Til hamingju Suðurnesjamenn.

//

Norðurál á í viðræðum við fimm evrópska banka um fjármögnun álversbyggingar í Helguvík. Ágúst F. Hafberg, framkvæmdastjóri viðskiptaþróunar og samskipta Norðuráls, vonar að þeim viðræðum og eins viðræðum orkufyrirtækja um fjármögnun ljúki á næstu mánuðum. Hann segir að töf á fjármögnun vegna bankahrunsins seinki framkvæmdinni um 6-12 mánuði. Nú er stefnt að því að gangsetja fyrsta áfanga álversins í Helguvík eftir mitt ár 2011.

Maður verður að óska suðurnesjamönnum til hamingju með
þessa framkvæmd, ekki er það fólkinu þar að kenna að við
hér norðan heiða fáum ekki álver alveg á næstunni það er
heldur ekki fólkinu að kenna að stjórnmálamenn þessa lands
eru ekki að standa sig sem skildi.
Þeir munu bara súpa seiðið af því síðar.

Þekki vel atvinnusöguna á suðurnesjum og þetta Álver þurfti
að koma eða eitthvað sambærilegt, því annars hefði allt farið í
kalda kol, og alveg sérstaklega nú eftir að allt féll.

Ég veit líka að Suðurnesjamenn hugsa vel til okkar, enda margir
að norðan komnir og ekki veitir af því hér er allt að sigla í strand.

Bara til hamingju fólk Suðurnesja.
Kveðjur frá Húsavík

Helguvík í gang 2011

Enn og aftur sannast það.

Aðalsteinn Baldursson, formaður Framsýna

„Mér hefur alltaf fundist að við sætum ekki við sama borð og þeir á Suðurnesjunum. Skilaboðin frá stjórnvöldum, og nú síðast framkvæmdastjóra Samfylkingarinnar, virðast vera þau að ekki sé vilji til þess að byggja upp atvinnu hér í Norðurþingi með sama krafti og á höfuðborgarsvæðinu," segir Aðalsteinn Baldursson formaður Framsýnar stéttarfélags í Norðurþingi.

Þér hefur alveg sýnst rétt besti maður.
Aldrei höfum við setið við sama borð og þeir fyrir sunnan.
Man ég svo gjörla eftir því er þetta var að gerast þá ung ég var
í henni Reykjavík að alast upp, þá sögðu sunnanmenn: ,, Æ þeir
geta nú bara þagað þarna úti á landi eða það ætti nú bara að
flytja þetta lið á mölina".

Össur Skarphéðinsson iðnaðarráðherra greinir frá því í grein í Fréttablaðinu í dag að hann hafi ákveðið að staðfesta fjárfestingasamning vegna allt að 360 þúsund tonna álveri í Helguvík. Samningurinn er sagður forsenda þess að mögulegt verði að fjármagna framkvæmdir í Helguvík, með lánum frá fimm erlendum bönkum.  Álverið mun fullbúið þurfa um 550 megavött af rafmagni.

Nokkurrar óvissu gætir nú um fyrirhugaðar álversframkvæmdir Alcoa á Bakka í Norðurþingi. Viljayfirlýsing um áframhald verkefnisins var ekki endurnýjuð í haust. Forsvarsmenn Alcoa hafa þó sagt að þeir hafi áfram áhuga á uppbyggingu álsvers á svæðinu.

Fjármögnun framkvæmdanna í Helguvík er ekki möguleg sem stendur vegna erfiðra aðstæðna á fjármálamörkuðum í heiminum. Fjármálastofnanir í heiminum halda að sér höndum og lána ekki fé nema í litlu mæli.

