Ásbjörn Óttarsson.

Þekki ekki manninn, en flott að hann skyldi fella Einar K.
verst að hann fór ekki neðar.

Ásbjörn vann baráttuna við Einar

Karlayfirráð.

Sannast hefur það enn og aftur að Sjálfstæðisflokkurinn  er
karlrembuflokkur, þeir vilja bara hafa konurnar eins og
gólftuskur og reynið ekki að andmæla því.

1. Einar Kristinn Guðfinnsson, alþingismaður, Bolungarvík.

2. Ásbjörn Óttarsson, Snæfellsbæ.

3. Bergþór Ólason, Akranesi.

4 Birna Lárusdóttir, Ísafirði.

5. Eyrún Ingibjörg Sigþórsdóttir

6. Þórður Guðjónsson, Akranesi

 

Þetta er nú væntanlega endanleg úrslit í prófkjöri Sjálfstæðisflokksins
í Norðvesturkjördæmi.
Hvað er eiginlega að þessu fólki að kjósa endalaust þá sem ættu löngu
að vera hættir eins og Einar K.
Hleypa konunum að, ekki er ég nú hissa á því að þær sækist eigi eftir því
að fara í framboð, þeim er alltaf hafnað.

Vinnið bara bak við tjöldin stelpur mínar og styðjið við okkur elsku karlanna.
Ég mundi segja mig úr flokknum og það ættu allar konur að gera, skiljið
þið ekki að  ykkur er sýnd niðurlæging ár eftir ár.

Einar efstur, Ásbjörn nú annar

Hvalveiðar eða ekki. Fyrir svefninn.

Hvalveiðar eða ekki við bara hættum að borða vörur frá
Ameríku.
Það ætti ekki að vera erfitt að minnsta kosti ekki fyrir mig
og mína og ef allir tækju sig saman og gerðu slíkt þá
liði okkur allavega betur.

Það er sama hvort við erum með eða á móti veiðunum
Það er verið að hóta okkur og eigum ekki að láta undan
eða knékrjúpa lengur.

Þetta er nú bara mín skoðun.

             ********************************

                              Hanagal.

Ég orti forðum vers að landsins vana,
en var þó hvorki skáld né gáfnaljón.
Og það, sem hreif, var gal í gömlum hana,
sem gaufið  rauf með hvellum morguntón.

Svo skeði það ég skaust úr vist í bæinn
og skrapp svo þaðan lengra um kaldan sæ.
Er kom ég aftur karskur yfir sæinn,
þá kvað við hanagal á hverjum bæ.

Bjarni M. Gíslason.

Góða nótt kæru vinir

Hætta að kynna íslenskar vörur

Eins og lög gera ráð fyrir.

Steingrímur. J. Sigfússon, formaður VG á landsfundinum í dag. mbl.is/Golli

// Innlent | mbl.is | 21.3.2009 | 10:23

Steingrímur kjörinn með lófataki.

Steingrímur J. Sigfússon verður áfram formaður Vinstrihreyfingarinnar græns framboðs, en hann var kjörinn með lófataki á landsfundi flokksins í dag. Engin mótframboð komu fram á fundinum.

„Ég hélt það væri nóg að vera formaður í 8-10 ár, en hér stend ég enn. Ég ætla þó að fullvissa ykkur um það að ekki mun þurfa lagabreytingu til að ég víki. Ég hef hug á að hætta áður en allir verða dauðfegnir að losna við mig."

Fór að hlæja er ég las hjá vinkonu minni að hún kallaði hann
hann Steingrím karlinn, Ó guð, hvað er ég þá, mörgum árum
eldri en hann, var meira segja einu sinni að passa þennan
mæta pilt og þá hina bræður hans einnig ásamt systur hans
meðan mamma þeirra skrapp af bæ í vikutíma.

Jæja er ég ekki komin út fyrir rammann? Sko ég var allavega búin
að fá hundleið á honum Steingrími í stjórnarandstöðu, þeir verða
leiðigjarnir til lengdar í púlti þessir ræðusnillingar.
Steingrímur tært ætla ég að vona að eygi sjái þig í til lengdar á þingi
því þá er ekkert nýnæmi að sjá þig utan þess. Sko eða þannig.

Steingrímur sagðist engu vilja skipta fyrir að hafa verið með í þessu verkefni síðastliðin tíu ár. Flokksmenn gætu verið sátt og stolt af árangrinum og það gleddi hann að sjá þá endurnýjun sem nú er í flokknum.

