Stundum er maður ?

Já svona eins og tómur og þarf að fara inn á við og leita
svara um það hvort maður hafi misst af einhverju, eða
kannski  bara ekki komið 2009 heldur 2000.

Bjarni Benediktsson, nýkjörinn formaður Sjálfstæðisflokksins, segir  nauðsynlegt  að auka tekjutengingar til að tryggja að það fjármagn, sem ríkið hefur úr að spila, fari þangað þar sem þörfin er brýnust.

Það er bara ekki í lagi að fara aftur í tíman. Að auka
tekjutengingu er persónuskerðing og það gróf.
Við sem þekkjum til vitum að fólk sem ekki hefur þau
laun sem ber að hafa samkvæmt útreikningum Hagstofunnar
var skert í launum þó makinn væri einnig á bótum og fólkið lifði
ekki af sínum launum.

Þetta kom fram í Zetunni á mbl.is í hádeginu þar sem Bjarni var gestur. Bjarni nefndi barnabætur í þessu sambandi og sagði að nú færu þær jafnt til þeirra, sem væru í brýnni þörf fyrir þær, og þeirra sem hefðu úr meiru að spila.

Hvað er kallað að hafa úr meiru að spila?

Þá sagði Bjarni að óumflýjanlegt væri að sameina og einfalda ríkisreksturinn á ákveðnum sviðum. Hann nefndi aðspurður Lýðheilsustöð og landlæknisembættið og  einnig Varnarmálastofnun, Landhelgisgæsluna og Neyðarlínuna.

Lesið hvað hann tiltekur, ekki talar hann neitt um sendiráð,
rekstur ráðuneyta eða bílaflota ríkisins.
Held að þeir ættu að hugsa sér nær, en það hafa þeir aldrei gert
svo lengi sem ég man eftir mér.

Landhelgisgæsluna og neyðarlínuna talar hann um að spara við
sem sagt drepum bara þá sem lenda í slysum og hrakningum
því það er frí hjá 112.

Ekki gat hann svarað  þessu með útrásarvíkingana og mér fannst
endilega ég heyra smá hroka, kannski það sé bara ímyndun.
Eitt skulu þeir vita að við erum vel vitiborin þjóð og segjum ekki
já við hverju sem er lengur.

 

Þarf að auka tekjutengingu

Til hamingju fatlaðir iþróttamenn.

Thelma Björk 13 ára gat ekki leynt gleði sinni mbl.is/Ómar

Ég fyllist sælu-gleði við að horfa á þessa mynd.
sjáið hvað hún er glöð?

// Innlent | Morgunblaðið | 30.3.2009 | 05:30

„Algjör breyting fyrir okkur"

Ný 450 m2 viðbygging við íþróttahús Íþróttafélags fatlaðra í Reykjavík í Hátúni 14 var tekin í notkun á laugardaginn var. Meðal viðstaddra við opnunina voru Ólafur Ragnar Grímsson, forseti Íslands, Katrín Jakobsdóttir menntamálaráðherra og Hanna Birna Kristjánsdóttir borgarstjóri og fluttu þau öll ávörp.

Það hefur ekki verið dónalegt að hlusta á ræðurnar, sér í
lagi ekki frá þessum frábæru konum, krafturinn í þeim
er bara frábær, jæja ætlaði nú ekki út fyrir rammann
þið fyrirgefið það.

„Þetta er algjör breyting fyrir okkur. Nú fáum við fullkomna aðstöðu til lyftinga- og þrekþjálfunar. Öll tæki eru sérhönnuð fyrir fatlaða og aðgangurinn þannig að fólk í hjólastól kemst í þau öll," sagði Þórður Ólafsson, framkvæmdastjóri ÍFR. Þá var búningsklefum fjölgað og önnur aðstaða bætt. ÍFR hefur látið hanna nýja félagsaðstöðu við íþróttahúsið og sagði Þórður stefnt að því að láta þann draum rætast á næstu árum.

Aftur til hamingju þetta er alveg frábært og eins og Þórður
segir, þá breytir þetta öllu fyrir æfingar hjá íþróttafólkinu, en
það er nú sama við hvaða aðstæður fólkið æfir, alltaf er jafn
mikil gleði ríkjandi hjá þeim.

