Hanna Birna ætti að verða formaður.

Að mínu viti þá á sjálfsstæðisflokkurinn að koma með
nýtt og óspillt blóð  í formanninn.
Hanna Birna er það að mínu mikla viti.
Bjarni Benediktsson þingmaður er örugglega hinn vænsti maður,
en litaður af gamla andanum í flokknum, því miður.
Gamli andinn ól upp sín börn í því að ekkert annað væri til en
blái liturinn og þeir sem fylgdu honum væru hátt yfir aðra komnir.

Hanna Birna er alin upp í bláum lit, en með það að leiðarljósi að
öll manngildi séu jöfn og að allir eigi skilið mannkærleikann.
Kannski vill hún ekki í þennan slag eins og sakir standa og skil
ég það vel.
það þarf nefnilega að vekja bláa fólkið upp úr meðvirkninni.
Samt er ég viss um að hún mundi velgja þeim vel undir uggum.

Eigið góðan dag
Milla.

Bjarni staðfestir framboð

Fyrir svefninn.

Sporðdreki:
Þér er að takast að koma skikki á hlutina og átt hrós skilið fyrir
allt það erfiði sem þú hefur lagt á þig.
Að eiga of mikið er bara fúlt - drasl að bera, koma fyrir og viðhalda.

Mér líkar vel þessi stjörnuspá, hún á vel við mig, hvað það snertir
að eiga ekki of mikið.
Í  mörg á hef ég verið í því að hreinsa út, gamlar minningar og
særindi í sálartetrinu það hefur tekist afar vel.
Er búin að henda og eða aðallega gefa allt gamalt dót sem ekkert
er við að gera, nema til að viðhalda því gamla.
þið vitið hvað þetta gamla getur verið gamalt og frekar ógeðfellt
í minningunni svo best að losa sig við draslið.

Vitið þið að þegar þið takið til í skápunum og hendið úr þeim því
sem þið hafið ekki notað í eitt til tvö ár eða jafnvel lengur,
eruð þið að hreinsa sálina.

Síðast liðið haust var ég að taka utan af púðum sem ég á og hendi
ekki, þvoði verin sem er handavinna eftir mig og mömmu, en
nota bene er ég ætlaði að setja koddana í verin þá gaus upp
einhver vond lykt, kannaðist við hana og henti koddunum út í tunnu
létti stórum.

Ég er nú bara að tala um þetta til að segja ykkur hvað þetta er
yndisleg tilfinning.
Þið sem hafið ekkert að hreinsa út haldið auðvitað í ykkar gamla
samansafn af dóti.

Stelpur takið eftir þetta er tileinkað okkur.

Sjáið! hvar líður falleg vera framhjá,
í fylgd með vorinu hún brosir,
og varir hennar varpa þýðum söng til fuglanna,
á meðan vindurinn mjúklega leikur við hár hennar,
ljóst, brúnt, rautt, svart,
fegurðin er í andartakinu og andartakið í fegurðinni.

Augun geisla af dulúð og visku,
undir fölbleikum kjólnum dansa brjóst hennar af lífi,
bogalínur líkama hennar ljóma af mýkt og hlýju.

Hljóðlega nettum skrefum fagrir fótleggir tígurlega líða um,
líkt og hörputónar engils á ljósrauðu skýi.

Hún er ástin, hún er dóttirin, hún er móðirin,
hún er lífið, -- HÚN ER KONAN.

                     Arnoddur Magnús Valdimarsson.

Góða nótt.

Fáum við þá hraðbraut þvers og kruss?

Grænt ljós á hraðbraut

Ísland fengi hraðferð í gegnum umsóknarferlið að aðild að Evrópusambandinu ef það legði inn umsókn, sem yrði vel tekið í Brussel. Aðildarviðræður sem standa venjulega í mörg ár myndu ganga svo hratt fyrir sig að Ísland gæti orðið 29. aðildarríki sambandsins á mettíma. Mögulega strax á árinu 2011. Þetta er fullyrt í breskum fjölmiðlum í gær. Þeir vitna m.a. í ónafngreinda háttsetta embættismenn hjá ESB.

,,Ef það legði inn umsókn sem yrði vel tekið í Brussel" Ja hérna,
henni verður alveg örugglega vel tekið. Eitthvað er það sem
þeir sækjast eftir hjá okkur, það segir sig nú sjálft ef við
fáum inngöngu strax á árinu 2011.
Jæja mensan er ekki eitthvað sérkennilega skrýtið við þetta?

"Nota nú bara orðin hans Geirs er hann talaði um sérkennilega
skrýtið  hatur á einum manni frá samfylkingarfólki.
Fannst þetta sérkennilega skrýtinn orð.
Enda er náttúrlega viðleitni Geirs til að vernda Davið orðin
sérkennilega skrýtin."

