Martröð dagsins.

Martröð dagsins er þessi frétt, er ekki annars verið að
grínast, sagði forsetin þetta virkilega?

Erfiður vetur á Íslandi

Guardian spáir erfiðum vetri á Íslandi í grein sem birt er á vef breska blaðsins í dag. Þar er fjallað um efnahagsástandið á Íslandi og þær miklu breytingar sem átt hafa sér stað á stuttum tíma hvað það varðar. Vísar Guardian í ræðu Ólafs Ragnars Grímssonar, forseta Íslands, frá árinu 2005 þar sem hann lýsir efnahagsundrinu Íslandi.

„Íslendingar taka áhættu. Þeir eru djarfir og ágengir. Kannski er það vegna þess að ef þeim mistekst þá geta þeir alltaf farið aftur til Íslands þar sem allir geta notið góðs lífs í opnu og öruggu kerfi," sagði Ólafur Ragnar í ræðu sem hann flutti í fjármálahverfi Lundúnaborgar árið 2005.

Ja hérna farið aftur til Íslands og notið góðs lífs í opnu og
öruggu kerfi,hvaða kerfi og undir hvaða verndarvæng,
forsetans? þetta er svo öfugsnúið að maður fær bara
anti-klimas bragð í munninn.
Það er eins og hann sé að lýsa himnaríki á jörð eða að
skrifa barnabók sem engin á aðtrúa

Segir Guardian að margt hafi breyst á Íslandi frá þessum tíma. Bankarnir hafi hrunið og krónan líka. Dótturfélag Baugs í Bretlandi, BG Holding sé í greiðslustöðvun og fjöldi breskra verslana blandist þar inn. 

Haft er eftir Össuri SKarphéðinssyni, utanríkis- og iðnaðarráðherra, að margir hafi tekið undir orð Ólafs Ragnars á sínum tíma, bæði stjórnmálamenn og fjölmiðlafólk. „Ég hefði eflaust tekið þátt í kórnum ef ég væri ekki einfaldur líffræðingur."

Ja hérna er nú Össur bara einfaldur líffræðingur, leitt að
hann skildi ekki geta tekið þátt í kórnum, en hann
er nú að bæta sér það upp, eða hvað?
Tekst honum það nokkuð er það ekki með hann eins og
barnabækurnar engin trúir þeim.

Össur bendir á að viðhorf barna hafi breyst á undanförnum árum og vísar til þess að dóttir hans, tólf ára, hafi viljað verða yfirmaður í banka en þegar hann hafi verið barn þá var draumurinn annar.

Össur segir í viðtalinu við Guardian að það sé enginn efi í hans huga um að Bretar hafi notað krafta sína til þess að hafa áhrif á Alþjóða gjaldeyrissjóðinn vegna Icesave reikinga Landsbankans

Æ, Æ, Æ, um að gera að kenna bara öðrum um, það var löngu
búið að vara menn við, erlendir sérfræðingar vöruðu við,
og það fyrir mörgum mánuðum síðan.

Erfiður vetur á Íslandi

Fyrir svefninn.

Dagurinn byrjaði nú eigi í alvöru hjá mér fyrr en um
hádegi þó þá ég væri aðeins búin að koma við tölvuna
og fá mér morgunmat, átti ég eftir sjæninguna og kaffibollann.
Settist síðan hér inn í mitt uppáhald, sem sagt við tölvuna, með
myndirnar af þeim sem ég elska hér allt í kringum mig, föndur,
bækur og allt mögulegt mér innanhandar er dettur það í mig
að grúska.
Gísli minn skipti á rúmunum í dag lét svo róbótinn vinna sitt
verk, að sjálfsögðu þarf að lyfta stólum upp á borð og tilfæra
ýmislegt, en samt er þetta léttara en að ryksuga.
Nú ég reyndi eins og ég gat að þurrka af því mesta og pússa
ekki að það þyrfti svo mjög en það var ekkert svona gert fyrir
helgi, svo núna er allt orðið fínt og fágað.

Fengum okkur afganga frá í gær að borða, ekki dónalegt það.
Svo er bara að fara snemma að sofa eða sko þegar mér syfjar
svaf nú til 10.30 í morgun. Ég heyri reyndar að Gísli er farinn
að hrjóta inn í stofusófa, en það þarf nú ekki mikið til þess.

                 Kvæðið um hjörtun.

Það hjarta, er hann átti sér, hjartað hans unga,
það hamraði í sífellu og varð ekki rótt,
í rifið það hjóst, og með heljarfargsþunga
það hékk í hans barmi, er rökkvaði af nótt.

Þá kom hún með blómailm og bjarma yfir enni,
og bað hann af hjartanu að gefa sér rétt.
Hann sleit það úr brjóstinu án beygs handa henni,
og blóð hans varð rótt, og hann andaði létt.

Því, þau, sem af hjörtunum hlýðni fá alla,
með heraga viljans, sín brjóst gerast þröng.
En hin, þau, sem gefa þau, heyra þau kalla
úr heillandi fjarska með draumljúfan söng.