Og einnig óska ég Þórði Ólafssyni til hamingju með þessa
æðislegu viðbót.

„Algjör breyting fyrir okkur“

Fyrir svefninn. ,,Lúserinn''

                        ,,Lúserinn."

Við öpum margt eftir kananum. Til dæmis er hugmyndin
um hinn fædda tapara (eða ,, lúser") ættuð að vestan.
Reynt er að klína á börn þegar í uppvextinum að þau séu
ekki fædd til annars en að vera fótþurkur snillinganna sem
bera gæða-genin utan á sér strax í vöggu.
Við skulum líta á nokkra einstaklinga sem dæmdir voru
(að minnsta kosti um nokkurn tíma) misheppnaðir af
samferðamönnum sínum--voru með öðrum orðum ,,Lúserar".

                      Albert Einstein (1879-1955

,,Það mun aldrei verða mikið úr þér, væni minn."
Skólastjóri barnaskólans, þar sem Albert Einstein
sótti barnafræðslu, við þennan ,,treggáfaða" nemanda
sem þá var tíu ára gamall.

                      Frans Liszt (1811- 1886)

,,Hann skrifar ljótustu músik okkar tíma."
  Gagnrýnandi um Frans Liszt 1843.

                      Johannes Brahms (1833-1897)

,,Ég fór yfir tónlist þessa hrapps sem kallar sig Brahms.
Þvílík hæfileikalaus mannherfa. Það angrar mig að
þessum sjálfbyrgislega meðal- ljóni skuli vera hampað
sem snillingi.
                           Hvers vegna?"
       Tchaikovsky í dagbók sinni 9 október 1886.

Þetta er tekið úr bókinni Heimskupör og trúgirni.
Jón Hjaltason.

Við höfum nú lesið og heyrt oft um ,,Lúsera" að
við ættum að fara að hafa trú á þeim.

Það eru komnar myndir frá hitting 28/3

Góða nótt kæru vinir.

Til hamingju Þorgerður Katrín.

Þorgerður Katrín Gunnarsdóttir er hörkukona, en auðvitað
hefði ég viljað sjá hana sem formann, hún gaf bara ekki
kost á sér, trúlega eru ærnar ástæður til þess sem henni
einni kemur við.
En í þeirri stöðu sem var þá upp komin hefði ég viljað sjá
Kristján Þór sem formann það hafðist ekki og vona ég að
flokknum mínum sem ég hef alltaf kosið, vegni vel og gangi
vel að skanna sig út úr erfiðleikunum.
Það verður örugglega langt í að þeir vinni aftur traust
fólksins.

Þó ég ætli mér ekki að kjósa í annað skiptið á ævinni þá
vill ég fá gott fólk á þing og treysti ég konunum best, en
þó ekki öllum.

Taktu á því Þorgerður og gefðu ekkert eftir.

Þorgerður Katrín fékk 80,6%

Hver á Lífeyrissjóðina?

 

Staða lífeyrissjóða afhjúpuð

Raunávöxtun lífeyrissjóðakerfisins á síðasta ári var mun verri en fyrirliggjandi opinberar tölur gefa til kynna. Samkvæmt bráðabirgðatölum Fjármálaeftirlitsins var raunávöxtun almennra lífeyrissjóða neikvæð um 21,45%, en ef tekið er tillit til væntanlegra afskrifta er afkoman mun verri.

Þegar gert er ráð fyrir 90% afföllum af skuldabréfum bankanna, 75% afföllum af öðrum fyrirtækjaskuldabréfum og 70% afföllum af erlendum skuldabréfum er neikvæð raunávöxtun lífeyrissjóðanna í fyrra nær 33%. Lífeyrissjóðirnir hafa gengið mislangt í því að afskrifa skuldabréf, en mæti þeir ekki afskriftarþörfinni getur það haft alvarleg áhrif á stöðu viðkomandi sjóða.

Já hver á þessa sjóði, jú það erum við fólkið í landinu, en
þessir fjandans uppstrípluðu snopphanar, þið vitið þessir
með lituðu fjaðrirnar sem spássera um eins og þeir eigi
heiminn OG okkar sjóði skaffa sér laun að vild og ekki
munu þeir komast inn í ríki himnana svo mikið er víst.