Vefútgáfa Guardian hefur eftir Olli Rehn, sem fer með stækkunarmál hjá framkvæmdastjórn ESB, að ef Ísland legði fljótlega inn umsókn og samningaviðræður gengju hratt fyrir sig gætu Ísland og Króatía gengið í sambandið á sama tíma. Gert hefur verið ráð fyrir að Króatía, sem hefur átt í aðildarviðræðum í fimm ár, fái inngöngu 2011.

Fleiri fjölmiðlar fjalla um mögulega aðild Íslands í gær. Vefútgáfur BBC og fleiri miðla staðhæfa að Ísland geti orðið aðildarríki sambandsins á árinu 2011.

Sjáið Króatía er búið að berjast fyrir inngöngu í fimm ár, en við
eigum að fá að ganga inn með þeim ef við viljum það.
Það sjá allir að þarna er nú einhver maðkur í mysunni.

Krisztina Nagy, talsmaður stækkunarskrifstofu ESB, vill ekki tjá sig um þá staðhæfingu fjölmiðla að Ísland gæti fengið aðild 2011 en segir í svari til Morgunblaðsins í gær að Ísland hafi þegar tekið upp stóran hluta af regluverki sambandsins í gegnum EES. Ef Íslendingar ákvæðu að sækja um myndu samningaviðræðurnar „þróast hratt". „Framkvæmdastjórnin er hugarfarslega tilbúin að taka á móti umsókn um aðild að ESB frá Íslandi," segir hún.

Times segir að möguleg aðild Íslands sé nú rædd á æðstu stigum ESB. Ekki sé við því að búast að væntanleg ríkisstjórn á Íslandi leggi fram umsókn en búist sé við að þingkosningar verði í maí og Evrópumálin verði eitt stærsta kosningamálið.

Já það verður kosið í vor um þetta mál og rétt ætla ég að
vona að við ákveðum ekki að selja okkur alfarið.
Göngum aldrei í ESB þá erum við búin að vera.

Haft er eftir Rehn í frétt Guardian að „strategísk" og efnahagsleg staða Íslands geri landið eftirsóknarvert í augum ESB. Spurð nánar út í þessi ummæli segir Krisztina Nagy að lega landsins, sérstaklega nálægð þess við norðurskautið, sé mjög þýðingarmikil, því mikilvægi þess muni væntanlega aukast í framtíðinni

Það er akkúrat málið landið mun eflast og verða verðmætara
heldur en það er í dag.
Það sjá þeir í ESB þó við bjánarnir sem eru ennþá í torfkofunum
ætlum bara endalaust að segja já og amen, gerið bara eins og þið
viljið og það sem hentar ykkar buddu í dag.

Eigið góðan dag í dag
Milla

 

Fyrir svefninn.

Jæja Einar hér færðu mynd að húsinu sem þú ólst upp í fyrstu árin
þín. Gísli skrapp í dag með myndavélina.

Þetta er Formannshúsið tekið af bakhlið.

Og þessi er tekin að framanverðu, þetta hús er yndislega
fallegt að utan og er mér tjáð að innan líka.

Þessi er tekin nær vona að eigandinn móðgist ekki við okkur, en
hann stendur í dyrunum.

Svo kemur ein af fallegustu kirkjum landsins og þó víða
væri leitað.

Ætla að setja hér inn ljóð eftir Arnodd Magnús Valdimarsson.

                      Tvær myndir á vegg.

     Hann stendur og starir á mynd af ungum dreng
     Úr augum drengsins má lesa sorg,
     falda á bak við vonir og glæsta drauma.
     Augu er horfa til stjarnanna,
     augu sem endurspegla sál,
     sál er flýgur hraðar og bjartar en sólin.
     Andlit augna hans gneistar af hugrekki, orku og sakleysi.
     Lífið er hann og hann er lífið.

     Þar er einnig önnur mynd,
     mynd af manni hörkunnar og grimmdarinnar.
     Augun eru köld, dimm og tortryggin,
     þau andvarpa ótta í hjörtu þeirra er í þau líta.
     Hann ljómar af dulúð, krafti og deyjandi draumum.
     hann er dauðinn og dauðinn er hann.

     Maðurinn starir á þessar tvær myndir og hugsar:
     ,, Svo ólíkar og samt svo líkar.
     Ég er þeir báðir og samt er ég hvorugur.
     Þeir voru ég og ég var þeir, en nú er ég annar.
     Ég er þriðja myndin, ég er ný kynslóð af mér.
     Hann glottir hæðin á svip, gengur út á svalirnar,
     lætur myrkrið umvefja sig, - og horfir til stjarnanna.

Góða nótt kæru vinir

Kunnum við ekki að berjast lengur?

Verð bara að segja: Á ekki til orð yfir allt sem er að gerast,
það er verið að fara illa með gamla fólkið, loka deildum fyrir
geðfatlaða og einnig dagseildum þar sem fólk gat komið og
föndrað, spjallað og gert bara það sem það vildi og hvað á
svo þetta fólk að gera?
Ekki það að oft hefur maður spurt að þessu og það aftur um
tuga ára.

