Eitt af undrum veraldar

Þessi mynd er svo stórkostleg að maður fyllist lotningu.

Samskipta- og raforkukerfi á jörðinni gætu truflast í kjölfar stærsta sólgoss sem orðið hefur í fjögur ár. Gosið varð í gær og hefur breska jarðvísindastofnunin gefið út jarðsegulstormviðvörun.

Hugsið ykkur orkuna sem getur truflað allt okkar kerfi og ekki nóg með það heldur einnig líkamsklukkuna okkar ég svaf t.d í gær frá 2 til 5 og hefði getað sofið frammúr, en það komu tvær litlar í heimsókn, ég drattaðist úr rúminu og fór að elda grænmetisrétt og vitið ég var svo svöng eins og ég hefði ekki fengið mat í langan tíma.

Taldi svo að ég gæti vakað langt fram eftir kvöldi, en nei var komin upp í um 10 leitið og svaf þar til í morgun, en er endurnærð í morgunsárið.

Viss er ég um að öll þau áhrif sem svona gos geta valdið, valda þau miklum breytingum á okkur mannfólkinu, kannski gerast þessi sólgos, eldgos hvort sem er í sjó eða á landi, hamfarir af öllum toga, til að minna okkur á að þessi öfl eru sterkari en mannfólkið á þessari litlu jörð sem við höfum viðkomu á.

Þeir sem taka sér völd og stjórna af vanviti, en halda að þeir hafi leifi til, ættu nú aðeins að skoða sinn hug, en vanvitið er svo sterkt í sumum já og það út um allan heim að þeir sem það hafa sjá það ekki fyrr heldur en allt er komið í óefni.

Já ég held að alheimsorkan hafi bara ekki önnur ráð til að kenna, við skulum bara segja okkur öllum að við höfum afar litla orku á miðað við þá orku sem yfir,undir og allt um kringum okkur er.

Hugsið málið

Sólstormur í vændum

Matareitrun

Þetta eru ömurlegar fréttir og er ég ekki að skilja hvað hefur gerst því Japönum er afar umhugað um fólkið sitt og sér í lagi börnin, en skildi þetta vera vegna sparnaðar, ef svo er fáum við trúlega aldrei að vita það.

Þetta sama gæti gerst hjá okkur ef allt nær fram að ganga í sparnaði við skólahald hér á landi nú þegar er ástandið ekki gott og veit ég um fullt að börnum sunnan heiða sem ekki eru í mat í skólanum heldur fara með nesti.

Tæplega þúsund börn fengu matareitrun

Eitthvað ruglumbull

Hamingja, tilhlökkun, von, vonbrigði, ótti já einhvernvegin í þessari röð og þó veit ég ekki alveg.

Munum við ekki öll eftir þessu ferli, allavega ég, ung var ég ekki oft skotin í strákum, en það kom fyrir og jedúddamía hvað það var gaman á meðan á því stóð þó maður væri aldrei með þeim strák sem skotið átti skipti það engu. Nú það kom að því að ég varð alvöru skotin þá byrjaði lífið eins og það er hjá flestum, einhvern tímann, en auðvitað reynir maður að halda öllu saman nú það voru börnin og þetta sem allir kannast við.

Ég barðist alla tíð eins og rjúpa við staur að finna eitthvað sem ég aldrei fann og hef ekki fundið en.
Það sem ég ætlaði að segja er að mér fannst og finnst enn að ég sé svo klár og ómissandi að eigi sé hægt að vera án mín, en ég get svo hæglega verið án annarra, ég er snillingur í að loka á fólk sem ég tel mér ekki samboðið, eigi meina ég í stétt, heldur í heiðarleika, skemmtilegheitum, tala út um málin, koma beint að mér og ræða við mig, ekki fara útundan sér í ótta, já ótta við hvað?????????????????

Eitt er það sem mér finnst óþolandi er loftkastalatal og sjálfshól, segjandi að þetta skuli vera svona og svona, standa svo ekki við neitt af því sem sagt hefur verið og með því særandi litlar sálir sem ekki er svo auðvelt að sættast við eins og mig og fleiri.

Vanmátt og ótta finn ég er allt í einu kemur á daginn að ég er ekki ómissandi, kannski er ég orðin gömul, gleymin með skrýtnar skoðanir, en tel samt að ég hafi oftast rétt fyrir mér, en kannski skjáflast mér og það er bara allt í lagi því ég ætla að halda mínu striki hugsa um sjálfan mig og lifa lífinu lifandi.

Vona bara svo hjartanlega að fjölskyldan mín sem er mér næst virði mig fyrir hvað ég er og hvernig ég kem fram, passi sig á því að særa aldrei neinn nema að það sé áunnið.

Kærleik á línuna

Þegar maður vaknar upp af meðvirkninni

Margir eiga örugglega svipaða sögu að segja og ég.

þegar ég var lítil, dekruð og einu áhyggjurnar voru þær að finna út leiðir til að fá það sem manni var bannað, oftast tókst það, en eigi alltaf, aðeins eldri byrjaði maður á skíðum síðan í skóla voru það fimleikar, skautar + skíði, unglingur, bara gaman að lifa við þetta allt + dansinn sem bættist við flóruna og svo skólinn bæði hér heima og erlendis.