Þá voru Katrín Jakobsdóttir og Sóley Tómasdóttir einnig staðfestar í sínum embættum sem varaformaður og ritari með lófataki.

Ég er nú yfirmáta ánægð með þessa kvennakosti í sínum störfum,
enda hælt þeim áður.
Er ánægð með fólk úr öllum flokkum sé það gott.

Steingrímur kjörinn með lófataki

Það verður langt þangað til að það verður reynt aftur.

Hann meinar samstarf við samfylkinguna, enda að hans mati
örugglega gat hann ekki rönd við reist yfir gjörningum þeirra
í þeim flokk. Ekki var það þeim að kenna, Ó Nei.
Enda er ekkert verið að bjóða þeim að vera mem.

Bankaleyndin gengið út í öfgar.

„Það verður langt þangað til það verður reynt aftur," sagði Geir H. Haarde, formaður Sjálfstæðisflokksins, um samstarfið við Samfylkinguna í viðtali við Sölva Tryggvason í þættinum Spjallið með Sölva á Skjá einum nú í kvöld. Í þættinum sagði Geir það hafa verið misminni hjá sér að hann hefði ekki reynt að ná sambandi við Gordon Brown, forsætisráðherra Breta, eftir að þeir beittu hryðjuverkalögum gegn Íslendingum, líkt og hann lét hafa eftir sér í sjónvarpsþætti á BBC. Sagðist Geir hafa reynt að ná í Brown eftir að hryðjuverkalögin voru sett en fengið samband við Alistair Darling fjármálaráðherra.

Það verður vonandi líka langt þangað til að þeir komast í
þá stöðu að geta að biðla eftir samstarfi.
Það er nú ekki gott að hafa stjórnmálamann sem hefur slíkt
misminni eins og hinn mæti maður Geir.

Sölvi spurði Geir hvort ekki væri eðlilegt að hann bæði þjóðina afsökunar á því sem gerðist í íslensku efnhagslífi sl. haust. „Ég er ekki tilbúinn að biðjast afsökunar á því hvernig bankarnir hafa hagað sér," svaraði Geir. Síðar í þættinum sagði hann: „Þetta með afsökunarbeiðnina er flókið mál. Öllum mistökum, sem ég hef gert, og þau eru sjálfsagt mörg, ber ég ábyrgð á og get beðist afsökunar á þeim, en ekki því sem aðrir úti í einkageiranum eða erlendis bera ábyrgð á."

Að biðjast afsökunar, nei þá er snúið út úr og hann getur
beðist afsökunar er sá seki finnst, en það skiptir ekki máli
hver gerði þetta eða hitt í bankamálum né öðrum, hann sem
forsætisráðherra bar ábyrgð.
Þessi mæti maður breyttist í hroka er hann tók við stólnum
þó eigi meira ég telji ekki upp.

Sagði Geir að finna yrði út hvar ábyrgðin lægi. „Mér þykir mjög miður að þetta skuli gerast svona," sagði Geir en benti á að í kringum kosningarnar 2007 hefði enginn flokkur talað um að bankarnir skyldu flytja úr landi. „Enginn talaði um annað en að þróun í bankakerfinu væri af hinu góða."

Geir sagði bankana hafa verið alltof „gíruga" í að stækka og þenja sig út. Nú sé því haldið fram að ýmsir í atvinnulífinu hafi notað bankana til að koma peningum úr landi í skattaskjól. „Þetta er óafsakanleg framkoma."

En þeir áttu að hafa eftirlit og bar skylda til þess samkvæmt
lögum, ykkur var bara alveg sama, sem sannast af seinaganginum
í málum eftir hrun.

Spurður út í viðbrögð Sigurðar Einarssonar, fyrrverandi stjórnarformanns Kaupþings, um gögn sem m.a. hafa verið birt í Morgunblaðinu og Sigurður telur brot á lögum um bankaleynd svaraði Geir: „Ég veit ekki hvað hann Sigurður er að fara með þessu," og bætti við að bankaleynd hefði gengið út í öfgar og menn komist upp með hluti í skjóli hennar

Það er von að honum finnist bankaleynd hafa farið út
í öfgar, voru lög um bankaleynd ekki sett af þeirra hálfu
þó fyrir margt löngu sé.

Allt of margir í Sjálfstæðisflokknum eru montnir hrokar
sem halda sig ofar öðrum settir og það er eigi vel.

