Fyrir svefninn.

Slysatilfelli.

           Ég fékk eitt sinn vörtu, það sjón var að sjá
           hún sat eins og fjallgarður hnúanum á
           og af því að ég er svo falleg og flott
           þá fannst mér að yrði að nem´ana brott.

           Og Ingimar læknir mér loforðið gaf
           líttu inn á morgun, ég tek hana af
           en þegar ég birtist, hann bara á mig leit,
           hann bjargar þér Gísli, ég þarf út í sveit.

           Hjálpsamur Gísli nú horfir á mig
           heilaga Guðsmóðir, hvað er að sjá,
           ég tek þetta ekki, þá auðmjúk ég bað
           hann Ingimar lofaði að tak´ana af.

           Þá læt ég hann sjálfan um loforðin sín
           að los´ana sýnist mér alls ekkert grín
           en Ingimar rétt´ana aftur til hans
           þú afgreiðir þetta nú bara með glans.

           Á ganginum þarna nú gaf á að sjá
           glottið á þeim sem að leið áttu hjá
           er Gísli og Ingimar gömnuðu sér
           og grýttu á milli sín hendinni á mér.

           En þrátt fyrir vörtuna vaknaði nú
           verulegt þakklæti, gleði og trú.
           Ó heilagi Drottinn nú þakka ég þér
           að þetta var ekki á hausnum á mér.

Þessi er nú aldeilis frábær, eftir hana Ósk.
Hægt er að syngja þetta við lagið.
Ég langömmu átti.

Þið munið svo að lesa líka fyrir svefninn í gær.
það er vegna hennar Elísabetar.

                                Góða nótt

Hinir eru jafn færir, virkilega.

Niðurstöður úr Sænskri rannsókn sýna að ekki er marktækur
munur á söluhæfileikum fallega fólksins og ljóta fólksins.
Hef nú bara aldrei heyrt það asnalegra, þarf einhverja spes
rannsókn til að staðfesta það.
Hver dæmir það hvort fólk er fallegt eða ljótt,
það sem einum finnst fallegt finnst öðrum ljótt, hvort sem er
um fólk eða hluti.

Elva Tryggvadóttir, ráðgjafi hjá Ráðningarþjónustunni ehf.,
kveðst ekki hafa orðið vör við kröfur um útlit starfsmanna á beinan hátt.

Eigi veit ég neitt um hina mætu konu Elvu Tryggvadóttur, en eitt veit ég
að þessar kröfur hafa ætíð viðgengist, hjá flestum fyrirtækjum landsins.

„Maður sér það hins vegar á vali milli jafnhæfra umsækjenda, einkum
þegar um afgreiðslustarf í sérbúðum er að ræða.
Þá virðist útlitið skipta máli.
Við höldum engu að síður áfram að senda hina umsækjendurna í viðtal
því að þeir eru alveg jafnhæfir.

Takið eftir þessum orðum: ,, Við höldum engu að síður áfram að senda "hina"
umsækjendurna í viðtal því þeir eru alveg jafn færir".
Ég efast um að svona orðalag sé illa meint, en svolítið vitlaust orðað.

Snyrtimennska, klæðaburður og góð framkoma skiptir hins vegar alltaf
miklu máli.

Að sjálfsögðu skiptir það máli, en líka það, að mínu mati. 
Að hafa góða framkomu og fólk verður að hafa áhuga á sínu starfi.
Ég sem hef starfað í verslunargeiranum,
leita ætíð til þeirra sem kunna að brosa og gefa af sér við kúnnann
þá lýður mér best.
                                  Eigið góðan dag

Fallegt afgreiðslufólk selur ekki meira

Fyrir Svefninn. Nú skulu allir lesa. koma nú!

Hvað eru margir bara í Reykjavík sem þurfa á liðveislu að halda
en fá ekki, vegna, Já vegna hvers? góð spurning.
Hvað eru margir sem eru heima hjá sér, láta sér leiðast langar
til að gera eitthvað smá í viku hverri, en hafa ekki haft sig í það
einhverra hluta vegna.
Nú er tækifærið til að fá sér gefandi og skemmtilegt starf.
þeir sem nú hugsa sig rækilega um geta fengið skemmtilega vinnu
og meira að segja borgað fyrir, svona af stað með ykkur, nú ef
ykkur líkar ekki þá getið þið alltaf hætt, en það hættir engin í
svona skemmtilegri og gefandi vinnu.
Góða nótt kæru vinir


Hjálp, lesið, hugsið og framkvæmið.

Það er mé sönn ánægja að birta þessa beiðni
um hjálp.