Aðeins eldri kom svo fyrsti engillinn minn, var á skautum þar til hún var 3 ára, búið basta, komin í átið og fleiri engla og svo enn fleiri engla og allmörg kíló í viðbót. Maður er sko ekki í lagi.

Sé núna þegar ég er búin að kasta meðvirkninni frá mér hvað ég laug hrikalega að sjálfri mér og var í stöðugum feluleik með allt sem ég lét ofan í mig, át helst ekki fyrir framan aðra.

Sumir vilja halda að maður borði of mikið vegna einhverja aðstæðna í sínu lífi, auðvitað notaði maður það sem afsökun, en þvílíkt fjandans kjaftæði og einn feluleikurinn í viðbót því það sem gerist í lífi manns, gerist ekki nema að því að maður leifir því að gerast, allavega tel ég að svo hafi verið í mínu tilfelli, ég ber ábyrgð á mínu lífi og engin anna, málið vað að ég var orðin fjandans ofæta, mér detta í hug risaeðlurnar sem voru stöðugt að borða, svoleiðis var ég.

Hvað ætli ég sé búin að fara í marga megrunarkúra, sko þeir eru margir, en engin hefur virkað, skrítið, nei ekkert skrítið því ég tók aldrei toppstykkið með, það er nefnilega það sem þarf, sko lífstílsbreytingu og hún byrjar í heilabúinu.

Í mörg ár er ég búin að undirbúa  heilabúið og loksins kom að því að Milla litla vaknaði upp af meðvirkninni, fékk nóg af áti sem skapaði vanlíðan alla daga, þvílíkt og annað eins rugl ég er 68 ára gömul og það er búið að taka mig 46 ár að átta mig á því hvað ég var vond við sjálfan mig.

Mig langar til að segja ungum konum sem eru í sömu sporum og ég takið ykkur á og verið ekki svona meðvirkar sjálfum ykkur,nema að þið viljið enda eins og ég heilsulaus gleðipinni, það er nefnilega það sem gerist, þið missið heilsuna, betra að vera heilsugóður gleðipinni  og geta ferðast um allt að vild.

Vona að allt muni ganga vel hjá mér í þetta skiptið, ætla að segja ykkur fréttir, ég fæ nefnilega ekki fleiri tækifæri, þau fást ekki endalaust og bara eftir pöntun eða hentileika.

Kærleik á línuna
Milla

Handan glærunnar

Ég eignaðist góða vinkonu fyrir nokkrum árum, hef reyndar aldrei séð hana eða heyrt, en mér fannst eins og ég hefði alltaf þekk þessa stórkostlegu konu.

Það væri langur listi að telja upp allt sem hún hafði til bruns að bera, en segi bara elsku Ia mín takk fyrir mig í öllum þeim skemmtilegu skrifum sem á milli okkar fóru, þú ert stórkostleg kona.

Nú er þú ert komin handan glærunnar þá bið ég góðan guð að blessa fólkið þitt og sendi þeim mínar innilegustu samúðarkveðjur.

Milla

Óhugnaður af verst gerð

Þetta og skyld mál eru þau verstu sem koma upp, en sem betur fer koma þau upp því þá vaknar alþjóðasamfélagið að værum blundi og gerið eitthvað í málunum, eða er það kannski svo með þessi mál eins og svo mörg önnur að dæmt er, þau í brennidepli einhvern tíma svo gleymast þau og engin er meðvitaður um það sem er að gerast í kringum okkur þar til næsti óhugnaður kemst upp.

Hugsið ykkur þessi maður er 48 ára búin að eignast 8 börn með stjúpdóttur sinni, misnota hana, son sinn og dóttur selja aðgang að stúlkunum, er eitthvað til óhugnanlegra, held ekki. Guð hjálpi þessu unga fólki og öllum börnunum.

Ég hef furðað mig á er svona mál koma upp hvernig sé hægt að ala upp svona skrímsli, hvað er að og hvað hafa foreldrar, fósturforeldrar gert til þess að börnin þeirra ( Einhvertímann hafa skrímslin verið börn) breytast í skrímsli og taka sér rétt til að misnota, misþyrma, lítilsvirða og hvað eina sem hægt er að nefna. Þetta heitir að myrða fólk því þau ná sér aldrei í lífinu frá þeim ótta sem í þeim býr.

Eins og ég hef oft sagt, þá hefur hér á landi eigi verið sinnt um kynferðisbrotamál sem skildi, það er gert lítið úr þeim, konur niðurlægðar í yfirheyrslum og svo margt sem gerir þeim erfitt fyrir þær eru stimplaðar þó margt hafi lagast þá ekki nóg.

Dæmum ekki,verum meðvituð án fordóma
þá hjálpum við mörgum

Eignaðist 8 börn með stjúpdóttur sinni

Himinn, jörð + heilsa ll

 Tala um himininn því úr honum fáum við svo margt, það er að segja við sem búum í mengunarlausu landi fáum t.d hreina rigningu til jarðar, eða er það ekki svo að rigningin tekur með sér mengunina sem leikur í loftinu, yfir menguðum borgum, og kemur mengað til jarðar allavega held ég það. Ætla ekki að tala meira um það núna.

Talaði um Hveitikím um daginn og gæti ég talað mikið um það, en læt fólki það eftir að googla á og njóta að lesa sjálft.

