Átti að vera komið fyrir mörgum árum.

Merkilegt núna rjúka allir upp til handa og fóta, vilja
breyta og bæta, þetta átti að gerast fyrir margt löngu.
Það átti fyrir löngu að vera búið að sinna þessu máli,
sem allir hafa hummað fram af sér, af hverju, jú vegna þess
að engin trúir, "hugsa", þetta lagast, þau hafa verið að rífast,
hún hefur ógnað honum og börnin pirrað hann, maturinn ekki
tilbúin, enda ætíð óætur, allt í drasli hjá kerlingunni, hún sjálf
drusluleg ljót og ógeðsleg, það vill hana engin.
Hún hefur ekki staðið sig nógu vel og þess vegna er í lagi að
berja hana til óbóta, nauðga henni, selja og mynda.

Komin tími til að skilja það að kona og börn eiga ætíð að njóta vafans.
Bara burt með karlskrímslið sama hvað hann segir,
Konan segir sjaldnast nokkuð því hún þorir því ekki.
Lögreglan verður að hafa það vald að fjarlægja skrímsli af heimilum.

Fyrir mörgum árum gerðist það, lögreglan var kölluð heim á heimili
vegna ofbeldis af hendi mannsins, er að var komið var maðurinn
farinn að róast, hann grét, sagðist bara ekkert skilja hvað hefði gerst
hann hafði aldrei gert svona lagað áður, hann elskaði konuna sína og
börn tók þau í fangið, lögreglan fór, konan sagði ekki neitt.

Ekki löngu seinna var hann nærri búin að drepa hana.
börnin orðin stórskemmd og konan nær sér aldrei alveg.

Svo heyrir maður hjá fólki, Æ aumingja maðurinn að lenda í þessu,
hann er nú svo góður maður, FJANDINN HAFI ÞAÐ. Hvar eru gæðin.

Kona og börn sem lenda svona út úr lífinu verða fyrir einelti, þau
eru sett niður á allan handa máta, henni er ekki hjálpað nóg
til að hún geti bjargað sér, börnin verða fyrir niðurlægingu í
skólanum, engin kann að hugsa rétt og hjálpa.

Ég veit að það eru undantekningar á öllum málum.

Vill taka það fram að ég er eigi að vanþakka það sem þingheimur
er að fara að gera, bara gerið það strax.

Vill nálgunarbann án dóms

Fyrir svefninn.

Árni Jónsson var lengi verslunarstjóri við Ásgeirsverslun
á Ísafirði.
Maður nokkur starfaði lengi við verslunina sem var bæði
þjófóttur og drykkfeldur, en Árni fyrirgaf honum,
af því að hann var duglegur starfsmaður.
Einu sinni, seint um kvöld, verður Árni var við, að náungi
þessi er að bisa við að velta brennivínstunnu heim til sín
frá versluninni.
Þá segir Árni:
,, Já annars!" ---Það var orðtak hans. --- Er þetta ekki
fullmikið --- í einu?"

                     Handverk-ur.

             Í hannyrðabúð fór ég heima
             nú handverkið skildi reyna.
             Ég keypti mér forláta klukkustreng þar
             af kappsemi byrjað nú var.

            Ég byrjaði blómin að sauma
            með bjartsýna fegurðardrauma.
            En mánuðum seinna af mér móðurinn rann
            svo mamma mín kláraði hann.

           Að prjóna er prýðileg iðja
           peysur á smávaxna niðja.
           En þá kemur æðandi grimmlynd og grá
           giktin í herðarnar þá.

           Að skera út skrautlega muni
           mun skapinu bjarga frá hruni.
           Með blæðandi fingur og bitlítil tól
           þar birkið í höndum mér kól.

Frá henni Ósk.
Ekki veit ég hvort hún er að yrkja um sjálfan sig,
en veit ég vel, að snillingur hún er við saumavélina
og eigi síðri við prjónaskapinn.

                                Góða nótt.

          

Hjálpi mér allir!!! Hugsar fólk ekki neitt?

