Flott staða fyrir glæpamenn, eða hvað???

Gott til afspurnar, glæpamenn geta bara komið til Íslands
haft sig í frammi  við það sem þeim líkar best,
síðan ef þeir eru handteknir þá neita þeir bara sök,
losna úr haldi og fara beint heim.
Hverslags eiginlega er þetta, er ekki hægt að halda mönnunum
hér á einhverjum forsendum.
Það hljóta allir að sjá hvað þetta er yfirmáta heimskuleg lög,
ef það er það sem er að, þá er að breyta þeim.
                            Góðar stundir.

Ekkert svar frá Póllandi vegna framsalskröfu

Össur vanvirðir sjálfan sig og aðra.

Já ég tel það vera að vanvirða sjálfan sig
og aðra í leiðinni, ekki síst börnin sín með
slíkum skrifum sem Össur hefur við haft.
Hann talar um að dóttir hans hafi fengið vota hvarma
eftir lestur um hann, en hvað er hann sjálfur að gera?
Hvað ef hún kemst í þessi skrif hans?

Þessi skrif hans eru óafsakanleg og óhafandi,
Hann er ráðherra í ríkisstjórn Íslands
og getur ekki hagað sér, eða skrifum sínum eins og
honum sýnist.
Talað er um að hann eigi sinn tíma sjálfur, það er, er hann
bloggar á nóttunni, að mínu mati ekki, það er sama hvenær
hann notar þennan orðaforða sinn, sem er siðlaus.
Þjóðin á ekki að þurfa að hlusta á svona lagað.

Þegar Ingibjörg Gísladóttir tók formannskjörið fyrir um
þremur árum, vonaði ég að hún mundi dala og hann koma aftur,
þar sem mér hugnast hún ekki, vildi frekar hlusta á hann en hana,
en það gerðist ekki, kannski sem betur fer, finnst hann er þessi
persóna sem hann hefur sýnt, og verið að koma fram undanfarin ár. 

Ég hef ekki bloggað neitt um þetta mál,
ég varð svo hvumsa að ég missti nú bara málið.
Ætla ég hreint að vona að menn fari að skapa frið
svo það sé hægt að fara að vinna að viti.
                        Góðar stundir.

Hvers eiga lítil saklaus börn að gjalda

Er ekki í lagi með sumt fólk, það eru engin mistök
þegar maður lemur barn svo að sjái á því.
Það er að mínu mati ásetningur þessa starfsmanns
hann þolir ekki smá leik og gleði, lætur það fara í skapið á sér
og lemur barnið. ófyrirgefanlegt athæfi,
Þetta nefnist ofbeldi, ef að ráðamenn skólans í Borgarnesi
skyldu ekki vita það, þá vita þeir það hér með.
Nei bara að því að skólastjórinn kallar þetta ofbeldi
mistök.

Ég vann í mörg ár við Íþrótta og sund hús,
það skemmtilegasta við starfið var þegar við
fengum þessi litlu í húsið, uppfull af spenning
og með stjörnur í augunum, en oft reyndist það
nú vera þannig að þau sér í lagi pollarnir voru
svolítið óstyrk og báðu um hjálp.
Það komu upp svona tilfelli sem um ræðir,
Þá lét maður eins og manni væri alveg sama
svo þegar fór að fækka í búningsklefanum þá kom
restin úr sturtunni.
Þetta var yndislegur tími.
Það verður að vera starfsfólk í þessum störfum,
sem hefur gaman að börnum, en kann samt að vera ákveðið.

Að mínu mati eru engar reglur um svona mál önnur en
brottrekstur á staðnum.

Þið skuluð athuga það, að mögulegt er að drengurinn
þori ekki í sund í langan tíma á eftir svona ofbeldi.
                             Góðar stundir.

Fyrir svefninn.

Kona kom inn í sölubúð og spurði, hvort þar væru
perur til sölu.
,, Nei " sagði búðarmaðurinn. ,, Við höfum ekki perur,
en við höfum aprikósur".
,, jæja segir konan, ,, ég ætla þá að fá eina 50 kerta".


Konuefnið.

                        Fyrst voru þeir að finna 'ana,
                        færa í 'ana og gátta 'ana
                        Þvæla 'ana og þynna 'ana
                        þangað til ég átti 'ana.

Fullorðin stúlka giftist manni, sem hafði kvongaður áður.
Um það kvað Jóhann Sveinsson frá Flögu:

                       Áður henni illa gekk,
                       en er nú föst við stjóra.
                       Litla Strúna loksins fékk
                       leifarnar af Dóra.