Skúli Helgason, framkvæmdastjóri Samfylkingarinnar, segir í grein á vefsíðu Samfylkingarinnar að álver í Helguvík eigi að vera síðasta álverið hér á landi, að minnsta kosti í bili. Einblína eigi á aðra þætti þegar hugað er að atvinnulífi. „Ég tel hins vegar að ríkisstjórnin eigi að lýsa því yfir að þetta verði síðasta álverið sem rís á Íslandi um fyrirsjáanlega framtíð og nú verði mótuð ný atvinnustefna með áherslu á nýsköpun, fjölbreytni í atvinnulífinu og jafnvægi milli atvinnugreina.  Stjórnvöld eiga að nýta umþóttunartímann sem nú gefst til að leita annarra og vistvænni kosta á sviði orkufreks  iðnaðar, t.d. á Norðurlandi þar sem mikil þörf er á atvinnuuppbyggingu," segir Skúli í grein sinni.

Sem sagt við getum enn þá bara etið skít og verið stillt,
Við eigum að bíða eftir að einhverjir sem verða skipaðir í
nefnd til að kanna umhverfisvæna kosti til handa okkur.
Ef við ekki sættum okkur við það, ja þá getum við bara
flutt í burtu. Það gerir fólk náttúrlega er það er búið að
missa allt sem það á, en sjáum til ætli við rísum ekki upp
og gerum eitthvað róttækt í málunum.

Aðalsteinn segir það vera einkennilega forgangsröðun að atvinnulíf á landsbyggðinni sé sett aftar í forgangsröðina en atvinnulíf á Suð-Vesturhorninu. „Það er vonandi að það verði hægt að skapa sem flest störf. En það eru vitaskuld vonbrigði að sjá það, skýrt og greinilega, að það er lítið að marka yfirlýsingar stjórnamálamanna er varðar atvinnuuppbyggingu á Norðurlandi. Margir hafa líst yfir stuðningi við álversuppbyggingu en alltaf hefur þó verið meira forgangsmál að bæta við álveri á atvinnusvæðinu á höfuðborgarsvæðinu. Stjórnmálamenn, sem með réttu ættu að vera í mikilli naflaskoðun vegna atburða síðustu mánaða, mega ekki gleyma því að þenslan í hagkerfinu hér var fyrst og fremst á höfuðborgarsvæðinu. Í Norðurþingi hefur verið kreppa í 10 til 15 ár líkt og víðar annars staðar. Þessar fyrstu vísbendingar um hvert á að stefna, þegar kemur að forgangsmálum í atvinnuuppbygginu, eru því miður ekki í takt við væntingar mínar," segir Aðalsteinn.

Væntingar þínar Aðalsteinn minn voru og eru einnig okkar
væntingar, en það hefur sannast að aldrei er hægt að treysta 
ráðamönnum þessa lands hversu málgóðir sem þeir eru.

Það var ansi gott hjá mætum manni hér um daginn sem sagði:
,, Við þurfum sérfróða menn til að vinna í þeim málum sem
sérþekkingu þurfa, en síðan þurfum við að velja fólk til stjórnar
sem þekkir mannlífið í landinu".
Þar er ég svo hjartanlega sammála.
Við höfum ekkert að gera við menn sem aldrei hafa komið upp fyrir
Ártúnsbrekkuna.

Berjumst fyrir rétti okkar sem er að allir hafi sama rétt, bæði til búsetu,
vinnu og að maður geti lifað af sínum launum.

Milla.

Ósáttur við forgangsröðina

Útsöluæði!

Já þeir sem hafa unnið í verslun vita hvað ég er að tala um
útsöluæðið er alveg sérstakt æði.
Fólk kemur og kaupir bókstaflega allt, " Af hverju?"
Jú það er svo ódýrt. Hafið þið heyrt þennan áður?
Það hef ég, en hef aldrei skilið þetta samt, en eigi að marka
mig ég er svo spes.

Hvernig skildi þetta verða núna þegar allar vörur voru komnar
á uppsprengt verð löngu fyrir jól, ekki er ég að meina að það hafi
verið kaupmönnum að kenna nei það var gjaldeyririnn sem var svo dýr.

Það sem ég er að reyna að koma orðum að er: ,, fólk er atvinnulaust,
það eru nýafstaðin jól, aldrei hafa fleiri þurft á aðstoð hjálparstofnanna
að halda og hvernig í fjandanum á þá fólk að hafa efni á að kaupa á útsölu
frekar en fyrir jólin, allavega hef ég eigi efni á því".

