Sorglegt.

Já mér finnst það sorglegt er ung kona tekur upp á svona gjörning, setjast upp í bíl próflaus og undir áhrifum áfengis, hvernig dirfist hún?

Hefði getað drepið drenginn og hvað þá, en sem betur fer þá virðist drengurinn ekki hafa slasast mikið en sálartetrið hefur örugglega skaddast og vonandi verður hlúð að því.

Konan já það er einhver ástæða, hvað er að hjá þessari ungu konu, spurning sem þeir sem þekkja til verða að svara og hjálpa þessari ungu konu svo eigi fari ver í hennar lífi.

Guð veri með öllum sem eiga um sárt að binda

Ölvuð ók á barn á reiðhjóli

Var 7 ára

Gleymi aldrei þessum 5 dögum þó ung hafi verið, Dagfinnur Stefánsson og hans fólk voru góðvinir minnar fjölskyldu, það var tiplað á tánum til að hlusta á fullorna fólkið tala um hvað, hvernig og að það væri ekki líklegt að þau væru lifandi, en svo komu fréttirnar og það voru gleðifréttir, engin réði við tárin sín og spennufallið mikið.

Ég reyndi að koma inn mynd af þristinum en ekki tókst það, flaug mikið með þeim í innanlandsfluginu bestu vélar allra tíma, svo eru þær fallegustu vélar allra tíma að mínu mati.

Hefði svo gjarnan viljað vera þarna í gær, en vissi ekkert um þetta.

Í þessari björgun sýndi það sig hvað í okkur býr og búið að gera síðan, við íslendingar erum hetjur  og stöndum saman þegar á reynir.

Minntust Geysisslyssins með fallhlífarstökki

Höfrungar eru vinir mannsins

Þetta er sú jákvæðasta og yndislegasta frétt sem ég hef lesið lengi, hugsið ykkur þá ákveðni og jákvæðni sem þessi maður hefur, við mættum sko læra af honum.

Svo hefur hann eignast vini í höfrungunum þeirra orka er sú besta í heiminum.

Til hamingju með afrek þitt Philippe

Ótrúlegt afrek fatlaðs manns

Gat nú svo sem verið.

Staðsetningin alveg frábær og í anda þeirra sem skipuleggja, bara að ná öllum frá þessum hrikalegu krummaskuðum úti á landi, sem kosta allt of mikla peninga.

Risaverksmiðja í pípunum

Árið 2014 er stefnt að því að ný verksmiðja sem framleiðir dímetýl-eter, litarlaust gas sem hægt er að nota sem eldsneyti, verði komin í gagnið á Grundartanga og að framleiðslan, um 500 tonn á dag, sjái íslenska skipaflotanum fyrir eldsneyti.

Það er náttúrlega gott að geta minkað innflutning á olíu, en hvað kemur þetta gervigas til með að kosta, reyndar er mér alveg sama, kvíði bara  er ég þarf augum að líta enn eitt ferlíkið er ég ek suður nóg finnst mér nú um nú þegar, en auðvitað get ég bara ekið hvalfjörðinn rétt eins og áður en göngin komu þá slepp ég við þetta augnkonfekt sem hugnast mér ekki svo.

Gott að koma því einnig að, við þurfum atvinnu núna og það úti á landsbyggðinni, við viljum sjálf fá að velja okkur hvar við búum.

Væri gott og afar skemmtilegt að rusla þessari ríkisstjórn í burtu því hún er ekki hæf til að höndla þau mál sem höndla þarf, eru nefnilega komnir í vasann á auðvaldinu.

Risaverksmiðja í pípunum

Út úr glerhöllunum með ykkur.

Er ekki kominn tími til að þið vaknið upp sofandi sauðirnir ykkar labbið út úr glerhöllunum og sjáið hvernig lífið er, legg svo til að þurrkað verði út að fólk þurfi að koma, standa í biðröðum til að fá mat handa sér og sínum, þvílík skömm fyrir ríkisstjórnina.