Ég er einnig unnandi Hveitiklíðs það er hýðið af hveitinu sem er skilið frá eins og kímið. Klíð er um 12% af hveitikorninu og er afar trefjaríkt auðugt af B-vítamíni og fosfór. Eitt ber að varast, borði maður það hrátt getur það dregið úr steinefnaupptöku líkamans og því haft öfug áhrif, en þetta gerist ekki ef það er soðið í einhverju svo sem í graut, bakað úr því brauð eða sett út í súpur eða sósur

Ég nota nú samt grófunnið Hveitiklíð "stundum" út í AB mjólkina mína, það er nefnilega gróft eins og All Brand,  brakandi gott undir tönn.

Þar sem ég veit að allmargir henda öllum ruslpósti eða fá hann ekki þá tek ég mér bessaleifi og set hér inn smá um D-víamín, en heilmikil lesning um það kom í síðasta Heilsufréttablaði heilsuhúsins, einnig tel ég marga hunsa svona fréttir, en það er bara rangt, vill ekki fólk fá betri heilsu svo ég tali nú ekki um að veita börnunum sínum gott heilsufarslegt uppeldi, börnin búa að fyrstu gerð.

D vitamín/Heilsufréttir 18.tlb. 10.árg. 2009

D-vítamín er nauðsynlegt í skammdeginu:

Eykur vellíðan, styrkir lungun og dregur líklega úr einkennum Parkinsons


Eitt þeirra vítamína sem við ættum að huga þegar sólar nýtur lítið við er D-vítamín sem stundum er kallað sólarvítamínið. Nýleg áströlsk rannsókn leiddi í ljós að D-vítamín er afar áhrifaríkt gegn skammdegisþunglyndi. Í ranóknin sem gerð var á 400 manns, þar sem helmingurinn fékk D-vítamín og hinn helmingurinn lyfleysu, sögðust nær 100% þeirra sem sem tóku inn D-vítamínið að þeim liði betur en áður, eftir að hafa aðeins neytt þess í fjóra daga. Þetta kann að stafa af því að D-vítamín hefur þann eiginleika að auka serótínmagn í heilanum en skortur á því leiðir einmitt til þunglyndis.

D-vítamín verður til í húðinni eftir að hún hefur komist í snertingu við útfjólubláa geisla sólarinnar. Einnig getum við fengið það úr feitum fiski, t.d. fisklifur og lifur annarra dýra. Mest af því er að finna í þorskalifur. Einnig er nokkuð magn þess að finna í fræspírum, sveppum, sólblómafræjum, mjólkurafurðum og eggjum. Loftmengun, paraffínolía og laxerolía eru gagnvirk D-vítamíni.
Öll þurfum við lífsnauðsynlega á D-vítamíni að halda til þess að frásoga kalk en það stuðlar að heilbrigðum beinum og sterkum vöðvum og ekki síst heilbrigðu ónæmiskerfi. D-vítamín er líka nauðsynlegt til að skjaldkirtill og fleiri kirtlar starfi eðlilega. Það hindrar tannskemmdir og tannrótarbólgur auk þess að koma í veg fyrir beinkröm. Auk kalks stuðlar D-vítamín einnig að upptöku fosfórs og annarra steinefna. Rannsóknir á beinþéttni hjá eldri borgurum leiða ítrekað í ljós nauðsyn þess að þeir taki inn D-vítamín til að koma í veg fyrir beinþynningu. Fólk á norðlægum slóðum þarfnast aukins D-vítamíns á veturna vegna þess hve stutt dagsbirtu nýtur þá við.

Samanmerki á milli neyslu D-vítamíns og heilbrigðra lungna
Rannsóknir sýna líka að þeim mun meira D-vítamín sem rennur um æðar okkar því heilbrigðari eru í okkur lungun. Þegar er búið að sanna að skortur á D-vítamíni eykur hættuna á háum blóðþrýstingi, sykursýki, krabbameini og beinþynningu. Nú hafa læknar á Nýja-Sjálandi hins vegar uppgötvað að samhengi er á milli D-vítamíns og heilbrigði lungna: "Svo langt sem við eygjum er þetta í fyrsta sinn sem einhver uppgötvar þessi tengsl á milli D-vítamíns og starfsemi lungnanna," segir Peter Black, forsprakki Nýsjálenska vísindahópsins frá Háskólanum í Auckland en hann og félagar hans komust að þessu þegar þeir rýndu á ný í rannsóknir sem framkvæmdar voru í Bandaríkjunum á árunum 1988 og 1994. Niðurstöðurnar voru geymdar í Third National Health and Nutrition Examination Survey (NHANES III). Rannsóknin náði til meira en 14.000 Bandaríkjamanna, 20 ára og eldri. Mælingar höfðu verið gerðar á útöndum hvers og eins. Niðurstaðan var einföld: því meiri neysla á D-vítamíni því heilbrigðari eru lungun.
"Við vitum ekki alveg af hverju þetta er svona," segir Black en hann bendir á að allir viti um samhengið á milli neyslu D-vítamíns og sterkra beina. Hugsanlegt sé að D-vítamín hafi með sama hætti áhrif á lungnavefinn, sem vitað er að að endurnýjar sig alla ævi líkt og beinin. Frekari rannsóknir á þessari stóru uppgötun eru í vinnslu.  

Allir ættu að lesa og fara eftir.

