Svona gerir maður ekki stelpa.

Eins gott fyrir þig að nota hjálm, þeir eru nefnilega
nauðsynlegir og svo verður þú að vera góð fyrirmynd fyrir
blessuð börnin.
Góðan bata Svandís.

Umhverfisráðherra hlaut höfuðhögg

17 júní í dag.

Það er að sjálfsögðu rigning í dag eins og alla aðra 17 júní
sem ég man eftir undanfarin ár, en er ekki samt alltaf jafn gaman
bara ef krakkarnir komast í sem flest leiktæki og fá sykurfrauð eða
hvað þetta heitir.
þegar dagurinn er svo á enda og spennufallið verður eftir allt þetta
sem ekkert var í raun, þá er gott að skríða bara upp í rúm og horfa á
eina rólega og góða barnamynd.

Þegar ég var að alast upp var mikill spenningur, ekki man ég nú eftir
vondu veðri, hehehe ekið var niður að  Arnarhól, trítlað upp á hann
allt var fánum prítt og einhver skemmtiatriði voru eins og Baldur og
Konni og síðan man ég ekki meir, en auðvitað man ég eftir því að farið
var í kaffi einhversstaðar í bænum og maður var í sínu fínasta pússi,
vei manni ef maður setti blett á hvítu skóna eða restina af out fittinu
áður en maður fór í kaffið allt átti að lúkka svo flott þegar gengið var
í kaffisalinn sko í þá daga þekktu allir alla, Reykjavík var nú ekki stærri
en það þá.



Set hér inn einu myndina sem ég finn í mínum fórum, tekinn 17 júní
1950. Á þessari mynd er frá vinstri Ellen sem var vinnukona hjá
mömmu og pabba, en var okkur systkinunum afar kær, hún var dönsk,
mamma, með elsku bróðir minn Ingó í fanginu tæpra eins árs, Pabbi minn
besti, vinnukonan hjá Fanney og Reinhart sem næst koma þau voru
afar góð vinahjón mömmu og pabba, Reinhart heldur á yngstu dóttir
þeirra fyrir framan koma Nonni og Gilsi bræður mínir elskulegir þeir
mestu villingar sem fyrirfundust, ekki skil ég hvernig þeir gátu haldist
hvítir í þessum hvítu seilor fötum, síðan sonur og dóttir Fanneyjar og
Reinharts, hún heitir Anna, en get ekki með nokkru móti munað nafnið á
honum og væri nú gaman ef að þau myndu lesa þetta að koma inn með
komment.
Ég er ekki á þessari mynd, hef sjálfsagt bara ekki viljað það og þá fékk
drollan bara að ráða því.

Eigið yndislegan 17 júní, allavega ætla ég að eiga góðan dag í leti
hér heima.

Faðm á alla sem koma hér inn.

Að kvöldi dags segir maður frá.

 Vaknaði að vanda snemma og var nú ekki par ánægð með
það, var nefnilega þreytt og fór bara upp í aftur um níu leitið
og steinsvaf til 11.00, var nú smá tíma að jafna mig, en dreif
mig í sjæningu, þurfti að fara í búðir og sækja Aþenu Marey
klukkan 14.00.
Fórum fyrst í ríkið að kaupa bjór fyrir Gísla, næstum leið yfir mig
tæpar 600.00 kr tveir gull, jæja það er svona að fara kannski
tvísvar á ári í ríkið þá hrekkur maður við.
Næst í Heimabakarí til að kaupa það sem þeir kalla pítubrauð, en
ég nota fyrir hamborgarabrauð síðan í Kaskó og endað á Viðbót
því ekki borðar maður annað en stóra hreindýrahamborgara
þessi pappír sem fæst í búðunum er ekki ætur.
Við vorum sem sagt að fara í grill í götunni okkar, þær komu með
okkur Viktoría Ósk og Aþena Marey, en sú litla entist ekki lengi
fékk smá mömmusíki og fór með henni á fund.

Allir komu með það sem hver og einn þurfti, en ég var bara sniðug
og útbjó allt heima og fór með í körfu, það sem ég var
með voru borgararnir, brauðsneiðar með hreindýra paté og smá
lauksultu sem ég útbjó, steikta laukhringi og svo samlokur með
mysing.
Með þessu fékk Gísli bjór og við stelpurnar pepsí max.
Það var æðislega gaman hjá okkur, en varði stutt mér var orðið
kalt um níu leitið og fleirum svo við drifum okkur heim.
 
Eigið góðan dag á morgun með fjölskyldum ykkar.
Milla

40 ára laun mín.

