Alveg makalaust hvað þetta stemmir

Hólmdís Hjartardóttir

FRUMEFNIÐ KARL: Efnið finnst: Í sófum, börum, bjórkrám, á öðrum endanum
á vindli, riffli eða veiðistöng. Sjaldan þó nálægt börnum. Eðlisþyngd :
70-140kg. og er breiðast um miðjuna. Eðliseiginleikar: Þenst út í
nálægðpeninga og valds, skreppur saman í grennd við ryksugu og
gólfskrúbba, fuðrar upp við strokur og hól, slokknar á við umræður
umjafnrétti og kvenfrelsi. Þó ósjálfbjarga án kvenna!

Nappaði þessu frá vinkonu minni henni Hólmdísi Hjartardóttur.

Þetta er nú náttúrlega alveg rétt

Sér er nú hver vitleysan

 Já ég segi nú ekki annað ég hef nú ekki í neinu að snúast, auðvitað þarf ég að koma mér fyrir, en það er ekkert sem liggur á, kannski er spáin að meina allt vesenið sem ég lenti í fyrir helgi átti nefnilega samkvæmt bankanum ( ekki mínum banka) að borga eitthvað sem ég var löngu búin að borga, reddaði því með vel völdum orðum og út úr kerfinu hvarf sú innheimtan eins og dogg fyrir sólu. Þjónustufulltrúinn minn bað mig að athuga hjá orkufyrirtækinu sko var nefnilega að borga tvöfalda reikninga, varð frekar pirruð hringdi og  var sagt að þessu yrði kippt í lag, nú svo ég lét bara borga mína reikninga og ef það verður lokað á fólkið sem er í húsinu sem ég var í er það ekki mitt mál.

Var að fá sendan penna frá bróður mínum nú ég náði í hann á pósthúsið og borgaði 19oo kr fyrir fluttning á pennanum, Reykjavík-Húsavík sem er eðlilegt því þetta var hraðsending, haldið ekki að ég hafi fengið rukkun í heimabankann minn frá flutningsfyrirtækinu upp á rúmar 10,000 ég hringi og var svo óheppin að deginum var að ljúka og allir farnir heim svo ég á þetta eftir í dag og vona svo mikið að ég fái frið fyrir svona uppákomum sem ég á bara enga sök á.

Sporðdreki:
Það er í mörgu að snúast þessa dagana og væri
óvitlaust að skrifa tossalista svo ekkert verði nú útundan.
Þú vinnur of mikið, reyndu að finna tíma til að hvíla þig.

Tossalista, get nú ekki annað en hlegið, er búin að hafa svona tossablokk á borðinu hjá mér í mörg ár og það verður oft eitthvað útundan og það gerir bara ekkert til því ef það verður útundan þá er það ekki mikilvægt.

Hlálegt, en ég er í því að hvíla mig hef eigi heilsu í annað og er að bíða eftir að komast í þessa yndislegu aðgerð sem heldur mér gangandi.

Þannig að spáin mín passar bara ekki
Kærleik á línuna

Hver er munurinn?

 Flestir landsmenn fengu alveg frábært blað frá Heilsuhúsinu með heilsufréttum, ég er aðdáandi Heilsuhússins og versla þar mikið, þetta blað féll í kramið hjá mér, en það er eitt sem ég mundi vilja fá útskýringu á ef einhver gæti svarað mér með það.

HVER ER MUNURINN Á HVEITIKÍMI OG CHIA FRÆJUM?

Set hér inn smá lýsingu af hveitikími, margir vita ekki hvað það er í raun, en fólk getur lesið sér til um Chia fræin í blaðinu.

Hvað er hveitikím?

Hveitikím er „hjarta" hveitikjarnans, fóstur hveitifræsins, og verður oftast til sem aukaafurð við mölun hveitis. Kímið er fjarlægt úr hveitikorninu vegna þess að olíur í kíminu oxast og stytta geymsluþol hveitisins verulega. Hveitikím er einstaklega prótínríkt og inniheldur meira prótein en er að finna í flestum kjötvörum, það er því sérstaklega gott fyrir þá sem borða lítið eða ekkert af kjöti.
Magn næringarefna í hveitikíminu virðist endalaust; það inniheldur meira magn kalíums og járns en nokkur önnur fæðutegund ásamt því að innihalda mikilvægar Omega-3 fitusýrur, ríbóflavín, kalsíum, sink, magnesíum og A-, B1- og B3-vítamín í miklu magni. B1- og B3-vítamín eru mjög mikilvæg til að viðhalda jafnri orku og heilbrigði vöðva, innri líffæra, hárs og húðar.