Kærleik og frið í hjarta
Milla

Himinn, jörð + heilsa

 Hvað er hveitikím? það er mikið talað um vítamín og bætiefni af ýmsum toga og ég með mitt egó opna ævilega munninn og fer að tala um það sem ég veit, veit nefnilega allt, nei í alvöru þá er fólk að kaupa allskonar vítamín og veit ekkert um þau hvað þá hvort þau komi hverjum og einum að gagni eður ei.

Vítamínin ættu að koma úr matnum og frá sólinni, en þar sem við höfum of litla sól og margan matinn er búið að eyðileggja með hinum ýmsu meðhöndlunum þá verðum við að lesa á, hlusta og hugsa um hvað sé í raun gott.

Hveitikím er  hinn gullni matur að mínu mati með  flest þau steinefni sem við þurfum, eins og magnesíum, Sinki, kalíum, járni ómega 3, A-, B1, B3 og  B vítamínin eru afar nauðsynleg til að viðhalda jafnri orku og heilbrigði vöðva innri líffæra hárs og húðar. Hveitikímið er ríkt að e vítamíni sem er eitt magnaðasta fituleysanlega andoxunarefnið í líkamanum, einnig er það afar styrkjandi fyrir húð og hár og held bara að það yngi mann upp um mörg ár. Einnig hefur það góð áhrif á sjón, augu, blóð og lungu, svo ég tali nú ekki um hjartastarfssemina.

Hveitikímið fæst í öllum heilsuhornum og heilsubúðum, ég læt það í mörg lítil box og frysti því annars þránar það og það er ástæðan fyrir því að eigi er það sett með í vinnsluna á hveitinu, heppin við, nú þurfum við ekki að kaupa okkur margar dollur af vítamínum.

Ég Hveitikímið út í AB mjólkina á morgnanna ásamt sölum, gojaberjum, mulberrys og öllu mögulegu hollu sem ég á til, svo má strá því út á fiskin og svo margt annað.

Gæti talað um þetta í allan dag, en læt hér staðar numið.

Verð samt að segja frá að ég tek einnig D víamín, sem er afar mikilvæt þó þið takið lýsi.

Kærleik á línuna og munið að elska það sem þið borðið
þá fer maturinn betur í ykkur.

Kunnugleg frétt.

Já afar kunnugleg, er búin að heyra um svona nýjungar í tuga ára, auðvita hlustaði maður með mikilli eftirtekt og hefur maður keypt sér í gegnum árin kremin sem áttu að bjarga öllu og það fyrir þúsundir.

Það eina sem gerir húðina fallega er heilbrigt matarræði, vera hamingjusamur og elska sjálfan sig auðvitað þarf maður að nota gott rakakrem, en það þarf ekki að kosta allt upp í 60.000. Svo er bara fallegt að vera með hrukkur.

Segja nýtt hrukkukrem virka

Hafið þið, ekki ég.

Hafið þið fundið sanna ást                            Ekki ég
Hafið þið fundið kröfulausa ást                    Ekki ég
Hafið þið eldað góðan mat                            Ekki ég
Hafið þið þrifið nógu vel                               Ekki ég
Hafið þið alið upp börnin nógu vel               Ekki ég
Hafið þið sloppið við að spilla þeim             Ekki ég
Hafið þið sloppið við að nota hvíta lygi       Ekki ég
Hafið þið sloppið við að gera skilagrein      Ekki ég
Hafið þið sloppið við lítilsvirðingu               Ekki ég
Hafið þið ætíð haft góð jól                           Ekki ég
Hafið þið ætíð fengið sæta litla gjöf             Ekki ég
Hafið þið átt mann sem virðir ykkur            Ekki ég
Hafið þið skapað öllum gott heimili             Ekki ég
Hafið þið sloppið við andlegt ofbeldi           Ekki ég
Hafið þið sloppið við líkamlegt ofbeldi        Ekki ég
Hafið þið sloppið við að það sé tekin
              kílómetrarnir á bílnum ykkar
              svo sjáist að þið hafir bara farið
              í vinnuna                                        Ekki ég
Hafið þið fengið  heimsókn frá
              pabbanum er börnin fæddust        Ekki ég
Hafið þið sloppið við hótanir um
              líkamsmeiðingar heilu
              næturnar                                        Ekki ég
Hafið þið sloppið við að vakna upp og
              það er  búið að sparka ykkur
              út   á gólf                                       Ekki ég  
Hafið þið sloppið við að vinna ykkur út
              úr vandanum sem þið ákváðuð
              að leifa                                          Ekki ég

Ég elska sjálfan mig, fjölskylduna mína, lífið og
tilveruna.
Lífið er dásamlegt í dag.  

Kannski gerist það núna.

Þér hefur sjaldan vegnað jafnvel og þessa dagana
og ert einfaldlega að uppskera eins og þú átt skilið.
Gaumgæfðu peningamálin betur og mettu verðmæti eigna þinna.

Það er alveg satt að mér vegnar afar vel í öllu sem ég er að gera og ég er viss um að ég er að uppskera eins og ég hef sáð og á skilið. Er nefnilega að hugsa bara um mig, ná heilsu og verða ennþá hamingjusamari en ég er ja sko ef mér er ætlað það í þessu lífi.

