Bara einn af mörgum þessi biskup

Maður fyllist sorg er maður les um svona lagað, þetta er hræðilegur glæpur að beita börn kynferðislegu ofbeldi, tel að þessi perri hafi beitt fleiri drengi ofbeldi, varla hefur óeðlið hrunið af honum eftir þennan dreng. Versta við þetta er að  í öllum löndum og út um allt viðgengst viðbjóðurinn, nú ekkert skrítið þolandinn þorir ekki að segja frá.

Eftir að Adresseavisen hafði ítrekað spurst fyrir um málið kom staðfesting í gær um raunverulega ástæðu þess að biskupinn var látinn víkja. Nefnd í Vatíkaninu, sem lýtur stjórn Joseph Levada, ákvað þá að svipta hulunni af málinu

Tími til komin að Vatíkanið fari að taka ábyrgð á sínum mönnum, en ekki ávalt reyna að fela ósómann.

Bætur laga ekki neitt, en sjálfsagt að borga fólki bætur, en mikið hrikalega eru þær skammarlegar.

Kærleik á línuna

Norskur biskup beitti ofbeldi

Eldgosið í okkur sjálfum

Mér kom í hug í morgun er ég borðaði AB mjólkina mína, þetta með eldgosið í okkur sjálfum, tengdi það  öðrum eldgosum sem er eðlilegt, því þetta er næstum eins, nema að hjá okkur eru engir hjálparsveitamenn, lögregla eða aðrir sem hjálpa eða stjórna, nema að við viljum og skiljum þá hjálp sem við frá okkar æðra mætti fáum, ef við biðjum um hjálpina.

Eldgosið í mér er þannig að það kraumar og kraumar, getur kraumað í mörg ár áður en það springur út með tilheyrandi tilburðum, hjá mér getur það verið allt frá því að ég bara hætti að tala við þann sem olli krauminu, þurrka þá persónu út, þekki hana ekki meir, þetta er mér afar auðvelt, eða að ég truflast úr reiði, en reiðin hækkar ekki tóninn í röddinni heldur verð ég sykursæt, ákveðin og ofar öllu diplómatísk, en hættuleg verða orð mín, svo að eins gott er fyrir þann sem situr á móti mér að segja ekki orð, enda búið að krauma í mörg ár, "Jafnvel"

En svo merkilegt sem það er þá verður aldrei gos út í þá sem ég þekki  lítið sem ekki neitt þó þeir geri mér eitthvað, það fólk er bara eitthvað veikt og getur ekkert að þessu gert, kannski er óttinn mikill í þessu fólki tek fram að ég er ekki að meina neinn sérstakan, það eru svo margir í þessari stöðu.

Nú svo eru það snöggu gosin, þá breytist ég í könguló sem bíð eftir tækifæri á að hremma bráðina setja hana niður á stól og hún skal hlusta og svara fyrir sig, en svo merkilegt hvað minnið hverfur hjá sumum og ekkert verður úr að játa ranglætið, eða að sökudólgurinn er bara minnislaus, siðlaus, sjálfselskur fram úr hófi, kann ekki tillitsemi sambúðar og lengi mætti telja, verst er að allt er öðrum að kenna, aldrei hægt að vera hreinskilinn.

Svona lagað er náttúrlega bara í mínum höndum að laga og varla verður það gert með öðru en aðgerðum, en verst er að þær skiljast ekki heldur.

Þá kem ég að hjálparsveitamönnunum, þessum yndislegu strákum, en mínir eru af öðrum heimi
og koma mér til hjálpar er karma mitt  er tilbúið að sleppa eða ég er laus við óttann, óttann sem við öll höfum og merkilegt hvað við vinnum seint úr honum, það er nefnilega hægt.

Lífið er yndislegt og ég er ástfangin í því.

Ferðalok

Búin að plana allt í gær fyrir ferðina, en þurfti nú endilega að líta rangt á klukkuna, taldi hana vera 7 er hún var sex, jæja var svo sem ekkert að pæla í henni meir hafði mig bara til Gísli setti allt dótið út í bíl, síðan vöknuðu þær mæðgur, við spjölluðum smá og amma knúsaði þær þessar yndislegu snúllur sem ég á þarna í Njarðvíkunum, feðgar komu fram að kveðja og lagt var af stað með miklum trega, þau eru öll svo yndisleg og ég elska ykkur öll.

Er á Freyjugötuna kom voru þær ekki einu sinni vaknaðar, englarnir og ljósin, ekki von, amma var klukkutíma á undan áætlun, fékk sko að heyra það. Nú við fórum náttúrlega að kveðja í krosshömrunum, en þar býr Ingó bróðir knúsí knús og haldið í Borgarnes, fengum okkur hádegismat þar, veðrið var ágætt svo við komum við hjá Nonna bróðir og Svöfu Árni Ingvar sonur þeirra var þar með sína yndislegu konu og lítin sætabrauðsdreng með krullur eins og geislabaug og augu sem dáleiddu mann, en ég mátti nú samt ekki borða hann, Daníel var einnig í heimsókn, yndislegt að hitta þau, takk fyrir mig ljúflingarnir mínir.