Með söng þeim, er gefur um sumar og vetur
þeim svalað með kiljum og yljað með blæ,
með vængbjörtum kliði, sem fyllir þau friði
og flýgur til landa úti í vorblámans sæ.

Sem flýgur til heima, en hinn aðeins dreymir,
til heima, sem tveir aðeins byggjast í senn.
Og frá hjörtunum gefnu undir helnætursvefninn
slær hamingjuljóma á þrár þeirra enn...

                                    Karl Aspelund

Góða nótt kæru vinir

Hoppaði hæð mína. VÁ! æði VÁ!!!

Auðvitað get ég ekki hoppað hæð mína það vita nú allir
sem þekkja mig, en hefði sko gert það ef getað hefði.
Sjáið bara hvað hann er sætur þessi elska, er það ekki
nægileg ástæða?  Allt í stíl hér.

//

Jón Ásgeir og Gunnar áfram í stjórnum

Jón Ásgeir Jóhannesson stjórnarformaður Baugs í Bretlandi og Gunnar Sigurðsson, forstjóri Baugs, munu áfram sitja í stjórnum bresku verslunarkeðjanna House of Fraser, Iceland,  Aurum og Hamleys þótt skilanefnd Landsbankans hafi gengið að veðum bankans í þessum fyrirtækjum.

Fram kemur á vefnum thisismoney.co.uk, að þetta hafi orðið niðurstaða í viðræðum Baugs og skilanefndar Landsbankans sl. fimmtudag. Á föstudag tilkynnti Baugur, að fyrirtækið myndi ekki andmæla kröfu Landsbankans um að BG Holding, dótturfélag Baugs sem fer með eignirnar í Bretlandi, yrði sett í greiðslustöðvun. 

Vefurinn segir, að þessar fréttir hafi komið starfsmönnum á aðalskrifstofu Baugs í Bond Steet í Lundúnum á óvart en þar blasi við uppsagnir. Fram kemur, að stjórnarsetan tryggi Jóni Ásgeiri um 20 þúsund punda laun á mánuði, jafnvirði  3,4 milljóna króna, auk afnota af fyrirtækisbíl og einkaþyrlu.

Æði hann verður með 3,4 miljónir í laun á mán. fyrir utan
allt annað  sem og bíl, þyrlu og fær hann svo ekki dagpeninga
ef hann þarf að fara að heiman.
svo er hann örugglega með laun annarsstaðar frá, en vitið,
þetta finnst mér bara flott.
Kannski getur hann gefið smá til okkar þurfalingana á landi hér.

Er haft eftir heimildarmanni, sem sagður er þekkja til, að nauðsynlegt hafi verið talið að þeir Jón Ásgeir og Gunnar störfuðu áfram við fyrirtækin þar sem þeir þekki þar vel til mála og muni veita bönkum og tilsjónarmönnum ráðgjöf

Það sem mér finnst flottast við þetta er að það verður allt
upp á borðinu, engin hulin skilaboð í skilaboðunum, engar
nafnleyndir og heldur ekki talað undir rós.
Mér finnst hafa verið of mikið af því á liðnu ári.
Eru ekki allir sammála því?

Kemst ekki hærra í vellíðan en að fá svona frétt.
Knús í krús í daginn ykkar.
Milla

Jón Ásgeir og Gunnar áfram í stjórnum

Engin martröð fyrir svefninn í kvöld.

Loksins er ég komin að tölvunni, afi er að aka englunum
okkar fram í Lauga, Dóra á að vinna á morgun og þær
að læra eða gera eitthvað sniðugt.

Þær komu um 11 leitið fóru þá í búðir, þau versluðu bæði
Gísli minn og Dóra síðan komu allir í brunch þá meina ég
Milla og Ingimar einnig með sínar.

Nú þau voru svo að fara í fjallið því Aþena Marey var að
fara í sinn fyrsta skíðatíma hjá kennara bað hún um
að fá að kenna henni, hún verður 5 ára í mars.
Viktoría Ósk er líka afar dugleg á skíðum.

Við gamla settið hjálpuðumst að við eldamennskuna, og
gekk það vel að vanda.
Það var ákveðið að hafa lasange og aldrei þessu vant
var bara keypt pakkadrasl.
Gísli minn steikti hakkið, ég sullaði duftinu og vökvanum
saman og bragðbætti með Chillý, osti og ýmsu öðru.
nú hann blandaði þessu út í og lét það malla smá og það
var svo tilbúið til að setja saman með plötunum.
'Eg undirbjó kartöflumúsina og bjó til smá sull það var
saman set af rifnum gulrótum, sveppum og rauðlauk
gljáð saman síðan settur rjómahvítlauksost, léttmjólk
salt og pipar og búið rosa gott með, ég elska svona sull.
nú auðvitað var hvítlauksbrauð með og bar ég pestó með
því og fullt af parmessan osti yfir lasangaið.

Nú það sem kórónaði matinn var þessi líka súkkulaðikakan
sem Milla bakaði. Takk fyrir eftirréttinn elsku dúllan mín.