Ætla þessir menn svo virkilega að selja okkur endanlega með
því að ganga í ESB?
Það á víst að kjósa um það í vor, en ég  fer fram á að jákvæðar
og neikvæðar hliðar á þeirri inngöngu verði kynntar fyrir fólki
og það ekki með neinum skrautfjöðrum á.

Ég sé fyrir mér það sem þessir menn ætla sér: ,,Það er búið að
setja þjóðina á hausinn, allt er hrunið, orðspor okkar er afar
slæmt, svo það verður að ganga í ESB.

Til hvers, kunnum við ekki að berjast, taka á málum eins og maður
mundi gera ef um  heimili eða fyrirtæki væri að ræða sem maður
ætti. Nei við kunnum þetta ekki því við viljum ekki fara út fyrir
þægindarammann.
Fjandinn hafi aumingjaskapinn.

                 *********************************

Annars er ég bara góð, Milla, Dóra og tvíburarnir fóru á eyrina
aðallega til að fara með Neró á Dýraspítalann hann var svæfður
og eyrað tekið í gegn síðan rakaður og það þurfti svo sannarlega
var orðin virkilega loðinn.
Nú auðvitað versla þær í leiðinni ef ég þekki þær rétt þessa elskur
mínar.
Tvíburarnir verða skildar eftir í bókabúðinni á meðan hinar fara að
versla í matinn.

Ljósálfurinn minn er hér með vinkonu sinni og eru þær að æfa fyrir
leikrit í skólanum.
Afi er að ná í litla ljósið á leikskólann og þá verður nú kátt í höllinni.
Svo þið sjáið að ég er bara í góðum málum þrátt fyrir nöldrið í mér
hér að ofan.

Ljós í daginn ykkar
Milla

Fyrir svefninn.

Jæja góða kvöldið eruð þið ekki hress eftir daginn,? ég er það einnig
þrátt fyrir það að ég er búin að fá hundleið á þessu þófi í mönnum
sko þeim sem eiga að vinna að nýrri stjórn.
Hvað er þetta eiginlega halda menn að þetta megi bíða endalaust.?

Það hýrnaði heldur yfir minni er Gísli minn kom með bændablaðið,
Það er nú skemmtilegasta blað sem ég les.

Í kvöld fáið þið nokkrar vísur, mælt af munni fram úr Bændablaðinu.

Lyfjafræðingurinn og ljóðaþýðandinn, Helgi Hálfdánarson lést 20 janúar
sl. Þar kvaddi sterkur málsvari Íslenskrar tungu og góðra gilda.
Helgi var lengi apótekari á Húsavík. Eitt sinn sem oftar kom Steingrímur
Baldvinsson  bóndi í Nesi þangað inn að sækja lyf. Þá stóð svo á að hann
hafði eigi handbært fé en mundi senda honum það við fyrstu hentugleika.
Helgi sagði að það yrði að vera með "vöxtum"
Steingrímur skildi alveg hvað hann meinti með vöxtum og sendi honum
greiðsluna með þessum vöxtum:

Lyfið reyndist-- ljótt er að frétta--
læknismætti öllu sneitt.
Það öðlast kannski ekki rétta
eðlið fyrr en það er greitt.

Af ástandi
Að lokum ein vísa sem kviknaði
af ástandinu í landinu:

Ástand og vandamál illa ég skil
og úræði síður þó fletti ég
                                      blöðum.
Hvort munu orð á Íslandi til
um allt sem er hugsað á
                            Bessastöðum.

 Hjálmars Jónssonar hefur umsjón með pistli þessum
í bændablaðinu.
Færi ég honum þakkir fyrir góðan pistil.

Efri hæð og ris í þessu húsi á hún Dóra dóttir mín.
Þetta er 106 ára gamalt hús með mikla sál.

Þetta er Gamli Baukur þar er rekið veitingahús afar vinsælt,
fallegt hús ekki satt?

Þarna eru seldir miðar í Hvalaskoðun og ýmislegt annað og
veittar þær upplýsingar sem fólk þarf. Kinnafjöllin í baksýn.

Lengst til hægri á þessari mynd sést í minni Flateyjardals.
Og eru þetta fyrir þá sem ekki vita Kinnafjöll þau eru svo fögur
aldrei eins hvorki í litum eða útliti, ég elska þessi fjöll.

Góða nótt kæru vinir

 

 

Hafa sinn eigin vilja.

Þetta eru auðvitað hestar með sinn eigin vilja, þeir
ætla sér greinilega að komast á þing blessaðir.
Hestar eru nefnilega hinir bestu stjórnendur, eins
og sögur herma af hestum sem hafa ratað heim með
húsbændur sína undir allskonar áhrifum.

Ráshestar, þeir mundu trúlega tilheyra
Samfylkingunni þó þar séu nú engir útrásarmenn
svo vitað sé, en hvað veit ég.
Kannski mundu útrásarhestarnir læknast er þeir
komast á þing, gera það ekki allir hver á sinn hátt.

