Fyrir svefninn.

kannski ég segi frá deginum í dag.
Í morgun fór ég í þjálfun, fyrst sóttum við Viktoríu Ósk
ókum henni í skólann síðan í þjálfunina með mig, Þjálfarinn
minn var þá búin að tala við lækninn og spyrja og spjalla við
hann um vandræðagepilinn, "MIG"  Þjálfarinn tjáði honum það
sem hann reyndar vissi að mér liði ekki vel með að taka Íbúprofen
hvort það væri ekki eitthvað annað sem hægt væri að prófa
sem virkaði betur á taugaendana, jú það væri hægt að prófa það.
Nú hjá þessum þjálfara starfar sænskur þjálfari sem er sér lærður
í einhverri tækni sem ég man ekki hvað heitir,
hann bauðst til að sjá hvort ég þyldi þessa meðferð og fékk ég tíma
hjá honum á þriðjudaginn.
Símatíma fékk ég hjá lækninum á föstudag svo nú fer þetta vonandi
að ganga, en geri mér fulla grein fyrir því að þessi tæknimeðferð sem
ég vonandi er hæf til að fara í kemur ekki bara sí svona, en ég er
öllu vön og þolinmæði mín er mikil.

Ég lagði mig um miðjan daginn, svaf í 3 tíma nú hér var svo eldaður
pottréttur, grænmetisjukk og pasta fyrir þá sem vildu,
Þau komu í mat Milla, Ingimar og Aþena Marey.
Viktoría Ósk var á skíðum og er hún kom heim var hún svo þreytt að
hún nennti ekki að koma yfir í mat.

Nú er Gísli minn búin að ganga frá í eldhúsinu og sestur í 10 fréttir.
Við förum svo að halla okkur í rúmið, að sofa, nei ég mynntist eigi
á þaðHvaða hvaða.

            Í allri Víagra umræðunni var alltaf
            talað um kostina fyrir karlmanninn.

            Einhverja könnun hér ætti að vinna
            hvort aukningu konurnar beri.
            Það er lítið að gera með stóðhesta stinna
            ef til staðar er engin meri.

            Völvan spáði því að dauðsföll yrðu á
            árinu að völdum Viagra.

            Að lifa með dapurt og lafandi skott
            til lengdar er mikill bagi.
            Og finnist þá ef til vill andskoti gott
            að andast úr reiðarslagi.

Þessar eru eftir hana Ósk og þær eigi af verri endanum.

Góða nótt.

Hef nú eigi heyrt annað eins.

   Segir lesblindu afsökun menntakerfisins

 

Graham Stringer, þingmaður breska Verkamannaflokksins hefur lýst því yfir að hann telji lesblindu vera tilbúning sem menntakerfið hafi fundið upp til að breiða yfir lélegan árangur í lestar- og skriftarkennslu. Þetta kemur fram á fréttavef Sky. 

Er ekki maðurinn með öllu mjalla, finna upp til að afsaka
lélegan árangur, það væri nú ljóta ásökunin á blessuð börnin
sem í hans huga eru ekki með lesblindu.

Í grein sem birt er í blaðinu Manchester Confidental segir Stringer að eyða eigi lesblinduiðnaðinum með því galdravopni að  kenna börnum lestur og skrift með aðferð sem byggir á greiningu hljóða. Þá segir hann að lesblindu hafi þegar verið útrýnt í Vestur Dunbartonshire þar sem ólæsi hafi verið eytt með umræddri aðferð.

Hann ætti kannski að senda fólk út um allt til að kenna þessa
nýu tækni og mikið væri nú gott ef satt væri, en því miður trúi
ég þessu ekki, þetta væri þá löngu komið.

„Sé lesblinda raunveruleg þá væri ekki mögulegt að ná fram allt að 100% læsi í löndum sem eru jafn ólík hvort öðru og Níkaragua og Suður-Kórea," segir hann. „Það getur ekki verið nein rökfræðileg skýring á því hvers vegna slíkt heilkenni sé jafn algengt í Bretlandi og haldið er fram en ekki í Suður-Kóreu og Níkaragua."

Eru nokkuð þau börn í skóla í Níkaragua eða Suður Kóreu sem
eru með lesblindu?
Veit hann ekkert um þessi lönd?

Stinger segir jafnframt að menntakerfið hvetji til slælegs árangurs í lestri og skrift, m.a. með því að veita slíkum nemendum meiri tíma í prófum en öðrum nemendum. Þá segist hann ekki geta sætt sig við að samfélagið líti á ólæsi sem eðlilegan hlut.

Það er eins og ég taldi maðurinn er ekki með á öllum.
Hver sættir sig við ólæsi,engin.
það er bara eigi svo langt síðan var farið að taka á þessum
málum,  þeir sem ekki gátu lesið voru bara tossar, en sem
betur fer þá er komin skilningur fyrir þessu núna, en samt
eigum við langt í land.

„Ég veit ekki um aðra en ég vil að læknar mínir og verkfræðingar, kennarar, tannlæknar og lögreglumenn, ef út í það er farið, geti lesið og skrifað," segir hann

Þarna fer hann nú alveg með það þessi spjátrungur, það
kæmist enginn svo langt í skóla sem að verða tannlæknar,
kennarar, verkfræðingar eða lögreglumenn nema að kunna að
lesa og skrifa.
Er það ekki annars rétt hjá mér???

