Að dæma fólk, ja fyrir hvað?

Skondið til umhugsunar, fólk er að tala saman, allt í lagi,
en ekki er sama í hvaða tón er talað.
Sumir eru ætíð með svoddan dómaratón, eins og það
sé að upphefja sjálfan sig á kostnað annars fólks.

Frekar smáborgaralegt, eins og sagt er.
En er það ekki bara kallað lágt sjálfsmat, held það.

Sumir eru ætíð með sínar skoðanir í hávegum og getur engin
annar haft skoðun og að það sé borin virðing fyrir henni.
Algengt er að línufólkið dæmi aðra hástöfum fyrir sínar skoðanir
og vilja ekki umgangast það fólk,
vegna þess að það hefur sínar skoðanir.

Hvað kallast það? Er það kannski frekja á háu stigi, heimska,
mannfyrirlitning, eða jafnvel geðveila á vissu stigi.

Hvað segi þið um yfirmenn, sem níðast á fólki með sínum skrítnu
skoðunum, sem það hefur á því, hvernig hlutirnir eiga að gerast,
þrátt fyrir að það séu til vissar reglur fyrir því og allir vita það
nema yfirmaðurinn sem vill breyta með sinni drottnunargirni bara
til að kúga fólk og dæma.

Að mínu mati á að reka svona yfirmenn, og aðra þá sem nota þessa
vanvirðingu við fólk.
Hugsið þið ykkur unga fólkið okkar, sem er að byrja á vinnumarkaðnum
margir þurfa að þola svona framkomu, og það er ekki gott.

Annars svaf ég eins og engill í alla nótt, er búin að borða morgunmat,
heyri að engillinn er að taka út úr uppþvottavélinni,
þá er hann búinn að fara í sturtu og gera sig fínan og sætan, fyrir, "mig"
nei bara fyrir daginn, síðan býr hann um rúmið og opnar alla glugga, 
gengur hann síðan frá þvottinum sem hann þvoði í gær,
mín föt fara sko ekki í þurrkara, öll hengd upp á herðatré.
kröfuhörð kerla hér á bæ.
Og nú er ég að fara í sturtu og gera mig fína og sæta,
er að fara í sjúkraþjálfun.

                         Knús kveðjur til ykkar allra.
                                 Milla.

Fyrir svefninn.

Í dag vorum við gamla settið að versla í Kaskó, sé ég hvar
minn maður tekur upp hnoðra sem kom hlaupandi í fangið
á honum, er hún sá mig teygði hún sig í ömmu og sagði
amma mín, er nokkuð til yndislegra? Við hittum hana nefnilega
ekki í gær er við komum heim.
Hún hjálpaði svo ömmu og afa að versla, sem var að sjálfsögðu
mjög svo þarft, Hún var með mömmu, pabba og stóru og fórum
við síðan öll heim til okkar á eftir í kaffi.
Litla ljósið mitt þarf ætíð að setja í könnuna, og gerir það með sóma,
settumst síðan inn í stofu og fengum okkur kaffi og brauð.
Systur fóru í skólaleik og við spjölluðum.

Bára Dísin mín hringdi í morgunn, hún er hjá pabba sínum í
Hafnarfirði, svo við höfum ekki séð hana í hálfan mánuð.
Við spjölluðum saman í langan tíma hún þurfti að segja ömmu
allt sem á daga hennar hafði borið, hún kemur heim eftir viku.

       Smá eftir hana Ósk.

                   Sléttubönd.

       Nýtur lífsins aldrei einn
       ávallt hlaðin störfum
       hlýtur gleði sjaldan seinn
       sinnir allra þörfum.

                Grönnum bjóða þýðlegt þel
                þjóðar gjafir sínar.
                Mönnum heilsa vinir vel
                vonir glæðast mínar.

       Skíru gulli líkist lítt
       leiðar vísur metur.
       Hýru brosi eðlis ýtt
       undir sitthvað getur.