Hveitikímið er einstaklega ríkt af E-vítamíni. E-vítamín er eitt magnaðasta fituleysanlega andoxunarefnið í líkamanum. Það er einstaklega öflugt til varnar hættulegum sindurefnum (Free radicals) sem jafnframt er öflug forvörn gegn krabbameini, það styrkir ónæmiskerfið og talið koma í veg fyrir hjartasjúkdóma. E-vítamínið er einstaklega styrkjandi fyrir húð og hár og talið hægja verulega á öldrun líkamanns ásamt því að styrkja lungu, blóð og hafa jákvæð áhrif á sjón og augu.

Fyrir hverja er Hveitikím?

Fólk á öllum aldri! Hvort sem þú hefur áhuga á að bæta við hollri og næringarríkri afurð við fæðu þína, byggja upp vöðva, stuðla að betri meltingu, auka inntöku steinefna og fitusýra, í eldamennskuna eða sem fæðubót. Hveitikímið inniheldur hvorki meira né minna en 28% gæða prótein og er einstaklega trefjaríkt. Hveitikímið er frábær fæðubót fyrir ófrískar konur - bæði vegna mikils magns fólínsýru og vegna þess hversu góð áhrif það hefur á teygjanleika húðarinnar. Í hveitikíminu er meðal annars aminosýran Tryptófan sem talin er hafa róandi áhrif á heilann og því mjög gott fyrir börn sem þjást af athyglisbrest og/eða ofvirkni.

Það má taka til ýmislegt annað, en læt þetta duga, enda hægt að googla á Hveitikím

Skyldulesning

Þetta er alveg frábært bréf sem Eyrún Ýr sendir til
Fjármálaráðherra og aðstoðarmanns forsætisráðherra.

• ÞÖRF LESNING FYRIR ALLA !!
  skora á ykkur að birta það á
  
• sem flestum stöðum.

2.10.2010 | 13:23

Ágæta ríkisstjórn

Almennt - laugardagur 02.október 2010 - Hafþór Hreiðarsson - Athugasemdir (3)

Ég er Íslendingur. Ég er líka háskólamenntuð kona með fjölskyldu sem hef kosið að búa á landsbyggðinni, án þess að átta mig á hversu hættulegt það gæti verið. Nú heyrast fréttir af því að hér á Húsavík skuli heilbrigðisþjónusta sundurtætt á einu bretti, en lítið rætt um afleiðingarnar. Gera  menn sér ekki grein fyrir alvarleika málsins?

 

Afleiðingarnar eru nefnilega ekki aðeins þær að við sem hér búum þurfum að leita lengra eftir heilbrigðisþjónustu, með tilheyrandi tíma, kostnaði, umstangi og áhættu.  Leiðin til Akureyrar er kannski bara rúmir níutíu kílómetrar en það getur verið ansi mikið í vondum veðrum. 

 

Nei, alvarlegasta afleiðingin er sú að tugir fólks missa vinnu sína og þar með lífsviðurværi sitt. Tugir einstaklinga sem fæstir hafa nokkra von  um að finna önnur störf í sinni heimabyggð. Og hvað á þetta fólk að gera? Margir velja eflaust að leita sér nýrra heimkynna og flytja með sér maka sína og börn en aðrir standa eftir í vonleysi - því sumum reynist erfitt að fara. Hvernig á þetta fólk til dæmis að geta selt húsin sín? Og hvernig á það að geta komið undir sig fótunum annars staðar ef það selur þau ekki? Trúlega hafa fréttir af fyrirhuguðum niðurskurði á einu bretti fryst fasteignamarkaðinn hér. Kannast ríkisstjórnin ef til vill ekki við hugtakið átthagafjötrar? Þeir geta jú verið efnahagslegir ekki síður en huglægir.