Eigið góðan dag í útsölunum.
Milla

Útsölur að hefjast

Fyrir svefninn.

Jæja gott fólk, þetta eru nú búin að vera meiru spillinga-jólin.
Hér hefur verið etið viðstöðulaust síðan 23/12 2008 og þarf
ég vart að taka það fram að allir kenna hinum um, en vitið, það
er bara ekki þannig.
Sko maður gerir í því að útbúa tækifæri til að borða og það ætíð
góðan mat fyrir utan tertur, smákökur, eftirrétti, sælgæti, osta,
kex og bara nefnið það.

Í kvöld var tekin ákvörðun eftir mikið pizzsuát sem voru heimalagaðar
með nautakjöti, lauk, sveppum, bernes og frönskum að nú skildi tekið
á því. Við mæðgur Dóra og ég fórum í lífstílsbreytingu á síðasta ári og
gekk það afar vel.
En eins og þið vitið þá er erfitt að halda svoleiðis yfir jól og þó ekki, ef
maður er nægilega stabill þá getur maður það.
Það gerðist bara ekki um þessi jól og er ég búin að vera afar undrandi yfir
flökurleika, magakveisuverkjum, hausverk og fleiri fylgikvillum með ofáti.
Eruð þið nokkuð undrandi? Nei auðvitað ekki.

Nú verður tekið á málum á nýjan leik.

Litla ljósið er ennþá hjá okkur og er Dóra frænka hennar að setja hana í
sturtu síðan þarf að lesa fyrir hana eina sögu svo sofnar hún eins og engill
þessi elska.

Dóra fer heim á morgun, en veit ekki með englana mína hvort þær geta
slitið sig frá ömmu sinni

Góða nótt kæru vinirMilla.

Hugleiðingar í byrjun dags.

Hugleiðingar í byrjun dags á vel við um hádegisbil, er það
ekki byrjun dags um þessar mundir?

Heiðursmerkin að vanda um áramót, allir brosandi út að eyrum
skjálfandi yfir þeim heiðri sem forsetinn sýnir þeim, aldrei skilið
þetta, ekki það að ég efist um að þetta fólk allt eigi heiðurinn skilið,
jú alveg örugglega.
Það eru bara svo margir sem eiga heiður skilið, fyrir svo margt og
mikið í gegnum tíðina, afi minn fékk til dæmis svona orðu, guð þetta
þótti mikill heiður, man nú ekki eftir því að hann hafi breyst eitthvað,
Hann fékk hana að ég held fyrir sína góðu vinnu að bankamálum
shittur, eins gott að það eru mörg ár síðan hann dó, ósóminn var
ekki byrjaður í þá daga allavega ekki í því formi sem hann er í dag,
Eða hvað veit ég um það?

                             **********************

Eitt skil ég bara ekki, það er að þessir krakkar sem eru svo reið að
rúðufjandarnir fá eigi að vera í friði fyrir þeim út um allan bæ.
Vita þau ekki að við þurfum að borga þetta á einn eða annan hátt
þá eru minni peningar í buddu foreldranna.

                             ***********************

Þjóðarátak til nýrra sóknar, hver fjárinn er það? Auðvitað
verðum við sótsvartur almúginn að  bjarga okkur út úr
þessum vanda eins og við höfum gert allt aftur í aldir,
Þurfum hvort sem er að borga brúsann, engin annar gerir það.
Við komum einnig til með að borga ferðalög forsetans á næstunni
úr á land, sko til að stappa í okkur stálinu, svei skítalikt,
Við getum sjálf stappað í okkur stálinu og stutt við bakið á hvort öðru.
Höfum gert það allar götur.

                              ***********************

Vonandi eigið þið góðan dag í dag
Milla

Fyrir svefninn.

Er bara orðlaus í dag svo ég sendi ykkur bara kvæði
eftir Bo Bergmann í þýðingu Magnúsar Ásgeirssonar.

            Liljan í Paradís

Í Skarfafirði, á Flandraraeyri,
við flónsku, drósir og skipalýð
og fleira, er bezt mun að fáir heyri,
bjó fiski-Lína á sinni tíð.