Vinstri Grænum geta útrásarhestarnir nú eigi tilheyrt
þar eru eingöngu heimahaga-hestar, sem passa upp
á að vera alltaf á sínum stað og breyta aldrei til, fara
ekki einu sinni til fjalla til að eta fjallagrös þó betri séu.
Þar kemur til afturhalds- áráttan.
Vera bara í heimahaganum.

En blessaðir hestarnir vita ekki að það kostar peninga
að afla peninga.
Ekki orð meira um blessaða hestana.

Eigið góðan dag
Milla.

Hestar á lausagangi í borginni

Fyrir svefninn.

Það var árið 1909, sem sagt fyrir 100 árum sem þetta
gerðist.
Það var skipt um Ráðherra Íslands, Hannes Hafstein baðst
lausnar og samþykkti konungur það, í kjölfarið héldu þeir
utan forsetarnir Björn Jónsson, Kristján Jónsson og
Hannes Þorsteinsson til að ræða stjórnmálaástandið.

1/4 barst skeyti um það, að Björn Jónsson hefði hinn 30/3
verið skipaður ráðherra Íslands.

Auðvitað var undanfari að þessu, en fólk getur flett þessu
upp á netinu eða lesið um það í Öldinni okkar 1901-1930.

Þar með er nú eigi allt upp talið.

,,Landsbankafarganið"

Bankastjóra og gæslustjórum vikið fyrirvaralaust úr embætti.
22/6. Ráðherra hefur nú sagt Tryggva Gunnarssyni upp
bankastjórastöðunni við Landsbankann frá næstkomandi nýári.

Blöðin Lögrétta og Reykjavíkin deila harðlega á ráðherra fyrir
ákvörðun þessa.

23/11  Þau stórtíðindi gerðust stundu eftir hádegi í gær, að
Tryggvi Gunnarsson bankastjóri Landsbankans og
gæslustjórar hans, Eiríkur Briem og Kristján Jónsson, fengu
bréflega tilkynningu frá stjórnarráðinu um það, að þeim sé
samstundis vikið úr stöðum sínum við bankann ,,Sökum
margvíslegrar, megnrar og óafsakanlegrar óreglu í starfssemi
 þeirra í stjórn bankans og frámunalega lélegs eftirlits með
honum."  Lítilli stundu eftir að þetta bréf barst viðtakendum í
hendur, gengu þeir Klemens Jónsson Landritari og
Jón Hermannsson skrifstofustjóri inn í bankann og létu loka
honum í umboði ráðherra.
Öll afgreiðsla stöðvaðist í miðjum kafi. Skömmu síðar kom hin nýja
bankastjórn sem ráðherra hafði þá einnig skipað, til að taka við
forráðum bankans.
Voru það Björn kaupmaður Kristjánsson sem skipaður hafði verið
bankastjóri og gæslustjórarnir Karl Einarsson og Magnús
Sigurðsson.

Þetta tók ekki langan tíma, enda nefndi Lögrétta  þetta í fyrirsögn
Nýjasta hneyksli ráðherra.

Landsbókasafnið  við Hverfisgötu var einnig vígt þetta ár, en það er
nú önnur starfssemi fyrir höfð.

Sagan endurtekur sig þó eigi sé alveg í sömu mynd, en þó nokkuð
lík og þarna er auðsjáanlega verið að hyggja að sínum vinum

Góða nótt kæru vinir

Steindauðar fréttir.

Á nú bara ekki til eitt einasta orð yfir þennan tíma sem
gengur yfir nú. Fréttatímarnir eru svo leiðinlegir, ekkert
glaðvært sagt, aldrei slegið á létta strengi.
hvað með það þó það sé verið að mynda nýja stjórn
þá er engin að fara í gröfina.
Auðvitað eru landsmálin háalvarleg, en þau batna ekki
sama hvað við vælum og skælum.

Nú sagt er að viðræður gangi vel í myndun nýrra stjórnar
á milli Samfylkingar og Vinstri Grænna með stuðningi
Framsóknar.
Eitt er það málefni samt sem eigi er samstaða um og er
það hvort frysta eigi eignir auðmanna ef til þess þykja
ærnar ástæður.
Þeir geta svo sem fryst atvinnuhúsnæði ( held að það sé ólöglegt)
en sjáið konurnar eiga yfirleitt séreign og eru það aðrar eignir
og peningarnir á einhverjum eyjum úti í ballarhafi, svo langt í
burtu að við náum þeim ekki
Spyr ég stórum; er þetta það nauðsynlegasta og þarf að þrasa um
það?

Nú það stendur ekki á skítkasti á milli Sjálfstæðisflokksins og
Samfylkingar um stjórnarslitin, það er auðséð og heyrt að það
eru að koma kosningar og ætla ég að biðja fólk að muna sko
muna að þessir flokkar voru við stjórn er allt hrundi, engin
getur neitað því, og það þýðir ekkert að segja: ,, Já en ef"

VG segja að ekki eigi að kjósa um inngöngu í ESB í kosningum
í vor.

Frjálslyndir eru nú ekkert vissir um að þeir styðji þessa stjórn.