Eitt skuluð þið athuga að fólk upplifir sig sem þurfalinga dettur niður á sálinni og guð hjálpi börnum þessa fólks og að þau bjargist út úr þessu heil á sinni, börn eru nefnilega miskunnarlaus og láta þau sem minna mega sín ekki í friði og hverjum ætli það sé að kenna, jú foreldrum barnanna sem tala um fátæktarklæðnað og aumingjaskap. Þetta er staðreynd.

Við láglaunafólkið viljum svo ekki heyra meira um að málin séu sett í nefnd því þau eru búin að vera í mörgum nefndum, sem trúlega hafa bara haldið stofnfund og svo ekki söguna meir.

Stjórnin á að segja af sér, hún er ekki fær um að leysa þessi sem og önnur mál fyrir okkur landsmenn

Góðar stundir

Erfiður vetur framundan

Haustið

Held bara að haustið sé minn uppáhaldstími, það er svo margt að gerast vindurinn gælir við mig ekki kaldur heldur ekki heitur. Laufin af trjánum falla og segja mér að þau komi aftur að vori, ég var nefnilega að flytja í annað hús og í garðinum eru stór og falleg tré, þegar ég ligg á koddanum á kvöldin hlusta ég gjarnan á þau og ég er ekki að plata er ég segi að þau tala við mig og segja mér svo margt sem þroskar huga minn, fer með bænirnar mínar og hugsa um fólkið mitt og þá sérlega elsku barnabörnin mín horfi á Neró minn sem sefur mér við hlið og sofna hamingjusöm því ég er svo rík.

Nú allt fer í fastar skorður börnin byrja í skólanum, sem er alveg sérlega skemmtilegur tími að mér finnst, það er svo gaman að fylgjast með þeim og þeirra framförum.

Mér finnst líka svo skemmtilegt er hausta tekur að vera inni finna heimilið  mitt umvefja mig, elda mat og stússast í kringum fólkið mitt, er kvölda tekur set ég góða tónlist á kveiki á kertum og tek mér ljóðabók í hönd, ég elska góð ljóð, ljóð sem hafa boðskap sem höfðar til mín. Í ljóðum er svo mikill sannleikur, stundum næ ég honum ekki strax les aftur og aftur þar til ég skil boðskapinn.

Þegar ég er búin að koma mér vel fyrir hér þá fer ég að dúllast í jólaundirbúning (er svolítið lengi að gera hlutina) þá verður allt tilbúið fyrir 1 des og er englarnir mínir koma heim í jólafrí.

Veturinn ætla ég svo að nota vel til að ná betri heilsu skoða hug minn vel og lifa lífinu eins og mér finnst best hverju sinni, gera það sem ég vil og láta engan stjórna í mínu lífi einu verurnar sem fá að stjórna í ömmu sinn eru barnabörnin þau eru toppurinn á tilverunni.

Ljós og frið til ykkar allra
Milla.

Gjafir sem gleðja.

Hún Gulla vinkona mín kom í fyrradag og færði mér rós úr garðinum sínum, þetta eru gjafir sem gleðja,
gefnar af einlægni og kærleika takk elsku Gulla mín. Rósin er hér til hliðar.

Gærdaginn notaði ég til að fara á Eyrina, skrifaði undir sölusamning hjá Búseta og vænti þess að allt fari vel þar. Fór síðan í Touata umboðið og dúllaði mér smá í búðum, í Heim Hafsins fór ég til að heilsa upp á Huld og Halla keypti mér reyktan silung, íslenskt jurtakrydd og rúgbrauð. Er ég lenti á Húsavíkinni komu elskurnar Milla og c/o borðuðum við snarl saman.

Fór í morgun í búðir, merkilegt maður flytur á millihúsa og það vantar allt milli himins og jarðar og þá er bara að kaupa það, fór einnig í Töff Föt og fékk mér einar leggings. Kom heim gekk frá öllu saman skreið upp í rúm og svaf til þrjú það var bara yndislegt.

Síðan var matur hjá þeim kl 18 og er rétt komin heim og ætla bara að láta ykkur vita að ég er grútsyfjuð.

Kærleik á línuna

 

 

Loksins, loksins!

