Vonandi á fólkið góða að.

Yndislegt að ekki fór ver að þessu sinni, en klukkan
var aðeins 5.30 svo þetta hefði getað endað með skelfingu.
það er ekki gott, með hverju þessi gömlu hús eru einangruð
og afar illviðráðanlegt oft á tíðum.

Eldur í húsi í Reykjanesbæ

En hvað mörg börn?

Já það væri nú í lagi ef bara væri um fullorðna að ræða,
því þeir ráða sér sjálfir og taka ábyrgð á sínum gjörðum.

En blessuð börnin, hvers eiga þau að gjalda?
Varð vitni að því, bara hér rétt um daginn, að faðir nokkur
sagði við mjög ungan son sinn: ,,Villtu spila",
já já sagði drengurinn: ,, hann rétt náði upp í kassann",
eigum við að spila fyrir fimm hundruð kall?
drengurinn byrjaði að spila, ég frekjan gat ekki stillt mig, spurði:
,, Er þetta barnakassi?" Maðurinn, ha nei nei. Ég, nei ég hélt það
mér sýndust vera konfektmolar á skjánum, en ég kann nú ekkert
á þetta. Maðurinn horfði í forundran á mig, örugglega hugsað,
hvaða kerlingarherfa er þetta nú eiginlega.
Maðurinn spilaði ekki meir að mér ásjáandi.

Er þetta ekki að ala börnin sín upp í því að þetta sé í lagi?
Á ekki að vera bannað að börn spili, þótt þau séu í fylgd
foreldra?
Fyrirgefið afskiptasemina, en get ekki látið liggja, verð að
minnast á þetta mál..

67% landsmanna spiluðu peningaspil á síðasta ári

Fyrir svefninn.

kæru bloggvinir og aðrir þeir sem inn hér líta,
hef verið frekar slöpp í dag, eitthvað sækir á þannig
að ég hef verið frekar slök við tölvuna, en lofa að bæta
úr því og þið vitið alveg hvað mér finnst um ykkur þó ég
hafi verið slök við komenntin.guys.
En hér kemur smá .

Ágúst H, Bjarnason prófessor, hafði skrifað sálarfræði,
og var einn kaflinn um alheimsorkuna.
var stór spíralmynd í bókinni til skýringar.
,, hvernig brýst alheimsorkan fram?"
spurði hann einn lærisveininn.
,, Eins og ógurlegur tappatogari", svaraði pilturinn.

Strætisvagnstjóri sá mann í sæti sínu með vindil í munninum.
,, það er bannað að reykja hér", segir strætisvagnstjórinn.
,, Ég geri það heldur ekki", svarar maðurinn.
,, Þér eruð með vindil í munninum", segir vagnstjóri.
,, Ég er líka með skó á fótunum, en geng þó ekki",
svaraði maðurinn.

Eyjólfur Gíslason á hofstöðum orti þessa vísu um syni sína:

                      Einn er latur, annar þrár,
                      en sá þriðji kargur.
                      Fjórði af ólund fellir tár,
                      fimmti er mesti vargur.

                                     Góða nótt.

Góður maður yfirgefur þetta tilverustig.

Kristján Kristjánsson, tónlistamaður stjórnaði skemmtilegustu,
fáguðustu og bestu hljómsveit þeirra tíma sem ég var á
djamm árunum.
Hann var ævilega með bestu söngvara sem til voru,
og var þar á toppnum drottningin Ellý Vilhjálms.
mikið lifandis skelfing var alltaf gaman hjá manni í þá daga.

Ég sendi Erlu eftirlifandi konu hans og fjölskyldu
hjartanlegar samúðarkveðjur.
                 Guð veri með ykkur.

Andlát: Kristján Kristjánsson (KK) tónlistarmaður

Hitt og þetta, aðallega hittið.