Þegar við komum út þaðan var allt orðið hvítt, fljótt að breytast veðrið, frá Blönduósi í Varmahlíð var ekið á 60 km, sjúkrabíllinn þeystist fram úr okkur, en sem betur fer voru ekki alvarleg slys á mönnum, tveir bílar voru út af. Milla hringdi og við hittumst í Varmahlíð vorum í samfloti þaðan, en Öxnadalsheiðin var bara auð og allt autt þar til á Akureyri, Vikurskarðið  og leiðin öll sem eftir var alveg horor, svo ófært var á Húsavík og nágrenni að Ingimar minn sem var kominn á undan okkur heim fékk Alla bróðir sinn með sér til að lóðsa okkur gamla settið heim, það var allt orðið snarófært og urðu karlmennirnir að moka frá húsinu svo bíllinn kæmist upp að hann var svo losaður af mönnum og farangri Gísli fór svo með hann upp á stæði hér fyrir ofan, svona ef kannski væri hægt að komast í búð í dag, nú ef ekki hringi ég bara í jeppamanninn, minn kæra tengdason, hef oft hugsað að það sé yndislegt að eiga góða að er maður gerist eldri. takk fyrir mig elskurnar mínar.

Fengum okkur brauðsneið og drifum okkur í rúmið, meira að segja englarnir mínir, en að sjálfsögðu var Neró sóttur í pössunina til Gullu og Bjarts, en þar hafði hann það eins og blóm í eggi, það var svo gott að knúsa hann og eigi vissi hann hvernig hann átti að vera svo glaður var hann að sjá okkur öll.



Lísbet Lóa ánægð hjá ömmu sinn



Séra Sigfús að útskíra fyrir börnum hvað gerðist á páskum og um
skírnina.



Þarna er verið að ausa hana vatni og hún var svo góð allan tímann.



Við ömmurnar og Milla var að segja okkur að líta upp, eins og maður
geti nokkuð annað en horft á þessa dýrð sem hún er.



Amma með hana, hún brosir bara af þessu öllu saman.

Læt þessa vera með þó hún sé óskír, kem með betri seinna.



Fyrst fengum við dýrðlega franska Gullassúpu með brauði og svo
þessa flottu tertu á eftir með jarðaberjum og rjóma.



Þau taka sig ætíð vel út Dóra mín sem er elst og Fúsi minn sem
er yngstur, tekið er við borðuðum saman á laugardeginum.



mágkonurnar alltaf jafn fallegar, Milla mín og Solla mín.



Viktoría Ósk mín með litlu frænku, alsæl.



Aþena Marey mín með litlu frænku, yndislegar.

 

Fúsi minn og Solla með litla yndið sitt.

Þessi ferð var yndisleg, hefði ekki viljað missa af henni þó ég væri
vel stressuð á heimleið.

Kærleik til ykkar allra og njótið páskana vel.

Ferða dagbókin mín lll

Að vera á ferðalagi er bara ansi erfitt, tala nú ekki um er maður er hálf slappur, en gaman er svo afar að eigi stoppa get, hvíli mig er heim kem. Á laugardaginn tókum við því rólega framan af, fórum í Sandgerði, en ekki voru nú margir heima fórum til Raddý að sækja englana mína sem þar voru borðuðum síðan æðislega máltíð um kvöldið hjá Sollu og Fúsa, nú er við ókum englunum heim var Ingimar tengdasonur komin að í Sandgerði, náðum í hann og kom hann með okkur að heilsa upp á fólkið. Á sunnudeginum vorum við komin í fyrstu veisluna kl 2 það var hjá Eyjólfi frænda, hann er sonur Kollu og Berta það var æðislegt að hitta allt fólkið sitt þar. Vorum síðan komin til Karenar Sif um 6 leitið eftir að vera búin að koma við og sækja englana, en þær voru í veislu í Hafnarfirði. Komum frekar seinnt heim, en ég var alsæl með þennann yndislega dag.

Mánudagurinn rann upp kaldur en ágætur, var kölluð á fund vegna mömmu minnar sem er á Skógarbæ, svo við ókum þangað og var það afar fróðlegur fundur, nauðsynlegt að vita um gang mála, það er farið að draga af henni þessari elsku.

Náðum síðan í englana mína, ókum með þær í Smáralindina og ég fékk stæði beint fyrir framan dyrnar inn í Hagkaup og ákvað í annað skiptið á ævinni að labba inn í þetta patyon moll hehehe. Fengum okkur kaffi hjá Jóa Fel, sá þá söstrene gröne og gat ekki stillt mig um að labba þangað inn, sá ekki eftir því mun koma þangað er á ferðinni verð. Fórum síðan með þær niður í íbúð og ókum heim í Njarðvíkurnar.

Í gær fórum við svo til Gísla Janusar, en hann er barnabarn Gísla, síðan til Vallý vinkonu og var Óla þar, fengum æðislegt kaffi og með fengum við heimabakað bakkelsi, ekki að spyrja að hjá henni Vallý. Fórum síðan í Bónus fyrir Sollu mína og er heim kom voru ljósin mín og Milla komnar suður, yndislegt, amma fékk sko marga góða knúsa og kossa. Þær fóru síðan til R, en þær ætla að vera í íbúðinni með Dóru og englunum.

Í dag ætla ég að slappa af, en hjálpa, get nú kannski setið og skorið niður grænmetið í Gullach súpuna, en á morgun verður Lísbet Lóa skýrð svo förum við heim á föstudaginn langa, vona að það verði gott veður.

Kærleik til ykkar allra

Ferða dagbókin mín ll

Góðan daginn krúsirnar mínar, tjáði ykkur í síðustu færslu að ég væri komin með ósómann aftur, en pensilínið fleytir mér áfram þar til ég kemst heim. Tók því bara rólega á miðvikudaginn, nema að það er svo sem aldrei rólegt í kringum mig og mína, litli engillinn hún Lísbet Lóa náði ekki andanum um morguninn og brunað var með hana inn á barnadeild hringsins, en þetta reyndist vera slæm barkabólga ekkert komið niður í lungu svo hún kom heim um kvöldið, mikið vorum við glöð.