Segir lesblindu afsökun menntakerfisins

Þjóðsögur og munnmælasögur.

Hér fyrr á öldum, var ævilega haldinn upplestur á kvöldum.
stundum úr þeim bókum sem til voru eða það voru sagðar
munnmælasögur, það er sögur sem gengu á milli manna og
urðu sumar hverjar af þjóðsögum.
Feitasti bitinn þótti vera er förufólkið bar að garði, dvaldi það
þá iðulega dá-nokkra daga og sagði sögur sem það hafði lapið
upp á hinum ýmsu bæjum.
Voru þær að sjálfsögðu ýktar mjög og eftir því sem förufólkið var
trúverðugt í sínum ýkjum fékk það að vera lengur, eins ef það
hafði skemmtilega frásagnargáfu.

Til dæmis þær sögur og vísur sem ég hef verið að færa ykkur úr
Íslenskri fyndni, má örugglega mínusa um helming, en fjandi
eru þær skemmtilegar.


Í gærkveldi er ég var að fara að sofa, glaðvaknaði ég við þá hugsun
hvernig ætli framtíðar förusögurnar verði?
Jú þótt trúlega við aldrei förum aftur til þeirra fortíðar að í torfbæjum
búa þá verða förusögurnar ætíð til.

Þær verða nú örugglega færðar í skemmtilegar sögur af þeim sem
gaman hafa af að segja til.

Við vitum nú líklegast hvernig þær verða, jú, um fjárglæframenn,
útrásarsnillinga, bankamenn, stjórnmálamenn/konur, Gala og
glimmer, hástéttir og annað það hyski sem nú hefur komið þjóðinni
á kaldann klakann.
Og það verður lágstéttin sem segir frá að vanda, í gegnum aldir.

Það verður gaman fyrir barnabarnabörnin okkar að hlusta á þennan
ósóma, ef landið verður þá búið að rétta úr kútnum við skulum athuga
það að hástéttinni gæti bara fundist svo flott að trjóna enn hærra en
það gerir í dag að það haldi bara þessum aðstæðum, en hjálpi mér
nú er víst minn hugsunarháttur komin aftur í fornöld.

Eigið góðan dag kæru vinir
Milla.

Fyrir svefninn

   Enn einu sinni kem ég með smá úr
   bók Jóns Árnasonar Draugasögur.

              Veggjaútburðurinn.

Maður var á reið á ásunum hjáSíðumúla í Hvítársíðu.
Hann vissi ekki fyrri til en útburður kom að honum og
segir:
             ,,Veggja- Sleggja heiti ég;
             á migGeir ogGunna;
             á bak mun ég fara
             og bráðla ríða ."kunna

Hljóp hann þá upp á lendina á hestinum og sligaði
hann.
Þessa vísu er og sagt að útburður hafikveðið; en ekki
vita menn, hve drög til hennar liggja:

            ,,Er égskjóttur eins og valur,
                  undirförull eins og kjói;
            Föðurland mitt er Flókadalur,
                  fæddur er ég á Mói."

      ,,Þú átt eftir að bíta úr nálinni."

Galdramaður er nefndur, sem Finnur hét; hann var svo
forn og illur í skapi, að allir voru hræddir við hann. Þegar
hann dó, vildi engin, hvorki karl eða kona, verða til þess
að líkklæða hann og sauma utan um hann.
Þá varð kvenmaður einn til þess að reyna það; komst
hún ekki nema hálfa leið og varð svo vitstola.
Þá gaf önnur sig til, og gaf hún sig ekki að því, hvernig
líkið lét. Þegar hún var nærri búin, sagði Finnur:
,, Þú átt eftir að bíta úr nálinni". Hún svaraði:
,, Ég ætlaði að slíta, en ekki bíta, bölvaður".
Sleit hún síðan nálina frá, braut hana í sundur og stakk
brotunum í iljar líkinu. Er þess ekki getið, að hann gjörði
neinum mein framar.

Góða nótt

Á þessum tíma dags, verum vakandi.

Ég er nú ein af þeim sem hef ekið barnabörnum til skóla
snemma á morgnanna og verð ég að segja að þessar elskur
eru svolítið utan við sig svona nývöknuð og þess vegna tel ég
að það sé hlutverk okkar að fara afar gætilega og huga vel að litlu
ungviðunum okkar.
Því háttar þannig til hjá okkur að aðkoman að skólanum er afar opin
björt og aðgengileg bæði bílum og börnunum og svo er lögreglan á
vakt við skólann á hverjum morgni og það hefur kennt þeim sem
eru ævilega að flýta sér að hægja smá á.
Einnig er það þannig að við ökum upp að hleypum börnunum út og
þeir bílar sem á eftir eru bíða engin er með framúrakstur á þessari
hringkeyrslu því við tökum tillit.

Sá því miður svolítið annað við einn skóla sunna heiða sem ég ók barni í
smá tíma og er ég undrandi á því eigingjarna ökulagi sem þar átti sér stað.

Verum með augun opin fyrir litlu ungviðunum okkar,
hugsum ekki bara um okkur sjálf.

