Lesið þetta, alveg óhætt að fara eftir þessu

Hin 90 ára gamla Regina Brett frá Ohio - skrifaði þessi 45 atriði um það sem lífið hafði kennt henni:

13.5.2010 | 22:01

Hin 90 ára gamla Regina Brett frá Ohio - skrifaði þessi 45 atriði um það sem lífið hafði kennt henni:

 1.     Lífið er ekki sanngjarnt, en það er samt ljúft.

2.    Þegar þú ert í vafa, taktu þá bara lítið skref.

3.    Lífið er of stutt til að eyða tíma í að hata einhvern.

4.    Vinnan þín mun ekki sjá um þig þegar þú verður veik(ur).  Vinir þínir og fjölskylda munu gera það.  Vertu því í sambandi við þau.

5.    Greiddu kreditkortareikninginn þinn í hverjum mánuði.

6.    Þú þarft ekki að vinna öll deilumál - samþykktu að vera ósammála.

7.    Gráttu með einhverjum.  Það er betra en að gráta einn.

8.    Það er allt í lagi að reiðast út í guð....Hann þolir það
.
9.    Safnaðu fyrir elliárunum og byrjaðu með fyrsta launaseðlinum.

10. Þegar kemur að súkkulaði, þá er mótstaða árangurslaus.

11.  Semdu frið um fortíðina, þannig að hún eyðileggi ekki samtíðina.

12. Það er í lagi að láta börnin þín sjá þig gráta.

13. Berðu ekki þitt líf saman við annarra.  Þú hefur ekki hugmynd um hvernig þeirra líf er.

14. Ef samband þarf að vera leynilegt, þá áttu ekki að vera í því.

15. Allt getur breyst á augabragði.  En hafðu ekki áhyggjur.

16. Dragðu andann djúpt að þér - það róar hugann.

17. Losaðu þig við allt sem ekki er nýtilegt, fallegt eða skemmtilegt.

18. Það sem ekki drepur þig gerir þig bara sterkari.

19. Það er aldrei of seint að hafa skemmtilega barnæsku. En sú seinni er alveg undir þér komin og engum öðrum.

20.Þegar kemur að því að sækjast eftir því sem þú elskar við lífið, taktu þá aldrei Nei sem svar.

21. Brenndu kertin, notaðu fínu rúmfötin, farðu í fínu nærfötin.....Sparaðu þetta ekki fyrir sérstök tilefni - Í dag er sérstakt tilefni.

22.Undirbúðu þig ávallt vel - láttu svo strauminn taka þig.

23.Vertu óvenjuleg(ur) í dag......Bíddu ekki eftir gamals aldri til að klæða þig í fjólubláan lit

24.Mundu að mest áríðandi kynfærið er heilinn.

25.Enginn ræður yfir hamingju þinni nema þú.

26.Rammaðu inn allar svokallaðar þjáningar með orðunum.......Mun þetta skipta einhverju máli eftir 5 ár

27.Hafðu lífið alltaf að leiðarljósi.

28.Fyrirgefðu öðrum allt.

29.Það sem aðrir hugsa um þig kemur þér alls ekki við.

30.Tíminn læknar svo til allt.......Gefðu tímanum tíma.

31. Hversu gott eða slæmt sem ástandið er....þá mun það breytast..

32.Taktu þig ekki of hátíðlega....enginn annar gerir það

33.Trúðu á kraftaverk!

34.Guð elskar þig eins og þú ert.... ekki vegna þess sem þú gerðir eða gerðir ekki.

35.Endurskoðaðu ekki lífið.....Vertu til staðar og taktu þátt í því.

36.Að verða gamall er betra en hinn kosturinn....að deyja ungur.

37.Börnin þín fá bara eina barnæsku.

38.Allt sem skiptir máli í lokin er að þú hafir elskað.

39.Farðu út á hverjum degi....kraftaverk bíða alls staðar.

40.Ef við myndum öll kasta áhyggjum okkar í stafla og sæjum stafla hinna, . . þá myndum við hrifsa okkar til baka.

41. Öfund er tímasóun.....Þú hefur nú þegar allt sem þú þarfnast.

42.Það besta er ef til vill einnig ókomið.

43.Það skiptir ekki máli hvernig þér líður.....farðu á fætur, klæddu þig og sýndu þig.

44.Láttu undan.

45.Lífið er ekki skreytt með slaufum....en samt er það gjöf.

MUNA: Sjálfsvirðing fæst ekki gefins og ekki er hægt að kaupa hana. Hún vaknar þegar við erum ein, á hljóðum stundum og stöðum þegar okkur verður allt í einu ljóst að við höfum vitað hvað var rétt og hegðað okkur samkvæmt því, vitað hvað var fallegt og látið aðra fá hlutdeild í því, vitað hvað var sannleikur og ekki reynt að dylja hann -

Njótið tilverunnar kæru vinir!!!!

Fékk þetta að láni hjá henni Lindu Linnet.