               Geymir artin dýra dáð
               dyggðum skartar lundin.
               Dreymir hjartað ríka ráð
               rætist bjarta stundin.

      Gleymið þjóðar arfi öll
      aldrei vísur gjörið.
      Geymið snilli hvergi köll
      kvæða lífga fjörið.

                                   Góða nótt.

Komin heim, heim, heim.

Komum heim í gærkveldi, lögðum af stað suður suður til Reykjavíkur á 
fimmtudagsmorguninn, vorum komin í Grafarvoginn til Ingólfs bróðir
og Ingu um kaffileitið,  Ásta frænka var komin frá Danmörku með litla
manninn og Dagbjörtu sína elstu það var æði að hitta þau, eins og alla
í Krosshömrunum.
Fórum síðan að hitta mömmu sem er á Skógarbæ, Æ hún er orðin ósköp
léleg, lá bara þarna á koddanum sínum, svo falleg með sitt silfurgráa
hár, hún hefur reyndar aldrei verið með hrukkur, en núna var hún svo
slétt og yndisleg.
Keyrðum síðan Dóru og snúllurnar mínar í kringluna, þær ætluðu að
versla smá sko þið vitið smá.
Komum í Njarðvíkurnar til Fúsa míns, Sollu og þar á ég einn ljósálf og
tvo prinsa þau eru bara yndisleg, mikið knúsað og kjassað.
Fengum Meksikanst að borða, seint að sofa, en alsæl.
Daginn eftir fórum við í Sandgerði að heimsækja vini okkar þar,
Hittum líka tvær dætur þeirra og litla englaskjóðu, barnabarn.
Þetta eru vinir mínir til tuga ára og ætíð vert að hitta þau.
Seinna um daginn fórum við að hitta Einar Bjarna, hann er barnabarn
Gísla, Söndru konu hans og litla 3 mán. dúllu sem þau gerðu Gísla af
langafa með, hann var reyndar langafi fyrir, en ég meina það sko,
að búa með tvöföldum langafaHafið þið prófað?

Á laugardeginum fórum við í skemmtilegt brúðkaup,
Þau voru að gifta sig Stefanía frænka mín og Kassam,
Þetta brúðkaup hafði djúp áhrif á mig, þarna sameinuðust tveir
menningar og trúarheimar, fólkið hans kom frá Marokkó, 
allir voru eins og einn maður, dönsuðu saman og voru glaðir,
Stebba frænka og hennar tvær dætur, eru bara eins og ég ætti þær
Svo eru tengslin mikil á milli okkar, mín og minna og Ingólfs bróðir
og hans fólks.
Megi alheimskrafturinn fylgja þeim öllum lífið út.

Á sunnudeginum voru allir frekar latir, en fórum samt að heimsækja
barnabarn Gísla og nafna sem býr í Njarðvíkunum, og hans fjölskyldu,
Gísli Janus er 12 ára, hann á tvo frábæra bræður, og þeir bræður og
barnabörnin mín ganga í sama skóla.

Eins og ég sagði áður þá komum við heim í gær, ég er að drepast í
skrokknum og þreytt, en alsæl hvað þetta gekk vel hjá mér.
Held samt að Neró minn hafi verið fegnastur, hann sefur enn.
                Knús á ykkur öll.
                  Milla.guys.

Jens Gud. beðin um að fjaflægja færslu.

Af hverju var hann látinn fjarlægja færslu um kynferðisafbrotamann?
Er það eitthvert leyndarmál, er maður framkvæmir slíkan glæp?
Ef ég væri þolandinn mundi ég vilja láta birta mynd af manninum.
Að mínu mati er þetta það stór glæpur að við eigum heimtingu að
fá vitneskju um hver maðurinn er, ég tala nú ekki um, þar sem allt
Ísland veit það á bak við tjöldin nú þegar.
Fyrir mörgum vikum barst mér mail, með mynd og öllum
upplýsingum um þennan mann, sá sem sendi mér þetta mail
vildi senda mér þetta vegna þess sem ég tiltók hér á undan.
Ég setti þetta mail í geymslu til betri tíma, en líklegast eyði ég
því bara núna.
En ég segi nú bara ekki annað en það er ekki sama hvort það er
Jón eða sr. Jón sem á í hlut.
Eiga ekki allir aðstandendur jafn erfitt í svona málum?
                                  Góðar stundir.