Fjandinn hafi það gott fólk, það eru mörg brýn verkefni sem þarf
að leysa og hvernig væri að snúa sér að þeim, en ekki að þrasa
um eitthvað sem skiptir minna máli.
Þið eigið nú bara að stjórna í 2-3 mánuði.

Eigið góðan dag í dag.
Milla

Fyrir svefninn.

Í dag hef ég verið að grúska á milli þess sem við fórum
yfir allt pússuðum,  þvoðum og gerðum fínt hjá okkur,
við gerum það nefnilega stundum.
Afar skondið er að sjá mig þurrkandi af og reynandi að vera í réttum
stellingum fyrir bakræfilinn minn, en þetta gengur bara ef ég hvíli mig
á milli eins og þjálfarinn sagði, reyndar ekki minn stíll verð að taka því.

Í kvöld fáið þið nokkrar gamlar myndir.


þetta fallega hús sem nú er horfið er gamla Landsbankahúsið á
Eskifirði, upp við húsið eru þær amma og trúlega Soffía systir
hennar og ég tel mömmu standa þarna fremst þessi dökkhærða.


Þarna er afi með hattinn amma í stólnum og mamma þarna fremst
og Viggó Emil við hliðina á henni, hann fórst með Heklunni RE88
6/6 1941. Í vagninum er trúlega frændi minn Gunnar Wedhólm.


Þessi mynd er alveg yndisleg, þarna er fólk að fara í smá ferð og
allir eru í sínu fínasta pússi eins og tíðkaðist á þessum tíma.


Þessi mynd er gullmoli. Hún sýnir tvær konur sem alla tíð
unnu að því góða í lífinu. þetta eru þær Lady Baden Powel
og Hrefna Tínes skátahöfðingjar báðar tvær, og var ég svo
lánsöm að fyrir framan þessar konur sór ég skátaheitið mitt
og ég var svo stressuð að ég gat varla farið með heitið.
þessi mynd er nú eldri en það  hún er frá mömmu og pabba
þessi mynd. Þau voru alltaf skátar.

Góða nótt kæru vinir

 

Er Ingibjörg búin á fá umboðið?

Viljið þið upplýsa mig þið sem vitrari eruð, sko er eigi að skilja
hringavitleysuna í þessu. Þetta segir Ingibjörg.

Ingibjörg Sólrún Gísladóttir, formaður Samfylkingarinnar, segist
ekki telja útilokað að það takist að mynda nýja ríkisstjórn á morgun.
Sagðist hún hafa gert forseta Íslands grein fyrir því að hún vilji stuðla
að því að mynduð verði stjórn Samfylkingar með stuðningi VG og
Framsóknarflokks og Frjálslyndi flokkurinn komi þar einnig að.


Hefði talið að Geir H. hefði enn þá umboðið.
Svo er annað sem ég ekki skil, var ekki þjóðin að fara fram á
algjöra breytingu? Hver er þá breytingin,? er þetta fólk ekki allt
búið að sitja á þingi, og hvað halda menn að þeir beri ekki einnig
ábyrgð, jú það gera þeir svo sannarlega.

Ef satt reynist að Ingibjörg eða einhver fyrir hennar hönd hafi
verið búin að leggja línurnar fyrir það sem gerðist í gær, ja þá er
sá flokkur ekki mikils virði í mínum huga, hefur reyndar aldrei verið það.

Var ekki verið að fara fram á þjóðstjórn og hvar er hún þá?

Núna er ruglið heldur áfram. þá verður hún ekki til.

Ég sem fyrrverandi sjálfstæðiskona síðan ég man eftir mér,
vann fyrir flokkinn frá 12 ára aldri. að mig minnir, hef séð
ýmislegt í gegnum árin.
Ekki bara í þeirra röðum heldur annarra einnig og ég sé líka að
stjórnarandstaðan hefur eigi viðhaft tilkynningarskyldu sem henni
bar að hafa, með allri þeirri tækni sem yfir er að ráða í dag.
Þeir bera einnig sök. Fólki hefur ætíð fundist fínt að vera þotulið
og hvern á maður þá að kjósa, getur einhver heimfært það.
Best að vera bara heima.

Eigið góðan dag í dag
Milla.

Ný ríkisstjórn í kortunum?

Fyrir svefninn

Fór í þjálfun í morgun og var Jóhann hinn sænski
nokkuð ánægður með mig, mér fannst ég ekki hafa náð
miklum árangri, en viti menn hann taldi það bara gott
sem komið var, á að halda áfram næstu viku í þessu
prógrammi svo elsku Gísli minn þarf að vera til taks ef ég
skildi nú detta er ég er að reisa mig upp þetta er eigi
auðvelt skal ég segja ykkur.

Nú Gísli fór svo að ná í Dóru fram í Lauga, hún var í fríi í dag
og þá er verslað inn fyrir heimilið.
Neró fékk að fara með, eins er hann ók henni heim aftur, þá
hitti hann englana mína og fóru þær og leifðu honum að
hlaupa um, er þeir komu heim aftur steinlá hann úr þreytu.