Hún lifði á jörðinni svona og svona,
við siðagæslunnar refsihrís.
En syndablómið, hin seka kona,
er samt orðin lilja í Paradís.

Því meira aldrei var syndin svarta
en sót á rúðu, er hún grét á brott.
En fyrir innan, í hennar hjarta,
var hreynt og fallegt og bjart og gott.

Það bjó þar smástelpa altaf inni,
sem aldrei gleymdist, hve ljúf það var
að vakna heima með sól í sinni,
er sængurkaffið hún mamma bar,

við kisu í búrinu og kýr í haga
og kvak í fuglum um tjörn og skóg,
til léttra stunda um langa daga
við leik í heyi og á berjamó.

Þótt saurgað allt væri og svívirt annað,
var sópað þar inni og prýtt sem fyr,
og bæði grönnum og gestum bannað,
að ganga um harðlæstar klefans dyr.

Þó henti, er myrkrið hvern geisla gleypti
og gamlar minningar brunnu á kinn,
að sjálfkrafa opnaðist hurð og hleypti
þar hrjáðri smásystur snöggvast inn.

En fyrst, er Lína á fletinu auða
sem flík á sorphaugi gömul lá.
hrökk allt á gátt, og í dimmu og dauða
frá dýrð þess herbergis ljósi brá.

Og út var telpan af engli hafin,
sem upp til skýja í dansi steig.
En hin, sem ekki var hún, var grafin
í hjúpi og kistu með grenisveig.

Góða nótt kæru vinir og megi gleði og kærleikur
fylgja ykkur inn í nýtt ár.
Milla .

Kossar knús og kveðjur.

Sendi öllum mínum bloggvinum og öðrum
þeim sem lesa bloggið mitt hugheilar óskir
um gleðilegt ár farsælt komandi ár og
innilegt þakklæti fyrir það liðna.
Verið bjartsýn og trúið á að þið fáið það sem
þið viljið, en athugið! það þarf að láta
vita hvað maður vill.

Ég til dæmis fer fram á betri heilsu og þess vegna fer ég fram
á þann kraft sem ég þarf til að efla heilsuna,
því ekkert kemur af sjálfum sér.

Ég bíð um frið, réttlæti, gott viðurværi til handa okkur öllum, sannleika,
tillitsemi, kærleika og að við kunnum að meta það sem við eigum,
það vantar oft mikið upp á að við munum hvað við eigum gott.

Horfið í kringum ykkur og nemið hvað er að gerast hjá öðrum í sambandi við
endalaus veikindi og vandamál sem fylgja þeim, lítið svo í eigin barm
og hugsið.

Guð veri með ykkur alla tíð.
Milla.

Alveg frábær hugmynd.

Lilja Guðrún Þorvaldsdóttir sendi þér skilaboð: Mínir kæru bloggvinir! Um leið og ég sendi ykkur hugheilar óskir um farsæld á nýju ári langar mig til að þakka fyrir mig, og þær ánægjustundir sem þið hafið veitt mér á árinu sem er að líða með skrifum ykkar. Ef þið bara vissuð hvað þið hafið glatt mig ósegjanlega mikið, á erfiðum stundum, jafnt sem góðum stundum. En, nú stöndum við öll á tímamótum, brátt kveðjum við árið sem allt hrundi, og tökum á móti nýju ári, ári óvissu og erfiðleika, en um leið ári væntinga og sigra. -
Því langar mig til að biðja ykkur um að taka undir bón mína, sem ég færði fram á bloggi mínu, um þögn á miðnætti þess 31. des.
Ástæðu bónar minnar ætla ég ekki að útskýra frekar því það stendur á bloggsíðu minni.
Hugmyndin er að þið komið þessari bón áfram til allra sem þið þekkið, talið við, eða skrifist á við, fram að áramótum.
Hugsunin er að stoppa allar flugeldasprengingar og aðrar sprengingar frá kl: 23:55 til kl: 24:05 og í stað þess að sprengja á þessum tíu mínútum tökumst við í hendur, eða haldið utan um alla nærstadda og sendum orku og kraft, til þeirra, út til fjölskyldu, vina og ættingja, og til þjóðarinnar allrar.
Um leið og við hugleiðum það ár sem liðið er, og hvað við lærðum af því. - Og hugleiðum hvers við væntum af komandi ári, og hvernig við viljum vinna þeim væntingum brautargengi. Ég mun standa á þessum sömu mínútum og senda ykkur bloggvinir mínir, orku mína og kraft, og mínar óskir um farsæld á komandi ári, okkur og þjóð okkar til handa. Nánari skýringar á blogginu mínu.