Og við sem ekki viljum fara og enn höfum vinnu, hvernig verður okkar samfélag ef grunnþjónustan en jöfnuð við jörðu? Fólksfækkun leiðir af sér minni tekjur sveitarfélagsins og þar með óhjákvæmilega niðurskurð, sem aftur leiðir af sér lakari búsetuskilyrði.  Hvernig framtíð bíður þá barnanna okkar? Hvar endar þetta?

Við sem búum hér tókum lítinn þátt í góðærinu svokallaða, við fengum engin kúlulán og engar afskriftir. Við hins vegar erum sek um þá yfirsjón að hafa talið öruggt að búa utan höfuðborgarsvæðisins og fyrir það munum við gjalda. Við erum nógu góð til að taka þátt í björgun bankamanna og stjórnmálaelítunnar; skattahækkanir og niðurskurður talin hæfa okkur allra best, en þegar kemur að atvinnu og mannsæmandi lífsskilyrðum komum við ríkisstjórninni ekki við.

Ágæta ríkisstjórn: Þar sem það er nú orðið ljóst að velferð okkar skiptir ykkur engu vil ég tilkynna ykkur að það er gagnkvæmt. Það er því einlæg ósk mín að þið segið starfi ykkar lausu svo fljótt sem auðið er og gefið öðrum tækifæri til leiða þjóðina út úr þessum erfiðleikum.

Eyrún Ýr Tryggvadóttir

Bréf þetta sendi Eyrún Ýr fjármálaráðherra og aðstoðarmanni forsætisráðherra.

Segja niðurskurðinn árás á byggðina

Verð að halda ró minni

Já það er satt, ró minni verð að halda þess vegna ætla ég í dag að tala bara um eitthvað skemmtilegt.
Þetta er til dæmis stjörnuspáin mín fyrir daginn.

Sporðdreki:
Einhver vandræði kunna að verða á vegi þínum í dag.
Láttu freistingar lönd og leið og líttu ekki upp fyrr en
þú hefur lokið því sem fyrir liggur.

Vandræði hvað með það ég leysi þau bara og læt þau eigi hafa áhrif á mitt góða skap, gæti orðið döpur, en er maður ekki alltaf að verða fyrir dapurleika í lífinu hann er líka til að vinna úr.

Það er nú ætíð gaman er freistingar eru bornar fyrir mann ef þær sem ég fæ í dag eru slæmar þá læt ég þær eiga sig og vön er ég að vinna þannig að helst á allt að vera búið í gær, svo þetta mun ganga upp hjá mér.

Í gær fór ég ekki út úr húsi nema með Neró minn út í garð, hann var nefnilega veikur með gubbupest en ældi bara einu sinni þessi elska, en svo var hann svo lítill í sér í allan gærdag og er eiginlega enn samt búin að borða í morgun.
Ég var að dúlla mér að taka upp úr kössum og koma því fyrir sem við átti, henda smá sem mér yfirsást í úthreinsuninni hér í sumar, ég nýt þess í botn að henda út gamalli orku.

Milla mín kom og færði mér Rasberrý ilm fyrir húsið æðislegur og kemur mér í jólaskap, talaði náttúrlega við englana mína sem voru að fara í Bowling og skauta í R með vinum sínum.
Í þá daga er ég var ung fór maður á skauta á tjörninni og guð hvað það var gaman, en í dag er farið í skautahallir og betra er það þá þarf maður aldrei að hafa áhyggjur af veðri eða vindum.

Fékk mér Parísarskinku, steikar kartöflur og sveppi að borða í gærkveldi á meðan ég horfði á fréttirnar sem voru afar sorglegar, að það skuli vera búið að fara svona með okkur íbúa þessa lands að til svona aðgerða þurfi að grípa og svo vilja þeir borga Icesave og henda út um gluggann miljarða skuldum hjá hinum og þessum  svo þeir geti bara haldið áfram að slá um sig, nei nú þarf ég að róa mig, nei eitt enn kæru landsmenn áfram með smjörið.