Skemmtilegir dagar

Sporðdreki: Það vantar ekki mikið upp á að þér takist að
klára það verkefni sem þér hefur verið falið. Láttu neikvæðni
annarra ekki draga úr þér því þú veist hvað þú þarft að gera.

Já ég veit alveg hvað ég þarf að gera, en veit bara ekki hvenær vinnunni lýkur við  verkefnið, tel að það komi bara sí svona upp í hendurnar á mér hvenær rétti tíminn er.

Núna er ég bara að hugsa um að hafa það yndislegt með mínu fólki og ég set hér inn nokkrar myndir.

Miku og Neró að kyssast, en Neró mundi nú helst vilja Miku burt
hann tekur athyglina frá honum



Miku er algjör dúlla

Litla ljósið mitt, alsæl með Hannah Montana hárkollu, sem
hún keypti sér í fyrradag á Eyrinni

Hún er bara flott



Viktoría Ósk mín að koma með Neró yfir brúnna á búðaránni, en
þær frænkur fóru út að labba í gær



Ánægðar saman í göngutúrnum, þær eru svo glaðar þessar
dúllur mínar



Sigrún Lea, flottur bakgrunnur



Guðrún Emilía, Húsavíkurfjall í baksýn



Og svo er litla ljósið að leika sér í garðinum

Snillingarnir að gretta sig

Njótið vikunnar kæru vinir

Fjörið er byrjað

Englarnir mínir kláruðu skólann í dag, svo nú er bara að bíða eftir útskriftardeginum, hlakka svo til að sjá þær með hvítu kollana, þær eru elstu barnabörnin mín. Ég sótti þær fram í Lauga þegar þær voru búnar í dag, þær ætla að vera hjá ömmu sinni í tíu daga eða svo.
Ég er alveg hrikalega stolt að þeim

Sótti einnig Viktoríu Ósk á síðasta tímann í hestanámskeiðinu, það var æði að sjá þau koma ríðandi heim að Saltvík, svo glöð og rauð í kinnum eftir útreiðatúrinn, Aþena Marey fékk aðeins að fara á bak, en hún er ákveðin að fara á námskeið næsta vetur.

Við borðuðum svo öll saman í kvöld, snidsel upp á gamla mátann.

Englarnir mínir, svo glaðar að vera búnar með þennan áfanga



Þær eru bara flottar



Grettumynd



Þær eru að skoða föt, skiljanlega



Yndislega Viktoría Ósk mín

Litla ljósið mitt, hún Aþena Marey.

Allir vita hvað ég elska þessar stelpur mikið og reyndar
öll mín barnabörn

Kærleik á línuna

Yndisleg frétt

Edda útnefnd fyrsti heiðursfélaginn

 „Þetta var afskaplega fallega hugsað," segir Edda Heiðrún Backman, hugsið ykkur æðruleysið í þessari stórbrotnu konu, bara ef brot af fólki landsins væri eins og hún, væri landið betur sett.

Hún segir það ánægjulegt að senn styttist í famkvæmdir við Grensás og það er svo sannarlega rétt, eftir því sem ég hef haft spurnir af þá hefur deildin drabbast niður, búið að segja upp fullt af fólki og ég spyr hvernig í ósköpunum er þetta hægt, að gera þeim sem þurfa á þjónustu Grensás að halda.

Edda Heiðrún kom þessu söfnunarátaki í gang, fékk með sér fólk og hreif það með sér í hæðstu hæðir, útkoman varð 102,5 miljónir króna

Ég óska Eddu Heiðrúnu til hamingju með heiðursfélags-nafnbótina og bara allt hennar líf, hún á heiður skilið fyrir hvernig hún tekur á málum.

Kærleik og gleði til þín flotta kona.

Edda útnefnd fyrsti heiðursfélaginn

Eins og maður slappi nú ekki af

Sporðdreki:
Þótt það sé mikið að gera hjá þér þessa dagana þarftu
að gefa þér tíma til að slappa af og skemmta þér.
Ástamálin eru eitthvað flókin þessa dagana .

Jæja, en næstum því slappar maður af, kannski ekki í huganum, var að tala við tengdadóttur mína í gær og sonur minn er á eilífum fundum, hann er á kafi í pólitíkinni, versta tík sem til er, en hvað með það, ég fór á skrið og var komin aftur í söguna þrusaði úr mér, þangað til ég fattaði að hún hefur bara engan áhuga eða tíma í þetta núna þessi elska með 4 börn og ég sagði: ,,jæja nú missti ég mig," ,, já og ég missti þig, bara alveg sagði hún:" það sem ég er að meina er að þó ég slappi af og hvíli mig vel þá róast ekki hugsunin um allt sem er að gerast í okkar lífi, þá meina ég okkar allra.

Mín skemmtun er fólgin í að vera með fólkinu mínu, ferðast sem ég hef nú ekki mikil ráð með nú orðið, enda búin að skoða Ísland ágætlega vel og hvað útlönd varðar þá eru þau sem ég hef ekki séð (sem er næstum allur heimurinn) sé ég bara er ég kem handan glærunnar.