 Já loksins komin í mína tölvu hafandi verið í fríi frá henni síðan í lok júlí, en vitið að það var mér ekki erfitt því ég er búin að hafa það svo skemmtilegt.

Flutti til Millu minnar í lok júlí og var það bara æði, átti náttúrlega að fá húsið sem ég bý í núna miklu fyrr, en það komu í ljós fleiri skemmdir en haldið var sit hér og það á eftir að gera helling, en ég segi nú bara ekki margt, en verð ánægð ef allt er tilbúið fyrir 1 des.

Ég fór suður um miðjan ágúst og kom Viktoría Ósk með mér það var svo yndislegt að hafa hana með, nú við nutum þess að vera á Keili hjá Dóru og englunum mínum, en þær komu frá Japan 18 ágúst og að sjálfsögðu hittum við fallegu barnabörnin mín á Kópab. og fullt af vinum og ættingjum.

Mér finnst nú spáin mín skondin í dag, ekki kann ég að mála það er spurning með leiklistina er maður ekki að leika allt sitt líf, en meistarakokkur er ég, en bara svo mikið hætt svoleiðis nostri.
Sköpunargáfuna er ég að nota til að gera heimili mitt hlýlegt, íverandi með koddum, teppum, fullt af kertum og ekki má gleyma kærleikanum.

 Sporðdreki:
Nýttu starfsorku þína og sköpunargáfu því þetta eru
þínir sterkustu eiginleikar. Kannaðu ný hverfi og ný
áhugamál eins og að elda, mála eða leika.

Nú er allt komið í fastar skorður skólarnir byrjaðir og amma sækir litla ljósið á hverjum degi í skólann og stundum kemur Viktoría Ósk og fær sér að drekka með okkur, nú englarnir mínir eru byrjaðar í Háskóla Íslands mér finnst eins og það hafi verið fyrir stuttu að ég tók á móti þeim þessum 12 marka ljósum sem gerðu mig að ömmu og svo komu þau hvert á fætur öðru og ætíð var ég jafn hamingjusöm og það get ég sagt ykkur sem ekki hafið upplifað  ömmu hlutverkiðað það er besta hlutverk sögunnar.

Nokkrar myndir



þarna eru þær mæðgur að kveðja Ernu bestustu vinkonu okkar.



Þetta eru sko góðar frænkur



Þetta eru prakkararnir mínir, yndisleg.

Lísbet Lóa svona var hún sæl með sig sat bara á teppinu,
en gerir það nú ekki lengur



Litla ljósið að fara með okkur á Eyrina



Það úir og grúir af dóti, sælgæti, Sölvi Steinn að ná sér í nammi
Solla mín að tala í símann og Viktoría Ósk með litlu Lóuna

Þær voru að fylgja okkur út er við vorum að leggja í hann norður,
Mátti til að birta þessa mynd, sko þær eru í Baby Doll náttkjólum
Skelltu sér í blúndustuttbuxur settu vetrarhúfurnar á hausinn svo
ekki sæist að þær væru ógreiddar, önnur í vesti af mömmu sinni
og get ekki ímyndað mér hvað þetta hvíta er sem hin er með
Þvílíkt outfitt

Kem með fleiri myndir síðar.

Kærleik á línuna

Myndir af Japansförum

Þær eru búnar að senda mér tugi mynda,
sumar eru ekki góðar, þær senda þær í gegnum símann
svo ekki er von á góðu, en hér koma nokkrar

alltaf jafn glaðar þessir englar mínir

Fyrstu skórnir sem keyptir voru, þeir eru æði



Dóra mín undir fiðrildateppi

Þessir eru nú bara æði



mínar í stuttbuxum, gellurnar.

knús á línuna

Að eiga góðan vin.

Já að eiga góðan vin, hvað er það í í hverju er það fólgið, góð spurning, en getur einhver svarað því, jú jú allir geta svarað því hver fyrir sig.

Ég hef átt fáa ekta góða vini um ævina, en alveg fullt af kunningjum, góður vinur er bara ætíð þarna eins og klettur og ævilega er hægt að leita til hans því annars er hann ekki sannur vinur.