Gleði í daginn
Milla

Ekið á barn við Hólabrekkuskóla

Fyrir svefninn.

Já það er umhugsunarefni, Hvað? jú þetta ástand í landinu.
flest fólk básúnast, reiðist, úthúðar á allan handa máta öllum
þeim sem heita eitthvað í þessu landi, þar hef ég eigi verið nein
undantekning og þó.
Ég vill breytingar, nýtt blóð, réttlæti, sannleika og guð má vita hvað,
ég er meðfylgjandi mótmælum, en ekki skemmdarverkum því þá erum
við eigi betri en þeir sem eru búnir að rýja okkur inn að skinni.

Sannleika, hann fáum við aldrei, réttlæti vonlaust, þeir geta ekki upplýst
okkur í þessum efnum því allir eru þeir innviklaðir í sorann.
Og við megum þakka fyrir ef þeir ná að bjarga málum svo fyrir horn
að það fari ekki bara allt á hausinn.

Nýtt blóð í stjórn þessa fagra lands, já það er undir okkur komið,
en við fáum engu áorkað með reiðinni.
Notum áræðnina í okkur til framfylgni við það sem við viljum, því
reiðin gerið ekkert nema illt og ef okkur lýður illa og erum reið þá
gerum við eigi neitt af viti.

Svo skulum við huga að því að þótt við meðal ljónin höfum ekki haft vit á því
hvað var að gerast og eigi leitt hugann að því í einfeldni okkar.
Þá berum við svolitla ábyrgð, við létum blekkjast af gylliboðum bankanna.

Eitt er víst að í dag herða bara bankarnir ólina þeir hlífa okkur ekki
þó vextirnir hafi hækkað lánin um helming eða meira.

Nú er það búið að vera og við þurfum að huga vel að okkar málum
gerum það og gerum það með reisn, fyrir okkur og okkar fólk
engan annan.

Góða nótt kæru vinir

Þetta gengur ekki.

            Öryggi fæðandi kvenna stefnt í hættu.

Stjórn Hjúkrunar- og ljósmæðraráðs Heilbrigðisstofnunar Suðurlands telur breytingar á skipulagi og niðurskurður á þjónustu á HSu stefna öryggi fæðandi kvenna og annarra íbúa svæðisins í hættu. Þetta kemur fram í ályktun stjórnarinnar
„Ráðið harmar þann niðurskurð sem stofnunin stendur frammi fyrir og þá skerðingu á þjónustu Heilbrigðisstofnunarinnar sem íbúar á þjónustusvæði hennar þurfa óhjákvæmilega að horfast í augu við. Telur stjórn Hjúkrunar- og ljósmæðraráðs HSu að með því að leggja niður vaktþjónustu á skurðdeild HSu sé öryggi fæðandi kvenna og annarra íbúa svæðisins hér stefnt í hættu. Öllum er ljóst sú mikla slysagildra sem Suðurlandsvegar er og tíðari ferðir fólks til að leita sér læknis- og fæðingarþjónustu í Reykjavík felur óneitanlega í sér aukna hættu auk þess sem hluti hans er fjallvegur, þar sem allra veðra er von og færð oft slæm eða með öllu ófært," segir í ályktun stjórnar
ráðsins.

Tek undir þetta heilshugar og verður þetta sama sagan
um land allt, nema á stór-Reykjavíkursvæðinu.
Ég bý á Húsavík og allar konur eru sendar héðan til
Akureyrar í fæðingu. hér er nú samt opin skurðstofa, en
líklegast má ekki kalla út fólk eftir klukkan þrjú á daginn.
En hugsið ykkur konu í barnsnauð sem býr á Þórshöfn
á Langanesi, henni er púttað í sjúkrabíl og ekið til
Akureyrar. Yfir vetrartímann í vondu veðri tekur þetta
um það bil 5 tíma, minnir mig það leiðréttir mig einhver
ef þetta er eigi rétt.
Það er að segja ef það er fært.
Og hvað með aðra þá sem þurfa bráðameðferð?

Stjórn ráðsins segist skilja að spara þurfi í heilbrigðisgeiranum en það sé hins vegar algjörlega óásættanleg ráðstöfun að svipta HSu getu til að halda úti fæðingarþjónustu með vanhugsuðum og skammsýnum sparnaðaráformum. „[U]ndrast ráðið hversu hljóðir þingmenn kjördæmisins hafi verið um þetta mál og lítið beitt sér til að stöðva þessa aðför að heilbrigðisþjónustu svæðisins."

Ég veit og skil og hef séð að það þarf að taka til í geiranum,
en það má eigi gerast á þennan hátt.
Það vantar hæft fólk til að halda utan um þennan geira
og það er ekki auðvelt, það veit ég en smærri einingar innan
sjúkrahúsanna mundu kannski gera gæfumuninn.

Þingmenn halda bara kjafti því það er búið að segja þeim það.
Og þá hlýða þeir eins og góðum peðum sæmir, þeir eru nú bara
peð eins og við, en munurinn á þeim og okkur er sá að við þorum.

Öryggi fæðandi kvenna stefnt í hættu

Fyrir svefninn.

             Helltu út úr einum kút.