Fyrir svefninn.

Eftir hana Ósk Þorkelsdóttur okkar frábæra hagyrðing
Norðurþings.

                Laxveiðidraumur.

                Eitt sinn stóð ég ána við
                og ætlaði að veiða.
                Ég halda vil þeim höfga sið
                og helst þá stóru deyða.
                Stund ég stóð þar einn
                stöngina ég mundaði og leit til guðs.
                Óljúfi herra leiddu til mín
                lax, ég á þann greiða.

                Eftir stund ég stakk við fótum
                stór var á að bíta.
                Upp þá leit ég augum skjótum
                á var sjón að líta.
                Risavaxinn lax
                renna sér um ána svona silfurfagur.
                Þetta get ég þakkað guði
                þennan skal ég nýta.

                Barðist ég nú bökkum í
                bráðina vildi hreppa.
                Mikill var sá móður því
                að miklu var að keppa.
                Togaði ég í
                tekið var á móti fast og örugglega.
                Skyndilega skeði eitthvað
                skepnan var að sleppa.

                Í örvæntingu óð ég bara
                ána eins og sauður.
                Ekki skal hann frá mér fara
                fyrr en ligg ég dauður.
                Stökk ég flatur fram
                fálmaði með höndunum og náði þarna
                taki miklu traustu og góðu
                titrandi og rauður.

                Upp ég hrökk er öskur skar
                mín eyru, þú mátt trúa.
                Ég konu mína kreisti þar
                hvítur vel um hnúa.
                Leit hún ill mig á,
                ertu nú að veiða einhvern stóran lax.
                Ég heppin var þú hann varst ekki
                úr hálsliðnum að snúa.

Fannst upplagt að færa ykkur þessar vísur,
það er nú einu sinni laxveiðitíminn núna.
heyrumst aftur á þriðjudaginn.

                                  Góða nótt kæru vinir.

Er að fara í frí, leggjum af stað snemma í fyrramálið.

Já ég er að fara í frí, en ekki langt í þetta skiptið, hrósið ekki
happi of fljótt, losnið ekki við mig svo mjög lengi,
kem aftur að tölvunni á þriðjudagsmorgunn.

Við erum semsagt að fara suður í brúðkaup, bróðurdóttir mín
er að fara að gifta sig með pompi og prakt á laugardaginn.

Við munum koma við hjá Ingó bróðir og hans fjölskyldu, að vanda,
um leið og við komum í bæinn, hann er í Grafarvoginum,
þar fáum við okkur kaffi og spjöllum.
Förum síðan í Skógarbæinn til mömmu.

Síðan rúllum við til Suðurnesja, nánar til tekið í Njarðvíkurnar. 
Við munum gista hjá Fúsa, Sollu og englunum mínum sem ég á þar.
Ég hlakka svo til að sjá þau.
Nú við ætlum bara að dúlla okkur á Suðurnesjunum, fara í Sandgerði
og hitta vini og ættingja, þeir eru þarna út um allt.
Í brúðkaupið á laugardeginum, dúllu snúll á sunnudegi,
Heim á mánudegi, snemma því við ætlum að koma við í Vesturhópinu
hjá Nonna bróðir og Svövu, ekki dónalegt að koma þangað,
toppmóttökur alla tíð.
Dóra mín verður með okkur, hún er nefnilega besta frænkan,
sko fyrir utan mig svo henni og Millu minni var boðið í brúðkaup,
en Milla og Ingimar komast ekki.
Vonandi verður þetta bara í lagi með mig, nú annars verð ég bara
sett á hæli.
Kærleikskveðjur til ykkar allra, og passið nú vel upp á ykkur
þar til ég tek við aftur

Eiga íbúar þá aldrei að ráða neinu.