Ef fólk hugsaði aðeins, ef það getur farið á Reykjalund grennst þar
með hjálp þeirra sem þar starfa, sem er yndislegt fólk í alla
staði getur það þá ekki bara haldið áfram er út kemur með hjálp
og stuðning frá þjálfurum og og öðru því fólki sem vill styðja við það.

Ég held nefnilega að þeir sem bíða eftir að komast á Reykjalund,
borði bara að vild á meðan það bíður, það hugsar, skiptir ekki máli
ég fæ hvort sem er hjálp bráðum.
Kolröng hugsun, það skiptir nefnilega máli og það höfum við fengið
að heyra frá þeim sem hafa byrjað farið síðan á Reykjalund og endað
með því að fara aldrei í aðgerð.

Og það þýðir ekkert fyrir neinn að segja, að ég geti svo sem blaðrað út
í loftið vitandi bara ekki neitt um það hvernig þeim líður.
Það skjáflast ykkur, ég veit allt um þetta viðkvæma mál,
veit allt um feluleikinn, afneitunina, matarsýkina og bara nefnið það.

Fór nefnilega í garnastyttingu 1974 þá 130 kg. var sjúklingur í 6 ár,
léttist um 65 kg. á einu ári, var stöðugt í vítamínssprautum og
ætíð veik, leit út eins og gangandi grámygluleg afturganga.
Árin eftir styttinguna voru víti, miðað við árin áður,
Þá var nú ekki verið að hjálpa fólki með innlögnum a Reykjalund eða
einhverju öðru sem gæti komið að gagni.
Fyrirgefið mér en ég er bara öskureið, það þarf engin að fara í aðgerð,
aðgerð sem fólk heldur að bjargi öllu.
Það er til fólk sem er veikt og þarf á aðgerð að halda, en allflest
okkar tilheyra ekki þeim hópi.

Ég fór til læknis í dag, er nefnilega búin að þyngjast um 40 kg. á 5 árum,
bað um stuðning, fæ hann, en það þíðir ekkert að væla og skæla
ég vill ekki fá megrunarpillur ekki fara í aðgerð og þá verð ég að nota
viljastyrkinn og almenna skynsemi.
Viljastyrkur og stuðningur er allt sem við þurfum, ekki þýðir að fara í
sjálfsvorkunnar-ástandið það er nú til að drepa mann alveg niður.

Hver vill borða til að drepast?
Hver vill fara í hjólastólinn vegna ofáts?
Hver vill eigi geta hreyft sig vegna ofáts?
Hver vill ekki getað bara neitt vegna ofáts?

Allt sem þarf er viljastyrkur og stuðningur.
Knús og kærleik til ykkar allra.

Metaðsókn í offitumeðferð

Fyrir svefninn

Eins og við vitum, ef við hugsum um það, þá er það sorg,
sem fylgir okkur frá fyrstu minnum.
þegar við erum lítil er það sorg ef einhver er vondur við mann
ef krakkarnir skemileggja fyrir manni í sandkassanum eða
ausa yfir mann sandi, svo augun fyllast, maður nuddar og nuddar
og fer svo að gráta.
Einu sinni fór pabbi minn á Landakot að gefa blóð, ég var 4 ára.
Þeir tóku of mikið blóð svo hann varð að liggja inni smátíma,
ég fann fyrir sorg. Merkilegt, er maður er barn þá er maður fljótur
að setja svona atvik í geymsluhólfið.

Allt mögulegt gerist í okkar uppvexti sem orsakar sorg, en sem betur
fer þurfum við flestöll ekki að glíma við hana lengi.
Ekki þurfti ég þess allavega, eða þannig.

Seinna meir þurfti ég þess.
það skapast ekki bara sorg við andlát einhvers, heldur líka við
skilnað alveg sama þó þú viljir skilja við manninn,
þá eru það ættingjar sem maður skilur við líka eða þeir við mann, 
maður missir mörg ár úr lífi sínu, nema maður á náttúrlega
börnin sín eftir.
Maður er mörg ár að vinna úr þeirri meinsemd sem maður lét
yfir sig ganga og á meðan er sorgin mikil.
Aðallega hjá mér fyrir að hafa látið þetta ganga yfir börnin mín.
En svo lokaði ég á meinsemdina að ég hélt að þau vissu eiginlega
ekkert um þetta sem gekk á.