Borðuðum svo öll saman kl 6 og allir farnir heim kl 8
Allir þreyttir eftir daginn.

Á ég að segja ykkur að lengi lifi ég á svona degi, þau börnin
koma manni alltaf á óvart, hafa sínar skoðanir og eru óhrædd
við að láta þær í ljós.

                  Góðir Húsvíkingar.

              Hér á Húsavík höfum við lengi
              borið höfuðið langt yfir menn,
              þó að útgerðin falleinkunn fengi,
              þó að Fiskiðjan kollvarpist senn.
              Enga ferðamenn að okkur hænum
              okkar list hér á brauðfótum er.
              En það efast þó engin í bænum
              um að úrvalið búi samt hér.

Þessi er eftir hana Ósk og er ekki alveg ný
eins og menn sjá er þeir lesa og jafnvel þekkja til,
en margt í henni passar samt en.

                                       Góða nótt

Davíð Oddsson einráður í Seðlabankanum.

Já frábært sjáið ekki hvað þetta verður flott? DO verður
Einráður seðlabankastjóri, ekki að hann hafi eigi verið það
en nú er engum öðrum um að kenna nema honum, eða á
kannski ekki að ráða hann? Nú er það ekki, taldi það bara víst.
Hann er náttúrlega bestur í öllu, ekki það nei, verð þá að taka
því. en það verður erfitt.
Þið verðið að skilja gott fólk að hann hefur verið fyrir augunum
á okkur svo lengi að við munum fá alvarleg fráhvarfs-einkenni.

En kannski væri hægt að setja upp myndir af honum svona eins
og auglýsingarnar eru settar upp í Reykjavík, hvað heitir það nú
aftur, já svona flettimyndaskjá, eða heitir það kannski ekki það?

          ***************************************

 Já má til að setja hér inn með.
Fjölnir segir að kryddpían sem einu sinni var hans, hljóti að vera
með alzamer því hann minnist eigi þessara kynorku.
Ræfilstuskan ætli hún sé komin á víagra fyrir konur?
Er það ekki annars til?

Nú er ég hætt þessum rugl pistli, er að fara að sjæna mig
Gísli minn fór að sækja mæðgur fram í Lauga svo það verður
gaman hjá ömmu í dag.

Knús á alla inn í góðan dag
Milla

Eiríkur og Ingimundur hafa svarað

Martröð fyrir svefninn.

Það er svolítið merkilegt að það koma svona dagar sem
eru uppfullir af sárum tilfinningamálum.
Ég reyndi að bregða út af vananum í dag og bloggaði um
kynorku M. Bee, sem var fáránlegt en samt bara skemmtilegt.

Núna rétt í þessu var ég að lesa bloggfærslu vinkonu minnar
þar sem hún segir frá að barnabarnið hennar 15 ára sé í
Martröð sem kallast eiturlyf.
Held að engin skilji þetta nema sá sem hefur upplifað þetta
hjá sínum eigin eða afar nátengdum.

Ég upplifði þetta í fyrra er eitt af mínum barnabörnum,
elsti prinsinn minn var tekinn af fíknó á Akureyri í fyrra
þá var ég búin að frétta að eitthvað væri í gangi.
Segi það aftur og endalaust þetta er reiðarslag, köld sturta,
grátur, reiði og bara nefnið það, en svo þegar bráir af manni
þá verður sorgin ein eftir og hún varir enn.

Foreldrar hans voru að skilja og vissi ég að hann var búin að
vera ósáttur lengi og ætla ég ekki að dæma af hverju því ég
hef örugglega ekki rétt fyrir mér.
Hann þessi efnilegi drengur býr hjá pabba sínum, og þar sem
ekkert samband er á milli okkar hvorki hans eða dóttur minnar
Þá frétti ég ekkert af honum. Ef maður hringir er ekki svarað.
En það er nú allt önnur Ella, 

Eitt barnabarn Gísla míns lenti einnig í þessari martröð, hún
barðist í ein tvö ár, en er laus núna, ástfangin, er í skóla og
ég vona svo hjartanlega að hún sé endanlega hólpin, en
við vitum aldrei þau vita það ekki sjálf.

Það er eitt sem vantar og það strax það eru neyðarúræði fyrir
þessi börn og einnig fyrir þá sem eiga við geðraskanir að stríða.
Þetta tengist ansi oft.

Guð veri með þessum börnum öllum fyrst og fremst.
Og megi guð gefa okkur visku til að breyta rétt í
umgengni við þessar elskur.

Góða nótt kæru vinir.

 

Martröð dagsins.

Breska söngkonan og Kryddpían Mel B býr víst yfir meiri kynorku en nokkur sem hún hefur kynnst um ævina. Mel segir að eiginmaður hennar, Stephen Belafonte, sé eini maðurinn sem hún hafi nokkru sinni verið með sem nái að halda í við hana í rúminu.