// Líkir láni bankastjóra við almenn lífeyrissjóðslán

Hef ekki heyrt það andstyggilegra, get ég fengið svona
lífeyrissjóðslán, það er, ef ég ætti eignir til að setja í veð og
séreignarlífeyrissjóð? Nei ég gæti það ekki.
Manni verður nú ekkert smá flökurt við þennan lestur, hvað á
eiginlega maðurinn mikinn séreignarlífeyrissparnað.

þetta er út í hróa, honum vantaði peninga.
ÆI, hann sér nú fyrir mömmu, systur og stjúpföður og nýbúin að
kaupa sér nýtt hús og endurbyggja það, örugglega ekkert slor það.

Þannig að þessi næstum þurfalingur tók bara lán úr eigin sjóði
upp á 70 miljónir, það eru eins og launin mín í 40 ár, en hvað
var hann með í laun á ári, hefði nú getað átt svona leynihólf
einhvers-staðar, meira að segja ég á slíkt í því er oftast fimm þúsund
krónur og þykir mér það gott.

Ég er að hugsa um að sækja um að þurfa ekki að borga vexti af mínum
lánum fyrr en eftir 20 ár, ég hlýt að fá það eins og Sigurjón.

Eins og allir vita er verið að skammta út séreignarlífeyrissjóð til fólks og
það fær um 70.000 á mánuði og borgar skatta af því, fólkið ræður ekki
yfir sínum eigin sjóð, á þá þessi gaur að gera það?

Það er ekki hægt að líkja saman þeim kjörum sem hinn almenni borgari
fær í sambandi við lífeyrismál og þetta mál Sigurjóns, drottinn minn dýri
er ekki siðferðið í lagi hjá þér Sigurður að láta þetta út úr þér?

Tekjuskattskyld ef þau bera merki lífeyrissparnaðar, þá þarf að spyrja
stórt, eru þau það? ekki segist það afdráttarlaust í pistlinum, og
ríkisskattstjóri tjáir sig ekki um málið: "Skrítið"

Maður les um svona andstyggð, þarf svo liggur við að knékrjúpa fyrir
bankanum til að fá fyrirgreiðslu, að því að maður er ekki vanskilafólk,
en að lifa eigum við ekki að gera.
Ég er ekki ein um að segja þetta.

Líkir láni bankastjóra við almenn lífeyrissjóðslán

Veisla í boði englana minna. Myndir.

Það var svoleiðis að englarnir mínir urðu 18 ára 22/5 og eigi
var hægt að halda veislu þá, núna fyrst tókst að ná öllum saman.
Fengum lamba ribbay ( veit ekkert hvernig það er skrifað)
bakaðar kartöflur með smjöri, salat og Ingimars sósu, en hann
er snillingur í matargerð hann tengdasonur minn, hann grillaði
einnig kjötið. veislan var haldin heima hjá þeim.

Hér fáið þið smá myndasögu.




Hérna eru þær í nýu skyrtunum sem þær voru að kaupa og
beltin eru flott við.



Dóra að setja bráðið After Eight á jarðaber, þau voru partur af
eftirréttinum

Gísli minn er alltaf stand by og tekur allt frá okkur sem við erum
búnar að nota, engin betri en hann í handlaginu.

Ég að gera salatið, nývöknuð, með kaffibollann mér við hlið og
pepsi-glasið í glugganum

Neró beið allan tímann, taldi að það mundu eitthvað falla honum
í skaut, en vel er nú passað upp á að hann nái ekki í neitt.



Dóra og Óli föðurbróðir hennar, gaman að fá hann með okkur.




Systur spenntar að vita hvort frænkurnar yrðu ánægðar með
afmælisgjöfina frá þeim, sem þær urðu auðvitað.

Þessi var eitthvað að stríða mér, en þetta er af matarborðinu.



Í eftirmat var súkkulaði Fondú og ávextir, það gekk vel út get ég
sagt ykkur, enda ávextir alltaf bestir og ég tala nú ekki um með
hvítu Súkkulaði.
Yndislegur tími með fjölskyldunni og það er ekkert betra en það.

Eigið góðar stundir.

Hvað er ást?

Merkilegt, en ég hugleiði það núna á hverjum degi,
HVAÐ ER ÁST?
Mér finnst hún merkilegt fyrirbæri, vegna hennar mörgu myndar
sem hún birtist fólki, já fólki á öllum aldri.