Hafið þið orðið vör við að þegar maður lendir í sorg, ertu bara einn,
því það skilur þig engin í raun og veru, allir finna til með þér en
vita í raun ekkert hvað er verið að tala um.
Vilja bara vera góðir, og er það þakkarvert.

Þegar einhver nákomin manni deyr, þá eru send blóm,
fólk sýnir samúð sína, en hver er eftirfylgnin, " Engin".

Á sama tíma og ég skildi þá, 
missti ég mína bestu vinkonu, fyrir mörgum árum síðan,
var búin að vera með henni í hennar dauðastríði í marga
mánuði, ásamt systrum hennar, dætrum, vinum og þeim
sem í heimsókn komu, við reyndum að hafa hana eigi eina.
Það var engin sem spurði mig hvernig mér leið er hún dó
fyrir utan ein vinkona mín sem vann á Sjúkrahúsinu í Kef.
og dætur mínar.
Í hittifyrra fór ég í heimsókn til systur hennar í Sandgerði,
þá komst ég að því að sú mæta vina mín var ekki búin að
sætta sig við þetta og barðist enn þá við sorgina eins og ég
við bara föðmuðumst og táruðumst svolítið.
Síðan fer ég eigi suður öðruvísi en að fara í Sandgerði
því þau Elli og Valgerður og þeirra fólk eru sannir vinir,
hafa ætíð verið og munu ávallt vera.
Maður er stundum svolítið lengi að átta sig á því hvað maður
á eftir svona átök.
Takk fyrir mig kæru vinir.
                                             Góða nótt.

Nálgunarbann, er það upp á punt á Íslandi?

Hér vaknar maður upp eftir 8 daga veikindi og kíkir aðeins
í blöðin og viti menn það liggur við að maður leggist aftur
vegna reiði, já reiði út í allt og allt.

Nálgunarbann eigi framlengt.
Halda dómarar þessa lands að menn lagist á 6 mánuðum?
Nei ekki aldeilis, þeir munu aldrei gefast upp á því að koma
höggi á þann sem þeir hafa haft til að lemja í mörg ár,
og ekki bara lemja heldur líka nauðga, selja inn á, mynda
niðurlægingin er algjör, konan varnalaus, sjálfsmatið ekkert,
og hún þorir ekkert að gera nema ganga með veggjum eins
og hrædd lítil kisa. Hún mun aldrei ná sér.

Þarna eru skrímsli á ferð, annaðhvort minnimáttar eða
mannvonskuskrímsli, allavega skrímsli.
Mundi eitthvert yfirvald vilja að dætur þeirra lentu í klóm
svona skrímslis? Það held ég ekki.
Fjandinn farið nú, að taka á þessum málum eins og vera ber.
                 ****************************
Svo langt sem sagan nær hafa verið stríð, allar götur hafa
þau verið um völd, tel ég eigi að greind manna sé eitthvað lakari
hjá einni þjóð en annarri svo valdagirni hlýtur að gera menn að
morðingjum, því morð eru það er þú sprengir bara á eitthvað
án þess að vita hvað er fyrir.
Þeim er líka alveg sama.
Og nú eru það Georgíumenn sem eru dritaðir niður, saklaust fólk.
               ********************************
Enn gleðin í dag er að strákarnir okkar unnu Rússana og það er
stórkostlegt fyrir þá að upplifa þessa tilfinningu,
Sendi þeim hamingju og baráttukveðjur.
               ********************************

Kæru bloggvinir sendi ykkur líka hjartans þakklæti fyrir hlý orð
í minn garð og verð vonandi í fullu fjöri hér eftir.
Knús til ykkar allra.
Milla.

Skiptar skoðanir eru um nálgunarbann í núverandi mynd

Snúður og Snældur frh.