Hjálp bloggvinir / Ert þú til í að birta þetta á þinni síðu?

Elísabet Sigmarsdóttir er fædd með sjaldgæfan sjúkdóm sem kallast Encephalocele. Hún er sú eina á landinu sem hefur lifað hann af hingað til. Afleiðingar hans eru ýmsar. Henni fer stöðugt aftur og er í dag í hjólastól. Elísabet er búin að fara í u.þ.b. 60 aðgerðir. Oft var henni ekki hugað líf en er í dag lífsglöð og bjartsýn ung kona þrátt fyrir alla þá þröskulda sem lífið hefur sett henni.

Elísabet leitar nú eftir stuðningsmanneskju eða liðsveislu, eins og það er kallað. Liðsmaður er hugsaður sem félagslegur stuðningur og er um 16 tíma á mánuði að ræða. Er það samkomulagsatriði á milli Elísabetar og þess sem stuðninginn veitir hvernig þessum tíma er varðveitt og hvenær. 

Það er í raun Reykjavíkurborg sem á að útvega stuðningsmanneskju en þeim hefur ekki tekist það og hefur Elísabet verið án þessarar þjónustu í 7 mánuði.  Engin vilji er þar á bæ til að ganga lengra til að bjarga málunum. Þetta fellur ekki undir forgangsröð borgaryfirvalda. Það vitum við öll.  Þetta skiptir hinsvegar öllu máli fyrir tilveru Elísabetar Sigmarsdóttur.

Viðkomandi hlýtur laun fyrir en samt óskum við eftir manneskju sem hefur áhuga á því að láta gott af sér leiða og gefa nærveru sína og félagsskap til þessarar fallegur og hugrökku vinkonu minnar.

Ef þú hefur tök á því og tíma, gerðu þá góðverk. Ef þú hefur verið að hugsa í mörg ár að þú ættir kannski að gefa eitthvað til baka þá er núna tækifærið.

Síminn hjá Elísabetu er: 587 - 6278 og netfangið:[e-mail] eða þú getur sent mér (Halla Rut) E-mail: [e-mail] ef þú vilt frekari upplýsingar.

Ég hér bið ykkur öll um að birta þetta á ykkar síðu sem færslu ef þið sjáið ykkur það fært.

Og svo er bara líka "nice" að senda henni kveðju: Elísabet.

Með samhug og kærleik

Halla Rut

Getur fólk ekki gert þetta löglega?

Hef nú aldrei haft neitt á móti mótmælum, en það má til að fara
löglega að slíkum málum, bara til að skaða ekki sjálfan sig og aðra.

Ég hlusta miklu frekar á þá sem fara rétt að þessu, 
gera þetta að svolitlum sirkus það er svo skemmtilegt
og ekki er hægt að kæra neinn fyrir það.

Það er nefnilega málið kæra fólk að hægt er að vekja athygli á
málstaðnum, en engin áhrif getur það haft nema að byrja miklu fyrr.

Ég veit að þetta er vist ofbeldi á okkar þjóð að reisa álver, en margt
ofbeldið er verra en þetta.

Get ég bent á ofbeldi gegn mannréttindum, ofbeldi gagnvart börnum
og ungu fólki, konum og lengi gæti ég talið.
Getið þið kannski staðið vörð um það líka?

                      Kveðja.

Eitt verðum við að hafa hugfast, atvinnu verðum við að hafa.
ef nú aldrei haft neitt á móti mótmælum, en mér finnst nú
að fólk þurfi að gera þetta á sem löglegasta hátt svo það
skaði ekki sjálfan sig og aðra.
Fólk af mörgum þjóðernum ferðast á milli landa til að mótmæla
hinu og þessu sem er bara allt í lagi,

Einn handtekinn í Helguvík

Svartsýnistal náttúruverndarsinna.

Ég hef nú talið mig náttúruverndarsinna, því ég vill að það sé gengið
vel um landið mitt.
Annan kost hefði ég talið betri, en álver á Bakka við Húsavík,
hefði hann verið í boði, hann er bara ekki í boði hefur ekki verið fundinn
upp enn þá.
Þeir sem eru að tala um eitthvað annað sé hægt að gera
til að skapa atvinnu, sem hefur farið þverandi síðastliðin 25 ár eða svo
geta reynt að finna þetta annað næstu 25 árin, en þangað til vill ég fá álver,
Það skapar atvinnu, og þar af leiðandi bjartsýni, stöðuleika og samstarf um
allt mögulegt hér norðan heiða.

Þó svo að talan breytist úr 250 þúsund tonnum í 346 þúsund tonn,
þarf ekki að virkja Skjálfandafljót eða Jökulsárnar á norðurlandi.
Það er aldeilis orkan sem sumir halda að við þurfum í eitt álver.