Ástin á börnunum sínum er að mínu mati sú heitasta sem til er
svo er það kannski ekki svo hjá öðrum, en hjá mér eru börn,
tengdabörn, barnabörn í fyrsta sæti ég ber til þeirra ótakmarkaða
og að ég vona kröfulausa " ÁST"
Já þetta með kröfulausa, er svolítið erfitt að skilgreina því það sem
mér finnast ekki vera kröfur getur þeim fundist það vera.
Allavega elska ég þau út yfir allar víddir og ég fyllist hamingju
alla daga yfir því að eiga þau.

Svo getur maður verið ástfangin í lífinu, það er yndisleg tilfinning,
horfa á náttúruna sameinast henni og njóta, upplifa sig frjálsa.
Þá tilfinningu upplifi ég á hverjum morgni er ég sest niður til að
borða morgunmatinn, morguninn er minn besti tími og ekki
skemmir útsýnið sem ég hef.

Ást í samböndum hvort sem er um hjónabönd, sambúð eða bara
saman, að ræða þá er það svo margvíslegt.
gömul og gróin hjónabönd eru annaðhvort orðin svona vani sem
báðir aðilar gera sér eiginlega ekki grein fyrir, en er bara allt í lagi.
Svo hjónin sem eru endalaust ástfangin, ég sé eiginlega ekkert
yndislegra en þá sjón, er ástfangin hjón eru úti að versla, ganga,
og bara í daglegum störfum, tillitsemin og gleðin er alltaf í fyrirrúmi.

Sambúðarfólk á auðvitað einnig þessa sælu, að sjálfsögðu fer þetta
bara eftir fólkinu sjálfu, því hjónaband skiptir engu í sambandi fólks.

 Þeir sem eru bara saman eins og ég og Gísli, er bara flott, það er
kröfulaust samband, en það ríkir tillitsemi og við skiptum með okkur
verkum og njótum fjölskyldunnar saman.
Það góða við þetta samband er að við höfum aldrei ruglað reitum
hvorki peningalega eða á annan hátt, en rekum heimilið saman og
allt er skráð í bankanum, eins langt aftur og þarf, svo þegar við förum
handan glærunnar er ekkert að ræða um, allt er á hreinu.

Þetta með ástina, sko ég vill meina að ef manni líður vel með sjálfan
sig og umhverfi sitt þá er maður ástfanginn, þó ekki endilega af
einhverjum manni, en líði manni vel með manninn þá er það bara allt
í lagi og bara gott að eiga félaga.

Mín skoðun er samt sú, að sé maður ekki ánægður þá eigi maður að
breyta til, oft er það erfitt, en í guðanna bænum hugsið fyrst og fremst
um ykkar sjálf.

JÁ OG HVAÐ ER SVO ÁST, SKILGREINIR HVER FYRIR SIG, EN AÐ MÍNU
MATI ER HÚN ÞAÐ AÐ MANNI LÍÐI VEL MEÐ SITT LÍF.
MILLA

Smá myndablogg

Við fórum á rúntinn í dag, tókum með okkur Aþenu Marey,
Viktoríu Ósk og vinkonu hennar Birtu, fórum í N1 og þær
keyptu sér bland í poka og svo fengu þær ís á meðan þær
sátu og voru að borða hann fórum við upp á GÓNHÓL og tókum
myndir og einnig niður á höfn.



Tekið yfir Skjálfandann af kinnafjöllunum sem ég elska.



Húsavíkurfjall frá Gónhól



Hvalaskoðunarbáturinn Sylvía.



Skútan Haukur



Þetta er fallegur bátur.

Þetta er gamla Langaneshúsið,



Þarna situr fólk við kaffidrykkju fyrir utan Gamla bauk

Gengið upp trétröppur miklar í lítið kaffihús sem heitir Skuld og síðan
kemstu alla leið upp á Garðarsbrautina.

Svo fórum við að sækja stelpurnar og í kaffi og pönnukökur hjá Millu
og Ingimar.

Eigið gott kvöld og góða nótt kæru vinir
Milla.

Get nú ekki annað en hlegið.