Jæja eins og ég sagði í gær taldi ég þetta nú vera að koma,
en, "NEI" í alla nótt var ég að  hélt að ég yrði nú bara
eigi eldri, datt í hug er ég var búin að sofna aðeins á milli
7og 8.30. hvernig það væri gamla góða húsráðið,
soðið vatn, sykur, salt og pínu mjólk, fékk mér með þessu
þurrt ristað brauð, og viti menn hélt því alveg niðri.
Læknirinn hringdi með útkomu úr blóðrannsókninni,
Þar var allt í sómanum og hann sagði mér bara að fara vel með mig
þetta mundi koma í dag vona ég svo sannarlega að ég fái frið í nótt.
En ég hef aldrei vitað annan eins slappleika, maður dregst hér um
gólfin eins og hægfara þvara.
Má til að segi ykkur: ,, Það kom lítið ljós í dag, við kúrðum saman í
sófanum í stofunni vorum að horfa á setningu ólimpíuleikana,
hún fer að tala um að ég sé lasin, elskan litla, en segir svo,
en amma þú getur alveg talað", já ljósið mitt amma getur talað
það væri ekki gott ef ég gæti það ekki, nei sagði hún:
,, Við þurfum nefnilega að tala svo mikið saman".
Og það er sko alveg rétt hjá henni, hún elskar að tala við okkur
mig og afa.
Englarnir mínir á Laugum komu líka í gær, fóru síðan í dag að
heimsækja vinkonur sínar og skólasystur, þær eig heima að Þverá í
Öxarfirði Svo það verður dýrðarhelgi hjá þeim.
Þið vitið ekki hvað kveðjurnar ykkar hafa glatt mig mikið og þakka
ég af öllu mínu hjarta fyrir þær. Elska ykkur öll.

               Ef þú gefur öðrum hrós
               ótal dæmi sanna
               þá er eins og lítið ljós
               lifni í augum manna.

Eitt yndislegt eftir hana Ósk.

Snúðar og snældur, ég er lifandi.

Jæja kæru bloggvinir,guys, er hér í raun að stelast í tölvuna,
grútmáttlaus og afar flökurt ennþá.
Þið vissuð nú byrjunina á þessum ósköpum sem ég taldi
nú að mundi ganga yfir  á sólarhring, en nei ekki aldeilis
það bara versnaði, hringdi í doktorinn í fyrradag og fékk að
sjálfsögðu útskýringar á þessum veirusýkingum sem koma
og fara, en mikið fjandi fara þær seint úr mér, jæja fékk stopp
við niðurganginum, en þá bara versnaði uppgangurinn, því
einhversstaðar þarf eitrið að komast út.
Svo fékk ég einhverja Bratt línu í matarræði, en það er
hrísgrjón, ristað brauð, bananar og epli þar fyrir utan átti
ég að drekka þessa líka ógeðs poveraide drykki.
síðan vildi doktorinn fá mig í gær, svona til að pota aðeins
í mallakút, allt reyndist vera eðlilegt miðað við átök,
en hann vildi fá mig í blóðrannsókn og fór ég í hana í morgunn.
Uss ég kem nú bara fín út úr henni.
Enn finnst ykkur ekki ósanngjarnt, ég með alla þessa bresti á
heilsunni og fer einu sinni á ári í eftirlit, vegna þess svo þarf ég
að fara til læknis út af upp og niður
Vona að ég geti kommentað hjá ykkur á morgun, en þið vitið
allavega að ég er að hressast.
Knús til ykkar allra.
Milla.

Fyrir svefninn.

Sr. Stefán Stephensen prestur á Mosfelli sat eitt sinn
sýslufund með Eiríki bónda í Miklaholti í Biskupstungum.
Eiríkur hafði sótt um styrk til að gera við bát, sem notaður
var við ferjuna á Böðmóðstöðum í Laugardal, því bátinn
taldi hann óbrúklegan vegna leka.
Sr. Stefán mótmælti þessu í ræðu og sagðist sjálfur nýlega
hafa verið ferjaður í bátnum og ekkert hafa vöknað.
Þá grípur Eiríkur fram í og segir:
>> Það má vel vera,
en það er nú annað með vandaða vöru.<<

                Náttsvartar rósir.

        Seg mér hví þú svo dapur ert
        Sem áður varst glaður o kátur.
        Allt finnst mér nú einskisvert
        er ekki ég heyri þinn hlátur,
        því sorgin ber náttsvartar rósir.
                   