Talið er að næg orka fáist með virkjun jarðvarma, nú ef ekki þá
kaupa þeir bara orku frá Kárahnjúka-virkjun,
eiga þeir ekki nægilega orku afgangs, bara spyr.

Byggist þetta tal allt um virkjanir upp á hræðsluáróðri, eða hvað?

Smá vísa.
                        Visku máttu af þér gefa
                        veitir ekki af því hér,
                        talin ljóska ekki að efa
                        spjótin hrannast öll að mér.

Góðar stundir.

Stórt álver kallar á virkjun Skjálfandafljóts

Fyrir svefninn.

Á kjósendafundi í Vestur- Skaftafellssýslu áttu þeir
Lárus Helgason, frambjóðandi framsóknarflokksins
og Gísli Sveinsson, framblóðandi Sjálfstæðisflokksins,
í deilu.
Framsókn var þá við stjórn.
Gísli kvartaði undan ranglæti framsóknarmanna og
bar sig illa undan hlutdrægni þeirra í garð sjálfstæðismanna.
þá gellur Lárus fram í:
,, Já en hver biður þá að vera sjálfstæðismenn?"

Vísa Gests á Hæli um sjálfan sig.

             Forsjónin gaf mér feita konu,
             forsjónin gaf mér vakran hest,
             forsjónin gaf mér fríða sonu,
             forsjónin lét mig heita Gest,
             forsjónin hverjum færir sitt,
             forsjónin lét mig búa á titt.

Íslensk fyndni.

Þegar reðursafnið flutti til Húsavíkur
fylltust karlarnir ótta út af
samanburðinum sem óhjákvæmilega
yrði þegar konurnar færu að skoða safnið,
svo þá vantaði uppörvun.

            Stærðin ykkar aldrei tefur
            ástarleikinn maður slingur.
            Gegnum árin okkur hefur
            alveg dugað lítill fingur.

Þessi er eftir hana Ósk.
                                         Góða nótt.

Hjálp, lesið, hugsið og framkvæmið.

Það er mé sönn ánægja að birta þessa beiðni
um hjálp.

Hjálp bloggvinir / Ert þú til í að birta þetta á þinni síðu?

Elísabet Sigmarsdóttir er fædd með sjaldgæfan sjúkdóm sem kallast Encephalocele. Hún er sú eina á landinu sem hefur lifað hann af hingað til. Afleiðingar hans eru ýmsar. Henni fer stöðugt aftur og er í dag í hjólastól. Elísabet er búin að fara í u.þ.b. 60 aðgerðir. Oft var henni ekki hugað líf en er í dag lífsglöð og bjartsýn ung kona þrátt fyrir alla þá þröskulda sem lífið hefur sett henni.

Elísabet leitar nú eftir stuðningsmanneskju eða liðsveislu, eins og það er kallað. Liðsmaður er hugsaður sem félagslegur stuðningur og er um 16 tíma á mánuði að ræða. Er það samkomulagsatriði á milli Elísabetar og þess sem stuðninginn veitir hvernig þessum tíma er varðveitt og hvenær. 

Það er í raun Reykjavíkurborg sem á að útvega stuðningsmanneskju en þeim hefur ekki tekist það og hefur Elísabet verið án þessarar þjónustu í 7 mánuði.  Engin vilji er þar á bæ til að ganga lengra til að bjarga málunum. Þetta fellur ekki undir forgangsröð borgaryfirvalda. Það vitum við öll.  Þetta skiptir hinsvegar öllu máli fyrir tilveru Elísabetar Sigmarsdóttur.

Viðkomandi hlýtur laun fyrir en samt óskum við eftir manneskju sem hefur áhuga á því að láta gott af sér leiða og gefa nærveru sína og félagsskap til þessarar fallegur og hugrökku vinkonu minnar.

Ef þú hefur tök á því og tíma, gerðu þá góðverk. Ef þú hefur verið að hugsa í mörg ár að þú ættir kannski að gefa eitthvað til baka þá er núna tækifærið.

Síminn hjá Elísabetu er: 587 - 6278 og netfangið:[e-mail] eða þú getur sent mér (Halla Rut) E-mail: [e-mail] ef þú vilt frekari upplýsingar.

Ég hér bið ykkur öll um að birta þetta á ykkar síðu sem færslu ef þið sjáið ykkur það fært.

Og svo er bara líka "nice" að senda henni kveðju: Elísabet.

Með samhug og kærleik

Halla Rut

 

 

 

Systur í sýningarstuði, takið eftir skónum.