Auðvitað fyrirfinnst það í öðrum flokkum líka og það sem
fólk þarf að læra er að vera heiðarlegt játa sín mistök og
vera fyrir fólkið í landinu því vinnufólkið okkar verkstjórum,
yfirmönnum og því sem þarf er á launum hjá okkur fólkinu.
Skulu þess vegna sýna okkur virðingu.

Bankaleyndin gengið út í öfgar

Smá horor fyrir svefninn.

Telja óvíst að hægt verði að standa við Helguvíkuráform
Innlent | mbl.is | 20.3.2009 | 19:56
Fulltrúar Samfylkingar og Vinstri grænna telja ljóst af endurskoðunarskýrslu við ársreikning 2008 að nauðsynlegt sé að dreifa mun betur áhættu af orkusölu til stóriðju. Segir í bókun þeirra að alls sé óvíst hvort Century Aluminum geti staðið við áform um uppbyggingu álvers í Helguvík.

Er bara ekki í lagi með breinið í þessum mönnum/konum
Dreifa hvað, áhættu hvað?
Það er nægileg raforka er búið er að virkja hana og hvað með
Álver eða aðra álíka atvinnuskapandi verksmiðju við Húsavík.

Er virkilega verið að telja okkur trú um að það verði ekki alltaf
mikil eftirspurn eftir áli þó akkúrat núna sé allt í lægð.

Hverjir aðrir eru að falast eftir raforkunni og standa þeir betur að
vígi?

Við þurfum atvinnu núna og eigi seinna en í gær og við erum ekki
heimskingjar.
þetta er bara byrjunin á því að stoppa allt hér.
Hér á bara að vera fátækt og ömurlegt.
Það er stefna þeirra sem hér ráða, landið er og verður á hausnum
um langan tíma.

Fjandinn, ég er öskureið.

Góða nótt

 

Telja óvíst að hægt verði að standa við Helguvíkuráform

Til hamingju Jóhanna.

Þó ég óski nú þessari mætu konu til hamingju með sína
ákvörðun þá tel ég hana ekki mjög ánægða með hana,
kannski bara ímyndun í mér eins og svo margt.

Það er orðið nokkuð ljóst að þetta verður næsta ríkisstjórn
Samfylkingin og Vinstri grænir.
Það skiptir mig ekki í raun, eins og staðan er í dag hver er í
ríkisstjórn því það verður þrautin þyngri fyrir hvern sem er að
takast á við vandamál þessa lands.

Það sem þarf að gerast í stöðunni er að allir reyni að vinna saman
að lausn mála, ekki byrja strax að undirbúa kosningar eftir 4 ár.
Ekki vera að eyða tímanum í karp um einhvern tittlingaskít sem
engu skiptir. skapið frið um lausnina á vandamálunum sem eru ærin.

komið vinnumarkaðnum í gang og allt á fullt það er númer eitt að fólk
hafi vinnu og að þeir sem minna mega sín hafi viðunandi viðurværi.

Var á leið að hætta

Hvaða leið er það?

Vart er huggun í þeirri vitneskju að Bandaríkjaforseti telji ekki að Bandaríkin stefni sömu leið og Ísland. Reuters

Nei hjálpi mér allir vættir heims, aldrei sömu leið og þeir, enda
vart hægt að líkja þessum löndum saman og hvað þá fólkinu.
Þá er ég eigi að setja út á það,öndvegis fólk býr öll lönd.

// Innlent | mbl.is | 19.3.2009 | 22:55

Obama: Ekki sömu leið og Ísland

Barack Obama Bandaríkjaforseti svaraði neitandi þegar hann var spurður að því í vikunni hvort Bandaríkjamenn stefndu í fótspor Íslands og yrðu fátækir. Fjallað er um málið í Los Angeles Times.

„Nei," sagði forsetinn. „Nei ... en við þurfum að ná stjórn á fjárlagahallanum."

Obama ætlar ekki að stefna í fátækt eins og Ísland
spyr náttúrlega eins og asni, hvað eru þeir? að mínu
heimska mati eru þeir í raun fátækari en við

En þeir þurfa að ná stjórn á fjárlagahallanum, það er nú
enginn vandi fyrir þá þeir bara kalla heim herinn sinn.

Við höfum engan her að kalla heim, Jú annars við höfum
sendiráðin það má kannski aðeins spara þar og hafa
bara ræðismenn eða hvað finnst ykkur?

Obama lét þessi orð falla þar sem hann sat fyrir spurningum fatlaðra og fólks af blönduðu þjóðerni.