Skemmtu sér með bankafólki

Fjármálafyrirtækin, með viðskiptabankana þrjá í broddi fylkingar, lögðu ríka áherslu á góð samskipti við stjórnir og stjórnendur lífeyrissjóðanna meðan á uppsveiflunni stóð. Var forsvarsmönnum sjóðanna því boðið í lúxusferðir, oftast undir þeim formerkjum að verið væri að kynna fjárfestingar og fjárfestingarkosti. Að fundahöldum loknum tók hins vegar við líf lystisemda og rándýrrar skemmtunar.

Ekki gátu þeir verið án þess að þiggja því orðnir vanir
lystisemdunum og sjálfsagt ef einhver hefði ekki þegið
þá í burtu með hann vegna forpokaháttar.

Var farið á knattspyrnuleiki erlendis, á Formúlu 1-keppnir auk golf- og skíðaferða og í siglingar ýmiss konar. Þá má nefna að flogið var með viðskiptavini eins bankans, fulltrúa lífeyrissjóða þar á meðal, í laxveiði til Rússlands. Flogið var í einkaþotu og þegar á leiðarenda var komið var þyrla notuð til að fljúga með menn milli veiðistaða.

Maður verður nú bara sorgmæddur við þennan lestur
á meðan fólkið fær ekki vísitöluútreiknuð laun til að lifa af
eru þessir vesælu uppskafningar að sleikja rassgatið á
toppum fjármála og bankamanna farandi með þeim í þessar
líka ferðirnar, sem hér að ofan standa.

Allt þetta fólk ætti að skammast sín, en því miður kann það ekki
svoleiðis háttvísi.
Háttvísi þeirra er að líta niður á þá sem minna hafa og við höfum
minna vegna þess að þeir eru að leika sér með okkar peninga

Þetta er mín skoðun og það er langt síðan að ég fékk nóg
Og nóg af hverju?
Jú helvítis lyginni, niðurlægingunni og snobbinu í þessum
mönnum, þeir þykjast aldrei hafa vitað neitt koma ævilega
af fjöllum.

Staða lífeyrissjóða afhjúpuð

Fyrir svefninn.

Við erum búin að eiga æðislegan dag í dag, erum öll komin
Hingað heim, leiðinda veður á leiðinni, en hafðist elsku Gísli
minn fór ekkert á taugum þó ég væra að aka með honum í
hvívetna.
Byrjuðum á því að fá okkur kaffi og brauð í bakaríinu við Brúnna
síðan að heimsækja nýju fiskbúðina hjá Halla og Huld og varð
ég afar hrifin af fiskbarnum, keyptum okkur einn rétt til að hafa
í kvöldmatinn, það er þannig að þú velur þér fisk sem er settur
í álbakka síðan grænmetið sem þú vilt hafa með þar ofan á kemur
rækja, það er ef þú villt, svo klikkuð sósa og ostur ofan á
Þetta er bakað í ofni í 20 mínútur, BINGÓ,og borðað sko ég taldi
að ég væri að kaupa of mikið, en þetta Halli mátti vera meira.
Við höfðum ekkert með þessu, en örugglega gott að hafa
brún grjón með.
Fiskbúðin heitir Heimur Hafsins öllum sem búa á Akureyri og
Nágrenni er óhætt að fara að versla við þau Halla og Huld.
Eva dóttir Huld mun vera í búðinni í sumar.
Takk fyrir okkur elskurnar þetta var æði.

Nú þá var að vitja um djammarana þær voru rétt vaknaðar,
við settumst smá og spjölluðum, aðallega við hundana sem
voru þrír Tinna, Tiger og Neró.
Alltaf jafn gaman að koma til Ernu.

Síðan fórum við gamli á undan í Norðurport, þær komu seinna.
Ekki var nú dónalegt að koma þangað, Anna Guðný gekk með
okkur um allt við keyptum okkur kleinur, flatbrauð, reyktan
rauðmaga og svo á næsta bás keypti ég mér tvær bækur
aðra ljóðabók og hina með svona allskonar öfugmæla og
skemmti sögum.
Svo er hægt að kaupa sér kaffi og meira að segja að láta spá
fyrir sér, svo endilega kíkið í Norðurport.