Nú það gerist náttúrlega hjá flestum að finna sér vin, sama á hvaða aldri maður er, ég eignaðist tvo eigin menn sem kunnu ekki að vera vinir mínir síðan einn vin sem var bara ekki að passa fyrir mig.

Málið er nefnilega það að ef ég mundi verða svo heppin að eignast vin mundi ég vilja að ég gæti talað við hann þegar ég vildi og að við hefðum það skemmtilegt saman, værum skotin í hvort öðru ástfangin af lífinu, færum saman á tónleika, út að borða, kaffihús, og bara allt sem okkur langaði til og eitt væri afar nauðsynlegt að við værum sammála um að elska fólkið okkar afar mikið því hjá mér eru börnin mín og barnabörn það besta sem ég á, en það er að sjálfsögðu öðruvísi ást heldur en á milli manns og konu.

Þarna er ég að tala um vinskap í sambandi og engum vini að álasa því ég er nefnilega líka vinur.

Í dag á ég engan vin, en ég á samt mína bestu vini sem ég hef alltaf átt og það eru börnin mín og barnabörn, ég kalla tengdabörnin mín líka börnin mín,vini og bræður mína og þeirra fólk og er ég afskaplega þakklát fyrir þau öll, þau eru öll yndisleg við mig. Börnin mín og barnabörn munu ætíð verða hæðst skrifuð í mínu lífi engin getur komið í staðin fyrir þau, en það væri samt gott að eiga vin sem tekur þátt í mínu lífi

Takk fyrir mig að sinni það kemur framhald síðar.
Kærleik til ykkar allra
Milla

Millibilsástand

Já það er millibilsástand á mér þessa daganna, er hjá Millu, Ingimar og ljósunum mínum, tölvan hér er að sprengja allt af sér eða eitthvað svoleiðis kemst ekki vel inn á facebook, svo ég set hér inn smá færslu til að láta vita að ég sé alveg sprelllifandi. Á Húsavík eru mærudagar, bærinn er fullur af fólki og við erum afar stolt af okkar skreytingum svo ég tali nú ekki um móttökurnar og allan matinn sem fólk getur fengið sér, já bara hreint út um allan bæ. hér er yndislegt að vera og svo mikið að gera að hjá mínu fólki þar sem Milla mín er að vinna í Túrista þjónustunni og Ingimar er að selja fisk og franskar niður á bryggju. Ég fer á eftir að sækja englana mína fram í Lauga þær ætla að fara á ball með SOS sem er sko HLJÓMSVEITIN. Þær eiga svo að vinna á morgun, en hvað með það, maður gerði nú annað eins er ungur maður var.

Vonandi eftir helgi verður farið í að mála hjá mér í nýju íbúðinni, get nú farið að setja upp í skápa í eldhúsinu og í svefnherberginu er málningu hefur verið komið á veggi og loft þar, hlakka rosa til. Nú ég fæ síminn og allur pakkinn verður kominn eftir helgi, en mun ekki tengja tölvuna fyrr en búið er að mála þangað til verð ég ekki mikið á ferð um netið.

Eigið yndislega daga dúllurnar mínar
Milla

Töfrum klæddir dagar.

Sporðdreki:
Njóttu augnabliksins, því allt sem þú snertir
verður að töfrum.
Nú eru tækifærin svo margvísleg að þú hlýtur
að finna eitthvað við þitt hæfi


Að mínu mati eru tækifærin ætíð til staðar, það þarf bara að sjá þau, fyrir mig sem er komin á launin þið vitið eru tækifærin ótal mörg ég þarf einungis að grípa þau sem ég vil nota. Í gærmorgun hringdi dóttir mín og bauð mér á Eyrina og ég var fljót að segja já, lagt var í hann um 12 leitið, dagurinn var magnaður, yndislegt veður, allir svo glaðir sem maður mætti og fólk óspart á brosin sín. Á heimleið komum við við á Laugum til að taka englana mína með, en þær ætla að hjálpa til við flutninginn sem verður vonandi á sunnudaginn, ef þetta eru ekki töfrar þá veit ég ekki hvað.