Milla mín kom svo í kvöldmat með ljósin mín og Hafdísi bestu
vinkonu Viktoríu Ósk, síðan fóru þær í sund.

Það er nú eiginlega ekkert hægt að lýsa deginum í dag

maður er búin að vera hálf dofin, veit í raun ekkert hvað
gerist. Sjáum til á morgun.

                **************************

Án Titils

Á meðan birtan,
bláköld birtan,
sefur í lófa þínum
stígur einmana nótt
sín fyrstu spor.

            Ásdís Óladóttir

Ástin.

Ástin er lífið - hvað annað?
Unaðarvaki sálum tveim.
Hún ein fær hrifningu vakið,
svo hjörtun slá fagnandi, örar
hjá konu og manni í köldum heimi.

            Auðunn Bragi Sveinsson.


Litla ljósið mitt vildi endilega lána Neró Build a Bear meðan hann svaf
Þessi heitir Hana Montana.

Góða nótt kæru vinir

Stöðugt detta kjálkarnir niður, sko á mér.

Það var nú komin tími á að seðlabankinn væri tekinn
fyrir. Óhætt að tendra elda þar og vel við hæfi.
Voru ekki ávallt tendraðir eldar hér á öldum áður
fyrir utan virki og seðlabankinn, sem er nú það ljótasta
hús sem reist hefur verið, er bara eitt stórt virki.
Haldið ykkur við seðlabankann þar til sigur vinnst.
Þeir eiga nefnilega ekki neitt, ekki einu sinni sláturkepp
að henda út til ykkar,
eins og norðanmenn í Borgarvirki gerðu fyrir margt löngu,
við sunnanmenn, sunnanmenn hörfuðu töldu norðanmenn
eiga nægan mat til að þrauka, en þetta var síðasti keppurinn.

Björgvin sagði af sér í gær eins og landsmenn vita.
Tel hann bara vera að vinna að eigin hagsmunum,
enda bráðgreindur maður á ferð.

Við fáum víst niðurstöðu í dag. Mér er spurn í hverju?
Jú eigi er ég svo vitlaus að ég skilji það ekki að samfylkingin vill
fá allt eins og ég áður hef álitið, en hægan er það það sem fólkið
er að biðja um, verðum við sátt við þá niðurstöðu að hún muni
alfarið ráða fram að kosningum?

Trúlega hlæja nú einhverjir úti í hinum stóra heimi er þeir sjá
myndir að mótmælum frá höfuðstöðum Baugsveldisins,
og trúlega segja að þetta sé ekki rétt mynd, því hverjum dettur í
hug að höfuðstöðvarnar séu svona litlar, hlýlegar og húsin svona
en ekki einhverjar glerhallir, hef ætíð dáðst að þessum húsum,

Svo er það rúsínan í pulsuendanum kynlíf í þrívídd, hlakkar til að sjá
það, OMG hlýtur að vera magnað.

Eigið Góðan dag í dag.
Milla

Fyrir svefninn

Eins og ég tjáði mig um í morgunn þá voru hér fjórar
prinsessur. Allar eru þær sjálfbjarga nema kannski
litla ljósið sem þarf svo litla athygli á stundum, má sjá það
á þessum myndum sem hér koma.


Afi dottaði aðeins og hún setti þessa frægu Build a Bear
við hliðina á honum, síðan kom þetta.


Hún var búin að fá sínu framgengtað vekja afa.
enda fær hún það ætíð/oftast.


Ljósálfurinn minn sem ætlar að verða kokkur, gaf okkur
á diska í gær og fórst henni það vel úr hendi.
Hún er bara yndisleg.


afi að fíflast er þær voru að taka mynd af honum að borða.

Þarna var ég að fíflast í þeim, þær elska þessa mynd
og ég mátti alsekki eyða henni.hlýði ég


Nú að því að ég veit hvað þær elska þessa mynd af sér
þá set ég hana að sjálfsögðu inn
Bara að segja að ég átti afar skemmtilega helgi,
Takk fyrir mig englarnir mínir.
Amma.

Góða nótt
og sofið rótt
í alla nótt
og dreymi ykkur vel.

Morgunstund gefur gull í mund.

Farið var frekar seint inn með litla ljósið í gærkveldi.
Ég vaknaði er Gísli kom inn og átti erfitt með að sofna
aftur, nú gerði það nú samt einhvern tímann.
Vaknaði við einhvern ljósbjarma, stóð þá ekki þessi engill
og sagði er ég leit á hana: ,,Amma ég er bara að gá hvað
klukkan er, sjáðu hún er tíu mínútur í 9, það var nokkuð rétt
henni vantaði 15 mínútur í."
Hún kom síða upp í og við kúrðum smá, Yndislegt, nú hún
þurfti að fara til að horfa á skrípó og er búin að sitja þar síðan,
reyndar fram í stofu því þær eru náttúrlega heilagar skvísurnar
inn í gestaherbergi, en vitið þið, það kemur sér vel fyrir Gísla sem
elskar að horfa á skrípó og bíða í ofnæmi eftir Walt Dysney
þættinum, þá heyrir maður, Yes! og svo gefa þau hvort öðru five.