Mér finnst það sjálfsögð krafa að íbúarnir fái að kjósa um þetta mál,
Hitt er svo aftur anað mál að til hvers að kosta til kosninga um
málið, það á að vera svo sjálfsagt að leggja allar raflínur í jörð
þar sem þær koma nálægt byggð.

Mikil sjónmengun er af þessum möstrum og línum, síðan er það
mín skoðun að þær valda heilsubresti hjá fólki.

Menn verða bara að taka því þó lagning í jörðu sé dýrari
þannig á það bara að vera í framtíðinni, og engin spurning
um það.

Íbúakosningar krafist

Fyrir svefninn.

Á síðasta sumri bar svo við, að flokkur reiðmanna,
sem voru í skemmtiferð, kom við á bæ einum norðan lands.
eftir nokkra viðstöðu fóru þeir að tygja sig til brottferðar á ný
og voru komnir út á hlað.
Einn af ferðamönnunum kallaði til sín 11 ára strák,
sem var þar á bænum, rétti honum vasapela og sagði honum að
fylla hann að vatni.
Pelinn var framt að því hálfur af vatnstærum vökva,
og var það spíritus. Strákurinn fór inn með pelann, þefaði úr honum,
fannst vera fýla af því sem í honum var, og hellti því í vaskinn.
Síðan skolaði hann pelann rækilega og fyllti hann af vatni.
Hann fékk manninum pelann, og með það riðu ferðamennirnir úr hlaði.
En ef að líkum lætur, hefur eitthvað verið sagt óþvegið í næsta áningastað.

Eftir hana Ósk.

                 Góðir Húsvíkingar.

                           Hér á Húsavík hofum við lengi
                           borið höfuðið langt yfir menn,
                           þó að útgerðin falleinkunn fengi,
                           Þó að fiskiðjan kollvarpist senn.
                           Enga ferðamenn að okkur hænum
                           okkar list hér á brauðfótum er.
                           En það efast þó enginn í bænum
                           um að úrvalið búi samt hér.

                 Munu ráðamenn þjóða einhverntíma
                 vitkast nóg til að halda frið?

                           Fráleitt sé það fyrir mér
                           að friðinn megi kenna.
                           fyrr en harður heimur er
                           í höndum góðra kvenna.

                                                      Góða nótt.

Engin veit neitt og engin getur tekið af skarið.

Björn Bjarnason dómsmálaráðherra segist ekki hafa verið með í ráðum
þegar Útlendingastofnun sendi flóttamanninn Paul Ramses til Ítalíu.
Hann segist heldur ekki hafa vitað af brottvísuninni.
Hann segir að ráðuneytið geti tekið málið til efnislegrar meðferðar verði
það kært þangað.
Ekki sé hægt að gefa sér neina niðurstöðu fyrirfram.

Fjallað var um flóttamanninn Paul Ramses á fundi ríkisstjórnarinnar í morgun.
Hörð gagnrýni á brottvísun hans hefur komið fram hjá einstaka þingmönnum
og varaformanni Samfylkingarinnar.

Geir H. Haarde forsætisráðherra segir að farið hafi verið að lögum og reglum.
Ingibjörg Sólrún Gísladóttir utanríkisráðherra
segir aðalatriðið að dómsmálaráðherra fái málið á sitt borð og hún treysti
honum ágætlega til að fjalla um það.
Aðspurð um hvort það hefðu verið mistök að senda Paul Ramses úr landi
áður en fjallað var um mál hans segir hún að farið hafi verið í öllu að settum
reglum, en skort hafi á að matskenndir þættir málsins væru skoðaðir betur.

Að mínu mati eru þau öll með undanbrögð,
tala um að rétt hafi verið að málinu staðið.
Farið að lögum og reglum, punktur basta búið mál og látið okkur í friði. 
Ingibjörg Sólrún telur að skoða hefði mátt matskennda þætti betur,
en málið er komið inn á borð hjá dómsmálaráðherra og hún treysti honum
ágætlega til að fjalla um það.