Ég tek heilshugar undir þetta með henni Lilju því okkur veitir ekki af
að staldra smá við og hugsa um komandi tíma.

Þegar ég var að alast upp var það þannig á gamlárskvöld að fólk stóð
í hring hélst í hendur og söng með útvarpinu/seinna sjónvarpinu
Nú árið er liðið, síðan var faðmast og grátið smá því allir elskuðu alla svo
mikið, allavega táraðist ég alltaf, mér fannst þetta hátíðlegasta stund
ársins. Nú eru þessi ár liðin fyrir margt löngu síðan, en hvernig væri að
snúa þessu dæmi við og njóta áramótanna síðan geta þeir sem vilja farið út
og skotið að vild.
Allavega mun ég njóta áramótanna og ætla ekki að skjóta neinu upp
hef aldrei gert það og mun ekki byrja á því núna.
Ég er nefnilega eins og hundarnir vill helst skríða undir rúmaf tómri hræðslu.
Verið góð og elskið náungann.
Milla.

Fyrir svefninn.

Góða kvöldið kæru vinir, eigi hef ég nú ritað stórt yfir þessa yndislegu
daga sem liðnir eru, hef bara verið á hækjunni og haft það bara gott
á henni milli þess sem í rúminu hef hvílt, borðað, lesið, spjallað og hvað
annað sem í hugann hefur komið.
Já vitið þið að það er bara býsna sem í hugann leitar er maður liggur og
hlustar á góða músík, þá reikar hugurinn og ýmislegt kemur upp sem
gott og holt er að muna.

Eins og til dæmis þótt ég sé með einhverja verki þá er margur annar sem
hefur það ver en ég, einnig má ég þakka fyrir að ég sé ekki námsmaður
erlendis eða öryrki, betra að vera bara öryrki á voru Fróni.
Afar þakklát er ég fyrir fjölskyldu mína sem er það besta sem ég á og get
aldrei þakkað þeim allt sem þau hafa fyrir mig gert ég elska þau meira en
allt annað.
Verð svo að tala um hina yndislegu vini sem eru út um allt.
Þeir eru bara ómetanlegir, styðja mann í öllu sem kemur upp á hjá manni.

Verið góð við hvort annar og sýnið hvort öðru virðingu.

                           Veiztu?

                  Þú sagðist elska sæinn.
                  Eg sat við hann um daginn.
                  Og síðan hef ég unað oft
                  og unað heitt við sæinn.
                  Hann seiðir mig við síðkveld
                  í saknaðardrauma.
                  Hann vaggar þreyttum vonum
                  á bylgjum blárra strauma.

                  En veiztu, hvaða vonum
                  hann vaggar, þegar kveldar?
                  Og veiztu, að bak við djúp og draum
                  brenna ungir eldar?
                  Þú segist elska sæinn.
                  ---Eg sit við hann og þrái.
                  Veiztu að ég vildi
                  vera særinn blái?

                               Magnús Ásgeirsson.

Góða nótt

 

HALLÓ! Halló! Lesið þetta.

Langar til að benda á afar þarfa lesningu, linkurinn á hana
kemur hér.
http://blaskoga-tinna.blog.is/blog/audurproppe/entry/755911/


Það virkar ekki linkurinn svo þið endilega bara setjið þetta inn
og lesið kæru vinir því það er afar brýn þörf á umræðu um þetta málefni.