Áhugasamir geta lesið greinina í heild sinni hér.

Segi og stend við það við getum með sameiginlegu átaki
komist út úr þessum vanda.
Við eigum ekki sök á honum, en verðum að taka hann á okkur.
Stöndum saman og gerum það.

Allt of margir segja bara mér kemur þetta ekkert við og eru
það að sjálfsögðu þeir sem ennþá eiga fyrir sínu, en hvað
verður það lengi.

Obama: Ekki sömu leið og Ísland

Góð hugmynd og byrja bara strax.

Róbert Wessman, fyrrverandi forstjóri Actavis mbl.is/Kristinn

// Innlent | Morgunblaðið | 20.3.2009 | 05:30

Gætu orðið til 300 störf.

Byggja þarf upp betri aðstöðu til að geta flutt inn sjúklinga til að framkvæma á þeim aðgerðir hérlendis. Slíkur innflutningur gæti komið í kjölfarið á samstarfi fyrirtækis Róberts Wessmann „Salt Investments" við hina virtu bandarísku heilbrigðisstofnun Mayo Clinic. Það samstarf gengur m.a. út á að rannsaka samfélagshópa að gefnum ákveðnum forsendum með það í huga að koma í veg fyrir sjúkdóma en ekki lækna þá þegar þeir eru orðnir staðreynd.

Það er löngu brýnt að vera með fyrirbyggandi aðgerðir
fyrir fólk svo það fái ekki einhverja krankleika.
Staðreyndin er að fólkið sjálft verður að vilja, trúa, taka
þátt og halda svo áfram er meðferð lýkur, en það er auðvitað
ekki okkar höfuðverkur og vitið það er hægt að selja fólki
allt svo það kemur bara aftur og aftur.

„Við erum þegar komin með þó nokkuð marga samstarfsaðila sem hafa áhuga á að vinna að því að flytja inn sjúklinga með okkur," segir Róbert. Aðstaðan á Keflavíkurflugvelli, gamla varnarsvæðinu, hugnast honum vel og stutt er þaðan í skurðstofuaðstöðu í Reykjanesbæ sem hann hefur áhuga á að leigja.

Væri ekki hægt að breyta þessu orðalagi: "Flytja inn fólk"
Mér dettur fyrst og fremst í hug "Cargó."
kannski betra að segja: ,,bjóða fólki að koma"

Róbert Westmann sem mér hefur ætíð litist vel á og tel
hann vera mannlegan og ferskan.
Hann vill leigja af ríkinu skurðstofur Suðurnesja og
vallarsvæðið.

Þarna mega þeir sko ríkið ekki gleyma að þetta er ekki
ný herstöð að koma, heldur er þetta fyrirtæki og þá þarf
að selja sig þannig að við borgum ekki með því sem
við eigum ekkert í.

Róbert telur að samstarfsverkefnið við Mayo Clinic skapi Íslandi virðingu á alþjóðavettvangi auk þess sem í kjölfarið skapast allt að 300 störf.

Og þarna þarf að setja í samninga að eingöngu verði
verði um Íslendinga að ræða í störfum, annars koma
þeir bara með starfsmenn af einhverjum leigumiðlum
úti í heimi.

Í tengslum við starfsemina yrði sjúkraþjálfun, endurhæfing og atferlismeðferð fyrir offitusjúklinga.

Ekki veitir af og eins gott að opna ekki hamborgarastaði
í nágrenni við, nei þetta var nú bara djók,
mér ferst ekki að tala.

Róbert hefur þegar stofnað ferðaskrifstofu í kringum hugmyndina, Pure Health, en það eina sem vantar er samþykki heilbrigðisráðuneytisins fyrir leigu á aðstöðunni. „Ef gengið yrði frá þessu núna myndu fyrstu sjúklingarnir koma hingað á fjórða ársfjórðungi á þessu ári," segir Róbert. Líklegt sé að Mayo Clinic muni skrifa undir samstarfssamninginn á næstu misserum.

Hefur Mayo Clinic komið og kynnt sér umhverfisaðstæður
og geta þeir ekki bara líka komið til okkar í Norðurþingi,
ég meina sko þá getur fólk valið um umhverfiskonfekt.

Allavega vona ég að þetta verkefni komi til með að ganga vel

Gætu orðið til 300 störf

Fyrir svefninn, hann gleymdi að hann átti konu.

        Sagan er sönn og gerðist á Ísafirði 1997.