        Í hjarta mínu vex rósaviður
        þar verður aldrei framar friður.
        Hver ein grein ber þyrnafjöld
        sem sálin stingur sérhvert kvöld,
        því sorgin ber náttsvartar rósir.
                                    Ernst Josep.

Góða nótt

Allt á fullu í eldhúsinu.

Dóra mín alltaf bissý í eldhúsinu, þarna er verið að baka pizzur
heima hjá Sollu og Fúsa, allir gerðu það sem þeim langaði í.
svo fór amma með börnin sín í sjoppuna að kaupa ís í gámum
og tilheyrandi sælgæti út í.

Myndablogg bara smá prufa.

Milla frænka tók þessar myndir af frænkunum sínum
í tilefni af 17 ára afmælinu þeirra, Milla er myndatöku snillingurinn í fjölskyldunni.




Þetta er ljósálfurinn mínn hún Viktoria Ósk að baða sig í
Eyvíkurfjörunni, það er svaka fjör.



Og þetta er litla ljósið hennar ömmu sinnar Aþena Marey
líka að baða sig.

Þetta er bara prufa hjá mér kann svo lítið að setja inn myndir
en það kemur.

Knús knús
Milla.

Klósettmál bara endalaust.

Hugsið þið ykkur ef fjandans klósettið hefði eigi farið að leka
þá hefði þetta trúlega aldrei komist upp og hann ekki dæmdur
til dauða, já til dauða! Er ég virkilega að lesa rétt?
Hann fær dauðadóm fyrir að þiggja mútur, eru mannréttindi
ekkert að lagast í Kína? Nei líklegast ekki.

Eigi er ég að mæla því bót að fólk þiggi mútur, en að dæma
mann til dauða fyrir það er forkastanlegt sér í lagi í ljósi
þess að ef hann hefði neitað að þiggja múturnar hefði
hann og hans fólk fengið bágt fyrir.

Það er eins gott að ekki er dauðarefsing lögleg á Íslandi.
Það væri þá búið að drepa marga, já bara síðan ég man eftir.

Klósettleki kom upp um spilltan embættismann

Fyrir svefninn.

Ég komst að því hér á sænskum dögum að margir ekki
vissu hver Gustaf Fröding var, ekki er það neitt undarlegt
víð getum ekki þekt öll skáld heimsins.
Gustaf Fröding var ljóðskáld, fæddist 1860 í Alster rétt fyrir utan
Karlstad í Vërmland, alla tíð var hann talinn geðbilaður og dvaldi
hann geðsjúkrahús löngum, en þegar hann var talinn geta farið
út af sjúkrahúsinu var honum fengin Hjúkrunarkona til fylgdar.
Hann dó að mig minnir 1940.

                Til Karen eftir dansinn.

       Úr fögrum rósum vil ég vinda
       þér, vinu minni, krans um hár,
       úr minningum þér blómsveig binda
       er blikni ei fram á gamalsár.

       Með eigin höndum ástgjöf mína
       ég ætla, kæra, að flétta þér,
       þitt gráa hár skal kransinn krýna
       er koldimm gröfin skýlir mér.

       Svo yndisleg og ung í dansi
       er ástin mín, en samt ei glöð,
       --svo þyrnar eru á þessum kransi
       og þrungin eitri hin grænu blöð.

       Ég dropa blóðs á bránni þinni
       sé blika und sveignum þér um hár,
       svo kemur illt af ástúð minni
       og undan mínum kransi sár

                              Gustaf Fröding.
   Góða nótt

Háþrýstiælupest og meira en það.

Hafið þið upplifað háþrýstiælupest? ekki ég aldrei áður.
Var eitthvað svo ólík sjálfri mér í gær, hafði ekki list á mat,
(þá er nú mikið að) píndi ofan í mig einni hrökkbrauð um
10 leitið í gærmorgun, síðar um daginn fékk ég mér speltbrauð.
Hélt að nú væri heilsan komin, en ekki aldeilis, um fimm leitið
fór ég upp í rúm alveg að drepast í maga og uppverkjum.