Einhvern tíma voru tveir kunningjar, annar ungur, en hinn
aldurhniginn; er svo sagt, að hann væri ölkær, og hafi hinn
yngri lofað honum í veizlu sína. En áður en hún yrði haldin,
dó hinn gamli maður. Var hann grafinn á hinum sama kirkjustað
og hinn kvæntist, og var veislan haldin á Kirkjustaðnum.
Um nóttina dreymdi brúðgumann, að vinur sinn kæmi til sín
og kvað:

            ,, Helltu út úr einum kút
               ofan í gröf mér búna;
               beinin mín í brennivín
               bráðlega langar núna."

 

Hann fór á fætur og hellti úr fjögra potta kút yfir leiði vinar síns
og dreymdi hann eigi framar.

Góða nótt kæru vinir og sofið rótt.

Þetta gengur nú bara ekki.

Klukkan er að verða þrjú og ég búin að vera að væflast síðan
ég vaknaði eitthvað um hádegið. Drattaðist aðeins í tölvuna
er ég vaknaði síðan kallaði einhver engill; " KAFFI"!!! Ég í það.
síðan í bað hlustaði með öðru á Egil, eða réttar sagt þá sem
þar komu fram leist nú bara nokkuð vel á þetta með
Breiðfylkinguna fram til sigurs og mun styðja hana blákalt.
Hörður Torfa er nú bara snillingurinn það verður aldrei af honum
skafið.

Áður en Egill byrjaði hlustaði ég reyndar bara aðeins á restina
af viðtalinu  við konu, Sendiherra Ísrael og var hún nú ekki á því
að á kæmist friður, sko sem slíkur, en væri gott ef það væri hægt
að koma því þannig fyrir í framtíðinni að saklausir borgarar yrðu
ekki fyrir árásum, en ég túlkaði hennar augnaráð þannig að hún
meinti ekkert með þessu.
Þeir búa bara til einhverjar ástæður til að freta allt niður sem
nærri þeim er.
 Og þar á ég við allan þann heim sem í styrjöld er.

Ógnar manni eigi ástandið? Nú meina ég hér heima.
Sko ég er ætíð að komast að því betur og betur að þeir sem yfir
landi voru eiga að heita ráðamenn, telja okkur þegnana svo
vitgranna að þeir geti matað mann á hverju sem er.
Þeir þykjast vera að spara þarna og hagræða á hinum staðnum,
en er upp er staðið þá kostar þetta fjandans brambolt ennþá
meiri peninga.

Segja ykkur eina góða um skuldara sem taldi skuldhafann svo
heimskan að er skuldhafinn bauð honum að fara í bankann og
skuldbreyta, vegna þess að hann var komin í vanskil, og borga
minna á mánuði. ( Þetta var einkabréf)
Þá sagði skuldarinn: ,, Nei það er ekki hægt ég er búin að fara í
bankann,útibústjórinn neitar að skuldbreyta nema ég hafi veð.
Hafið þið á æfi ykkar heyrt annað eins, það er á skuldhafans
ábyrgð hvort hann fer fram á veð eða ábyrgðarmenn hjá
skuldara, en svona er þetta hjá ráðamönnum þeir halda að þeir
geti matað okkur á öllu og við eigum að trúa . Nei og aftur nei.

Fyrir svefninn.

                 Brúsahaugur.

Brúsahaugur er hjá Brúsastöðum í Vatnsdal.
Þar fór einu sinni maður að grafa í, og þegar hann hafði
grafið einn dag, dreymdi hann um nóttina, að maður kom
að honum, mikill og illilegur, og bað hann hætta að rjúfa
hauginn, ella skyldi hann verra af hafa.
Um morguninn vaknaði maðurinn og mundi drauminn, en
gaf sig ekki að því og fór að brjóta hauginn. Nóttina eftir
dreymdi hann sama mann og áður og var þá miklu ógurlegri
en fyrr og hótaði honum öllu illu, ef hann hætti nú ekki við
hauginn. En maðurinn fór hinn þriðja dag til haugsins og
hirti ekki um drauminn heldur en fyrr.
Var þá moldin fallin niður í gryfjuna, og svo hafði líka verið
hinn fyrra lag. Gróf hann þá allan daginn til kvölds, og var
þá komið að viðum. Hætti hann þá við, því nótt var komin.
En um nóttina vaknaði fólkið á bænum við það, að maðurinn
ætlaði að hengjast og var dregin ofan úr rúminu og varð
ekki vakinn fyrr en hann var kominn út.
Eftir þetta hætti maðurinn við að rjúfa hauginn,
og hefir enginn reynt það síðan. en austan við Brúsahaug
sjást enn í dag mannvirki.

                  *********************

Já þeir eru viða hólarnir, haugarnir og Þúfurnar.
sem ber að varast og bera virðingu fyrir.