Kvöld eitt var gamla settið að horfa á sjónvarpið að vanda.
Mann greyið sofnaði þreyttur eftir daginn, þó að konan sé
nú alveg viss um að þessir dottar séu ávani.
Seint um síðir vekur konan manninn og spyr hvort hann ætli
ekki upp að sofa, maðurinn lítur á klukkuna, stendur upp
slekkur á sjónvarpinu, síðan á öllum ljósum einnig kertaljósi
sem logaði hjá konunni gekk fram upp stigann, skildi konuna
eftir í myrkrinu.

Konan stóð upp lallaði sér upp á loft og þá stóð maðurinn á
ganginum og hló.
Tók síðan utan um konuna og sagði fyrirgefðu.

Það var nú ekkert að fyrir gefa maðurinn hafði verið einn í 13 ár
og var ekki vanur konu á heimilinu, sko svona nývaknaður.

Man ekki hvort ég hef látið þetta fara, en það skiptir ekki máli
gott ljóð er aldrei of oft lesið.

Gleðin, hryggðin og hamingjan
            ( Axel Juel)

Ljúfasta gleði allra gleði
er gleði yfir því, sem er alls ekki neitt,
engu, sem manni er á valdi eða í vil,
gleði yfir engu og gleði yfir öllu,
gleðin: að vera til.

Sárasta hryggð allra hryggðar
er hryggð yfir því, sem er alls ekki neitt,
óbundin hugboði, orðum og gjörð,
á óskiljanlegri jörð.

Hamingjan dýpsta, sem hjartans
hamingjudrottningin þér gaf,
býr ekki í faðmlagsins flöktandi yl.
nei, það er einveruhamingja hugans:
að hún skuli vera til.

Góða nótt kæru vinir

Fær hann að koma til baka?

Maður spyr sig bara þessara spurninga, eftir því sem
hefur hermst þá endurtala gjörðir sig ævilega.


Ekki ætla ég að dæma það sem á undan er gengið,
viðkvæmt er málið, en það er það aðallega fyrir þær
stúlkur sem urðu fyrir þessu.

Vitið ég á ekki til orð, en vona að guð eigi það.

 

Sóknarprestur sýknaður

Hva! Hva! hvað er að gerast?

Eftirlitsmenn fari til Íslands

Eftir Kristján Jónsson [e-mail]

Sendinefnd Öryggis- og samvinnustofnunar Evrópu, ÖSE, sem var hér á landi fyrr í mánuðinum, mælir með því í skýrslu sinni að stofnunin sendi eftirlitsmenn til að fylgjast með alþingiskosningunum hér á landi 25. apríl.

Maður hrekkur bara í kút, eftirlitsmenn til Íslands, erum
við í þeim hópi nú að alþjóðasamfélagið þarf að fylgjast
með okkur. það er eins gott ef svo er að vegalengdirnar
eru eigi eins langar og fyrir 100 árum eða svo er menn
fóru og komu eftir marga mánuði aftur með einhverja
skipan frá kóngi vorum, sem þá var.
Á meðan gátu þeir óheiðarlegu orðið ríkari, já og á hverju,
Jú skrælingunum sem þeir réðu yfir.

Í skýrslunni segir að þau mál, sem helst þurfi að gæta að séu kosningalöggjöfin og hugsanlegar breytingar á henni, þ.e. persónukjör, einnig er fjallað um utankjörstaðaatkvæðagreiðslu, misjafnt vægi atkvæða og fjölmiðla og eignarhald á þeim.

Já ekki vanþörf á " Trúlega ekki"

Loks er fjallað um aðgang eftirlitsmanna, innlendra sem erlendra, sagt að reglur um hann virðist ekki vera algerlega í samræmi við samþykktir ÖSE frá 1990.

Þá er að kippa því í liðinn, eigi erum við þekkt fyrir að
fara eftir lögum og reglu, fyrr en neyðumst til.

Sagt er í skýrslunni að rætt hafi verið hvort þingið mætti halda áfram störfum eftir að búið væri að leysa það upp. „Tekið er fram í stjórnarskránni að umboð þingmanna sé gilt fram að kjördegi. Sumir flokkarnir álíta að með þetta ákvæði í huga eigi þingið að halda áfram að starfa eins lengi og hægt er til þess að taka á efnahagsvandanum."

Auðvitað áttu bara að vera kosningar í haust svo tími
væri til að undirbúa þær svo öllum líkaði og að leysa
vandamál þjóðarbúsins sem best.