það er skítalikt af þessu öllu, versta er að þessir menn halda að við
þegnar landsins séum asnar, eða allavega ætlast til þess að við séum það.
Þar skjálgast þeim hrapalega, nú held ég að við Íslendingar séum vöknuð
til lífsins og látum ekki aðra um að dæma og ráða yfir greind okkar.

Stöndum saman í einu og öllu flottu landsmenn,
við erum ekki þegnar sem eiga að hlýða.
Gerum það sem hjartað og réttlætið bíður okkur.

 

 

Ráðherra ókunnugt um málið

Hélt að það væri nú ekki svo auðvelt.

Allt er nú til, var ekki maðurinn kærður?
Það hefur náttúrlega verið hringt í 911 og sjúkrabíll komið
með látum á staðinn, maðurinn fluttur á sjúkrahús með
tilheyrandi SOS látum, að hætti Ameríkanans.
Það hefði nú átt að meðhöndla þennan mann við
athyglissýki, varla hefur hann verið að þessu eingöngu
til að sleppa við að borga matinn, þó veit maður ekki.

Gerði sér upp hjartaáföll

Fyrir svefninn.

Til sveita þar sem fáförult er, hættir mörgum til að verða
næsta spurulir við ókunnuga.
Eitt sinn var ungur maður á ferð og kom á afskektan bæ.
Bóndi tók gestinum vel og spurði margs, hvað hann héti,
hvert hann ætlaði, hvaðan hann kæmi og svo framvegis.
Gestur leysti hið besta úr þeim spurningum, en svo sá bóndi,
að hann var með einbaug á fingri og spurði þá:
,, Ertu giftur?"
,, nei ekki er það nú", svaraði ungi maðurinn.
,, Ertu trúlofaður þá?" spurði hinn.
Já, það sagðist hann vera.
,, Og ertu þá ekki byrjaður á henni?" spurði bóndi.

Ég var að velta á milli handanna í dag gömlum sneplum
og bókum, þar á meðal Passíusálmunum mínum sem ég
fékk eftir frænda, geymi ég þá niðri í þessari skúffu minni,
þeir eru orðnir svo gamlir, yfir 100 ára, dettur þá ekki út
blaðsnepill frekar lúin af elli, hafði hann að geyma ljóð sem
ég taldi mig vera búna að glata.
Ekki veit ég hvað það heitir, eða eftir hvern það er.
Mig minnir að gömul kona hafi gefið mér það.
hér kemur ljóðið.

             Hún amma mín er mamma hennar mömmu
             mamma er það besta sem ég á
             gaman væri að gleðja hana ömmu
             og gleðibros á vörum hennar sjá
             í rökkrinu hún amma segir mér sögur
             svæfir mig er dimma tekur nótt
             syngur við mig sálma, kvæði fögur
             sofna ég þá bæði sætt og rótt.

                                   Góða nótt

Skora á Ingibjörgu Sólrúnu að snúa Paul heim.

Óvissuástand hjá Paul Ramses.

Rosemary Atieno Athiembo, eiginkona Paul Ramses Odour,
sem var vísað úr landi af Útlendingastofnun sl. fimmtudag,
segir að enn ríki mikil óvissa varðandi framtíðina og örlög
fjölskyldunnar. Rosemary ræddi síðast við eiginmann sinn í
gær og segir að hann eigi fund með ítölsku lögreglunni í dag.

Það er búið að segja margt og mikið um þetta mál, bæði
neikvætt, jákvætt, sætt og súrt.
Ég skil vel að allir vilji segja sitt álit á þessu máli, en mér finnst
það ekki skipta neinu máli, hvernig, hvar,af hverju
og eða þetta eða hitt.