Ástamálin flókin? Hef ekki orðið vör við það, þau eru bara eins og ég vil sjálf, þegar ég var ung og óþroskuð taldi ég að allt ylti á samförum og að sýna manni sínum mikla ást þó ég meinti það ekki og nennti ekki þessu kynlífi alla tíð stöðugt og ef eitthvað kom upp á þá var eins og er búið var að gera það, væri bara allt fyrirgefið og gleymt, en það er bara ekki svoleiðis. Það er alla vega mín skoðun.

Hef nú örugglega losað um þessar hugsanir áður, en stundum þarf að losa meir, meina sko, er ég á besta aldri fékk mér vin til að eiga samveru með, fara út að skemmta mér með í hvaða formi sem það var, kynnast börnum og barnabörnum og hafa gaman tel ég nauðsynlegt að það sé kröfulaust samband, þá meina ég ekki að aðilar geti gert það sem þeir vilja og bara það sem þeir vilja, heldur að það sé borin virðing fyrir öllum sem eiga í hlut og að allir sætti sig við að þeir stjórna ekki í því hvað foreldrarnir gera, því það er ekki þeirra líf heldur foreldrisins, allir sem þekkja mig/okkur vita hvað ég er að meina.

Já hvað er svo þessi ást??? Hún er að sjálfsögðu að allt þetta geti gengið upp og að báðir aðilar séu heiðarlegir gagnvart sjálfum sér og vininum sem hann/hún búa með,  fólk sem samkrullast án þess að vera í sambúð verður að geta treyst hvort öðru, annars er voðin vís.

*************************************************

Má til með að setja inn nokkrar myndir síðan í gær
er við vorum að passa Bjart.



þeir fengu að liggja í silkisófanum hennar ömmu.

Bjartur er að segja við Neró: ,, Neró við fáum ekkert klór"



Bjartur er að sjá til hvort afi missi ekki eitthvað niður, en hann er
að fá sér te og brauð



Neró er abbó, en svo sætur



Hver getur sagt nei við svona augu, enda fengu þeir Urr, þeir
elska það nammý-gott



Þeir voru orðnir voða þreyttir á ömmu sinn

Sendi kærleik á línuna og endileg
verið ásfangin af lífinu

Skemmtilegar annir.

Sporðdreki:
Það er ekki hyggilegt að hleypa málum af stað
án þess að reyna að sjá framvinduna fyrir.
Leyfðu öðrum að sanna sig fyrir þér.

það gera sér nú allir heilvita menn sér grein fyrir, en svona í mínu tilfelli og að hætti sporðdrekans þá man maður það stundum eftirá. þá er skaðinn orðin og í öllum tilfellum réttlæti ég gjörðir mínar mikil ósköp, ekki get ég farið að viðurkenna að kannski, mögulega hefði ég átt að bíða með að hleypa af skotunum, reyni samt svona á fínan hátt að laga hlutina til.

Eitt er samt sem ég viðurkenni og segi: "Fyrirgefðu" ef ég er óréttlát við fólk og þá sér í lagi mitt, en reyni ekki eins og sumir að ljúga, afsaka og jafnvel að segjast aldrei hafa sagt þetta eða hitt, ýtandi á mál sem eiga að vera útrædd og eigi hægt að breyta, fara svo í fílu að því að  þeir fá ekki það sem þeir vilja og vita mál að ætíð er allt öðrum að kenn. Hló mikið í gærmorgun er eitt svona atvik kom upp á.

Ég hef ætíð gefið fólki tækifæri leift því að sanna sig jafnvel þó ég hafi verið vöruð við því, en svo oft er ég búin að fá rýtinginn í bakið, enda komin til ára minna, að nú er svo komið að ég treysti þeim sem eru þess verðir, öðrum ekki, get alveg umgengist fólk sem er ómerkilegt hvort sem það er viljandi eða óviljandi, sumir þurfa bara að lifa í einhverskonar spuna um allt sem gerist í kringum það og eigi breyti ég því, sumir eru svo miklir línumenn  á sínar eigin skoðanir að ekki er hægt að hafa viðræður við þá.

Ég elska þá sem eru vinir mínir. Suma umgengst ég með kurteisi, suma þekki ég bara ekki neitt, en aðra þurrka ég bara út, þeir koma mér ekkert við.

En svo er það þetta með skemmtilegu annirnar, fórum á Eyrina í gær, til að versla vorum allan daginn að gera það sem þurfti til, Dóra mín var að klára að versla allt í útskriftina nema kannski sitthvern mat, þær völdu föt á mömmu sína, eða lögðu blessun sína yfir þau, ég fékk ekki á mig túnikku eins og ég vildi, en það eru að koma ný föt svo ég býð eftir því, held að við höfum farið í allar búðir Akureyrar, næstum. Greifann gáfum við okkur tíma til að heimsækja þar er súpa og salatbar tær snilld. Þarf varla að taka það fram að ég er dauð í dag, þarf samt aðeins að fara niður í bæ, bara að versla smá.