Horfði svo á Útsvar og skreið upp í rúm og sofnaði eins og engill.

Kærleik á línuna
Milla

Völdin liggja hjá AGS

Það er ekki verið að hlúa að venjulegu fólki eða litlum fyrirtækjum. Ég veit ekki lengur hvar völdin liggja í þessu þjóðfélagi. Ég studdi Vinstri græna, kaus þá," segir Inga Lóa Baldvinsdóttir, einn mótmælenda á Austurvelli í nótt.

Völdin liggja að mínu mati hjá AGS, það er búið að selja landið okkar og ríkisstjórnin segir bara já og amen við öllu, enda hafa þeir ekkert val, þeir tóku þessa stefnu og af hverju jú að því að þeir kunnu enga aðra leið, en að viðurkenna það og leita eftir hjálp, hjálp sem dygði til, það var nú af og frá og enn er hún stjórnin að rembast við að halda andlitinu í staðin fyrir að viðurkenna sína glötun í öllum málum.


Ef ríkisstjórnin fer ekki frá þá verður uppreisn í landinu og mun lögreglan eigi fá rönd við reist, bara eins gott fyrir hana að taka þátt sko lögregluna.

Vildi að ég væri ung og hraust þá kæmi ég í uppreisnina með fólkinu.

Ekki hlúð að venjulegu fólki

Maður veit þá hvar þær eru

Allavega í þessu sólkerfi, svo eru aðrar það kemur örugglega að því að vísindamenn finna þær.

Hvað skyldu líða mörg ár þangað til við getum haft samband við fólk frá öðrum hnöttum, ég tala um fólk því við teljum okkur vera fólk, en örugglega taldar geimverur af þeim sem aðrar reikistjörnur búa, en svo er spurning er ekki til leið þá meina ég sem þeir hafa þróað, en vilja bara ekki hafa samband við okkur þessar vanþróuðu þjóðir sem búa þessa jörð.

Mikið hefði ég gaman að hitta fólk frá öðrum hnöttum það mundi þroska okkur til muna

Góðar stundir

Lífvænleg reikistjarna fundin?

Tilgangslaust að svara þessu

Stendur ekki á að taka við þessu óláni upp á 19 miljarða og hvað svo, veit að þessi efnahagsáætlun mun ekki standast er bara hlægileg, það nefnilega gerist aldrei neitt

Þessi setning er afar antiklimas.

Efnahagsáætlun ríkisstjórnarinnar byggir á fjórum meginþáttum. Í fyrsta lagi er unnið að því að byggja upp traust fjármálakerfi sem getur sinnt þörfum heimila og fyrirtækja.

Heimilin munu aldrei geta tekið lán því þau eiga enga peninga til að borga af þeim og mundu aldrei komast í gegnum greiðslumat.

Þoli ekki að við skulum þurfa að lúta svo lágt að taka við lánum frá AGS

Þriðja endurskoðunin samþykkt

Gott hjá þér ungi maður

Gott hjá þessum unga manni, ekki vil ég nú úttala mig um í hvaða flokk hann ætlar sér í, en þætti eigi ótrúlegt að sjálfstæðisflokkurinn yrði fyrir valinu eða kannski einhver nýr flokkur.

Sagði sig úr Samfylkingunni

Það fær mig engin ofan af minni trú

Mátti til að láta myndina fylgja með
maðurinn er jú svo myndarlegur

Eru vættir og álfar ímyndun ein

 „Raunvísindin álíta ómögulegt að til séu persónugerð náttúruöfl er sinni efnisheiminum og hinum ýmsu fyrirbærum hans.Trúna á náttúruvættir og goð kalla þau í besta falli barnalega tilraun mannkynsins til að skýra umheiminn þegar vísindin voru á frumbernsku.

Það er ætíð skemmtilegt að fara á fyrirlestra þar sem fólk telur sig vita hið sanna í hinum ýmsu málum, eins og Christopher Vasey ætlar að flytja fólki á morgun á Radisson Blue hótel sögu annað kvöld, sem sagt flytja fólki vísindalega rannsókn á því hvort til séu persónugerð náttúruöfl, ég mundi kalla þetta verur.