Nú við fórum heim í hálftóma húsið, sem var mitt og þar héldu ljósin mín tískusýningu, fóru í öll fötin sem keypt voru á þær og gleðin skein úr augum þeirra, eru þetta ekki töfrar?

Það er eitt sem margir eru ekki meðvitaðir um og það er að ástin birtist í svo mörgum myndum, ekki endilega að við séum ástfangin í karli/konu heldur umhverfinu, lífinu og því sem er í kringum okkur sú ást er tær og yndisleg fer ekki neitt, eins og er maður missir niður ást á mannveru, en það er nú eðlilegt því mannfólk, flest skilur ekki hvernig á að koma fram í samböndum, eða lífinu í heild.

Ég elska lífið, allt mitt fólk, og það er ekki verra að vera ástfangin í ??????????????????

Njótið helgarinnar
Milla

Gaman gaman.

Einu sinni hefði mér þótt afar leiðinlegt að standa í flutningum, það var þegar ég ríghélt í hvern hlut sem ég átti, en nú er öldin önnur, það er svo gaman að vera að flytja og losa sig við alla gömlu orkuna sem fylgir gömlu hlutunum sem ég hef sallað að mér í tímana rás. Nú sit ég hér í gömlu íbúðinni minni það er búið að pakka öllu sem ég ætla að eiga allt annað er komið á haugana eða í nytjamarkaðinn hér í bæ ekki nóg með það, allt er farið upp í hús nema stóru hlutirnir sem ekki eru nú margir, en þeir fara um helgina og þá flyt ég til Millu minnar þar til ég fæ íbúðina fyrsta ágúst.

Tveir hjálparkokkar, frænkurnar Aþena Marey og Friðrikka

Hálf tómlegt orðið í tölvuverinu



Ekki líkt því sem áður var



Þarna er einn kassi svona rétt til að henda niður smádóti



Tómlegt sæta hornið mitt

Ekkert í borðstofunni 

Fékk náðasamlega að hafa kaffikönnuna, pappadiska og smá annað

Ætla ekki að lýsa því hvað ég hlakka til að koma mér fyrir á nýja
staðnum, það verður bara yndislegt og ljósin mín ætla að hjálpa
ömmu, englarnir mínir verða farnar suður, en þær eru búnar
aldeilis að hjálpa ömmu sinn.

Gaman að sýna ykkur svona hráa íbúð og svo mun ég birta ykkur
myndið frá nýja staðnum og það verðu sko breyting.

Knús í allra hús.

Ábyrgðarstaða.

Sporðdreki:
Öllum breytingum fylgir nokkurt rót. Af hverju ekki núna?
Taktu að þér ábyrgðarstöðu og heppnin verður með þér.

Já hvað er nú það, tel mig hafa verið í ábyrgðarstöðu allt mitt líf og verið afar heppin. Nú ég átti afar skemmtilega æsku og unglingsár með öllum þeim uppákomum sem þeim tilheyra, frábær ár, nú svo fullorðnast maður giftist og eignast börn, ég giftist reyndar tvisvar, en hvað með það, svona er lífið.

Tel það vera þá mestu ábyrgðarstöðu sem nokkur getur fengið að ala upp börnin sín og það er yndislegur tími, nú þau fullorðnast og eignast börn sem ég tek á móti með allri þeirri ást sem til er meira að segja taldi ég að maður gæti ekki elskað meira en þegar maður eignast börn sjálfur, en það er bara þannig, allavega hjá mér, er að springa af ást til þeirra allra, einnig barna og tengdabarna

Öllum breytingum fylgir nokkurt rót.
Af hverju ekki núna, segir stjörnuspáin.

Breytingarnar eru hálfnaðar það sem ég á eftir er að flytja og það gerist eftir hálfan mánuð. Við svona umrót kemur ábyrgðin mun sterkari inn og huga ber að barnabörnunum sem ekki eru að skilja hlutina eins og þau eldri, ég er búin að vera í því að svara spurningum á þann hátt sem ég tel að þau skilji og ljósunum mínum hér hlakkar bara til að hjálpa ömmu að gera fínt í nýja húsinu eins og þær kalla það og þær munu svo sannarlega fá að gera það.