Það sem eftir er fram að útskrift eru bara skemmtilegir tímar við að undirbúa fyrstu gestakomu sumarsins, sem verður á Hvítasunnunni, en þær eiga að útskrifast 21/5-- 22/5 verða þær 19 ára og þá verður útskriftar-veislan, mikil tilhlökkun í gangi.

Kærleik á línuna
Milla

Hún passar nú sjaldnast þessi stjörnuspá.

Sporðdreki:
Dagurinn verður annasamur, ekki síst fyrir hádegi.
Með réttu lagi tekst þér að sigla milli skers og báru.

Morguninn hjá mér var afar rólegur, svaf til 8 eftir bara nokkuð draumlausa nótt, enda bað ég um frið fyrir draumum, naut þess að kúra í mínu fleti á meðan Gísli minn var í sjæningunni, drattaðist svo í morgunmatinn og að vanda í tölvuna eftir hann, fer aldrei í sjæningu fyrr en meðölin eru farin að virka, gott að  tengja sig á meðan.

Gísli kom inn og spurði hvort ég væri ekki alveg stabil, hann ætlaði í göngutúr, varð næstum ekki stabíl við þá tjáningu, en hann hefur ekki farið út að labba í 2 ár, batnandi mönnum er best að lifa. Hann fór í sinn göngutúr, sem eigi var mjög langur það er heldur ekki gott svona í fyrsta skipti.

Við fengum okkur te og brauð um 11 leitið og síðan ryksugaði hann allt húsið, ætlum ekki að gera meira fyrir þessa helgi erum búin að vera svo dugleg.

Ég á að geta silgt á milli skers og báru, sem sagt vegna anna, en sannleikurinn er að eftir hádegið  skrapp ég í búðina, síðan í bakaríið til að kaupa eitthvað fyrir ljósin mín með kaffinu, en eldra ljósið er veikt heima. Siðan fór ég heim og skreið upp í rúm og svaf til fjögur, erum búin að fá okkur kaffibollann og hafraheilsukökur með, en síðan verður kjúklingur í kvöldmatinn, með salati og sýrðum rjóma.
Þetta eru nú allar annirnar

En það er nú í lagi þó eigi séu miklar annir, get þá safnað kröftum ekki veitir af um hvítasunnuna að hafa kraftinn.

Kærleik á línuna
Milla

Að laga til og hreinsa út.

Sporðdreki: Tilfinningarnar ólga hjá þér og þú mátt hafa þig alla/n
við að svo þær beri þig ekki ofurliði. Þú ert fædd/ur leiðtogi.

Það tekur víst á að hreinsa út og laga til hjá sér, en auðvitað ef maður er nógu duglegur með rekuna þá tekst það að lokum. Tilfinningarnar hjá mér ólga svo að ég sef bara endalaust að þeirri þreytu sem skapast af því, það er samt bara gott og nauðsynlegt að vinna vinnuna sína vel, annars tekst vinnan ekki eins og skildi.

Fæddur leiðtogi, já það er trúlega alveg rétt, en ég er nú sem betur fer hætt mikið til að stjórna í öðrum en sjálfum mér, enda afhendi ég ekki svo glatt öðrum þá stjórn, þá væri ég alveg búin að vera.

Tel það vera ærin starfa að laga til í mínu lífi, hreinsa út svo mér geti liðið vel í ellinni, en það er nú langt í það dúllurnar mínar.

Knús í daginn

Flottir dagar

Gilla, Leszik og krakkarnir komu til okkar á miðvikudaginn var, það var æði að hitta þau, en þau voru að fara til Breiðdalsvíkur að skoða aðstæður, eru nefnilega að flytja þangað. Þau komu svo aftur á föstudeginum og fóru í gærmorgun.

Ég fór með ljósin mín fram í Lauga á sumardaginn fyrsta, en þar var opið hús og unga fólkið sem þar er voru með sýningar á því sem þeim fannst vera mikilvægt fyrir lönd heimsins, englarnir mínir voru með kynningu á Japan, tungumáli þeirra og menningu enda telja þær það eitt það mikilvægasta fyrir hverja þjóð að varðveita. Þessi kynning var stórkostleg hjá þeim, stóð hún yfir í 45 mín.

Á föstudeginum var ég að undirbúa kvöldverðin, versla það sem vantaði upp á, aðallega einhvern óþarfa, þið vitið nú hvernig maður er, en ég var með purusteik, brúnaðar kart, rauðkál, gr. baunir, súrt og sætt nú má ekki gleyma Waldorfsalatinu, það var borðað vel, ís á eftir fyrir þá sem höfðu list.

Nú á Laugardagsmorguninn vorum við Gilla vaknaðar kl 6 hún er nefnilega eins og ég, vaknar snemma við spjölluðum þar til fólkið fór að drattast fram, höfðum til morgunmat og spjölluðum ætluðum aldrei að geta hætt, en þau áttu eftir að keyra alla leið til Ísafjarðar. Ég sé þau fljótlega aftur, þau flytja í júní.

