það eru hjón í næsta húsi að skilja

Kemur einhverjum það við, nema þá helst þeim sem hafa gaman að smjattinu. Hvað er eiginlega í gangi, þau eru nú ekki konungborin þessi hjón í Krossinum, ekki einu sinni að þau tilheyri uppaliði Íslands, eða réttara sagt stórreykjavíkursvæðinu, því engir eru upparnir úti á landi, eða er það,? ég hef eigi orðið vör við þá.

Forstöðuhjón Krossins að skilja