Skildi hún hafa kyngetu og færni í takt við kynorkuna?
Það er nefnilega til fólk sem hefur ofsa kynorku, en getur
ekki neitt í færninni liggur bara og lætur rúmfélagann sjá
um allt. Mér datt það nú svona í hug því hún talar um að
eiginmaður hennar sé eini maðurinn sem hafi við henni
í rúminu, er það ekki bara fyrir það að hann er svo hlýðinn
nei hvað veit ég.
Eitt veit ég þó að maður þarf sjálfur að hafa fyrir því að allt
gangi upp bæði með því að tjá sig og tantra svolítið við sjálfan
sig og þann sem maður hefur til afnota.

Já má til að bæta við, ef börn eru á heimilinu og maðurinn kemur
heim, konan upp á sitt besta er ekkert yndislegra en að tantra
svolítið við hvort annað, það þarf ekki að bera mikið á því, en
gerir helling góður forleikur, VÁ Mamma mía.
Nú er ég hætt áður en ég segi eitthvað sem ekki passar.
Eigið góðan dag í dag
Milla

Ps
     Verð að bæta við að martröð dagsins þarf ekki að vera sú að
     maður bíði eftir, "manninum" hans er eigi alltaf þörf.

Með gríðarlega kynorku

Martröð fyrir svefninn.

  Tveggja ára fangelsi fyrir kynferðisbrot.

Karlmaður á áttræðisaldri var í Hæstarétti í dag dæmdur í tveggja ára fangelsi fyrir kynferðisbrot gegn tveimur stúlkum. Brotin voru trúnaðarbrot, en þau beindust að stúlkum er honum var beint og óbeint treyst fyrir þegar þær voru litlar. Manninum var að auki gert að greiða fórnarlömbum sínum miskabætur, 900 þúsund og 500 þúsund krónur.

Einn viðbjóðurinn í viðbót við alla hina sem maður hefur
lesið um og þekkt geranda og þolenda og þeir eru margir
sem maður reyndar ekki fyrr en síðar heyrði af.
Suma gerendur frétti maður bara af er birtist í blöðum
dómur, þá fékk maður að vita hver hafði  verið að verki.

Maðurinn braut gegn stjúpbarnabarni sínu, stúlku fæddri árið 1989, með því að kafa á brjóstum hennar og bringu innanklæða í eitt skipti á árunum 1999-2003 Einnig braut hann gegn stúlku fæddri 1982 þegar hún var ellefu ára, káfaði á henni og fór með fingur í kynfæri.

Hugsið þið ykkur maðurinn var á áttræðisaldri, sem sagt
gamall karl í augum þeirra, þar fyrir utan var önnur stúlkan
Stjúpbarnabarn, maður fyllist viðbjóði, hvað ætli hann sé
búin að misnota margar stúlkur í gegnum tíðina, því ekki er
hann að byrja á þessu núna.
Og svo fær mann fjandinn bara tveggja ára fangelsi.

Maðurinn fór fram á það fyrir Hæstarétti að geðlæknar yrðu dómkvaddir og fengnir til að meta geðheilbrigði sitt. Í matsgerð sem lögð var fyrir Hæstaréttar segir að að engin merki séu um geðveiki, andlegan vanþroska eða hrörnun, rænuskerðingu eða annað samsvarandi ástand hjá manninum. Geðlæknarnir töldu ekki neitt geta komið í veg fyrir að refsing beri árangur. Líklegt megi þá telja að maðurinn geti verið hættulegur börnum, sérstaklega ókynþroska stúlkum, en barnagirnd sé almennt ekki álitin „vel meðhöndlanlegt ástand.

Ekki spyr ég nú að Egóinu, sem sagt það átti að bjarga sér
út úr þeim biðbjóði sem hann framdi með því að fara fram
á geðrannsókn hann fékk hana og tilhlýðilega umsögn þar
að lútandi. Skyldi hann ekki hafa orðið undrandi er engin
vorkenndi honum?

Auðvitað er hann hættulegur ungum stúlkum, þarf að spyrja
að því?.

 

Þess vegna þarf að setja það í lög að nöfn og myndir af svona
glæpamönnum megi birta.
Sendi öllum baráttukveðjur sem berjast í þessum málum.

Góða nótt elskurnar mínar
Milla

Tveggja ára fangelsi fyrir kynferðisbrot

Blaður gerir illt.

Sporðdreki: Hegðun þín laðar að sér fólk með þarfir sem eru ekki skilgreindar. Ráðstefnur, fundir og samræður við aðra einkennast af hressileika, bjartsýni og jákvæðni.

Það sem gerist í umræðum/fundum hjá mér, er allt þetta,
og get ég bætt við heiðarleika og þagnargildum.

Gott að fá svona spár sem yfirleitt passa við það sem ég
er að gera.
Þarfir sem eru ekki skilgreindar, eru þær þarfir sem fólk
á erfitt með að koma fram með, eins og þörfin til að segja frá
og eða bara tala um eitthvað sem maður heldur að maður
eigi ekki að tala um, sumir standa nefnilega í þeirri meiningu
að maður eigi að þegja yfir sínum áhyggjum eða bara öllu.
Það er mesti misskilningur, það á að ræða allt sem bætir
líðan fólks.