Þá var það hittingurinn, hann heppnaðist að vanda mjög vel
Doddi og Veiga komu aðeins til að knúsa okkur, en Veiga er
alveg komin að því að eiga lítið barn, svo þau stoppuðu stutt.
Það komu líka Víðir, Halli, Huld og Eva, við Gísli, Dóra mín og
dætur hennar Sigrún Lea og  Guðrún Emilía,Erna mín elskuleg
Ásgerður, Sigga, Anna Guðný, Unnur. Ef ég gleymi einhverjum
þá verður einhver til að setja ofan í við mig.
Það var bara æðislega gaman hjá okkur, eins og alltaf.

Smá grín í lokin.

Gömul kerling um bónda í sveitinni.
,, Svo dró hann annað augað upp í punginn á sér."

Sama kerling sagði um annan sveitunga, sem henni
þótti sýna sér yfirlæti:
,, Hann þykist víst of stór upp í mig."

Þetta er um er fólk kann ekki vel það sem það er að segja
og er úr bók eftir Jón Hjaltason.

Góða nótt kæru vinir

Takk fyrir Samhjálp.

Samhjálp er heimili sem á allar þakkir skilið og ætla ég
bara að vona að allir þeir sem geta gefið til þeirra geri það.
Engin nema sá sem hefur lent í því að eiga ekki fyrir mat
og svelta geta sett sig í spor þeirra.
Reynið samt og gefið til Samhjálpar.
Þar veit ég að ríkir gleði er matnum er úthluta.

                ***********************

Það sama má segja með Hjálpræðisherinn þeir eru með hjálp
fyrir þá sem eru á götunni.

              ************************

Nú ég var að lesa um Fjölsmiðjunnar í Kópavogi það er bara flott
að lesa um hana. Þar starfa um 70 krakkar sem eru að fóta sig
á ný í tilverunni.
Allir ættu að kynna sér þjónustu þeirra á www.fjölsmidjan.is
Vert að styðja við bakið á þeim, þú veist aldrei hver verður næstur.

Er farin til Akureyrar og mun kíkja inn í kvöld.
Guð veri með okkur öllum.

Metaðsókn hjá Samhjálp

Fyrir svefninn.

Kæru bloggvinir þið verðið að hafa biðlund með mér, ég
hef ekki verið svo mikið að kommenta hjá ykkur, en það
stendur til bóta vonandi.
Hef haft svo mikið að gera,
í málum sem kemur sálartetrinu í uppnám.

Í dag fórum við gamla settið ásamt Dóru minni og englunum
mínum, inn á Akureyri.
Þær voru að fara til að skemmta sér fara í leikhús og í búðir.

Nú það var einnig farið með Neró litla sem var orðin nokkuð
veikur í eyranu sínu, hann er með ofnæmi fyrir öllum mat nema
spes innfluttu fóðri og má hann bara fá fjórar matartegundir
sem betur fer er hann hrifin af þeim mat og það er til nammi
í þeim tegundum.

Hann var svæfður og þá kom í ljós að hljóðhimnan er sprungin
eftir sýkingu, en ofnæmið kemur fram á eyranu hans.
Nú er hann kominn á magameðal til að þola pensillínið sem hann
þarf að taka í 25 daga ásamt verkjalyfi í 40 daga og krem í eyrað.
Hann er ennþá hálfruglaður eftir þetta allt saman, en vonandi
verður þetta til friðs í nokkurn tíma eftir aðgerðina í dag.

Þetta er nú ekkert, sko ég vaknaði klukkan 6 í morgun fór í
þjálfun klukkan 8 síðan brunuðu við á Eyrina, náðum náttúrlega
fyrst í Dóru fram í Lauga, en þær voru hér englarnir mínir.
Fórum beint með Neró upp á spítala skildum hann eftir er hann
var sofnaður.
Sko þá spurði ég í sakleysi mínu hvort við ættum ekki að fara
og fá okkur kaffi og brauð, nei Dóra var ekki svöng og engin
vissi hvað hann vildi, svo það var haldið í búðir og þegar klukkan
var orðin 12 þá varð ég að taka meðulin mín og sendi Gísla minn
inn í einhverja sjoppubúllu til að kaupa pulsu því ekki má ég taka
fjandann án þess að borða áður.
Haldið þið að einhver skilji það Ó nei, engin vorkennir mér
Það skal nú bara athuga að ég er bílstjórinn

Sko þegar búið var að versla þá var farið að ná í Neró og rennt
heim til Ernu þessarar elsku, ég sagðist nú vera fegin að vera
komin til hennar því þá fengi ég gott kaffi, og það kom sko og
hlaðborð af brauði og allskonar áleggi,ég gæti lifað á brauðmeti.