Obama lýsir yfir sigri og Clinton óskar honum til hamingju,
Skrýtið einhvernvegin er ég ekki farin að sjá þennan mæta
mann sem forseta Bandaríkjana, en það kemur í ljós.
                              ------------
Hugleiðing um hvað Ehud Olmert sé að hvetja til.
hann varar við kjarnorkuáætlun Irans og telur að það þurfi að
stöðva hana með öllum ráðum.
Vill hann stríð eða hvað?
                              ------------

                        Þrýst er á Vilhjálm.

Svo er það Vilhjálmur fyrrverandi borgarstjóri og verðandi
ef hann lætur yfirlýsingu standa er gefin var út á sínum tíma
þegar þeir fóru í stjórnarsamband ,Ólafur sem ég veit eiginlega
ekki hvaða lista tilheyrir og X-D.
Skoðanakannanir sýna fram á að fólk vill Hönnu Birnu í stólinn,
þannig að Vilhjálmur þarf að taka ákvörðun og það sem fyrst.
Verður nú spennandi að vita hvað hann gerir þessi ljúflingur.
                             -------------

Lögreglan kölluð út vegna rifrildis fólks á heimili í Reykjavík,
í framhaldi af því var maðurinn handtekinn grunaður um
kynferðisbrot gegn barni.
Einn óhugnaðurinn í viðbót og örugglega ekki sá síðasti,
því miður.
                              -------------

Jæja kæru vinir það er svo sem ekkert að frétta, nema að
ég missti röddina í fyrradag, væri ekki gott ef bloggið væri
með hljóði, þá mundi ekkert heyrast í mér,
og væri það nú ekki gott fyrir mig,
eins og þið vitið verður maður að tjá sig um hluti og mál.
Fólkinu mínu hér finnst þetta afar fyndið, því er ég ætla að
tjá mig þá kannski brennur fyrir og ég get ekkert sagt,
og þá fæ ég framan í mig, amma mín þetta er allt í lagi
þú þarft ekkert að tala. Slappen sin eine, ég segi þetta svo oft,
Því hann Villi gamli á barnum í flugstöðinni, sagði þetta ævilega,
ef einhver kúnni stóð óþolinmóður við barin og hann að reykja,
Þá heyrðist í honum, slappen sín eine, eða,
Was ist loss, ist der eine hund loss? síðan stóð hann upp í
allri sinni dýrð og var eins og engill.
Öllum þótti vænt um þennan mann sem var búin að þjóna
landanum er til útlanda fóru, í áraraðir.
                          Eigið góðan dag kæru vinir.

Fyrir svefninn.

Jónas bóndi var besti karl, en afar blótsamur.
Guðríður, kona hans var aftur á móti trúuð og guðhrædd,
en talin skynheilög og blendin.
Prestur Jónasar fer einu sinni að vanda um við hann
og segir:
,, Mér finnst, Jónas minn, að þú ættir að hætta að blóta svona
og taka konuna þína þér til fyrirmyndar".
Þá segir Jónas:
,, Ja, það er nú svona, prestur góður, að ég bölva talsvert,
og hún Guðríður mín biðst talsvert fyrir,
en hvorugt okkar meinar neitt með því".

Bílstjóri hjá Steindóri og hótelstúlka í Valhöll voru einu sinni
á skemmtigöngu á Þingvöllum.
Bílstjórinn segir:
,,Hér hitti Gunnar Hallgerði fyrst".
Þá segir stúlkan:
,, Er hann bílstjóri hjá Steindóri þessi Gunnar?"

Gilsbakka-Jón orti þessa vísu um Egil, bróður sinn:

               Egill teygir tannagjá
               títt að legils munni.
               Brýtur eigi oddinn sá
               af tilhneigingunni.

                           Góða nótt.

Ekki viljum við hvítabirni á Íslandi.

Skagfirðingar fá einn til sýnis á byggðasafnið,
ekki dónalegt það.

Hvernig var það hér um árið, er Jón nokkur, skipstjóri
á skipinu Guðnýu frá Bolungarvík, skaut hvítabjörn að mig
minnir út af Ísafjarðardjúpi, átti ekki að kæra hann fyrir það?
Allavega skartar byggðasafnið í Bolungarvík þessum birni til
mikilla gleði fyrir þá sem safnið sækja.
 