Þætti gaman að vita hvernig þessar vísinda-rannsóknir fara fram, fara þá menn yfir í aðra vídd eða sitja þeir úti í náttúrunni og bíða eftir að sjá álfa og aðrar þær verur sem margir telja að séu til, það væri fróðlegt að skoða þetta, hlýtur að vera á google.

Ég fyrir mína parta trúi á álfa og margt annað sem er hér með okkur því ég hef séð þessar yndislegu verur og er afar sátt við að búa með þeim.

Kærleik á línuna

Eru vættir og álfar ímyndun ein?

Hengja einn mann

fyrir allan herinn afar sanngjarnt, nei ekki tel ég það vera. Mér er alveg sama hvar hver er í pólitík svona vinna menn eigi, en pólitík er þetta svo sannarlega allir eru að bjarga sínu skinni er það ekki týpískt fyrir Íslendinga?

Mál höfðað gegn Geir

Nenni ekki að fara djúpt í þessi mál

Ástæðan er sú að marg oft er fólk búið að kryfja þetta niður í grunninn, en það gerist bara ekki neitt.

Það er eitt sem er alveg uppi á borðinu er að við lálaunafólkið lifum ekki af laununum okkar, sko ef þú ætlað að fá lán í banka þá er reiknuð út neysluvísitala og svo er sagt að maður geti ekki fengið lán, ekki sé svigrúm til að borga af því, sko inn í vísitöluna er reiknað Leikhús, bíó, út að borða, vín, og margt annað, demitt sem engin lálaunamaður hefur efni á get nú alveg urlast út í þessi fífl.

Ég drekk ekki né heldur reyki fer aldrei út að skemmta mér og samt get ég ekki lifað af mínum launum, mér skilst að útreikningar Hagstofunnar segi að við þurfum að hafa 260,000 í laun til að lifa, þá vantar nú alveg helling upp á launin mín

Kerfið brýtur niður fólk

Væri ekki ráð

Já að hætta þessari eyðslusemi, nota peninginn í nauðsynlegri hluti en að hefja mál á hendur þessum ráðherrum, ekki erum við svo vitgrönn hér á landi að við trúum því að nokkrir menn beri alla sök á því hvernig fór, nei að sjálfsögðu ekki.

Tel að allir ráðamenn hafi haft puttana í þessu hruni vitandi að eitthvað var ekki eins og það átti að vera, allir að reyna að bjarga sínu skinni, en ekkert dugði, það varð fall sem engum óraði fyrir.

Auðvitað bitnaði fallið á almenningi, við vitum allt um það, en ef það á að dæma einhvern þá þarf að taka alla hrúguna, hvað erum við bættari með því?

Segi bara eins og svo margir aðrir, best væri að fá allan sannleikann.

Atkvæði um málshöfðun í dag

Voru farþegar bara rólegir?

Finnst eiginlega með ólíkindum ef að farþegar hafi sætt sig við seinkun vegna töku á atriði úr kvikmynd, en alveg frábært ef það hefur verið, man bara er ég var að vinna í flugstöðinni, ef það var seinkun þá voru allflestir farþegar órólegir og byrjaðir að munnhöggvast við okkur um að það væri alltaf seinkun, alveg óþolandi framkoma af hendi flugfélagsins, taldi þetta vera það sama og vitið af hverju, jú vegna þess að við þurfum ætíð að þrasa um bara hvaðeina sem upp á kemur.

Góðar stundir

Tökur seinka Herjólfi

Taldi mig vera reynsluríka

Ætli ég verði ekki að láta mig í því að allflestir hafa meiri reynslu en ég, allavega hver á sínu sviði, hef átt afar erfitt með að taka ráðum frá öðru fólki því ég efast ætíð, um allt og ekkert.

 Sporðdreki:
Hlustaðu á þær raddir sem vilja leiðbeina þér og gefa góð ráð,
því þær tala af reynslu.
Þú færð snilldar hugmynd á meðan þú dormar.

Hef það svart á hvítu í stjörnuspánni minni í dag og ég held að ég fari bara eftir því sem aðrir segja, svona að mestu svo verð ég víst að fá mér dorm þá fæ ég víst snilldar hugmynd, tilhlökkunarefni það og algjört nýnæmi, fæ nefnilega aldrei neinar hugmyndir þó ég dormi smá.