Okkur Gísla var boðið í mat til Millu og Ingimars í kvöld að vanda
var æðislegur matur. Steikt læri, grænmeti gljáð á pönnu með
mexicana osti, kartöflur og æðisleg sósa með, þetta var himneskt.
Ljósálfurinn minn hjálpaði til, hún hefur eldamennsku í genunum og
er það nú ekkert skrítið. litla ljósið skoppaðist að vanda.
Nú það var frekar leiðinlegt veður er við fórum en ég labbaði næstum
þurrum fótum inn er við komum,tveim tímum seinna mátti moka og moka
svo ég á hækjunni kæmist út í bíl, ekki tók nú betra við hér heima við hús
það var kominn þessi líka myndarlegi skaflinn og varð Gísli minn að moka
frá til að koma bílnum upp á bílaplanið og koma mér inn það tok nú ekki
nema smá tíma því þessi elska heldur að hann sé bara tvítugur og mokar
eins og slíkur.
Nú hann er að spá miklum kulda og bara leiðindaskít hér norðan heiða
næstu daga svo ég hugsa að ég fari ekki mikið út á næstunni.

Hér koma nokkur gullkorn frá henni Ósk.

Í D.V. var sagt frá því að vændi væri
stundað hér á landi og hefðu sumar
konur góð laun í þessu starfi.

Auðlind mína illa ræki
aulabárðum lík.
Ég sit á mínu sómatæki
seint verð af því rík.

Þegar Friðrik Steingrímsson heyrði
þetta taldi hann mig vera orðna of
seina, "Komna á síðasta söludag".
Svo ég svaraði.

Hvað veist þú um kraft og lag
i hvílubrögðum mínum.
Þú greinir ei síðasta söludag
á seiðandi gömlum vínum.

Hann svaraði að '50 hefði
kannski verið í lagi. Mér fannst
hann enn vera að misskilja
svo ég sagði.

Mína árgerð má ég letra
margir þrá og viljaða.
Þeim mun eldra, þeim mun betra
þú mátt fara að skiljaða.

Góða nótt

Hafnfirðingar standið ykkur!

Ég fylltist stolti er ég þessa mynd augum leit.
Hafnfirðingar ætla að standa á sínu.

Húsfyllir er nú á borgarafundi í íþróttahúsinu við Strandgötu í Hafnarfirði, sem hófst fyrir stundu. Yfirskrift fundarins er „Stöndum vörð um starfsemi St. Jósefsspítala og framtíð heilbrigðisþjónustu í Hafnarfirði," en sú ákvörðun heilbrigðisyfirvalda að hætta starfsemi St. Jósefsspítala í núverandi mynd hefur vakið hörð viðbrögð bæjarbúa.

Gunnhildur Sigurðardóttir hjúkrunarfræðingur setti fundinn sem hófst kl. 14. en meðal framsögumanna eru Guðlaugur Þór Þórðarson heilbrigðisráðherra, Lúðvík Geirsson bæjarstjóri og Almar Grímsson bæjarfulltrúi. Þá taka einnig til máls Ragnhildur Jóhannsdóttir hjúkrunarfræðingur, Almar Grímsson bæjarfulltrú og Kristín Gunnbjörnsdóttir formaður Bandalags kvenna í Hafnarfirði. Að loknum framsögum verður mælendaskrá opnuð.

Fundurinn er haldinn að frumkvæði áhugamannahóps um framtíð St. Jósefsspítala. Bæjarbúar voru hvattir til að fjölmenna og virðast hafatekið þeirri bón vel miðað við þéttsetinn bekkinn.

Ég sem er alfarið á móti þessum tilfæringum, svo ég
tali nú ekki um ef á nú að einkavæða allan heilbrigðis geirann.
Fari það nú í kalda kol sú ákvörðun sem er að sjálfsögðu undir rós
enn um stundir.
Vona bara að þessi mótmæli fari inn fyrir skinnið á þessum háu herrum
sem þykjast allt vita betur en aðrir.

Gangi okkur öllum vel í þessari baráttu og það þurfa allir að taka þátt.

 

Fullur salur í Hafnarfirði

Hádegisröfl.

Ég er nú farin að skilja þá sem hafa hrósað því að fá að
sofa út og vera latir, þetta er nú eigi að verða neitt eðlilegt,
maður vaknar eldsnemma að vanda fær sér hressingu og
meðulin, hér fyrir jól fór maður svo rakleitt í tölvuverið og
bloggaði smá og leitaði eftir nýjum fréttum, en núna skríður
maður bara aftur upp í sitt notalega rúm og steinrotast um leið.

Og viti menn maður vaknar svona undir hádegi og teygir úr sér
og hugsar, ég nenni nú ekki á fætur, enda til hvers? brjálað veður
og svo notalegt að kúra undir sinni yndislegu dúnsæng með Neró
til fóta. Gísli var reyndar farin úr rúminu og ég heyrði í honum á baðinu.
Dormaði eitthvað, allt í einu heyri ég í sjónvarpinu og látið ekki líða yfir
ykkur, það var Leiðarljós þeir voru að endursýna Leiðarljós þessa líka
velluna hélt að það ætti að vera frekar eitthvað barnaefni, nei klukkan
var víst orðin 11 og þá er víst barnaefnið búið.
Minn maður var fljótur að slökkva á sjónvarpinu.

Drattaðist framúr í sjæningu smá ab mjólk og svo var sett í heilsubrauð
gat nú ekki verið án þess öllu lengur, en fjandi tók það á þótt alla hjálp ég
fengi sem Gísli minn gat veitt mér, en ég verð ætíð að elta deigið, en það
geri ég með hendinni ofan í hnoðskálinni það er betra að nota Höndina
heldur en sleif, kannski er ég bara svona gamaldags.
Núna er það í ofninum Gísli fór að ná í blaðið og fá sér smá yfirlit yfir bæinn.