Enn sem betur fer núna voru þeir í stöðugu sambandi við yfirvaldið
og var ákveðið að drepa dýrið.
Skiljanlega enda stórhættulegt mönnum og dýrum.
Þeir hljóta að hafa verið hræddir, ég hefði veri það.

Merkilegt að það skuli ekki vera til áætlun um hvað gera skuli
ef ísbjörn vogar sér á land á Fróni voru.

Það verður að vera næsta skref umhverfisráðherra að skipa nefnd
í málið. Auðvitað verður að kaupa deyfibyssur og deyfilyf,
endurnýja það svo með vissu millibili, því það rennur út,
hvítabirnir eru nú ekki árlegt brauð á voru landi,
svo þurfa að vera til svo til gerðir kassar til að flytja dýrið út aftur,
en ég veit ekki hvert.
Nefndin hlýtur að ákveða það.

Deyfilyf ekki til í landinu

Hræðilegt.

Hvað er að gerast? ef barnið hefur verið dáið er það var skilið eftir
af hverju var það þá ekki jarðað, er fjárhagur fólks svona dapur?
eða  ef það hefur verið borið út, hvað er þá að,
vill fólk ekki barnið sitt eða getur það ekki séð fyrir því,
það væri nú kannski hægt að gefa barnið til ættleiðingar.
Halló þetta er í  Danmörku, er ekki samfélagshjálp þar?
jú hefði haldið það og það góð, hvað er þá að?
Þessar elsku litlu sálir hvers eiga þær að gjalda.
Guð veri með þeim.

Lík af nýfæddu barni fannst í Horsens

Það er bara byrjað strax.

Er þetta nú ekki of mikið af því góða. Alveg er ég viss um að þetta
fer út í öfgar hjá foreldrum,
þau munu byrja of snemma að þjálfa þau í því að skríða
vegna þess að þau vilja að þeirra barn sé best.
Að mínu mati er það ekki gott fyrir barnið því börn eiga bara að
fá að þroskast eðlilega, ekki í einhverri keppni.

Skreið 5 metra á 11 sekúndum

Eru til sárari fréttir?

Nei það eru ekki til sárari fréttir en af börnum sem
hafa slasast, og að lenda í svona bruna er bara óhuggulegt.
Maður skilur stundum ekki, af hverju svona ungt barn og
eldri maður, afi drengsins.
Sendi ég litla drengnum og afa hans kærleik og ósk um góðan bata.
Einnig bið ég góðan guð að blessa þá og fjölskyldur þeirra.
Ég mun halda áfram að biðja fyrir þeim.

Litlu stúlkunni sem lenti í slysinu um daginn óska ég til hamingju með
að vera komin af gjörgæslu.
Sendi henni og hennar fólki góðar kveðjur.

Drengur enn sofandi í öndunarvél

Fyrir svefninn.

Einn skjálfti í viðbót, manni bregður, það er ekki skrítið.
Vonandi fer þetta að hætta og guð veri með öllum
þeim sem á þessu svæði eru.

Smá til að hlæja að.

Tveir skattþegnar voru að blaða í útsvarsskránni
og ofbauð þeim álögurnar.
,, Ég sé ekki annað en að við verðum að fara að betla",
mælti annar.
,, Hjá hverjum" sagði hinn.

Bjarni Benediktsson frétti, að Karlakór Reykjavíkur
ætlaði að syngja í Algier, og varð honum þá að orði:
,, Lokksins gátum við hefnt fyrir Tyrkjaránið".

Sr. Einar á Borg var frændi Garðars Gíslasonar kaupmanns,
og kallaði hann Þorbjörgu móður garðars fóstru sína.
Einu sinni skrifaði  sr. Einar Garðari og endaði bréfið
með þessari vísu:

                       Ef hún fóstra að því spurð,
                       hvort Einar drekki núna,
                       segðu að ég sé alveg þur
                       og elski bara frúna.

                                     Góða nótt.