                                                     Góða nótt.

Mættu allir taka sér þetta til fyrirmyndar.

Frábært framtak og yfirmáta hressir krakkar,
þarna er verið að fyrirbyggja vandamál sem eru komin
upp víða um land.
teldi ég það eðlilegt að allir skólar mundu taka sér þetta
til eftirbreytni.
það er þörf á þessu, vegna allra barna sem eru öðruvísi og
liggja vel við höggi, ég vona að engin misskilji mig
taki þessu með jákvæðni og framkvæmi það sem þarf að gera
Og foreldrar þurfa að taka þátt og vera vakandi.
                              Góðar stundir.

Einelti skal ekki þrífast í okkar skóla!

Er möguleiki á að ?

Allavega biðjum við góðan guð að gefa þessum manni líf
                  Vonum það besta.

Merki barst frá neyðarsendi

Börn innan við fermingu.

Allir hafa gott af því að læra að vinna, en það má ekki
vera of mikið, en þau geta alveg eins unnið 2=3 tíma á dag,
eins og að hanga og gera ekki neitt.
Þau sem vilja standa sig í skólanum gera það þó svo
að þau þurfi að vinna, hin sem ekki vilja standa sig
gera það hvort sem er ekki.

Það var nú þannig í mínum uppvexti að strákarnir fóru í sveit,
á meðan stelpurnar voru að hjálpa til heimafyrir eða voru
í vist og engin hafði illt af því.
Í dag er mér tjáð, að unga fólkið okkar sem sækir um sumarvinnu,
kunni ekki einu sinni að vinda borðklút.
Einu sinni sagði kunnur maður, að við værum að ala upp
kynslóð aumingja, sem nenntu ekki neinu.

Ég er ekki að segja að of ung börn eigi að vinna í verslun,
eða vinna of mikið, en er ekki komin tími til að þau geri eitthvað?
                                    Góðar stundir.

Félagsmálaráðherra skoðar vinnu barna

Frábær frétt um minkinn.

Las í fréttablaðinu í gær.
Síðasti minkurinn fallinn honum var kálað inni í bænum,
og var þar fljótur til Ásmundur Pálsson meindýraeyðir
í Vestmannaeyjum.
Haldið að það sé munur að búa á svona stað þar sem
sést til meindýrana um leið og þau birtast.
Eru nokkrar rottur í eyjunum?.

Bara spyr bara því hér hjá okkur eru engar rottur,
bara hagamýs, svona litlar sætar, þið vitið.
Einhverju sinni kom rotta frá borði Rússadalls
og voru þeir ekki lengi að ná henni.
Nú spyr örugglega einhver: ,, Af hverju þrífast ekki rottur
þar sem ég bý, jú vegna þess að það eru jökulsár sitthvoru megin við",
það er að segja engar rottur frá SKJÁLFANDA fljóti
að jökulsá. Sel það ekki dýrara en ég keypti það.
                            Góðar stundir.

Bubbi alltaf jafn flottur, einnig Geir.

Frábært framtak hjá Bubba hann á heiður skilið fyrir
þessa hugmynd og allir þeir sem tóku þátt í þessu með
honum.
Ekki veitir af af að minna fólk á, og hreinlega kenna því að
það er í lagi  að umgangast hvort annað þó við séum öðruvísi.
Íslendingar eru seinir til að kynnast, fljótir til að dæma, og enn þá
fljótari til að haga sér eins og Gróa á leiti, ´
það á ekki bara við um útlendingana, áður en þeir komu til í þetta
skiptið þá voru það landarnir sjálfir.
Þegar herinn kom, nei förum ekki að tala um það .
Í dag er helst talað um fjandans Pólverjana sem eru hið besta fólk eins
og allir aðrir útlendingar.
Ætli ekki sumum bregði þegar þeir fara að fylkjast heim til sín í
batnandi atvinnu og efnahag og taka með sér konur og menn sem þeir hafa
fangað á Íslandi.
Góðir Íslendingar hættum að hugsa okkur sem eitthvað úrval alheimsins.
Við erum mistæk eins og allir menn.
Takk fyrir framlagið Bubbi.
                                              Góðar stundir.

Sungið gegn fordómum

Fyrir svefninn.

Beinakerlingavísa eftir Svein lögmann Sölvason
um sr. Magnús á Tjörn, er hann var skrifari hjá
Þórarni sýslumanni á Grund.