Á fimmtudeginum fór ég á árshátíð í Njarðvíkurskóla og það var bara flott, Inga amma var að passa litluna á meðan við fórum.  fengum æðislegan tay kjúklingarétt um kvöldið hjá Sollu minni.

Föstudags morguninn rann upp sólríkur og glaður, við sjænuðum okkur og ókum síðan í bæinn til að sækja englana mína´, en þær voru að koma frá Akureyri með flugi, í Kringluna var ekið í snarhasti og meira að segja fór ég inn, sem hef ekki komið inn þar í mörg ár, eigi var búið að opna búðir, svo við fengum okkur kaffi í Kaffitár, versluðum síðan smá hahaha dóluðum okkur fengum okkur smá kjúlla.
Og er ég var að skoða skó hittum við Dóru frænku kemur svo ekki Dóra mín með Sigrúnu frænku og þetta var orðið krúttlegt ættarmót, stuttu síðar kemur Maríanna frænka labbandi og þetta bara bjargaði deginum, svona óvæntur hittingur er yndislegur.

 fórum í Bæjarlindina og síðan heim til Fúsa og Sollu, þær mágkonurnar settu allt á fullt að undirbúa pittsuveislu,´yndislegur dagur, en í dag er ég að farast úr harðsperrum eftir Kringluplammpið.

Kærleik til ykkar allra
Milla

Ferða dagbókin mín

Við lögðum af stað í fríið okkar, á mánudagsmorguninn kl 8.15, fengum ágætis  veður fyrir utan hávaða rok frá Borgarnesi og eiginlega til Reykjavíkur. Ég þurfti náttúrlega að fara í eina búð er suður kom, en síðan var ekið í Grafarvoginn að heilsa upp á elsku Ingó bróðir og hans fólk, þar er ævilega að finna fyrstu hlýjuna sem maður fær sunnan heiða, ókum svo með hraði suður með sjó, nánar tiltekið í Njarðvíkurnar, en þar býr sonur minn með sína yndislegu fjölskyldu, knúsast var og kysst og auðvitað var litla yndislega tveggja mánaða Lísbet Lóa tekin í faðminn og þvílík sælutilfinning, hin þrjú voru í kringum ömmu, en fljótlega kallaði Sölvi Steinn hinn 2 ára: ,,afi úr sveitinni komdu að sjá nýja herbergið mitt, þeir fóru saman, en mér var ekki boðið, enda kona. Takk elskurnar mínar það er ævilega svo heimilislega tekið á móti okkur hér og það er ekki sjálfgefið, eigi heldur að eignast svona góða tengdadóttur eins og Solla mín er.

Í gær héldum við til Kópavogskirkju að kveðja móðurbróður minn kæran, Ingvar Þorgils hann var yndislegur drengur hjartahlýr, skemmtilegur og vinur vina sinna. Athöfnin var látlaus og falleg. haldið var til erfisdrykkju eftir athöfn, þar hitti ég ættingja, vini og gamla vinnufélaga sem var að sjálfsögðu afar skemmtilegt, hugsaði að það væri mikil missir að hittast ekki oftar, en gamli góði tíminn er horfin, vonandi fer fólk að átta sig hver eru bestu gildin í lífinu. Takk elsku Ingvar minn fyrir allt sem við áttum saman alveg frá því að ég man eftir mér, þú gafst mér skilning og kærleika.

Í dag ætlum við gamla settið að taka því rólega nema að ég þarf að sækja meðal í apótekið, læknirinn minn var að hringja og ég er aftur kominn með árans bakteríu í þvagið, fer í skoðanir er ég kem heim.

Kærleik til ykkar allra
Milla

 

 

 

 

 

Kveðja til ykkar, er farin í frí.

Sporðdreki:
Þú átt auðvelt með að ná eyrum áhrifamikils fólks.
Vertu á höttunum eftir hnút sem hnýtir alla lausa enda

Hvað er áhrifamikið fólk, í mínum huga er það fólkið sem kemur fram af virðingu við bæði mig og aðra.
Ég hef aldrei kunnað að skilgreina það hver er og hver er ekki, fullt af fólki hef ég í gegnum árin þekkt,  stóra, smáa, feita, mjóa, ríka, fátæka og allt þar á milli, heiðarlega, óheiðarlega, snobbaða bæði skemmtilega og leiðinlega svo mætti lengi telja.

Hef í gegnum lífið eignast fullt af kunningjum, en færri vini og það hefur ekkert með það að gera í hvaða stöðu þeir eru í og heldur ekki hvort ég næ eyrum þeirra eður ei, því er upp er staðið hafa allir rétt á sinni skoðun, en mér finnst það afar gott ef einhver biður mig um ráð, fer eftir því og ráðið reynist gott.

Hnútur sem leysir alla enda, fyrirgefið, er hann til? Ekki að mínu mati hvorki hjá áhrifamiklum eða öðrum, nema bara hnúturinn í hjartanu sem myndast við allskonar erfiðleika hjá fólki, hann verður hver og einn að leysa sjálfur, oft með hjálp annarra og eða með sínum æðra mætti, ég lifi með mínum æðra mætti, tala við hann bara eftir því hvernig skapi ég er í, oftast er ég í briljant skapi því lífið er svo yndislegt, þó eitthvað á móti blási.