Samvinnan mikilvæg.

Auðvitað eru allir tilbúnir og einhuga um að hjálpa til
þegar eitthvað gerist í okkar kæra landi.
það að verða fyrir svona áfalli er ekki gott fyrir sálarlíf
og tilvist fólks.
þannig að vonandi gengur allt vel fyrir sig og að engin þurfi
að standa í stappi við hvorki einn eða neinn til að koma sínu
lífi aftur á réttan kjöl.

Eitt er á hreinu að margir hlutir hafa glatast og orðið ónýtir í
þessum hamförum og örugglega margt sem fólk á erfitt með
að sætta sig við að missa, en takið eftir gott fólk að eftir
nokkur ár munið þið varla eftir þeim.
Ykkur finnst það kannski ótrúlegt í dag,
en munuð sjá kæru vinir að ég hef rétt fyrir mér.

Því að lifa í núinu og njóta þess í gleði sem maður á,
gefur manni allt sem maður þarf.

Allt sem maður þarfnast kemur til okkar.
Lifum í kærleikanum og trúum á hið góða.
           Eigið góðan dag.

Gríðarlegt verkefni framundan við að lagfæra hús og mannvirki

Fyrir svefninn.

Maður nokkur sem átti vakt um borð í skipinu Straumey,
sem var á síldveiðum á Grímseyjarsundi,
þetta var um nótt, gerðist lýrískur.

                  Ljúflega líður um hafið
                  lognaldan vöggumjúk,
                  og svolítill sólrauður hnoðri
                  sefuð á Illviðrahnjúk.

                  Áfjöllunum Köldukinnar
                  kvikandi leikur glóð,
                  og sunnan við þau er sýsla,
                  sem sumum finnst výsna góð.

                  Þar búa þingeyingar,
                  sem þæfðu best forðum tíð,
                  yfirleitt góðrar ættar,
                  einkum frá Reykjahlíð.

                  Grímsey í ljómanum liftist
                  líktog hún ætli á flakk.
                  Hann sér þar um sálnanna velferð,
                  hann séra Róbert Jack.

                  Svo langt sem augað eygir
                  er allt jafn spegiltært.
                  Í lúkarnum saklausra svefni
                  sofa strákarnir vært.

                  Hér afa djúpann dísir
                  djásn sín á borðið lagt.
                  Það er ekki amalegt núna
                  að eiga næturvakt.

Úr bókinni Sjór og menn eftir Jónas Árnason.

                                         Góða nótt.

Gamli góði keppnisandinn.

Þeir eru að fara á Ólympíuleikana í Kína.
Maður situr nú bara hérna og trúir því varla að þeir hafi
unnið Svíana.
Strákar þið voruð æðislegir, ég fór reyndar ekki að horfa fyrr
en klukkan fimm, en þá sá ég að þið munduð ekki gefast svo glatt upp.
Kátínan og það sem ég kalla gormasvipinn skein út úr andlitum ykkar.
Þið voruð frábærir, til hamingju strákar og takk fyrir mig.

Handboltaliðið fer á ÓL í Kína

Fyrirgefið strákar!

Myndin kemst ekki fyrir, en það sjá hana allir í mogganum.
Ég kann ekkert að minka myndir, verð að læra það.

Þær gáfu þeim leikinn, eða er það ekki annars?

Eru þeir virkilega að halda að þeir hafi unnið á því hvað þeir eru
fljótir? Mikill misskilningur strákar mínir,
Stelpurnar hafa bara gefið ykkur leikin
Enn annars til hamingju og auðvitað vakti þetta lukku.
                     

D listinn að hrynja í borginni.

Nei það gerist ekki það vitum við, þeir detta niður,
en eru eins og svampurinn,
koma ætíð upp aftur fer bara eftir stífleika svampsins
hvað þeir koma fljótt upp aftur, en þið sem notið svampa
kannist kannski við að sumir svampar koma bara ekki upp aftur
vegna misnotkunar og þá hendir maður þeim í ruslið,
ónýtir, PUNKTUR BASTA.
Enn það er útilokað, við getum ekki hent X-D, það er ekkert fútt
í því, enda yrðu næstu kosningar afar litlausar án þeirra.
Hvernig væri að prófa svona einu sinni að kjósa bara gott fólk
saman, óháð pólitík.