Um kvöldið vorum við boðin í gamaldags og gott lambalæri hjá Ingimar, en hann á afmæli í dag þessi elska, til hamingju með afmælið kæri tengdasonur.

Hér koma svo nokkrar myndir af heimsókn Gillu og c/o



Gilla og Leszik

Sigurlaug Brynja, hún er yngst



Gunnar Smári og Halldór Örn, flottir strákar

Gísli með hundana sér við hlið, Neró kúrir í sófanum,
en Perla vil láta klóra sér, Gilla að lesa Bændablaðið.



Perla vildi fá Neró til að leika við sig, en Neró nennir ekkert að leika
við  svona fjörkálf eins og Perlu, hún er bara 9 mán.

Takk fyrir komuna dúllurnar mínar.

Hugurinn reikar, en fyrst þetta.

Gleðilegt sumar kæru vinir
Og takk fyrir veturinn.

Já merkilegt hvað hugurinn reikar svona á merkisdögum eins og sumardagurinn fyrsti er, varla man ég eftir honum öðruvísi en í snjó og látum, en í dag er reyndar snjór en sólin skín og allir vegir auðir. Veturinn er búin að vera mér og mínum góður, ég átti yndisleg jól og mikinn gæðatíma með mínum, veiktist í janúar og er búin að vera lassarus síðan, fór nú samt suður fyrir Páska kvaddi kæran frænda, hitti næstum alla ættingjana mína í fermingarveislum, Lísbet Lóa mín, yngsti engillinn í fjölskyldunni fékk nafnið sitt í kirkjubækurnar og ferðin var bara æði.


Merkilegt, finnst sumum, að er eitthvað fjarar út í lífi manns þá kemur eitthvað annað í staðinn, en mér finnst það ekki neitt merkilegt heldur bara eðlilegt, sko það fjarar eitthvað út eða gerist eitthvað og maður þarf að takast á við mál í sambandi við það, en það er eitthvað sem kemur inn í staðinn og það finnst mér svo eðlilegt og gott. Maður verður að vera sveigjanlegur og aðlaga sig að þeim aðstæðum sem koma upp, tilgangslaust er að velta sér upp úr eymd þó svo að?

Ég fór fram í Lauga í morgun og tók ljósin mín með, það var þemadagur í skólanum byrjuðum á að vera viðstaddar kynningu um Japan sem englarnir mínir unnu og kynntu og það var alveg frábært hjá þeim, skoðuðum síðan sitthvað annað og enduðum þar sem krakkar voru að prjóna fígúrur til handa börnunum hamfarasvæðum og þau eru mörg sem hafa komið til á örfáum mánuðum.

Fengum okkur léttar veitingar í matsal skólans sem að sjálfsögðu Kristján kokkur stóð fyrir og það er aldrei neitt af verri endanum sem hann bíður upp á. Fórum svo aðeins upp til Dóru horfðum á eina mynd, skoðuðum nýju fötin sem þær voru að fá að utan, þau voru æði.

Er alveg skemmtilega þreytt eftir daginn vaknaði 7 í morgun þá voru Gilla og hennar komin á fætur við drifum morgunmat á borðið síðan fóru þau austur á Breiðdalsvík, en koma aftur á morgun og þá verður sko svínasteik á borðum.

Knús í ykkar hús og megið þið eiga yndislegt sumar.
Milla

Hrææta, þær geta einnig verið í mannslíki

Sporðdreki:
Hvort sem þér líkar betur eða verr verður leitað til þín um
forystu fyrir vandasömu verkefni.
Stökktu á verkefni líkt og hrææta.


Skemmtilegt eða hitt þó heldur, nenni nú ekki að fara að taka að mér eitthvert verkefni komin á þennan aldur, vil bara hafa það gott og gaman, en auðvitað kemur það fyrir að taka þarf á málum, en þá bara mínum, ekki að ég trúi að það eigi að biðja mig um forystuhlutverk af einhverju tagi það er bara stjörnuspáin sem segir það og að sumra mati lýgur hún eigi. Sjáum til hvað verður úr henni og ég mun svo sannarlega segja frá ef úr verður.

Ég á samkvæmt spánni að stökkva á verkefnið líkt og hrææta, en ég bara kann það ekki, veit svo sem um marga í mannslíki, sem eru eins og hræætur þá aðallega á peninga annarra og sér í lagi þeirra sem minna mega sín, það er vita mál að alla tíð, eins langt aftur og við finnum bækur og munnmælasögur um hafa hræætur etið upp allt  sem  láglaunafólkið hefur sem er ekki einu sinni til að lifa af.

Hrææturnar sem um er talað lifa sko ekki á hræjum, Ó nei! þeir lifa á öllum þeim lúxusmat sem hægt er að kaupa fyrir peningana okkar.

Hætt þessu fári, kemur mér bara í vont skap.

Kærleik á línuna

Það er svo gaman að lifa

Eða það finnst mér, þó svo að eitthvað bjáti á og að maður þurfi að takast á við og leysa hin ýmsu mál, sem sumir mundu kalla vandamál, en ég kalla bara mál sem þarf að leysa og það eins vel og maður getur.