Vona nú að ég finni það sem ég hef aldrei fundið og það er ástin og ástarsamband við mann sem hugsar eins og ég, en er engin gunga, þoli ekki já menn eða menn sem aldrei þora að segja það sem þarf hvað þá að ræða um hvað þeir vilja eða að hlusta á hvað ég vil, einnig þarf að vera virðing, traust og gleði, Uss hvað er ég að rausa þetta núna, en þetta kom bara.

Nú ég á að gaumgæfa peningamálin og meta verðmæti eigna minna, ég á engar eignir jú ég á bílinn og er með hann á sölu, kannski það gerist núna að hann seljist vonandi og þá mun ég eigi láta verðmæti hans rýrna.

Ég átti að fara í blóðtöku í vikunni (þeim vantar í slátrið á sjúkrahúsinu Hahaha) nennti ekki að fara út í kuldan svona snemma morguns fer bara í næstu viku ef veðrið hefur eitthvað batnað þá, annars er það nú eins gott því ég þarf inn á Akureyri á Þriðjudaginn, það er þetta venjulega gangráðaeftirlit.

Helgin verður róleg hjá mér að vanda, nýt þess í botn.

Kærleik á línuna
Millasem elskar sjálfan sig

Matur er mansins megin

Já svo merkilegt sem það er nú þá er matur mansins megin, kannski ekki svo merkilegt því flest elskum við að borða.

Nú þar sem ég er að breyta svolítið til hjá mér í matarræðinu þá eru dagarnir ansi skemmtilegir, er á netinu að skoða uppskriftir mest spennandi er náttúrlega síðan hennar Sollu, Cafe Sigrún og nokkrar fleiri, vantaði uppskrift af sojakjötsgumsi, fann hana og mallaði með glöðu geði þurfti reyndar að breyta svo litlu, en það má alveg, flaskaði samt á einu, Sojasósunni, mátti ekki setja eins og sagt var í uppskriftinni því ég notaði ekki rjómann sem átti að vera í, sem sagt þessi réttur fór í ruslið, passa mig bara næst.

Nú dagurinn minn byrjaði á rúmleikfimi og teijum á rúmstokknum, sko ef einhver er að efast um að um alvöru fimi hafi verið að ræða þá er það misskilningur, ég á nefnilega engan karl, en það er bara fínt því maður bjargar sér bara sjálfur. Eftir það fékk ég mer LGG-+ olonge te, hrísköku með engu á, magnesíum í vatnsglas og að sjálfsögðu meðulin mín og D vítamínið. Um tíu leitið fékk ég mér besta græna djúsinn sem ég hef smakkað, það er þessi græni frá Sollu.Síðan í hádeginu Ab mjólk með grófu hveitiklíð, byggflögum, Goja berjum, kanil, Sölum, avokadó, en bara dass af hverju, þetta er æði.

Í kaffitímanum, te, hrökkbrauð með grænmetistartar og papriku, nú síðan kom þessi kvöldmatur sem mislukkaðist algjörlega fékk mér bara hrökk  með smurosti, eftirmatur, epli, kanill og hráfæðisrúsínur hjúpaðar hráu kakó, er bara ánægð með daginn og þakka fyrir það.

Sem sagt að á morgnanna er ég að borða hráfæði, snakkið  og kexið er hráfæði og að sjálfsögðu er þetta allt lífrænt djúsinn hennar Sollu er hráfæði ég geri hann sjálf.það er eiginlega bara kvöldmaturinn sem er venjulegur nema ég borða ekki rautt kjöt, kartöflur, brauð, aldrei unnar kjötvörur hef ekki gert það í mörg ár ég gæti talið upp endalaust það sem ég borða ekki, en segi bara að ísskáparnir mínir eru tómir af óhollustu, en fullir af hollustu.

Ég hef eins og sagt hef áður verið í stórum feluleik við sjálfan mig í áratugi ekki hlustað á neinn meðvirknin með sjálfri mér alveg á fullu.

Ég vissi samt í byrjun janúar að nú mundi þetta breytast, litli bróðir minn kom heim frá Japan um daginn og hann leiddi mig í sannleikann og bað mig að gefa þessu 2-3 mán. og það ætla ég að gera, vonandi koma þeir mér á rétta braut.

Nú fer ég bráðum að sofa því ég er bara svolítið þreytt ennþá eftir suðurferðina, þetta tekur á.

Ljós og kærleik inn í nóttina ykkar
Milla

Óhugnaður

Hvernig í ósköpunum getur þetta gerst, 100 börn algjör hryllingur, þó það hefðu verið færri elskur sem lentu í þessum glæpamanni.

Mér mundi finnast eðlilegt að þeir sem væru ráðnir til slíkra starfa gengust undir geðrannsókn, síðan með reglulegu millibili á meðan ráðning þeirra er í gildi, hvað er þetta eiginlega búið að gerast oft að upp kemst um svona mál, en bara allt of seint.

Mannréttindasamtök um allan heim ættu að rannsaka heimili, leikskóla, skóla, elliheimili og aðrar þær vistarverur sem fólk býr eða vistast á um lengri eða skemmri tíma.

 Bara á okkar litla Íslandi er til ofbeldi af öllum toga og það fleiri en við gerum okkur grein fyrir, einnig er sinnuleysi gagnvart ábúendum heimila afar mikil, fólk veikist og það er ekki hlustað. Fólk er svo ómeðvitað um hvað er að gerast í kringum það, ekki er hlustað á börnin hvað þá á þá einstaklinga sem taldir eru öðruvísi.