Taktu að þér ábyrgðarstöðu og heppnin verður með þér.

Eins og ég tel upp hér að framan þá er ég löngu búin að fá ábyrgðarstöðuna og heppnin er fólgin í fólkinu mínu, það er bara sú mesta heppni sem nokkur getur upplifað, þau eru yndislegust af öllu yndislegu.

Gaman að segja frá því að ég hef verið að fylgjast með barnabörnunum mínum taka á sig ábyrgð, alveg án þess að þau séu beðin um það og stórkostlegt er að horfa upp á þau höndla ábyrgðina með sóma, eitt sem við þurfum að passa upp á það er að leifa þeim að njóta sín, bara að leiðbeina ef þörf er á, en nota bene, börn sem ekki eru alin upp við aga og meðvitund geta ekki tekið á sig neina ábyrgð.

Börn í dag eru afar vel gerð og vita alveg hvað þau vilja.
Hlustum ávalt á börnin okkar

Frábær skemmtun

Rekstravörur  er eitt af þessum frábæru fyrirtækjum sem vilja að fólkinu sínu líði vel, til dæmis á tiltektardögum er fólkið klætt í einhverskonar grímubúninga og eru í þeim við sín störf þar til tiltekt byrjar, þetta er alveg frábært, þjappar fólki saman og kúnnarnir hafa gaman af, síðan er grillað um kvöldið og allir fara heim glaðir með að vinna á þessum stað.



Hér eru tveir skrautlegir en voða sexý, þessi í bleika bolnum er
Ingó bróðir minn. Flott outfitt fyrir innkaupastjóra.

Fyrirgefðu elsku bróðir, mátti til að birta þessa mynd.

Fram í hugann kemur

Já nefnilega svo afar margt, Jóhanna bloggvinkona mín sagði við mig í komenti að það væri gott að eiga góða ömmu og afa og þá fóru hugsanirnar af stað hjá mér

Man fyrst eftir er ég kom til ömmu og afa, hef verið um fjögra ára og það sem er mér svo minnisstætt er að langamma Helga Beata lá í rúmi sínu orðin eitthvað lúin og veik, en átti samt mola í poka undir koddanum sínum til að gefa okkur smáfólkinu, man einnig frá þessum tíma eftir jólakökunni hennar ömmu, hún var æðislega góð.

Þegar þau voru flutt í Nökkvavoginn komum við að sjálfsögðu oft í heimsókn og man ég sérstaklega eftir jólaboðunum, jólatréð var sett á mitt gólf, Gummi frændi spilaði á píanóið og við dönsuðum í kringum tréð og sungum með, auðvitað voru borð hlaðin kræsingum þeirra tíma, gamaldags rjómatertum, randalínum, smákökum og ýmsu öðru, en maturinn var að sjálfsögðu hangikjöt með heimasoðnum grænum baunum, kartöflum og uppstúfi.

Man líka eftir búrinu hennar ömmu, sem var niður í kjallara, ég elskaði þegar amma bað mig að fara niður og ná í eitthvað, búrið var á stærð við svefnherbergið mitt í dag og í því gegndi ýmissa grasa,
eins og stórir kassar af þurrkuðum ávöxtum, sem maður laumaðist í, setti smá í kjólvasana og tróð upp í sig, en passaði upp á að vera búin að kyngja öllu er upp kom, auðvitað vissi amma alveg hvað var að gerast og hafði gaman að, hún var nefnilega prakkari mikill.

Amma og afi voru alla tíð afar sparsöm og það var synd að henda hvort sem það var matur eða föt, en nísk voru þau ekki, ég lærði heilmikið af þeim eins og bara af mömmu og pabba því þetta var bara svona í þá daga og ég fylgi þessu enn í dag, en þau leifðu sér það sem þeim langaði til afi fór í laxveiði og man ég eftir mörgum skemmtilegum ferðum í Víðidalsá sem var eiginlega áin hans afa, enda falleg á.