Fjandinn hafi það leysið þetta mál áður en það er orðið of seint
fyrir æru okkar Íslendinga, en mörgum er nú víst sama um hana
því þeir halda að hún setjist eigi á þá, " Sko þá!"
Jú þar skjátlast þeim stórum, því hún sest beint á þá,
og mun aldrei fara af þeim aftur,
svo eru þeir búnir að koma ár sinni fyrir róða.

Heim með manninn Paul Ramses.

Óvissuástand hjá Paul Ramses

Dæmdur fyrir guðlast og klám.

Ég skemmti mér vel í gær er ég las viðtalið við
Úlfar Þormóðsson, sem Kolbeinn Óttarsson Proppé
tók við hann.
maður er fljótur að setja í geymslu fréttir er nýjar bera að garði.
Nokkrir menn vildu skemmta þegnum Íslands, héldu að þeir væru
orðnir það þroskaðir að móttakarinn væri kominn í gott lag.
Svo reyndist ekki vera.

Félag áhugamanna um alvarleg málefni gaf spegilinn út, starfsmenn
félagsins voru Úlfar Þormóðsson og Hjörleifur Sveinbjörnsson,
en kona hans situr nú í dag í sæti Utanríkisráðherra.

Þegar annað tölublaðið kom út upphófust lætin, var blaðið allstaðar
tekið í burtu úr sölu, lögreglan fór inn á heimili Úlfvars, en þar voru
samankomnir nokkrir menn til að undirbúa útgáfu blaðs no. 3.
og fóru fram á öll eintök af Speglinum sem þar væri að finna,
Aðspurðir hver sökin væri sögðu þeir að í blaðinu væri að finna
klám og ærumeiðingar, seinna tókst þeim svo að bæta við
guðlastinu.

Þeir gáfust ekki upp þessir menn gáfu út annað blað sem þeir
gáfu nafnið Samviska Þjóðarinnar, settu á það nýja kápu, og í
miðopnu voru frásagnir og myndir úr blöðum sem óáreitt fengu
að vera í hillum búða, eins og Tígulgosinn  og Bósi bangsi,
en þar voru að finna berorðar lýsingar á kynlífi fólks.

Eflaust hafa allir lesið þetta viðtal, en ég mátti nú til að
ympra á þessu máli.
Úlfar var dæmdur fyrir guðlast, og varð honum þetta það dýrt
að hann ákvað að selja húsið sitt og borga sínar skuldir.

En þegar hann var dæmdur var hann annar maðurinn sem
dæmdur var fyrir guðlast á öldinni, hinn maðurinn var
Brynjólfur Bjarnason, var hann dæmdur 1925, en settist síðar á
þing. þar áður var Gissur Brandsson dæmdur, 1692 til
húðláts fyrir guðlast.

Margt skemmtilegt kemur fram í þessu viðtali og hvet ég fólk til að
lesa það. Sunnudagsblaðið 6/7.

Ekki vissi ég að svona margir strákar hefðu verið prakkarar,
það meira að segja prakkarar aldarinnar.
Takk fyrir mig alltaf gott að rifja upp það sem gerst hefur,
einnig að komast að því, sem maður hefur reyndar ætíð vitað.
Það breytist ekki neitt, það hefur ætíð verið og mun ætíð verða,
Kúgun í þessu landi.

Fyrir svefninn.

Kaupstaðarstúlka var í sumardvöl á sveitabæ.
Einu sinni var hún á söðli með bónda, og spyr hann stúlkuna
að því, hvort hún kunni að mjólka, hvort hún kunni að mjólka.
Hún lætur drýgindislega yfir því og sest undir eina kúnna
og fer að fikta við spenana.
>> Nú ætlar þú ekki að byrja?<< spurði bóndi.
>> Jeg er að íða eftir því, að þeir harðni,<<
svaraði stúlkan.

Eftir hana Ósk.

                   Hvaða líkamsrækt stuðlar að lengstu
                   lífi?

                   Það er hollt að ganga stað úr stað
                   en staðreynd er og því má aldrei gleyma,
                   að það sem stuðlar lengstu lífi að
                   er leikfimin sem stundar maður heima.