Ég undra mig oft á fólki sem talar um öðruvísi fólk, hvaða fólk er það og hver er öðruvísi?

Öðruvísi eru bara þeir geðveiku einstaklingar sem framkvæma svona glæpi gagnvart fólki eins og þessi maður gerði og er full ástæða til að vera vel meðvitaður.

Því miður eru svona mál fljót að gleymast, gerandinn er settur undir lás og slá og lítið sem ekkert hlúð að þolendum.

Góðar stundir

Misnotaði yfir 100 börn

Viðreisn á mínum forsendum

Má segja að mest allt mitt líf hafi ég verið að berjast við aukakílóin, Já ég taldi svo, en mikið ansans kjaftæði er að bera það á borð bæði fyrir ykkur og mig, því hefði ég verið að því á réttan hátt og með réttu hugarfari, ekki kennt allar götur öðrum um veikleika minn í þessari baráttu, væri ég að sjálfsögðu orðin grönn og fitt stelpa og engum að kenna, bara mér að þakka.

Heilsuleysið er búið að hrjá mig síðan ég var 50 ára og ætla ég nú ekki að fara að telja það upp hér eins hundleyðinleg sú umræða er, en þessi mánuður er búin að vera viðburðamikill og komst ég að því að ef ég ætlaði ekki að enda í hjólastólnum farlama aumingi með Cherry flöskuna í annarri hendinni og sígarettuna í hinni þá yrði ég að gera eitthvað í mínum málum, var nefnilega búin að segja einhvertímann að ég ætlaði að byrja á öllum þeim ósóma sem til er þegar á elliheimilið væri komin, en ætli það hafi nú ekki bara verið orðagjálfur.

Viðreisn á mínum forsendum verður verkefnið mitt allt næsta ár og þá verð ég komin á rétta sporið.

Ég ætla að ráða mér sjálf.  
Ekki fara eftir annarra ráðum.

Ég ætla að borða þegar ég vil.   
Ekki er aðrir segja mér að borða.

Ég mun bara eiga það til sem ég borða.
Ekki það sem aðrir vilja borða.

Ég mun hætta að stjórna í öðrum.
Ekki leifa öðrum að stjórna í mér.

Ég ætla að lifa lífinu eins og ég vil.
Ekki eins og aðrir telja best fyrir mig.

Í þessu yfirlýsingum er ég ekki að meina börnin mín
því þau eru stoð mín og stytta.

Ég er að meina kerfið allt eins og það leggur sig, hver
þekkir líkama sinn betur en ég og veit nákvæmlega
hvað honum er fyrir bestu.

Ég elska mig, fólkið mitt, orkuna frá hafinu, loftinu,
jörðinni og himinhvolfinu.

Kærleik á línuna

 

Smá minningarbrot

Það er svo margt sem kemur upp í hugann, mamma var
stórkostleg kona, veislurnar hennar voru rómaðar fyrir
góðan mat og fallega framsetningu, ég og bræður mínir
lærðum margt og mikið af henni,
en set inn nokkrar myndir.



Hér eru þær að lita Mamma, Milla mín og tvíburarnir mínir.
Við vorum í bústað rétt fyrir utan Egilsstaði.



Þarna erum við mamma, ég, Dóra mín og tvíburarnir fyrir utan
safnið á Hvammstanga og allir nýkomnir úr sundi



Ég með Viktoríu Ósk, mamma og Milla mín stendur fyrir aftan
okkur tekið þegar ljósálfurinn minn fékk nafn.
Ég saumaði kjólinn og auðvitað lærði ég hardangur og Klaustur
hjá mömmu.



Ætíð er maður fór til mömmu langaði hana í pulsu með steiktum og
miklu sinnepi, svo fannst henni voða gott að eiga coke í ísskápnum
sínum, nú kókósbollur og Remí kex var ætíð á óskalistanum svo og
jarðaber, bláber og rjómi.
Að sjálfsögðu komu allir með það sem hún bað um og birgðirnar
voru stundum orðnar útrunnar, þá var bara hreinsað út.



Það var alltaf voða fjör á gamlárskvöld hjá ömmu þá máttu
sko barnabörnin leika sér með hattana hennar og það var
ekkert smá safn, aldrei var neinu hent, svo af nægu var að taka.



Svona var mamma, það þurfti að sauma gardínur hjá Dóru þá komu
þau mamma og pabbi, mamma saumaði og pabbi lék sér við yndin sín
Hann elskaði okkur öll afar mikið.
Mamma taldi það ekki eftir sér að koma til að mála, sauma, hjálpa
okkur að útbúa veislur, ekki var hann pabbi minn síðri í eldhúsinu
hann gat allt alveg eins og hún.
Takk af ollu hjarta fyrir mig elsku mamma og pabbi.

Mynd af einni veislunni, þau elduð allan matinn nema
míní-svínið ofninn hennar tók það ekki
Tekið að mig minnir er Guðni bróðir fermdist.

 

Mamma og Pabbi

Mamma mín Halldóra Þorgilsdóttir dó í gærkveldi 87 ára að aldri.
Hennar heimili var til margra ára öldrunarheimilið  Skógarbær það
fór afar vel um hana þar og starfsfólkið alveg yndislegt takk fyrir
að hugsa svona vel um hana elskurnar.