Við vorum boðin í mat til Millu og Ingimars, ég sagði englinum
mínum bara að fara, en hann ætlaði ekki að fara frá sinni kerlu,
en ég sagði bara bless, með þeim tón sem mér er einni lagið.
Hann fór. Ætla ekkert að lýsa, sko hafið þið setið á WC og
háþrýsti smúlað smá bittu fyrir framan ykkur, nei hélt ekki.
um fimm í nótt var farið að róast og ég svaf til kl.8.
Sit hér núna alsæl búin að fá mér morgunmat, fara í sturtu
engillinn er að þvo koddann minn og græja svefnherbergið.
Ég finn sko allstaðar ónota angann.
Knús til ykkar allra inn í góðan dag.

Svona gerist undir áhrifum áfengis.

http://vibba.blog.is/blog/vibba/entry/604846/#comments

Færslan hjá henni Vilborgu er verð þess að lesa hana
Biðla til allra að lesa hana.

Mikil sorg í þessu máli.

Innlent | 24 stundir | 2.8.2008 | 07:30

Röng greining:
Ungt barn lést í sjúkrabíl
í þriðju ferð til læknis.

Eftir Ásu Baldursdóttur asab@24stundir.

Barn lést eftir að botnlangi þess sprakk en þá höfðu foreldrar þess
farið með það tvívegis til læknis en í bæði skiptin voru þau send heim.
Þegar barninu hrakaði kom nágranni fólksins að sem er sjúkraliði og
hringdi á sjúkrabíl. Barnið dó á leið á sjúkrahúsið en banamein þess
var blóðeitrun vegna sprungins botnlanga. Atvikið átti sér stað í
síðastliðnum mánuði.

Það er sorglegt að svona geti gerst árið 2008.

Ég sendi foreldrum og öðrum fjölskyldumeðlimum innilegar
samúðarkveðjur Guð blessi ykkur öll.

Óhaggaður stuðningur við álver á Bakka.

„Þetta mun ekki breyta þeirri staðreynd að stuðningur ríkisstjórnarinn
við þessa framkvæmd er óhaggaður,“ segir Össur Skarphéðinsson
iðnaðarráðherra um þann úrskurð Þórunnar Sveinbjarnardóttur
umhverfisráðherra að þær fjórar framkvæmdir sem tengjast byggingu
álvers á Bakka við Húsavík fari í heildstætt umhverfismat.
„Þetta mun ekki seinka því að stóriðja rísi á Bakka um einn einasta dag."

Merkilegt að allir ráðamenn eru afar undrandi yfir vinnubrögðum
Umhverfisráðherra, sem ég er svo sem ekkert hissa á, ekki vegna þess
að þær séu ólöglegar, heldur vegna þess að þær eru siðlausar, með
tilliti til þess að ekki var gert slíkt hið sama í Helguvík.

Það er eins gott að Össur standi við þau orð sem rituð eruð hér að ofan
ritað með rauðu letri.

Það er einnig gott ef að sjálfstæðismenn mundu standa við sýn orð,
merkilegt hvað þeir eru undrandi allir upp til hópa blessaðir öðlingarnir
sem aldrei kannast við neitt.
                                                      Góðar stundir.

Óhaggaður stuðningur við álver á Bakka

Fyrir svefninn.

                           Hreiðrið mitt.

          Þér frjálst er að sjá hve ég bólið mitt bjó
          ef börnin mín smáu þú lætur í ró,
          þú manst að þau eiga sér móður
          og ef að þau lifa, þau syngja þér söng
          um sumarið blíða og vorkvöldin löng
          þú gerir það, vinur minn góður.

                                      Þorsteinn Erlingsson.

Kæru vinir ég er búin að vera svolítið þreytt í dag, á ekki
gott með að þola hitann, þannig að ég hef verið löt hér á
blogginu, ekki komentað sem skildi, vona að mér sé fyrirgefið það.

                         Hægt að segja við óvin.

                  Ég veit umbók með fullt af fólki
                  sem er vitrara en þú.
                           "Hvaða?"
                  --Símaskránna.

                        Börn allsnægtanna.

                Við eigum að skammast okkar
                með allt til alls
                alla vegi færa
                allt lífið framundan.