Sönn saga:

Kona nokkur hringdi í barnabarn sitt, barnabarnabarnið kom í símann, langamma bað hana að hringja í ömmu sína og biðja hana að hringja í sig, hún væri búin að hringja í hana allan daginn og það væri alltaf á tali, barnið hringdi í ömmu sína og skilaði þessu til hennar, amman sagði já elskan ég skal hringja í langömmu, sem hún jú gerði, en það svaraði aldrei amman hringdi á vaktina á Elliheimilinu og bað þessar elskur sem vinna þar að fara inn til mömmu hennar og svara og rétta henni síman.

Mamma mín heyrir þú ekki í símanum elskan, jú jú en hann er bilaður hann hringir ekki, nú en var ekki stúlkan að svara í síman þinn, nei nei hún kom með hann inn til mín, nú já gerði hún það, ( ég hringdi í hennar síma) já því ég get ekki hringt úr mínum og það heyrist ekkert í honum.

Samt var þessi elska búin að hringja í mig allan daginn, alltaf á tali, ég snerti ekki símann, svona verður maður með aldrinum.

Mamma mín hvað vildir þú elskan? Viltu biðja tvíburana að koma í heimsókn er þær koma næst í bæinn, ég skal gera það mamma mín.



Hér er mamma með englana sína, þarna er hún frísk og kát.
Þær eru orðnar eldri núna

Frábært.

 

Bjargaði lífi systur sinnar.

Alexandra Líf Ólafsdóttir getur þakkað litlu systur sinni fyrir að vera enn á lífi. Eftir að Alexandra greindist með MDS-krabbamein fyrir rúmu ári var ljóst að hún þurfti að reiða sig á annað en bara lyfjagjöf. Hún þurfti að reiða sig á beinmergsgjöf frá systur sinni.

Er þetta ekki yndislegt Ronja eldri systir hennar gaf henni merg og svo sannarlega óska ég þeim og fjölskyldunni allri velfarnaðar.

Kærleik til ykkar allra

 

Bjargaði lífi stóru systur

Fossar á uppboði

Spurning hvort við eigum ekki í bönkum og öðrum ríkis húsum fullt af frægum listaverkum til að fara með á uppboð sko þá meina ég erlendis, ekki á nokkur maður á Íslandi peninga til að borga raunvirði fyrir listaverkin okkar.

Þetta væri sko flott leið til að borga niður skuldir okkar kannski væri þá hægt að koma af stað eðlilegri atvinnustarfsemi í landinu, svo fólk gæti lifað og notið sín.

Listaverkin hljóta að vera okkar bara rétt eins og skuldirnar

Íslenskir fossar á uppboði

Sá þetta út um eldhúsgluggann.

Svifið seglum þöndum á Skjálfanda

  Það var fallegt veðrið við Skjálfanda í morgun þegar fréttaritari Morgunblaðsins á Húsavík fór í siglingu á skonnortunni Hildi. Sunnanátt var og góður byr bæði stagvent og kúvent eins og sagt er á siglingamáli.Hildur náði allt að átta sjómílna hraða sem gerði siglinguna enn skemmtilegri og ekki skemmdu Kinnafjöllin stemninguna með sínum snævaþöktum tindum

Er búin að hafa þessa yndislegu sjón fyrir augunum  út um eldhúsgluggann minn í dag, bátarnir voru einnig fleiri og svo nálægt bý ég að næstum gat ég talið fólkið um borð, reyndar er ekkert nýtt í þessu hjá okkur hér á Húsavíkinni, höfum þessa dýrð hjá okkur allt árið.

Svifið seglum þöndum á Skjálfanda

Ekki er nú öll vitleysan eins.

Sporðdreki:
Þessi dagur er frábær til þess að blanda geði við náungann.
Reyndu ekki einu sinni að útskýra það þó þig langi
eitthvert út - aðrir munu ekki skilja það.