Ég er alin upp í þeim anda að allir séu jafnir og svo lánsöm var ég að fá góða skapið og kærleikann í vöggugjöf ekki er hægt að fara fram á meira, en svo skulu allir sem vilja, athuga að þroskann ölum við með okkur sjálf og hvernig við tæklum hin ýmsu mál sem koma upp í gegnum lífið okkar.

Ræktum hið góða í okkur og lifum í kærleika og friði.

Í dag ætla ég á stofnfund OA samtakanna hann verður á  Akureyri og  ætlaður öllum hér norðan heiða, það verður bara yndislegt að geta loksins farið á fundi.


Á mánudaginn förum við gamla settið suður, verðum við eina jarðaför, fermingarveislur og svo á að skýra yngsta engilinn í Fjölskyldunni, en það er búið að nefna hana Lísbet Lóu.
Komum heim á föstudaginn langa, eigið yndislega daga krúsirnar mínar öll.

Kærleik á línuna
Milla

Neró minn í þvottavél, Ó nei

Neró mínum finnst nú ekkert sérlega gott að láta baða sig, en sættir sig við, vegna þess að það er svo gaman að láta þurrka sig með hárþurrkunni á eftir, held að hann mundi bara truflast í einhverri þvottavél.

Ekki spyr ég nú að, vélin á bara að kosta um 1300 kr til að byrja með allavega, en ætli hún hækki svo ekki fljótlega, gengur hún svo fyrir rafmagni eða batteríum, ef það eru batterí þá kosta þau helmingi meira en vélin.

Ætlaði að kaupa vasaljós til að hafa fyrir krakkana, núna fyrir jólin, jú jú það voru til 3 í pakka á 495.00 í rúmfó, tók einn síðan fór sá sem ég hef afnot af að leita að batteríum og kom með það sem til þurfti
þau kostuðu þrisvar sinnum meira en ljósin sjálf, bara best að sleppa þessu, sagði ég.

Held að það sé ekki til það sem ekki er reynt að selja fólki.

Góðar stundir

Hundar og kettir þvegnir í vél

Loksins bakaði ég brauð

Hef ekki bakað brauð síðan áður en ég veiktist í janúar, en lét verða af því í morgun, hélt kannski að mjölið færi að skemmast bakaði sex stór úr spelti, heilhveiti, rúgsigtimjöli og alveg fullt af fræjum, engan sykur, en smá vanillu og pínu salt.

Eftir hádegið fór ég svo til Ódu hún er amma ljósanna minna, ætlar hún að stytta fyrir mig tvennar buxur, sem ég er að fara með suður, við spjölluðum fram að kaffi, kom aðeins við hjá Millu minni, en hún var þá með fund, svo ég hrökklaðist heim í hosilóið mitt.

Nú við erum búin að borða nætursaltaða þorskinn með kart, rófum, gulrótum og rúgbrauði Ummmmm, svo gott.

Bíllinn fór í smurningu í morgun, betra að hafa allt á tæru er við keyrum suður, en það verður nú fyrr en við ætluðum, ekki samt alveg ákveðið, hlakka bara alveg rosa til að hitta elskurnar mínar í Njarðvíkunum og bara allt fólkið mitt.

Færi ykkur ljóð eftir Ólínu Andrésdóttur

Hefurðu fundið, hvað himneskt lífið er,
gleðina í elskunni, guð í sjálfum þér?

Hefurðu séð það, sem heimurinn á,
eilífa fegurð, sem aldrei deyja má?

Kærleik til ykkar allra
Milla

Afgangar

Ætlaði að hafa gljáðan þorsk í kvöld, en hann var ekki orðin nægilega þyðinn svo ég skellti smá salti yfir  og borða hann annað kvöld með rófum, gulrótum og kartöflum, ekki má gleyma rúgbrauðinu.

Átti smá afgang að spaghetti bolones í frosti, hitaði það og til að bæta upp magnið sem ekki var mikið gljáði ég lauk, hvítlauk, epli, gulrætur, brocoli og rósinkál á pönnu og kryddaði með Ítölsku frá nomu, setti sýrðan yfir og rifin ost, bara lostæti.

Ég hendi aldrei neinum mat allt er notað og það er svo frábært er maður á fullt af grænmeti í ísskápnum, og í staðinn fyrir að henda því skera það niður á pönnu krydda með því sem þú ert í skapi fyrir hverju sinni, hella yfir þetta eggjahræru, O LA komin toppmáltíð.

Kærleik á línuna

Hvaða rugl er þetta eiginlega

Eitthvað býr nú undir, jú það á að koma hinum símafyrirtækjunum á hausinn, vitað mál. Við í okkar litla landi höfum ekkert við fleiri símafyrirtæki að gera, erum of fá.

Ég er allavega mjög ánægð með mitt það heitir Vodafone og mun ekki gefa það upp á bátinn á meðan svo er.

Nýtt símafyrirtæki í apríl

EN ÉG Á ÞAÐ EINNIG SKILIÐ

Held að bónusvinna sé af hinu góða, en er skeptísk á að þar verði gætt réttlætis, man í gamla daga er ég var í bónus í fiskvinnunni komu nú þá upp ýmis svik, það voru ormar og of mörg blöð utan um fiskinn  og eitt og annað, síðar kom svo einhver jafnaðarbónus, en samt var hægt að komast hjá að vinna sem skildi, það eru alltaf til þeir sem reyna að koma öllu yfir á aðra.