Sagt er að talsmenn nýrra framboða hafi bent á að stuttur fyrirvari geri þeim erfiðara um vik en stóru flokkunum að skipuleggja sig og heyja baráttu sína. En almenningur virðist almennt treysta því að framkvæmd kosninga á Íslandi sé trúverðug. Lagaumhverfið virðist vera með hætti að það ýti undir lýðræðislega framkvæmd kosninga

Sagt er að nýir sópar sópi best, svo líklegast er
þeim þá bara kastað fyrir björg, þannig að eigi
tækifæri fái.

Eftirlitsmenn fari til Íslands

Lætur ganga á eftir sér.

Er eiginlega ekkert hissa hún gerir sér grein fyrir því
að um erfiðan róður verður að etja, fari hún í ríkisstjórn,
sem er að sjálfsögðu alls ekki sjálfgefið.

Hitt er svo aftur annað mál að hvern eiga þeir hæfari en
Jóhönnu, eigi er hægt að neita fyrir það að mesta og
fróðasta reynslan kemur frá þeim bæ.

Hálfgerður glundroði mundi verða ef hún færi ekki í
formanninn.
Með fullri virðingu fyrir öðrum í flokknum og tel ég mæta
menn og konur vera þar eins og í öðrum flokkum, en
engin hefur sýnt neina formannshæfileika að mínu mati.

Eini maðurinn sem ég hef séð fyrir mér sem formannsefni
með bein í nefinu, er Benedikt Sigurðarson framkvæmdastjóri
Búseta á Akureyri.
Maður sem skilur og stendur á sínu það þarf svoleiðis menn
í pólitík í dag.

Svo er það með þessa endurnýjun sem talað hefur verið um
að fólk vildi sjá, eigi er ég farin að sjá að fólk hafi meint
nokkuð með því, enda unga og ferska fólkinu ýtt út í kuldann
í öllum flokkum.

Vonum það besta fyrir land og þjóð.

Biðin eftir Jóhönnu á enda

Fyrir svefninn.

Í dag var góður hópur vinkvenna hjá mér, við hittumst
einu sinni í viku á miðvikudögum.
Sumum finnst einkennilegt að hafa svona saumaklúbb
á miðjum degi, en hvað er svo sem að því, þá er birtan best.
Það er rætt um lífið og tilveruna, börnin og bara allt sem okkur
dettur í hug, og það verður að kæta okkur.
Ljósin mín komu í pössun klukkan 14.00 Milla mín var að fara
að vinna.

Ég kem með Bergbúann þó eigi sé komið sumar.

Bergbúi.

Ég sat við ána um sumarkvöld,
þar svartur hamar stár,
en fram af berginu lindin lét
liðast silfurhár.

þá út úr bjarginu andi gekk,
yfir hann lindin féll,
eins og slæða af geislum gerð,
--glitrandi silfurpell.

Á bak við sýnina hrjúfur, hár
hamarinn dökki gein.
Þetta var eins og marmaramynd
mótuð í svartan stein.

Og út úr hamrinum hvíslaði rödd,
hrynjandi mjúkt og dátt:
Allt er þrungið af anda guðs,
alheimsins trú og mátt.

Ef skynjarðu anda hins háa bergs,
bæði hans auð og nekt,
þú finnur, að öll er orka lífs
af einni og sömu slekt.

Í leiðslu sá ég um ljósa sýn
luktist klettur blár,
en niður hamarinn lindin lét
liðandi silfurhár.

Ólafur Jónsson
Fjöllin Blá 1947.

Góða nótt kæru vinir

Kristján Þór áfram nú.

Þetta verður bara frábært hjá þér Kristján Þór, það er alveg
nauðsynlegt að hrista upp í forystunni, þú verður góður formaður
og Þorgerður Katrín sem varaformaður, hún er búin að gera
frábæra hluti og mundi halda því áfram.
Svo leiðis mundi ég vilja sjá flokkinn.

Kristján Þór íhugar framboð

Fagna þessari konu.

Það er óskandi að það verði hægt að ná fram sannleikanum
í þessum málum.
Hverjir tóku þátt og hverjir ekki.
Við viljum ekki borga fyrir leikaraskap annarra manna og
kvenna.

Og ekki er nú hægt að lýsa þeirri hneykslan sem í mér býr
við að lesa um það hvernig ætlunin var að tækla þessi mál.
Engin á landinu okkar er fær um það, en samt átti einhver
maður einn á bát að ráða við það.
Aumingja hann.