Vona að þið hafið það gott og að við getum látið öðrum líða vel með því
að koma því til leiðar að þeir sem lenda í svona ofbeldi séu ekki einir
Því við höfum öll að einhverju leiti lent í einhverskonar ofbeldi.

Ljós og kærleik til ykkar allra
Milla.

Jólafærsla.

Kæru vinir öll sömum, ætla að stelast til að setja inn smá blogg,
en er ekki vel í stakk búin til að sitja við tölvuna.
Er búin að hafa það alveg yndislegt til skiptis í rúminu og við
matarborðið því maður getur eigi sleppt því, sko að setjast við
það og borða vel. Borðaði rjúpur á aðfangadagskvöld þær voru
æðislegar svo vorum við einnig með ham.b.h. og þetta venjulega
skildu fromage á eftir.



Þetta eru englarnir mínir við matarborðið, mjög áfjáðar í að
byrja að borða.

Svo erum við Dóra með Gísla á milli okkar, ekki byrjuð að háma í okkur.



En sko Dóra mín var orðin svöng



Þarna eru ljósin mín og litla ljósið er í Lísu í Undralandi kjól sem Dóra
frænka keypti í Ameríku, hún elskar svona búningakjóla.

Hér kemur ein sem Gísli minn tók frá húsinu okkar í dag, fyrir þá
sem elska þessi fjöll sem heita kinnafjöll, tekið af hólnum yfir og
Skjálfandann sýni ykkur betri myndir seinna.

Ljós og kærleik til ykkar allra
Milla

Jólakveðja.

Sendi öllum mínum bloggvinum og öðrum þeim sem lesa mitt blogg
hugheilar jólakveðjur með ósk um góð samverujól í faðmi
fjölskyldunnar.



Munið ljósið og kærleikann kæru vinir.
Milla.

Smá morgunblogg.

Góðan daginn, er eiginlega nýkomin á fætur meira ástandið á manni
sit hér með litinn í hausnum sem Dóra mín var að maka í mig, er
Milla klippti mig í gær, búin að lita augabrúnir svo eftir þetta ætti
ég að verða sæt og fín, sko ekki að ég hafi ekki verið það fyrir.
En ef við hælum okkur ekki sjálf gerir engin það.

Er að hugsa um að fara ekkert út úr húsi í dag, Dóra og Gísli fara
í búð á eftir, svo höfum við bara vatn og brauð eins og ég sagði í
gær, það er að segja ef ég ræð eitthvað við þetta fólk mitt.

Það er enn þá gott veður hér er verið að moka eins miklum snjó í
burtu og þeir komast yfir því það verður asahláka seinnipartinn,
síðan bara sól og hiti á morgun.

Mig minnir að í fyrra hafi verið svipað ástand óveður ofan á óveður
og strákarnir okkar í björgunarsveitunum voru að fram á aðfangadag
að bjarga hinum ýmsu málum og en eru þeir að.

Eigið góðan dag í dag

Milla.

Fyrir svefninn.

Ein veislan í viðbót, sko systur, dætur mínar þær Milla og Dóra
eru náttúrlega matarsjúkar.
Endalausar veislur eru búnar að vera undanfarið eins og
komið hefur fram á bloggi mínu, en að því að þær voru búnar að
segjast ætla að hafa veislu saman út af afmælunum sínum
þá var bara upplagt að skella í eina súpergóða Pitzzu-veislu.
Vorum við að koma heim úr henni. Afvelta að vanda.

Ég sagði vatn og brauð fram að jólum, en það er svo stutt í
þau að það tekur því ekki.

En ég ætla að færa ykkur eitt ljóð eftir Magnús Ásgeirsson.

                  Mig var að dreyma---

                    Þögnin og ástin
                    eru systur.---
                    Mig var að dreyma
                    að ég væri kysstur.
                    Ég mætti í svefninum
                    mjúkum vörum.
                    Ég vaknaði einn,
                    --- þú varst á förum.

                    Ég hefði kosið þér
                    kærsta óðinn.
                    En þögnin fjötraði
                    þránna og ljóðin.
                    Hún oft mig vefur
                    í arma sína
                    og stingur svefnþorni
                    söngva mína.