En ég var að tala um sjónvarpið, hef nú aldrei verið mikið fyrir það, en
góðir voru þeir að skella á nefskattinum, nú geta þeir bara haft þetta
eins og þeir vilja við þurfum hvort eð er að borga þó aldrei horfum.

Gísli minn var að renna í hlað og Veðurguðinn er  að koma með arfa vitlaust
veður, svo best bara að hella sér á könnuna og fá sér eitthvað sem á að
heita hádegissnarl með og horfa síðan á eina góða á DVD.

Eigið góðan dag í dag
Milla.

Er þetta nú bara eðlilegt?

Þetta er leiðinda væll, eða þannig. Sko síðan fyrir jól
er ég búin að vera á hækjunni, allt í lagi með það, er
öllu vön, en núna er ég öll að koma til þó ekki alveg
búin að sleppa viðhaldinu og fer ekki í búðina eða bara
nokkurn skapaðan hlut, Gísli minn sér um þetta allt
nema ég þurrkaði og pússaði svolítiðí stofunni og
svona út um allt í gær.
varð nú aðeins að snurfusa þið vitið hvernig allt er eftir jólin.

Núna er elskan mín búin að fara 3 ferðir niður í búð því
ég man alltaf eftir einhverju sem mig vantar og gleymdi
að skrifa á miðann.
Við ætlum nefnilega að hjálpast að gera heilsusúpu í kvöld
það hlýtur að hafast. Ég veit að ég hlýt að vera afar erfið,
og kannski er þessi elska bara fegin að komast út þó það
séu 3 ferðir í sömu búðina, hann er nú bara búin að róbóta
allt húsið og skúra yfir skipta um mottur og í gær var búið
að skipta á rúmunum þvo allt tau og undirbúa að það væri
hægt að taka gólfin það eru sko seríuóníur í minni.

Litla ljósið kom í heimsókn áðan og erum við búin að drekka
kaffi saman síðan horfði hún á  það leiðinlegasta ever sem
ég veit um Mr. BEAN.þá kem ég að kjarna málsins að ég
hefði sko eigi sinnt tölvunni minni sem skyldi þessa daga
sem ég hef verið sem verst á hækjunni eða eigum við að kalla
þetta sjálfsvorkunnarferli? Mér hættir til að kalla svona ástand
því nafni því iðulega hefur það hvarfað að mér að af stórum hluta
viðhöldum við ástandinu með hugsun, Já en um hvað?
Jú því sem angrar hvern og einn í það og það skiptið, en að
sjálfsögðu á þetta ekki við um alla eins og þið skiljið.

Sum okkar vita að það er bara ekkert hægt að gera og vilja ekki
sjá þá leið, en aðrir átta sig á því að maður getur gert heilmikið
sjálfur og sem betur fer hef ég nú haft þá vitneskju oftast er mín
veikindi hafa komið upp á sem eru nú ekki alvarleg þó þau hefti
mig á stundum.
En endilega munið að ævilega er hægt að gera heilmikið sjálfur.

Og lokksins er ég ákvað að ég ætlaði að sinna hugðarefninu mínu
tölvunni smá, þá elskurnar mínar fyrirgefið að ég skuli nota þann
tíma til að röfla.
En maður verður einnig að gera það.

Ljós og kærleik til ykkar allra
Milla.

Fyrir svefninn.

Áfram með smá draugalegar þjóðsögur.
Þessi er úr þjóðsögum Jóns Árnasonar.

                            Þúfan.

Á kotbæ einum vestur í Staðarsveit skammt frá Búðum er
fólgið fé í þúfu einni í túninu.
Þúfuna má ekki slá; því ef svo er gjört, stendur þar ólán af.
Kaupmaður einn á Búðum heyrð'i þetta og vildi reyna, hvað
satt væri um þúfuna. Einn góðan veðurdag fer hann til bæjarins
og hafði með sér nokkra menn.
Ætlaði hann að grafa upp þúfuna, og var hann þó beðinn að
gera það ekki. Stakk hann þá sjálfur upp þrjá hnausa, því
enginn vildi gjöra það, en hann hélt að sér mundi ekki verða
slíkt að meini. En í sama bili líður yfir kaupmann, og lá hann
stutta stund í óviti. Þegar hann rankaði við, stakk hann en
upp nokkra hnausa. Fór það á sömu leið, að yfir hann leið,
og lá hann mun lengur í  öngvitinu en hið fyrra sinn.
Ekki lét hann þetta á sig bíta, og hvað sem hver sagði,
fór hann enn til í þriðja sinn. Var þá liðið á dag. En þegar
hann var búin að stinga upp þrjá hnausa enn, féll hann í
þriðja sinn í öngvit og var það miklu ógurlegast.
Var hann borinn heim eins og dauður og rankaði eigi við
fyrr en morguninn eftir. Vildi hann þá eigi reyna framar
á þetta, enda voru þá allir fúsastir á að hætta og voru
hnausarnirlagðir niður, og hefur enginn hreyft við hrúgunni
síðan.