Það er svo yndislegt að koma til hennar Ernu betri vinkona er
ekki til, enda þær Dóra búnar að vera vinkonur í, ÆI hvað sagði
ég einhvern tímann? 50 ár nei þær eru nú víst ekki orðnar svo
gamlar þessar elskur.
Munið að ég elska ykkur.
Þegar við komum heim um fimm leitið þá spurði ég mína elsku
hvað við ættum að borða, hvort það væri ekki upplagt að fá sér
skyr og brauð, nei honum langaði í pulsu, komst á bragðið á
eyrinni.
Það voru keyptar pulsur og brauð og þetta er bara óþveri.
Ætla að fá mér mitt brauð áður en ég fer að sofa, sem verður
mjög fljótt.

Góða nótt kæru vinir

Hugleyðing lífsins

Leifi þessum engli að birtast ykkur og blessa alla þá sem
eiga um sárt að binda.
Sérstaklega sendi ég hann til góðra vinkonu minnar, sem
lífið er búið er að leika grátt.
Megi hið góða í lífinu vera með okkur öllum.
Milla.

Fyrir svefninn.

Ef viðrar fyrir okkur þá förum við Til Akureyrar í bítið í
fyrramálið svo við verðum komin með Neró inn á hundaspítala
helst klukkan tíu, en við verðum náttúrlega að bíða eftir mokstri,
söltun, og söndum eða hvað þetta er sem þeir úða yfir vegina.

Englarnir mínir koma á eftir, þær og allir nemendur framhalds-
skólans á Laugum eru hér í boði framhaldssskólans hér, eitthvað
Íþróttamót, síðan út að borða og í leikhús.
Þær munu svo gista hér heima í nótt, við sækjum svo mömmu
þeirra í fyrramálið síðan brunað á Eyrina.

Mæðgur eru að fara í leikhús annað kvöld með Ernu, munu þær
gista þar og það verður nú aldeilis fjör.
Það er svo hittingur á laugardaginn, förum við öll á hann.
Munum fá okkur marengstertu og gott kaffi.

En áður en við förum upp í kaffi Karólínu ætla ég að heimsækja
Norðurport, kaupa mér kleinur, soðið brauð og aðrar kræsingar
sem þar eru á boðstólnum.

Og að því að það á að vera komið vor í loft mun ég birta eitt
yndislegt eftir Sigurð Jónsson frá Brún.

Í Fnjóskadal.

Hvar segir blærinn blíðumál
svo blítt sem hér, í laufasal?
Hvar heyrir þú í áraál
slíkt unaðsrómatal?

Hvar sérðu smáan bóndabæ
þér brosa við svo glatt sem hér?
Við aðra grund og út við sæ
þú ekkert þvílíkt sér.

Þú elur, dalur, indæl blóm,
þú elur þrótt og karlmannsdug.
Ég kveð þér þökk með klökkum róm.
--Ég kveð af öllum hug.

Góða nótt

Hefði getað orðið Sexí gjörningur.

//

Handjárnaði sig við eiginmanninn

Kona í Bandaríkjunum handjárnaði sig við sofandi eiginmann sinn í þeim tilgangi að leysa hjónadeilu. Málið endaði hins vegar á versta veg því lögreglan var kölluð á staðinn og var konan handtekinn og ákærð m.a. fyrir líkamsárás.

Je dú da mía, ekki hefur hún verið klók, eða að eiginmaðurinn
hefur verið búin að fá nóg, en sexí hefði þetta getað orðið
hefði hún kunnað á manninn, en trúlega hefur hann verið búin
að finna sér aðra, nei í alvöru ef ekki þá hefði hann bráðnað
fyrir þessu og erjur hefðu gleymst í hita leiksins

En þegar eiginmaðurinn hringdi í lögregluna brást Sun hin versta við. Hún réðst á manninn og beit hann í handleggina og í búkinn.

Ó ó Æ Æ það hefur verið sárt, en hún átti ekki að bregðast svona
við, heldur bara að nota tæknina, þið vitið.