                   Spurt á hagyrðingarkvöldi. hvers
                   vegna ertu hér?

                   Þar sem menning mikil er
                   mæta gjarnan rímsnillingar.
                   Og fyrir það að fáir hér
                   finnast betri hagyrðingar.

                                  Góða nótt
                      

Yndislegur dagur að Sólheimun.

Vigdísarhús opnar í dag.

Sólheimar héldu upp á 78 ára afmæli sitt í gær og var af því tilefni opnað
nýtt þjónustuhús sem nefnt er í höfuðið á frú Vigdísi Finnbogadóttur,
fyrrverandi forseta lýðveldisins, og nefnist Vigdísarhús.
Frú Vigdís Finnbogadóttir opnaði húsið formlega og
Sigurbjörn Einarsson biskup blessaði það.
Í Vigdísarhúsi verður mötuneyti, bakarí, matvinnsla og skrifstofur.
Það er 840 fermetrar að stærð og er önnur af höfuðbyggingum Sólheima. 
Frú Vigdís hefur alla tíð verið mikill velgjörðarmaður Sólheima og gaf meðal
annars eftirstöðvar kosningasjóðs síns á sínum tíma til eflingar starfsemi
Sólheima og verður þess sérstaklega minnst við þessa athöfn.

                 -------------------------------------------------

Sjáið þennan stað, sælureitur i Grímsnesinu, sem allir ættu
heim að sækja.
Er ég var að vaxa úr grasi kom ég stundum að Sólheimum,
þar var lítil vinkona okkar sem vinir foreldra minna áttu.
Fórum ætíð í sund ef veður leifði.
Þá hýstu ekki Sólheimar þær byggingar, gróður og starf
sem það nú hefur, en aldrei hefur vantað kærleikann á
þeim bæ.
Ég ætla mér að fara að Sólheimum næsta sumar, hef ekki
komið þangað í mörg ár.
                    Til hamingju með þennan áfanga,
                     Kæru ábúendur Sólheima.

Kveðja Milla.

Vigdísarhús var opnað í gær

Fornmenjar sem verður að varðveita.

Merkar menjar um mannavist

Á Suðurlandi er víða að finna forna, manngerða hella á jörðum
og frásagnir eru til af búsetu í þeim allt frá landnámsöld.
Hér er því um að ræða stórmerkar heimildir um búsetu í
árdaga Íslandssögunnar.
Hellum þessum hefur á hinn bóginn lítið verið sinnt síðustu ár
og ástand þeirra hefur versnað töluvert.

Mér þykir þetta afar merkilegt, ekki að maður hafi ekki vitað
og heyrt af þessu hellum, en eigi er maður alla daga að
huga að því sem til er í landi voru, það er líka svo margt.
En er ekki komin tími til að farið verði að lagfæra þá lítillega
og jafnvel sýna þá ferðamönnum undir handleiðslu kunnugra.
Ekki þýðir að hleypa fólki frjálsu um svona staði,
sem hefur samt trúlega verið gert,
það fæst nú yfirleitt ekkert við ráðið í þeim efnum.
Eins og sjá má víða um landið.

Merkar menjar um mannavist

Frábært framlag hjá þessu flotta fólki.

Blaðamaður hringdi, og Logi svaraði.

Nei nei, þú varst ekkert að vekja mig. Ég svaf út í morgun,“
sagði Logi Bergmann Eiðsson rámri röddu,
skömmu eftir hádegi í gær,
en hann fór 18 holur á 18 mismunandi völlum á 71 höggi
á innan við sólarhring, til styrktar MND-félaginu „.

Frábært framlag hjá öllum þeim sem að þessu stóðu,
ekki veitir af að styrkja MND félagið, og er það að mínu mati
algjör nauðsyn, við mannfólkið verðum að koma inn og hjálpa.

Ég er kannski að tala um eitthvað sem ég veit ekki nægilega mikið um,
en ekki held ég að það sé of mikill stuðningur, og eða skilningur
við þetta félag frekar en önnur sem starfandi eru fyrir okkar
yndislega fólk sem þarf á okkur að halda.