Sko nú er bensínið komið upp í tæpar 180.00 sem er bara
hlægilegt, eða það verður bara að hlæja að þessu.þetta
verður bara til þess að allir verða að dóla sér heimavið í sumar,
einu bílarnir sem verða á ferðinni verða þeir sem ríka fólkið á
þegar það er að skreppa í bústaðinn og eitthvað álíka.
Eða haldið að fólk fari kannski á vísatripsi og borgi svo 25% vexti
af því sem það fór með í farðalaginu, Nei það gerir það engin.
Ég hlakka bara til að dóla mér hér heima, skreppa kannski
Dematas-hringinn.
Það er svo gaman að opna blöðin þessa mánuðina, öll flottu
skrifin um rannsóknir, svik og þessi þetta og þessi hitt, en
engin veit í raun hvað gerðist eða hvernig.
Gætu menn ekki bara talað og skrifað minna, unnið meira, það
er það sem þarf og eigi hefur mönnum flökrað við því að henda
peningum í allskonar aðgerðir og þá af hverju ekki þessar?
Það er nefnilega svo skemmtilegt, að eitt vitum við að sorann í
þessu þjóðfélagi verður að uppræta eins og hægt er og leyfilegt
er, því allt fáum við ekki að vita, og svo koma nú fullt af peningum
í rannsóknir á soranum.

Hef ég sagt ykkur það áður,? já, en ætla að segja það aftur,
Mér hefur alltaf fundist Bakkabræður flottir, sko nú fáum við
verksmiðju sem verður örugglega sett niður á Suðurnesjum,
en við flytjum bara öll á mölina til að vinna í öllu því sem á að
rísa þar.
Það er svo skemmtilegt að breyta til. Gerast en.

Tískulöggur lokksins, átti að vera löngu komið, seljum meira ef við
fáum góða fylgd í búðirnar, það segir sig sjálft

Og svo það sem gladdi mig í gær voru mótmælin á Kjalarnesinu,
frábært hjá íbúum og það var svo mikil gleði í þessu.
Áfram Kjalnesingar.

Eigið svo góðan dag í dag og passið ykkur í umferðinni

Flottur dagur á enda.

Var nú ósköp þreytt í morgun er ég vaknaði, en ég vissi af
því, það kemur alltaf niður á mér þegar ég fer í svona ferðir
eins og í gær.
Fór í þjálfun kl 12.00 og Viktoría Ósk kom með mér, við ætluðum
svo að Hveravöllum til að versla grænmetið, hún ætlaði með, en
vinkona beið svo hún valdi það en ég mátti ekki gleyma að kaupa
gula tómata, eins og maður gleymi því, hafið þið smakkað þeir eru
bæði til í kokteil tómötum og peru tómötum ég keypti hvoru tveggja
einnig sérstaka tómata sem geta varnað krabbameini, gúrkur og
paprikur í öllum litum, já og chilly sem er kringlótt ekki ílangt eins og
við eigum að venjast í búðunum.

Það eru sko forréttindi að geta keypt svona beint af bónda, bragðið
af svona nýtýndu grænmeti og ávöxtum er ólýsanlega gott.

Vitið, mig langar svo til að sjá Greas í Loftkastalanum held að það sé
alveg stórkostlegt, síðast þegar ég fór í Loftkastalann var til að sjá
Rocky Horor og það var upplifun sem sagði sex get ég sagt ykkur.
Loftkastalinn hefur líka þennan sjarma sem engin getur staðist.

Fékk diskinn með Ljótu Hálfvitunum fyrir nokkru og er með hann í
bílnum, frábær alveg, textarnir bara fyndnir og það er viss sjarmi yfir
lögunum, svona smá vísir af Írskri þjóðlagatónlist og sígóna stíl.

En svo ég haldi nú áfram þá fórum við að versla í Kaskó er við komum
aftur í bæinn, það vantaði svona sitt lítið af hvoru.

Í matinn í kvöld höfðum við svo þorsk, gljáðan á pönnu í heilhveiti
krydduðu með indversku kryddi frá nomu, steikti mikinn lauk, kúrbít,
sveppi, chilly og papriku setti þetta yfir fiskinn, með þessu bar ég
kartöflur með sem ég  stappaði með hvítlauk það er æði með fiskinum,
mér finnst nefnilega ekki passa að hafa bara plane kartöflur með svona
fiski, enda er ég afar kridisk á mat.

Eigið góða nótt elskurnar
Milla

 

Kæru bloggvinir norðan heiða.

Það var ákveðið í gær á fundi sem haldin var á Kaffi Talíu
á Glerártorgi, að fresta Grill-hitting sem vera átti hjá
henni Dóru að Laugum núna 20/6 þar til 15/8 en við
munum ræða það nánar síðar.
Það var eiginlega ekki góður tími að hafa þetta grill núna
vonum við að allir séu sáttir við það.
Nú er ég náttúrlega allt of hátíðleg grallararnir mínir, en
við getum sko alveg hist fyrir því fólk getur bara tilkynnt
ef það er að fara á kaffihús og hefur tíma til að chilla þá að
láta vita svo hinir geti komið og spjallað saman sem er svo
gaman.
Kærleik til ykkar allra.
Milla

Frábær dagur í dag.