Um daginn var verið að tala um tungulipurt fólk, ég segi fólk
vegna þess að þið skuluð ekki halda að karlpeningurinn sé
eitthvað skárri en kvennaskörungarnir, nema það að konur
eru rætnari en karlmenn. "STAÐREYND"

Bla bla fólkið getur komið því til leiðar að fólk sem er veikt fyrir
því sem er sagt um það fer hreinlega yfir um á Taugum og
litla sálartetrið er svo sært að lengri tíma tekur að lagfæra það
jafnvel mörg ár.

Þetta veika fólk á kannski börn sem verða fyrir einelti í
skólanum vegna talsmáta foreldra þeirra um viðkomandi
persónu.
Fáum jafnvel engum dettur í hug að viðkomandi þurfi frekar
kærleik inn í sitt líf, frekar en þennan ömurlega kjaftagang
sem hefur einkennt þessa þjóð um aldir.
Og eða að börnin verði fyrir varanlegri skemmd á sínu sálartetri.

Fólk sem gasprar út í loftið um eitthvað sem það þekkir ekki
veit engan sannleika í og hefur ekki leifi til að út tala sig um,
á bara eitthvað afar bágt sjálft.

Mér hefur oft dottið í hug að segja við fólk,
viljið þið ekki líta inn á við og skoða ykkar eigið egó, því að
allt sem við troðum á annað fólk án þess að vita í raun
nokkurn sannleika, ER EGÓ.

Eigið góðan dag.
Milla

Fyrir svefninn

                   Góð minning.

Sumarið 1998 fórum við með mömmu mína í ferðalag.
Henni langaði að koma til Eskifjarðar, nú við tókum
Sumarhús á leigu rétt fyrir utan Egilsstaði.
Dóra mín kom með og að sjálfsögðu tvíburarnir okkar.
Við ákváðum að það væri best að mamma mundi fljúga
til Egilsstaða.

Við fórum frá Ísafirði á miðvikudegi og ókum til Húsavíkur
Gistum eina nótt hjá Millu og Ingimar, síðan kom Milla á
sínum bíl með okkur á föstudeginum tókum við bústaðnum
komum okkur fyrir og fórum að versla.

Daginn eftir kom mamma og það var mikil gleði því tvíburarnir
elska langömmu sína og það er gagnkvæmt.

Mamma hafði ekki komið til Eskifjarðar síðan hún flutti þaðan með
sinni fjölskyldu að mig minnir 1933. svo það voru 66 ár.
Jæja við fórum með hana í Landsbankann þar sem pabbi hennar
var útibústjóri og því miður var búið að rífa gamla húsið, en vel var
tekið á móti henni í nýja bankanum farið með okkur upp á loft og
þar fékk hún að sjá myndir og við fengum kaffi.

En svo fór í verra daginn eftir þá fórum við til Seyðisfjarðar og hún
var stíf alla leiðina niður, hún er nefnilega mikið bílhrædd, eða bara
óhemja í bíl. Við borðuðum og skoðuðum okkur um síðan á uppleið
ákváðum við að skoða fossana og ókum út af veginum og á bílaplan
sem þar var, en er maður er að aka inn þá er svona kantur þannig
að þú sérð bara upp í himininn smá-stund.
Guð minn góður, mamma trylltist af hræðslu og gargaði á Gísla minn
tvíburarnir 8 ára, fóru að gráta úr hræðslu, það þarf ekki að taka það
fram að hún fór ekki út úr bílnum og ætluðu tvíburarnir ekki heldur
mamma þeirra tók þær bara út úr bílnum og léku þær sér þarna
góða stund, það var yndislegt þarna uppi.
Ég var ekki á hækju þá bara eldhress.

Við ætluðum á Borgarfjörð eystri, en hjálpi mér allir heilagir, nei!
svo það sem eftir var af tímanum vorum við í söfnum, kaffihúsum
og öllu því gramseríi sem við fundum.
Síðan var spilað, litað og gerðar hannyrðir á kvöldin.

Skildum mömmu síðan eftir á Akureyri hjá frænku minni þar
síðan flaug sú gamla þaðan til Ísafjarðar og var hún hjá okkur í
vikutíma.
Það var ekki farið með hana í neinar fjallaferðir þar.

Nú er hún elsku mamma mín ekki fær um að fara út úr sínum bæ
sem er Skógarbær í mjódd.
Hún klæðist í stól og horfir á sjónvarpið allan daginn.
hún er með allar rásir sem hægt er að hafa og elskar að skipta
um rásir. Við erum oft á tíðum fyrir henni ef við stoppum of lengi.
Svona er þetta, en ef hún hringir þá er mín í stuði og það kjaftar á
henni hver tuska.
Takk elsku mamma mín fyrir allt sem þú kenndir mér og gafst mér
í veganesti út í lífið.

Góða nótt kæru vinir.

Sterkar hugleiðingar.

Sporðdreki: Það er svo sem gott og blessað að æfa skrokkinn
og reyna að halda honum í sem bestu formi. Dragðu djúpt
andann og veltu því fyrir þér, hvaða breytingar þú vilt gera.