                  Farið varlega á vegum landsins í dag
                  sem og alla daga.
                             Kveðjur. Milla.

Náði takmarkinu en tapaði hárinu

Fyrir svefninn.

Palli litli var við hjónavígslu í kirkju.
,, Af hverju tókust brúðhjónin í hendur fyrir altarinu?"
spurði hann pabba sinn.
,, þetta eru bara formsatriði, drengur minn",
svaraði faðir hans. ,, Rétt eins og þegar hnefaleikamenn
takast í hendur, áður en þeir byrja að slást".

Bjarni á Mýri þótti góður heim að sækja. Ekki var búið stórt,
en Bjarni var höfðingi í lund, og alltaf átti hann brennivín
handa gestum, sem bar að garði.
Einu sinni kom Stefán frá Hvítadal að heimsækja hann.
Bjarni bjó þá með tveimur kerlingum og einhverri
vinnukonuherfu.
þegar Stefán hafði hresst sig á brennivíni Bjarna,
fór hann að tala um kvenfólk og spurði Bjarna hvort hann
hefði ekki kvenmann handa sér.
,, Varla get ég talið það", sagði Bjarni.
,, Ég fer ekki að lána öðrum það sem ég get ekki brúkað sjálfur".

Eftir hana Ósk.

              Hreiðar karlsson fyrrverandi kaupfélagsstjóri
              og stjórnarmaður í Kveðanda sendi oft út yrkisefni til
              að glíma við á vísnakvöldum.
              Eitt sinn sendi hann mér þessa spurningu.
              Hvaða dýr jarðarinnar er þér verst við?

              Það sem að verst er við veröldu hér
              og verður svo meðan ég tóri,
              er maður sem endalaust íþyngir mér
              og eitt sinn var kaupfélagsstjóri.

                                        Góða nótt.

Hvernig getur nokkur maður gert svona lagað?

Ég á barnabarn sem er 11 ára svo mér verður nú bar illt.
Að hugsa sér að maðurinn sem hún var seld til gæti framið
þennan glæp, hann keypti hana jú, en Það gat nú verið að
hann hefði ætlað að bjarga henni, nei ég var nú of bjartsýn
að halda það.

Mikið skelfing eigum við langt í land með að kenna þessu fólki
að svona geri maður bara alls ekki.
Auðvitað verða ætíð til menn sem vilja bara níðast á börnum,
en vonandi komum við alþjóðasamfélaginu í skilning um hvað
er rétt og rangt í þessum málum.
                       Gangi okkur vel í því.

Barnaði 11 ára stúlku

Tvö hús inn á torgið, já er það?

Ég hef nú ekki séð neina skilmerkilega teikningu um þessar
hótelbyggingar, en það er nú sama.
Með þeirri aðgerð að færa tvö hús inn á torgið hlýtur ásýndin
að eyðileggjast, aðgengi að lakast, og það er ekki verið að vernda
gömlu ásýndina, eins og sagt var að ætti að gera.
Fyllið bara torgið af gömlu yndislegu húsunum okkar, já og
gleymum ekki að nota hljómskálagarðinn,
var ekki á sínum tíma verið að tala um að nota hann sem
antik garð með kaffihúsum og slíku.
Þvílíkt rugl.
það á að byggja upp gamla bæinn eins og mögulega er hægt
Rífa niður Morgunblaðshöllina, sem var algjört sjokk fyrir
augað er maður á hana leit.
Hættum að hafa þá stefnu að þjóna peningavaldinu.


Hvað höfum við að gera með hótel á þessum stað?
Hvað þarf að grafa djúpt fyrir bílakjallara, og hvað kemur
í ljós við þann uppgröft?
Gamlar minjar já eða bara sjór.
Yrði fróðlegt að fylgjast með því, sem ég vona að komi ekki til.
                                 Góðar stundir.

Kaupmenn ævareiðir