     ***********************

Um ljóð  Roberts Creeley

Fólk hnýtur
um óttann
við að falla. Ekki

Gleyma að hafa augun
opin
alltaf og

ganga
áfram. Haltu fast
í vonina um grun

um ilminn af
blómi handan
sandanna ---

Árni Ibsen.

Góða nótt kæru vinir

Fyrir svefninn.

Í gærkveldi fór ég upp í rúm um 10 leitið, var ekki búin að hátta mig,
en komin í náttbolinn, dauðþreytt á að geta ekki sofið heila nótt án
þess að vakna oft yfir nóttina  fyrir verkjum.
Fór að huga að yndislegum spilum sem ein góð vinkona mín gaf mér,
Var búin að skoða þau og lesa og dáðist ætíð meirr og meir af
fegurð þessara spila, leið ótrúlega vel og mér fannst ég vera verkjalaus

lagði spilin frá mér og ætlaði svo að fara fram úr og hátta mig, en viti menn

vissi ekki af mér fyrr en ég vaknaði í öllum fötunum í morgunn, var þá
enn þá svo þreytt að ég bar Gísla að ná mér í hjartameðölin, sofnaði aftur
og svaf til 10, fyrsta nóttin síðan fyrir jól sem ég sef svona vel.
Nú hef ég trú á því að þetta sé að koma, kannski losna ég við hækjuna
innan tíðar.

Var að segja frá því í gærkveldi er ég var að passa bræður mína og
sumum fannst ég hafa verið huguð eða dugleg.
Er ég var 10 ára þá er árið 1952 svo þið sjáið það var eigi mikið að
óttast á þeim tíma þó þetta hafi nú verið smá draugalegt.
Það voru líka bússtaðir allt í kring og í þeim fólk sem ég þekkti vel.
Svo var ég yfirleitt ekki hrædd við neitt

                    
Hver dagur.

Hver dagur
þér færi
gleði og gæfu
geislandi morgunsól.

Hver dagur
þér færi
farsæld og frið
fegurstu kvöldsól.

Úr ljóðabókinni ljóðblik, 1993
Kristjana Emilía Guðmundsdóttir.

Góða nótt kæru vinir

Fyrir svefninn

Ég hef líklegast verið um 11 ára, átti 3 yngri bræður,
Mamma og pabbi áttu sumarbústað við Elliðaárvatn og
einhverju sinni fóru mamma og pabbi af bæ, ég var að
passa bræður mína og hundurinn okkar hann Bambi
var hjá okkur, hann var Scheffer hundur alveg yndislegur.

Nú þeir voru sofnaðir bræður mínir, þetta var seinniparts
sumars svo það var komið myrkur en við vorum með rosa
flottan Alladín olíulampa sem logaði glatt á.

Allt í einu byrjaði Bambi að verða órólegur og stuttu síðar
heyrði ég svona högg utan í veggin sem sneri fram. Anddyrið
var býslag fyrir miðju húsinu og myndaðist svolítið skot sitt hvoru
megin við það, þaðan kom hljóðið.

Það ágerðist og Bambi varð órólegri og byrjaði að gelta, bræður
mínir vöknuðu og allt varð hringlandi vitlaust.
Eftir smá tíma hætti hljóðið og bambi hljóp um allt hús og kíkti út
um gluggana, kom til baka lagðist niður sallarólegur, við líka.

Þegar mamma og pabbi komu heim tjáði ég þeim þessa hræðilegu
draugasögu, en þau hlógu bara og knúsuðu mig, mamma sagði, er
við pabbi þinn komum heim var hestur inn á lóðinni, hann er komin
útfyrir núna svo ég fór bara róleg að sofa með Bamba mér við hlið.

Með öllu sem þú átt.

Ég fleygði steini í ljótan
vegg. Veggurinn brosti.
Ég fleygði steininum aftur og
fastar.
Næst kastaði ég steininum
af öllu afli með öllu
sem ég átti.
Þá hrundi veggurinn og
ég sá sólina og víðáttumikil
engi.

                        Ásgeir Hvítaskáld.

Góða nótt kæru vinir

 

Hugleiðingar mínar fyrri part dags.

Vertakar sem hafa verið að vinna að uppbyggingu tónlistarhús
í Reykjavík undanfarna mánuði hafa lagt niður vinni, hafa eigi
fengið greitt í 3 mánuði. Skondið því ef við mundum eigi borga
okkar skuldir þá væri sótt að okkur, eða er það ekki.
Eitt er á tæru þó að dýrt sé að byggja þetta hús þá liggur
ýmislegt undir skemmdum þarna ef hætt verður nú.
Það þarf allavega að byrgja brunninn áður en barnið dettur í hann.

                        ***********************

Kaupþing búið að taka ákvörðun um að hefja málsókn á Breta,
Mikið var, eigi var tíminn orðin langur til stefnunnar, við skulum
vona að þeir klúðri þessu ekki.
Við bíðum bara róleg.

                       ***********************

Ný lög um matvæli og þá þar með má fara að flytja inn hrátt kjöt
og annan varning frá útlandinu.
Höfum við efni á því núna á síðustu og verstu tímum að grafa
undan vorum bændum?
Allavega mun ég kaupa Íslenskt.