Held að ég sé að segja rétt er ég kem með að ennþá eigum við Íslendingar svolítið bátt í bátt, búin að missa svo mikið og erum að sleikja sárin, veruleikafirrt erum við stórum, teljum alla hafa verið vonda við okkur og myndum örugglega reyna að fá bónus og það eins háan eins og mögulegt er, jafnvel á kostnað annarra. Fyrirgefið hvað ég er kvikindisleg, en þetta er nú einu sinni mín skoðun.

Það er nú oft heimskulega spurt er heimskingjar spyrja, og ég er víst í heimskingja-hópnum, en af hverju að setja á bónus núna og það í bankakerfinu einungis?

Sko ég er ellilífeyrisþegi og ég á einnig skilið bónus, búin að vinna allt mitt líf koma upp mínum börnum og það á sómasamlegan hátt, en hvað fæ ég í bónus ekkert, fæ reyndar desemberuppbót sem er eitthvað um 12.000 og sumaruppbótin er svona álíka á meðan aðrir fá 5 og upp í 10 sinnum mína upphæð.

Þó ég sé nú ekkert reið eða sár þá er þetta til skammar, sem sagt það eru til peningar til að borga bankafólki bónus á meðan aðrir töpuðu miljörðum á bankahruninu.

Siðferðið hefur ekkert lagast í okkar fagra landi, tími til komin að siða þá heimskingja sem stjórna öllu hér.

Góðar stundir

Bankarnir vilja bónuskerfi

Útrás

Sporðdreki:
Flestir halda að það sé best að vera fremst/ur í röðinni.
Þú getur athugað hvort það virkar fyrir þig.
Leiktu við börn, horfðu á kvikmynd,
iðkaðu líkamsrækt eða daðraðu smávegis.

Ja hérna já einu sinni var maður uppfullur af EGÓI og taldi það vera toppurinn á tilverunni að vera fremstur, í einu og öllu, mörg ár eru liðin síðan og mikið vatn runnið til sjávar.

Fyrir mörgum árum komst ég að því að allir eru jafnir, við erum öll á okkar sviði góð og best er ef við erum búin að ná þeim þroska að skilja að miðla til hvors annars  því sem við erum góð í er bara besta skynsemi sem til er..

Börnin eru mér allt og ég geri mikið með þeim, og þeim finnst afar gaman að spjalla, fræðast, slappa af og horfa á góða mynd, svo er lagað til og hellt á kaffi og bara nefnið það.

Líkamsræktina stunda ég nú ekki í þeirri mynd sem átt er við, en geri mínar eigin æfingar, og daðra geri ég ætíð er færi gefst, en það er saklaust.

Í gærmorgun dó einn af frændum mínum sem var mér mikils virði, hann var orðin afar veikur og sæll að fá að fara á góðan stað, en ætíð kemur dauðinn manni á óvart og maður fer allan tilfinningaskalann og hugsunin reikar allt aftur í barnæsku, ljúft er að eiga góðar minningar er maður missir.

Ungur maður dó í bílslysi í gær, hann var dóttursonur hjóna sem ég þekki, og það snertir mann afar, maður setur sig í spor alls þessa fólks og grætur með.

Elskurnar mínar notið allar stundir og njótið þeirra vel og aldrei að fresta til morguns sem ykkur finnst þið þurfa að gera í dag.

Guð veri með ykkur öllum.

Áríðandi fréttatilkynning

 Heil og sæl.

Meðfylgjandi er viðhengi, fréttatilkynning sem mig langar til að biðja ykkur um að hjálpa okkur við að láta berast sem víðast. Gott væri ef fréttatilkynningin mætti fara á heimasíðu ykkar ( þar sem því er viðkomið) og send til allra sem þið teljið að málin varði.
 
Með fyrirfram þökk
Fyrir hönd
Liðsmanna Jerico
Ingibjörg Baldursd

Fréttatilkynning     

"Einelti á vinnustöðum, heimilum og skólum og Sjálfsvíg, forvarnir og sorg".  (" Bullying in Workplace, Home and School and Suicide Prevention and Grief ").
 
Fyrirlestrarnir eru á ensku og öllum að kostnaðarlausu.
 
Reykjavík   Föstudagur 19. mars kl. 08.30 - 12.00 Grand Hótel Skráning á fyrirlestur í gegnum netfangið [e-mail]
 
Akureyri   Laugardagur 20. Mars kl. 12.00 - 15.30 Síðuskóla Skráning á fyrirlestur í gegnum netfangið [e-mail]
 
Reyðarfjörður   Sunnudagur 21. Mars kl. 13.00 - 16.30 Safnaðarheimilinu  Skráning á fyrirlestur í gegnum netfangið [e-mail]

--
Með fyrirfram þökk og kærri kveðju.
Ingibjörg Helga
GSM: 867-9259

Ég hvet alla til að mæta sem láta þessi mál sig varða
og það hljóta að vera all margir.
Ég tel að þó svo að fólk hugsi, Æi þetta snertir mig ekki,
þá er ég næstum viss um að  það gerir það einhverntímann.
Kannski ertu þolandi, en veist eiginlega ekki af hverju þér
lýður illa.