Lögreglan heyrði öskur og læti þegar hún var fyrir utan heimili hjónanna og hún varð að brjóta sér leið inn í húsið. Að sögn lögreglu hafði konan einnig skipt um lás á svefnherbergishurðinni.

Já já ég veit hún er ekkert smá biluð ræfilstuskan, en hvað
skyldi hann hafa verið búin að  gera henni finnst hún var
orðin svona slæm og örvæntingafull.
Konur verða að skilja að það eru til fleiri menn en þessi eini.

Sun var m.a. ákærð fyrir minniháttar líkamsárás og fyrir að fjötra manninn sinn með ólögmætum hætti. Henni hefur verið sleppt úr haldi, en hún varð að greiða 400 dali í lausnargjald.

Lögreglan í Fairfield segist ekki hafa orðið vitni að öðru eins

Fairfield hlýtur að vera paton place finnst svona lagað hefur
aldrei gerst þar, eða þeir ekki orðið vitni að því.

Handjárnaði sig við eiginmanninn

Fyrir svefninn.

þetta á ekki að gerast núna, komið snarvitlaust veður
búið að snjóa í allan dag og nú vindar slíkt að engri
átt nær. Það er að koma apríl og á að koma hér vor,
en nei það er víst páskahretið eftir og vonandi er þetta
það.

Stelpurnar vinkonur mínar voru hjá mér í dag og var það
bara gaman, drukkum kaffi, borðuðum snittubrauð með
rækjusalati og spjölluðum og hér er ekki náunginn
baknagaður á neinn hátt.

Þar sem ég hef alltaf verið unnandi ævintýra þá er mér
tamt að vitna í þau, svo hafa verið lítil börn í kringum mig
í áraraðir svo maður er búin að horfa á nokkrar yndislegar
barnamyndir með þeim og það er bara það skemmtilegasta
sem ég horfi á.
Einnig að kynnast því hvernig þau túlka söguþráðinn.

Sumum finnst þetta voða asnalegt og vorkenni ég því fólki
því það á enga barnsgleði til og þá á það heldur ekki kærleikann
til að miðla börnum og barnabörnum.

Við vorum að skoða gamlar myndir hér í dag og þar komu myndir af
barnabörnum mömmu minnar er þau á öllum aldri voru í hattaleik,
það gerðist einu sinni á ári á gamlárskvöld í afmæli mömmu.
Þá voru teknir fram allir hattar sem gamla átti og síðan var farið í
hattaleik, þau tala ennþá um þetta krakkarnir.

Ekki vera alltaf að banna börnunum, leyfið þeim að njóta sín
á mínum bæ er leikið, sungið, farið í fimleika, dýnur út um allt,
öllu breytt á sófaborðinu og litlu borðunum og það er í lagi
og ef eitthvað brotnar þá bara fer það í tunnuna, þetta var
bara dauður hlutur hvort sem var.


Að hindra börn í útrás gleðinnar er að hindra þau í þroska
og þau fá eigi það sjálfstraust sem þau þurfa í veganesti
út í lífið.

Góða nótt kæru vinir

Þetta er yndisleg mynd.

Er hún ekki yndisleg, væri alveg til í að eiga svona gæludýr.
Það væri bara ekki normalt fyrir litla rauðhausinn.

Elke er aðeins fimm daga gömul og nýtur umönnunar starfsfólks
sjúkrahúss Taronga dýragarðsins.
Móðir Elke vildi ekkert með hana hafa eftir að hún fæddist.

Ef maður hugsar alltaf um ungviði þá er maður hamingjusamur.
Allavega er það svoleiðis með mig.

Farið út fyrir rammann.

Vá hann er flottur þessi, ekki dónalegt
að hafa svona ráðagóða menn í
björgunarstörfum.

 

Hver vill ekki vera bjargað af Köngulóarmanninum? HO

// Veröld/Fólk | mbl.is | 24.3.2009 | 08:21

Köngulóarmaður bjargar einhverfum dreng

Tælenskur slökkviliðsmaður brá sér í hlutverk ofurhetju í Bangkok í gær þegar hann klæddi sig upp sem Köngulóarmaðurinn til að ná dauðskelfdum 8 ára gömlum dreng niður af svölum.
Móðir drengsins sagði að hann væri hrifin að ofurhetjum
Svo slökkviliðsmaðurinn brá sér aftur á  slökkvistöðina
til að ná í búning sem hann átti þar.
Þessi maður er bara snillingur.