                     *************************

Fullt umboð til að verja auðlindir þessa lands, hvað er í gangi,
er ég að heyra rétt?
Hvaða auðlindir ætla þeir að verja kannski það sem þeir telja
sínar eigin eða jafnvel komið þeim undir sína vini

                 ***************************

Spyr sá sem ekkert veit, en verð stundum svolítið undrandi.

Eigið góðan dag í dag
Milla.

Trúið þið á draugasögur?

ÞAÐ GERI ÉG.

Fagrihóll.

Ekki alllangt frá Stykkishólmi er hóll sá, er kallaður er
Fagurhóll.
Í honum er sagt, að grafin séu auðæfi hins forna
Helgafellsklausturs.
Einu sinni var reynt að grafa í hólinn, og þegar
graftarmennirnir voru komnir býsna djúpt, sýndist
þeim Helgafellskirkja standa í björtu báli.
Hlupu þeir þangað til að slökkva eldinn.
Síðan var byrjað að grafa í annað sinn.
Þótti þeim þá sem vopnaðir menn kæmu upp úr jörðinni
og ógna sér dauða, ef þeir hættu ekki að grafa.
Eftir það fengust ekki innlendir menn framar til að grafa
í hólinn, svo þá voru fengnir til þess Danir, en sú tilraun
var árangurslaus.

Draugasögur .
Jón Árnason.

*************

Vonin

Veistu
að vonin er til
hún vex
inn í dimmu gili
og eigir þú leið
þar um
þá leitaðu í urðinni
leitaðu á syllunum
og sjáðu
hvar þau sitja
lítil og veikbyggð
vetrarblómin
lítil og veikbyggð eins og vonin.

                  Þuríður Guðmundsdóttir.

*******************************

Ég trúi á draugasögur sem eru í raun engar
draugasögur í mínum huga, trúi einnig á vonina,
en þú verður að láta vita um þá von sem þú býður eftir.
Ekki bíða lengur láttu vita.
Milla.

Góða nótt.

Mánudags, ég veit eigi hvað.

Eftir hálfsvefnlausa nótt fór ég fram um sex leitið og fékk
mér morgunmat og var svo þreytt að ég skreið upp í rúm
aftur, svaf til tíu sofnaði aftur og svaf til ellefu, þetta er sko
eigi líkt mér, Ó NEI.
Var svolítið lengi að koma mér í sturtu og bara að sjæna mig
yfirleitt, en það hafðist og þá beið Gísli minn með kaffi og ristað.

Þær hringdu úr þjálfuninni í morgun og Gísli sagði að ég ætti að
mæta klukkan átta í fyrramálið og er ég mjög glöð með það, þá
fer þetta vonandi að ganga svo að ég geti sleppt elsku hækjunni
minni. Elsku hækjan mín er bæði hækja í orðsins fyllstu og svo
Gísli minn sem ég get vart verið án þegar ég fer svona illa,
Dóra mín og englarnir hafa einnig hjálpað til hér yfir jólin.
og ekki má gleyma Millu minni og Ingimar.

Þið vitið samt alveg þau ykkar sem eruð með giktarelskuna að
það er eigi auðvelt fyrir okkur að þurfa hjálp bókstaflega við
allt, nema ég hef nú ennþá spjarað mig á klósettið, í sturtuna,
sit á klósettinu til að blása hárið, sit við að mála mig, get borðað
hjálparlaust, talað að vild og knúsað og kjassað, "Gísla?" Nei nei,
Barnabörnin, en hann Gísli minn hefur nú þurft að sitja á hakanum.
Hakinn er svo sem ágætur, það verður bara betra er honum verður
boðið að standa upp af honum

Svo kæru vinir þið lesið að ég hef eigi yfir neinu að kvarta, enda ætíð
sag að ég væri  heppnasta konan á jörðinni.

Eigið góðan dag í dag.

Milla

Fyrir svefninn.

Það er búið að vera óhugnanlega rólegt hér í dag.
Við sváfum til 11 dauðþreytt eftir að vera búin að stumra
yfir Neró litla veikum, hann sofnaði lokksins á milli okkar til fóta,
reyndar frekar nær afa sínum því hann veit að ég sparka frá
mér ef hann vogar sér að ýta í mig, skal segja ykkur að ég vill
sko hafa mitt pláss fyrir mig og ekkert múður með það.

Hér hefur engin komið allir í ofsaleti eftir jólin og við líka.
Borðuðum gljáðan fisk í kvöld með lauk og hinu og þessu
grænmeti, það var bara æði.

Verð að koma með þessa aftur, en hún er bara tær snilld.

Einu sinni þurfti ég nauðsynlega að ná
í mann en gekk það mjög illa, var
margbúin að hringja, biðja fyrir
skilaboð en ekkert gekk þó liðnir væru
einhverjir klukkutímar. Mér fór að
leiðast þófið og sendi þetta á faxinu
og það virkaði.

Mér finnst það andskotans helvíti hart
ef hunsar þú útgerðarfrúnna.
Nú kem ég og hengi þinn heilaga part
ef hringir þú seinna en núna.

Þessi er að sjálfsögðu eftir hana Ósk.

Góða nótt