Pabbi dó fyrir mörgum árum og mamma var búin að bíða og vona
alla daga eftir að fara til hans og nú eru þau saman á ný.

Þau voru afar samrýmd fóru meira að segja ekki að versla án hvors
annars og eins og var siður er þau byrjuðu sinn búskap þá borgaði
húsbóndinn, enda kunni mamma þessi elska ekki að fara í banka er
pabbi dó og það var alveg tilgangslaust að kenna henni það.

Við systkinin áttum gott heimili og við vorum alin vel út í lífið.

Takk fyrir mig elsku mamma og pabbi.

Mamma og pabbi ung og falleg eins og alltaf



Aðeins eldri, en samt falleg

Þarna er mamma með Sigrúnu Leu og Guðrúnu Emilíu

Fjölskyldumynd, tekin er ég er 11 ára, vantar Guðna bróðir
hann var ekki fæddur þarna



Mamma mín



Pabbi minn

Þið voruð yndisleg og til hamingju með að vera saman á ný
minningin um þær skemmtilegu stundir sem við áttum með
ykkur mun lifa.

Takk fyrir mig elsku mamma og pabbi.

 

Snjóamyndir

Hvernig á maður svo að túlka þessa spá, ég á enga samstarfskonu og er þar af síður að kaupa mér eitthvað í dag, en þetta kemur í ljós eins og allt annað, annars verð ég búin að gleyma þessu eftir smá tíma, enda óttalegt rugl þessar spár.

Sporðdreki:
Samstarfskona þín gæti valdið vandræðum
í vinnunni í dag. Hvað sem þú kaupir þér mun
að öllum líkindum fylgja þér um ókomna tíð

Samstarfskonan er engin því ég er ellilífeyrisþegi þar áður öryrki og hef ekki unnið úti í mörg ár, eigi var svo auðvelt að taka því í byrjun, en meðfædda góða lundin bjargaði því ég fór að huga að handavinnunni og barnabörnunum og það er það sem gefur mínu lífi lit, að hugsa um þau.

Kaupa mér eitthvað er ekki möguleiki, hér er arfavitlaust veður og ég lassarusinn fer ekki hænufet frá mínu hlýja og yndislega heimili. Ja nema að bíllinn seljist, svona í gegnum símann og ég kaupi mér annan, hæpið, ég mundi nú þurfa að sjá þann bíl sem ég hugsanlega keypti í staðinn, en gaman að pæla í þessu.

Nú ég er að verða búin að taka niður allt jólaskraut og gera fínt í leiðinni, ég elska að skreyta og finna upp á nýungum í því á mínu heimili ekkert er meira heilandi en að setja góðan DVD í spilarann
kveikja á kertum og dúllast við dúlleríið.

Ætla að setja inn nokkrar myndir sem ég tók út um hurð og glugga í morgun.



Á eftir að taka úr þessum glugga, en þið sjáið að snjórinn er upp á
miðjan gluggann, en það er fallegt svona er maður er innandyra



Það sést nú ekki mikið út um eldhúsgluggann og snjórinn nær
upp á brún á honum, hef ekki séð í kinnafjöllin mín lengi



Ekki kemst hann Neró minn út á pall eins og hann er vanur og
skilur ekkert í því að amma skuli ekki opna þessar dyr.



Þarna er snjórinn upp á miðja, jólaseríuna, nei ætla ekki að taka
hana strax það er svo notalegt að hafa hana þarna



Útgangurinn hjá mér, mokuð voru smá göng er ég þurfti að fara
út á mánudaginn, þeim hefur verið haldið við, tek fram að það er
þak yfir innganginum, svo er kirkjugarðurinn beint á móti, en
hann sést ekki í myrkrinu nema smá ljós.

Kærleik og gleði í ykkar hús

Milla

Það sem kemur upp í hugann 5.

Þegar ég kom heim í gærmorgun, en tengdasonur minn ók mér í blóðrannsókn, þá fór ég að hugsa tilbaka um snjóinn.

Þegar ég var að alast upp í Reykjavík man ég eigi eftir svo miklum snjó, jú svona á stundum, en á skíði við fórum upp í skíðaskála þá var gist kannski í heila viku, þvílíkt fjör, svo var maður á skautum á tjörninni í Reykjavík þá var sko borgin mín, mín borg.

Aldrei man ég eftir ófærð fyrr en ég flutti  20 ára gömul til Þórshafnar á Langanesi var með Dóru mína litla og nægan tíma til að leika mér í snjónum og eða á skautum sem var hægt á lónunum út við flugvöll, þetta var æðislegur tími og ég man ekki eftir því að kvartað hafi verið þó aldrei hafi verið mokaðir vegir, kaninn kom eina og eina ferð ofan af Heiðarfjalli til að moka í gegnum bæinn held aðallega til að menn kæmust út á flugvöll

Man eftir því að stórhríðir komu og jusu úr sér þvílíku að ekki sást í hvorki eitt eða neitt, kaupfélagið fór á kaf og þurfti að moka snjótröppur niður í það, svo maður kæmist inn, man að ég fór á skíðum niður í kaupfélag það var nú ekkert mál, en erfiðara var að komast heim aftur, alltaf á hausnum, en þetta var svo gaman að maður veltist um að hlátri kom síðan heim og hitaði sér kakó og kúrði sig í stofusófann með góða bók eða sænsku blöðin.