                Við hefðum átt að alast upp
                fyrir dúk og disk
                þegar fólk hafði hvorki
                til hnífs eða skeiðar

Höfundur ónefndur.
                                       Góða nótt.

Strengjabrúður, já hljóta að vera það.

Strengjabrúðurnar í þessu máli, já hvað eru þær margar,
og hverjar eru þær.
Við vitum nú um Þórunni Sveinbjarnardóttur. Hún segir:

,,Undirbúningur vegna álvers á Bakka var skemmra á veg kominn
en vegna álvers í Helguvík, og er það helsta ástæða þess að nú
var tekin ákvörðun um að álver á Bakka fari í heildstætt umhverfismat,
en slíka ákvörðun var ekki unnt að taka vegna álversins í Helguvík".

Sérkennilega til orða tekið, ekki unnt að taka slíka ákvörðun um álverið
í Helguvík, hefði sem sagt verið gert ef unnt hefði verið.
Það er eins og það sé verið að leita eftir einhverju til að takast á við
svo ég taki nú ekki stærri orð mér í munn.

Ekki var talið að það myndi standast meðalhófsreglu að ógilda úrskurð
vegna Helguvíkur, en nú var ekki litið svo á að gengið væri gegn þeirri
reglu, sagði Þórunn.

Hafið þið heyrt meira rugl um ævina, að sjálfsögðu á ekki að ógilda
úrskurð vegna Helguvíkur. Óska bara þeim vinum mínum á
Suðurnesjum alls hins besta.
Enn það átti eigi að fara í þetta mat hér norðan heiða, mismunun
á landshlutum er til skammar fyrir strengjabrúður þessa máls.

Ég tala um strengjabrúður vegna þess að augljóst er að einhverjir
vilja alltaf allt, fyrst og fremst fyrir sunnan, og hverjir stjórna
strengjabrúðunum? Skildi nokkur geta svarað því? 
 
Hvernig er það með þetta fólk sem kosið var á þing af okkur hér
í þessu stóra og mikilvæga kjördæmi, eru þeir bara upp á punt
á þingi?
Á tæru er, að eigi verður hlaðið undir þá aftur.

Undirbúningur skemmra kominn

Fyrir svefninn.

                     Hafið.

               Hafið er blátt
               um hljóðar nætur.
               Djúpið blundar
               við bergsins rætur.
               Kyrrt sem örlög,
               en aldrei breytast.
               Blátt sem augun,
               er ann ég heitast.

              Það er svo margt,
              sem marinn dylur.
              Hver vík er breið,
              sem vini skilur.
              Köld er hjartanu
              heimaströndin,
              sem annarsstaðar
              á óskalöndin.--

              Hafið er blátt
              um hljóðar nætur.
              --Í lágnættiskyrrðinni
              ljósið grætur--
              En allri gæfu
              þeir aldrei týna,
              sem gefa djúpunum
              drauma sína.

Þetta yndislega fallega ljóð er eftir
                     Magnús Ásgeirsson.

                                  Góða nótt
             

Alveg er maður kjaftstopp.

Hver fjandinn er að þessu dómskerfi?
Hvaða rök eru fyrir þessum væga dómi? þætti gaman að heyra þau.
Þessi maður sem engin virðist mega vita hver er, en allir landsmenn
vita samt hver er, dæmdur í 4 ára fangelsi, eftir að vera búin að
eyðileggja með kynferðislegu og andlegu ofbeldi líf 7 stúlkna.

Lögum samkvæmt er hægt að dæma menn í allt að 16 ára fangelsi
fyrir svona glæp, en dómurum þessa lands hlýtur að finnast
glæpir þessa manns léttvægir finnst þeir dæma manninn bara í
fangelsi í fjögur ár.

Miskabætur, það getur verið að einhverjum finnist þær nægar,
en ekki mér.

Ég spyr enn og aftur af hverju má ekki birta mynd og nafn mannsins
í öllum blöðum þessa lands.

Það skal engin halda að þessi maður láti af sinni iðju,
barnaníðingar hætta aldrei ófreskju hvatir þeirra eru of sterkar.
Siðleysi er ólæknandi.

4 ára fangelsi fyrir kynferðisbrot