Vikóría Ósk og Aþena Marey. Ljósálfurinn og ljósið hennar ömmu sinnar.

Aþena Marey.

Þetta er litla ljósið hennar ömmu hún Aþena Marey.
Hún er næstyngst af mínum barnabörnum, fæddist 11/3 2005 ég var viðstödd
Og eins og ég hef sagt áður, þá er það undur veraldar að vera viðstödd
fæðingu barnabarna sinna, hef verið viðstödd hjá fimm af þeim.

Skondnar spurningar hjá sumum.

Var spurð fyrir nokkru, af hverju þessi áhugi svona allt í
einu á velferð fólks, sérstaklega börnum og ungmennum.

Búin að velta þessu fyrir mér nokkuð, ákvað að blogga
aðeins um þetta.

Auðvitað með til komu tölvunnar fá fleiri að vita hvað
maður hugsar og hvaða skoðanir maður hefur.
Fólk sem þekkir mig mjög vel mundi ekki spyrja svona,
ég hef alltaf haft áhuga fyrir réttlæti til handa öllum, og
ofbeldi hef ég aldrei þolað.
Mörg ykkar vita af hverju ég þoli ekki ofbeldi.

það hafði djúp áhrif á mig sem krakka og ungling, er ég
kynntist því að til voru heimili fyrir vandræðastúlkur,
eitt slíkt var rétt hjá þar sem foreldrar mínir áttu sumarhús,
sem sagt við Elliðaárvatn í Vatnsendalandi.
Ekkert vatn var í bústaðnum svo við fórum oft og náðum í vatn
í þetta stóra hús, sóttum það í þvottahúsið í kjallaranum.
Voru þá stelpurnar oft að tala við okkur krakkana, sko út um
gluggana.

Ég ólst upp við gott atlægi, en mikil var fátæktin á þeim áru eftir stríð
og man ég alla tíð er börn komu ekki með nesti í skólann, það var
ekki til matur á heimilunum. Mér þótti þetta sárt.

Nú það koma ár hjá öllum sem gera það að verkum að maður setur
þetta í geymslu, eins og við gerum við mailin okkar í dag.
Það er skólinn unglingaárin og svo margt skemmtilegt sem gerist í
lífi manns.
Síðan giftist ég átti Dóru mína, skildi og giftist aftur, eignaðist 3 börn
í viðbót, öll eru börnin mín yndisleg og get ég eigi kvartað undan því.
Ég var formaður barnaverndarnefndar Sandgerðis í átta ár,
og var það mikil reynsla.

Skildi svo við óvættina og þá byrjaði lífið upp á nýtt og er ég búin að
njóta þess síðan að rækta sjálfan mig og sættast við fortíðina.

þegar ég eignaðist tölvu opnaðist nýr heimur í því að láta gott af sér leiða
og finnst mér það alveg stórkostlegt hvað miklu er hægt að koma á framfæri.

Ég mun trúlega aldrei breytast hvað það snertir að berjast með mínum orðum
fyrir réttlæti til handa börnum og bara öllu fólki, en ef við byrjum ekki er
börnin eru lítil að vera vakandi yfir velferð þeirra, fáum við ekki eins
hamingjusama unglinga og þar af leiðandi alls ekki kærleiksríkt fólk.
                            Kveðjur til allra
                               Milla.

Fyrir svefninn.

Guðmundur Hannesson prófessor var að prófa
læknanema. ,,Nú eruð þér sóttur til konu í barnsnauð",
segir Guðmundur, hvað gerið þér þá fyrst?"
,, Ég athuga konuna til að sjá hvernig fæðingin muni ganga",
svarar læknaneminn.,, nei, ekki gerið þér það", segir Guðmundur.
,, Ég fer að sjóða verkfærin, ef ég held,að þurfi að taka barnið
með töngum", segir hinn.
,, Ónei, ekki gerði þér það", segir Guðmundur.
,, Þér heilsið fólkinu fyrst".

Ef þú spyrð.---

                Ég því svara, ef þú spyrð,
                hvað auðnu heimsins brjálar;
                Þeir eru margir merðirnir,
                en miklu færri Njálar.
          -------------------------------------

Það er nú farið að ganga aftur og fram að manni, " hvað?"
Nú þetta veðurfar hér norðan heiða.
veit ég vel að í pirrurnar á mörgum fer, að tala um veðrið,
en öll gerum við það samt.
Gott var um miðbik dagsins, núna er komin skítakuldi,
sem hæfði betur haustinu.
Enda spáði ég þessu veðri, og vona ég úr því sem komið er 
að hún gangi eftir hjá mér að engan snjó við fáum fyrr en eftir áramót.
Vona bara að fólk norðan heiða lesi ekki þessar línur.
                            Góða nótt

Það sem maður ekki kann.