Við erum komin heim með litla Neró hálf slappan eftir
smá meðhöndlun hjá þeim á Dýraspítalanum.

Víð sóttum Viktoríu Ósk og fórum svo með Aþenu Marey
á leikskólann um leið og við vorum að fara á Eyrina, en
á leiðinni úr úr bænum stoppaði einn góður löggumaður
okkur og sagði að við værum eineygð,
það kostaði að við fórum á verkstæðið til að láta skipta
um peru því eineygður er maður ekki, ég þoli ekki fólk
sem ekur um eineygt, jafnvel í margar vikur.

Þetta kostaði hálf-tíma seinkunn, en hvað er það er fólk
hefur allan heimsins tíma eins og við.

Skutluðum Neró og skildum hann eftir, rétt náðum um
11.00 niður á kaffihús þar hittum við stelpurnar sem
ætluðu að vera með okkur í smátíma.

Ekkert er yndislegra en að hittast og spjalla í afslöppuðu
andrúmslofti og ætti fólk að gera það oftar.
Skutluðum Gísla í sína sneiðmynd kl. 13.00 og fórum svo
við Viktoría Ósk að sækja litla snúllan, aftur niður á spítala
og inn því ég átti að mæta 13.40 og rétt náði, með hjálp frá
Viktoríu Ósk minni, hún var algjör hjálparhella í dag og svo
yndisleg að hafa í kringum sig.
Hún fór inn með mér í allt og ekki vantaði áhugann fyrir því
sem var að gerast.

Fórum aðeins inn í Hagkaup var að skila útrunninni vöru, og
síðan í rúmfó, Viktoría var að kaupa sér sokka.



Þessi er tekin rétt áður en hún sofnaði á heimleið, er að passa Neró
og hún er með liverpool koddann sinn.



Tekin á Kaffihúsinu, hún var alltaf að taka myndir af okkur
þessi elska.



Erna mín brún og sæ, enda nýkomin frá Majorka



Mágkona Önnu Guðnýar og Unnur, en þær vinna saman.



Merkilegt með Önnu Guðnýu eins og mig, við erum alltaf að halda

ræðu

.

Þarna erum við komin að Laugum og Guðrún Emilía
er með hann í fanginu



Dóra elsku perlan mín, Sigrún LEA og Hjálparhellan hún
Viktoría Ósk

Viktoría Ósk tók allar myndirnar á Kaffihúsinu og tel ég þær ver
flottar hjá henni bara 10 ára gamalli.

Fleiri myndir seinna.
Góða nótt og stórann faðm til allra.

Bara gleði á þessum bæ.

Dagurinn í dag var bara góður þó að við Sibba værum
bara tvær, Aðalheiður lenti inn á sjúkrahúsi í nótt svo
ekki kom hún, þessi elska vona að hún nái sér sem fyrst.
Gunna fór með tíkina í úr-sambandstöku, þið skiljið þetta
er það ekki?

Borðuðum í kvöld Ítalskar kjötbollur sem ég bjó til og hafði
með kartöflumús, kryddaða, ekki sæta.

Fórum síðan að taka bensín og versla Kristal plús, opal og
prins póló, alveg merkilegt hvað það er alltaf jafn vinsælt.
Hittum Viktoríu Ósk mína tókum hana með og hún fékk smá
hlaup, við buðum henni að koma með á Eyrina og ég held að
hún komi með annars er afar erfitt að vakna á morgnanna.

Við verðum allan daginn, fyrst förum við með Neró, skiljum
hann eftir á Dýraspítalanum förum svo að stússast, ætlum á
kaffihúsið á Glerártorgi, hitta þar góðar konur.
Gísli á síðan að mæta kl 13.00 í sína myndatöku og ég 13.40
í mitt gangráðaeftirlit, héldu þið kannski að þetta væri að öllu
leiti skemmtiferð, nei ekki aldeilis þó meirihluti ferðarinnar sé það.

Megum ekki gleyma að ná í Neró áður en við förum sjálf á sjúkrahúsið
hann verður enn þá vankaður eftir svæfinguna svo þetta verður allt í lagi.

Eigið bara góðan dag á morgun og munið að gefa faðm.
Milla

Hverjir selja þeim vopn og sprengjuefni?