Á þessum tíma var ekkert sjónvarp bara útvarp, en það voru allskonar böll, Þorrablót, körfuböll, tunnuböll, svo vorum við í blaki  og mörgu öðru sem skemmtileg var.

Á þessum tíma kynntist ég nýu lífi, lífinu eins og það var venjulega hjá fólki bæði gleði og sorgum.

Í dag getum við ekki hreyft okkur ef það kemur snjór eins og núna enda tímarnir aðrir, vegalengdirnar langar, vinnustaðirnir fleiri, skólarnir stærri og bæirnir hafa stækkað til muna, jú jú það eru margir sem geta farið út og finnst þetta ekkert mál, en fólk eins og ég verður bara að njóta þess að vera heima hjá sér.

Um leið og verður betra veður þá er hægt að fara að leika sér, jeppast, sleðast, skíðast, renna sér á þotum og svo margt annað og get ég svo vel unnt fólki þetta því það gefur lífinu svo sannarlega lit að skvetta úr klaufunum.

Góða skemmtun.

Það sem kemur upp í hugann llll

Margt hefur komið upp í hugann undanfarna daga eins og svo oft áður, hugsað hef ég mikið um valdið og sjálfselskuna.

Fór að hugsa um valdið er fréttirnar fóru að síast inn um hana Birgittu, ég varð alveg hvumsa og hugurinn leitaði tilbaka.

Eitt sinn er ung ég var átti að kjósa til stjórnar í einhverju verkalýðsfélagi, en ég ætlaði ekki að fara hafði ekkert vit á þessu, en þeir komu heim og sóttu mig, ég var ein heima og þorði ekki annað en að fara með þeim enda voru þetta menn sama sinnis og mín fjölskylda, er á kosningaskrifstofuna kom fannst ég ekki á kjörskrá þetta kostaði ferð niður í höfuðstöðvar og aftur á kjörstað þá höfðu þeir bara snúið nafninu mínu og þóttust ekki finna það, allir þekktu alla í þá daga og þeir vissu hverja ég mundi kjósa, en það var nefnilega reginvitleysa ég hafði ekki hundsvit á þessu, allar götur síðan hef ég verið meðvituð um valdið, en gleymi því á stundum.

Varð fyrir valdbeitingu fyrir nokkrum árum, lét mig og er enn að hugsa af hverju ég hafi gert það, en tel að það sé vegna þess að tækifæri ég fæ síðar til að leiðrétta þetta við viðkomandi, sem er ókunnugur mér að öllu leiti.

Þarna voru strax byrjaðir útúrsnúningarnir, feluleikurinn og útskúfunin á þeim sem ekki pössuðu inn hjá þeim sem voru við völdin í það og það skiptið, ég var nú ekki að skilja þetta allt í byrjun því ég er alinn upp í því að allir séu jafnir.

Sjálfselskan er afar hættuleg, getur orðið að þráhyggju sem viðkomandi trúir statt og stöðugt á, tekur ekki sönsum sama hvað sagt er, vill ekki hugsa rökrétt eða um annað lífsform, í suma vantar algjörlega víðsýni til að sjá eitthvað annað en eitt stórt elsku ég.

Fólk sem getur ekki hlustað, talar bara um það sem því býr í brjósti, fer bara eftir því sem það þykist vilja í það og það skiptið  er eitt stórt elsku ég og skilur ekki samvinnu, ást, kærleika eða bara hvað sem er, einungis það sem því langar til.

Þetta fólk er afar sjálfselskt fólk og sjálfselska skapar vald, valdið andlegt ofbeldi og svo mætti lengi telja. Það sér heldur aldrei neitt athugavert við sínar gjörðir.
.
Eitt verð ég að segja sem er staðreynd, allt er þetta okkar sjálfra að verjast og segja nei við og núna eftir mín síðustu veikindi sem eru ekki afstaðin mun ég algjörlega huga að minni heilsu og er ég svo lánsöm að eiga góða fjölskyldu sem hjálpar mér í því.

Bara mín skoðun og ætlast ekki til að aðrir hafi þá sömu.

Góðar stundir.

Smá kveðja.

Ætla bara rétt að láta ykkur vita að á ***** stjörnu hóteli ég er, það heitir sjúkrahúsið á Húsavík, hér er æðislegt starfsfólk og er maður eins og blóm í eggi, liggur við að maður þurfi ekki að lyfta litla putta til hvorki eins eða neins, enda er letin bankar upp á þá er gott að hafa svona aðhlynningu og þakka ég vel fyrir hana.

Fékk að borða fyrst í gær, var sko búin að hlakka mikið til þess, kokkurinn hér hjá okkur er bara æðislegur, toppmatur og allt svo fallega borið fram af þessum elskum sem vinna við það, þið eruð öll sem eitt stórkostlegt teimi hér á sjúkrahúsinu og legg ég bara bann við niðurskurði bæði hjá okkur og eins á öðrum stöðum úti á landi, litlu sjúkrahúsin eru svo nákomin fólkinu að bara það er hálfur batinn hjá fólkinu sem á þeim þurfa að gista, en nota bene varla verður hlustað á einhverja stelpu úti á landi.

Læt heyra í mér er heim kem.
Hafið það gott kæru vinir.
Kærleik á línuna
Milla