Yes Yes!!! Auðveldara getur það ekki verið, bara að draga
djúpt andann og velta því fyrir sér hvað maður vill gera.

Ekki lengi að því:,, Koma landinu á réttan kjöl, allir hafi
atvinnu, komið því þannig fyrir að sem fæstir þurfi aðstoð,
ekkert einelti sé í gangi í þjóðfélaginu, allir séu jafnir,
sem sagt engin stéttarskipting."

Mundi vilja að allir myndu það að það er ekki sjálfgefið
að eiga peninga og að allir mundu fara vel með.

Mér er hugsað til Gámafólksins,
það á ekki að þurfa að vera þannig hér á landi.

Nú veit ég vel að mér verður ekki að ósk minni því spáin
á bara við mig, þess vegna segi ég.

það verður að kippa fjármálum Samhjálpar í lag og ég skal
ekki trúa því fyrr en á reynir að það verði ekki gert og það
helst í gær.

52% styðja ríkisstjórnina, ekkert einkennilegt við það, flestir
vilja gefa henni tækifæri, humm bíðum og sjáum til.

Eitt sem ég urlast hreinlega yfir það eru uppsagnir þúsunda
manna og þetta fólk þarf að ganga í gegnum andstyggðar ástand
áður en það getur farið á bætur, ekki nenni ég að telja það upp hér
hvaða afleyðingar þetta allt hefur á líf  fólks, það vita það allir.
Ráðamenn þessara þjóðar sem eru á traustum grunni fjárhagslega,
sem sagt er alla veganna skulu fjandast til að setja vinnu í gang
landið um kring, vegavinnu brúarvinnu og bara allt það sem tilbúið er
í útboð því það er margt, bara fátt eitt  talið upp hér.

Má til með að nefna Obama hann er flottur, viðurkennir mistök
og lofar að þetta komi ekki fyrir aftur.
Það mættu allir taka sér þessi orð til fyrirmyndar.

Hætt þessu tuði í bili, það er hvort sem er engin sem á að hlusta
sem hlustar, enda er ég að þessu til að létta á sjálfri mér.
Eigið góðan dag í dag.

Fyrir svefninn.

Það væri nú hægt að lesa margt fram til að tala um,
en hjó eftir því að það hnykkir í stoðum.
Framsókn ætlar ekki að styðja við það ef afturkallað
verður veiðileyfið á hvalinn blessaðan, þeir kannski sækja
sér einhver atkvæði út á það hver veit?

Kolbrún Umhverfisráðherra strax komin upp á kannt við
Össur, segist ráða því hvort komi Álver komi á bakka eða
ekki, en forsætisráðherra segir Össur lesa rétt í þessi
mál.
Ætla bara rétt að segja að það er komin tími til að standa
við eitthvað af því sem getur skapað okkur vinnu.

Var nú að hugsa um hvaða atvinnuuppbyggingu Kolbrún
hefur í huga til handa Norðurþing.
Hún segir það eigi verða orkufrekur iðnaður, ef hún byrjar
að tala um Ferðamanna-iðnað þá held ég að allir gargi.
Það er verið að vinna hann upp og hann skapar ekki vinnu
á vetratíma.

Landslagið í dag er nú þannig að mínu mati að nauðsynlegt
er að sinna bara því sem kemur öllum til góða,en ekki að vera
að rífast  út af málunum.
Nú á að fara að setja næstum allt í gang í brúar og gatnagerðum
og þá í guðana bænum gerið jafnt fyrir alla landshluta.

Góða nótt kæru vinir.

Glannaskapur.

Ekki hefur ísinn verið þykkur finnst hann brast þarna megin
við tjörnina.
En hvaða fíflagangur er þetta eiginlega var ekki hægt að
kanna ísinn því það er ekki búið að vera það mikið frost
að hægt væri að treysta ísnum, hver átti að bera ábyrgð
á að allt væri í lagi?
Vonandi veikjast ekki hestarnir.

Ís brotnaði undan hestum

Háalvarlegt mál.

Að sjálfsögðu fara allir að leita er svona tilkynning berst.
Það er háalvarlegt mál ef einhverjir vanhugsandi bjánar
eru að leika sér, geta þetta hafa verið skemmti-blys?
Já að öllum líkindum, allavega vonum við að engin hafi
verið í vanda.

Það hefur ekki verið neinn kajakræðari á ferð, bara spyr,
en kannski eru engir kajakar í Hvammsfirði.

Svo er annað, þetta geta hafa verið geimskip, gervitungl,
njósnaskip þá önnur en geimskip og hvað annað sem
fyrirfinnst á himninum.

Ég var nú eitthvað að tala um stjörnur um daginn við
barnabörnin mín, þær eru að verða 19 ára, þá sögðu þær:
,, Amma ert þú að meina gervitungl?, nei ég er að meina
stjörnur, amma, við erum oft að skoða himininn og stjörnur
er nú oftast ekki hægt að skoða fyrir gervitunglum þau
gefa frá sér svo mikla birtu að þau skyggja á stjörnurnar."
Já þetta var ég ekki að skilja, en þá vissi ég eigi hvað
voru mörg gerfitungt á lofti og man það heldur ekki núna.