Þetta er bara eitt af atvikum þeim, þar sem morð eru framin,
og það er all víða í dag þar sem saklaust fólk er myrt vegna
einhverja erja sem kannski þeir ekki sjálfir í raun gera sér
grein fyrir því þeir eru búnir að berjast svo lengi.

Þeir bara hata allt og alla og komast ekki út úr þeim
ranghugmyndum sem þeir virðast vera fastir í hvort sem
það er vegna trúar eða haturs.

Það er erfitt að vera svo valdasjúkur að stríð og morð séu
nauðsynleg í aldir til að komast til valda.
Hér áður og fyrr var barist með sveðjum,hnífum, spjótum
og bogum, en núna eru það nútímavopn og hver selur
morðóðum mönnum þau?

Sorglegast er að sjá elsku börnin, en kannski er bara best fyrir
þau að fá að deyja með sínum, hver ætti svosem að hugsa um
þau, það eru bara þau sjálf.

Tala látinna hækkar enn

Hafið þið lesið á mjólkurfernurnar?

Það er svo margt að skrifa um að ekki er vert að byrja á
neinu, nema bara deginum í dag, hann er bara búin að
vera skemmtilegur að vanda.
Milla hringdi í morgun og talaði um að Aþena Marey áliti
sig vera veika, já já hún er 5 ára og telur sig alveg vita það,
það var síðan bara afráðið að hún fengi að vera hjá ömmu í
dag, þegar hún kom fór hún strax að velja sér spólu og kúrði
sig niður á mjúkan kodda, nú hún var jú veik.

Um hádegið fór ég í þjálfun, spurði hvort hún vildi koma með,
hún vildi það, og henni fannst bara gaman.
Komum svo heim og fengum okkur smá snarl, hún fékk ristað
brauð  með osti og rifsberjasultu ég fékk mér heimabakað
maltbrauð með osti, einnig kex með höfðingja og eplum
það er æði, ég elska svona osta.

Þegar við vorum að borða þá er mér litið á mjólkurfernuna,
sé þá að stendur Að vera ég er eins og að vera, fer að huga
nánar, jú þetta voru þá svona gullkorn.

                  Að vera ég er eins og að vera
                  Sólin fyrir ofan fjöllin.

                  Að vera ég er að vera
                  Skærasta stjarnan á himninum.

                  Að vera ég er eins og að vera
                  rauðasta rósin í beðinu.

                  Að vera ég er eins og að vera
                  fallegasti hesturinn í stóðinu.


Agnes Bára Aradóttir
13 ára Varmahlíðarskóla.

Nú við spiluðum svo saman veiðimann og rugluna eins og
ég kalla það, einnig var litað og teiknað.

Í kaffitímanum vildi hún fá ís og borðaði hún tvær skálar
bætti svo við rúgbrauði með smjöri, ég fékk mér kaffi og
hrökkbrauð. Hún fékk svo að tala við frænkurnar sínar á
Laugum, en þær voru að fara að mála svo stutt var það
símtalið.

Milla var á fundi eftir vinnu dróst hann á langinn svo við
borðuðum bara saman góðu grænmetissúpuna mína og
brauð með. Það er svo þægilegt að eiga svona tilbúið í
frysti.

Góða nótt elskurnar mínar.

Kominn sprunga í VG, eða hvað?

Mér finnst eins og Steingrímur sé nú ekki afar sáttur, það
segir mér svipurinn á honum, en á toppnum tók hann að
sér að vera, eigi er hann alsráðandi, hann þarf að lúta
kvennskörungi sem ég ætla eigi að úttala mig um að
svo stöddu.

Spurningin er hvort flokkurinn haldi þegar formaðurinn
talar þvert á skoðun sína, kannski bara til að halda friðinn
og stjórnarsamstarfinu, sem þeir lofuðu fólkinu fyrir kosningar.
eru einhverjir fleiri sem gera það?

Frekar hvumleitt að þurfa að fara á bak við sjálfan sig.

 

Valtur meirihluti í Icesave

Aðgangsharðir mótmælendur.

Ruddust inn í Fríkirkjuveg 11

Lögreglan á höfuðborgarsvæðinu var kölluð að Fríkirkjuvegi 11 nú í kvöld, en lögreglunni barst tilkynning um að hópur fólks - um 20 manns - væri búið að brjóta sér leið inn í húsið. Lögreglan er mætt að svæðið. „Húsið er okkar," hrópar hústökufólkið.