Kærleik til ykkar allra
Milla

Akureyrarferð

Ekki í frásögu færandi nema að það er ætíð jafn gaman að koma á Eyrina, allir/flestir eru brosandi glaðir. Við fórum fyrst á Dýraspítalann með Neró þar tóku á móti honum góðar konur þær ætluðu að klippa hann og síðan ætlaði Elva að athuga með einhverja bletti sem á honum eru, skildum hann bara eftir og fórum á Glerártorg, versluðum afmælisgjöf handa Aþenu Marey en hún er sex ára í dag, ég fór í heilsuhúsið þar er nú hægt að kaupa margt gott og gerði ég það óspart.

Í hádeginu hittum við fullt af góðum vinum Á Greifanum og borðuðum við saman það var æðislegt, nú eigi var okkur til setunar boðið, fórum að sækja Neró svo þurfti ég að mæta hjá mínum lækni og Dóra mín í sneiðmynd, þetta tekur nú sinn tíma.

Ég ætlaði að vera voða dugleg er ég var búin hjá lækninum fara í Nettó og versla svona hitt og þetta, en nei mín var bara drulluslöpp og settist niður á kaffi Talíu og við gamla settið fengum okkur kaffi þegar ég var búin að drekka það var ég orðin það hress að ég vippaði mér í að versla, endaði í Bónus, þar fæ ég teið mitt helmingi ódýrara en á öðrum stöðum og þetta er heilsute.



Á heimleið, Neró er hálf ræfilslegur

Komum við hjá Millu og ljósunum er við komum heim
Þarna er hún með kórónuna sem hún fékk á leikskólanum í dag
og Neró stendur varla í lappirnar, hann er alltaf svona eftir deifinguna



Það varð að leifa Neró að prófa kórónuna



Nú auðvitað þurfti að taka sér mynd af djásninu.
Á sunnudaginn verður svo haldið upp á afmælið hennar og það
verður sko fjör, fullorðnir fá aðgang um kvöldið.

Kærleik á línuna

Það brostu allir í gær

Gærdagurinn byrjaði á því að við gamla settið fórum á kjörstað, tók eftir því er ég kom inn hvað allir voru glaðir og brostu breitt, bara yndislegt að upplifa, nú við vorum ekki lengi að setja neiið á snepilinn þökkuðum fyrir okkur með bros á vör.

Ókum síðan fram í Lauga með Neró hann átti að fá að vera hjá englunum yfir daginn og eigi hafði hann neitt á móti því þær dedúuðu við hann, böðuðu og snyrtu svo hann væri nú hreinn á fimmtudaginn, en þá er hann að fara á dýraspítalann í eftirlit og klippingu.

Ferðinni var heitið til Akureyrar og dóluðum við okkur af stað, lentum í þvílíku roki á leiðinni það slokknaði ekki á því fyrr en við komum út úr Ljósavatnsskarðinu, en það var svo sem ágætt á okkur yfir daginn, en fengum næstum sama rokið á leiðinni heim, eigi ætlaði ég að tjá mig um veðrið þó það sé nú ætíð "umræðuefnið".

Á kváðum að fara beint á Glerártorg og fá okkur kaffi og brauð í hádegissnarl, Kaffi Talía bregst aldrei, ég fékk mér rúnstiki með osti og skinku, en allt í einu langaði mig í tertu, fékk mér hana hefði veit ekki af hverju því ég hef ekki fengið mér svona nokkuð í marga mánuði enda kom í ljós að mér fannst hún eigi góð, Gísli fékk sér soðið brauð með hangikjöti að vanda eitt vínarbrauð og svo var það kaffið.


Sátum þarna góða stund, síðan inn í Netto, vorum smá að versla fyrir Dóru mína og okkur sjálf, hittum við ekki okkar góðu vini Huld og Halla, Eva var með þeim, við kjöftuðum smá, en síðan spurði Huld hvort við hefðum ekki tíma til að koma heim til þeirra í kaffi og vöfflur, ó jú það höfðum við, hittum einnig Örnu, hundana þrjá, sem eru alveg yndislegir og vilja helst láta klappa sér og klóra.
Sátum í skemmtilegheitum þar til ég þurfti að fara, en hefðum getað verið lengur því það er ævilega gaman að hitta þau, Það á að ferma Evu á Pálmasunnudag og er okkur boðið, en verðum bara að hitta hana síðar því við verðum fyrir sunnan, takk fyrir okkur kæru vinir.

Fór svo á yndislegan fund, hitti nokkrar konur sem eru á sama róli og ég, eins og allir vita þá er ég ofæta, ofætur eiga allar sína sögu, veikleika, aðferðir við að, en eitt eigum við sameiginlegt og það er hömlulaust ofát. Held að margir eins og ég telji þetta ekkert vandamál framan af ævinni, en svo fer að sverfa að, hjá mér var það slitgiktin, kölkun í bakinu mínu og svo margt annað sem fór að koma fram og ég taldi öll mín vandamál vera öðrum að kenna, en þegar ég skildi við meinsemdina í lífi mínu, sem var það besta sem ég hafi gert ever, þá komst ég að því að ég get ekki breytt öðrum, bara sjálfri mér og fór að vinna í því, var bara nokkuð góð, fékk svo hjartaáfall kom þá í ljós að ég var með fæðingargalla sem eigi var hægt að laga, en fékk gangráð, hætti að reykja og hélt nú að það væri í lagi að borða bara eins og mig listi, 2004 var ég 83 kg á síðasta ári var ég komin í 123 kg
núna er ég 113.