Í gær ók ég englunum mínum fram í Lauga eftir að þær voru búnar að gleðja mig með sinni nærveru í löngu helgarfríi, ljósin mín komu, einnig Milla og Ingimar og borðuðum við saman á föstudagskvöldið.
Í  matinn hafði ég pestó steiktar kjúklingabringur (pestó með sólþurrkuðum tómötum) kartöflubáta bæði úr sætum og venjulegum kryddað vel með salti, svörtum pipar, dilli síðan dassað með olíu yfir, blandað vel saman og sett í ofn, sósan var úr grískum yogurt krydduðum með ítölsku hvítlaukskryddi frá Pottagöldrum, salti ,svörtum pipar og oregano, salatið var með camenberts-neiðum, rúsínum og hnetum út í það salat sem hver velur sér að hafa, einfalt heilsusamlegt og afar gott.

Ég endaði svo gærdaginn á því að fara á fund til Akureyrar, frábær og gefandi fundur, skal tekið fram að ég fór ein og það gekk bara með afbrygðum vel, skil ekki hvað fólk er að hafa áhyggjur af mér, sko ef ég get keyrt dögum saman í Reykjavík og engin til að leysa mig af, þá er nú ekki mikið mál að aka hér á milli staða, kom við hjá Millu minni og c/o og hún spurði hvort ég væri ekki með úlpu í bílnum, kom nefnilega inn til hennar í stutterma hettupeysu, nei gleymdi reyndar að setja hana í bílinn ég sagði bara að ef eitthvað kæmi fyrir þá mundi ég bara stoppa bílinn setja á hættuljós og bíða þess að prinsinn kæmi á hvíta hestinum að bjarga drollunni, hugsið ykkur hvað það væri nú rómó.

Seinnipart viku ætla þau að koma Gilla og hennar fólk frá Ísafirði svo það þarf að huga að því laga til hafa gestarúmin tilbúin kaupa í matinn og eitthvað gúmmilade fyrir börnin, hlakka til að sjá þau, en Gilla er dóttir Gísla og höfum við ekki séð þau lengi.

Á fimmtudaginn er opið hús í framhaldsskólanum að Laugum og ætla ég mér þangað og tek ljósin mín með, þetta eru afar skemmtilegar uppákomur og árvissar, gaman að hitta fólkið sem kemur ár eftir ár, það heldur tryggð við skólann sinn.

Gosið er í rénum, segja þeir, en ekki er ég nú viss um að það sé búið trúlega mun gjósa aftur, hvenær veit nú engin.

Kærleik á línuna

Hvaðan koma öll orðskrípin

Gígurinn í Eyjafjallajökli.. Myndin var tekin úr TF Sif í gær.

// Innlent | mbl.is | 16.4.2010 | 04:41

Ófrýnileg ásýnd Eyjafjallajökuls

Starfsmenn Landhelgisgæslunnar náðu síðdegis í gær ratsjármyndum af gígunum í Eyjafjallajökli. Megingosopin eru þrjú og er hvert þeirra 200-500 metrar í þvermál.

„Kl. 17:11 er þessi magnaða mynd tekin að djöflinum sjálfum. Var hann eitthvað að blása og mása á Eyjafjallajökli, skilaboðin bara ekki nágu skýr til að við föttuðum hann. Hann er kannski eitthvað fúll yfir ICESAVE og hrunskýrslunni..." segir í flugskýrslu TF-Sifjar, flugvélar Landhelgisgæslunnar.

Hef verið að flakka á milli bloggasíðna og orðalepparnir sem viðhafðir eru hjá sumum bæði í bloggi og í kommentum er bara hreint útsagt eigi sæmandi fullvita fólki, ekki nóg með það heldur eru hamfarirnar sem ganga yfir okkur þessa daganna notaðar til samlíkingar við Icesave og hrunaskýrsluna, finnst fólki þetta eitthvað fyndið?

Ég er eins og aðrir sár og reið yfir því sem er að bitna á okkur núna, en hef tekið þá ákvörðun sem er rétt í mínu tilfelli að vera ekki að eitra mína tilveru með viðurstyggilegum orðaleppum um allt og alla.Leiði þetta eins mikið hjá mér og hægt er og ekki er mikið talað um þessi mál á mínu heimili enda börnin ætíð hér og þau mega ekki verða óróleg yfir kjaftagangi og jafnvel röngum framsetningum af ástandi landsins okkar. 

 Hættum að ata sjálfum okkur auri með óviðeygandi orðaleppum.
 Hugsum um sálartetrið okkar og annarra.

Ófrýnileg ásýnd Eyjafjallajökuls

Hundruðir manna farast í jarðskjálfta

Um fjögurhundruð manns fórust í öflugum jarðskjálfta í vesturhluta Kína á áttunda tímanum í morgun að staðartíma. Óttast er að þúsundir til viðbótar séu særðar, en skjálftinn nam 6.9 á richter skala. Skjálftinn varð í hinni afskekktu Yushu-sýslu í Qinghai héraði og er talið að upptök hans hafi verið á um 10 km dýpi. Verst úti varð bærinn Jiegu og eru flestar byggingar þar ónýtar auk þess sem skriður hafa gert vegi ófæra, líklegt er að tala látinna eigi eftir að hækka.