Núna eru þau að fá sér morgunmat saman, afi fær sér hafragraut
og hún er ætíð nokkra stund að ákveða sig hún hefur svo gaman
að því að láta hann stjana við sig og hann gerir það óspart.

Nú heyri ég að hann er búin að láta rúlluborðið fyrir framan hana
svo hún geti borðað í stofunni.
Það er nú ekki í lagi með suma afa.

Jú annars lesið nú, á mínu bernskuheimili var allt svo settlegt
og fínt að maður mátti helst hvergi vera svo ég tali nú ekki
um er maður kom með barnabörnin er sá tími kom, Ó GUÐ!

Þá ákvað ég að það yrði ekki svoleiðis á mínu heimili hér er
allt mjög skemmtilegt og ef þau brjóta eitthvað þá bara gera
þau það og það er ekkert mál, í mínum huga, þetta eru dauðir
hlutir og ef þeir brotna þá á ég ekki að eiga þá lengur.
Í ruslið með það.
Nú er ég hætt þessari morgunræpu.
Eigið góðan dag í dag.
Milla

Fyrir svefninn.

Fyrir rest vöknuðu englarnir mínir, eða er ég opnaði inn
til þeirra um hálf þrjú, rétt á eftir hringdi Milla og sagði
að Ingimar kæmi kl 4 til að fara niður í búð með þær  allar
til að kaupa , er bara ekki að skilja þetta
því þær eru kannski alla vikuna eða tvær að klára þetta
ógeð
Nú við borðuðum pestó kryddaðar kjúklingabringur, ostasósu
og pasta, hrikalega sterkt og gott.
Síðan fóru þær allar inn og lokuðu hurðinni á eftir sér því það
voru fréttir og þá er þögn í stofunni.

Það er nú svo sem í lagi því þær hafa tvö herbergi til að drolla í
annað með tölvunni og hitt með öllu því sem þeim dettur í hug að
horfa á, en allar fóru inn í tölvuherbergi, ein fór í tölvuna tvær að
hanna og sauma föt á build a Bear sem litla ljósið á, vitið þið
hvað build a Bear er ? ekki ég, hann er bara voða mjúkur.
Litla ljósið var aðallega að pirra hinar þar til ég fékk hana til
að horfa á spólu og eru þær að því núna.
Ég fer nú bráðum að fara með hana inn, ég les fyrir hana og
hún sofnar eins og engill.
Hinar drollast fram eftir allri nóttu ef ég þekki þær rétt.

Jæja það er við hæfi að koma með smá eftir hana Ósk,
það vita nú allir sem lesa hjá mér hver hún er.

Hvernig ég er inn við beinið.

Ýmsum er ég sökum seld
svikul, grimm og löt,
en inn við beinið að ég held
aðallega kjöt.

Mínir rúmsiðir.

Ég opna bók eða yrki bögu
þá Óli lokbrá knýr að ranni.
Hvað gerist milli svefns og sögu
segi ég ekki nokkrum manni.

Góða nótt kæru vinir

 

Guð hjálpi þessu fólki.

Ég held að þessir rótækustu ættu að setjast niður og
róa sig, tala saman og snúa við blaðinu.
Það er komið nóg af fjandans ógeði frá vissum hópi fólks
bæði í viðtölum og kommentum á bloggi fólks.

„Ég er ekki farin að finna til með honum ennþá.
Ég tel hann heppinn að hafa veikst því nú mun fólk ekki
þjarma að honum," hefur AP fréttastofan eftir einum
mótmælanda í Reykjavík dag, sem þannig kemst að orði
um Geir H. Haarde forsætisráðherra.

Eru þetta eðlileg ummæli? þessi maður er með afskaplega
veikan hugsunarhátt, hvaða heift er þetta eiginlega?
Ég er alveg reið og sár yfir því ástandi sem hér er komið
upp, en ég er ekki með hefndarhnútinn fast reyrðan allan
sólarhringinn.
Og það er langt frá því að ég sé að leita eftir sökudólg,
Því hvað í fjandann vitum við, hvernig og eða hverjir urðu
þess valdandi að þetta gerðist.?
Það er á tæru að við þurfum breytingar, og þær verða,
búið að koma því til skila og nú er bara að vera á
eftirfylgni-vaktinni, kann fólk það?

„Hann hefði átt að biðjast afsökunar og segja af sér,"
er haft eftir Guðrúnu Tryggvadóttir, sem titluð er ritstjóri vefsíðu.
„Ég er ekki farin að finna til með honum ennþá. Ég tel hann heppinn að hafa veikst því nú mun fólk ekki þjarma að honum. Ég vil nýja stjórnarskrá, og síðan samkeppni um það hvernig nýja Ísland ætti að vera."