„Ég sagði honum að Köngulóarmaðurinn væri kominn til að bjarga honum og enginn skrýmsli myndu ráðast á hann. Svo sagði ég honum að ganga rólega til mín því það væri hættulegt að hlaupa," segir slökkviliðsmaðurinn ráðagóði.

Drengurinn stóð strax upp og gekk í fangið á ofurhetjunni, að sögn lögreglu. Somchai segir að hann geymi bæði Köngulóarmannsbúninginn og búning japönsku sjónvarshetjunnar Ultraman í skápnum sínum á slökkvistöðinni til að lífga upp á brunaæfingar í grunnskólum.

Segið svo að það séu ekki einhverjar góðar fréttir til,
við heyrum bara of lítið um þær.

Endilega bendi ég öllum á að það er í lagi og alveg
nauðsynlegt að fara út fyrir rammann.

Þessi rammi sem ég tala um er það sem aðrir búa
til fyrir fólk að fara eftir í einu og öllu.
Það má sko og er allt í lagi að fara í útrás úr rammanum
og leiða angana þangað sem þörf er á.

Eigið góðan dag elskurnar

 

Köngulóarmaður bjargar einhverfum dreng

Fyrir svefninn.

Þetta er nú meiri fjandans pestin, maður heldur að hressan
sé að koma, en nei ekki aldeilis, sefur hálfan daginn, vakir
frameftir að vonum, öfugsnúið er það mjög.
Fórum aðeins yfir húsið í morgun, síðan að taka bensín ég með
því það var einhverpúki í mér enda fór ég inn á N1 og keypti
langlokur og smá namm sko handa barnabörnunum og líka
okkur. Maður verður nú að svindla svolítið.

Sofnaði síðan um 12 leitið og svaf til 4 dreif mig fram og við
byrjuðum að elda matinn, það var Bæóný skinka með öllu tilheyrandi
ódýr en óhollur matur.
þær komu svo mæðgur og borðuðu, Milla og ljósin.
Og það var bland í poka í eftirrétt.

Mér finnst þessi mynd alveg yndisleg.
Hún sýnir okkur svo margt.

Góða nótt kæru vinir

Það er nú aldeilis munur að vera þekktur.

Hver skildi eiga málverkið, eigi kemur það fram.
Alveg hefði ég viljað það.
Sjáið hvað hún er sæt, gæti alveg setið fyrir í dag.

Tony og Cherie Blair. AP

// Veröld/Fólk | mbl.is | 23.3.2009 | 22:34

Nektarmynd fyrir 99 milljónir

Málverk af nakinni fyrirsætu, Cherie Booth að nafni, er nú til sölu í Browse & Darby galleríinu í Mayfair í Lundúnum og verðmiðinn er 600 þúsund pund, jafnvirði 99 milljóna króna.

Einhverjum gæti þótt þetta hátt verð en á því er skýring, sú að Cherie Booth heitir nú Cherie Blair og er eiginkona Tony Blair, fyrrum forsætisráðherra Bretlands.

Hvernig ætli snobbliðið bregðist við, örugglega ekki vel, en
ég meina hún er nú ekki sú eina sem hefur unnið fyrir sér
á þennan hátt á námsárunum.

Þetta gerði ég fyrir reyndar heilan hóp sem var í Listaskóla
þar sem ég var við nám, var ekki alveg nakin en næstum.
Fékk pening fyrir og þetta var bara ekkert mál.

En sko munurinn á mér og hinni flottu Cherie er sá að ég
hef aldrei orðið fræg og heldur ekki þeir sem voru að læra
í þessum skóla, ömurlegt, annars hefði ég kannski komist á
spjöld sögunnar.

Eitt veit ég að ég kemst tanna á milli í mörgum munnum
og það er náttúrlega það skemmtilegasta.

Málverkið, sem nefnist  Striding Nude, Blue Dress var málað fyrir rúmum þremur áratugum legar Cherie var 22 ára námsmaður. Málarinn hét Euan Uglow og var vinur fyrirsætunnar en hann er nú látinn.

Eigið góðan dag.