                                  Nú hef ég fengið nægju mín,
                                  nær þó eigi gangir.
                                  Sýslumaðurinn sér til þín.
                                  Svona, hættu mangi!

Beinakerlingavísa ort til Björns Ólafssonar Stephensens
á Esjubergi; óvíst hvor orti.

                                  Æ, þú sliga ætlar mig,
                                  er þó von við stautið.
                                  Bilar flest að bera þig,
                                  bölvað þyngslanautið.


Gömul staka, er sýnir, að sitt orð sé haft um hvert berkvikindi.

                                  Drósin þessi dávæn ber
                                  dám af flestum kindum,
                                  yxna, blæsma, álægja er,
                                  óð og lóða í grindum.

                                                 Góða nótt.

Slæmt að hunsa lögin.

Já ég tel það vera slæmt að hunsa lögin,
og til hvers bara til að fá á sig kæru, ekki mjög
skemmtilegt fyrir okkur.
það er aðalsmerki Íslendinga að draga lappirnar
þangað til allt er komið í bál og brand.

Íslandi stefnt fyrir EFTA-dómstólinn

Ók ölvaður á ljósastaur.

Ók ölvaður á ljósastaur. Er það ekki fullyrðing?,
að mínu mati jú. Síðan kemur,
ökumaður var handtekinn vegna gruns um
ölvun við akstur.
Bíllinn er talsvert skemmdur, en ökumaður slapp
ómeiddur. Hann var færður á lögreglustöðina á
Selfossi til yfirheyrslu.
Málið er enn í rannsókn.
Ég skil aldrei svona fréttir, fullyrðing, grunur
og málið enn í rannsókn, tekur það langan tíma að
komast að því hvort maðurinn var undir áhrifum
eður ei? Þegar búið er að komast að því er hægt
að sleppa manninum.
Því ekki er nú ástæða til þess að hafa manninn í
gæslu.
Öðru eins er nú sleppt úr haldi.
Svo er ég nú alveg yfir mig hissa á því að það skuli
ekki hafa komið mynd af vettvangi, kannski ekki
nægilega krassandi frétt.
Að mínu mati er þetta engin frétt.
                           Góðar stundir.

Ók ölvaður á ljósastaur

Flott, vel gefin og hefur þá ákveðni sem þarf.

Hanna Birna Kristjánsdóttir, sumir hafa kallað hana
gribbuna, en ég hef nú ætíð kallað það kost,
ef við konur erum gribbur, frekjur eða hvað þið viljið kalla það.
Þar sem ég bý er þetta kölluð ákveðni.
Hún verður að mínu mati góður borgarstjóri.
Vona ég að ekkert komi upp á til að hindra að
hún verði það.
Maður veit nefnilega aldrei.
                              Góðar stundir.

Flestir vilja Hönnu Birnu sem borgarstjóra

Fyrir svefninn.

Þingeyingur nokkur, er Helgi hét, féll niður í gjá,
en náðist upp úr henni.
Þá var þessi vísa kveðin:

                              Að slysum enginn gerir gys,
                              guðs er mikill kraftur.
                              Helgi fór til helvítis,
                              en honum skaut upp aftur.

Daníel á Fróðastöðum reið einu sinni hvítá í vexti.
hann fékk hrakninga mikla í ánni og kom alvotur heim.
Kona hans fáraðist mjög um, hvernig maður hennar
væri til reika, er hann kom heim.
Daníel þagði lengi, þangað til hann sagði:
,, Þegjandi hefði hvítá tekið á móti mér".

Ungur maður var að svipast um á ,, rúntinum" í
Reykjavík og gefa stúlkunum auga
Þá ver kveðið:

                           ,, Við skulum ekki hafa hátt",
                           þó hann sé úti að vappa.
                           Það hefur margur allt sitt átt
                           innan gæsalappa.

Engin spurning að mínu mati.

Vonbrigði Sigrúnar Bjarkar Jakobsdóttur eru
skiljanleg. Hvað  þarf Ráðherra langan tíma til að mynda
sér skoðun í þessu máli.

Það liggur ljóst fyrir að björgunarþyrla á Akureyri er
nauðsynleg.
Hvað er því til foráttu, eru það peningar, eða vilja þeir halda
öllu í Reykjavík?

Það er alveg nauðsynlegt að ráðamenn þessa lands fari að
gera sér grein fyrir því að það gerist ekki allt í Reykjavík
Þeir halda í alla starfsemi eins og staðar rollur.
Þyrlur norður, byggja upp flugvöll, flugstöð og setja allt á fullt hér
á Eyjafjarðar og norðaustur-svæði.
                    Góðar stundir.