Það var ekki fyrr en í fyrra sem ég komst að því að ég hefði enga stjórn á þessu ofáti og réði ekki við þetta ein, yndisleg kona kom mér til hjálpar bara með smá setningum og nokkrum póstum fór ég að skilja að þetta væri sjúkdómur, Fór í OA samtökin þau og það sem þau boða bjargaði lífi mínu að sjálfsögðu er ég búin að ströglast og þöglast, en í dag er ég svo þakklát því ég er orðin sátt við það sem ég er að gera og skil að ég get þetta ekki án hjálpar æðri máttar.

Það sem ég þurfti að gera mér grein fyrir var að þetta er ekki megrunarklúbbur heldur er ég að borða til betri heilsu, er kílóin fara er það bara bónus. Í dag á ég yndislega trúnaðar konu og ég tek gleðina með í alla daga.

Mér fannst og finnst yndislegt að lesa AA bækurnar og að sjálfsögðu OA bókina sem er nýkomin út á Íslensku og mér finnst nauðsynlegt að vinna sporin. Í AA bókum þá færðu reynslusögur beinnt í æð og færð kaldar gusur  á meðan þú teigar í þig mannræktina sem er í þessum bókum, það er það sem ég tel þær vera mannræktarbækur og allir ættu að lesa, en það er nú bara mín skoðun.

Þegar fundi lauk fórum við Gísli minn á pitssstað til að kaupa hvítlauksbrauð og brauðstangir fyrir englana á Laugum, en svona í leiðinni keyptum við okkur hvítlauksbrauð, sá eftir því fannst það ekki einu sinni gott, rendum í Lauga tókum Neró með heim, maður er hálf framlár í dag, en afar glöð er ég með gærdaginn og hlakka til næsta fundar.

Kærleik til ykkar allra
Milla

Það sem menn/konur telja sig vera

Hef oft leitt hugann að standardi fólks, þá aðallega hvað hver og einn telur sig vera. það er nefnilega afar misjafnt eins og flestir vita.

Það eru þau sem telja sig vera yfir aðra hafna, tel ég að það gætist meir hjá þeim sem eru, það sem kallast millistétt, og ekki biðja mig um að skilgreina hvað er hvað því ég hef aldrei séð neinn mun, nema í framkomu fólksins, það laðar sig nefnilega að því sem það telur vera fínt, margir eru með standart í flottum fronti, en fyrir innan er ekkert, þau hrauna yfir aðra, kunna eigi að koma fram af kurteisi vita ekki hvað það er. Sumir eiga mikið og kunna að eiga mikið, hrauna ekki yfir fólk því þau eru alin upp í góðum gildum og sína eigi öðrum lítilsvirðingu.

Þau sem alast upp í fátækt og eignast peninga síðar á ævinni umturnast í snobbgræðgiruglinu og verða alveg óþolandi persónur, en þeir sem eiga lítið allt sitt líf eru oftast besta fólkið.

Síðan kemur úr hópi alls þessa fólks þeir sem eiga ekki neitt, hafa farið illa út úr lífinu á allan handa máta, sumir eru drykkjumenn aðrir eru fíklar en aðrir eru spilafíklar og eru búnir að tapa öllu sínu bæði peningum, vinnu og fjölskyldu,  út frá öllu þessu verða til einstaklingar sem annað hvort taka sig á eða fara á götuna eins og sagt er og það er ekkert sældarlíf, engin vill vita af götufólkinu sem lenti í ógöngum vegna einhvers sem gerðist og jafnvel skilur það ekki hvað það var, eða man það ekki.

Þau sem fara algjörlega niður, missa allt sjálfsmat eiga afar erfitt með að ná sér á strik þó meðferð takist, þau ná sér ekki upp í sjálfstyrkingunni. Þarna vantar meðferð og hjálp eftir meðferð, það vantar einnig góð meðferðarheimili, þau eru til en það vantar að hætta þessu færibandavinnu og leifa vöxt út úr römmunum sem unnið er eftir.

Ekki er ég neinn sérfræðingur í þessum málum, en hef hlustað og lesið um þessi mál sem segja mér að einnig vantar ást, gleði og skilning.

Kærleikskveðjur
Milla

 

Nú er tíminn

Nú kemur tími sem er voða skemmtilegur, sko að mínu mati það rignir inn boðskortunum í fermingaveislur, afmæli og sitthvað fleira sem er á döfinni, eins og kosningar á laugardaginn afmæli þá um kvöldið, þarf að skreppa á Eyrina þessa helgi. Jerimías aldrei verið meira að gera, ljósin mín eiga afmæli 10 og 11 mars og er okkur gamla fólkinu boðið í svona fullorðins afmæli, en svo þurfum við Dóra að skreppa á FSA 11 mars, Dóra í sneiðmynd og ég í gangráðaeftirlit, munum hitta góða vini í leiðinni.

Nú við erum boðin í tvær fermingarveislur önnur á Pálmasunnudag, kl 14 verðum við í veislu í Keflavík síðan kl 18 í Grafarvoginum, við förum náttúrlega í þær finnst við erum fyrir sunnan, annars er ég hætt að leggja það á mig að aka suður fyrir fermingar þó æðislegar séu, hef bara ekki heilsu til þess. Ástæðan fyrir því að við verðum fyrir sunnan á þessum tíma árs er að  það á að skýra nýjasta barnabarnið mitt á skírdag, hlakka svo til að sjá hana og þau öll, síðan á að ferma frænda minn á annan í Páskum, en hann verður hjá ömmu og afa í Grafarvogi veislurnar fyrir þau bæði systrabörnin verða haldin þar, þannig að ég hitti hann í fyrri veislunni, verð nefnilega farin heim á annan.