Man þegar ég var ófrísk af öðru barninu mínu kom upp í Belgjagerð mætti afa fyrir utan hann var að koma í vinnu eftir hádegisblundinn sinn og hann faðmaði mig horfði svo á mig og sagði áttu enga kápu tátan mín, ég varð víst eitthvað undrandi, hann tók upp veskið og rétti mér nokkra seðla og sagði: "Fáðu þér kápu fyrir þetta tátan mín", ég náttúrlega knúsaði hann fyrir, en mig vantaði enga kápu, en kápu varð ég að kaupa, maður gerði nefnilega eins og afi lagði fyrir mann, málið var að það var hásumar og afar heitt úti svo ég var bara í mínum óléttukjól, en auðvitað átti ég að vera í kápu það var svona snyrtilegra, fór og keypti mér létta kápu og notaði hana í botn sko er ég var orðin léttari.

Afi og amma voru klettarnir í mínu lífi, þau voru alltaf þarna og elskuðu mig og öll hin barnabörnin afar mikið, ég átti ætíð athvarf hjá þeim, það var hlustað á, ráðlagt og spjallað um málin.

Takk elsku amma og afi, ég elska ykkur afar heitt.
Milla

 

Fyrirmyndir mínar

Fyrirmyndir mínar eru margar, það voru Jórunn amma og Jón afi þau voru alveg sérstök alltaf svo góð maður fann hlýjuna frá þeim alltaf og svo man ég hvað þau gerðu mörgum gott sem minna máttu sín.
Það var ætíð gaman að koma í Nökkvavoginn til þeirra.

Pabbi var besti vinur sem ég hef átt, hann var alltaf í góðu skapi og elskaði okkur öll kröfulaust.
Mamma var fyrirmyndin í öllu því sem maður kann bæði til saumaskapar, matargerðar og að maður gæti gert alla hluti sjálfur.

Vinkonu á ég nýfengna, en eldgamla samt sko hún er ekki gömul, bara vinskapurinn og er hún mikil fyrirmynd hjá mér.

Svo eru það barnabörnin mín sem ég er í afar góðu sambandi við, þau eru sko góðar fyrirmyndir, þau væru það ekki ef þau ættu ekki svona yndislega góða og réttsýna foreldra.

Ég gæti örugglega talið upp miklu fleiri, en þetta er gott að sinni.

Takk elskurnar mínar allar bæði farin og hér á þessari jörð, elska ykkur öll afar heitt.

Uppeldi og áhrifavaldar.

Hér um daginn gerðist nokkuð merkilegt, ég var að tala um vissar persónur og sagði að þær væru afar ákveðnar í sínum skoðunum og hefðu verið frá því að þær voru smá, engin breytti ( þá kom innskot frá ónefndum manni sem sagði að það væri nú hægt að hafa áhrif) Mikil ósköp sagði ég: það hefur bara aldrei þurft með þessar persónur, þær eru svo ansi vel gerðar og gefnar"

Þegar þessar persónur voru smá fóru þær í heimsókn til fólks, er þær komu heim var spurt hvort ekki ætti að vera hreint hjá fólki er það fengi gesti? Engin hafði áhrif á að síld með kartöflum stöppuðum í safanum af síldinni, væri heimsins besti matur, né heldur að lifrapylsa væri sælgæti og að þær borðuðu aldrei pylsur, hamborgara eða annan ruslmat, né heldur að þær elskuðu að fara á söfn, lesa kvæði, fornsögur og annað augnkonfekt sem fyrir þeim varð. Aftur á móti er þær létu í ljós áhuga á einhverju var stutt við bakið á þeim í því, það er nefnilega það sem uppalendur eiga að gera, ekki að letja persónurnar og segjast ekki nenna þessu eða hinu.

Að sjálfsögðu ala allir upp sín börn, kenna þeim muninn á réttu og röngu, en mín skoðun er sú að maður eigi að leifa sköpunargáfu hvers barns að njóta sín þá mótast þeirra skoðanir frekar í rétta átt, svo vita það nú allir að við erum að mótast og þroskast allt lífið, en því miður staðna sumir einhversstaðar á leiðinni, engin athugar neitt um það eða gerir  neitt í því, oft eru þessar persónur kallaðar eilífðar táningar og ekki er ég að setja út á það, það er ekki sjálfgefið að allir séu eins.