                    En þögnin vægði
                    samt þessu ljóði.
                    ---Þú mátt ekki hneykslast
                    á heitu blóði.
                    Mig var að dreyma,
                    að ég væri kysstur.
                    Þögnin og ástin
                    eru systur.

Góða nótt.           

Morgungleði.

Jæja við situm hér mæðgur að vanda eftir að þær komu heim
í Jólafrí englarnir mínir.
Gísli minn er á fullu búinn að fara í sjæningu með sjálfan sig,
karlmenn þurfa þess nefnilega einnig, er búin að taka utan af
rúmunum, verst að það er eigi hægt að viðra, frekar leyðinlegt
veður. Nú er hann að fá sér morgunmat áður en hann heldur áfram
það þarf svo að róbóta allt húsið síðan ætlar Dóra mín að blautmoppa
yfir gólfin, ekki að það þurfi þess nú svo, en kannski bara skemmtilegra.

Má til að setja inn þessa mynd sem Gísli vogaði sér að taka af okkur
við svo uppteknar við tölvurnar, að engu tóku eftir.
en svona er þetta á hverjum morgni.



Svo er þessi af afa með litla ljósið, þarna er mikill kærleikur.





Og hér eru þær englarnir mínir og Ljósálfurinn, tekið á súpudeginum
hjá Ódu og Óskari.
Jæja er hætt í bili, verð að fara að drífa mig í sjæningu, ætla að vera
á undan Dóru á baðið.
Ætla svo að fara á eftir til Millu og Ingimars þau voru að fá sér eitt stykki
hjónarúm í gær og verður maður að sjá þá dýrð.

Er ekki dugleg að kommenta um þessar mundir á ekki svo gott með að sitja
við tölvuna lengi í senn svo þið verðið að fyrirgefa mér.
Elska ykkur samt öll kæru bloggvinir og gæti nú eigi án ykkar verið.

Eigið gleðiríkan dag í dag.
Milla

Fyrir svefninn.

Ég er bara að hugsa um að hafa þetta áfram myndasíðu.



Eitt hornið í stofunni, dúkurinn er saumaður af mér og strauborðið
er afar gamalt frá ömmu minni. Lestin á gólfinu er einnig saumuð
af mér.


Þetta eru englarnir mínir saumaðir af mér og eru harðangur og
klaustur. Verð að monta mig aðeins.


Þessar myndir málaði Milla mín og gaf mér í fyrra.
Þær eru yndislegar.



Mátti til með að setja þessa mynd inn, hann var svo hrifin af mér
þessi elsku jólasveinn að hann sat bara hjá mér í lengri tíma

Þessi mynd er tekin í kaffi hjá stéttarfélögunum um þar síðustu helgi.



Ljósálfurinn minn að syngja einsöng. Hún spilaði einnig á þverflautu.



Svo sést nú hér greinilega að litla ljósið mitt er hrædd við jólasveina
og því varð eigi breitt.

Sko sagði ykkur að ég mundi fá sýningaræði, en allt í lagi ekki hef ég
nú sýnt svo mikið, er það?

Góða nótt kæru vinir.

Myndasíða.

Þetta er eldhúsglugginn minn.



Þetta er buffetið mitt það fylgir borðstofusettinu og er
150 ára gamalt, margir hlutir á þessu buffi eru þeir hlutir sem
upprunalega voru á því hjá ömmu og afa.
Ég elska þessi húsgögn mín.

Þetta er glugginn í tölvuverinu mínumunur að eiga tölvuver.
Sjókarlana bjó ég til sjálf, englarnir eru jólagjöf síðan fyrir mörgum
árum, Körfuna til vinstri fengum við Gísli með, Campange and
other gorumets in, þegar við byrjuðum að vera saman og tilkynntum
það hátíðlega í veislu sem við héldum vinum og vandamönnum.



Þessi yndislega kona er langamma Ljósanna minna og situr Jói
frændi þeirra við hliðina á henni, Hún Dadda er 85 ára gömul.
Set inn fleiri myndir síðar.
Ljós til ykkar
Milla.