Mikið vildi ég óska að húsið væri okkar, en því miður að þó
að verið sé að hengja á okkur skuldarklafa vegna Icesafe
þá hefur okkur ekki verið dæmt hvorki þetta eða annað
hús þeirra Bjöggana til eignar. veit síðan ekki betur en að
Ríkið sé að eignast þetta hús eins og allt annað sem þeir
yfirtaka núna og við að borga, ekki spyr ég nú að, okkur
munar nú ekki um að borga nokkrar trilljónir.

Þetta hús er forngripur, og við vitum að bera skal virðingu
fyrir ellinni, en ekki væri svo galið að útbúa í þessu fagra
húsi, dagaðsetur fyrir fólk sem þarf á því að halda,
þá meina ég föndur af ýmsu tagi, spilaborð, tölvur, leir,
málun, sauma, smíðar og bara nefnið það.
Einnig má líka tala saman fyrir þá sem það vilja.
Það vantar svona stað þó jafnvel einhverjir séu. Þetta hús
sem upphaflega var ríkimannshús með vinnufólki í kjallaranum,
eins og var bara í þá daga mundi sóma sér vel sem slíkt.
Bara smá tillaga.

Húsið er í eigu Novators sem er auðvitað í eigu Björgólfsanna,
en ekki mikið lengur, Ríkið er búið að yfirtaka þetta allt.
Mikið erum við rík.

Ruddust inn í Fríkirkjuveg 11

Kvöldsaga.

það eru ekki allir dagar eins, sem betur fer að sjálfsögðu,
en þetta var einn af mínum slæmu sko ekki að ég geti
kvartað á meðan aðrir hafa það mun ver en ég, en sjáið
þetta eru mínir dagar, með fjandans giktarverkjum og alveg
ótrúleg þreyta sem fylgir þessu. þeir þekkja þetta sem eru
með gikt.

Vaknaði um 7 leitið, vissi strax hvernig dagurinn yrði, fór
á fætur og naut morgunsins eins og vant er.
Fengum okkur hádegissnarl sem var roost Beef og steikt
egg með ólívubrauði, sultuðum kryddlauk og smá grænmeti.
Eins og ég vissi lá leiðin upp í rúm og Neró minn kom með.
Fór reyndar upp í gestarúm hann ætlaði sér nú gestasængina,
þykist ráða miklu þarna inni því stelpurnar sofa þarna er þær
koma, ég sagði honum að fyrst ætlaði ég að koma mér fyrir
svo mætti hann kúra þar sem hann vildi, hann lagðist á milli
fóta minna svo stuttu síðar vaknaði ég með nálardofa í
tásunum mínum, hristi hann af mér og sofnaði aftur.

Vaknaði við að Gísli minn kom og strauk kinn með kossi og
sagðist vera að fara fram í Lauga til að sækja þær.
sofnaði aftur, en vaknaði um hálf fimm og núna er ég óþreytt
en finn að stutt er í verkina, svona eru bara sumir dagar hjá
fólki sem er með gikt.

Tókum eftir blóði um allt hús er þau komu til baka og komumst
að því að Neró litli var meiddur á annarri loppunni, djúpur skurður
var, svo hann hefur stígið á eitthvað hér fyrir utan.
Nú græðandi og umbúðir fékk hann og er bara ánægður með það,
Fékk náttúrlega heilmikla athygli honum þykir það nú ekki slæmt.

Ég var búin að bjóða í mat svo ég byrjaði að undirbúa það,
var með fisk í ofni með lauk og papriku, salat, grjón og
sósu úr Grískri Yogurt.
kaffi og ís á eftir, Dóra keypti ísinn það var náttúrlega ekki
hægt að hafa engan eftirrétt, ís er ekki mín deild svo ég fékk
mér kex.

Nú eru allir farnir heim, en búið að vera alveg yndislegt að vanda.
Gísli er kominn tilbaka frá því að aka þeim heim og er að taka
dúkinn úr þvottavélinni setja hann á borðið, ég hefði nú getað
verið búin að því, en nei ég bara gleymdi því og það er bara allt
í lagi



Þetta er litla ljósið hennar ömmu sinnar, Milla mín tók þessa mynd
er þau voru í útiveru um helgina.



Þessa tók Milla mín líka, hún er frá Bakka þar sem fyrirhugað
Álver á að rísa. Flott mynd.
Ég stal þeim náttúrlega frá myndasíðunni hennar.

Eigið gott kvöld.

Ég datt #$%&/()=()/=(&%=0 ekki á hausinn.

Bara ruglaðist aðeins við lesturinn á þessari frétt, reyndar eins
og mörgum öðrum fréttum undanfarna mánuði.