Nektarmynd fyrir 99 milljónir

Fyrir svefninn.

Fór í nudd í morgun, ekki veitti af eftir hækjuna í 3 mánuði.
Ég fæ nudd hjá Björgu minni einu sinni í viku svo er ég hjá
Jóhanni einnig einu sinni í viku.

Pantaði tíma fyrir mig hjá lækninum og var svo heppin að einn
tími var laus í þessari viku, ég hringdi klukkan tíu, svo ásóknin er
mikil.

Var nú hálf tussuleg fram eftir degi eftir nuddið það hefur ekki
verið hreyft við þessu síðan fyrir jól.

Gísli minn sótti Aþenu Marey á leikskólann og var hún hjá okkur
þar til hún fór í fimleik.
Við horfðum á eina mynd saman, Hefðarkettina og á meðan við
horfðum perlaði hún eitt hjarta.
Vorum síðan í mat hjá Millu, hún var með svínalundir sem hún
setti í pottrétt á Indverskan hátt æði.

einu sinni var ég að tala um tískuna og setti inn nokkrar myndir
hér koma fleiri. Þetta eru ballskórnir mínir síðan 1965 eða svo.

Þetta er perlutoppur keyptur hjá Báru bleiku í Austurstræti
mamma átti hann og lét mig hafa hann.
Síðan kemur perluveskið mamma átti það líka.
Þetta eru bara antik hlutir í dag.




Það kemur meira seinna.

Góða nótt kæru vinir

Hefði sko bakkað í hans sporum.

Sem betur fer er ég það ekki. Oft verið hugsað til þess
er menn og konur sitja endalaust á þingi hvort sem er
í ríkisstjórn eða í andstöðinni.
Er ekki hægt að hætta, er þetta einhver fóbía sem fólk
fær gagnvart annarri vinnu eða hvað er þetta eiginlega?

Nokkrir eru þeir sem eru búnir að vera of lengi og er
maður orðin þrautleiður á mörgum þeirra svo leiður á
þeirra þreyttu röddum að maður bara slekkur er þeir
byrja.

Jæja Einar fékk fullt af karla atkvæðum í annað sætið
svo hann telur ekki að hann eigi að hætta.

Ég var svo viss um að konurnar yrðu ofar á listanum,
en svei ykkur kjósendur.

„Mun að sjálfsögðu taka þetta sæti“

Fyrir svefninn.

Það er svo mikið að gerast að varla nokkuð er til að skrifa um,
jæja samt. Svaf til hádegis í dag, ég veit það er ekki í lagi, en
stundum er maður bara ekki í lagi.
Drattaðist fram til að borða brauð, pepsí, súkkulaði, kex og
bara nefnið vitleysuna sem er í gangi á þessum bæ.
Engum er það að kenna nema mér þó ég sé nú að kenna
meðulum um sem ég byrjaði á fyrir tveimur mánuðum, ætla að
panta tíma hjá lækninum mínum á morgun.

Milla og Ingimar komu með stóra ljósið í heimsókn um sex leitið
þá vorum við búin að hita okkur brauð í ofni, þau voru að koma
úr afmæli, ekki beint svöng, en samt smá þegar við vorum búin
að borða þá þvoði ég minni um hendurnar, henni fannst nú nóg
um og sagði:,, amma, hættu nú þessu veseni."
Stúfurinn minn í Njarðvíkunum er með Gin og klaufaveiki.
Dóra frænka hans spurði hvort það væru ekki bara beljur sem
fengu slíkt.
Viktoría Ósk mín kom heim í dag, undur og stórmerki gerðust
hún svaf án mömmu á Egilstöðum, enda þarf hún að venja sig
við ef hún ætlar að vera í fimleikum.

Jæja ætli það sé ekki best að fara að undirbúa bedtime, sko á
að vakna sex í fyrramálið fer í þjálfun klukkan átta.
Það tekur nú tíma sinn að regulera lyfin í skrokknum, en geri það
nú oftast sitjandi hér við tölvuna.

Góða nótt kæru vinir

Flott hjá Kristjáni Þór.

Kominn tími á formann úr grasrótinni, ekki bara sviðsettan
flottan mann sem er sjálfsagt ágætismaður en bara of
tengdur spottunum.

Kristján Þór í formannskjör