Svona fréttir erum við búin að fá margar á þessu ári sem og undanförnum árum, það eru jarðskjálftar hvirfilvindar svo og aðrar náttúruhamfarir, þessar fréttir vekja hjá mér sársauka, samúð og svo reiði yfir því að stundum hafa yfirvöld getað gert eitthvað í málunum áður en blessað fólkið varð fyrir þessum ósköpum. Margar þjóðir hafa orðið illa úti og misst marga, sem í raun skiptir ekki neinu því að missa einn er of mikið fyrir eina fjölskyldu, hvað þá heimili sitt og allt sem var í kring.

Margt á sér engin landamæri að mínu mati eins og kærleikurinn, hamfarafréttir, tilfinningasveiflur í sambandi við allt, meira að segja gosreykurinn frá Eyjafjallajökli hefur stór áhrif á flugsamgöngur, merkilegt hvað ég vissi lítið um það enda ekki verið mikið um eldgos af þessari stærðargráðu í minni tíð
Hvað þá að við höfum misst marga í þeim hamförum. Það eru snjóflóðin sem hafa tekið frá okkur fólkið okkar það er sárt og ógleymanlegt fyrir þá sem misstu og alla þjóðina því við tókum og tökum þátt.

Hugsið án landamæra um afleyðingar hamfara, missirinn, hungursneiðina, sem varir jafnvel í mörg ár því það tekur tíma að byggja upp og rækta, en við eigum þó fólkið okkar, mat og hvort annað.

Kærleik í helgina ykkar
Milla

400 farast í jarðskjálfta í Kína

Finnst ég vera á milli vita

Er það nú eitthvað skrítið, í marga mánuði hef ég ekki hlustað á fréttir nema með öðru svona stöku sinnum og að sjálfsögðu hefur maður dottið í að lesa einstaka greinar, sem svo að loknum lestri hafa fengið mann til að snúa hausnum sitt á hvað og spyrja sjálfan sig, er ég eitthvað skrítin eða er ég að lesa reifara eða einhverja lýsingu á óraunveruleika, sem ég taldi aldrei geta verið raunveruleika, sko trúði því ekki lengi vel að til væri svona mikið siðleysi í okkur Íslendingum, en fjandinn hafi það, mörg okkar tóku þátt í þessari geðveiki sem var að lifa um efni fram er. Ég er að sjálfsögðu löngu búin að uppgötva sannleikann og hann var sár, ég kaus engan í síðustu kosningum hafði bara ekki geð í mér til þess, en nota bene hafði væntingar til þerra sem kosnir voru á þing varð á í messunni enn einu sinni, mun aldrei treysta þessu fólki neinu af því aftur.

Verst þykir mér ógeðslegi sleikjuskapurinn sem hefur verið ráðandi, þeir aumingjans menn sem eiga sama sem ekki neitt, viðhafa hann mest, ekki að hann sé að byrja í dag, Nei nei, hefur verið hér í tuga ára. hvenær skyldu menn muna að við erum best bara eins og við erum. Sumir eru spennufíklar græðgin verður þeim ætíð að falli og þeir eru öllum til vansa. Sumir eru ekki afar vel gefnir og auðvelt að teyma þá út í aðgerðir sem eru ólöglegar. Hvað skildi verða um peðin núna, þessir stóru sleppa nú örugglega flestir.

Mér hugnast nú eigi aðstæður þeirra sem ekkert eiga og hryllir við því ástandi sem koma skal, þar hef ég mestar áhyggjur af börnunum, þau verða alltaf verst úti.

Verðum við ekki öll að vera á varðbergi, hlú að þeim sem eiga um sárt að binda þó við eigum ekki peninga þá að sína hlýu, góð orð og um fram allt kærleika. Nú fer sumarið í garð og ég kallaði það um daginn sumarið sem allir verða heima, hvernig væri það að halda götugrill, kynnast nágrönnunum og rækta garðinn sinn, ekki dónalegt það.

Kærleik á línuna

 

Fengum skemmtilega heimsókn í dag

Hann Bjartur, sem er hundur kom í heimsókn í dag eða eiginlega var hann í pössun, en hann passaði Neró fyrir okkur er við fórum suður um daginn. þeir eru svo yndislegir, svo ég set hér inn nokkrar myndir af þeim.

Ekki alveg viss hvort hann ætti að koma inn



Dúllurnar, Bjartur sá hvíti nýklipptur og fínn

Neró var í fyrstu í hálfgerðri ólund, en var fljótur að jafna sig




Amma lagðist aðeins upp í rúm, hann var fljótur að koma

Síðan kom Neró og ég þurfti náttúrlega að klóra þeim báðum, það
endaði með að við sofnuðum öll þrjú og fengum okkur góðan lúr.