En ég hallast að því að þetta hafi verið geimskip.
Bara mín skoðun.

Eigið góðan dag í dag.
Milla

Leitað í Hvammsfirði í nótt

Fyrir svefninn.

Mundi allt í einu eftir ferðasögu nokkri er ég las komment
hjá vinkonu minni hér áðan.
Það þurfti samt ekki að hjálpa mér sagan er á þessa leið.

Mamma mín var afar veik og var mér tjáð að líklega mundi hún
eigi lifa helgina af. Þar sem ég átti heima á Ísafirði þá var um
tvennt að velja, fara á bílnum suður eða fljúga.
Gísli gat ekki komið með mér svo ég hringdi í Dóru mína sem
þá bjó á Ísafirði, hún var til í að koma með mér í bílnum.
Við lögðum af stað í bítið morguninn eftir í fallegu veðri,og
horfur góðar mig minnir að þetta hafi verið í apríl.
Snjórinn lék sér í sólinni í fjöllunum og stoppuðum við oft til að
teiga úr okkur og fá okkur að borða.

Nú ég lagði á Steingrímsfjarðarheiðina á fullu gasi, en svo var
eitthvað að fyrir framan mig og við ókum inn í snjódrífu sá
lítinn bíl stopp taldi hann vera í vandræðum og ætlaði að stoppa
fyrir framan hann, en nei nei hann var bara stopp vegna
sendiferðabíls sem var stopp á miðjum veginum aðeins ofar.
Ekki vorum við komin upp á hæsta punkt á heiðinni, en svona
næstum.
Ég stoppaði jeppann og lét hann ganga, þarna var komin svo
mikil hríð að maður sá ekki út úr augum hvað þá að maður gæti
snúið við til að bíða aðeins neðar.

Það er bankað í rúðuna hjá mér, maður spyr hvort ég eigi skóreim
eða mjótt band, það átti ég ekki var bara á mínum klossum,
spurði samt manninn hvað hann ætlaði að gera við skóreim?
jú hann ætlaði að reyna að opna bílinn með henni hann nefnilega
læsti sig út úr bílnum.

Ég konan missti hökuna í undrun fyrst að læsa sig út úr bílnum og
svo að halda að skóreim gæti losað upp læsinguna, fyrir utan það að
maðurinn átti aldrei að stoppa á miðjum veginum, átti að aka til hliðar.

Eftir langa mæðu kom vegagerðin ýtti sendibílnum út af veginum
svo við kæmust leiðar okkar.
Hefði kona lent í þessu þá vitum við alveg hvað hefði verið sagt.

Er til Hólmavíkur kom fengu allir sér að borða og smáhvíld eftir þetta.
Annar þurrkumótorinn hjá mér var farinn og það var ekki hægt að laga
það á Hólmavík, en sem betur fór var það farþega-megin.
Við hittum svo Millu mína á Brú hún ætlaði einnig að kveðja ömmu sína
svo alvarlegt var þetta talið.

Við komum inn á boggann um 9 leitið um kvöldið þá var ég margbúin
að hringja og fylgjast með.
Mamma var ósköp slöpp er við komum, en hresstist öll við og spjallaði
heilmikið við okkur.Daginn eftir er við komum var mín komin í föt og
fór með okkur fram á setustofu, læknirinn kom þangað sem við Dóra
þekktum frá Ísafirði og spurði þá mamma hvort hún gæti ekki bara farið
heim? nei það var nú ekki leyft fyrst þurfti ýmislegt að stilla af.
Það var nefnilega svoleiðis að hún einhvera-hluta vegna var að taka 34
pillur á dag, allt vegna athugunarleysis læknanna.
það var hægt að minka töflurnar um helming til að byrja með og mín
fór að borða og bað endalaust um roost beef samlokur.

þetta gerðist árið 2003 og mamma mín er ennþá lifandi.

Góða nótt kæru vinir.

Alvel frábært og bráðnauðsynlegt.

Kristján Sturluson , framkvæmdastjóri Rauða kross Íslands.

//

Rauði krossinn opnar miðstöð fyrir fólk í erfiðleikum.

Miðstöð, þar sem aðstoð verður veitt í samræmi við neyðarvarnaskipulag Rauða krossins, verður sett á laggirnar á næstu vikum af Rauða krossinum  á Íslandi til að bregðast við þörf sem hefur skapast í samfélaginu í kjölfar efnahagsástandsins.

Boðið verður upp á sálrænan stuðning, ráðgjöf og námskeið til að takast á við breyttar aðstæður fólks í landinu. Þetta var ákveðið á stjórnarfundi Rauða krossins í gærkvöldi.