Súpudagurinn.

Já í dag er súpudagurinn sem hún Ósk tengdamóðir Millu minnar
heldur árlega og er búin að gera í mörg ár.
Síðan við fluttum hingað höfum við farið til Ódu og Óskars í súpu.

Þessi siður hjá henni upphófst fyrir mörgum árum þá voru vinir
og ættingjar að koma í kaupstaðarferð til að versla fyrir jólin og
gerist það ævilega síðustu helgina fyrir jól og hefur Ódu fundist
upplagt að elda bara súpu fyrir fólkið sitt.

Á eldavélinni standa tveir tíu lítra pottar með súpunum í öðrum er hin
fræga kjötsúpa hennar Ódu og svo einhver önnur súpa í hinum,og
heimabökuð súpubrauð með og ekki má gleyma kartöflunum sem
Óskar setur niður á vorin og eru hinar bestu allan veturinn
svo er smjör sem er ómissandi með.

Svo kæru vinir er við erum öll vöknuð og komin á ról förum við í
súpu til Ódu og Óskars.

Eigið góðan dag í dag

Milla

Fyrir svefninn.

Jæja við vorum að koma heim úr afmælinu hennar Millu minnar,
það voru að vanda flottar veitingar, og þar af leiðandi borðaði
maður vel.

Takk elskan fyrir góðar móttökur.

Hér er nú búið að pakka inn flestum gjöfum að ég held, en þið
vitið nú hvernig það er, alltaf eitthvað eftir.

                       Grautur og brauð.

  Þeir börðust, þeir börðust um brauðið og grautinn,
  því brauð og grautur er mannanna fæða.
  þeir hlupu, þeir stukku, þó hlykkjótt sé brautin
  að hamingjulind vorra jarðnesku gæða.
  Og einn fékk þar of lítið og annar meira en nóg,
  og einn lést af fylli, en hinn úr sulti dó.
  Að ráða slíka gátu er mönnum þyngsta þrautin.
  Þannig hljómar sagan um brauðið og grautinn.

                                       Steinn Steinar.

Góða nótt

19. desember.

Fyrir x mörgum árum var ég á sjúkrahúsinu í Keflavík nánar
til tekið á fæðingardeildinni, þar lagðist ég inn að morgni
18. des. og var sett í dripp,  náttúrlega engdist ég sundur
og saman, því það er afar erfitt að eiga barn í drippi
hríðarnar eru miklu harðari.
Hún var nú ekkert á því að koma í heiminn þessi litla dama
mín fyrr en að morgni 19 des. þá fæddist þessi elska hún Milla mín.
Elsku stelpan hennar mömmu sinnar til hamingju með daginn
og takk fyrir að vera það sem þú ert, bara yndisleg.

Þegar hún var nokkra klukkutíma gömul var hún nærri köfnuð
og kom það ekki í ljós fyrr en seinna að í fæðingu lagðist saman
lunga hún lenti svo inn á barnadeildina mánaða gömul, var þar
í næstum tvo mánuði allt í allt og ætla ég ekki að lýsa þeirri sorg
sem í mér bjó yfir þessu þá var það þannig að ég mátti koma
um helgar tvisvar á laugardegi og sunnudegi, þetta var ekki að
gera sig hjá mér, en einhvernvegin komst ég í gegnum þetta,
enda með Dóru mína 10 ára og Írisi 4 ára heima.

Milla mín var alltaf veik fyrstu 2 árin, ekki mátti hún fara út í fína
vagninn sinn sem ég var búin að kaupa fyrir hana, þá var hún
orðin veik, en hún komst yfir þetta og varð hin hraustasta stelpa.
Dóra mín og Milla hafa ætíð verið afar nánar og tel ég það hafa
skapast út af því að Dóra sem var 10 ára tók alveg ástfóstri við
litlu systir sína sem var alltaf veik.
Enn þá dag í dag eru þær alveg spes góðar systur og kærleikurinn
mikill, bæði á milli þeirra, Ingimars og stelpnanna þeirra.

Elsku Milla mín mamma elskar þig