Guðný kom síðan að sækja Bjart, en áður en hann fór heim þá gaf
ég þeim URR hundamat þeir elska það sælgæti.
Bjartur minn þú ert ætíð velkominn.

Kærleik á línuna

 

 

Það er ekkert að garast

Það er ekkert að gerast í þessu landi, sagt er að þetta og hitt sé komið á koppinn og aðrar framkvæmdir séu tilbúnar til útboðs, en fjandinn hafi það ekkert er verið að gera haldbært fyrir fólkið í landinu.

Eins og ævilega þykjast menn ekki vita  hversu ástandið er alvarlegt, hugsun þeirra syndir fram hjá almúganum án þess svo mikið sem að líta til okkar, við erum skömmin í þjóðfélaginu, en þeir vita ekki blessaðir ráðamennirnir að skömmin er þeirra. Þeir segja nú svo margt sem einu sinni þjóðin trúði, en ekki lengur við trúum ekki einu einasta orði sem þeir segja þessir yfirborðs-kjaftaskar.

Þeir sem þurfa að leita sér hjálpar og fá mat gefins eiga ekki að þurfa að skammast sín, þeir eru bara að bjarga börnunum og sjálfum sér frá svelti, eitt er samt víst að þetta á ekki að þurfa að vera svona. Verið stolt af ykkar þori að leita eftir hjálpinni munið að þið eigið hvort annað.

Kærleik ég sendi á línuna.

Fjallað um íslenska fátækt

Það besta kemur frá okkur sjálfum

Sporðdreki:
Einhver sem vill þér allt hið besta er að verða dálítið þreytandi.
Góðir straumar verða allsráðandi fram á nótt.

Stundum eru þeir sem vilja manni allt hið besta , svolítið þreytandi, hver veit hvað er manni fyrir bestu nema maður sjálfur," Oftast". Tel annars að þeir sem eru að gera manni allt það besta meini vel, en er ekki svo lítil eigingirni í gjörðum þeirra, það kemur nefnilega fyrir að fólk hefur ekki tæra samvisku og þá þarf það að reyna að bæta fyrir það, en vitið að oftast tekst það ekki gagnvart mér.

  Það eru samt persónur sem vilja mér allt það besta og er ég þá að tala um fólkið mitt nánasta, ég veit að það er að meina það sem það gerir og segir og ég elska þau öll.

Það er nú eins gott að góðir straumar verði allsráðandi fram á nótt því ég er að jafna mig eftir ÆLUPESTINA, hef nú ekki vitað annað eins sit hér eins og slitti og pára þetta niður, svona rétt til að þið haldið ekki að ég sé dauð, eða þannig.

Kærleik á línuna og njótið helgarinnar.

Gleymi nú eigi oft

En bara gleymdi að segja frá og setja inn myndir af Páska-kvöldverðinum hjá Millu og Ingimar, en maturinn var að vanda æði, lambalærið var kriddað með rósamarín og sítrónu, svo var sósan einnig og salatið var bara gott. Ingimar minn sem eldaði matinn er listakokkur, fengum súkkulaðitertu á eftir með ís og rjóma.



Viktoría Ósk falleg eins og alltaf



Aþena Marey mín, litla ljósið mitt



Dóra mín að sneiða læri no. eitt Gísli horfir á með vatn í munninum
Englarnir mínir við endan og rétt sér í Millu mína.



Held að allir séu búnir að fá sér, allavega eru allir voða uppteknir



Ingimar virðist vera að halda ræðu.



Sjáið þetta salat, er svo sannarlega girnilegt, Milla gerði það.

Kærleik á línuna

 

Á enga samstarfsmenn

Sporðdreki:
Samstarfsmenn þínir eru hvorki hjálplegir né koma með
uppbyggilegar hugmyndir.
Þú ert ein/n á báti í bili, það þarf ekki að vera slæmt

Ég á nú enga samstarfsmenn þar sem ég er ekki að vinna neitt, nema að sjálfsögðu að heimilinu mínu og þar þarf auðvitað að vera samvinna, en nú er það þannig að ég hef ákveðið að gera eins mikið af þessu öllu eins og ég get, nenni nefnilega ekki að biðja stöðugt um samvinnuna það sem mér finnst nauðsynlegt að gera finnst samvinnumanninum ekki. Er búin að tala um það lengi að fá húshjálp, ég á sko rétt á henni, það finnst samvinnumanninum alveg ótækt, Hann getur þetta svo vel sjálfur, Æ,æ, en sú mæða að eiga svona börn.

Uppbyggilegar hugmyndir fæ ég með og í samtölum við ungviðið mitt, þær eru fullar af hugmyndum og visku sem ég svo gjarnan fer eftir og þær fá að vera með, yndislegar stundir.

Það er ekki slæmt að vera einn og það getur maður verið þó samvinnumaður sé í spilinu, kannski fremur fátæklegt á stundum. Mér finnst yndislegt að vera ein með mínum hugsunum og gjörðum, svo fæ ég alla englana mína og ljósin í heimsókn og þá er sko gaman.

Kærleik til ykkar allra