Aktívistinn Gunnar Hinriksson segir við AP að Íslendingar muni sitja uppi með sama tóbakið þar til eftir kosningar. „Leiðtogar okkar eru sjúkir og þjóðin líka," segir hann í samtali við fréttaritara AP. 

Óttar Norðfjörð, rithöfundur, var einn mótmælendanna sem AP ræddi við í dag. Hann telur útilokað að ríkisstjórnin geti starfað almennilega á næstu mánuðum meðan kosninga er beðið.

„Hvernig getur ríkisstjórnin starfað eðlilega þegar báðir formennirnir eru veikir?" er haft eftir honum. „Þetta er að verða eins og kvikmynd eftir Woody Allen."

Þetta eru nú bara þau ógeðslegustu orð sem ég hef numið
fyrr eða síðar. Af hverju flytur þetta fjandans pakk ekki úr
landi finnst leiðtogar og landar eru svona sjúkir.

Langar að spyrja hvað er, þetta pakk sem talar svona,
er það í stakk búið til að setjast í þjóðstjórn?
hefur það lausnir á silfurfati, nei líklegast yrðu þær á
tréfati, en ég get svo sem gefið ykkur eitt af mínum
það er ef þið hafið lausnir.

Fyrirgefið kæru landsmenn þessi dónalegu skrif, en nú
er ég reið og skrifin gætu verið verri, en læt það bíða.

Svo er eitt enn, mér finnist að sá sem fyrir þessum
mótmælum stendur ætti að koma fram og tilkynna að
það sé ekki stefna þeirra að níða niður land og þjóð
þar af sýður veikt fólk.

Guð gefi okkur öllum ljós og kærleik.
Milla.

 

„Ekki farin að finna til með honum ennþá“

Er þetta virkilega til.

Já þetta er bara yndislegt, fá svona frétt í öllu amstrinu
sem hvílir á okkur í dag.
Nei ég er ekki að tala um kreppu eða annan vanda, bara
um svo margt sem gerist hjá fólki svo sem gleði, veikindi
og kærleikinn sem umvefur þetta allt ef við viljum hleypa
honum að.

Geiturnar eru þjófóttar það vitum við sem höfum skoðað þær
eða umgengist, þær stela af okkur slæðum treflum og öðru
því sem lauslegt er á okkur, en það er nú bara saklaust
þess vegna getur hún ekki hafa stolið heilum bíl, en ef
galdratrúin er svona ríkjandi þá sleppur þjófurinn eða sá
sem ætlaði að stela bara vel.
Er það ekki eftir öðru?

               *************************

Annars er ég bara góð, vaknandi klukkan 10.30 maður er
bara að breytast í ungling, sko dömurnar mínar vakna um
tvö leitið ætli ég endi í þeim tíma.
Gísli minn búin í sjæningu og þá fer é, svona eftir smá.

Eigið góðan dag í dag.
Milla

Þjófur breytist í geit

Fyrir svefninn.

Eina ferðina enn er maður búin að eta yfir sig af heimsins
bestu pitsum, sem Milla mín gerði. Það er ekki til það sem
ekki er sett á þær og eru þær vel sterkar, síðan kaffi á eftir
og spjall.
Tvíburarnir komu í dag og urðu þær eftir voru að horfa á
eitthvað með ljósunum, koma seinna heim.
Ég sagði þeim að sjálfsögðu að þær ættu að passa sig á því
að detta ekki á heimleiðinni, sko að því að það er svo mikil
hálka og það væri alveg bannað að labba niður í bæ
Þær eru að verða 18 ára. það var nú bara hlegið að mér,
mér finnst það nú ekkert fyndið.

Nú ég var að tala um að setja inn myndir af fleiri barnabörnum,
og hér koma þær.

Þetta eru þau Kamilla Sól og Viktor Máni þau eru Fúsa og Sollu
börn. Fúsi er sonur minn.



Svo kemur sko aðal gæinn, hann heitir Sölvi Steinn og það er ekki
seinna vænna að gera hann að púllara, er hann ekki flottur.
Hann er einnig Fúsa og sollu barn.



Þetta er Bára Dís, hún á bróðir sem heitir Hróbjartur en ég á
enga mynd af honum nema svo gamla.


Þessi fimm eiga heima fyrir sunnan svo ég sé þau ekki svo oft.

                         Perludjásn.

                Börnin eru perludjásn,
                þegar þau hjala
                tala þau við Guð
                og hann svarar þeim
                með blessun.

                                Eggert E. Laxdal.

Góða nótt kæru vinir

Gangi þér allt í haginn Geir.

Þetta er að sjálfsögðu hið sorglegasta mál, fyrst Ingibjörg
og núna Geir.
Sendi Geir konu  hans og fjölskyldu stuðnings og
baráttukveðjur.

Vill um leið minna fólk á alla þá sem berjast við þennan
sjúkdóm með von um að allt fari á þann veg sem bestur
er fyrir hvern og einn.

Geir: Kosið í maí