Það er eins og sagt er maður fær tuskuna í andlitið á
hverjum degi.

Eva Joly hreinsar út á Íslandi

Viðbót við færsluna mikið var.

Langar til að bæta við nokkrum atriðum sem ég var eiginlega
of þreytt til að tala um í gærkveldi.

Allir vita það að vændi, barnaklám og klám af öllum toga
hættir aldrei, það verður alltaf til.
Einnig vitum við að klám tengist víni, dópi og öfugt og við
munum aldrei að fullu getað aftrað því.

Þessi lög eru nauðsynlegur og góður liður í því að geta náð
til þeirra sem stunda kaup á klámi.

Hef nú oft talað um þetta áður, en það erum við foreldrar,
ömmur, afar, leikskólakennarar, kennarar og allir þeir sem
koma að uppeldi barnanna okkar sem þurfa að hjálpast að
við að ala börnin upp í góðum gildum, hvað sé rétt og rangt.

Mikið hefur til dæmis borið á virðingaleysi í tali barna og það
er miður því barn sem sýnir öðrum virðingaleysi ber ekki virðingu
fyrir sjálfum sér, þetta þarf að laga.
Einnig er afar brýnt að ala börnin upp þannig að allt þetta sé
ekki eins og kennsla heldur að það sé bara liður í lífinu rétt eins
og að bursta tennurnar, borða, klæða sig og umfram allt að sýna
þeim kærleikann því ef þau ekki fá hann þá leita þau eftir honum
í hinum ýmsu myndum.

Eigið góðan dag í dag.

Og ég spyr af hverju ekki fyrir margt löngu, var einhverjum
hagur í að hafa þetta svona?

Fyrirgefið það er von að maður spyrji, búið að taka of mörg
ár að setja þessi lög.

 

Til stendur að breyta almennum hegningarlögum þannig að kaup á vændi verði gert refsivert. mbl.is/Árni Torfason

// Innlent | mbl.is | 17.3.2009 | 15:03

Kaup á vændi verði refsiverð

Í nýrri aðgerðaáætlun gegn mansali, sem ríkisstjórn Íslands samþykkti í dag, eru lagðar til aðgerðir sem miða að því að sækja gerendur til saka, auka aðstoð við þolendur og tryggja vernd þeirra. Þá stendur til að breyta almennum hegningarlögum þannig að kaup á vændi verði gert refsivert.

Einnig á að girða fyrir undanþágumöguleika í lögum um veitingastaði, gististaði og skemmtanahald fyrir nektarstaði þannig að lögin banni alfarið starfsemi nektarstaða. Þá verða siðareglur settar fyrir Stjórnarráðið og opinberar stofnanir sem fela í sér skýlaust bann við kaupum á kynlífsþjónustu. 

Talað er um að þessi lög færi málið neðanjarðar, en það er
ekki endalaust hægt að skýla sér á bak við það.
Ef eftirlitið með þessu er gott ef stúlkur vita að þær geta
fengið hjálp þá hlýtur þetta að minnka þó við vitum að ætíð
verði þetta til því miður.
Vonum það besta.

Góða nótt

Kaup á vændi verði refsivert

Maður fær alltaf sting í hjartað.

Já það er það sem maður fær þó ég viti að vinir mínir
fyrir vestan séu bara brattir, en þá elskurnar mínar
farið varlega hvar sem þið eruð þarna á ferð.
Ljós og kærleik til ykkar allra
Milla.

Hús rýmd í Bolungarvík

Kom í ljós, sem allir vissu.

Kristján G. Gunnarsson, formaður Starfsgreinasambandsins. mbl.is/Ómar

// Innlent | Morgunblaðið | 17.3.2009 | 05:30

Launamálin endurmetin.

„Þetta neyðir okkur til að endurmeta þá ákvörðun að fresta endurskoðun kjarasamninga, því það er greinilega meiri innistæða fyrir hendi heldur en upp var gefin, a.m.k. í þessari starfsgrein," segir Kristján Gunnarsson, formaður Starfsgreinasambands Íslands (SGS), um þá ákvörðun stjórnar HB Granda að greiða hluthöfum 8% arð. Segir Kristján ljóst að þessi ákvörðun verði rædd á formannafundi SGS nk. fimmtudag.