Hlakka alveg rosa til að hitta allt fólkið mitt, við erum jú í sambandi á Facebook, en alveg nauðsynlegt að fá að knúsa þau svona annað slagið.

Dóra og englarnir koma með okkur og Milla og Ingimar koma með ljósin í sínum bíl.

Nú er bara að vona það besta með heilsuna og veðrið.

Kærleik til ykkar allra
Milla

Yndisleg helgi að taka enda

Helgin byrjaði á ferð fram í Lauga að sækja englana mína, þeim langaði til að koma til ömmu og afa um helgina, nú ekki fórum við án þess að fá okkur kaffi í eldhúsinu hjá Dóru minni og Jónu og áttum við skemmtilegt spjall saman. Er til baka kom var farið að versla og það kom mér svo sem ekkert á óvart að afi vildi fá rétt í kvöldmatinn, sem heitir, "Mér er alveg sama" þær vildu aftur á móti rétt sem nefnist,
" veit það ekki" kann nú hvorugan að elda svo ég sagði: ,, þið fáið 5 mín þá kaupi ég pulsur" ekki lengi að ákveða sig þá, því pulsur eru sko ekki í uppáhaldi hjá þessum englum, þær völdu hammara og franskar, Humm, jæja það var allt í lagi, síðan var keypt bunch af ávöxtum og grænmeti og farið heim að elda. Það gerðist að amma gamla vakti til eitt um nóttina við að spjalla við þær, það er nú það skemmtilegasta sem ég geri að spjalla við barnabörnin mín.

Um hádegi á laugardeginum hringdi Milla og spurði hvort ekki mætti bjóða ömmu í fjallið að horfa á Aþenu Marey renna sér á skíðum, jú ég vildi það sko, og það var alveg þess vert, hún er svo dugleg og flott, bara rétt að verða sex ára að amma er yfir sig stolt af þeim öllum. Viktoría Ósk var á kóramóti. Nú svo fékk ég að koma í nýja bílinn þeirra, en hann heitir Grand Cherokee, ekkert smá flottur.

Milla fór svo á heimleiðinni í Samkaup fyrir mig, vantaði smá, við ætluðum nefnilega að borða saman um kvöldið, ég var með svínacullas sem ég steikti í sérstöku hot kryddi, ofnbakaða kartöflubáta, dassaða með dilli, hvítlauk, olíu og pipar, síðan voru grjón og súrsæt chillý sósa og sýrður, þetta er æði.

Nú það var spjallað heilmikið saman yfir kaffibollanum, Milla og englarnir voru að spjalla um myndatöku og boðskortin í útskriftina, það eru sko spennandi tímar framundan.

Er þau voru farin heim héldum við stelpurnar áfram að spjalla og spjölluðum saman til að ganga 24 aðallega var spjallað um mat í veisluna og föt. Er þær vakna á eftir þá ætlum við inn á Yes Stile að skoða föt, spennandi.

Nú svo fara þær heim eftir yndislega helgi nóg að gera í skólanum hjá þeim og verður trúlega fram á vor.

Hér sitja englarnir mínir, önnur að prjóna hin í tölvunni

Sérkennileg birta yfir þessari mynd.

Takk elskurnar mínar öll fyrirfrábæra helgi.

Passaðu hjartað þitt

Sporðdreki:
Njóttu athyglinnar sem þú vekur, en passaðu hjartað þitt.
Einhver reynir að stjórna þér, spyrntu við fótum.

Hef nú svolítið gaman að þessari vitleysu á stundum, en tel það eigi alltaf svo vitlaust. Ef ég fæ mikla athygli þá kann ég alveg að skilja á milli hvort fólk veitir mér hana í einlægni, hræsni, smjaðri eða bara að því að því finnst ég vera stórskrýtin, þeir sem veita mér hana í einlægni eru vinir mínir, eða þeir sem eru með kærleika í sér, í hræsni er bara slæmt fyrir þá sjálfa, eins er með smjaðrið eiginlega tel ég það bera vott um lágt sjálfsmat, eins og fólk haldi að það upphefji sjálfan sig með smjaðri eða að það er að reyna að fá mann til að gera eitthvað. Síðan eru þeir sem álíta mig stórskrýtna, það er að mínu mati fólkið sem á eftir að þroskast afar, ekki er ég að setja út á það því við erum öll á misjöfnu þroskastigi. Ég er örugglega stórskrítin eins og við mörg erum talin, en hver hefur leifi til að dæma aðra og hvað er að vera stórskrýtin? Þannig að ég kann alveg að njóta þeirra athygli sem er gefin af heilindum.

Við þurfum öll að temja okkur að bera virðingu fyrir fólki, skoðunum þess og framkomu svo framalega sem framkoman særir ekki aðra.

Að einhver sé að reyna að stjórna mér, það er afar erfitt að ná þeim tökum á mér núorðið, nema að hjartað bráðni, aðallega eru það barnabörnin sem bræða ömmu sína, en þau eru ekki að stjórna eins og fullorðna fólkið gerir.

Hér áður og fyrr var hægt að stjórna mér með hinum ýmsu aðferðum, en eins og ég hef sagt þá þroskast maður og lærir.

Þetta kom nú allt út frá þessari stjörnuspá, ekki að ég trúi á hana sem slíka þó ég trúi á alvöru stjörnuspár og kort, en það vakna oft svona hugsanir hjá mér við að lesa eitthvað á morgnanna og þá læt ég það bara flakka.

Kærleik í daginn ykkar
Milla