Rauði krossinn flýtti einnig árlegum formannafundi sínum um tvo mánuði til að sameina viðbrögð allra 50 deilda félagsins vegna efnahagsástandsins. Á fundinum sem lauk fyrir stundu var samþykkt eftirfarandi yfirlýsing:

„Yfir samfélaginu hvílir skuggi alvarlegustu efnahagskreppu sem þjóðin hefur staðið frammi fyrir um áratugaskeið eða í meira en hálfa öld . Afleiðingar hennar eru ekki með öllu fyrirséðar en þó er ljóst að fjöldi einstaklinga og fjölskyldna standa á tímamótum, horfa fram á atvinnumissi og erfiðleika. Þörfin fyrir framlag Rauða kross Íslands hefur sjaldan verið meiri

Það er rétt og þykir mér frábært að lesa hvað þeir ætli
að gera fyrir fólkið okkar sem býr við neyð og það eru margir
og þeim á eftir að fjölga.

 Rauði krossinn er viðbragðsaðili í neyð og hefur byggt upp kerfi þar að lútandi, veitt fjöldahjálp og sálrænan stuðning. Félagið mun við þessar aðstæður stíga fram og veita fólki aðstoð til að takast á við breyttar aðstæður í samfélaginu.

Ætla ég bara að vona að allir þeir sem þurfa á þessari
hjálp að halda, nýti sér hana og telji sér ekki trú um
að það sé skömm að þiggja hjálp.
Ég hef nefnilega heyrt það hjá fólki og einnig heyrt fólk tala
neikvætt um þá sem þiggja hjálp svoleiðis hugsunarháttur
er til skammar.
Fólk veit aldrei hvenær kemur að því.

Mikilvægi þeirrar starfsemi sem nú þegar er sinnt í deildum félagsins á eftir að aukast verulega á næstunni. Starfið er víðfeðmt og fjölbreytt og nær nú þegar til margra hópa sem standa höllum fæti. Sjálfboðaliðar Rauða krossins búa yfir mikilli reynslu sem mikilvægt er að nýta til hins ítrasta við núverandi aðstæður. Deildir félagsins um allt land eru tilbúnar til samstarfs við stjórnvöld og félagasamtök í þessu sambandi og hefur fjórðungur deildanna þegar hafið slíka samvinnu," að því er segir í tilkynningu

Takk fyrir Rauða krossinn og þá sem vinna þar.

Eigið góðan dag og verið bjartsýn.

Miðstöð fyrir fólk í erfiðleikum

Bara auðvelt!

Bíræfnir og svífast einskis, hlýtur að vera auðvelt að taka
Hraðbanka.
Þetta er nú ekki í fyrsta sinn.
En væri ekki snjallt að tengja þá við Seqúritas?

Grunaðir hraðbankaþjófar handteknir

Fyrir svefninn.

Spennufall eða hvað á maður að kalla það, þó ég hafi
ekki þóst fylgjast með því sem var að gerast í landi voru
eða ekki svo mikið, þá er ég bara alveg tóm núna, af hverju?
Auðvitað fylgist ég með og hafði skoðanir á öllum málum.
Hvort þær voru viturlegar eða ekki þá sakna ég þeirra því
nú þarf ég að skipta um gír ef þið skiljið hvað ég meina?

Jæja skítt með það maður er nú ekki svo lengi að koma sér
í annan gír, eða hvað?
Nú gef ég  þessari ríkisstjórn tækifæri, en ég mun að sjálfsögðu
fylgjast með, ekki það að ég hafi eitthvað að segja, nei nei,
en þið vitið að ekkert má koma manni á óvart þegar maður
tekur ákvörðun um að treysta.
Kannski er ég að taka ranga ákvörðun, bara veit það ekki strax.

              **********************************

Þorravísur

Mörgum reynist þráin þung
að þorrans njóta kosta.
Sæðisfullan súran pung
sjúga menn af losta.

Bringukolla á borðið set
brosir þá minn kviður.
Reykt og saltað rolluket
rennur þangað niður.

                       þessi er eftir hana Ósk

Góða nótt kæru vinir vona að þið séuð
ekki eins tóm og ég er

 

Það verður að gefa tækifæri.

Er það ekki annars? Ég er bara ánægð með hana Jóhönnu
sem Forsætisráðherra þó ég sé ekki hrifin að þessari stjórn
er ég staðráðin í því að gefa þeim tækifæri, sko ég meina
tækifæri. Ráðherraskipan, hvað getur maður svo sem sagt,
það verður að koma í ljós hversu fólk er megnugt.
Óska Katrínu til hamingju með afmælið og menntamálin,
treysti henni bara vel fyrir þeim, af hverju, jú ég tel að hún
muni leita sér aðstoðar um það sem hún ekki veit, hún
ganar ekki að hlutunum.
Nenni ekki að telja upp meira núna, læt bara heyra í mér eftir
hendinni.

Svo er bara að treyst, vona og vera bjartsýnn því ef við erum
neikvæð þá gerist ekkert gott.

Gangi okkur öllum vel.

Slá skjaldborg um heimilin

Glæsileg að vanda.

Til hamingju Hera Björk glæsilegt, en ekki von á öðru frá þér
þú ert æðisleg söngkona og hefði ég viljað sjá þig komast
alla leið til Moskvu.
Kveðjur frá Húsavík.

Hera Björk í 2. sæti í Danmörku