Kæru vinir þið verðið að afsaka ljóskuna, sko lærði í gær
að færa og vista myndir, en núna veit ég ekki hvernig ég
læt margar myndir í röð og texta á milli, verð að hringja í
tvíburana mína fram í Lauga er vinnudegi þeirra líkur
og fá leiðbeiningar,
fyrst fæ ég ræðuna og svo leiðbeiningarnar,
en maður verður að taka ræðunni
er maður kann ekki meira en ég.

Þessar myndir voru sem sagt teknar í Njarðvíkunum er við
fórum suður um daginn, þær eru fleiri
og verða settar inn seinna þegar þær hafa tíma.
sko þær eiga nefnilega myndavélina tvíburarnir mínir.

Sem sagt þetta eru tvíburarnir gullmolarnir mínir
og mín fallegu barnabörn frá Fúsa mínum og Sollu minni.
                        Kveðjur Milla.

Sigrún Lea með Neró, Kamilla Sól með Sölva, Guðrún Emilía með Viktor Mána.

Viktor Máni og Sölvi Steinn.

Prinsarnir mínir og Sigrún Lea.

Barnabörnin mín.

Það gerðist fyrir mörgum árum.

Fyrir margt löngu síðan, að vetri til.
Veðrið var hreint út sagt frekar leiðinlegt, stórhríð og rok.
Yngri börnin mín, voru aldeilis ekki á því að vera heima
vildu fara í leikskólann, nú hann var nú bara rétt handan götunnar
svo ég klæddi þau og mig upp til að fara með þau.
Fór síðan heim til að dunda mér í verkum dagsins, sem ég var nú
að mestu búin með, þau fóru nefnilega bara eftir hádegi í skólann.
Um klukkan fjögur stoppar bíll með miklum ljósum fyrir utan hjá mér,
ég til dyra og inn kemur Óli lækur sem kallaður var,   
björgunarsveitamaður, smiður og allt í öllu maður hjá okkur í
Sandgerði.
Hann segir: ,,Milla mín bara að segja þér að það er allt í lagi, en við erum að
koma með hana Millu litlu hún meiddi sig," þá hafði hún klemmt sig á hurð
og það þurfti að fara með hana inn á sjúkrahús í keflavík.
Jórunn leikskólastýra hringdi bara í Óla sinn, hann er maðurinn hennar,
Hann kom á björgunarsveitarbílnum og þau brunuðu í allri ófærðinni
til keflavíkur.
Það sem ég vill segja með þessari sönnu sögu er hvað kærleikurinn og
hugulsemin var og er rík í þessu fólki, í marga daga á eftir voru að koma
kveðjur frá leikskólanum, og á Milla mín enn þá kort sem Jórunn teiknaði
og kom með til hennar frá öllum á leikskólanum.
Allir voru eitthvað sérstakt er þetta gerðist.
Það er svo gott að rifja upp svona minningar, það gleður hjarta manns.
Kveðjur inn í yndislegan dag.
Milla.

Fyrir svefninn.

Tendra þetta kerti að tilstuðlan hennar
Röggu bloggvinu minnar.

Ég tendra þetta kerti til stuðnings öllum þeim sem eiga um sárt að binda.
Guð veri með og hjálpi okkur öllum til að hafa skilning á sárindum annarra
og gera eitthvað í þeim málum.
Látum ekki eins og ekkert skipti okkur máli.
Látum okkur varða um það sem gerist í kringum okkur.

             Ég ætlaði margt og mikið að gera,
             en allt mitt starf finnst mér ónýtt vera.

             Ég braut vildi ryðja og bræða ísa
             og öðrum til hamingju veginn vísa.

             Já, flytja sólskin í sérhvert hjarta,
             er hrekti í burtu húmið svarta.

             Ég ætlaði líka að yrkja og skrifa
             heiminum bæði til heilla og þrifa.

             Mér burðarás oft ég um herðar reisi
             svo líf mitt er eintómt eirðarleysi.

Kæru vinir snúum því við sem neikvætt er, látum störfin okkar
eigi til ónýtis verða.
Látum eigi eirðarleysið ná tökum á okkur.
Stöndum vörð um hvort annað og gleymum því aldrei.
          
                                   Góða nótt.
            

Blómastelpa 2

Breytti pínu núna, sjá allir hana?

Blómastelpa.

Er hún ekki mikil dúlla, sendi öllum hana þessa blómastelpu
fékk hana senda sem gjöf frá google