Það sem mér fannst svo merkilegt var þessi setning, það er nú hægt að hafa áhrif. það fólk sem talar svona hefur ekki mikið vit á eða eru góðir uppalendur yfirhöfuð, gjarnan vill þetta fólk kenna öðrum um, tekur enga ábyrgð, blaðrar bara út og suður  og skilur ekki að öllum er sama.

Ætli þetta sé svona hjá fólki yfirhöfuð, að áhrifavaldarnir séu yfir höfði fólks alla ævi, nei ekki aldeilis, fólk er stöðugt að breytast, fær sífellt nýa sýn á allt sem gerist í lífinu, það er að segja ef fólk er meðvitað um umhverfið og sjálfan sig.

Þær persónur sem láta áhrifavalda stjórna sér eiga bara bágt og hafa engan vilja. það er engin svoleiðis persóna í kringum mig.

Gat ekki stillt mig um þetta.

Smá fréttir og svo bloggfrí

Sporðdreki:
Þegar þú leyfir andagiftinni að ráða för,
lendirðu á óvæntum stað þar sem galdrar gerast.
Vinur gæti boðið þér út eða fært þér gjöf sem gleður þig.

Flott stjörnuspá, ef þær mundu nú rætast svona smá þá væri nú gaman að fá smá gjöf frá vini , en það skiptir eigi svo miklu því ég fæ þær gjafir sem ég þarf alla daga, frá fólkinu mínu sem umvefur mig og ég elska að hugsa um.

Eins og ég hef áður sagt frá þá var ég að skila inn þessari Búseta íbúð sem ég er í, hef frest til 1/10 til að skila, en þar sem íbúðin er seld þá er best að fara út sem fyrst og hvað haldið þið, fékk hús á leigu í gær, yndislegt hús með útsýni yfir flóann, kinnafjöllin það er það sem ég þarf, að sjá út á sjóinn, það gengur allt upp hjá mér það er eins og maður sé leiddur áfram, fór í Viðbót að kaupa mér kjöt á mánudaginn, spjallaði þar við kunningjakonu, barst talið að íbúðum hún sagði mér að tiltekið  hús væri að losna í ágúst nú ég hringdi og spurðist fyrir fékk að skoða í gærmorgun, kolféll fyrir húsinu og er komin með leigusamninginn í hendurnar til undirskriftar, bíllinn komin með miða í afturrúðuna, þið vitið svona til sölu miða, nú ætlar Milla að hreinsa út kominn tími á að sleppa öllu þessu gamla drasli sem gefa manni ekkert nema pirring þá er ég að meina dauðu hlutina, en það tekur aðeins lengri tíma að hreinsa út úr sálartetrinu, mun samt hafast á endanum.

Mest um vert er að ég er afar hamingjusöm með mig
og mína og allt sem ég er að gera.

Komin í smá bloggfrí, nema eitthvað alveg sérstakt komi upp á.
Kærleik til allra sem þetta lesa og eigið yndislegt sumar
Milla

Varaformanninn

 

 

 

 

 

 

Auðvitað hefur það legið í loftinu, en ég mundi vilja sjá þig sem formann að Bjarna Ben ólöstuðum þá ert þú ferska blóðið sem þarf til að koma flokknum á kjöl aftur á landsvísu, ákveðin, stendur við það sem þú segir og svo ert þú Hanna Birna mín bara flott kona, ég ætla tært að vona að karlpeningurinn í flokknum sé búin að láta af gömlum vana að pota konunum aftur fyrir sig.

Hitti vitran mann um daginn, sem taldi að konur ættu að vera í framsveitum alls því þær væru afar færar til stjórnunar og þar er ég sammála.

Þú óskar nýjum meirihluta velfarnaðar, það geri ég einnig, en bara vegna reykvíkinga, mun eigi tjá mig um það frekar.

Gangi þér vel í því sem þú tekur þér fyrir hendur.

Íhugar varaformannsframboð