Blablablablabla og allt það þið getið lesið sjálf, sko alla greinina
á mbl.is, en hvað er þetta eiginlega, eru það svona skuldir sem
við erum að borga fyrir einhverja plebba úti í bæ, nei þeir eru
nú líklegast erlendis.
Náttúrlega vissi ég þetta allt, bara stakk hausnum í sandinn
eins og hinir vitleysingarnir, sko við.

Hvernig í ósköpunum gat ég verið svo vitgrönn að halda að
svona út spreðelsi gæti verið eðlileg og það væri af hinu góða
að gefa mönnum/vinum úti í bæ, já bara Ísland á silfurfati.

 Jæja elskurnar, ég segi bara góðar stundir.

Félag Straums eignast West Ham

Leika sér að mannfólki.

//

Dæmdar í 12 ára þrælkunarbúðir

Dómstóll í Norður-Kóreu hefur dæmt tvær bandarískar fréttakonur í 12 ára fangelsisvist í þrælkunarbúðum. Réttarhöldin stóðu í fimm daga og var konunum tveimur gefið að sök „að hafa framið alvarlegan glæp gegn kóresku þjóðinni með því að fara ólöglega inn í landið."

Fréttakonurnar tvær, Laura Ling og Euna Lee, voru handteknar við landamæri Norður-Kóreu og Kína 17. mars sl. en þar voru þær að vinna að frétt þess efnis að íbúar Norður-Kóreu reyndu að flýja heimaland sitt.

Já hörmulegt er það að leika sér að mannfólki, bara til að
ná fram því að geta rætt einhliða við Bandaríkjamenn.
Það er ekki eins og þær hafi verið komnar inn í landið,
og þó svo, 12 ára þrælkunarbúðir, algjör viðbjóður.
Eitthvað verður að gera til að breyta þessu því þarna er
um haturslegar aðgerðir að ræða, að mínu mati.

Ljóst má vera að dómurinn mun auka spennuna milli stjórnvalda í Bandaríkjunum og Norður-Kóreu, en samskipti landanna hafa verið stirð allt síðan Norður-Kóreumenn skutu eldflaug á loft 5. apríl sl. og framkvæmdu tilraunakjarnorkuskot 25. maí sl.

Þetta eykur ekki bara spennuna á milli Bandaríkjanna og
Norður Kóreu heldur alls alþjóðasamfélagsins.
það er aldrei gott ef stríð verður og að mínu mati aldrei
réttlætanlegt.

Það er nú samt svo að alltaf verða stríð, úr því fást
peningar og vald.

Haft er eftir Hillary Clinton, utanríkisráðherra Bandaríkjanna, að ásakanirnar gegn fréttakonunum séu tilhæfulausar og að leyfa ætti konunum að snúa til síns heima. Clinton upplýsti líka að bandarísk stjórnvöld íhuguðu nú að setja Norður-Kóreu aftur á lista sinn yfir hryðjuverkaþjóðir.

Auðvitað ætti að sleppa þessum konum, en það verður
ekki strax eða jafnvel aldrei.

Dæmdar í 12 ára þrælkunarbúðir

Sunnudagurinn á enda.

Það endaði náttúrlega á því að ég bakaði vöfflur, hringdi
í Millu og Ingimar og sagði að ég væri að baka svona bara
ef þau vildu, þau komu, en voru boðin í garðveislu kl 17
og skyldi þau ljósin eftir hjá ömmu og afa.

Gísli var í því í dag að laga til í geymslunni, koma upp á
loft því sem ekkert er notað setja snaga fyrir kústa og
moppur einnig stóran hanka fyrir rekurnar, enda bara
notaðar á veturna.

Síðan var grillið tekið í gegn og þegar allt var klárt, var
farið að grilla brauð, allir fengu það ofan á sem þeir vildu.
Þær borðuðu úti, afi fór í fréttir með sitt brauð og ég við
eldhúsgluggann stundum var kallað að utan og þá
stökk afi á fætur til að þjóna ljósunum.

Nokkrar myndir úr garðinum okkar.



Þetta er á pallinum undir eldhúsglugganum, nelika í potti.

Birkikvisturinn minn setti ég niður kál fyrir framan
bara svona rétt að prófa.

Gullsópurinn ekki alveg komin í blóma.

Fjölært blóm sem ég veit ekkert hvað heitir, en þarna fremst
setti ég niður kartöflur.



Hinum megin á pallinum, hjól sem er eiginlega aldrei notað
stjúpur í potti.

Kærleik til allra
Milla