Verkalýðsforystan hefur brugðist illa við fréttunum af fyrirhugaðri arðgreiðslu. Þannig skorar Efling-stéttarfélag á stjórn HB Granda, í ljósi arðgreiðslna til hluthafa og yfirlýsinga um að fyrirtækið standi vel rekstrarlega, að taka umsvifalaust ákvörðun um að launahækkun til starfsmanna Granda hf. komi þegar í stað til framkvæmda.

Þið vissuð þetta allan tímann, held að þið ættuð að drekka
minna kaffi elskurnar og vinna fyrir þá sem borga ykkur laun
það er fólkið í félögunum.
Það átti aldrei að gefa það eftir að fara í hærri launakröfur.
Hverjir eru að gefa mest eftir í þjóðfélaginu, það er verkafólkið
lægst launaða fólkið og það vinnur mest per stund fyrir skítalaun.

Setur allt á annan endann

Að sögn Kristjáns kemur ákvörðun stjórnar HB Granda einkennilega fyrir sjónir þegar blekið sé ekki þornað á þeim pappírum þar sem beðist var undan launahækkunum til handa verkafólki. „Ef menn hafa svigrúm til þess að greiða sér ríflegan arð miðað við ástandið í þjóðfélaginu, þá er svigrúm til launahækkana hjá fiskverkafólki, sem á þær svo sannarlega skilið," segir Kristján og bendir á að fiskverkafólk hafi á síðustu mánuðum spýtt í lófana til þess að afla eftirsóttra gjaldeyristekna fyrir landið. „Ég ætla rétt að vona að stjórn Granda sjái að sér og kippi málinu í liðinn áður en þeir setja hér þjóðfélagið á annan endann.

Það á ekkert að bíða eftir því að þeir kippi málunum í lag
því það verður ekki gert.
Bara setja á hærri laun og það strax, ekkert fjandans
fjas um það.
Það er sama hvenær maður fer út í búð maður hrekkur í kút
þó maður sé ekki að kaupa neitt nema það bráðnauðsynlegasta.
Sumir geta ekki keypt neitt.

Launamálin endurmetin

Fyrir svefninn.

Það er nú ekki einleikið stundum hvernig maður allt í
einu fer í stuð, ég meina tiltektarstuð.
Gísli minn þessi elska fór í það í morgun að skipta á
rúminu okkar, síðan einnig í gestaherberginu
þær voru eins og allir vita hér um helgina.
Nú þá fór ég einnig í stuð fór fyrst í sjæningu, O My
þegar ég skrúfaði frá sturtunni eins og ég er vön úðaðist
allt út á gólf ég flýtti mér á mínum flotta hraða að koma mér
inn í klefann og loka hurðinni, en við erum nefnilega með
svona sturtuklefa sem opnast allur út að framan svo mikið
flóð myndaðist áður en ég náði að loka, kallaði á bjargvættinn
hann kom og þurrkaði upp.
Þegar ég var búin að sjæna mig tók ég baðið í gegn,
síðan tölvuverið og er hann var búin að setja hreint á rúmið
pússaði ég allt þar inni, róbótinn var látinn ganga endalaust
og ekki veitti nú af eftir helgina.

Þvottavélin og þurrkarinn gengu non stopp nú við fengum okkur
kaffi og brauð þarna á milli einhvern tímann og ég þurfti náttúrlega
að setjast niður á milli til hvíldar.
Vaskahúsið var tekið vélarnar þrifnar og allt pússað og sjænað
þvegið í kring í eldhúsinu, þá var ákveðið að geyma restina þangað
til á morgun, sem er þá að róbóta stofu eldhús og holið.

Gleymi að segja að ég setti í Systrabrauð, uppskrift sem ég fékk hjá
góðri vinkonu í ofninn, það er æði gott þetta brauð.

Milla hringdi um klukkan 15.00 og sagði að ein lítil væri á leiðinni
hún hefði farið í 5 ára sprautu og skoðun um morguninn og væri
slöpp í hendinni. Milla var að fara að vinna til  Klukkan 18.00
þær komu svo hún og Viktoría Ósk og við borðuðum saman
piparsteiktan Steinbít með blómkáli, lauk og smurosti yfir
og að ógleymdum kartöflum, bara gott.

Nú þannig að dagurinn í dag er búin að vera góður eins og
reyndar allir mínir dagar, bara gleði og hamingja.
Vitið það er svo auðvelt að vera hamingjusamur, það er
bara að meta það sem maður á og njóta þess, vera ekki
að ambrast út í það sem ekkert er, eins og t.d. smá verki.

Góða nótt kæru vinir og sérstaklega þeir sem eru í
gleðibankanum.