Þetta er nú hið fáránlegasta, eina fólkið sem ég blandaði geði við í dag var hið yndislega starfsfólk sjúkrahússins hér í bæ, það var verið að setja á mig holter, fyrir þá sem ekki vita hvað það er þá mælir holterinn hjartastarfssemina og verð ég með þetta í sólarhring fór svo aðeins heim síðan pantaði ég matvörur úr Samkaup, hef nú aldrei gert það áður, en afar þægilegt ef þörf er á. Þegar vörurnar komu fór ég á pósthúsið með skó sem ég hafði pantað of litla, aðeins í Kaskó til að kaupa tröstemedel og keypti mér álegg, salat, kex, vínber og sitthvað annað ég á nefnilega svo bátti bátt, kom svo við  á Baughólnum knúsaði ljósin mín síðan heim og upp í rúm og svaf til 5.

Svo á ég ekki að reyna að útskýra það þó mig langi út - aðrir mundu ekki skilja það, nei það er rétt því ég hef ekki farið út í áraraðir svo ég mundi heldur segja að fólk yrði undrandi, en eitt er það sem mig langar ekki til og það er að fara eitthvað út, til hvers???

Nú þetta með holterinn hann á að sýna hjartalækninum fram á hvort gangráðurinn minn er ónýtur eða hjartað mitt, fer allavega í aðgerð að mér skilst fljótlega.

Að setja í gangráð eða skipta um hann er ekkert mál, að sjálfsögðu er það mál fyrir þá sem eru mikið veikir, allavega talar fólk um það, er minn var settur í fór ég bara heim daginn eftir.

Mér finnst þessi vél sem heitir líkami afar merkileg, við vitum aldrei, rétt eins og í bílunum hvað klikkar næst og í raun ekki hversu alvarleg bilunin er, sko læknarnir tala yfir manni eitthvað  tungutak sem hugnast manni eigi svo maður bara lokar á að það gæti jafnvel verið smá hættulegt ástandið á manni, en ef það er bíllinn sem klikkar þá er gert við hann á stundinni, smá djók. Auðvitað gerir maður allt sem þarf fyrir mans eigin vél.

Sem sagt stjörnuspáin mín passar bara alls ekki í dag.

Kærleik á línuna.

 

Hjartanlega sammála

Það vantar svo sannarlega ýmislegt, flestar koma út í lífið með brotna sjálfsmynd, halda að engin vilji þær eða nokkrum þyki vænt um þær, en það er ekki rétt.

Oft á tíðum er ekki talið heppilegt að foreldrar taki við  stelpunum sínum og þá vantar einhvern sem skilur og sýnir kærleika, með öðrum orðum umvefur þær.

Annað sem er nauðsynlegt og ég veit að vantar, er kennsla fyrir þær sem hafa verið í neyslu frá 12 ára, skulum við segja, það segir sig sjálft að í þeim tilfellum hefur þroskinn staðnað bæði vitsmunalega og siðferðislega, það þarf að kenna þessum ungu yndislegu stúlkum alla þá þætti sem eru nauðsynlegir í lífinu og ég veit að þær vilja læra.

Ég er ekki að tala um að læra á bókina það kemur bara ef þær vilja, fyrst þarf að hjálpa þeim með allt annað. Ungur maður sagði við mig hér á dögunum: " Það er ekki nauðsynlegt að allir mennti sig, fólk gerir bara eins og það vill og getur."

Það sem mér finnst einkenna umræðuna um úrræði eru fordómar og fáir vilja koma að því að hjálpa
Væri það nú ekki ódýrara fyrir ríkisbáknið að koma upp heimilum með fólki sem lætur sig annt um frekar en að missa þessar ungu stúlkur alveg frá okkur.

Þess má einnig geta svona rétt í leiðinni að það bráðvantar úræði fyrir ungt fólk sem á við þunglyndi og geðræn vandamál að stríða, þá meina ég úræði sem passa við þeirra aldur og eru á þeirra leveli, heyri stundum þessa setningar: "það skilur mig enginn, sko hann/hún man ekki hvað ég bað um síðast, þau setja út á allt, er ég bara svona ómögulegur/leg, engum þykir vænt um mig."

Góðar stundir

Vantar úrræði fyrir ungar konur í neyslu