Hefur ekki tekið afstöðu til björgunarþyrlu á Akureyri

Ekki er nú öll vitleysan eins.

Taldi maðurinn að hann fengi konuna aftur
ef hann kæmi út til að lumbra á þeim sem hún
býr með í dag,
Og tekur son sinn með sér, hvað er eiginlega
að???
Kemur þeim trúlega í 6 ára fangelsi, gaman fyrir
þá feðga, kannski geta þeir verið í sama klefa.
Eins og ég segi:
,, Ekki er öll vitleysan eins".

Feðgar handteknir fyrir líkamsárás

Á brunaútsölu.Það má ekki gerast.

Jón Ásgeir Jóhannesson telur að FL Group
hefði farið á brunaútsölu, hefði ekkert verið að gert,
það er örugglega alveg rétt hjá honum,
og ekki í fyrsta skipti sem þetta félag sem búið er
að heita nokkrum nöfnum, hefur þurft aðstoð
alveg frá því að það hét Loftleiðir, og barðist í
bökkum til að halda sínu.
Þá voru málin erfið, en allir unnu saman að því að gera
sem best þeir máttu fyrir óskabarnið sitt.

Það er það að mínu mati sem vantar í dag,
samvinnu, heiðarleika og að allir vinni vinnuna sína
eins og best verður á kosið, og séu að vinna að sínum
hagsmunum, því það er það sem þarf að gera,
annars er ekkert fyrirtæki til að vinna við.

Eitt er afar mikilvægt, það þarf að senda flesta
starfsmenn þessa félags á námskeið í samvinnu
og mannlegri framkomu.
Eftir því sem er betur komið fram við þig,
því vænna þykir þér um félagið.

Ég treysti Jóni Ásgeir fullkomlega til að snúa þessu dæmi við
hann veit hvað þarf til.
                      Gangi honum og hans starfsfólki vel.
                                   Góðar stundir.

Eignir FL Group á brunaútsölu ef ekki hefði verið gripið inn í

Fyrir svefninn.

Haraldur Á. Sigurðsson hafði gert manni einum greiða.
maðurinn kom til Haralds og þakkaði honum fyrir
með mörgum vel völdum orðum.
Að lokum sagði hann: ,, Já guð hefur gefið þér stóra
sál, Haraldur minn". ,,Já og ekki hefur hann skorið umbúðirnar
við neglur sé, blessaður", svaraði Haraldur.

Staka eftir Pál prest skálda, er var í Vestmannaeyjum.

                         Grímur Laxdal, góði mann,
                         gaf mér í staupi fullu.
                         Sjálfur fjandinn signi hann
                         sinni upp úr drullu.

Stína

                        Af hverju, Stína, ertu bleik,
                        alllík farðakoppi
                        Ertu þreytt af ástarleik
                        eða fjalahoppi?

Kona skallar aðra konu í andlitið.

Lítið kemur fram um árásargirni kvenna,
svona yfirleitt,
en það þarf að segja frá því eins og öðru.
Hver fjandinn er að þessum konum?
Eiga þær ekki eftir að eignast börn og bú.
þær kannski eiga börn.
hafa þær enga sómatilfinningu og hvað er svo sem gaman
að slíkri skemmtun, spyr sá sem ekki veit.
Þessi 19 ára gamla stúlka hættir kannski að drekka í
fangelsinu og fær hjálp, vonandi.

Skallaði konu í andlitið

Hófleg launahækkun. HALLÓ! HVAÐ ER ÞAÐ???

Er það, það sem er nóg gott fyrir okkur lálaunafólkið?
Klaufalegt orð,
lýsir stéttarskiptingunni sem orðin er í orðum og
framkomu þeirra sem telja sig æðri.

Allavega batnar hagurinn hjá okkur ekki það mikið
að við getum farið að leifa okkur að borða betri mat,
fara í leikhús svona einu sinni á ári eða söngviðburð,
fara með barnabörnin í leikhús og út að borða.
Ég gæti endalaust týnt til það sem við ekki getum
leift okkur.
En Þeir skilja það ekki, ráða og samningamenn þessarar þjóðar.

Hvenær ætlar þjóðin að standa saman, fara í verkfall allir sem einn
og heimta laun sem hægt er að lifa af.
Aldrei því við erum fjandans gungur.
Við hvað erum við hrædd? Munið að við getum bara treyst á okkur sjálf.
                                   Góðar stundir.

Hófleg launahækkun og vel tímasettar skattalækkanir