Fylgi D-lista aldrei minna

Til hamingju Hafnarfjörður.

Verð nú að minnast á þennan viðburð sem ég hefði gjarnan
viljað vera með í.
Þegar ég var lítil átti ég nefnilega langafa og stjúplangömmu
að Strandgötu 45 í Hafnarfirði, það er löngu búið að rífa það hús
skömm var að því verklagi, þetta hús átti að standa sem eitt af
gömlu húsunum í gamla bænum, en það er önnur saga.

Í þá daga var Hafnafjörður yndislegur, ekki að hann sé það ekki í dag,
en hann var bara yndislegri þá og það var ætíð svo gott að koma í fjörðinn
og hitta sitt fólk þar.
Því fyrir utan langafa bjuggu þarna systkini Þorgils afa með sínar fjölskyldur.
Takk fyrir mig Hafnafjörður.

Tónleikar á Víðistaðatúni

Fyrir Svefninn. Hjálparbeiðni

Kæru vinir við fórum af bæ í dag, þær eru hjá okkur
Ljósálfurinn og litla ljósið.
Dóra mín bauð okkur í mat að Laugum, en þar er þeirra heimili
eins og þið auðvitað vitið, því ég er ætíð að tala um alla englana mína.
Það var pizza, heimagerð að sjálfsögðu, með skinku, ananas og osti fyrir
snúllurnar, en fyrir okkur vel kridduð, pepparoní, piparosta með miklum
osti yfir og að vanda úðuðum við sterkri hvítlauksolíu yfir gómsætið.
Þegar leikurinn var búin, sko handbolltaleikurinn, var haldið heim
á leið og núna eru þær komnar systur saman í gestarúmið og eru að horfa
á saman tekt af Disney myndum.
Svo þekkið þið það mörg að í fyrramálið verður maður vakin og sagt
Amma eigum við ekki að koma fram, ég er svöng,
en það er nú í lagi því það er svo yndislegt að vakna með þeim.

Kæru vinir öll eigum við börn, barnabörn, maka og aðra að sem
ekki mundu vilja að neinu okkar vantaði eitthvað ef í raunum við eigum.
Svo ég bið ykkur öll styrkið hana Öldu mann hennar og telpur.
Við getum öll séð af þó það sé ekki nema smá: "allt hjálpar"

Laugardagskvöld 31/05 2008.

Sett hefur verið af stað söfnun vegna mikilla veikinda sem komið hafa upp hjá, Öldu Berglindi Þorvarðardóttur. Alda sem er borin og barnfæddur hornfirðingur, hefur nú greinst með illkynja sjúkdóm og framundan er strangur og erfiður tími hjá henni og fjölskyldu hennar.

Ljóst er að eiginmaður hennar Lárus Óskarsson verður frá vinnu á þessum erfiðu tímum.  Lárus og  Alda  eiga þrjár  litlar stelpur á aldrinum 2ja til 7ára. sem þurfa á hans umönnun að halda, og einnig okkar stuðnings í þessari baráttu.
Stofnaður hefur verið söfnunarreikningur handa þessari fjölskyldu í Sparisjóð Hornafjarðar.
Látum okkur málið varða og sýnum samhug í verki og leggjum  þeim lið!!
Margt smátt gerir eitt stórt.

Reikningsnúmerið er: 1147-05-401196 Kt: 260574-3379.

Velunnarar
                                       Guð gefi ykkur öllum góða nótt.

Lítill drengur, mikið brendur.

Þetta er hræðilegt litill drengur og eldri maður, en drengurinn
á gjörgæslu og guð má vita hvernig hann kemur út úr þessu.

Skildi hafa lekið gas? Er það ekki algengasta orsökin fyrir
svona löguðu.

Sprenging í húsbíl í Grindavík